ئەوەی بیرت بۆی ناچێت خودا پێت دەبەخشێت ئەوەشت لەبیر دەباتەوە پێت وابوو تێناپەڕێت

پـۆڤـیـ'لـارا ||

بۆچی ئەو ئازارانە بەکۆتایی نایەن؟ تاکوێم دەبەن؟ چیترم لێ دەسێننەوە؟ ئێستا لە کەشتیەک دەچم بێ چارۆگە، نازانم شەپۆلەکان بەرەو کوێم دەبەن، تەنها ئەوە دەزانم دەمبەن و دەمبەن، بەبێ هیچ ئامانجێک لەنێو دەریایەکی قوڵ دەڕۆم، هەموو ئەوەی پێم دەکرێ چاوەڕوانیە، چاوەڕێ دەکەم، یان ئەوەتا کەشتیەکەم لەگەڵ تۆفانێک نوقم دەبێت، یا ئەوەتا توشی دورگەیەک دەبم.

ئازارەکان هەندێک جار ورد و خاشت دەکەن، پارچە پارچەت دەکەن، هەندێک جار ئازارەکان دروستت دەکەن و دەتکەنە کەسێکی تر بەڵام بەبێ دڵ، کەسێکی نوێت لێ دروست دەکەن، گەر جارێکی تر بتشکێننەوە کەمتر ئازارت دەبێ، کەمتر وەک پێشوو دەشکێیت، بە ئازار دەبێت بەڵام وەک جاری ڕابردوو نا، کاتێک لەلایەن نزیکترین کەستەوە ئازار دەدرێیت بۆ جاری دوەم خۆت چاوەڕێی ئازار دەکەیت، خۆت دیسانەوە چاوەڕێی شکانێک دەکەی لەو کەسانەی پێشتر نەتدەکرد، بەهۆی شکان و ئازارەکان گەورە دەبیت، ئەقڵت دەگۆڕێ، بیرکردنەوەت سەبارەت بە مرۆڤەکانی تر دەگۆڕی، دەبیتە کەسێکی نوێ بەڵام بەبێ هەستەکانت، بەبێ متمانە کردنت.

ئازاریان دام، زۆر شکاندیام، دایکم تا ئەمڕۆش ئازاری داوم باوکم هەمان شت، بەڵام ئازاری هیچی بەقەد ئازارەکەی ئادریک نەی شکاندم، من لەگەڵ ئازاری دایک و باوکم گەورە بووم، هەمیشە چاوەڕێی شکان و ورد بوونم لەوان دەکرد، بەڵام هەرگیز چاوەڕێی ئەوە نەبوو لەئادریک، بەڵام نیشانی دام کە هەڵەم، من دەبوایە چاوەڕێی خراپترین وردکردن بم لەلایەن ئەوەوە، نەک چاکردنەوە برینەکان.

تۆ بۆ ئەوە هاتیت برینەکانم چاک بکەیتەوە، وە کردتەوە زۆر بەجوانی دڵم و ڕوحمت چاک کردوە، بەڵام دواتر بەجۆرێک وردت کرد هیچ جارێکی لەژیانی ئاوا ورد نەبوو، منت بردە بەرزیەکی زۆر، دەترسام بکەوم، دەترسام لەو بەرزیە قاچم بخزێ بەڵام بیرم لەوە نەدەکردوە تۆ من فڕێبدەیت، ئادریک هەرگیز ئاوام خەیاڵ نەکردبوو تۆ بەو شێوەیە من بخەیتە خوارەوە.

" دادە دایکم بانگت دەکا" لێڤا دوایی ئەوەی لەدەرگاکەی دا سەری کەمێک هێنایە ژورەکە و بانگی کردم، دیسانەوە چی لێم دەوێ ؟ بەڕاستی نازانم ئەوان چ خۆشیەک لەوە وەردەگرن هێندە بم ڕوخێنن؟ خۆ من هیچم تیا نەماوە چیتریان لێم دەوێ، هیچ جێگایەکی ساخم نەماوە دەیانەوێ کام بەشەم بشکێنن؟

بەبێ دەنگی هەڵسام و لەژوورەکەم چوومە دەرەوە، هەمویان لەهۆڵەکە دانیشتبوون، دوێنێ دوایی ئەوەی مێوانەکان ڕۆشتن دایکم وە باوکم شەرێکی گەورەیان لەگەڵ کردم بۆچی؟ چونکە گوایە من خیانەتم لە ئادریک کردوە، بێگومان ئافرەتەک بێ کارەکانی کۆڵان هیچ قسەیەکی تریان نیە بیکەن ئەمە نەبێت "بانگت کردبووم؟" سەیری دایکم کرد کاتێک لەسەر قەنەفەکە دانیشتبوو.

" لێرە دابنیشە" دەستی بۆ ئەو قەنەفەیە درێژ کرد کە لەبەرامبەرم بوو، بەبێ دەنگی چووم دانیشتم و دایکم قوڕگی ساف کرد، کەواتە دەیەوێ قسەیەک بکات " لەگەڵ باوکت بڕیارماندا تۆ بنێرینە لای پورت" بە شۆکەوە سەیرم کرد مەبەستی چیە لەوەی من بنێرنە لای پورم؟ " پـ پورم ؟"

" بەڵێ بلیتی فڕۆکەمان بۆ کڕیویت و سێ کاتژمێری تر بە فڕۆکە دەچیتە لای پورت" قوڕگم پڕ گریان بوو، بۆچی؟ بۆچی دەیانەوێ من بنێرن مەگەر هێندە لەمن بێزارن ؟ هەڵسامەوە و سەیری ئەوانم کرد
" بۆچی؟ بوچی دایکە؟ بۆچی هێندە قوڕسە لاتان من بوونم هەبێ لەو ماڵە لەگەڵتان؟ دایکە هێندە سەختە بۆتۆ دایکایەتی بۆ من بکەیت؟ هێندە سەختە باوەشێکی پڕ لەهەستم پێبدەیت؟ بۆچی هێندە قوڕسە لات یەک جار لەباوەشم بکەیت و بڵێیت لارا کچەکەم من لەلاتم؟ باوکە تۆ! تۆ بۆچی وایت؟ ئەی من کچە بەنازەکەی تۆ نەبووم ؟ چی لەتۆ گۆڕا ئاوا لەناکاو لەگەڵم خراپ بوویت؟ ئەی خۆت بەمنت نەدەوت ناهێڵم کەس دەستت لێ بەرزبکاتەوە؟ ئەی نەت دەوت تۆ کچە ژیرەکەی منیت؟ باوکە من هەر کچەکەی تۆم ئەوەتا، من لارام نەگۆڕاوم چی گۆڕا بڵێ؟ بۆچی هێندە سختە بۆتان وەک خێزانێکی ئاسایی ڕەفتارم لەگەڵ بکەن؟ داوای زۆرم نەکردوە ئەڵێم خێزانێکی ئاسایی! تەنها کاتێک نەخۆش بووم گرنگیم پێبدەن، کاتێک تەنها بووم لەباوەشم بگرن، کاتێک گریام فرمێسکم بسڕن مەگەر ئەوانە داواکاری زۆرن؟ مەگەر ئەوانە قوڕسن بۆ ئێوە؟ " ناخم پڕ بوو لە سەدان وشەی نەوتراو، پڕبوو لە قسەی قوتدراو، نەمدەتوانی هەمووی بڵێم بەڵام وتم هەندێکم وت، دایکم هەڵسایەوە و بەرەو لای من هات، بۆساتێک وام زانی لەباوەشم دەگرێت و دەڵێت بمبورە کچەکەم کە هێشتم هەستم بەو ئازارانە بکەیت، لەبری ئەو دڵنەوایە بەهەموو هێزیەوە زلەی لێدام.

" تۆ چۆن دەتوانی ئاوا بیت بەرامبەرمان هاا؟ بێڕەوشت لەسایەیی تۆوە باوکت ڕووی نیە بچێتە دەرەوە، براکانت ناتوانن لەدەرەوە بن، من لەلای هاوڕێکانم شەرمەزا بوومە، ئەمانە بەهۆی کێوە ڕویان داوە؟ بەهۆی تۆوە بوو! شومێکێ وەک تۆ کە تەنها و تەنها سەر ئێشە بوویت بۆمن لەوەتەی لەدایک بوویت، خۆزگە لەبری تۆ یان کوڕێکم دەبوو یان بەردێک" قسەکانی لەو زلەیە بە ئازارتر بوون کە لێی دام، بۆچی دایکە؟ بۆچی ئادریک خیانەتی کردوە و من خەتابار دەکەن؟ بۆچی کەس لەهەستم تێناگات و هەر یەکەو لەجێی خۆیەوە بڕیارم لەسەر دەدات؟

" کەواتە بۆچی منت هێنایە سەر دونیا؟ بۆچی هێستت بژیم لەکاتێک بارگرانی بووم لەسەر سەرت؟ بۆچی دایکە بۆچی منت گەورەکرد مادەم نەیدەویست هەبم؟ منت بکوشتبایە، خۆزگە من هەرگیز کچی ئەم خێزانە نەبوبام، خۆزگە ئێوە خێزانی من نەبوبان، نەفرەتان لێبێت" قوڕگم پڕبوو لەگریان پڕبوو لە بێ ئومێدی، چیتر بەرگەی ئەوانم نەگرت و لەهۆڵەکە چوومە دەرەوە و چومە دەرەوەی خانوەکە.

خودایە بۆچی ناچارم هێندە سەختیە بچێژم؟ بۆچی بەو قوڕسیانە تاقیم دەکەیتەوە خودایە گیان؟ نەفرەت لەو خێزانەش بدات کە پێم وایە خێزانێکن بۆمن، بەڵام نەبوون، هەرگیز نەبونە خێزانێک بۆمن هەرگیز نەبوونە پەناگەیەک، نەبووە هۆکاری ئارامییشم، ئەوان هەرگیز بۆ یەک جاریش باوەشێکیان لێم نەداوە، هەرگیز دڵیان نە داومەتووە.

هەنگاوەکانم بەرەو لای دەریاچەکە دەچوو، ئەو جێگایەیی کە بەمنداڵی لەهەموو کاتە سەختەکانم دەچوومە ئەوێ، هەمان شوێن کە هەر جارێک لەگەڵ دایکم شەڕم دەبوو دەچوومە ئەوێ، پێم وابوو چیتر پێویستم بێرە نابێت، سێ ساڵ لەمەوبەر پێموابوو کە چیتر ناگەڕێمەوە ئێرە، پێموابوو ئیتر خۆشبەختی تاهەتایی بەدەست دەهێنم.

بەڵام ئەوەتا دیسانەوە گەڕایتەوە هەمان ئاست لارا سمیرنۆڤ، دیسانەوە گەڕاینەوە سەرەتا، دیسانەوە کەوتیتە ناو هەمان سەختی کە زۆر بەقوڕسی هەوڵتدا لێ نەجات بیت، ئێرە شوێنی تۆیە، وە ئەوە بەشی تۆیە بۆ هەمیشە، ئازارەکان وە سەختیەکان، تاکە دەستکەوتن لەم ژیانە هەتبێت بۆ تاهەتایە.

چەندی تر ماوە بیچێژیت لارا سمیرنۆڤ؟ چەند ئازاری تر ماوە تاقی بکەیتەوە؟ چەند جاری تر دەبێت بشکێیت؟ نازانم بەڵام ماوە، هێشتا ئازاری زۆرتر ماوە بیچێژی، هێشتا خەمی زۆر ماوە تاقیان بکەیتەوە، دەبێ هێشتا لەناو ئازار بژیت و بەرگەی زیاتر بگریت.

" ئەوە کچەکەی ئەناتۆلی نیە؟"

" بەلێ خۆیەتی، ئەمە بە چ ڕوێکەوە هاتۆیە دەرەوە؟"

" ئەیی بێ ئابڕوو هیچ شەرم لە کارەکەی ناکات کە کردویەتی ئاوا دێتە دەرەوە"

چرپە چرپی ئافرەتەکان دەهاتنە ناو گوێم، هێمن بە لارا، هێمن بە هیچ مەکە، تەنها چەند خولەکێکی ترە و ئیتر بۆ کۆتایی ژیانت ناگەڕێیتەوە ئێرە هەرگیز.

" بێگومان شەرم و ئابڕووی نیە ئەگەرنا چۆن دەهاتە ئێرە ؟ "چیتر خۆم پێ نەگیرا و سەیری ئەوانم کرد
" ئێوە من فێرە ڕەوشت دەکەن هاا؟ جارێ سەیرێکی خۆتان بکەن بێڕەوشتینە، بەر لەوەی بێن قسە لەسەر ئابڕووی من بکەن چاوێک بە ئابڕووی خۆتان دابخشێنن، ئەمە من نیم بێڕەوشتم کچەکانی خۆتان نەبینیوە هاا ؟ تۆ کە بەمن دەلێیت ڕەوشتت نیە جارێ چاو لەکچەکەت بکە هەر ڕۆژەو لای پیاوێکە، ئەی تۆ؟ هێندە بەدوای قسەی خەڵکی دەکەویت بۆچی پەروەردەی کچەکەت چاک ناکەیتەوە هەموو شەوێک لە باڕەکان کەوتوە"

" چەند بێ ڕەوستە لە دەمیشمان دەداتەوە"

" من ئاوام حەزت پێی نیە ؟ ملت وردکەو لەبەردەمم مەمێنە، من بەزۆر تۆم لێرە هێشتۆتەوە؟ " هەموو ئەو توڕەییەی هەم بوو بەسەر ئەوانم داڕشت، هەرچی توڕەیی ناخم هەبوو لەسەر ئەوانم بەتاڵ کردوە.

──•~❉᯽❉~•──
بـەردەوامـە
──•~❉᯽❉~•──

هەندێک جار ئەو خێزانەی دەتەوێ ناتبێت، بەڵام خودا ڕۆژێک ئەوەت بۆ قەرەبوو دەکاتەوە، تەنها دوور مەبە لەخودا و هیوات هەبێ

2024/8/22
10:10 PM