ငွေ မန်းလေးက အမျိုးတွေဆီ ခဏဘဲ ဝင်တွေ့ကာ ရွာကိုဘဲတောက်လျှောက် ကားဌားကာပြန်လာခဲ့လေသည်... ရွာရောက်တော့ ငွေတောင် အကျိုး အကြောင်း မပြောပြရသေးဘူး မေမေတို့က မြတ်ဘုန်းမော်အကြောင်းကို သိနေလေသည်.. ငွေကို ဖုန်းဆက်တာ ဖုန်းပိတ်ထားလို့ စိတ်ပူနေကြလေသည်.. ဟုတ်သည့် ငွေသည်လည်း ရွာမရောက် မချင်း ဖုန်းကို ပိတ်ထားမိသည်...

ရန်ကုန်အိမ်ကို ဖုန်းဆက်မေးသည်တဲ့ ၊ မာမီတို့ကလည်း ငွေ ပြန်မလာလို့ ဧက အိမ် သွားမေးမှာ ရွာပြန်သွားသည် ဟု သူတို့ သိသွားကာ... ဘာကိစ္စ ဖြစ်သလဲလို့ မေမေကို မေးသည်တဲ့....  မေမေက သူ့တို့ကို မြတ်ဘုန်းမော်ကောင်မလေးViber ကနေ ပို့ထားတဲ့ ပုံတွေအကြောင်း ပြောပြလိုက်သည်...မေမေက မြတ်ဘုန်းမော်နဲ့ငွေကို ကွာရှင်းခိုင်း မယ် ဖြစ်ကြောင်းပါပြောလိုက်သည်တဲ့… မာမီက တော်တော် ရှော့ရသွားကာ ငွေ ပြန်လာလျှင် သူ့ကို ဖုန်းဆက်ဖို့ မှာလေသည့် တဲ့လေ...

သူ့တို့က ဘယ်ထိ သွားချင်လို့ ငွေမိဘတွေဆီထိ ဒီပုံတွေ ပို့နေရတာလဲ....

ငွေသည် မာမီတို့ဆီ ဖုန်းဆက်ကာ ငွေ ပြန်သည့်ကို ခွင့်မတောင်းဘဲ ပြန်ခဲ့သည့်အတွက် တောင်းပန်ကြောင်းနဲ့ မြတ်ဘုန်းမော်ကိုလည်း ကွာရှင်းချင်ကြောင်းပါ ပြောခဲ့လေသည်... မာမီကတော့ ငွေကို ချော့ကာ ကွာရှင်းတဲ့အထိ မလုပ်ဖို့နဲ့ ရွာမှာ နေချင်သေးရင် နေဖို့နဲ့ မြတ်ဘုန်းမော်လာရင်း ဒီကိစ္စကို ကျေလည်အောင် ရှင်းပေးမယ်ဆိုတဲ့ အကြောင်း ငွေကို ဂတိ အထပ်ထပ်ပေးလေသည်... မာမီကိုတော့ ငွေ တိကျတဲ့ အဖြေမျိုး မပေးဖြစ် ပေမဲ့..  အိမ်က မေမေ၊ဖွားမေနဲ့ ယုယုတို့ကလည်း ဟန်သွယ်ဆုပို့လိုက်တဲ့ ပုံတွေကြောင့် ငွေကို  မောင်နဲ့ ပြန်မပေါင်းချင်က မပေါင်းနဲ့လို့ ပြောကြလေသည်... မောင်နဲ့ မတည့်တဲ့ ဖေဖေကတော့ ဘာမှာ မတိုက်တွန်းသလို့ ဘာမှာလည်း မပြောပေ....

သည့်နေ့ဆို ငွေ ရွာရောက်နေတာ တပတ်ရှိပြီဖြစ်သည်.... ပြီးခဲ့တဲ့ရက်တွေတုန်းကလို ငွေ စားတာလည်း မပျက်သလို့ စားလည်း စားနိုင်လေသည်... မေမေ က ငွေစားတာတွေကို ကြည့်ပြီး

‘’ သမီး ရာသီကော မှန်ရဲ့လားကွယ်.... သမီးက စားနိုင်လာတာဘဲ ကိုယ်ဝန် များရှိနေပြီလား...’’

မေမေက ကိုယ်ဝန်ဆိုမှာ ငွေ မောင်နဲ့ ကလေးယူဖို့ မောင်မသိအောင် လက်မောင်းထဲ ထည့်တဲ့  ပစ္စည်းလေးကို ဖြုတ်ထားလိုက်သည်ကို သတိရလေသည်.. မေမေပြောမှာဘဲ  မောင်ကိစ္စအာရုံများနေလို့ ငွေ ရာသီလာ၊မလာလည်း သတိမထားမိပေ...

‘’ ဟို..၊ မေမေ ငွေ ရာသီမလာတာ ကြာပြီထင်တယ်.... နောက်ပြီး  ငွေ ကလေးယူဖို့ လည်း ဆုံးဖြတ်ထားလို့ တားထားတဲ့ ပစ္စည်းလည်း ထုတ်ထားတယ်ရယ်... ကိုယ်ဝန်တော့ မဖြစ်နိုင်ဘူးနဲ့တူတယ် မေမေ ၊ ငွေ အန်လည်း မအန်ဘူး၊ အခု စားတာကလဲ ရွာက အစားစာတွေ မစားရတာကြာလိုနေမှာပါ.....’’

‘’ဪ..၊ သမီးရယ် မအန်တာက တချို့လည်း မအန်ဘူး သမီးရဲ့ ၊ သေချာအောင် ရွာက ဆရာမလေးကို ခေါ်စစ်ခိုင်းအုန်းမှာပါ...ယုယုကို သွားခေါ်ခိုင်းလိုက်မယ်.. ဆရာမလေးက ယုယုနဲ့လည်း ရင်းနှီးတယ်ရယ်.....’’

နောက် မေမေ ရွာက ကျန်းမာရေးမှူးဆရာမလေးနဲ့ ခေါ်စစ်ကြည့်တော့ ငွေမှာ ကိုယ်ဝန်ရှိနေလေပြီ.... ဆရာမလေးက သူ့အထင် ၃လလောက်တော့ ရှိပြီး ထင်ကြောင်းနဲ့ သေချာစေရန် မြို့တက် အိုဂျီနဲ့ပြဖို့ တိုက်တွန်းလေသည်...

ငွေမှာ ငွေရင်သွေးလေး ရောက်လာလို့ ပျော်မိပါသည်..တဖက်တွင်လည်း မေမေ တိုက်တွန်းမူနဲ့ မောင်ကို ကွာရှင်းဖို့ ရှေ့နေနဲ့ တိုင်ပင်နေပြီဖြစ်လေသည်...ဖွားမေက ငွေမှာ ကိုယ်ဝန်ရှိနေကြောင်းကို မောင့်မိဘတွေ၊မောင့်ဖိုးဖိုးတို့ကို အကြောင်းကြား ရင်း ရှေ့နေကတဆင့် ကွာရှင်းဖို့ စာချုပ်ပို့မဲ့အကြောင်းပါ တခါတည်း ပြောလိုက်သည်..... ငွေ စိတ်မကောင်းဖြစ်ပေမဲ့ ဒါက အမှန်ဘဲမို့ ငွေလည်း မတတ်နိုင်ပေ.. တကယ်လို့ ကွာရှင်းဖြစ်ရင်းတောင် သူတို့ သွေးသားနဲ့ သံယောဇဉ် ဖြတ်မှာ မဟုတ်ပေ....

ဧက ကလည်း ငွေကို အကျိုးအကြောင်း လှမ်းမေးရင်း ငွေမှာ ကိုယ်ဝန်ရနေပြီ ဖြစ် ကြောင်း ဧကကို အသိပေးလိုက်လေသည်... ဧက ကလည်း ငွေ ကွာရှင်းဖို့ လုပ်နေ ကြောင်းကို သိတော့  ကိုယ်ဝန်အကြောင်း ကြားတော့ စိတ်မကောင်းပေ... ကွာရှင်းဖို့ကို အလျင်းမလိုစေချင်ကြောင်း ဧက က တိုက်တွန်းပေမဲ့ မောင်ကတော့ ခုချိန်ထိ ငွေကို လုံးဝမဆက်သွယ်ပေ...ဒါပေမဲ့ အခုချိန် တယောက်ယောက်က မောင့်ကို သတိမရဘူး လား မေးရင်း

ငွေ ဖြေမိမှာက...
အရမ်းလည်း သတိရသလို....အရမ်းလည်း လွမ်းတယ် မောင်ရယ်...လို့
-
-
-
-
-

ငွေ အိမ်ရှေ့ မန်းကျည်းပင်အောက်က ခုံတန်းလေးပေါ်ထိုင်ရင်း မောင်ကို သတိရနေ တုန်း ငွေတို့အိမ်ရှေ့ကို မောင့်ရဲ့ Parado ကားအနက်ရောင်ကြီး လာရပ်လေသည်... ကားပေါ်မှာ မောင်က ဆင်းလာလေသည်.... ငွေသည်လည်း မောင့်ကို မြင်တော့ အိမ်ထဲဝင်ဖို့ ပြင်နေတုန်း မောင်က...

‘’ ငွေ !!... ငွေ ခဏနေပါအုန်း... မောင်ရှင်းပြမယ်.... မောင်ရှင်းပြတာ နားထောင် ပေးပါအုန်းလား..’’

ငွေ သူ့ဘက်ကို လှည့်လိုက်ကာ....

‘’ ငွေကို ဘာမှာ လာမရှင်းပြပါနဲ့... ကျမရှေ့နေကနေတဆင့် ရှင့်ဆီ ကွာရှင်း စာချုပ် ပို့ခိုင်းပြီး သွားပြီးမလို့... ပြောစရာရှိရင်း ရှေ့နေက တဆင့်ဘဲ ပြောပါ....’’’

‘’ ဟာကွာ!!..ဘာ ကွာရှင်းစာချုပ်လည်း မောင် ကွာရှင်းမပေးဘူးနော်....’’

‘’ အဲဒါက ရှင့်ဘက်က ကိစ္စပါ... ရှင့်ကို ကျမကတော့ ရအောင်ကွာရှင်းမှာမိုလို အခုလာရာလမ်းအတိုင်း ကြွတော့...’’

‘’ ငွေ .. မဟု...’’

‘’ ဟေ့!!!... ဒီမှာ မြတ်ဘုန်းမော် မင်းကို ငါ့ယောကျာ်း ဂတိလေးတခုကြောင့် ငါ့မြေးမလေးနဲ့ ပေးစားလိုက်ရတာ… မင်းဘက်က ဒီလို့ ဖောက်ပြန်တာတော့ ငါတို့ လက်မခံနိုင်ဘူး... မင်းအဖိုးနဲ့လည်း ဒီကိစ္စကို ပြောပြီးသား... အခု မင်း ငါတို့ အိမ်ကနေ ထွက်သွား ၊ ငါတို့ ရှေ့နေဌားပြီးပြီး မင်းကို ရှေ့နေကတဆင့် ဆက်သွယ်လိမ့်မယ်...’’

‘’ မဟုတ်ဘူး ဖွားမေ၊ သား ရှင်းပြပါရစေ...’’

‘’ တော်ပြီ… မြတ်ဘုန်းမော် .. မင်းပြန်လိုက်တာ ကောင်းမယ်၊ ငါတို့က ဒီမှာ ကိုယ့်သိက္ခာနဲ့ ကိုယ်နေနေတာ... ငါတို့ သိက္ခာကို ငဲ့အုန်း ဟဲ့ !!! .. အမေနဲ့ သမီးငွေ အိမ်ထဲ ဝင်တော့.. သမီး ပြောလိုက်ပါမယ်..’’

ငွေကတော့ သူ့ကို လှည့်မကြည့်စတမ်း ဖွားမေကို တွဲကာ အိမ်ထဲ ဝင်သွားလေပြီ....

‘’ မေမေတို့ အထင်လွဲတာ ကျနော် ရှင်းပြပါရစေ....’’

‘’ ဘာကို အထင်လွဲတာလည်း မြတ်ဘုန်းမော် ဒီလောက်ထိ ရှင်းနေတာကို ၊မင်းပြန် မင်းအိမ်ကိုလည်း ငါတို့အကျိုးအကြောင်း ပြောပြီးပြီး ..ဘယ်နှယ့်ကွယ် မင်းနဲ့ပတ်သတ်တဲ့ ကောင်မလေးက ဘယ်လိုဖြစ်လို့ ငါတို့ထိ ပုံတွေ ပို့ရတာလဲ.. ရိုင်းလိုက်တာ... ငါမှာ ငါ့သမီးအတွက် စိတ်မကောင်းဖြစ်လိုက်ရတာ ၊ ငါတို့ သဘောတူ ပေးစားခဲ့လို့ ၊ အခု ငါ့သမီးမှာ တခုလပ်ဖြစ်ရတော့မယ်.... ဒါတွေက ပြီးခဲ့ပြီမို့ ထားပါ... သူ့အဖေ ပြန်လာတော့မယ်... ယောကျာ်းတွေပါ ပါလာရင်း မကောင်းရှိတော့ မယ်... ပြန်လိုက်တော့ မြတ်ဘုန်းမော်...’’

‘’ ကျနော့်က ငွေကို ဘယ်တော့မှာ ကွာပေးမှာမဟုတ်လို့ ၊ ငွေကလည်း ဘယ်တော့မှာ တခုလပ်မဟုတ်ဘူးး....’’

ထိုစဉ် ယုယုနဲ့ ဦးခင်အောင် ပြန်လာကြလေသည်.. ယုယုကတော့ မြတ်ဘုန်းကို မျက်စောင်းထိုးကာ အိမ်ထဲဝင်သွားပြီးး၊ ဦးခင်အောင်ကတော့ သူတို့ရှိရာ လျှောက်လာလေသည်... အနားရောက်တာနဲ့ မြတ်ဘုန်းကို သူ့ဘက်ဆွဲ လှည့်ကာ.. မျက်နှာကို လက်သီးနဲ့ထိုးလိုက်လေသည်...

‘’ ဟျောင့်!!! "

....ခွပ်...

‘’ အား!!.. “

မြတ်ဘုန်းမရှောင်ဘဲ အထိုးခံလိုက်လေသည်...

‘’ ကိုခင်အောင် ... သိပ်ခြေလွန်လက်လွန် မဖြစ်စေနဲ့အုန်း...’’

‘’ အေးပါကွာ... ဖြူဖြူ မင်း အိမ်ထဲ ဝင်တော့ ၊ ဒီကောင့်ကိစ္စ ကိုယ့်ဖြေရှင်း လိုက်မယ်...’’

‘’ အင်း....! ရှင့်ဒေါသကို ရှင့်ထိန်းအုန်းနော်...’’

‘’ အင်း…အင်း .... ဟျောင့် …မင်းလာခဲ့...’’

ဦးခင်အောင် မြတ်ဘုန်းကို အကျီဂုတ်ကနေဆွဲကာ ခြံပြင်ခေါ်ထုတ်လာလေ သည်.... ကားနားရောက်တော့မှာ အကျီစကို လွှတ်ပေးကာ...

‘’ ဟျောင့်!!... မင်း ငါ့ဆန်စက်ကို သွားတတ်တယ်မလား...’’

‘’ ဟင်း ....! ဟုတ် သွားတတ်တယ်ဖေဖေ...’’

‘’အေး ... မင်းအဲမှာ သွားနေလိုက်... ငါ့ ခဏနေ ကိုဟိန်းကို လွတ်လိုက်မယ်.. မင်းလိုတာတွေ လုပ်ပေးလိမ့်မယ်... ငါ့မန်နေဂျာကိုလည်း ဖုန်းဆက်ထား လိုက်မယ်... မင်းသွားတော့...’’

‘’ ကျနော် ငွေတို့ကို ရှင်းပြပါရစေအုန်း...’’

‘’ ဟျောင့်…! အခုက သွေးပူနေတုန်းကွ မရှင်းနဲ့အုန်း... အဲမှာ ခဏနေ နေလိုက် ငါ ကြည့်လုပ်ပေးမယ်.... ‘’

‘’ဗျာ့ ..... ဟုတ်ကဲ့ ဖေဖေ... ‘’

‘’ သွားတော့..’’

မြတ်ဘုန်းမော် ကားပေါ်တက်ကာ ဆန်စက်ရှိရာဆီ ထွက်သွားတော့သည်။  အခုမှာ တဖဖေထဲ ဖေဖေ နေတော့တာဘဲ ....  အရင်တုန်းကတော့ အချိုးကို မပြေဘူး ဦးခင်အောင် စိတ်ထဲကပြောရင်း အိမ်ထဲ လှမ်းဝင်လာခဲ့လေသည်..
-
-
-

ဦးခင်အောင် နေ့ခင်းစာ စားပြီး အိမ်ဘေးက ခုံတင်လျားမှာ ထိုင်ကာ ဖြူဖြူဌဲ့ ပေးတဲ့ ရေနွေးကြမ်းနဲ့ သခွတ်ပွင့်သုတ်ပန်းလေးကို မြည်းကာ ဖြူဖြူနဲ့ အတူ ထိုင်နေလေသည်....

‘’ အမေရော...’’

‘’ အခန်းထဲမှာ ပါချုပ်ဆရာတော်ကြီးတရားနာနေတယ်...’’

‘’ သမီးကြီးနဲ့ အငယ်မရော အပေါ်ထပ်မှာလား....’’

‘’ အွန်း..! ဟုတ်တယ်..’’

ဖြူဖြူ ဌဲပေးထားတဲ့ ရေနွေး ခွက်ကို ကိုင်ကာ တဖူးဖူးနဲ့ မှုတ်သောက်နေရင်း ...

‘’ ဖြူဖြူ ငါ့ မင်းကို ပြောမယ်.. မင်းသမက် မြတ်ဘုန်းမော် ပြောတာကို မင်း တို့ နားထောင်သင့်တယ်လို့ ငါထင်တယ်... “

‌ဒေါ်ဖြူဖြူ ၊ ဦးခင်အောင်ကို ပြန်ပြောဖို့ ပြင်လိုက်တော့ ..ဦးခင်အောင် လက်ကာပြရင်း

“နေအုန်း ဖြူဖြူ ငါ့စကား မဆုံးသေးဘူး.... ဟိုဘက်က ဘာလို့ ငါတို့ကို တကူးတက ဒီပုံတွေကို ပို့ရတာလဲ... ငါတို့ကို ပို့တော့ သူ့အတွက် ဘာအကျိုးရှိသလဲ... သူက သမီးနဲ့ မြတ်ဘုန်းမော် မကွာရှင်း ရှင်းအောင်ကို လုပ်နေတာလို့ ငါထင်တယ်....အဲ့တော့ သူဖြစ်စေချင်သလို ငါတို့ ဖြစ်နေမှာပေါ့.. နောက်ပြီး မင်းသမီးမှာ ကိုယ်ဝန်နဲ့ မင်းမြေးကို ဖအေတကွဲ မအေတကွဲ ဖြစ်စေချင်တာလား ....  ငါ့သမီးလေး တခုလပ် ဖြစ်ရအုန်းမယ်....’’

‘’ အို ... တော်.. ရှင်ကလည်း ကျမတို့မြေးကို မျက်နှာမငယ်အောင် ထားနိုင် တယ်.... သမီးလေး တခုလပ် ဆိုတော့လည်း ဘာမှာ မဖြစ်ဘူး ။ ကျမ သမီး လော်လီလို့ တခုလပ် ဖြစ်တာလဲ မဟုတ်ဘူး ။ တခုလပ်မကလို့ မုဆိုးမဆိုလည်း သူ့ရှေ့က ကျမ မားမားမတ်မတ် ရပ်ပြီး ကာကွယ်မယ်....’’

‘’ ငါက မင်းတို့ကို စဉ်းစားဖို့ ပြောနေတာ၊ သဘောတူကြတုန်းကလည်း မင်းတို့ဘဲ၊ အခု သဘောမတူကြတော့လည်း မင်းတို့ဘဲ....’’

‘’ ဒီမှာ…!! ကိုခင်အောင် ရှင့် ဘာဖြစ်နေတာလဲ.... အဲဒီသမက်ကို မျက်မုန်း ကျိုးနေတာလဲ ရှင့် ... အခု ရှင့်က သူ့ဘက်ကလား .... ရှင့်သမီးမျက်နှာကို မကြည့်တော့ဘူးလားးး... ‘’

‘’ငါ့ ..ငါ့သမီးမျက်နှာကြည့်လို့ ပြောနေတာ ကွဲမယ်  ကွာမယ်သာ ပြောနေတာ ၊သူက ကောင်လေးကို ပြတ်နိုင်ပုံ မရလို့ ၊ ငါ ပြောနေရတာကွ..’’

‘’ အိုတော့်... အဲ့ကောင်လေး ဒီလောက်ရှုပ်တာ ကျမ သဘောမတူပါဘူး...’’

‘’ အေး…အဲလို့ ရှုပ်လို့ သဘောမတူတာက အပျိုတုန်းက တားရမှာကွ...’’

‘’ဒီမှာ ကိုခင်အောင် ၊ ရှင့် ဒီကိစ္စနဲ့ ပတ်သတ်ပြီး ထပ်ပြောနေရင်း ကျမနဲ့ရှင် ရန်တပွဲ ထပ်ဖြစ်သွားလိမ့်မယ်နော်...’’

‘’ အေးပါကွာ..... ငါက ပြောပြတာပါ..’’

နောက်ဆုံးတော့ အလျှော့ပေးရသူက ဦးခင်အောင် ဖြစ်လေသည်...

-
-
-
-
-

မြတ်ဘုန်း ဦးခင်အောင်ဆန်စက်ရောက်တော့ ရုံးခန်း အပါ်ထပ် ထပ်ခိုးလို့ နေရာမှာ သူ့ကို နေစေလေသည်.... ခုတင်မရှိပေမဲ့ မွေ့ယာထူထူလေးခင်း ပေးထားကာ စောင်တစ်ထည်၊ခေါင်းအုံးတလုံးချပေးထားသည်..ယောက္ခထီးက သူ့မန်နေဂျာကို ပြင်ဆင်ခိုင်းထားချင်ဖြစ်သည်။ မြတ်ဘုန်း ခရီးကနေ တလျှောက် ကားမောင်းလာရတာ ပင်းပန်းနေပေမဲ့ မနားနိုင်သေးပါ...

ငွေက သူ့ကို ခုချိန်ထိ ရှင်းပြတာကို လက်မခံပေ.. ငွေက မြတ်ဘုန်းကို ဖုန်း ရော. Message ရော, Facebook ရော, ဆက်သွယ်လို့ရတဲ့ ဘယ်အရာ မဆို အကုန် Block ထားလေသည်.... နောက်ငွေမှာ ကိုယ်ဝန်ကလဲ ပါသွားသည်ဟု မာမီက ပြောတော့ မြတ်ဘုန်း တော်တော်အံ့သြသွားလေသည်... ငွေ ဘယ်အချိန်က ကလေးယူလိုက်မှန်း မြတ်ဘုန်းမသိ... မြတ်ဘုန်းကို ငွေက ကလေးနဲ့ ပတ်သတ်ပြီး မြတ်ဘုန်းနဲ့ ဖုန်းရတုန်းကလည်း မပြောပြပေ...ကလေးရှိနေတာကို မိန်းမနဲ့ပြောကာ ကြည်ကြည်နှူးနှူး ပျော်နေရမဲ့အချိန်မှာ မြတ်ဘုန်း မှာတော့ ကြည်နှုးဖို့ နေနေသာသာ စကားတောင်အ‌ပြောမခံပေ... ခုနတုန်းက ငွေပုံစံက မြတ်ဘုန်းကို ခါးခါးသီးသီးဘဲ.....

ဟူးးး ငွေရယ် မောင့်ကို ရှင်းပြခွင့်ပေးပါကွာ....

**************** ****************** ***************
အပိုင်း( ၃၄ ) ဆက်ရန်

စာကတော့ စစ်လိုက်တာဘဲ၊ပထမဆုံး စရေးတဲ့fic ဖြစ်လို့ လိုအပ်ချက်‌များ‌ကော စာလုံးပေါင်းအမှားများရောကို သည်းခံဖတ်ပေးကြပါရှင့်
လိုအပ်ချက်များကိုလည်း ပြောပြပေးလို့ရပါတယ်ရှင့်၊
ဖတ်ပေးသူ တဦးတယောက်ချင်းစီတိုင်းကို ကျေးဇူးတင်ပါတယ်ရှင့်
ကျန်းမာရွှင်လန်းကြပါစေရှင့်....

#With Love
#Author:HNINN Pann Mho
#နှင်းပန်းမိုရ်
#မြတ်ဘုန်းမော်+ငွေမှုန်းခင်