အပိုင်း ၄၈။ အားကောင်းမောင်းသန် ပြိုင်ဖက်

ငရဲသားတွေက သူတို့ရဲ့ မြင့်မြတ်တဲ့ဂုဏ်ကို ဆုံးရှုံးသွားခဲ့ရပေမဲ့ အရေးပါတဲ့ ရာထူး ရထားကြသူတွေအတွက်တော့ လုံးဝ လွှမ်းမိုးသက်ရောက်မှု မရှိပါဘူး။

ကြီးမားတဲ့ စွမ်းအား မရှိတဲ့ ငရဲသားတွေဟာ အဲ့ရာထူးမြင့်မျိုး မရနိုင်ကြပါဘူး။ အဆက်အသွယ်တွေနဲ့သာ အဲ့လို ရာထူးမျိုး ရနိုင်ပေမဲ့ အဲ့တာက လူတချို့ကို မကျေနပ်မှု ဖြစ်ပွါးစေပါတယ်။ ဒါပေမဲ့ ရာထူးမြင့်မှာ ရောက်နေကြတဲ့ ငရဲသားတွေဟာ ချင်းမင်ယွိလိုမျိုး ကြီးမားတဲ့ခွန်အားကို မှန်မှန်ကန်ကန် ပိုင်ဆိုင်ထားကြသူတွေ ဖြစ်တယ်။

သူက အစိမ်းရောင် ငရဲသား အမဲလိုက်အဖွဲ့ရဲ့ ခေါင်းဆောင် ဖြစ်လာတယ်ဆိုကတည်းက သူ့ခွန်အားကို လျော့မတွက်သင့်ပေ။ ဒါ့အပြင် အဲ့ဒီ့လူဟာ သူ့ရဲ့ ထူးခြားပြောင်မြောက်တဲ့ အရည်အချင်းကြောင့် မျိုးဆက်သစ်လူငယ်ထဲမှာလည်း ထင်းနေတယ်။

ချင်းမင်ယွိက နတ်ဘုရားဘုရင်နယ်ပယ် အဆင့်သုံး ရောက်နေပြီ ဖြစ်တယ်၊ ဆိုလိုတာက သူ့ကျင့်ကြံမှုအဆင့်က အမှောင်ငရဲသား အရှင်ထက် နှစ်ဆင့်ပဲ နိမ့်တယ်။

ဒါပေမ့ သူ့အသက်ကို ထည့်စဉ်းစားမယ်ဆိုရင် ချင်းမင်ယွိ အသက်တစ်ရာ မရောက်သေးပေမဲ့ သူ့ဘယ်လောက်တောင် အရည်အချင်းရှိသလဲဆိုတာဟာ လူတိုင်း အံဩဖွယ်ဖြစ်တယ်။

သူ့အရည်အချင်းကြောင့် အနားယူည မြို့တော်မှာ ဂယက်တစ်ခု ထသွားခဲ့တယ်။ အဲ့အချိန်တုန်းက သူ့ပတ်ပတ်လည်က ကြယ်တွေရဲ့ အရောင် မှေးမှိန်သွားစေတဲ့ အတောက်ပဆုံး ကြယ်တစ်ပွင့်လိုမျိုး ဖြစ်နေတဲ့အတွက် သူက လူတိုင်းရဲ့ ချစ်ခင်မြတ်နိုးမှုကို ခံခဲ့ရတယ်။

အဲ့အချိန်မှာ ချင်းမင်ယွိ ငရဲသားမိသားစု တစ်စုလုံးရဲ့ အထောက်အပံ့ကို ရရှိခဲ့တာကြောင့် သူ့ကျင့်ကြံမှုနှုန်းကလည်း အရမ်းကို အတက်မြန်ခဲ့တယ်။

သူ အဲ့ဒီ့ ဆေးလုံးကောင်းပေ့ညွန့်ပေ့တွေအားလုံးကို စားပြီးတဲ့နောက် သူ့ကျင့်ကြံဆင့် အလျင်အမြန် တိုးတက်သွားခဲ့တယ်။ လွန်ခဲ့တဲ့ နှစ်နှစ်တုန်းက သူက နတ်ဘုရားဘုရင် နယ်ပယ် ပထမအဆင့်ကို ကျော်ဖြတ်သွားနိုင်ခဲ့ပြီး ဒုတိယအဆင့်ကို ရောက်သွားခဲ့တယ်။

သူ့အောင်မြင်မှုက ငရဲသားမိသားစုရဲ့ အကူအညီနဲ့ ပတ်သက်နေပေမဲ့ သူ့ရဲ့ မွေးရာပါ အရည်အချင်းကလည်း အရေးကြီးတဲ့ အချက်တစ်ခု ဖြစ်တယ်။ သူ့ရဲ့ ခိုင်မာတဲ့ ခံယူချက် မရှိဘူးဆိုရင် သူ အဲ့ဒီ့အဆင့်ကို ရောက်နိုင်မှာ မဟုတ်ဘူး။

အဲ့အချိန်မှာ ချင်းမင်ယွိ ရာထူးအမြင့်တစ်နေရာ ရောက်ဖို့ဆိုတာ အချိန်တစ်ခုပဲ လိုလိမ့်မယ်လို့ လူတိုင်း သိကြတယ်။

ဒါပေမဲ့ ငရဲသားမိသားစုက ချင်းမင်ယွိကို နတ်ဘုရားနဲ့ မိစ္ဆာနိုင်ငံတော်ကို ပို့ချင်လာတဲ့အခါမှာ ဒီလူငယ်လေးက လူတိုင်း မမျှော်လင့်ထားတဲ့ ဆုံးဖြတ်ချက်တစ်ခုကို ချလိုက်တယ်။

သူ ငရဲပြည်မှာ နေပြီး အစိမ်းရောင် ငရဲသား အမဲလိုက်အဖွဲ့ကို သူ့သဘောနဲ့သူ ဝင်ရောက်ဖို့ ဆုံးဖြတ်ခဲ့လိုက်တယ်။

ငရဲသားမိသားစုက သူတို့မိသားစုရဲ့ တရားဝင် အမွေဆက်ခံသူဖြစ်တဲ့ ချင်းမင်ယွိကို ငရဲပြည်မှာ မနေစေ့ချင်ဘူး။ ဒီထူးခြားဆန်းပြားတဲ့ ကမ္ဘာဟာ ငရဲမင်းကြီးရဲ့ ကာကွယ်မှုအောက်မှာ တည်ရှိပေမဲ့ ကျင့်ကြံသူတို့ ဖွံ့ဖြိုးတိုးတက်မှုအတွက် အကျိုးဆုတ်ယုတ်စေတဲ့ အချက်တွေဖြစ်တဲ့ အတားအဆီး ကန့်သတ်ချက်တွေ အများကြီး ရှိတယ်။ ကျင့်ကြံခြင်း အမြင့်အဆင့်တွေမှာ အန္တရာယ်များတဲ့ နေရာတွေမှာ အခက်အခဲတွေ ကျော်ဖြတ်ရတာမျိုးတွေ ပါတယ်၊ ဘာလို့လဲဆိုတော့ တစ်ဦးတစ်ယောက်ရဲ့ အလားအလာဟာ သူ့ရဲ့သေရေးရှင်ရေး တိုက်ပွဲတွေကနေ လှုံ့ဆော်မှုတို့ကြောင့် ဖြစ်တယ်။

အဲ့တာကြောင့် ချင်းမင်ယွိကို အရည်အချင်းရှိတဲ့သူတစ်ယောက်အနေနဲ့ နတ်ဘုရားနဲ့ မိစ္ဆာနိုင်ငံတော်ကို သွားသင့်တာဖြစ်တယ်။

ဒါပေမဲ့ သူ့ဆုံးဖြတ်ချက်ဟာ အလွန်တရာကို သနားစရာကောင်းတယ်လို့ မြင်တယ်။

သူ အစိမ်းရောင် ငရဲသား အမဲလိုက်အဖွဲ့ကို ဘာဖြစ်လို့ ဝင်ရောက်တာလဲဆိုတာ ဘယ်သူမှ​ မသိကြဘူး၊ ဒါပေမဲ့ လူတိုင်းကတော့ သူ့အရည်အချင်းနဲ့ သူ့အလုပ်ကြိုးစားမှုတို့ကို မျက်ဝါးထင်ထင် တွေ့မြင်ခဲ့ကြရတယ်။

နှစ်နှစ်အတွင်းမှာပဲ သူ နတ်ဘုရား ဘုရင် နယ်ပယ် ဒုတိယအဆင့်ကို ချိုးဖျက်နိုင်ပြီး ဖြစ်ပြီး၊ ငရဲသားမိသားစုဆီကနေ ဘာဆေးဝါးမှ မကူဘဲ တတိယအဆင့်ကို သူ ရောက်သွားပြီ ဖြစ်တယ်။ အခု သူရဲ့ခွန်အားက ငရဲသားမိသားစုထဲမှာ စွမ်းအားအကြီးဆုံးသူအနေနဲ့ အပြင်လူတွေက မှတ်ယူထားကြတဲ့ အမှောင်ငရဲသားအရှင်ပြီးရင် ဒုတိယလိုက်တယ်။ လူတိုင်း သူ့အောင်မြင်မှုအတွက် အံ့အားသင့်ကြရသလို အစိမ်းရောင် ငရဲသား အမဲလိုက်အဖွဲ့ထဲကို ဝင်ရောက်ရခြင်း ရည်ရွယ်ချက်အပေါ်ကိုလည်း ထင်မြင်ချက် အချို့ကို ပြုနေကြတာ ဖြစ်တယ်။

ပိုတာက အဲ့ဒီ့ အရည်အချင်းရှိ၊ ထူးချွန်ထက်မြက်ပြီး အလွန်တရာ ချောမောခန့်ညားတဲ့ အမျိုးသားဟာ ငရဲပြည်ရဲ့ မိန်းမငယ်ပေါင်း များစွာကို ဖမ်းစားနိုင်တာ ဖြစ်တယ်။

အစိမ်းရောင် ငရဲသား အမဲလိုက်အဖွဲ့မှာရော အနားယူည မြို့တော်မှာပါ ချင်းမင်ယွိက အလွန့်အလွန် ကျော်ကြားတယ်။

ဖုန့်ရှီ အဲ့တစ်ချက်ကိုတော့ သူ့ကို ဘယ်တော့မှ မှီမှာမဟုတ်ပေ။

ဖုန်ရှီက သူ အနာဂတ်မှာ တူတူတွဲအလုပ်လုပ်ရမယ့်သူ အကြောင်းကို လေ့လာထားချင်လို့ ချင်းမင်ယွိအကြောင်း ရှိသမျှ သတင်းအကုန်လုံး တင်ပြဖို့ စာအုပ်နတ်ဘုရားကို ပြောလိုက်တယ်။ ဖုန့်ရှီက ချင်းမင်ယွိရဲ့ ဇာတ်ကြောင်းကို နားထောင်လိုက်ရတော့ သူ အရမ်းအထင်ကြီးသွားတယ်။

"သခင်၊ လူတွေကို အပြင်ပန်းနဲ့တင် ဆုံးဖြတ်လို့မရဘူး။ အရည်အချင်းက လူနဲ့လွယ်လင့်တကူ လိုက်လျောညီထွေမှုရှိလိမ့်မယ်လို့ မယူဆနဲ့။ တကယ်တော့ ချင်းမင်ယွိရဲ့ စရိုက်က အတော် ထူးဆန်းတယ်၊ ပြီးတော့ သူ့ ရင်ထဲနှလုံးထဲမှာ လျို့ဝှက်ချက်တစ်ခု ရှိကိုရှိနေတယ်။ လူတိုင်းက သူ့ကို ပါရမီပါတယ်၊ ပေါ့ပေါ့ပါးပါးနဲ့ရတယ်လို့ မြှောက်ပင့်ကြပေမဲ့ အဲ့တဆင့်စကား တဆင့်ကြားနဲ့တင် မယုံသင့်ဘူး။ သူက မှန်းဆရခက်တဲ့ကောင်လို့ ကျွန်တော်ထင်တယ်။ တကယ်လို့ သခင် အမဲလိုက်အဖွဲ့ကို ဝင်ပြီဆိုရင် အဲ့လူကို စောင့်ကြည့်ဖို့လိုမယ်!" စာအုပ်နတ်ဘုရားက ထုတ်မပြောနိုင်တဲ့ လျို့ဝှက်ချက်အချို့ သူသိထားတဲ့အလားပင်။ ဒါပေမဲ့ သူက ဖုန့်ရှီကိုတော့ ချင်းမင်ယွိကို သတိထားစေချင်တယ်။

"စိတ်မပူပါနဲ့၊ ငါ အဲ့အဖွဲ့ကို မဝင်ရသေးပါဘူး။ ပြီးတော့ ငါက တစ်ယောက်ယောက်က အလွယ်တကူ အနိုင်ကျင့်လို့ရတဲ့သူနဲ့ တူလို့လား?"

ဖုန့်ရှီက စာအုပ်နတ်ဘုရားက သူ့အတွက် စိတ်ပူပေးတယ်ဆိုတာ သိပေမဲ့ မကျေမချမ်းမပြောဘဲတော့ မနေနိုင်သေး။

"သခင်၊ ကျွန်တော့စကားကို ဂရုမထားပဲ မနေပါနဲ့။ ချင်းမင်ယွိက တကယ့်ကို ကိုင်တွယ်ရခက်တဲ့သူနော်။" ဖုန့်ရှီက အဲ့တာနဲ့ပတ်သက်ပြီး သိပ်အလေးမထားသေးတာ တွေ့ရတော့ စာအုပ်နတ်ဘုရား ထပ်ပြောလိုက်ပြန်တယ်။

"မင်း အဲ့တာ ပြောပြီးသွားပြီလေ။"

ပတ်ဝန်းကျင်ကို ကြည့်လိုက်ရင်း တခဏလောက် တုံ့ဆိုင်းနေပြီးနောက် စာအုပ်နတ်ဘုရား ဖုန့်ရှီထံ ချည်းကပ်သွားပြီး အသံတိုးတိုးနဲ့ ပြောလိုက်တယ်၊ "သခင်၊ ကျွန်တော် ချင်းမင်ယွိရဲ့ လျို့ဝှက်ချက်တစ်ခု ပြောပြမယ်၊ ဒါပေမဲ့ အခြားဘယ်သူ့ကိုမှ မပြောရဘူးလို့ ကတိပေးရမယ်။ အဲ့လိုမှ မဟုတ်ရင် အခြေအနေတွေ ဆိုးဝါးသွားမှာ။"

"ဘာလျို့ဝှက်ချက်လဲ?" ဖုန့်ရှီက အခြားသူ လျို့ဝှက်ချက်ပြောတာ နားထောင်ရတာကို နှစ်ခြိုက်တယ်။ အဲ့တာက တစ်စုံတစ်ယောက်ရဲ့ အားနည်းချက်ကို သူ တွေ့ရှိလိုက်ရသလို ခံစားရစေတယ်။

စာအုပ်နတ်ဘုရားက ဖုန့်ရှီရဲ့ နားထဲကို တိုးတိုးလေး ပြောလိုက်တယ်။

အချိန် အနည်းငယ်အကြာမှာတော့ ဖုန့်ရှီက ရုတ်တရက် မျက်လုံးပြူးကျယ်အောင် ဖွင့်လိုက်ပြီး လွှတ်ခနဲ အော်လိုက်တယ်၊ "မဖြစ်နိုင်တာ၊ မင်းဆိုလိုတာက သူ...အာ..."

ဖုန့်ရှီက အဲ့လျို့ဝှက်ချက်ကို အော်ပြောလိုက်မှာကြော်ကလို့ စာအုပ်နတ်ဘုရားက ဖုန့်ရှီရဲ့ ပါးစပ်ကို အလန့်တကြားနဲ့ ချက်ချင်းပဲ ကာလိုက်တယ်။ အကယ်၍ ငရဲမင်းကြီးသာ ဒီကိစ္စကို သိသွားခဲ့ရင် စာအုပ်နတ်ဘုရားတော့ အဆုံးသတ်ပြီပဲ။ အဲ့နောက် သူက ပြောလိုက်တယ်၊ "သခင်၊ အသံတိုး၊ သခင် လျို့ဝှက်ချက်ကို ထုတ်ပြောလို့ မရဘူးလေ၊ မှတ်မိလား?"

"သူလိုချင်တဲ့ဟာကို ရသွားတာမျိုး ငါ လုံးဝ အဖြစ်ခံမှာမဟုတ်ဘူး။" ဖုန့်ရှီက အလေးအနက်ပုံစံနဲ့ ခိုင်ခိုင်မာမာ ပြောလိုက်တယ်၊ ကြည့်ရတာ အရေးကြီးတဲ့ ဆုံးဖြတ်ချက်တစ်ခု ချလိုက်ပုံပင်။

စာအုပ်နတ်ဘုရား နည်းနည်းတော့ စိုးရိမ်သွားတယ်။ သူ ဖုန့်ရှီကို မပြောလိုက်သင့်ဘူးလို့ ခံစားမိသွားတယ်။ ဒါပေမဲ့ တခါတလေတော့ အဲ့လို လျို့ဝှက်ချက်မျိုးတွေ ကြားလိုက်ရရင် သူ့အတွက် အရမ်းခက်ခဲတယ်။ လူအချို့က လျို့ဝှက်ချက်တွေကို စာအုပ်တွေဆီမှာ ပြောရတာ နှစ်သက်ကြတယ်။ သူ့အပေါင်းအသင်း မိတ်ဆွေတွေ ဖြစ်တဲ့ အဲ့စာအုပ်တွေက အခြားသူတွေရဲ့ လျို့ဝှက်ချက်ကို သိနေသ၍ သူ့ဆီ ချက်ချင်း သတင်းပို့ကြတယ်။ အဲ့တာကို သူ ဘယ်လိုလုပ်နိုင်မှာလဲ!

သူ့သခင်က တိုက်ပွဲဝင်မယ့်စိတ်အခြေအနေမှာ ရှိနေတာကို မြင်ရတော့ စာအုပ်နတ်ဘုရားက မနေနိုင်တော့ဘဲ သူ့နှာခေါင်းကို ပွတ်ပြီး တွေးလိုက်တယ်၊ 'ဒါ ငါ့အပြစ်မဟုတ်ဘူး!'

အဲ့တာက ငရဲမင်းကြီးက သူ့ကို ပေးထားတဲ့ တာဝန်တစ်ခုပဲ ဖြစ်တယ်။

စာအုပ်နတ်ဘုရားက ဘုရင်ကြီးရဲ့ အမိန့်ကို လိုက်နာရရုံသာ။ တကယ်လို့ ဖုန့်ရှီက နောက်ပိုင်းမှာ ဒီကိစ္စကို သိသွားခဲ့ရင် ဘုရင်ကြီးကသာ အရာအားလုံးကို တာဝန်ယူသင့်တာဖြစ်တဲ့အတွက် စာအုပ်နတ်ဘုရားက တည်တည်ငြိမ်ငြိမ် နေနိုင်မှာပဲဖြစ်တယ်။

20211007; 1932

—————————— Zawgyi —————————

အပိုင္း ၄၈။ အားေကာင္းေမာင္းသန္ ၿပိဳင္ဖက္

ငရဲသားေတြက သူတို႔ရဲ့ ျမင့္ျမတ္တဲ့ဂုဏ္ကို ဆုံးရွုံးသြားခဲ့ရေပမဲ့ အေရးပါတဲ့ ရာထူး ရထားၾကသူေတြအတြက္ေတာ့ လုံးဝ လႊမ္းမိုးသက္ေရာက္မွု မရွိပါဘူး။

ႀကီးမားတဲ့ စြမ္းအား မရွိတဲ့ ငရဲသားေတြဟာ အဲ့ရာထူးျမင့္မ်ိဳး မရနိုင္ၾကပါဘူး။ အဆက္အသြယ္ေတြနဲ႔သာ အဲ့လို ရာထူးမ်ိဳး ရနိုင္ေပမဲ့ အဲ့တာက လူတခ်ိဳ႕ကို မေက်နပ္မွု ျဖစ္ပြါးေစပါတယ္။ ဒါေပမဲ့ ရာထူးျမင့္မွာ ေရာက္ေနၾကတဲ့ ငရဲသားေတြဟာ ခ်င္းမင္ယြိလိုမ်ိဳး ႀကီးမားတဲ့ခြန္အားကို မွန္မွန္ကန္ကန္ ပိုင္ဆိုင္ထားၾကသူေတြ ျဖစ္တယ္။

သူက အစိမ္းေရာင္ ငရဲသား အမဲလိုက္အဖြဲ႕ရဲ့ ေခါင္းေဆာင္ ျဖစ္လာတယ္ဆိုကတည္းက သူ႔ခြန္အားကို ေလ်ာ့မတြက္သင့္ေပ။ ဒါ့အျပင္ အဲ့ဒီ့လူဟာ သူ႔ရဲ့ ထူးျခားေျပာင္ေျမာက္တဲ့ အရည္အခ်င္းေၾကာင့္ မ်ိဳးဆက္သစ္လူငယ္ထဲမွာလည္း ထင္းေနတယ္။

ခ်င္းမင္ယြိက နတ္ဘုရားဘုရင္နယ္ပယ္ အဆင့္သုံး ေရာက္ေနၿပီ ျဖစ္တယ္၊ ဆိုလိုတာက သူ႔က်င့္ႀကံမွုအဆင့္က အေမွာင္ငရဲသား အရွင္ထက္ ႏွစ္ဆင့္ပဲ နိမ့္တယ္။

ဒါေပမ့ သူ႔အသက္ကို ထည့္စဥ္းစားမယ္ဆိုရင္ ခ်င္းမင္ယြိ အသက္တစ္ရာ မေရာက္ေသးေပမဲ့ သူ႔ဘယ္ေလာက္ေတာင္ အရည္အခ်င္းရွိသလဲဆိုတာဟာ လူတိုင္း အံဩဖြယ္ျဖစ္တယ္။

သူ႔အရည္အခ်င္းေၾကာင့္ အနားယူည ၿမိဳ႕ေတာ္မွာ ဂယက္တစ္ခု ထသြားခဲ့တယ္။ အဲ့အခ်ိန္တုန္းက သူ႔ပတ္ပတ္လည္က ၾကယ္ေတြရဲ့ အေရာင္ ေမွးမွိန္သြားေစတဲ့ အေတာက္ပဆုံး ၾကယ္တစ္ပြင့္လိုမ်ိဳး ျဖစ္ေနတဲ့အတြက္ သူက လူတိုင္းရဲ့ ခ်စ္ခင္ျမတ္နိုးမွုကို ခံခဲ့ရတယ္။

အဲ့အခ်ိန္မွာ ခ်င္းမင္ယြိ ငရဲသားမိသားစု တစ္စုလုံးရဲ့ အေထာက္အပံ့ကို ရရွိခဲ့တာေၾကာင့္ သူ႔က်င့္ႀကံမွုႏွုန္းကလည္း အရမ္းကို အတက္ျမန္ခဲ့တယ္။

သူ အဲ့ဒီ့ ေဆးလုံးေကာင္းေပ့ညြန္႔ေပ့ေတြအားလုံးကို စားၿပီးတဲ့ေနာက္ သူ႔က်င့္ႀကံဆင့္ အလ်င္အျမန္ တိုးတက္သြားခဲ့တယ္။ လြန္ခဲ့တဲ့ ႏွစ္ႏွစ္တုန္းက သူက နတ္ဘုရားဘုရင္ နယ္ပယ္ ပထမအဆင့္ကို ေက်ာ္ျဖတ္သြားနိုင္ခဲ့ၿပီး ဒုတိယအဆင့္ကို ေရာက္သြားခဲ့တယ္။

သူ႔ေအာင္ျမင္မွုက ငရဲသားမိသားစုရဲ့ အကူအညီနဲ႔ ပတ္သက္ေနေပမဲ့ သူ႔ရဲ့ ေမြးရာပါ အရည္အခ်င္းကလည္း အေရးႀကီးတဲ့ အခ်က္တစ္ခု ျဖစ္တယ္။ သူ႔ရဲ့ ခိုင္မာတဲ့ ခံယူခ်က္ မရွိဘူးဆိုရင္ သူ အဲ့ဒီ့အဆင့္ကို ေရာက္နိုင္မွာ မဟုတ္ဘူး။

အဲ့အခ်ိန္မွာ ခ်င္းမင္ယြိ ရာထူးအျမင့္တစ္ေနရာ ေရာက္ဖို႔ဆိုတာ အခ်ိန္တစ္ခုပဲ လိုလိမ့္မယ္လို႔ လူတိုင္း သိၾကတယ္။

ဒါေပမဲ့ ငရဲသားမိသားစုက ခ်င္းမင္ယြိကို နတ္ဘုရားနဲ႔ မိစၧာနိုင္ငံေတာ္ကို ပို႔ခ်င္လာတဲ့အခါမွာ ဒီလူငယ္ေလးက လူတိုင္း မေမၽွာ္လင့္ထားတဲ့ ဆုံးျဖတ္ခ်က္တစ္ခုကို ခ်လိုက္တယ္။

သူ ငရဲျပည္မွာ ေနၿပီး အစိမ္းေရာင္ ငရဲသား အမဲလိုက္အဖြဲ႕ကို သူ႔သေဘာနဲ႔သူ ဝင္ေရာက္ဖို႔ ဆုံးျဖတ္ခဲ့လိုက္တယ္။

ငရဲသားမိသားစုက သူတို႔မိသားစုရဲ့ တရားဝင္ အေမြဆက္ခံသူျဖစ္တဲ့ ခ်င္းမင္ယြိကို ငရဲျပည္မွာ မေနေစ့ခ်င္ဘူး။ ဒီထူးျခားဆန္းျပားတဲ့ ကမၻာဟာ ငရဲမင္းႀကီးရဲ့ ကာကြယ္မွုေအာက္မွာ တည္ရွိေပမဲ့ က်င့္ႀကံသူတို႔ ဖြံ့ၿဖိဳးတိုးတက္မွုအတြက္ အက်ိဳးဆုတ္ယုတ္ေစတဲ့ အခ်က္ေတြျဖစ္တဲ့ အတားအဆီး ကန္႔သတ္ခ်က္ေတြ အမ်ားႀကီး ရွိတယ္။ က်င့္ႀကံျခင္း အျမင့္အဆင့္ေတြမွာ အႏၲရာယ္မ်ားတဲ့ ေနရာေတြမွာ အခက္အခဲေတြ ေက်ာ္ျဖတ္ရတာမ်ိဳးေတြ ပါတယ္၊ ဘာလို႔လဲဆိုေတာ့ တစ္ဦးတစ္ေယာက္ရဲ့ အလားအလာဟာ သူ႔ရဲ့ေသေရးရွင္ေရး တိုက္ပြဲေတြကေန လွုံ႔ေဆာ္မွုတို႔ေၾကာင့္ ျဖစ္တယ္။

အဲ့တာေၾကာင့္ ခ်င္းမင္ယြိကို အရည္အခ်င္းရွိတဲ့သူတစ္ေယာက္အေနနဲ႔ နတ္ဘုရားနဲ႔ မိစၧာနိုင္ငံေတာ္ကို သြားသင့္တာျဖစ္တယ္။

ဒါေပမဲ့ သူ႔ဆုံးျဖတ္ခ်က္ဟာ အလြန္တရာကို သနားစရာေကာင္းတယ္လို႔ ျမင္တယ္။

သူ အစိမ္းေရာင္ ငရဲသား အမဲလိုက္အဖြဲ႕ကို ဘာျဖစ္လို႔ ဝင္ေရာက္တာလဲဆိုတာ ဘယ္သူမွ​ မသိၾကဘူး၊ ဒါေပမဲ့ လူတိုင္းကေတာ့ သူ႔အရည္အခ်င္းနဲ႔ သူ႔အလုပ္ႀကိဳးစားမွုတို႔ကို မ်က္ဝါးထင္ထင္ ေတြ႕ျမင္ခဲ့ၾကရတယ္။

ႏွစ္ႏွစ္အတြင္းမွာပဲ သူ နတ္ဘုရား ဘုရင္ နယ္ပယ္ ဒုတိယအဆင့္ကို ခ်ိဳးဖ်က္နိုင္ၿပီး ျဖစ္ၿပီး၊ ငရဲသားမိသားစုဆီကေန ဘာေဆးဝါးမွ မကူဘဲ တတိယအဆင့္ကို သူ ေရာက္သြားၿပီ ျဖစ္တယ္။ အခု သူရဲ့ခြန္အားက ငရဲသားမိသားစုထဲမွာ စြမ္းအားအႀကီးဆုံးသူအေနနဲ႔ အျပင္လူေတြက မွတ္ယူထားၾကတဲ့ အေမွာင္ငရဲသားအရွင္ၿပီးရင္ ဒုတိယလိုက္တယ္။ လူတိုင္း သူ႔ေအာင္ျမင္မွုအတြက္ အံ့အားသင့္ၾကရသလို အစိမ္းေရာင္ ငရဲသား အမဲလိုက္အဖြဲ႕ထဲကို ဝင္ေရာက္ရျခင္း ရည္ရြယ္ခ်က္အေပၚကိုလည္း ထင္ျမင္ခ်က္ အခ်ိဳ႕ကို ျပဳေနၾကတာ ျဖစ္တယ္။

ပိုတာက အဲ့ဒီ့ အရည္အခ်င္းရွိ၊ ထူးခၽြန္ထက္ျမက္ၿပီး အလြန္တရာ ေခ်ာေမာခန္႔ညားတဲ့ အမ်ိဳးသားဟာ ငရဲျပည္ရဲ့ မိန္းမငယ္ေပါင္း မ်ားစြာကို ဖမ္းစားနိုင္တာ ျဖစ္တယ္။

အစိမ္းေရာင္ ငရဲသား အမဲလိုက္အဖြဲ႕မွာေရာ အနားယူည ၿမိဳ႕ေတာ္မွာပါ ခ်င္းမင္ယြိက အလြန္႔အလြန္ ေက်ာ္ၾကားတယ္။

ဖုန္႔ရွီ အဲ့တစ္ခ်က္ကိုေတာ့ သူ႔ကို ဘယ္ေတာ့မွ မွီမွာမဟုတ္ေပ။

ဖုန္ရွီက သူ အနာဂတ္မွာ တူတူတြဲအလုပ္လုပ္ရမယ့္သူ အေၾကာင္းကို ေလ့လာထားခ်င္လို႔ ခ်င္းမင္ယြိအေၾကာင္း ရွိသမၽွ သတင္းအကုန္လုံး တင္ျပဖို႔ စာအုပ္နတ္ဘုရားကို ေျပာလိုက္တယ္။ ဖုန္႔ရွီက ခ်င္းမင္ယြိရဲ့ ဇာတ္ေၾကာင္းကို နားေထာင္လိုက္ရေတာ့ သူ အရမ္းအထင္ႀကီးသြားတယ္။

"သခင္၊ လူေတြကို အျပင္ပန္းနဲ႔တင္ ဆုံးျဖတ္လို႔မရဘူး။ အရည္အခ်င္းက လူနဲ႔လြယ္လင့္တကူ လိုက္ေလ်ာညီေထြမွုရွိလိမ့္မယ္လို႔ မယူဆနဲ႔။ တကယ္ေတာ့ ခ်င္းမင္ယြိရဲ့ စရိုက္က အေတာ္ ထူးဆန္းတယ္၊ ၿပီးေတာ့ သူ႔ ရင္ထဲႏွလုံးထဲမွာ လ်ိဳ႕ဝွက္ခ်က္တစ္ခု ရွိကိုရွိေနတယ္။ လူတိုင္းက သူ႔ကို ပါရမီပါတယ္၊ ေပါ့ေပါ့ပါးပါးနဲ႔ရတယ္လို႔ ေျမႇာက္ပင့္ၾကေပမဲ့ အဲ့တဆင့္စကား တဆင့္ၾကားနဲ႔တင္ မယုံသင့္ဘူး။ သူက မွန္းဆရခက္တဲ့ေကာင္လို႔ ကၽြန္ေတာ္ထင္တယ္။ တကယ္လို႔ သခင္ အမဲလိုက္အဖြဲ႕ကို ဝင္ၿပီဆိုရင္ အဲ့လူကို ေစာင့္ၾကည့္ဖို႔လိုမယ္!" စာအုပ္နတ္ဘုရားက ထုတ္မေျပာနိုင္တဲ့ လ်ိဳ႕ဝွက္ခ်က္အခ်ိဳ႕ သူသိထားတဲ့အလားပင္။ ဒါေပမဲ့ သူက ဖုန္႔ရွီကိုေတာ့ ခ်င္းမင္ယြိကို သတိထားေစခ်င္တယ္။

"စိတ္မပူပါနဲ႔၊ ငါ အဲ့အဖြဲ႕ကို မဝင္ရေသးပါဘူး။ ၿပီးေတာ့ ငါက တစ္ေယာက္ေယာက္က အလြယ္တကူ အနိုင္က်င့္လို႔ရတဲ့သူနဲ႔ တူလို႔လား?"

ဖုန္႔ရွီက စာအုပ္နတ္ဘုရားက သူ႔အတြက္ စိတ္ပူေပးတယ္ဆိုတာ သိေပမဲ့ မေက်မခ်မ္းမေျပာဘဲေတာ့ မေနနိုင္ေသး။

"သခင္၊ ကၽြန္ေတာ့စကားကို ဂ႐ုမထားပဲ မေနပါနဲ႔။ ခ်င္းမင္ယြိက တကယ့္ကို ကိုင္တြယ္ရခက္တဲ့သူေနာ္။" ဖုန္႔ရွီက အဲ့တာနဲ႔ပတ္သက္ၿပီး သိပ္အေလးမထားေသးတာ ေတြ႕ရေတာ့ စာအုပ္နတ္ဘုရား ထပ္ေျပာလိုက္ျပန္တယ္။

"မင္း အဲ့တာ ေျပာၿပီးသြားၿပီေလ။"

ပတ္ဝန္းက်င္ကို ၾကည့္လိုက္ရင္း တခဏေလာက္ တုံ႔ဆိုင္းေနၿပီးေနာက္ စာအုပ္နတ္ဘုရား ဖုန္႔ရွီထံ ခ်ည္းကပ္သြားၿပီး အသံတိုးတိုးနဲ႔ ေျပာလိုက္တယ္၊ "သခင္၊ ကၽြန္ေတာ္ ခ်င္းမင္ယြိရဲ့ လ်ိဳ႕ဝွက္ခ်က္တစ္ခု ေျပာျပမယ္၊ ဒါေပမဲ့ အျခားဘယ္သူ႔ကိုမွ မေျပာရဘူးလို႔ ကတိေပးရမယ္။ အဲ့လိုမွ မဟုတ္ရင္ အေျခအေနေတြ ဆိုးဝါးသြားမွာ။"

"ဘာလ်ိဳ႕ဝွက္ခ်က္လဲ?" ဖုန္႔ရွီက အျခားသူ လ်ိဳ႕ဝွက္ခ်က္ေျပာတာ နားေထာင္ရတာကို ႏွစ္ၿခိဳက္တယ္။ အဲ့တာက တစ္စုံတစ္ေယာက္ရဲ့ အားနည္းခ်က္ကို သူ ေတြ႕ရွိလိုက္ရသလို ခံစားရေစတယ္။

စာအုပ္နတ္ဘုရားက ဖုန္႔ရွီရဲ့ နားထဲကို တိုးတိုးေလး ေျပာလိုက္တယ္။

အခ်ိန္ အနည္းငယ္အၾကာမွာေတာ့ ဖုန္႔ရွီက ႐ုတ္တရက္ မ်က္လုံးျပဴးက်ယ္ေအာင္ ဖြင့္လိုက္ၿပီး လႊတ္ခနဲ ေအာ္လိုက္တယ္၊ "မျဖစ္နိုင္တာ၊ မင္းဆိုလိုတာက သူ...အာ..."

ဖုန္႔ရွီက အဲ့လ်ိဳ႕ဝွက္ခ်က္ကို ေအာ္ေျပာလိုက္မွာေၾကာ္ကလို႔ စာအုပ္နတ္ဘုရားက ဖုန္႔ရွီရဲ့ ပါးစပ္ကို အလန္႔တၾကားနဲ႔ ခ်က္ခ်င္းပဲ ကာလိုက္တယ္။ အကယ္၍ ငရဲမင္းႀကီးသာ ဒီကိစၥကို သိသြားခဲ့ရင္ စာအုပ္နတ္ဘုရားေတာ့ အဆုံးသတ္ၿပီပဲ။ အဲ့ေနာက္ သူက ေျပာလိုက္တယ္၊ "သခင္၊ အသံတိုး၊ သခင္ လ်ိဳ႕ဝွက္ခ်က္ကို ထုတ္ေျပာလို႔ မရဘူးေလ၊ မွတ္မိလား?"

"သူလိုခ်င္တဲ့ဟာကို ရသြားတာမ်ိဳး ငါ လုံးဝ အျဖစ္ခံမွာမဟုတ္ဘူး။" ဖုန္႔ရွီက အေလးအနက္ပုံစံနဲ႔ ခိုင္ခိုင္မာမာ ေျပာလိုက္တယ္၊ ၾကည့္ရတာ အေရးႀကီးတဲ့ ဆုံးျဖတ္ခ်က္တစ္ခု ခ်လိုက္ပုံပင္။

စာအုပ္နတ္ဘုရား နည္းနည္းေတာ့ စိုးရိမ္သြားတယ္။ သူ ဖုန္႔ရွီကို မေျပာလိုက္သင့္ဘူးလို႔ ခံစားမိသြားတယ္။ ဒါေပမဲ့ တခါတေလေတာ့ အဲ့လို လ်ိဳ႕ဝွက္ခ်က္မ်ိဳးေတြ ၾကားလိုက္ရရင္ သူ႔အတြက္ အရမ္းခက္ခဲတယ္။ လူအခ်ိဳ႕က လ်ိဳ႕ဝွက္ခ်က္ေတြကို စာအုပ္ေတြဆီမွာ ေျပာရတာ ႏွစ္သက္ၾကတယ္။ သူ႔အေပါင္းအသင္း မိတ္ေဆြေတြ ျဖစ္တဲ့ အဲ့စာအုပ္ေတြက အျခားသူေတြရဲ့ လ်ိဳ႕ဝွက္ခ်က္ကို သိေနသ၍ သူ႔ဆီ ခ်က္ခ်င္း သတင္းပို႔ၾကတယ္။ အဲ့တာကို သူ ဘယ္လိုလုပ္နိုင္မွာလဲ!

သူ႔သခင္က တိုက္ပြဲဝင္မယ့္စိတ္အေျခအေနမွာ ရွိေနတာကို ျမင္ရေတာ့ စာအုပ္နတ္ဘုရားက မေနနိုင္ေတာ့ဘဲ သူ႔ႏွာေခါင္းကို ပြတ္ၿပီး ေတြးလိုက္တယ္၊ 'ဒါ ငါ့အျပစ္မဟုတ္ဘူး!'

အဲ့တာက ငရဲမင္းႀကီးက သူ႔ကို ေပးထားတဲ့ တာဝန္တစ္ခုပဲ ျဖစ္တယ္။

စာအုပ္နတ္ဘုရားက ဘုရင္ႀကီးရဲ့ အမိန္႔ကို လိုက္နာရ႐ုံသာ။ တကယ္လို႔ ဖုန္႔ရွီက ေနာက္ပိုင္းမွာ ဒီကိစၥကို သိသြားခဲ့ရင္ ဘုရင္ႀကီးကသာ အရာအားလုံးကို တာဝန္ယူသင့္တာျဖစ္တဲ့အတြက္ စာအုပ္နတ္ဘုရားက တည္တည္ၿငိမ္ၿငိမ္ ေနနိုင္မွာပဲျဖစ္တယ္။

20211007; 1932