هەموومان بۆ کەسێک
یاساکانی خۆمان دەشکێنین.

" لارا ؟!" تایهیۆنگ کە لەنێو بەشی خوارەوەی مۆڵەکە دەگەڕا بەدوای لارادا بانگی کرد بەڵام لەهیچ کوێیەک لارای بەرچاو نەدەکەوت و پەیوەندی بۆ دەکرد کەچی وەڵامی نەبوو، ئاهێکی هەڵکێشا و پەیوەندی بە سونگهوونەوە کرد " بزانە موبایلەکەی لارا لەکوێیە،هەر ئێستا" تایهیۆنگ وای گووت و پەیوەندیەکەی داخست و چاوەڕێی وەڵامی سونگهوون بوو و لەنێو بەشەکە بەدوای لارا دەگەڕا.

" لەکوێیت لارا لەکوێیت؟" تایهیۆنگ خەمی بوو و دڵی ئازاری هەبوو، هەستی دەکرد لارا شتێکی خراپی بەسەر هاتوە، لەنێو بەشەک دەگەڕا و ناو کافتریا و شیرینی خانەکانیش دەگەڕا لارای لەهیچ کوێیەک بەرچاو نەدەکەوت، موبایلەکەی دەستی بە زەنگ لێدان کرد و سەیری کرد، سونگهوون بوو و وەڵامی دایەوە" چی بوو؟"

" گەورەم ئەو لە بەشی مەلەوانگەی مۆڵێکە.." تایهیۆنگ بەخێرای پەیوەندیەکەی داخست و بەخێرای بەرەو بەشی مەلەوانگەکە چوو، هەر کە چووە ژورەوە سەیره ناو مەلوانگەکەی کرد بەڵام کەس دیار نەبوو، تاوەکوو سەیری ناوەوەی مەلوانگەکەی کرد.

کچێک بەرەو دەرەوەی مەلەوانگەکە دەهات و لەنێو قۆڵەکانیشی کەسێکی تر هەبوو، دڵی تایهیۆنگ بەبەرزی لێیدا کە ئەو کەسەی ناو قۆڵی کچەکەی بینی "لارا!" تایهیۆنگ هاواری ناوی لارای کرد و بەخێرایی چوە لێواری مەلەوانگەکە و لارای لە کچەکە وەرگرت و لەسەر ئەرزەکەی پاڵخست، هەموو جەستە و قژی تەڕببو، لێوەکانی مۆر ببویەوە و ڕەنگی مردویەکی لێ نیشتبوو، تایهیۆنگ بەترسەوە دەستی لەسەر ملی دانا و هەستی بە لێدانی دڵی نەدەکرد "لارا... لارا گیانەکەم چاوەکانت بکەوە،فیدات بم لارا چاوەکانت بکەوە" تایهیۆنگ هاواری دەکرد و شەقی بچوکی لە کوڵمی لارا دەدا.

" ئاوا نابێ هەناسەی دەستکردی پێبدە، ئایە دەزانی چۆنە؟" کچەکە وای گووت و تایهیۆنگ سەیری کچەکەی کرد و پاشان بەخێرایی دەستی لەسەر سنگی لارا دانا و هەوڵیدەدا هەناسەی دەسکردی بۆ بکات، بەدەستی لێوی لارای کردەوە دەمی لەسەر دانا و هەناسەی پێدەدا، دیسانەوە بەخێرای دەستی لەسەر سنگی دانا و فریاگوزاری سەرەتایی بۆدەکرد.

" من لێدانی دڵی دەهێنمەوە، تۆ هەناسەی پێ بدە" کچەکە بەخێرایی وای گووت و تایهیۆنگ سەری بەئەرێنی لەقاند و هەناسەی بە لارا دەدا ە کچەکەش هەوڵی دەدا لێدانی دڵی بۆ بێنێتەوە.

لەناکاو لارا کۆکی و ئاو لەدەمی هاتە دەرەوە "بیخە سەر تەنیشتی ڕاستەی" کچەکە وای گووت و تایهیۆنگ لارای لەسەر قۆڵی ڕاستی دانا و کچەکە شەقی لەپشتی دەدا، لارا دەکوکی و ئاوی لە قوڕگی دەهاتە دەرەوە.

تایهیۆنگ دەستی لەنێو قژی لارا دانابوو و لەنێوی دەیجوڵاند، بەبێ ئەوەی هەستی پێبکات فرمێسکی چاوی کەوت، تەنها لەچەند خولەکێک هەستی بە مردنی خۆی کرد، وای هەستکرد ئیتر ئەمە کۆتایی لارایە، ئیتر هەرگیز نایبینێتەوە.

چەند کەسێک کە تیمی پزیشکی تایبەت بە مۆڵەکە بەخێرایی هاتنە ئەوێ، دیار بوو ئەمبولانس ئاگادار کراوەتەوە، نەقالەیەکیان لەلا بوو بەرەو لای ئەوان هاتن " بهێڵە بیخەنە سەر ئێرە" کچەکە وای بە تایهیۆنگ گووت کاتێک تیمە پزیشکیەکەی بینی، تایهیۆنگ سەیری ئەوانی کرد و پاشان دەستێکی خستە ژێر پشتی لارا و دەستەکەی تری خستە ژێر قاچی، لارای بەرزکردەوە و لەسەر نەقالەکە داینا.

──•~❉᯽❉~•──

" دکتۆر ئەو چۆنە؟ "تایهیۆنگ بەخێرای پرسیاری لەو دکتۆرە کرد کە لەژوری لارا هاتە دەرەوە " لەڕاستیدا سیەکانی کەمێک ئاوی چووبوە ناوی، هەناسەکانی ئاسایی بونەتەوە ئێستا، لەئێستادا خەوتوە شتێک نیە زۆر مایەیی نیگەرانی بێت، خۆشبەختانە ئاوی ناو سیەکانی زوو هێنراوەتە دەرەوە، دیارە فریاگوزاری سەرەتایی بۆکراوە" دکتۆرەکە بەخەندەوە وای بە تایهیۆنگ گووت و تایهیۆنگ هەناسەیەکی قوڵی دایەوە و سوکنایەک بەنێو دلی داهات.

" واتا دەتوانم بیبینم وایە؟ "تایهیۆنگ پرسیاری لە دکتۆرەکە کرد و ئەویش سەری بە ئەرێنی لەقاند" بەڵێ وە دوای کاتژمێرێکی تر دەتوانن لە نەخۆشخانەکە بچنە دەرەوە"

" سوپاس جەنابی دکتۆر" تایهیۆنگ بەخەندەوە سوپاسی کرد و دکتۆرەکەش بزەیەکی بۆکرد و لەوێ ڕۆشت، تایهیۆنگ چوە ژورەکە و پەرستارێکی بینی کە خەریکی چاککردنی کانولەکەی دەستی لارا بوو، بەرەو جێگاکەی لارا چوو و لەسەر ئەو کورسیە دانیشت کە لەنزیک جێگاکە دانرابوو "بەهیوایی سەلامەتی " پەرستارەکە بە خەندەوە وای گووت و لەوێ چوە دەرەوە.

تایهیۆنگ دەستی لارای خستە ناو دەستی و ماچی کرد، پاشان دەستی بەرەو ڕوخساری لارا برد و دەستی لەڕوخساری دەدا
" گیانەکەی من گەر تۆ شتێکت لێهاتبایە من چیم دەکرد؟ چۆن دەژیام بێ تۆ ؟" تایهیۆنگ بە چرپەوە وای گووت و دیسانەوە دەستی لارای ماچ کردەوە.

هەست بە ئازار دەکات کاتێک ڕووداوەکەی دێتەوە یاد، چون لارا بەبێ گیانی لەنێو دەستەکانی بوو، چۆن هەستی کرد کە لارا بێهەناسە بوو لەناو دەستی، تەنها لەماوە چەند خولەکێک هەموو شتێکی ژیانی سەراو ژێر بوو.

لارا چاوەکانی کردەوە و دەستی جوڵاند، تایهیۆنگ بەخێرای بەرز بویەوە و ڕوخساری لە لارا نزیک کردەوە "گیانەکەم چۆنیت؟ ئازارت هەیە؟ هیچ کوێیەکت دێشێ؟ بانگی دکتۆر بکەم؟" تایهیۆنگ بە خەمخۆریەوە دەستی لەسەر ڕوخساری لارا دانابوو و پرسیاری لێدەکرد.

" باشم" لارا بەکزیەوە وای گووت و تایهیۆنگ نێوچەوانی ماچکرد"زۆر ترسام، زۆر ترسام لەدەستت بدەم، هەرگیز جارێکی تر مەچۆ جێگایەک مەترسی لەسەرت هەبێت" تایهیۆنگ نێوچەوانی لەسەر نێوچەوانی لارا دانابوو و بە هێمنی وای بە لارا گووت.

" ببورە" لارا بە چرپەوە وای گووت و تایهیۆنگ بەرز بویەوە و بە سەرسوڕماویەوە سەیری کرد" بۆچی داوای لێبوردن دەکەیت؟ " تایهیۆنگ پرسیاری کرد و لارا فرمێسکی چاوی کەوت" دەبوایە لەجێگای خۆم بمێنێمەوە و کارێکی ئاوا نەکەم، بەڵام وەک هەموو جارێک هەموو شتێکم تێکدا و ئەو ژوانەی دامان نابوو تێک چوو، هەموش لەسایەی منەوە بوو" لارا بە خەمباریەوە وای گووت و تایهیۆنگ دەستی لەسەر لێوی دانا بەمانای بێدەنگ بە " شــ وامەڵێ، هیچ شتێک خەتای تۆ نیە، تاوانی تۆ نیە " تایهیۆنگ بە نەرمیەوە وای بە لارا گووت و ماچێکی کوڵمی کرد.

لارا بەخەمباریەوە سەیری تایهیۆنگی کرد و فرمێسکێکی چاوی کەوت، تایهیۆنگ بە شڵەژاویەوە فرمێسکەکەی سڕیەوە "بۆچی دەگریت؟ خۆ گووتم هیچ هەڵەیەکی تۆی تێدا نەبووە " تایهیۆنگ بە چرپەوە وای گووت و ماچی چاوی لارای کرد.

──•~❉᯽❉~•──

لارا دوایی تایهیۆنگ لەژورەکەی چووە دەرەوە ماوەیەکی زۆر بەتەنها لەسەر جێگاکە پاڵکەوتبوو، بێزار بوو و هەڵسایەوە، لەنێو جەکمەجەکەی یاداشتنامەکەی دەرکرد و دەستی کرد بە نووسینی هەموو ئەو قسانەی لەنێو مێشکی ماونەتەوە.

' ئەمڕۆ هەم خۆشترین و هەم ناخۆشترین ڕۆژی ژیانم بوو، بەیەکەوە لەگەڵ تایهیۆنگ چووینە ژوان، بڕیار بوو کاتی خۆش بەسەر ببەین، بەڵام هەموو شتێک ئەو کاتە تێک چوو کە تایهیۆنگ وتی شتێکم لەیاد کردوە و دەچم دەیکڕم، لەنهۆمی خوارەوە بەتەنها مامەوە لەوێ و بێزار بووم، بەرەو ڕێگایەک چووم و نەمبینی کە کوێیە، چونکە تاریک بوو و کارەبا نەبوو، لەناکاو کە کارەباکە هاتەوە هەموو ڕووداوە خراپەکەی ژیانم هاتەوە یاد، من باسم نەکردوە وایە؟ بچووک بووم و کاکم وتی بەیەکەوە دەچینە ڕاوە ماسی، زۆر دڵخۆش بووم کە وای گووت، بۆیە بەدڵخۆشیەوە و لەگەڵی چووم و پێم وابوو کاتێکی خۆش بەسەر دەبەین، بەڵام براکەم پاڵی پێوە نام و فڕێیدامە ناو دەریاچەکە، هاوارم کرد، زۆر بانگم کرد کە ڕزگارم بکات، بەڵام ئەو بەبێ دەنگی و بەخەندەوە بەدیارمەوە وەستابوو، نوقم بووم گوێچکەکانم چیتر دەنگیان دەبیست، چاوەکانیشم چیتر براکەمی نەدەبینی، هەناسەکانم لەسیەکانم بڕان، کاتێک چاوم کردەوە پێم وابوو مردووم، بەڵام کەسێک کە لەوێ تێپەڕ ببو منی لەنێو دەریاچەکە بینیبوو و ڕزگاری کردبووم، ئەمڕۆش هەمان دەنگ لەنێو گوێیەکانم دەهات، هەمان هەستم هەبوو، وام دەزانی دەمرم و ئیتر ئەوە کۆتایی من، بەر لەوەی چاوەکانم دابخرێن، هیوام خواست کە تایهیۆنگ لەدوای من کەسێکی تر بناسێت و بتوانێت دڵخۆشی بکات، کچێک کە زۆر لەمن جوانتر بێت، کچێک کە شایەنی ئەو بێت، کچێک بتوانێت دڵخۆشی بکات و وای لێبکات شانازی بە بونیەوە بکات، من هێندە جوان نیم کە شایەنی تایهیۆنگ بم، هێندەش ناوازە نیم تایهیۆنگ شانازی بەمنەوە بکات، من ئەو کچە نیم شایەنی ئەوەبم ببمە خۆشەویستی تایهیۆنگ، ئەو شایەنی کچێکە جوان و خانەدان و ناودار بێت، نەک منێک لەهەر لایەکم برینە و هێندەش جوان نیم'

لارا کۆتا وشەی لەسەر پەرتوکەکەی نوسی و هەناسیەکی قولی هەڵمژی و فرمێسکەکانی سڕی، هەستی بە کەمێک ئاسوودەی دەکرد دوای ئەوەی وشە قوتدراوەکانی ناخی نوسی و چیتر هەستی بەو قوڕسیەی ناخی نەدەکرد، هەمیشە نوسین وادەکات ئازارەکانی کەم بنەوە، وای لێدەکات هەست بە باشتر بوون بکات.

──•~❉᯽❉~•──
بـەردەوامـە
──•~❉᯽❉~•──