#انتقام _ الضابط _ رسلان

هلاوووو ياحلوين 🫶🏻♥️🥹

صوتوا كتبولي تعليقات حلوه مثلكم
♥️🤭

************************
لا نََمْدَحُ النَّاسَ إلا بعدَ تَجْرِبَةٍ
‏لا يُشْتَرَى العودُ إلا بعدَ إحراقِ..🖤
***********************

إيـــلــين *

كان من الطبيعي جدًا ‏أن
أفقد انتباهي في كل مرة تبتسم؟ 🤍.

مرت يومين ووافقت روان كلهم فرحو واني من ضمنهم البنيه احبها هواية كلش حبابه ولطيفه ولا يوم طلع شي موزين منها راحو شترو الذهب وجهزو الامور واليوم راح اروح اشتري فستان وبالنسبه لرسلان كلساع متحارش يدور حجج بس مطيته مجال ههههه ولله اله اخبلك استاذ رسلان مو اني الي ينلعب ويايه اله اخليك تتلفت وراك من تمشي اني اعلمك تنهدت مبتسمه وتوجهت للكنتور طلعت ملابسي وطبيت سبحت كملت ونشفت نفسي لبست مثل السوت كامل كلش حلو يطلع على جسمي

كلش يبين الـخــصــر حطيت مكياج وعطر قوي اني اعلمك يارسلان اله اخبلك باوعت على نفسي وبتسمت اليوم مبين اكو واحد راح يحترگ ابتسمت بخبث اخذت جنطة والتليفون ونزلت
دخلت لغرفة عمتي عبالي موجوده بس ماكو شفته جان واكف وداير ظهره لابس قميص رصاصي ضاب على جسمه ولازك وبنطلون اسود طالع يجننن اني هيج زوجي وكاعده ابجي واغلط عليه من همداني هنوب ضليت صافنه على ظهره دار وجهه ياريت مدايره ضليت مفهية بوجهه عود هاي ردت اعلمه شعلم منه هو راح يعلمني بلعت ريكي وعيوني تمشي على كل ملامحه عيونه الي تخدرني خشمه شفايفه شواربه نسيت كلشي وكل الي صار ردت بس احضنه غمضت عيوني بكل قوتي من تقرب مني جرني عليه نضربت بيه همست برجفة::. رسلان

رد عليه بصوته الي يذوبني ::. هايروح رسلان

بلعت ريكي مادري شكاعد يصير بيه  دفعته ورجعت ليوره ضل يتقدم واني ارجع لحد مصرت على الحايط حط ايده من الجهتين صرت بنص نزل نضره للشفايفي وبعدين لعيوني رجع همس وانفاسه تضرب وجهي

::. ابوس عيونك الحلوات يابعد عيني
باسني بعيوني ثنيناتهن ونزل لخدودي

باسهن واخر شي لشفايفي جرهن بين شفايفه تخدرت حسيت نفسي راح اوكع حرارتي ارتفعت هاي شنو معقولة كله هاي من وره البوسة ؟ ضل يبوس بشفايفي موتني يبوسني بطريقة تذوبني وهو الحقير يعرف نقطه ضعفي
اريد ادفعه ماكدر بتعد ساند راسه على راسي ناخذ انفاسنا من بعض شفايفنا ترجف وگلبنا يرجف قبلنا فتحت عيونه الذبلانه ردت اسوي شغله بس ردت ابوس عيونه هلكد محلوات وشكد احب عيونه همس بصوته اليرجف

::. شسويتي بيه ؟؟ شسويتي يانبعة الريحان ياوطن روحي دمرتيني

قبل مارد تقرب مره ثاني واخذ شفايفي بس علموه بكل قوته ماحسيت غير على فتحة الباب عزاا بعيني نفضحنا دفعته واني اشوف روان وجهة احمر بسرعة طلعت عزاا عزاا شلون هاي شافتنا هيج يعني دقيقه خلي استوعب شافتنا وهو كاعد يبوسني ؟ ومن شفايفي ؟؟ طين براسي خايبة شلون راح اطلع گبالها
ماحسيت اله على ضحكته ندرايت عليه خزرته باوعلي وهو يضحك

::. ها ارتاحيت شافتنا عزاا بعيني شلون اطلع گبالها بعد

تقرب وحاوط خصري يعني شلون هذا ميجوز حرك خشمه على خشمي وكال

::. عادي رجال ومرته قابل شيسون

::. ولله استحيت منها شلون تشوفنا هيج

::. عادي يروحي وبعدين هيه گطعت رزق اخوها

ضربته على صدره ودفعته رحت للمراية عزاا هذا شمسوي بيه حمرتي طافره لخدي ومورمه عدلت شكلي وهو هم مغسل ومعدل نفسه بسرعه طلعت رگبت السياره علمود متشوفني استحي منها كل ماتذكر الي صار صعد ورايه وشغل اغنية محمد عبد الجبار

ابـــوس عيونك سامحني....
ماكدر على زعلك لحظة....
لو ماعرف انته تحبني ....
ماتزعل من عندي وترضه....

هيه ثواني زعلت عيونك ...
خفت يضيع البيني وبينك ...
حبك غالي بيمن اعوضه ....

ابـــوس عيونك بس ترضه ...

طول الاغنية يباوعلي بطرف عينه يريد يشوف ردة فعلي واني مبتسمة الاغنية حلوة والاجواء وردية اكيد اسامحه بس لازم اشلع گلبه صح ؟؟

نزلنا للمول وهو اخذ ايدي محجيت شي بس بسرعه اختاريت الفستان بدون ميشوفه واخذت الشغلات الي احتاجهن اله اطلعله گلب جديد هههههه راح يتخبل
طلعنا وكعدنا بالمطعم اكلنا رجعنا للبيت
بسرعه صعدت ضميت الفستان ورحت اعتذرت من روان وهيه كالت مشفت شي
اطمنيت وهسه وكت اللعب الحقيقي
رحت لغرفتي ادري بيه هسه جوه
طلعت الي اريده من الكنتور ورحت للحمام كملت وطلعت باوعت بالمراية

فتحت شعري على طوله وحطيت عطر وكحله و حمره طلعت مرطب مال جسمي ضليت امسح على رجلي وارطبه سمعت صوت الباب انفتح رفعت راسي لگيته صافن يبلع ريگه عيونه تأكلني اگل
محجه شي واني ضليت ارطب ايدي ورگبتي راح كعد على الجرباية ويباوعلي دنكت سمعته يستغفر ويمسح وجهة ياااا هذا شبيه ؟اني شمسويه ههههههههه كملت ترطيب مسحت ايدي ورحت وكفت گباله ::. ممكن تكوم اريد انام
ساكت شكيت الولد انجلط ههههه هزلي راسه مفهي وكام على القنفة تمدد واني نمت مرتاحة لاول مرة من بعد زواجنا اي يارسلان راح اطلعلك گلب جديد ضحكت بخفة ........

*************************

كولو اليوم مادللتكم بارتين بنفس اليوم وفوكاها رومنسي يعني اليوم راح يطگم الجفاف 😂🤣🤣🤣