Unicode

မနက်ခင်းနိုးလာတော့ ‌ပြတင်းပေါက်ကတစ်ဆင့် ဖြတ်ဝင်လာတဲ့ နေရောင်ခြည်တွေက ဓီရာ့ကိုလွှမ်းခြုံထားလေသည်။ ဘာလိုလိုနဲ့ အသက်တောင် 1နှစ်ကြီးလာပြန်ပါလား။ ကုတင်ပေါ်ကဆင်းပြီး အောက်ထပ်ကိုဆင်းသွားတော့ Dionက လှေကားခြေရင်းကဆီးကြိုပြီး

"Good morning ဓီ။ ဒီနေ့ ဓီ့မွေးနေ့မှာ ကိုယ်supriseတစ်ခုစီစဉ်ထားတယ်"

"Supriseဟုတ်လား ဘာပါလိမ့်"

"သိချင်တယ်မလား။ သွား အရင်ရေသွားချိုးလိုက်။ ပြီးရင် သိရလိမ့်မယ်"

"အင်းအင်း။ ကျွန်တော်ရေသွားချိုးလိုက်ဦးမယ်အဲ့တာဆို"

"အင်း"

အပေါ်ပြန်တက်ပြီး ရေသွားချိုးတဲ့ ဓီ့ကိုကြည့်ပြီး Dion အောက်ထပ်ကအခန်းထဲကိုဝင်သွားလိုက်သည်။

ဓီရာရေချိုးပြီး အင်္ကျီဝတ်ဖို့ ဗီရိုလှပ်လိုက်တော့ အညိုရောင် Chino pant တစ်ထည်နဲ့ ကာကီရောင် shirtလက်ရှည်တစ်ထည်နဲ့အတူ ကော်ဖီရောင် long coatကိုတွေ့ရသည်။

" Dionပြောတဲ့ superiseဆိုတာ ဒါများလား"

ဓီရာ outfitကိုအပြည့်အစုံဝတ်ပြီး အောက်ဆင်းသွားတော့ အနက်ရောင်စ‌ပို့ရှပ်နဲ့ အပေါ်က leather double rider jacketအနက်‌ရောင်
နဲ့အတူ အနက်ရောင် straight leg trousers ကိုဝတ်ထားတဲ့ ခပ်ချောချော ပြင်သစ်သားလေးကိုတွေ့ရသည်။ ဒီလိုဝတ်ထားတာ တကယ်Dionနဲ့လိုက်ဖက်လွန်းသည်။

"Dion ပြောတဲ့supriseဆိုတာဒါလား"ဆိုပြီး ခန္ဓာကိုယ်ကိုလှည့်ပြလိုက်တော့

"ဒါက အသေးစားလေးပါ။ နောက်ထပ်တွေအများကြီးကျန်သေးတယ်။ လာ နောက်ထပ်တစ်ခုကိုယ်ပြမယ်" ဆိုကာ ဓီရာ့ကိုအိမ်အပြင်ဘက်ခေါ်သွားသည်။

အိမ်အပြင်ရောက်တော့ 2018ခုနှစ်ထွက် Suzuki motorcycleတစ်စီးကိုတွေ့လိုက်ရသည်။

"ဒီဆိုင်ကယ်က.."

"အာလာဒင်ကဂျက်စမင်ကို အလည်အပတ်ခေါ်တုန်းက ကော်ဇောပျံနဲ့ ခေါ်တယ်မလား။ ကိုယ်ကကျ ဓီ့ကိုဒီဆိုင်ကယ်နဲ့ခေါ်သွားမှာ"

"ဆိုတော့ ဒီနေ့ဆိုင်ကယ်နဲ့လျှောက်လည်ကြမယ်ဆိုတဲ့သဘောပေါ့"

"ဒါပေါ့။ ဘယ်လိုလဲ Supriseဖြစ်ရဲ့လား"

"အင်း ဖြစ်ပါတယ်။ ကျွန်တော် ဒီဆိုင်ကယ်ကိုမြင်တော့ ပထမဆုံးတွေးလိုက်မိတာကလေ ကျွန်တော့်ကိုဒီဆိုင်ကယ်ကြီးများ ‌မွေးနေ့လက်ဆောင်ပေးတာလားလို့"

ဓီကရယ်‌ရယ်မောမောပြောတော့ Dionက ငုံ့ပြီး Dionမျက်လုံးတွေကိုစိုက်ကြည့်ကာ

"ဓီသာလိုချင်ရင်ဘယ်အရာဖြစ်ဖြစ်ကိုယ်ပေးနိုင်ပါတယ်။ ဘာမဟုတ်တဲ့ပစ္စည်းကိရိယာတွေကအစ တန်ဖိုးကြီးတဲ့ချစ်ခြင်းမေတ္တာ‌အဆုံး"

အဓိပ္ပာယ်များစွာနဲ့စိုက်ကြည့်နေတဲ့ အဝါရောင်မျက်ဝန်းတွေကို ဓီရာရှောင်လွှဲဖို့အတွက် ကြမ်းပြင်ကိုသာကြည့်မိနေတော့သည်။ အဲ့မျက်ဝန်းတွေဆက်ကြည့်နေရင် ချစ်ခြင်းမေတ္တာကိုသူတောင်းဆိုမိတော့မှာ...။

"ကိုယ်တို့သွားကြရအောင်။ ကိုယ်ဆိုင်ကယ်ဦးထုပ်ဆောင်းပေးမယ်နော်"ဆိုပြီး ဆိုင်ကယ်ဦးထုပ်ဆောင်းပေးပြီး တိုက်ခန်းကနေထွက်လာခဲ့ကြသည်။

"လက်တွေအေးမယ်နော် ဓီ။ ကိုယ့်အိတ်ကပ်ထဲလက်ထည့်ထား"

"ဟုတ်ကဲ့"

ဆိုင်ကယ်နောက်ကထိုင်စီးရတဲ့ခံစားချက်ကတစ်မျိုးကောင်းသည်။ ဘယ်လိုခံစားချက်မျိုးလဲဆိုတာမဖော်ပြတတ်ပေမဲ့ အခုလိုမျိုးအမြဲတမ်း Dionနောက်မှာဘဲလိုက်စီးချင်မိသည်။
လေတိုက်နေပေမဲ့လည်း Dion အိတ်ကပ်ထဲလက်ထည့်ထားတဲ့အတွက် ဓီရာ့လက်တွေမှာအေးမနေတော့ပေ။

မနက်စာအတွက် Lasserre restaurantကိုသွားကြသည်။။ ပြင်သစ်အစားအစာဗေဒပညာ၏မဏ္ဍိုင်တစ်ခုဖြစ်သည့် Lasserre ၏ chefမှာ ထိပ်တန်း Michelin ကြယ်သုံးပွင့်စားဖိုမှူးများနှင့်အတူ လေ့ကျင့်သင်ကြားထားသည့် Nicolas le Tirrand ဖြစ်သည်။ ဆိုင်ရဲ့အပြင်အဆင်က မင်္ဂလာဆောင်အပြင်အဆင်နဲ့နည်းနည်းဆင်သည်။ အဖြူဆေးသုတ်ထားတဲ့တိုင်‌တွေရယ်၊ အဖြူရောင်စားပွဲခင်း ခင်းထားတဲ့စားပွဲတွေရယ်၊ အဖြူရောင်ပန်းတွေရယ်နဲ့ အပြင်အဆင်ကရိုးရှင်း‌‌ပြီးကျော့မော့လှသည်။ မနက်စာစားပြီးတော့ The Notre Dame Cathedral ကိုသွားကြသည်။

ပြင်သစ်ဘာသာဖြင့် 'Our Lady of Paris' ဟုအဓိပ္ပာယ်ရသော Notre Dame Cathedral သည် အပျိုစင်မာရီအတွက် ရည်စူးထားသော ဘုရားကျောင်းဖြစ်ပြီး ပြင်သစ် Gothic ဗိသုကာလက်ရာ၏ အကောင်းဆုံးနမူနာများထဲမှ တစ်ခုဖြစ်သည်။ ၎င်းသည် ပထမဆုံး Gothic ဘုရားရှိခိုးကျောင်းများထဲမှ တစ်ခုဖြစ်ပြီး ၎င်း၏တည်ဆောက်မှုသည် Gothic ကာလတစ်လျှောက်လုံးတွင် ဖြစ်ပွားခဲ့သည်။Notre Dame သည် ၎င်း၏ ပိုက်အင်္ဂါသုံးခု (သမိုင်းဝင်တစ်ခု) နှင့် ၎င်း၏ကြီးမားသော ဘုရားကျောင်းခေါင်းလောင်းများအတွက်လည်း ထင်ရှားသည်။
Notre Dame Cathedral သည် ၎င်း၏ ပန်းပုများနှင့် မှန်များပါသော ပြတင်းပေါက်များဖြစ်ပြီး ရှေး Romanic ဗိသုကာလက်ရာများနှင့်မတူဘဲ သဘာဝတရား၏ ပြင်းထန်သော လွှမ်းမိုးမှုကို ပြသထား၏။ ဘုရားကျောင်းကိုလှည့်ပတ်ကြည့်ပြီးအပြင်ပြန်ထွက်လာတော့ 10နာရီ36မိနစ်ရှိနေလေပြီ။

"ကိုယ်တို့ အခုနေရာတစ်ခုကိုသွားကြမယ်။ အဲ့နေရာမှာ စပျစ်ခြံတွေလည်းရှိတယ်။ ပြီးတော့အရမ်းလည်းလှတယ်"

"အဲ့ဆိုသွားကြတာပေါ့"

နေရာတစ်ခုကိုရောကနေ ဆိုင်ကယ်ကိုရပ်လိုက်ပြီးDionက သူ့အသိတစ်ယောက်ကိုဖုန်းဆက်လိုက်တော့ ခဏအတွင်းပင် လူနှစ်ယောက်ဆိုင်ကယ်တစ်စီးနဲ့ရောက်လာပြီး Dionက‌ခေါင်း
ငြိမ့်ပြလိုက်တော့ Dionဆိုင်ကယ်ကိုယူသွားကြသည်။

"အယ် ဆိုင်ကယ်ကြီးကိုသူတို့ကယူသွားတော့ ကျွန်တော်တို့ကဘယ်လိုသွားကြမှာလဲ"

"ရထားနဲ့သွားမှာလေ။ ဓီ ရထားစီးရတာသဘောကျတယ်ဆိုလို့။ ကိုယ်ဒီလိုစီစဉ်လိုက်တာ"

"ဪအဲ့လိုလား။ ကောင်းတယ်ကောင်းတယ် ရထားနဲ့သွားကြတာပေါ့"

"သွားရအောင်"

"ဟုတ်"

ရထားပေါ်ရောက်တော့ Dion ကairpod တစ် ဖက်ကမ်းပေးပြီး

"ရထားစီးရင်း သီချင်းနားထောင်ရတာကြိုက်တယ်ဆိုလို့"

Dion ကမ်းပေးတဲ့airpodကိုယူပြီး ခေါင်းငြိမ့်ပြလိုက်သည်။Dionက Shawn Mendesရဲ့ Falling all in youသီချင်းကိုဖွင့်ပေးသည်။ပြီးတော့ ရထားစီးတဲ့လမ်းတစ်‌လျှောက်လုံးမှာလဲ ဓီရာကြိုက်ပါတယ်ဆိုတဲ့ သီချင်းတွေကို‌ဘဲနားထောင်ကြသည်။ရထားပေါ်ကဆင်းပြီး ဘူတာရုံကနေ လမ်းအနည်းငယ်လျှောက်လာတော့ ရင်သပ်ရှုမောဖွယ်ကောင်းသည့်မြင်ကွင်းကိုမြင်လိုက်ရသည်။

"ကိုယ်တို့ အခုMontmartre ဆိုတဲ့နေရာကိုရောက်နေတာလေ။ Parisကိုရောက်တာနဲ့လာလည်သင့်တဲ့နေရာမှာ Montmartre လည်းပါတယ်။ ဘယ်လိုလဲ လှတယ်မလား"

"အင်း တကယ်လှတယ်"

"ဒီနေ့လည်း ကိုယ်တို့လမ်းလျှောက်ရဦးမှာ"

"ကျန်းမာရေးကောင်းတာပေါ့။ လျှောက်ကြတာပေါ့"

လမ်းလျှောက်ရင်း ခပ်တည်တည်ဖြင့်Dion ဓီရာ့လက်ကိုဆုပ်ကိုင်လိုက်ပြီး အိတ်ကပ်ထဲကိုထည့်လိုက်သည်။ ဓီရာကမော့ကြည့်တော့ မသိလေဟန်နဲ့ မျက်ခုံးပင့်ပြလိုက်ပြီး လမ်းမှာတွေ့ရတဲ့နေရာတွေအကြောင်းကိုသာပြောပြနေလိုက်သည်။Sacré-Cœur basilicaကိုရောက်တော့ ခဏဝင်ကြည့်ပြီးပြန်ထွက်လာခဲ့ကြသည်။
Sacré-Cœur basilica သည် ကျေးဇူးတော်နှင့် ခမ်းနားမှု၏ လက်ရာတစ်ခုပင်ဖြစ်သည်။

Sacré-Cœur basilicaကထွက်လာပြီး
Butte (ကုန်း) Montmartre တွင်တည်ဆောက်ထားသော Basilicaမှ ပါရီမြို့၏အတားအဆီးမဲ့မြင်ကွင်းကိုကြည့်ရှုခဲ့ကြသည်။ ဓီကဓာတ်ပုံရိုက်ချင်တယ်ဆိုတာနဲ့ Dion ဓီရာ့ဖုန်းကိုလှမ်းယူပြီး ဓာတ်ပုံသုံးပုံရိုက်ပေးလိုက်သည်။ ဓာတ်ပုံရိုက်ပေးပြီးတော့ ဓီရာကDionကိုအတူတူဓာတ်ပုံရိုက်ဖို့ခေါ်ပြီး ဘေးကဖြတ်သွားတဲ့ touristတစ်ယောက်ကိုအကူအညီတောင်းကာ နှစ်ယောက်အတူဓာတ်ပုံရိုက်ခဲ့သေးသည်။

"ဒီဓာတ်ပုံကိုပြီးကျကိုယ့်ဖုန်းထဲပို့ပေးဦး ဓီ"

"ဪ ဟုတ်ပြီဟုတ်ပြီ"

Montmartre ခရိုင်ရှိ အထင်ကရ လေရဟတ် တစ်ခုဖြစ်တဲ့ Moulin Rouge ကိုသွားကြည့်ကြပြီး Square Louise Michel ကိုသွားကြသည်။
နောက်ပြီး တခြားထင်ရှားတဲ့နေရာ‌တွေဆီသွားလည်တဲ့ ‌တစ်လျှောက်မှာကျောက်သားလမ်းများ၊ ကုန်စုံဆိုင်ငယ်များနှင့် ကော်ဖီဆိုင်များနှင့်အတူ ဒဏ္ဍာရီလာခရိုင်၏ ကျက်သရေကိုတွေ့ရှိရပေသည်။

"ဓီ"

"အင်း ပြောလေ Dion"

" ဓီ Parisမြို့ကိုသဘောကျလား"

"အင်း သဘောကျပါတယ်။ ဘာလို့လဲ"

"Parisမြို့မှာ အခြေချဖို့စဉ်းစားမိလား"

"အဲ့လိုတော့ မစဉ်းစားမိဘူး။ ဒီမှာအခြေချဖို့ဆိုတာ သဘောကျရုံတစ်ခုနဲ့ဘဲစဉ်းစားလို့ရတာမှမဟုတ်ဘဲ။ အကြောင်းအရင်းတစ်ခုခုလိုတယ်လေ။ ဒီမြို့မှာအခြေချရမဲ့ အကြောင်းအရင်းတစ်ခု"

"ကိုယ်ဆိုရင်ရော။ ဒီမြို့မှာအခြေချရမဲ့အကြောင်းအရင်းက ကိုယ်ဆိုရင်ရော ဓီ"

"ကျွန်တော့်ရည်မှန်းချက်က မြန်မာနိုင်ငံမှာရှိနေတာလေ Dion။ ဒီမှာအခြေချဖို့ဆိုတာဘယ်လိုမှမဖြစ်နိုင်ဘဲဟာ။ Dionရော ဒီမြို့ကိုစွန့်ခွာပြီး မြန်မာနိုင်ငံမှာအခြေချဖို့စဉ်းစားမိလား"

"အခြေချဖို့အကြောင်းအရင်းက ဓီဖြစ်နေရင် ကိုယ့်အလုပ်တာဝန်တွေပြီးရင် ဓီရှိတဲ့မြန်မာနိုင်ငံမှာကိုယ်အခြေချဖြစ်မှာ"

"ဘာလို့လဲ Daniel။ ဘာလို့Daniel မြန်မာနိုင်ငံမှာအခြေချမဲ့အကြောင်းအရင်းက ကျွန်တော်ဖြစ်နေတာလဲ"

"အဲ့တာက ကိုယ်...။ ကိုယ်ပြောဖို့အချိန်မတန်သေးဘူး ဓီ ။ သိသာနေတဲ့ဒီအခြေအနေကို
အချိန်တစ်ခုရောက်ရင် ကိုယ်ဖွင့်ဟပါ့မယ်"

မျက်နှာလွှဲသွားတဲ့ဓီ့ဆီမှာ ဘာအရိပ်‌အယောင်မှမတွေ့ရပေ။

"ဓီ ပုံတူပန်းချီဆွဲချင်လား"

Place du Tertre ကိုရောက်လာတော့ ပရော်ဖက်ရှင်နယ်ရေးဆွဲသူနဲ့ ကာတွန်းဆရာ ဒါဇင်ပေါင်းများစွာနဲ့ သူတို့ရဲ့အနုပညာလက်ရာများကိုမြင်တွေ့နေရ၏။

"မဆွဲချင်ဘူး Dion။ ဒါပေမဲ့ ကျွန်တော်လိုချင်တာတစ်ခုရှိတယ်။ အဲ့တာက Dion ကိုယ်တိုင်
ကျွန်တော့်အတွက်ဆွဲထားတဲ့ပန်းချီကားဘဲ"

Place du Tertreမှာခဏလျှောက်ကြည့်ပြီးတော့

Montmartre ၏ ရထားငယ်ကိုလှည့်ပတ်စီးကြသည်။ ပြီးတော့ စားသောက်ဆိုင်တစ်ခုမှာနေ့လည်စာဝင်စားကြပြီး Effel Tourကိုဆက်ခရီးဆက်ကြသည်။

ပါရီမြို့ရဲ့ အမှတ်သ‌ေင်္ကတဖြစ်တဲ့ အီဖယ်တာဝါကိုရောက်တော့ နှစ်ယောက်အတူတူဓာတ်ပုံရိုက်ကြပြီး ‌ခဏလောက်လျှောက်ကြည့်ကြကာ တိုက်ခန်းကိုပြန်လာခဲ့ကြသည်။တိုက်ခန်းရောက်တော့ Dionကအောက်ထပ်ကရေချိုးခန်းမှာရေမိုးချိုးပြီး ဓီကဓီ့အခန်းမှာရေချိုးကာညပိုင်းအော်ပရာသွားကြည့်ဖို့အတွက်ပြင်ဆင်နေကြသည်။ အကုန်ပြင်ဆင်ပြီးလို့ အောက်ဆင်းသွားတော့ Dionကအိမ်အပြင်ဘက်ကိုရောက်နေလေပြီ။ ဆိုင်ကယ်ကိုမှီပြီးရပ်နေရာက ဓီရာ့ကိုမြင်တော့ ခြေဆုံးခေါင်းဆုံးကြည့်ပြီးပြုံးကာ "အရမ်းချောတယ်"ဆိုပြီး ပြောလာ၏။
တကယ်တမ်းအရမ်းချောတာ ဓီရာမဟုတ်ဘဲ ဓီရာ့ရှေ့မှာရပ်နေတဲ့ အနက်ရောင်အနောက်တိုင်းဝတ်စုံနဲ့ ပြင်သစ်သားလေး။

"ကိုယ်တို့သွားကြ‌တော့မလား ဓီ"

"သွားကြတာပေါ့ Dion"

ညဘက်ပါရီမြို့ရဲ့မီးရောင်စုံလမ်းမထက် မောင်းနှင်နေတဲ့ ဆိုင်ကယ်တစ်စီးဟာပျော်ရွှင်စရာတွေပြည့်နှက်နေကြောင်းနဲ့ ဆိုင်ကယ်ပေါ်ကလူသားနှစ်ယောက်ဟာလဲ ကြည်နူးမှုတွေပြည့်နှက်နေကြောင်းကို အကြင်သူတွေကိုယ်တိုင်တောင်သိကြမည်မထင်ပါ။

အော်ပရာရုံအဝင်ဝရောက်တော့ Dionကဓီရာ့လက်ကိုသူ့လက်မှာချိတ်ပြီးဝင်ကြဖို့ပြောလို့ လက်ချိတ်ပြီးဝင်ကြသည်။

"အခုလိုလက်ချိတ်ထားတော့ ဓီနဲ့ကိုယ်နဲ့ကလျှောက်လမ်းမှာလျှောက်နေကြတဲ့ သတို့သားနှင့်သတို့သမီးလိုဘဲနော်"

"ဟမ်...အင်း"

"တကယ်အဲ့လိုဖြစ်ရင်ကောင်းမှာဘဲ"

Dionပြောလိုက်တဲ့စကားကိုဓီရာရှင်းရှင်းလင်းလင်းကြားလိုက်ရတာ‌ကြောင့် ရှက်ပြီးမျက်နှာတွေပူနေမိသည်။ အော်ပရာရုံထဲမှာလည်း Dionက အော်ပရာအကြောင်းတွေကို ပိုစိတ်ဝင်စားအောင်ပြောပြသည်။အော်ပရာပြဇာတ်ကြည့်ရတာကစိတ်မဝင်စားလို့ပုံမှန်ဆိုပျင်းစရာကောင်းတယ်ဆိုပေမဲ့ ဘေးနားကပြင်သစ်သားလေးကြောင့် ပိုပြီးစိတ်ဝင်တစားရှိမိလေသည်။ ပြဇာတ်ပြီးသွားတော့ Dionက'Girafe'စားသောက်ဆိုင်ကိုခေါ်သွားသည်။

"ဒီဆိုင်က viewကောင်းတယ်လေ။ Effel Tourရဲ့ညပိုင်းမြင်ကွင်းကိုကြည့်ရင်းနဲ့ dinnerစားလို့ရတယ်"

"ဒီdinnerတော့ကျွန်တော်ကျွေးပါရစေ တစ်နေကုန်Dionကဘဲအကုန်အကျခံထားတာဆိုတော့လေ"

"ဓီကျွေးချင်တဲ့စေတနာဆိုကိုယ်လက်ခံမယ်။အဲ့လိုမဟုတ်ဘဲ ကိုယ့်ကိုအားနာလို့ကျွေးတာဆိုကိုယ်မစားဘူး"

"ကျွန်တော် Dionကိုတကယ်စေတနာနဲ့ကျွေးချင်တာပါ။ တစ်နေကုန်ကျွန်တော်အကုန်အကျခံချင်ပေမဲ့ Dionကချည်းရှင်းရှင်းသွားလို့"

"ဟုတ်ပါပြီ အဲ့လိုဆိုလဲကျွေးပါကျွေးပါ"

"အင်းအင်း"

ညစာကိုပျော်ပျော်ပါးပါးစားပြီးတော့ Seine မြစ်မှာcruiseစီးဖို့ထွက်လာခဲ့ကြသည်။ ဆိုင်ကယ်ကိုဘေးတစ်နေရာချရပ်ပြီး Seineမြစ်ဘေးတစ်လျှောက် လေညှင်းခံရင်း လမ်းလျှောက်ထွက်ခဲ့သည်။ Dionက dinner cruiseကိုbookingတင်ထား‌တဲ့အတွက် cruiseပေါ်မှာပါ Dinnerနောက်တစ်ခါထပ်စားရမလိုဖြစ်နေသည်။ snackတစ်ချို့နဲ့ သောက်စရာဝိုင်တစ်ပုလင်းလာချပေးတဲ့စားပွဲထိုးကို Dionကအပိုဆုကြေးပေးကာပြန်လွှတ်ပြီး ဓီ့ဖန်ခွက်ထဲကို ဝိုင်ထည့်ပေးသည်။ ဝိုင်ထည့်ပေးပြီး ဝိုင်ခွက်နှစ်ခွက်ကိုယူကာ ဓီ့ကို စားပွဲကထခိုင်းပြီး night viewကြည့်ရန်ခေါ်သည်။

Cruiseပေါ်ကနေကြည့်ရတဲ့night viewကပိုထူးခြားသလိုပင်။ ပြင်သစ်မှာ ရှိတဲ့အရာရာတိုင်းကလဲလှပလွန်း၏။ အထူးသဖြင့်ဓီ့ဘေးမှာ ရပ်နေတဲ့ ပြင်သစ်သားလေးပေါ့။

"ဓီ"

"ဗျာ"

"Viewကလှတယ်မလား"

"အင်း လှတယ်"

"ဓီခဏလေးနော်။ ကိုယ် toiletခဏသွားလိုက်ဦးမယ်။ မကြာဘူး ပြန်လာခဲ့မယ်"

"အင်းအင်း"

Dionထွက်သွားတော့ ဓီ တစ်ယောက်တည်းကျန်ခဲ့သည်။ ဘေးမှာတော့စားပွဲမှာထိုင်နေကြတဲ့လူတချို့ရှိပေမဲ့ သူတို့ကလဲသူတို့ရဲ့ပျော်ရွှင်မှုကိုတစ်ဝကြီးခံစားနေကြ၏။ ဓီရာလဲ 26မွေးနေ့မှာဖြတ်သန်းခဲ့ရတဲ့ပျော်ရွှင်ဖွယ်အကြောင်းအရာတွေအကြောင်းပြန်တွေးရင် ပြုံးမိနေမိသည်။ ဓီရာဝိုင်ကိုသောက်ဖို့ ‌နှုတ်ခမ်းဖျားမှာတေ့လိုက်တုန်း အနောက်ကနေ "ဓီ"ဆိုတဲ့ခေါ်သံကြားလို့လှည့်ကြည့်လိုက်တော့ Dion။ ပြီးတော့ တီးဝိုင်းတစ်ခု!

တယောသမားတွေစတီးတာနဲ့တစ်ပြိုင်နက် Dionက ဒူးထောက်၍

"Shall we dance?"ဆိုပြီး
ဓီရာ့ကိုလက်ကမ်းတော့ ဓီရာ‌ခေါင်းငြိမ့်ပြီး
လက်ပြန်ကမ်းလိုက်သည်။ ဓီရာ့ရဲ့ခါးကို သိုင်းဖက်လာတဲ့လက်တစ်စုံကြောင့် ဓီရာအနည်းငယ်လန့်သွားမိ၏။ Dionကစိတ်‌ကိုလျှော့ထားခိုင်းပြီးသူ့နောက်ကနေ လိုက်ကခိုင်းသည်။ ဓီရာတို့နှစ်ယောက်ရဲ့လက်တွေဟာဆုပ်ကိုင်ထားကြပြီးသံစဉ်အလိုက် ရွေ့လျားနေတဲ့ကကွက်တွေဟာ မနှေးမမြန်နဲ့။

ကြီးမားလှတဲ့ရင်ခွင်ထဲမှာ ဓီရာဟာကလေးလေးတစ်ယောက်လိုပင်။ ဓီရာ့လက်ကိုဆုပ်ကိုင်ထားတဲ့လက်တွေဟာ နွေးထွေး‌လွန်းနေပြန်သည်။ မီးရောင်‌အောက်က ပြင်သစ်သားလေးရဲ့မျက်နှာဟာ သိပ်ကိုချောမောနေလွန်းသည်။ သီချင်းသံလွင်လွင်လေးဟာပိုကျယ်လာသည်။

"Baby I'm dacing in the dark.
With you between my arms.
Barefoot on the grass,
listening to our favorite song..."

မြက်ခင်းပြင်တွေပေါ်မှာမဟုတ်ဘဲ အချစ်မြို့တော်ရဲ့အချစ်သင်္ဘောပေါ်မှာ ကခုန်နေရတဲ့အတွက် ရင်ခုန်သံစည်းချက်ဟာပို၍မြန်လာလေသည်။ အဲ့သီချင်းထဲကစာသားတစ်ကြောင်းလိုပါဘဲ။

"Now I know I have met an angle in person" နတ်သား‌လိုလူမျိုးကိုကျွန်တော်တွေ့ခဲ့ရပြီ။ ကျွန်တော့်ဘဝရဲ့အမှောင်ခွင်းအလင်းဆောင်ပေမဲ့ အလင်းရောင်ကိုကျွန်တော်တွေ့ခဲ့ရပြီ...

သီချင်းဆုံးတာနဲ့တစ်ပြိုင်နက် တီးဝိုင်းအဖွဲ့ကြားကနေ ပန်းစည်းကိုင်ထားတဲ့ကလေးမလေးတစ်ယောက်ထွက်လာပြီး Dionက ကလေးမလေးဆီကနေကျေးဇူးတင်စကားပြောပြီးယူလိုက်သည်။ ပြီးတော့ ဓီ့ကိုပန်းစည်းပေး၏။

"ရော့ ဓီ့အတွက်"

"ကျေးဇူးပါ"

"ဘယ်လိုလဲဓီ။ ဒါကဓီ့အတွက်supriseဖြစ်ရဲ့လား"

"ဖြစ်တာပေါ့။ Dionနဲ့အတူ တီးဝိုင်းကိုမြင်လိုက်ရတုန်းကတကယ်အံ့ဩသွားတာ။ Dionကလက်ကမ်းပေးမှကျွန်တော် အသိပြန်ကပ်တယ်။ သီချင်းကလဲ ကျွန်တော်သဘောကျတဲ့သီချင်းလေးနော်။ Dionမှတ်မိသားဘဲ"

"ကိုယ်ကဓီနဲ့ပတ်သတ်တဲ့အရာတွေမှန်သမျှအကုန်မှတ်မိပါတယ်။ ဒီအစီအစဉ်လေးက ဓီက Dilwaleရုပ်ရှင်ကားထဲက 5 minutes dateကိုသဘောကျတယ်ထင်လို့ အဲ့ထဲကတစ်စိတ်တစ်ပိုင်းကို ကိုယ်ဒီလိုမျိုးစီစဉ်လိုက်တာ။ ဓီသဘောကျတယ်မလား"

"ကျွန်တော်အရမ်းသဘောကျတယ်။ တကယ်အများကြီးသဘောကျတာ။ ပြီးတော့ဒီနှင်းဆီပန်းစည်းလေးကိုရောဘဲ"

" အဲ့နှင်းဆီပန်းစည်းလေးက အဓိပ္ပာယ်အများကြီးကိုဆောင်ထားတာ။ ‌သူဆောင်ထားတဲ့အဓိပ္ပာယ်တွေက အကုန်ချစ်စရာပေမဲ့ သူ့ရဲ့ဒဏ္ဍာရီဇာတ်လမ်းပုံပြင်တွေက ဝမ်းနည်းစရာဇာတ်သိမ်းတွေနဲ့ချည်းဘဲ။ နှင်းဆီရယ်မှမဟုတ်ပါဘူး  ပန်းတော်တော်များများရဲ့ဇာတ်လမ်းဇာတ်သိမ်းတွေကဝမ်းနည်းစရာတွေပါဘဲ"

" ပျော်စရာဆိုတာ ပန်းလေးတွေရဲ့ဇာတ်သိမ်းမှာ မရှိခဲ့တာပေါ့။ အင်း‌ပေါ့happy ever afterဆိုတာ အမြဲဘယ်ရှိနိုင်လိမ့်မလဲ နော့ Dionရာ"

"ကိုယ်ကတော့အဲ့လိုမထင်ဘူး။ ကိုယ့်အတွက်တော့ ဇာတ်သိမ်းဟာလှကိုလှရမယ်။ အကယ်၍ ဇာတ်လမ်းတစ်ပုဒ်ဟာဇာတ်သိမ်းမလှခဲ့ဘူးဆိုရင် အဲ့တာအဲ့ဇာတ်လမ်းရဲ့အဆုံးသတ်မဟုတ်လို့။ ဇာတ်လမ်းတိုင်းရဲ့အဆုံးသတ်ကိုကိုယ်ကတော့လှပစွာဘဲ အဆုံးသတ်စေချင်တာ။ အထူးသဖြင့် ပြင်သစ်မှာဖြစ်တည်ခဲ့တဲ့ နွေဦးဇာတ်လမ်းလေးတစ်ပုဒ်ကိုပေါ့"

ကိုယ့်ကိုစိုက်ကြည့်ရင်းပြောနေတဲ့မျက်ဝန်းတွေဟာ မြစ်ရေပြင်ပေါ်သို့ရှောင်လွှဲသွားခဲ့၏။

"ကျွန်တော့်‌‌မွေးနေ့ကို ထူးခြားပြီးမမေ့နိုင်စရာမွေးနေ့လေးဖြစ်အောင်လုပ်ပေးတဲ့အတွက် Dionကိုကျွန်တော် ရင်ထဲကနေလှိုက်လှိုက်လှဲလှဲနဲ့ ကျေးဇူးတင်ပါတယ်"

"မလိုပါဘူး ဓီကလည်း။ ဓီသဘောကျပြီး ပျော်တယ်ဆိုရင်ကို ကိုယ့်အတွက်လုပ်ပေးရကျိုးနပ်နေပါပြီ"

"အင်းပါ.."

"ဓီ.."

"ဗျာ"

"ဒီနှင်းဆီပန်းစည်းမှာ နှင်းဆီပွင့်ပေါင်း37ပွင့် ပါတယ်။ ပြီးတော့ ဆည်းဆာရောင်နှင်းဆီပန်းကိုကိုယ်ဘာလို့ပေးလဲ ဓီသိလား"

" ဟင့်အင်း။ မသိဘူး"

"ဆည်းဆာရောင် နှင်းဆီရဲ့ အဓိပ္ပာယ်က
'ကိုယ်မင်းကိုတကယ်ချစ်မိသွားပါတယ်'တဲ့
ပြီးတော့ နှင်းဆီ၃၇ပွင့်က
'နှလုံးသားထဲကနက်နက်ရှိုင်းရှိုင်းချစ်ရပါတယ်'

တဲ့"

ကြောင်အစွာကြည့်နေတဲ့ ရှေ့ကလူသားရဲ့နှုတ်ခမ်းဖူးတွေကို Dionငုံ့နမ်းလိုက်သည်။
ချိုတယ်...သိပ်ကိုချိုမြိန်လွန်းတယ်...

"ကိုယ်...ကိုယ်ဓီ့ကို နှလုံးသားထဲကနေတကယ်နက် နက်ရှိုင်းရှိုင်းချစ်တာပါ။ ဒါကိုယ့်ချစ်ခြင်းကိုဓီသိအောင် သတ္တိရှိစွာနဲ့ဖွင့်ပြောတဲ့သဘောပါ။ အတင်းပြန်ချစ်ခိုင်းတဲ့သဘောတရားမသက်ရောက်ပါဘူး"

ရှေ့ကလူသားပြောတဲ့စကားတွေက ဓီ့ကိုရေခဲရိုက်ထားသလိုပင်။ အနမ်းခံလိုက်ရတဲ့နှုတ်ခမ်းပါးတွေဆီကအနွေးဓာတ်ငွေ့ငွေ့ကိုသာ ဓီခံစားနေရသည်။ ဒီရုတ်တရက်ဆန်တဲ့အခိုက်အတန့်ဟာ ကြာရှည်တည်မြဲပါ့မလား...

အဝါရောင်မျက်ဝန်းတစ်စုံနဲ့
အညိုရောင်မျက်ဝန်းတစ်စုံထဲက
ခံစားချက်တွေကို လရောင်ကဖတ်နေပြီး
Seineမြစ်ရဲ့ရေပြင်ပေါ်မှာတော့
လရောင်ရဲ့အရိပ် ထင်ဟပ်နေလေသည်။

ထိုအခိုက်အတန့်
ဒီအခိုက်အတန့်ဟာ
ခံစားချက်တွေကိုဖုံးကွယ်နေတာလား
‌ဒါမှမဟုတ် ထုတ်ဖော်နေတာလား....။

"ဒိုင်း"

ရုတ်တရက်သေနတ်ပစ်သံကြားလိုက်ရပြီး သ‌ေင်္ဘာပေါ်ကလူတွေအကုန်ရုတ်ရုတ်သဲသဲဖြစ်သွားကြသည်။ Dionက ဓီ့လက်ကိုဆွဲပြီးလုံခြုံရတဲ့နေရာပြေး၏။ ပြီးတော့ ဓီ့ကိုဒီနေရာမှာဘဲထားခဲ့ကာ Dionကပြန်ထွက်သွားမလို့လုပ်တော့

"ဘယ်သွားမလို့လဲ Dion။ အပြင်မှာအရမ်းအန္တရာယ်များတယ်လေ"

"ကိုယ်သိပါတယ်။ ကိုယ့်ကိုစိတ်မပူနဲ့ ဓီ ခဏဘဲ"

Dionက ဓီ့မျက်ဝန်းကိုအလေးအနက်စိုက်ကြည့်ပြီးခေါင်းငြိမ့်ပြတော့မှာ ဆွဲထားတဲ့လက်ကိုလွှတ်ပေးသည်။

"ကိုယ်မကြာခင် ဓီ့ကိုပြန်လာခေါ်လှည့်မယ်"

"အင်း"

Dionခါးကြားထဲမှသေနတ်ကိုထုတ်ကာသင်္ဘောဦးစွန်းပိုင်းကိုပြန်သွားလိုက်သည်။
လှေကနေတစ်ဆင့် ‌သင်္ဘောပေါ်ကိုတက်လာတဲ့သူ့ရဲ့ရန်သူတွေကို လှမ်းပစ်ရာနှစ်‌ယောက်ထိသွား၏။ အနီးကိုရောက်လာကြတဲ့သူတွေကို သေနတ်မသုံးဘဲလက်ဗလာနဲ့ချဖို့ဟန်ပြင်လိုက်သည်။

၅ယောက်လောက်ဝိုင်းလာကြတာဖြစ်ပြီး သူတို့လက်ထဲမှာဓားမြှောင်တွေကိုင်ထားကြသည်။ နှစ်ယောက်ကအရင်ရှေ့တိုးလာပြီး ထိုးဖို့ပြင်တော့ တစ်ယောက်ရဲ့ ရင်ဘတ်ကိုစောင့်ကန်ပြီး ဓားထိုးဖို့ပြင်နေတဲ့နောက်တစ်ယောက်ရဲ့လက်ကို‌ဆွဲပြီး ဓားပြုတ်ကျသွားတော့ လည်စလုတ်ကိုလက်ဝါးစောင်းနဲ့ခုတ်လိုက်တာ တစ်ချက်ထဲနဲ့လဲသွား‌ေတာ့သည်။ခုနကလဲသွားတဲ့တစ်‌ယောက် ပြန်ထလာတာမြင်တော့
Dion ထပ်ကပ်လာတဲ့တစ်ယောက်ကိုလက်‌မောင်းထဲထည့်ကာ လည်ပင်းညှစ်ထားရင်းနေရင်း ခါးကြားထဲကသေနတ်နဲ့လှမ်းပစ်လိုက်သည်။ ကျန်တဲ့နှစ်ယောက်ကလဲသေနတ်တွေထုတ်ပစ်တော့ လက်မောင်းထဲကတစ်ယောက်ကိုရှေ့မှာကာလိုက်တာ သူ့တို့လူသူတို့ပစ်သလိုဖြစ်သွားသည်။ ကျည်ဆံကုန်သွားတဲ့နှစ်ယောက်ကို Dion ဝင်လုံးရင်း သင်္ဘောကုန်းပတ်မှာ ရုန်းရင်းဆန်ခတ်။ နောက်ဆုံးသေနတ်နဲ့အဆုံးသတ်ပေးလိုက်သည်။ ထပ်ရောက်လာတဲ့သေနတ်သမားတွေက ပစ်နေတာမလို့ Dionအကာအကွယ်ယူလိုက်ရသည်။ သေနတ်ကျည်ဆံဖြည့်ရင်း ‌နောက်ထပ်သေနတ်တစ်လက်ကိုထပ်ထုတ်လိုက်သည်။ သူတို့ဘက်ကတော်တော်ကျသွားတော့ Dionအကာအကွယ်ယူထားတဲ့နေရာကနေ အပြင်ကိုထွက်လိုက်တာနဲ့တစ်ပြိုင်နက် ဟိုဘက်ကမ်းမှစနိုက်ပါသမားရဲ့ကျည်ဆံဟာ Dionရှေ့ကနေဖြတ်သွား၏။ Dionအရှောင်မြန်လို့ လက်မောင်းကိုရှပ်ထိရုံဘဲထိသွားသည်။ Dionအကာအကွယ်ယူထားတဲ့နေရာမှာဘဲပြန်နေရပြီး Rinoဆီ့ကိုဖုန်းဆက်ကာ

(French ဘာသာစကားဖြင့်)

"Rino ငါဒီမှာအဝိုင်းခံနေရတယ်။ ဘယ်ကကောင်တွေလဲ‌တော့ငါမသိဘူး။ သေချာတာကတော့ ရဲတွေမဟုတ်ဘူး။ မင်းအမြန်လာကူမှရမယ်"

"အခုမင်းဘယ်မှာလဲ Rhyne"

"ငါအခု Seine cruiseပေါ်မှာ။ ကုန်းလမ်းပေါ်ကလှမ်းပစ်နေလို့ မင်းကကုန်းလမ်းပေါ်ကလူကိုရှင်းပေး။ ပြီးရင်သင်္ဘောပေါ်ကကောင်တွေအတွက်လူသုံးယောက်ခေါ်ခဲ့"

"ဟုတ်ပြီ Rhyne။ ငါလာခဲ့မယ်"

ဖုန်းကျသွားပြီးတာနဲ့ Dionနားရောက်လာတဲ့ကောင်တွေကို အငိုက်ဖမ်းကာလက်ဗလာနဲ့ဘဲချတော့သည်။ မကြာမီမှာဘဲ ဂိုဏ်းသားတစ်ချို့ရောက်လာပြီး Dionကိုလာကူကြသည်။ Rinoကလဲကုန်းလမ်းကကောင်တွေကိုလတ်စသတ်လိုက်သည်။ ဟိုကောင်တွေအကုန်မှောက်သွားတော့ သင်္ဘောလဲရောက်ရာနေရာကိုကမ်းကပ်လိုက်သည်။ ခရီးသည်တော်တော်များများပြေးဆင်းသွားကြပြီး ဓီကတော့ Dionကိုလာခေါ်ပြီးမှနှစ်ယောက်သားအတူတူသင်္ဘောပေါ်မှဆင်းကြသည်။ အောက်ရောက်တော့ Rinoက ဆီးကြိုပြီး Dionကို ပထုတ်သွား၏။

(ပြင်သစ်ဘာသာစကားဖြင့်)

"Rhyne မင်းထိသွားသေးလား"

"အင်း အပေါ်ယံလေးတင်။ ဘာမှမဖြစ်ဘူး။ အဲ့ကောင်တွေက boss‌လက်အောက်ကဖြစ်ပါလျက်နဲ့ ဘာလို့ငါကိုလုပ်ကြံတာလဲ။ Bossခိုင်းတာလား"

Lilith(black moon)ပုံကို သူတို့ရဲ့ လက်မနားက လက်ဖမိုးပေါ်မှာDionမြင်လိုက်လို့မေးခြင်းဖြစ်သည်။ ဒါ Dionတို့ဂိုဏ်းရဲ့အမှတ်သင်္ကေတပင်။

"ဘယ်ကသာbossခိုင်းရမှာလဲ Rhyne ရာ။ Bossကသူ့တောင်ပံတစ်ဖက်ကိုအပြုတ်ခံပါ့မလား။ ဒိီကောင်တွေက မင်းကိုသူလျှိုဆိုပြီး လုပ်ကြံနေတာ။ သူတို့မနေ့က ကောင်မလေးတွေကိုအီတလီဘက်ပို့တာ နယ်စပ်အကူးကြားမှာ အလစ်ဝင်အစစ်ခံရပြီး မိသွားတယ်လေ။ မင်းကဟိုတလောက မင်းသွားမဲ့လမ်းကြောင်း ဘာညာဝင်မေးသေးတယ်မလား။ အဲ့တာကို မင်းလို့ထင်ပြီး မင်းကိုတိုက်ခိုက်နေကြတာ။ ပြီးတော့bossကမင်းကိုအရေးပေးတာကိုလဲ သူတို့ဂိုဏ်းခေါင်းဆောင်ကမကြိုက်ဘူး‌။ အဲ့တော့သူတို့ကအငြှိုးနဲ့အလစ်တိုက်ကြတာ"

"အဲ့ကောင်တွေမိသွားတာ လူဘယ်နှယောက်ပါသွားတာလဲ"

"သူတို့ဂိုဏ်းကလူ၆ယောက်နဲ့ ကောင်မလေးတွေကတော့အကုန်လွတ်သွားတယ်ပြောတယ်"

"အဲ့တာကြောင့် အခုလိုငါ့ကိုအငြှိုးထားပြီးလုပ်ကြံတာပေါ့"

"ထားလိုက် Rhyne။ အခုဒီကိစ္စကိုငါbossကိုလှမ်းအကြောင်းကြားပြီးပြီ။ သူတို့ကမင်းကသူလျှိုဆိုပြီး bossကိုပြောထားတယ်ထင်တယ်။ bossကတော့မယုံဘူး။ အခုဒီကိစ္စကိုလဲသူ‌ဖြေရှင်းပြီး ဒီကောင်တွေကိုဆုံးမမယ်တဲ့။ မင်းကိုလဲပြောလိုက်သေးတယ် ဒီရက်ပိုင်းအတွင်းမှာပစ္စည်းရောက်စရာရှိ‌သေးတယ်တဲ့ အဲ့တာမင်းသွားယူရမယ်တဲ့"

"ငါမနက်ဖြန် အလုပ်ရုံကိုလာခဲ့မယ်"

"အင်း။ သွားတော့ Rhyneဟိုမှာ မင်းရဲ့မြန်မာနိုင်ငံသားစောင့်နေတယ်။ ငါတို့လဲသွားတော့မယ်"

"အေးအေး။ ကျေးဇူးပါကွာ "

"မလိုပါဘူး Rhyneရာ။ ဒါအချင်းချင်းပြောရမဲ့စကားမှမဟုတ်တာ။ ငါတို့သွားပြီ"

"အင်းအင်း"

Dionနဲ့သူ့မိတ်ဆွေစကားပြောနေတာကို ဒီအဝေးကနေကြည့်နေတုန်း ဓီ့ဘေးမှာ guideတစ်ယောက်က သူ့ခရီးသည်တွေကိုဒီအဖြစ်အပျက်နဲ့ပတ်သတ်ပြီးရှင်းပြနေ၏။ Engလို‌ပြောပြနေတာကြောင့်ဓီနားလည်သည်။အဲ့guideပြောတာက
"ဒီမှာက ဒီလိုဖြစ်နေကျပါဘဲ။ မူးယစ်ဆေးဝါးဂိုဏ်းကလူတွေအချင်းချင်းဖြစ်တာမလို့
စိတ်ပူစရာမလိုပါဘူး။ မူးယစ်ဆေးဝါးဂိုဏ်းကလူတွေဆိုလို့လဲလန့်မသွားပါနဲ့ဦး။ သူတို့ကအပြင်လူကိုဒုက္ခပေးတတ်တဲ့သူတွေမဟုတ်ဘဲ သူတို့အချင်းချင်းဘဲ ပစ်ကြခတ်ကြတာပါ"တဲ့။ မူးယစ်ဆေးဂိုဏ်းကလူတွေတဲ့လား။ အဲ့ဆို...အဲ့ဆို Dionက။ မဟုတ်တာ Dionကအဲ့ထဲကလူမဟုတ်ပါဘူး။ ဟုတ်တယ် Dionကဘယ်လိုလုပ်အဲ့ထဲကလူဖြစ်ပါ့မလဲ။ ဓီရာအ‌တွေးတွေနဲ့ဝေဝါးနေတုန်း Dionက ဓီရာ့ဆီပြေးလာနေသည်ကိုတွေ့နေရသည်။

"ဓီ"

Rinoတို့ထွက်သွားပြီး ဓီ့ကိုပြန်သွားတော့ ဓီမျက်နှာမကောင်းပေ။

"Dion ထိသွားသေးလား။ ဘယ်နားထိ‌သွားသေးလဲဟင်"

"ကိုယ်ဘာမှမဖြစ်ပါဘူး"

"ဘာလို့အဲ့လိုလုပ်ရတာလဲ။ တစ်ခုခုကြီးကြီးမားမားဖြစ်သွားခဲ့ရင် ဘယ်လိုလုပ်မလဲ။ ဘာလို့..ဘာလို့ အဲ့လိုလုပ်ရတာလဲ"

Dionကိုမော့ကြည့်ရင်းစိတ်ပူနေတဲ့ အနှီလူသားလေးက ရုတ်တရက်ဆိုသလို ထငိုတော့ Dionပျာယာခတ်သွားသည်။ လက်မောင်းကသွေးထွက်နေတဲ့ဒဏ်ရာကိုပင် ဂရုမစိုက်နိုင်တော့ဘဲ ဓီ့ကိုသူ့ရင်ခွင်ထဲဆွဲဖက်ထားလိုက်သည်။

"ကိုယ်အဆင်ပြေပါတယ်။ ကိုယ်တကယ်အဆင်ပြေတယ်။ အခုလဲကိုယ်ဘာမှမဖြစ်ဘူးလေ နော်။ ဓီမငိုနဲ့တော့လေ"

ကိုယ့်ရင်ဘတ်မှာမျက်နှာအပ်‌ငိုနေတဲ့လူသားလေးရဲ့ခန္ဓာကိုယ်မှာ တသိမ့်သိမ့်တုန်နေသည်။

"မငိုနဲ့တော့လေ