#انتقام _الضابط _رسلان

بارت كلش حلووو واكيد راح تحبوه
♥️🤭

***********************

لا تبحث عن اشيائك المفقوده
في مشاعر الاخرين....

***********************

إيــــليـــن *

سكنتَ فؤادي منذ أولِ نظرةٍ
‏وما زلت في لُبِّ الفؤادِ تجُوبُ"...♥️

باجر خطوبة روان اليوم الكل اجه من جهال ونسوان والبيت مابيه محط رجل تعرفت على بنات خالته كلش حبابات
جنت بالمطبخ واكفة يم المغسلة ويه البنات سوالف وضحك صحيت على صوت روز بت خالته من سئلت

روز مبتسمه ::. تحبين رســـلان؟

تصنمت بمكاني من سئلتني محد سائلني من قبل اعترف احبه ومجنونه بيه وسامحته بعد كلشي صار بس اكيد مراح ابين اله صار هدوء المكان رديت عليها مبتسمه ::. اكيد شلون ماحبه حبيبي وزوجي والشخص ال اتزوجته عن حب
ندرايت عليها مبتسمه اختفت ابتسامتي من شفته واكف ساند نفسه على الباب ومجتف ايده مبتسم وعيونه تلمع بحب
بلعت ريگي من سمعت البنات يضحكون

روز ::. اعترفتي گباله همين مو بس گبالنا هههههه

ابتسمت بفشله بس مو نفس فشلتي كباله طلعو البنات وسدو الباب واني ردت اطلع وراهم جرني بكل قوته عليه حاصرني بين اديه رفعت ايدي اريد ادفعه لزمهن ولواهن وره ظهري همست بتردد ::.وخر شبيك

همس گبال وجهي وانفاسه تطخ وجهي
::. ليش اوخر ؟

بتردد:.. يعني يعني هو يعني.....

سكتت من سمعت صوت ضحكته نزلت راسي خجلانه رفع راسي بيده وحط خده على خدي وگال ::. يابعد روحي انتي

نزل لشفايفي يريد يبوسني حطيت ايدي على شفايفه امنعه رفع حاجبه
::.عيب ليجي احد

ابتسم و باس ايدي الي على شفايفه ارتبگت سحبتها ودفعته على گيف ::. احم شويه خلي اروح
هز راسه مبتسم بس اكيد ميطلع رسلان. اذا ميسوي شغلة تستفزني وخر اديناته من حولي ماحس غير باسني بشفايفي ضليت اكمز وهو ضحك بسرعه ردت اركض وراه طلع يركض اوففف منه فدوة اروحله طلعت مبتسمه شافوني البنات غمزولي يبووو هسه شيسكتهن كعدنا يم النسوان شوية وكمنا صبينا الغده كلنا جتمعنا على السفرة بقيت اني اخر وحدة صاحتني عمتي استحيت لان كلهم كاعدين ومراح اخذ راحتي باوعلي رسلان واشرلي اجي يمه هزيت راسي ورحت كعدت بصفه كملنا اكل وبسرعه شلنا الاغراض وغسلنا الاماعين شفت ملابسي صار كلها ماي گلت للبنات كالو صعدي وفعلاً صعدت ودخلت الغرفة طلعت ملابس التفتت لگيت رسلان واكف ::. شبيك خرعتني

باوعلي عاض شفته نزل عيونه من رجليه لحد راسي ::. هاي شبيك تباوع
هيج

::. يايابه  اغمض عيوني عن حلالي
واعوف هيج منظر مغري !!

وجهي صار احمر دم قفل الباب وتقدم مني وهو يغني بحة صوته الي تگتل

::.راح اسجل روحي باسمك.....
حتى اضل كل عمري يمك ....

غمضت عيوني من صار قريب مني
حاوط خصري نزل راسه وحطه بركبتي
انفاسه الحارة و شواربة الي تنغزني
همس وهو يتنفس بسرعه ويمشي خشمه على طول ركبتي
::. يايابه يابويه على هاي ريحتج يانبعة الريحان ..

::. رسلان حباب عيب

::. يروح رسلان ماروح قبل ماخذ حقي

عگدت حاجبي باستغراب ابتسم دنگ باسني بين حواجبي ابتسمت غصب عني ::. شـِنو حقك ؟

::. بوسيني

استحيت ::. ما شـِنو ابوسك وخر

دنك عليه اعرفه يريدني ابوسه بشفته
ضليت العب باصابعي بخجل وهو يراقبني ويتأملني مبتسم تعبت من الوگفه اخر شي رفعت نفسي وحطيت شفتي على شفته ضحك حط ايده وره راسي وجرني عليه وضل يجر شفايفي بين شفايفه تخدرت بتعد وباسني بكل ملامح وجهي واني مبتسمه شعور يخبل ومستحيل اوصفه رجع باسني بشفتي بخفه وبتعد اعرف بيه يجبر نفسه يبتعد بسرعه طلعت حتى نسيت ملابسي مبدلتهن كل الي اذكره بوساته وحظنته

..♥️..♥️..♥️..♥️..♥️..♥️..♥️..

اليوم التالي

كعدنا من الصبح علمود الصالون ردت اضل بالبيت بس مقبلت عمتي كالت روحي وياها وطبعاً اكيد اجت ديمه شكد مشتاقتلها رحنا للصالون وبلشت ب روان حفت وجهة وبلشت تسويلها المكياج والشعر اني طلبت مكياج خفيف كلش
وشعري هم تسريحه بسيطه
بلشت تسويلي المكياج وتسريحة كملت وطلع يجننن عليه ومبين ملامحي البنات كامو يصلون على النبي شوية وكملت لـ روان طلعت حبيبتي تخبل والبدلة بعد احلى تجننن عليها اكيد راح يتخبل عليها ايمن

كملنا كلشي وخابرنا على رسلان كال تحضرو هسه جاي لبسنا البشت والشال وعدلنا روان رمش على التليفون طلعنا بالبداية روان باسها براسها وساعدناها علمود تصعد كعدت بصفها روز و اختها
واني نجبرت اكعد ليكدام هههه اوك مو نجبرت بس بعتباري زوجته غير !!!
صعدت بصفه وهو بس يبلع ريگه ويكول

::. شو حارة اليوم

ردت عليه روز وهيه تضحك ::. لا خوية مو حارة بس انته احتريت من شفت هذاك الواحد

رد عليها وهو يضحك ::. اي من صدك هذاك الواحد خبلني هو بس عيون مبينة وتسودنت

ضحكو سوية درت عليه وخزرته ورجعت وجهي للجامه مبتسمه وصلنا للبيت وبسرعه نزلنا نزعت البشت والشال والبوشيه الكل كامو يصلون على النبي من طبينا اني والبنات بتسمت لروان ورحت كعدتها على الكوشه حسيت على واحد ينده اسمي نداريت وشهگت من شفت امي ونور كمزت عليهم حاضنتهم فرحانه بشوفتهم هواية
باوعت لنور وگلت ::. وينه تيم؟ شـِنو مجايبته ؟

نور ؛: لا شلون ماجيبه غير خبصنا إيلي واريد إيلي

إيلين ::. فدوة اروحله شكد مشتاقتله
شوية وكالو اجو اهل العريس دخلو
تعالت الهلاهل والهوسات بوسو روان وعمتي وره شوية عقدو بس لاحظت توتر وخجل روان اكيد خايفه ابتسمت لمن تذكرت خطوبتي تنهدت واني اتذكر صحيت على صوت عمتي من همست الي

::. إيلي لبسي البشت والشال راح يدخل ايمن

::. تمام عمة
اخذت البشت والشال لبستهن دخل ايمن خجلان هواية بلگوه لبسها الذهب خطية حتى عرگ وهيه اسوء منه هههه الله يخليهم لبعض مبين الحب بعيونهم شويه ضل وطلع وهنا بلشت الساحه بيد البنات نزعت البشت و الشال ونزلت ويه البنات وسحبنه روان بنصنه
دخلت ديمه بالنص وهلهلت باعلى صوتها متتتتتتت من الضحك من طلعو اغنية و تقبلين لا مااقبل اشتعل الجو والنسوان كلها يتهامسون بيناتهم على ابو شلون الچنه تركص ويه حماتها عجيب حجيهم شفت وحده تحجي ويه عمتي وتأشر عليه عمتي باوعت عليه وضحكت
مهتميت ورجعت اركص ويه البنات صاحتني عمتي
::.يمه روحي فوگ جيبي علبة موجودة بغرفة روان

هزيتلها راسي وصعدت فوك رحت لغرفة روان لگيت العلبة طلعت شهگت من واحد سحبني حط ايده على حلكي وايد حاوط خصري سحبني لغرفتي عرفت منو من عطره ومنو يسترجي يلمسني غيره ؟ سد الباب برجله ودخلني بتعدت عنه ونداريت بلع ريگه وعيونه تاكلني اكل انتبهت اله لابس قميص ابيض وفاتح اول دكمتين وساعة مزينة ايده ومبين مزين شعره طالع يجننن انتبهت ضل يباوع على فستاني وشعري وعلى ملامح وجهي

همس من بين شفايفه ::. يايابه يابويه
جرني وبدون مقدمات حط شفته على شفتي تقرب مني اكثر ودفعني ظهري نضرب بالكنتور حاصرني بينه وبين الكنتور مغمض عيونه مستمتع بلحظه نسيت كلشي بس ردت ابقى وياه واستمتع بهاي اللحظه رفعت ايدي وحاوطت ركبته بادلته بكل حبي وبكل روحي استسلمت اله وستسلمت لحبه عصر خصري وابتسم دگات گلبنا و انفاسنا الكل يسمعه من كثر مينبض بعد شفايفه عن شفايفي سند راسه على راسي وصوت تنفسنا ينسمع بكل الغرفة حرگ خشمه على خشمي وهمس بكل حب وعشگ

::. احــبــج يانــبعــة الـريــحان امــوت عــليــج يابــعد هــــلي عــاشــگــج لحــد گــطــع الـــنــفــس

حركت خشمي على خشمه مبتسمه ::. واني احــــبــك يـــاوطـــن روحـــي

..♥️..♥️..♥️..♥️..♥️..♥️..♥️..

فـــراشـــات🦋🦋🦋😭😭😭😭
بالبداية خلي نحجي البارت ١٠٥٠ كلمه ماعدا خارج المشاهد يعني كومه وكتبته واني كلش حابته يااخي يجنننننن 😭😭
اتوقع عرفتوا ؟ قربت النهاية 😔
البارت الجاي النهاية بس اكيد راح يكون اكو بارتات مابعد القصة واكيد مراح اقصر وياكم مثل قصة فهد وريم 🥹🫶🏻♥️
وبالاخير هواية احبكم ♥️😭