فرمێسکەکانم لەبری
بارانی ئەمساڵیش دەکەون.

تایلۆر چاوەکانی کردەوە و لەسەر جێگای خەوەکە بوو و سەیری خۆی کرد هیچ جلێکی لەبەر نەبوو، سەیری ژورەکەی کرد و لەژورێک بوو کە ئەوەندەی دووێنێی بیرمابێت هی تایهیۆنگە و لەگەڵ ئەو هات، بەتەواوی وردەکاریەکانی دووێنێ شەوی لەیاد نەماوە، هەر ئەوەی تایهیۆنگ ماچی کرد و لەسەر جێگاکەی دانا.

پێخەفەکەی لەجەستەی ئاڵاند و لەسەر جێگاکە هەڵسا و بەرەو گەرماوەکە چوو و دەرگاکەی داخست و لەئاوێنەی گەرماوەکە سەیری جەستەی کرد، لەتەواوی مل و سنگی نیشانەی تۆخ هەبوو، زەردەخەنەیەکی شەیتانی کرد و چووە ناو بانیۆکە و گەرماوی کرد.

بە ڕۆبەوە لەگەرماوەکە چووە دەرەوە و کەس لەژورەکە نەبوو، سەیری مێزەکەی کرد موبایلەکەی لەوێ دانرابوو، لەسەر ئاوێنەکەش تێبینیەک هەبوو، هەڵیگرت و سەیری کرد.

' دووێنێ شەو زۆر تایبەت بوو لەگەڵ شۆفێرەکە سەرکەوە سوپڕایزێکم بۆتۆ هەیە بەبۆنەی دوێنێ شەوە'

تایلۆر بزەیەکی کرد و تێبینیەکەی دانا و لەبەردەم ئاوێنەکە وەستا و بەڕۆبەوە وێنەی خۆی گرت کە بەشێکی تەواوی مل و سنگی کراوە بوو و نیشانەکانی بەدەرەوە بوون، لەژمارەی لارا گەڕاو کە دۆزیەوە وێنەکەی بۆ نارد.

' ئەمشەوم زۆر خۆشبوو لارا تۆ چۆن خەوتیت؟ '

بزەیەکی کرد و ئەو جلەی لەسەر جێگاکە بوو پۆشی و موبایلەکەی هەڵگرت و بەرەو هۆڵەکە چوو، لەسەر قەنەفەکە جەنتاکەی خۆی برد و بەرەو دەرەوەی ماڵەکە چوو، پاسەوانێک لەبەردەمی وەستا "خانمەکەم گەورەم پێی ڕاسپاردووم تۆ بگەیەنم ئەو جێگایەی فەرمانی پێ کردووم" پاسەوانەکە وای گووت و تایلۆر سەری بە ئەرێنی لەقاند و لەگەڵی ڕۆشت و سەرکەوتە ناو ئۆتۆمبێلەکە و شۆفێرەکە دەستی بە ڕۆشتن کرد و لەوکاتەش تایلۆر موبایلەکەی دەرکرد و پەیوەندی بە کەسێک کرد و هەرکە هەڵیگرت بە بزەوە دەستی بە قسە کرد بە ڕووسی.

" سڵاو ... بەڵێ هەنگاوێکی گەورە چوومە پێش .... ههه پێم وابوو ئەو قوڕسە بەڵام دەبێ لەبیری نەکەین پیاوەکان مێشکیان لە ئەندامی نێرینەیانە ئاسانن بۆ هەڵخەڵەتاندن ...... هههه بێ گومان دوێنێ شەو لەگەڵی خەوتم و ئێستاش دەیەوێ سوپڕایزم بۆ بکات و بانگی کردومەتە جێگایەک ..... بێخەمبە هەرچی ڕوویدا ئاگادارت دەکەمەوە ........ خوات لەگەڵ خانمەکەم " تایلۆر بە خەندەوە کۆتایی بە پەیوەندیەکە هێنا و سەیری دەرەوەی کرد.

شۆفێرەکە تادەهات لە ناو شار دوردەکەوتەوە و تایلۆریش بەبێ خەمی و دڵخۆشیەوە خەریکی موبایلەکەی بوو، چاوەڕێی ئەوە بوو کە لارا وێنەکان ببینێت، ئەو لە هەرزەکاریەوە فێری حەسودی بووە و حەسودی بەو کەسانە دەبات کە لەدەوروبەریەتی و لەم چەند ساڵەش بە تایبەتی بە لاراوە گرتویەتی و هەرچی لارا هەیبێت دەیەوێت بەدەستی بهێنێت، بێگومان خۆشویستنی ئادریک تەنها درۆیەک بوو، ئەو تەنها دەیویست ئەوەی هەبێت کە لارا هەیەتی.

ئۆتۆمبێلەکە لەجێگایەک وەستا کە لەشاخێک دەچوو، تایلۆر دابەزی و سەیری دەوروبەری خۆی کرد و خانوێکی لەبەردەم خۆی بینی
" خانمەکەم گەورەم لەژورەوە چاوەڕێتە" پاسەوانەکە بە بزەوە وای گووت و تایلۆر سەری بە ئەرێنی لەقاند و بەرەو خانوەکە چوو و دەرگاکەی کردەوە.

چوە ژورەوە و تایهیۆنگ لەبەردەمی بوو، تایلۆر بزەیەکی کرد و لە تایهیۆنگ نزیک بوویەوە کە ویستی باوەش لە تایهیۆنگ بدات تایهیۆنگ وەستاندی" ناتەوێ سوپڕایزەکەم ببینیت؟" تایهیۆنگ بە بزەوە وای گووت و تایلۆر بزەیەکی کرد و سەری بە ئەرێنی لەقاند، تایهیۆنگ کەمێک لێی دوورکەوتەوە و پاشان کۆنترۆڵی تیڤیەکەی هەڵگرت و تیڤیەکەی داگیرساند.

لەشاشەی تیڤیەکە ڤیدیۆیەک بوو کە لەکامێرای چاودێریەوە گیرابوو و دیار بوو ژورەکەی تایهیۆنگ بوو، هەر ئەوکاتەی پشان دا کە تایهیۆنگ بە باوەشەوە تایلۆری هێنایە ژوورەکە، کە تایهیۆنگ تایلۆری لەسەر جێگاکە دانا و پاشان کەمێک. دوور کەوتەوە و سەیری کامێراکەی کرد و دەستی بەرەو گەردەنی برد و لە کەمترین ماوە ماسێکی پێستی لەسەر ڕوخساری لادا و ئەوە دەرکەوت کە  پیاوێکی تر بوو و بەرەو لای تایلۆر چوو و لەگەڵی خەوت، تایلۆر بە شۆکەوە سەیری تیڤیەکەی دەکرد، چۆن هەستی بەوە نەکرد ئەوە تایهیۆنگ نیە؟ بەڵام ئەو تەنها چەند قسەیەکی کرد و دەنگیشی لە تایهیۆنگ دەچوو.

" چی بوو شیرینەکەم شۆک بوویت؟" ئەو دەنگەی لەدواوەی تایلۆرەوە هات وای لێکرد سەیری بکات و چاوەکانی فراوان بوو، لارا بە خەندەوە سەیری کرد و لەو نزیک بوویەوە "گیانی من" تایهیۆنگ بە بزەوە کەمەری لارای گرت " ئەشقەکەم" لارا بزەیەکی کرد و ماچی تایهیۆنگی کرد و وای گووت، تایلۆر لەنێو شۆکدابوو و نازانێ شۆکی کام بابەتە بێت، ئەوەی کە لەگەڵی خەوت تایهیۆنگ نەبوو یان ئەوەی لارا و تایهیۆنگ هێشتا لەگەڵ یەکتریدان؟

" ئای تایهیۆنگ ئەشقەکەم سەیرکە داماوە لەنێو شۆکدایە وتم با زۆر بابەتی شۆکاوی نەخەینە بەردەمی" لارا بە پێکەنینەوە وای بە تایهیۆنگ وت و پاشان سەیری تایلۆری کرد، تایهیۆنگ بزەیەکی کرد و لارا چووە نزیکی تایلۆر و تا هێزی هەبوو زلەیەکی لێدا و بەهۆی زلەکەوە کەوتە ئەرزەکە، تایلۆر بە توندی دەستی لەسەر کوڵمی دانا و سەیری لارای کرد.

لارا خەندەیەکی کرد و لەسەر ئەرزەکە نزم بویەوە و لەئاستی تایلۆر وەستا "وتت باش خەوتی وە من چۆن خەوتم؟ ئممم نازانم دوێنێ چۆن خەوتم چونکە تایهیۆنگ کوڕێکی کەمێک هارە لەجێگادا و زۆر ماندووی کردم بەڕاستی هیلاک بووم، بەڵام شەوێکی تایبەت بوو" لارا بە نزمەوە وای گووت و بزەیەکی کرد و پاشان بزەکەی سەر لێوی نەما و بەتوندی قژی تایلۆری گرت.

" بڵێ ئەو کەسە کێیە یارمەتی دایت تا بگەیتە ئێرە؟ " لارا بە ڕقەوە پرسیاری کرد و تایلۆر دەستی لارای گرتبوو تا قژی بەربدات
" ئاهـ تکایە قژم، کەس کەس منی نە ناردبوو" تایلۆر نکۆڵی لەوە دەکرد کە باسی بکات کێ ئەوی ناردوە "قسە بکە ناچارم مەکە بەزۆری قەسەت لێ دەرکەم، کێ تۆی ناردوە تایلۆر؟ بۆ کێ کاردەکەیت؟ " لارا هاواری کرد و توندتر قژی تایلۆری گرت.

" ئاهـ بەڕاستی کەس منی نەناردوە، سوێند دەخۆم قژم بەردە، بەخوا وازت لێ دێنم و دوور دەکەومەوە و دەگەڕێمەوە ڕوسیا سوێند دەخۆم " تایلۆر لەژێر ئازارەوە وای بە لارا گووت و لارا خەندەیەکی کرد و قژی تایلۆری بەردا " تایهیۆنگ گیانەکەم وتم نەرمی کارناکە لەگەڵی، ئێستا چی بکەین لەگەڵی؟ " لارا بە خەندەوە ئاوڕی لە تایهیۆنگ دایەوە و سەیری کرد.

" پێم وابێت تەنها لیوسی دەتوانێ قسەی لێ دەرکا" تایهیۆنگ بزەیەکی کرد و لەلای لارا وەستا و لارا دەستی لەسەر دەمی دانا و ڕوخسارێکی شۆکی ساختەی دەرخست" ئۆئۆ گیانەکەم زۆر دڵ ڕەقانە نیە؟ " لارا بە خەمباریەکی ساختەوە وای بە تایهیۆنگ گووت و سەیری تایلۆری کرد، تایلۆر ویستی هەڵبستێتەوە کەچی لارا قاچی لە قۆڵی دا و وای لێ کرد بکەوێتەوە ئەرزەکە.

" نا گیانم دڵ ڕەقانە نیە، لیوسی ئازیزم وەرە" تایهیۆنگ سەرەتا بە خەندەوە وای گووت و پاشان هاواری کرد و سەیری دواوەی کرد، لەوکاتە مارێکی پەمەیی و چاو تیژ بەهێمنیەوە دەهاتە هۆڵەکە و تایلۆر هەرکە بینی بەخێرایی لەسەر قاچەکانی بەرەو دواوە کشایەوە.

مارەکە چووە نزیکی تایهیۆنگ خۆی لەقاچی ئاڵاند و بەسەر گیانی دادەچوو و بەسەر شانی کەوتوو و لەتەنیشتیەوە وەستا، تایهیۆنگ بەخەندەوە سەیری تایلۆری کرد "ئەمە لیوسیە ئەو ئەگەر برسی بێت زۆر دڕندەیە، ژەهرەکەی یەکێکە لە کوشەندەترین ژەهری مار چونکە لیوسی من ڕەنگی جیایە و دەگمەنە، ئەو کە بچوو بوو بریندابوو و هەڵمگرتەوە و ئاگاداری بووم و منی زۆر خۆش دەوێت و هەرچی پێ بڵێم بەقسەم دەکات، ئێستاش داماوە برسیەتی و هێشتا ژەمەکەیم پێ نەداوە، چونکە دەبێت ئاژەلێکی بۆ ڕاو بکەم، تۆ هەر قسەمان بۆ ناکەیت و هیچ نادرکێنیت چی دەڵێیت تۆ بکەینە ژەمی بەیانی ئەمڕۆی؟ "تایهیۆنگ بەخەندەوە باسی دەکرد و پاشان سەیری مارەکەی کرد و مارەکە لەجەستەی تایهیۆنگ دەهاتە خوارەوە و تایهیۆنگ پرسیاری لە تایلۆر کرد.

*لیوسی*

مارەکە زمانی دەردەکرد و دەیفیشکاند و سەیری تایکۆری دەکرد" نـ نا نا تکایە من هەموو شتێک دەڵێم تکایە ئەمە دوورخەنەوە لێم، تکایە" تایلۆر بەترسەوە قسەی دەکرد و لەکۆتایی قیژاندی و زیاتر بەرەو دواوە چوو کە مارەکە بەرەو ئەو دەچوو.

" لای نادەم تۆ هەموو قسەکە بکە زوو چونکە ئەگەر لیوسی بۆنی خوێنت بکات ناتوانم بی وەستێنم و پێشی بڵێم تۆ نەخوات ئەوا بێ دودڵی دەتخوات، بۆیە قسە بکە کێ تۆی ناردوە؟"

" یـ یێنڤا، ئەو پەیوەندی پێوە کرد ماوەیەک لەمەوبەر و پێی گووتم کە دەبێت تۆ هەڵبخەڵەتێنم، سەرەتا نەمدەویست چونکە قایلکردنت سەخت بووم لام بەڵام کە زانیم لارا لای تۆیە یەکسەر قبوڵم کرد، بەڵام سوێ د دەخۆم دەگەڕێمەوە و هەرگیز ناگەڕێمەوە ئێرە تەنها بهێڵن بڕۆم" تایلۆر سەرەتا بە ترسەوە قسەی کرد و پاشان قیژاندی و بەرەو لایەکی تری ژورەکە ڕایکرد کە مارەکە لێی نزیکبوویەوە.

" ئەو لە زیندانە درۆ مەکە هیچی پێ ناکرێت" تایهیۆنگ وای گووت و تایلۆر سەری بە نەخێر جوڵاند" نەخێر ئەو بە کەفالەت ئازاد کراوە ئەو لەزیندان نیە" تایهیۆنگ چاوەکانی فراوان بوو و توڕەییەکی یەکجار گەورە لە ناخی دروست بوو.

" لیوسی گیانەکەم خواردنەکەت لە چێشتخانەکەیە" لارا وای گووت و مارەکە ئاڕاستەی خۆی گۆڕی و بەرەو چێشتخانەکە چوو، لارا بەرەو لای تایلۆر چوو و بەڕقەوە سەیری کرد، تایلۆر ویستی قسە بکات بەڵام لارا نەیهێشت چونکە زلەیەکی لێدا و کەوتەوە ئەرزەکە.

لارا لێی نزیک بویەوە قژی گرت و وای لێکرد سەیری بکات" یانی بەو ئاستە دەتەوێ شتەکانم ببەیت؟" لارا بە خەندەیەکی گاڵتەجاڕیەوە قسەی کرد و بەهەموو هێزیەوە مستێکی لە ڕوخساری تایلۆردا "قسە بکە بێ ئابڕوو تا ئەو ئاستە چاوچنۆکیت؟ هەموو ئەوەی بەسەرت هێنام تەنها بەهۆی چاوچنۆکیەکەت بوو وایە" لارا مستێکی تری لە تایلۆر دایەوە و لێوی خوێنی لێهات، تایلۆر دەستی لەسەر ڕوخساری دانا تاوەکوو بیپارێزێت.

لارا دەستەکانی گرت و خستیە ژێر قاچەکانی و دیسانەوە مستێکی لە تایلۆر دایەوە
" ئیرەیی بە چی منت برد هاا؟ ئەوەی هەموو جارێک بەدەستی خێزانەکەم لێمدەدرا؟ ئیرەیت بەوە دەبرد بێ ئابڕوو؟ پێت زۆر بوو لەنێو ئەو هەموو نەهامەتیە ئاسودەیەکی کەممم دەستکەوێ؟ سەرەڕای ئەوەی یەکەم جار هەڵەیەکی وا گەورەت لەگەڵ کرد کەچی هێشتم بڕۆیت و هیچم نەکرد بەرامبەرت، بەڵام سەڕەڕای ئەوەش کە دیسانەوە دەستم بەژیان کردەوە هاتیت و ویستت لێمی ببەیت؟ پێم نەگوتیت تایلۆر ئەمجارە چاوپۆشی لە هەڵەکانت ناکەم؟ وام نەگووت؟ منت پێ کەم بوو وایە؟ توانای منت پێ کەم بوو؟" لارا لەگەڵ هەر قسەیەکی مستێکی لە ڕووخساری تایلۆر دەدا و ڕوخساری بەتەواوی وێران بوو لەژێر دەستی و کە تایهیۆنگ هەستی کرد لارا زۆر توڕەیەوە و بەخراپی لێی دەدات بەرەو لای چوو و کەمەری گرت.

" تەواو گیانەکەم تەواو من دەردی ئەوانە دەزانم چارەیان دەکەم، تەواو تۆ پەنجەکانت ئازار مەدە فیدات بم " تایهیۆنگ باوەشی لە لارا دا و بە هێمنی دەستی بە قژیدا دەهێنا "تەواو گیانی من ..... کوڕینە!!" تایهیۆنگ لەکۆتایی قسەکانی هاواری کرد و دوو پاسەوانەکان هاتنە ژورەکەو سەریان بۆ تایهیۆنگ دانەواند.

" ئەو چەپەڵە ببەنە دەرەوە و بیبەنە کۆگاکە تا خۆم هەواڵتان پێدەدەمەوە، نەهێڵن بچێتە دەرەوە" تایهیۆنگ وای گووت و پاسەوانەکان تایلۆریان برد کە لەهۆشخۆی چوو بوو و هەموو ڕوخساری خوێن بوو.

" نازداری من، ئەشقی من سەیرم بکە" تایهیۆنگ سەری لارای گرت و وای لێکرد سەیری بکات،چاوەکانی لارا سوور ببونەوە بەهۆی فرمێسکەکە و لوتی سور هەڵگەڕابوو، تایهیۆنگ ماچێکی لە چاوەکانی لارا کرد " ئەم چاوانەت کەم ئەزیەت بدە فیدای دانە بەدانەی فرمێسکەکانت بم" تایهیۆنگ بە بزەوە وای گووت و کە لوتە سوربوەکەی لارای بینی ماچێکی لێ کرد و بزەیەکی کرد "فیدای ئەو لوتەشت بم کە لە نوقڵێک دەچێت، بەسە گریان دەی"

──•~❉᯽❉~•──
بـەردەوامـە
──•~❉᯽❉~•──

نانا تایهیۆنگ نەڕۆشتوە کاکە ڕۆشتنی چی کاکە تاتا پیاوە نەک گەمە