هەندێک جار بەختەوەری لە وازهێنان لە شتەکاندایە، نەک بەدەستهێنانیان.

پـۆڤـیـ'لـارا ||

مەگەر من لەوە ڕانەهاتبووم؟ مەگەر ئەوە لای من ئاسایی نەبوو؟ بۆچی ئێستا هێندە بەوە شکاوم کە کەلووپەلەکانم لەبەردەم دەرگا دانراون؟ بۆچی هێندە ئازاری هەیە؟ وەک ئەوەی بەردێکی گەورە لەسەر دڵم دانرابێت ئێشی هەیە.

بۆچی بۆیان قوڕسە من وەک کچی خۆیان قبوڵبکەن لەکاتێکدا من لەخوێن و گیانی ئەوانم؟ هۆکاری ئەو هەموو ڕقە بەرامبەر من چیە؟ لەسەر چ سەبەبێک ئاوا ئازارم دەدەن؟ هەندێک جار بیر دەکەمەوە بەڕاستی من کچی بایۆلۆجی ئەوانم؟ بەڵام ئەی لەمنداڵی سێجار پشکنینم نەکرد؟ گەمژانەیە وایە؟

بەلام کاتێک منداڵ بووم ئەو بیرۆکەیەم هاتە مێشک کە منداڵی خوێنی ئەوان نەبم بۆیە ئاوا بن لەگەلم، بەڵام بەداخەوە کە سێجار و لەکاتی جیاواز کردم و هەمان شت دەرچوو، تا ئەمڕۆش وەڵامم دەست نەکەوت کە ئەوان بۆچی ئاوا ڕەفتار دەکەن لەگەڵم؟

دایکم لەبەردەم دەرگاکە بوو و سەیری دەکردم کە نزیکی دەبوومەوە " ئەوە ناونیشانی مالی پورتە، وە ئەمەش پارەی تەکسیە، خێرا بڕۆ با فڕۆکەکە لەدەست نەدەیت" کاغەز و چەند پارەیەکی خستە ناو دەستەکانم، فرمێسکی چاوم دووبارە هاتە خوارەوە و سەیری چاوەکانی دایکم کرد.

" باوەشم لێنادەیت؟ ماڵئاواییم لێ ناکەیت دایکە؟ ناڵێ کچم ئاگاداری خۆت بە؟ پێم ناڵێی کە خەمی منتە؟ نالێی بەرگەی دووریەکەت ناگرم ؟ دایکە نایەیی دەست بەسەر قژەکانم دابهێنێت و بڵێی ئەو ماڵە چۆڵ دەکەیت لەدوای خۆت؟ ناڵێیت کەس نیە ئیتر هاواری لەسەر بکەم؟ ناتەوێ بۆ تەنها جارێک لەژیانم لەگەڵم نەرم بیت و دایکایەتی خۆت بنوێنی؟ " فرمێسکەکانی چاوم دانە بەدانە دەهاتنە خوارەوە و سەیری دایکمم دەکرد کە چۆن بەبێ دڵیەوە سەیرم دەکا و لەوێ وەستاوە.

" نەخێر نزا دەکەم هەرگیز نەیەتەوە بەردەم چاوەکانم، نزا دەکەم جارێکی تر لەژیانم چاوم پێت نەکەوێتەوە، نامەوێ دیسانەوە لەبەردەمم دەربکەویت، بەڕاستی ڕقم لێتە نامەوێ چیتر بتبینم" قسەکانی لە شمشێرێکی تیژ دەچوون کە بەناو دڵم دەکەوت و ئازاریان دەدام.

" بۆچی هێندە قوڕسە منت خۆش بوێت دایکە؟ بۆچی هێندە سەختە من وەک کچی خۆت قبوڵبکەیت؟ بۆچی جارێک هەوڵنادەی ئەوەی بکەیی کە حەزم پێیەتی گەر بە نواندن و درۆش بێت من پێی قایلم، بەخوا گلەییم نیە ،سوێند بەخوا گلەیی ناکەم لەوەی بە درۆ خۆشەویستیم پێدەدەیت، قایلم بەوە گەر ساختەش بێت تەنها بۆ جارێک با هەست بە سۆزی دایکایەتی بکەم، با بۆ یەکجاریش بێ بزانم چۆنە گەر لەلایەن دایکتەوە خۆش بویسترێی، دەمەوێ ئەو هەستە ببینم کە چۆنە کاتێک ئازارت هەیە و دایکت لەباوەشت دەکا و دەتلاوێنتەوە، بەڕاستی حەز دەکەم بۆ یەک جار لەژیانم هەستی هەبوونی دایکێکی باش تاقی بکەمەوە، دایکە بۆچی هێندە لات قوڕسە یەکجار وابیت بۆمن؟ " گرێیە توندەکەی دڵم زیاتر و زیاتر توند دەبوو، لەهەموو خانەکانی ناو لەشم هەستم بەو ئازارە دەکرد، بۆچی دەبێ ژیانم هێندە سەخت بێ؟

" زۆر بڵێیی مەکە لارا کاتژمێرێکی تر فڕۆکەکەت دەفڕێ دەی بڕۆ "لەکۆتایی قسەکانی دەرگاکەی بەڕومدا داخست، وەک ئەوەی داوام لێی کردبێت هەموو سەروەت و سامانی خۆی بداتەمن، ئاخر تەنها داوایی شتێکم کرد کە مافێکی بچووکی منە، ئاخر مەگەر تاوانە گەر بڵێم دایەک خۆشەویستی خۆتم پێ ببەخشە؟

فرمێسکەکانم سڕیەوە و کاغەز و پارەکانم خستە ناو گیرفانی چاکەتەکەم، سەرمایەکی زۆر هەبوو بەم نیوەڕۆیە، ئاسمان هەوراوی و سپی بوو، کەشەکە لەوەدەچوو بەفر ببارێت، جەنتاکەم هەڵگرت و کەمێک لە خانوەکەمان دوور کەوتمەوە، سەیرێکم کرد و ئاهێکم لەدەم هاتە دەرەوە.

ماڵ؟ ئێرە ماڵی من بوو؟ ئایە ئێرە ئەو شوێنە بوو کە خەڵک بە ماڵ ناوی دەبەن؟ من لێرە بۆ ڕۆژێکیش ئاسوودەییم دەست نەکەوتوە، لێرە جگە لە ئازار و غەم هیچتر بەشم نەبوە، لێرە سەدان شەوی پڕ لەگریانم هەبوە بەبێ ئەوەی کەس هەبێت فرمێسکم بسڕێت، بەبێ ئەوەی باوەشێکی میهرەبانی وەرگرم، لێرە سەندان شەوی پڕ لەترسم بەڕێکردوە بەبێ ئەوەی دەست و باوەشێکی دڵنیاکەرەوە لەلام بونی هەبێت، لێرە چەندان جار بەدەستی ئەو پیاوەی بەناو باوکمە لێدانم خواردوە، تەنها حەوت ساڵان بووم کە چیتر باوکم گرنگی بەمن نەندەدا و وازی لە خۆشەویستنی من هێنا، ئاخر من باوکمم زۆر خۆشدەویست، لەسەرەتاکان هەر ئەوم هەبوو کە گرنگی بەمن دەدا، بەڵام لەپڕ و لەناکاو دەستی لەوە هەڵگرت من گرنگ بم لای، نازانم هۆکارەکەی چی بوو بەڵام زۆر بەخراپی ئەوە منی شکاند، ئاخر کاتێک تۆ چاوەڕێی ئازارێک ناکەیت لەکەسێکی خۆشەویستت و ئەو ئازارت پێدەدات، لەهەموو ئازارەکان ئێشی زیاترە، لەهەموو هیوا ڕوخاوەکان وێرانکەرترە.

فرمێسکەکانم و بەفرە نەرمەکە بەهێواشی بەسەر کوڵمەکانم دەهاتنە خوارەوە، لێرە لەبری دایک و باوک و خێزانەکەم بەفری زستان ماڵئاوایتم لێدەکات، دەی لارا خۆ ئەوە یەکەم جارت نیە لەلایەن خێزانەکەت بێهیوا بکرێی! بۆچی هێندە بیری لێدەکەیتەوە؟

بەڵکوو ئەو شوێنەی ئێستا بۆی دەچم ببێتە دەستپێکی ژیانێکی نوێم؟ بەڵکوو لەوێ بەختەوەری بدۆزمەوە، ههه بەختەوەری و من؟ ئەوە ئەستەمە بەڵام هەر نەبێت لەوێ دور دەبم لە دەمەقاڵێیەکانی دایکم، دوور دەبم لە هاوارەکانی باوکم، لە بۆڵە بۆڵی براکانم، لە ڕوخسارە نەفرەتیەکەی تایلۆر و ئادریک، نامەوێ لێرە بم چونکە هەر کەلێنێکی ئەم شارە یادگاری ئێمەی لێیە، لێرە وە لەم کۆڵانانە خۆشەویستیی خۆمان دەربڕیوە بۆ یەکتری.

لەسەر لێواری شەقامەکە وەستام و چاوەڕێم کرد تاکسیەک بێتە ئەم ناوە، دوایی چەند خولەکێک تاکسیەک وەستا و سەرکەوتم " بۆ فڕۆکەخانە کاکە" شۆفێرەکە سەری لەقاند و بەرەو لای فڕۆکەخانەکە بەڕێکەوت، سەیری کۆڵانەکانم دەکرد لە جامی ئۆتۆمبێلەکە، خوات لەگەڵ تۆمسک، تۆ بۆمن پڕبوویت لە مەینەتی، تۆ منت بەئازارەوە لێرە گەورەکرد، هێوا دەخوازم هەرگیز قاچم نەخەمەوە ئێرە،هیوا دەخوانم هەرگیز نەیەمەوە سەر خاکەکەت و هەمان ئازار ببینمەوە.

دوایی نیوکاتژمێر گەشتینە فڕۆکەخانە و پارەی تاکسیەکەم دا پێی و پاشان جانتاکەم دابەزاند، بەرەو ناو فڕۆکەخانەکە چووم، دوایی وەرگرتنی بلیت و پاسەپۆڕتەکەم توانیم نچمە ژورەوە.

لێرە چەندان خۆشەویست و خێزان هەبوون کە باوەشی ماڵئاواییان لێکدەدا، چەند داماویت لارا کەس نەبوو ماڵئاوایشت لێ بکات، کەس نەبوو بۆ کۆتا جارە باوەشێکت لێبدا، دیسانەوە فرمێسکە داماوەکانم هاتنە خوارەوە کە ئەمڕۆ تەنها توانیومە بگریم، مەگەر لەوە زیاتر چیم پێدەکرێت؟ نەگەر دەتوانم شتێکی تر بکەم؟

سەرکەوتمە ناو فڕۆکەکە و لەشوێنی خۆم دانیشتم "گەشتیاران بەڕێز تکایە هەموتان خۆتان بەباش ببەستنەوە فڕۆکەکەمان دەست بە گەشتەکەی دەکات لە ڕوسیاوە بۆ کۆریای باشوور، تکایە هەموتان پابەندی یاساکانی خۆپارێزی بن و قایشەکانتان ببەستنەوە، دوور بەکەونەوە لە بەکارهێنانگ هێڵی پەیوەندی یاخود ئەنتەرنێت،بەهوای گەشتێکی خۆش بۆ هەمووتان "

" کەمێکی پێ چوو فڕۆکەکە دەستی بە فڕین کرد، کەواتە گەشتی من لێرەوە دەست پێدەکات؟ تۆ جگە لەئازار و خەفەت هیچی ترت بۆ من نەبوە ڕووسیا، کەواتە با سەیر بکەین و ببین کۆریا چیم بۆ دێنێت؟ لەوێ چ نەهامەتیەک چاوەڕێی من دەکات؟ چ ئازارێک لەوەێ بۆمن دانراوە؟ نازانم دەکرێ خراپترین ژیان لەوێ چاوەڕێی من بکات، لەوانەیە ئەو سەختیانەی لێرە چەشتم لەوێ بەزیادەوە بیچێژمەوە.

من نازانم چیم بۆ دانراوە لەوێ وە بەشم چی دەبێت بەڵام تەنها هیواخوازم هەمان ئازار نەبینمەوە، دەیسان نەکەومەوە ناو هەمان دەرد و خەفەت، چاوەکانت دابخە و بخەوە لارای شیرین کاتێک گەشتی دەزانیت ئەوەێ چی بۆ ئامادە کردویت.

──•~❉᯽❉~•──
بـەردەوامـە
──•~❉᯽❉~•──

ئیتر لێرەوە چیڕۆکەکەمان دەست پێدەکا.

2024/8/23
1:09 AM