𝐶ℎ𝑎𝑝𝑡𝑒𝑟 ° 𝑓𝑜𝑢𝑟𝑡𝑦 𝑂𝑛𝑒 ⤴⁴¹
هیچم ناوێت تەنها ئارامیەک و باوەشێکت بەسە.
" وەرە بچین خواردنی بەیانی بخۆین و دەستت بشۆ" تایهیۆنگ بە بزەوە وای گووت و لارای بەدوای خۆیدا بردە چێشتخانەکە، لە چێشتخانەکە مارەکە خەریکی خواردنە تایبەتیەکەی بوو کە بۆی دانرابوو.
تایهیۆنگ لارای بردە لای سنگی چێشتخانەکە و ئاوەکەی کردەوە و دەستی شۆرد و پاشان ئاوەکەی گرتەوە و وای لە لارا کرد لەسەر کورسیەکە دابنیشێت، قاپی خواردنی لارای لەبەردەمی دانا و کەوچکەکەی هەڵگرت و خۆی خواردنی پێدەدا "تای من خۆم دەیخۆم، تۆش نانت نەخواردوە" لارا بە بزەوە وای گووت و هەوڵیدا کەوچکەکە لە تایهیۆنگ وەربگرێتەوە.
" نەخێر گیانەکەم ئەی نەتوت ئەمشەو زۆر هیلاکم کردوویت؟" تایهیۆنگ بەبزەوە وای گووت و لارا کوڵمەلانی پەمەیی بوون "پێم وابوو گوێبیست نەبوویت" لارا چرپاندی و کوڵەمەکانی پەمەیی ببون بەهۆی شەرمە زۆرەکەی.
" دەنگت بەرز نەبوو تەنها ماڵەکەم زۆر بێدەنگ بوو، ئەو کاتە بەزۆر خۆم گرتبوو خەندە نەکەم، تۆ زۆر ورژێنەر و شیرین دەبیت کە هیچ شەرمێکت نامێنێ" تایهیۆنگ بە خەنەدەوە وای گووت و دەستی لە کوڵمی لارا دا.
──•~❉᯽❉~•──
گەڕانەوە بۆ سێ
ڕۆژ لەمەوبەر
──•~❉᯽❉~•──
دەرگاکە کرایەوە و لارا بە پەلە فرمێسکەکانی سڕی" لارا!! " تایهیۆنگ بانگی کرد کە دیقەتی دا لارا ڕوخساری خۆی لێ ون دەکا، چووە نزیکی و لەسەر جێگاکە دانیشت و ڕوخساری لارای گرت و وای لێکرد سەیری بکات " ئادەی سەیرم کە" تایهیۆنگ وای گووت قژی لارای لەسەر ڕوخساری لادا و چاوەکانی فراوان بوو کە بینی لارا گریاوە و چاوەکانی ئاوساون.
" چیی بوە؟ بۆچی دەگریت؟ شتێک بوە؟ کەسێک قسەی کردوە؟" تایهیۆنگ بەخێرایی پرسیاری کرد و لارا دیسانەوە فرمێسکی چاوی کەوتە خوارەوە، تایهیۆنگ بەخێرایی فرمێسکەکانی سڕیەوە " چیە چی بوە بەقوربانت بم، کێ دڵتی شکاندوە؟ قسە بکە کێیە وای کردوە نازدارەکەی من بگری؟" تایهیۆنگ سەیری لارای کرد و پرسیاری لێکرد.
لارا بەخێرایی باوەشی لە تایهیۆنگ دا و لەباوەشی دەستی بەگریان کرد، تایهیۆنگ دەستی بە قژی لارا دادەهێنا و ماچی ملی دەکرد" تکایە جێم مەهێڵە تایهیۆنگ ! تکایە من هیلاک بووم لەوەی کەسە ئازیزەکانم جێم بهێڵن" لارا بە گریانەوە قسەی کرد و تایهیۆنگ تێندەگەشت لارا بۆچی ئەو قسانە دەکات.
" تەواو گیانی من، تەواو بە قوربانو بم من ناڕۆم هەمیشە لەلات دەبم، تەنها بڵێ کێ وتویەتی دەڕۆم؟ کێ وتویەتی تۆ بەجێ دەهێڵم؟ " تایهیۆنگ بە نەرمیەوە پرسیاری لە لارا کرد و لارا فرمێسکەکانی سڕیەوە و سەری بەرز کردەوە و سەیری تایهیۆنگی کرد
" سـ سکرتێرەکەت ئەو کچە هەمان کەسە کە هاوسەرەکەمی برد، تای ئەو هاتوە تۆشم لێ ببات، تکایە تای من تازە بە تازە ئەشقی تۆم دۆزیوەتەوە و تۆم خۆشدەوێت، نامەوێت کە لەدڵم چەسپایت لەژیانم بچیتە دەرەوە، سوێند دەخۆم لەدوای تۆوە چیتر دڵ و گیانم بوونی نامێنێ، جگە لە جەستەیەکی بەتاڵ زیاتر نامێنێ " لارا بە گریانەوە قسەی دەکرد و ئاگاداری ئەوە نەبوو کە ئێستا دانپێدانان دەکات بۆ تایهیۆنگ بەبێ ئەوەت ئاگاداری وشەکانی بێت.
تایهیۆنگ نەیدەزانی شۆکی کام بابەتە بێت، بەڵام ئێستا گرنگترین بابەت ئەوەیە لاراش ئەوی خۆشدەوێت، ئیتر لەمەوبەدوا هەستەکانی تاک لایەن نین و ئەویش هەمان هەستی بۆی هەیە و خۆشی دەوێت، چاوەکانی تایهیۆنگ دەگەشانەوە کە سەیری لارای دەکرد.
تایهیۆنگ ماچی لێوی لارا کرد و وای کرد بوەستێ لە گریانەکەی و بە سەرسوڕماویەوە سەیری بکات "من فیدای ئەو دڵە بچکۆلانەت بم کە ئەشقی منی لەناو حەشاردراوە" تایهیۆنگ بە مەستیەوە قسەی کرد و دیسانەوە ماچی لارای کردەوە و ئەمجارە لاراش ماچی کردەوە.
──•~❉᯽❉~•──
بەیانیەکەی لارا چاوەکانی کردەوە لەنێو باوەشی تایهیۆنگ بوو، بزەیەکی کرد و دەستی کەمێک بەرزکردەوە و دەستی لە لوتی تایهیۆنگ دا کە چ شاکارێکی ناوازەیە و تایبەتە، دەستی بە نەرمی بەرەو سەرەوە برد و لەسەر برۆکانی دەخشاند و پاشان بەرەو چاوەکانی برد و ئەمجارە هێنایە سەر کوڵمەکانی و سەرنجی چووە سەر لێوە پڕەکانی کە لە ماچ کردن چ دەرمانێکە هەرزوو مەستی دەکا.
پەنجەی لەسەر لێوی تایهیۆنگ دانا و چاوەکانی داخست تا هەست بە نەرمی لێوی تایهیۆنگ بکات، لەناکاو پەنجەکەی ماچ کرا و لارا بەخێرایی چاوەکانی کردەوە،تایهیۆنگ بزەیەکی کرد و چاوی کردەوە و سەیری تەنیشتی کرد کە لارا لە تەنیشتی پاڵکەوتبوو.
" ئەم کەروێشکە چی لەگیانم دەوێ بەم بەیانیە همم؟" تایهیۆنگ بە خەندەوە وای گووت و کەمەری لارای گرت و لەخۆی نزیک تری کردەوە، لارا کەمێک شەرمی کرد لەوەی تایهیۆنگ هێندە لەخۆی نزیک کردەوە.
" بەیانیت باش" لارا بزەیەکی شەرمنی کرد و بەیانی باشی لە تایهیۆنگ کرد " بەیانی شەکرەکەی منیش باش"
تایهیۆنگ بەخەندەوە وای گووت
" دە تایهیۆنگ ئەمە چیە ئەو هەموو نازناوە هەر جارەو بە شتێ بانگم دەکەی" لارا بە بێزاریەکی ساختەوە وای گووت و تایهیۆنگ بزەیەکی کرد.
" ئێ بۆچی ناکرێ، تۆ کەروێشکی منیت وە بەیبی منیت، تۆ شەکری منیت، تۆ نوقڵی منیت لوت نوقڵەکەم، تۆ ورچە بچکۆلەنەکمی،تۆ هەموو بونی منیت" تایهیۆنگ بەخەندەوە و بە دەنگە قوڵەکەی کە بەهۆی خەواڵیەوە وابوو وای بە لارا وت و بەبزەوە سەیری کرد.
" کەواتە منیش ئیتر نازناوێکت بۆ دادەنێم " لارا بە شیرینی وای گووت و تایهیۆنگ خەندەیەکی کرد و ماچی کوڵمی لارای کرد
" ئادە نوقلەکەی من بزانم چیە؟ " تایهیۆنگ بە بزەوە پرسیاری کرد و لارا پەنجەی لەسەر لێوەکانی دانا وەک بیرکردنەوە.
" ئممممم دۆزیمەوە فنە چۆنە؟ " لارا بەزۆر بزەکەی گرتبوو و وای گووت تایهیۆنگ برۆکانی گرژ کرد "چی؟ فنە؟ ئەمە یانی چی؟" تایهیۆنگ بە تێنەگەشتیەوە پرسیاری کرد و لارا پێەکنی کە ددانە وردەکانی بەدیار کەوتن و کولمەکانی بەرز ببونەوە " ئای خوایە گیان تەنها گاڵتەم کرد ناوت نانێم فنە، ئەوە تەنها گاڵتەیەک بوو هەرچەندە خراپ نیە نازناوێکی کیوت و بچکۆلانە و شیرینە"
" تۆ گاڵتە بەمن دەکەیت کەروێشکی هار؟" تایهیۆنگ بە دەنگێکی توند وای گووت و هەڵسایەوە و دەستی بۆ کەمەری لارا برد ولارا هەر کە تێگەشت تایهیۆنگ بەنیازی چیە چاوەکانی فراوان بوو" نا نا بەخوا گاڵتە بە تۆ ناکەم تەنها هەر وام گووت هههههه تایهیۆنگ تکایە"لارا لەکۆتایی قسەکەی پێکەنی چونکە تایهیۆنگ بەتوندی ختوکەی دەدا.
تایهیۆنگ بەردەوام بوو لە ختوکە دانی لارا و ئەویش شەقی لە قۆڵی تایهیۆنگ دەدا تاوەکوو وازی لێ بێنێت و چیتر ختوکەی نەدات" بوەست.... ئای تکایە " لارا بە هۆی کەمی هەناسەوە وشەکانی بە تەواوی بۆ نە دەوترا و تایهیۆنگ دەستی لە ختوکە دانی هەلگرتو گازێکی لە کوڵمی دەگرت.
"با بۆ جارێکی تر چیدی هەوڵندەدەیت گاڵتە بەمن بکەیت" تایهیۆنگ بە پێکەنینەوە وای گووت و لارا هەناسەی قوڵی هەڵدەمژی و سنگی بەرز و نزم دەبویەوە بەهۆی سەختی هەناسەکەی " زۆر.... زۆر خراپیت ورچی دڕندە" لارا بە هەناسە تەنگیەوە وای گووت و تایهیۆنگ پێکەنی.
" ورچی دڕندە نازناوی منە؟ " تایهیۆنگ بە بزەوە پرسیاری کرد و دەستی لەژێر سەری دانابوو و سەیری لارای دەکرد و دەستی لە قژی لارا ئاڵاندبوو " نەخێر ئەمە نازناوێکە لەکاتی جەنگ بەکاری دێنم، تای ئیتر نازناوی تۆ تای'یە لای من چۆنە؟" لارا سەرەتا بەگرژی و پاشان بە خەندەوە وای گووت.
تایهیۆنگ بزەیەکی کرد و ماچێکی قوڵی گەردەنی لارای کرد " هەر شتێک لەلای تۆوە بێت گەوهەرێکە بۆ من، هااا نازناوی نوێ، گەوهەرەکەشم زیاد بکە بۆ لیستە" تایهیۆنگ لەنێو قسەکانی بە پێکەنینەوە وای گووت لارا ئاهێکی بێزاری دایەوە " ئەرێ تایییی، با یەک نازناوم هەبێ"
──•~❉᯽❉~•──
بـەردەوامـە
──•~❉᯽❉~•──
ببورن ئەوە خەریکی نوسینی پاڕتی نوێ بووم بۆ لارا دەمنوسی لەبیرم چوو لێرە پاڕت بڵاو بکەمەوە :/
You are reading the story above: TeenFic.Net