တစ်ချိန်တုန်းက အရိပ်ဟူသမျှကို အ​နောက်​ကနေသာ စီးနင်းရင်း​လျှောက်ရခဲ့​ပေမယ့် ယခုတွင်​တော့ ​နံ​ဘေးကပ်ရပ်အ​နေအထားတွင် အတူရှိ​နေ​လေတယ်။ စည်းချက်ညီညီ​လျှောက်လမ်း​နေတဲ့ ​ခြေစုံ​တွေနဲ့အတူတူ သူတို့ရဲ့နှလုံးသား​တွေမှာလည်း ထိုနည်းတူပင်။

ရွာသွန်း​နေတဲ့မိုး​တွေ တိတ်သွားသည့်အ​လျောက် ၊ သူတို့ရဲ့ရွာသွန်း​နေတဲ့ အကြင်နာအနမ်းမိုး​တွေကလည်း ရပ်တန့်သွားခဲ့တယ်။ နန်း​ဆောင်ထဲကို ပြန်​နေတဲ့အ​တောအတွင်း ချစ်ရသူနဲ့​​ဘေးချင်းကပ်လျက် အတူတူ​လျှောက်လမ်း​နေရတဲ့ လမ်း​ကြောင်းများမှာ ပန်းခင်းလမ်းလိုပင်ခံစား​နေရ၏။ မည်သို့​သောစကားလုံးမျှ မဆို​ခဲ့ကြပေမယ့် သူတို့နှစ်​ယောက်စလုံးရဲ့ နှလုံးသားချင်းမှာ​တော့ ချစ်စကား​တွေကိုဖွဲ့နွဲ့​နေကြမည်ထင်ပါသည်။

နှုတ်ခမ်းတစ်​နေရာတွင်​တော့ ​ဆောင်းဟန်အပိုင်ဆိုသည့် တံဆိပ်​လေးအားထုခဲ့ပြီးပြီဖြစ်သည်။ အ​တွေးစ​တွေမှာ ဆက်တိုက်​နေရာယူ​နေလျက် သူ၏နှုတ်ခမ်းသား​​တွေကိုသူ ဂယူဘင်း လက်နဲ့တို့ထိ​ခဲ့တယ်။ ဝဲဘက်တစ်​နေရာက တစ်စုံတစ်ခုမှာလည်း ​ပြေးလွှား​နေသလိုမျိုး ဂယူဘင်းရဲ့စိတ်ခံစားချက်အစုံတို့ကို မတည်ငြိမ်​စေခဲ့ဘူး။

​ဘေးဘီက​ဆောင်းဟန်မှာလည်း တိတ်ဆိတ်​​နေခဲ့​ပေမယ့် အရင်တုန်းကလိုမျိုး ငြိမ်သက်​နေတာမျိုးမဟုတ်ခဲ့ပါ။ ​​လျှောက်လမ်း​​နေတဲ့​ ခြေစုံအသံ​တွေကိုပဲ ကြား​နေရသကဲ့သို့ အရာအားလုံးဟာ တိတ်ဆိတ်​နေခဲ့​ပေမယ့် ​ဆောင်းဟန်ရဲ့နှလုံးအိမ်က ​​ဗြောင်းဆန်​နေတဲ့အသံကို​တော့ ဂယူဘင်းကိုယ်တိုင်ကြား​နေရခဲ့ပါတယ်။

" ဂယူဘင်း.. အ​စောနက "

အိပ်​ဆောင်ဆီပြန်​ရောက်ကြ​တော့ တိတ်ဆိတ်​နေခဲ့တဲ့​ဆောင်းဟန်ဟာ ဂယူဘင်းကိုစကားစ​လေ​တော့ ဂယူဘင်းရဲ့ခန္ဓာကိုယ်​လေးဟာ မတ်သွား​လေတယ်။

" ဟုတ်ကဲ့.. "

ဂယူဘင်းရဲ့မျက်​တောင်​တွေမှာ တခပ်ခပ် ။ ​ဆောင်းဟန် ဘာများ​ပြောလာမလဲဆိုတာကို စိတ်လှုပ်ရှား​နေ​လေ၏။ မျက်နှာချင်းဆိုင်၌ ရှိ​နေတဲ့​ဆောင်းဟန်ဟာ ဂယူဘင်းကိုအကြည့်ချင်းလုံးဝမစုံခဲ့ပါ။

" ခုနက ကိုယ့်စိတ်​တွေလွတ်သွားခဲ့တာထင်တယ်။ အဲ့ဒါ​ကြောင့် ဂယူဘင်းကို - "

​ဆောင်းဟန်က ​ပြော​နေရင်း ရှက်​သွေးဖြာသွားခဲ့သည်ထင်။ အဓိကအ​ကြောင်းအရာအား ထုတ်​ပြောရမည့်​နေရာမှာ ​လေသံတို့အား​ဖျော့လိုက်​လေတယ်။ ​ဆောင်းဟန်ဆီက ' ကိုယ် ' ဆိုသည့် အသုံးအနှုန်းကို​တော့ ဂယူဘင်း အထူးအဆန်းဖြစ်ခဲ့ပါသည်။ တစ်ခါမှ ဒီ​လောက်နူးညံ့သည့် ကိုယ့်ကိုကိုယ်သုံးတဲ့အသုံးအနှုန်းမျိုး ဂယူဘင်းအ​ပေါ်မသုံးနှုန်းခဲ့သည်မလား။

သ​ဘောကျတဲ့စိတ်ရယ် ၊ ​ဗြောင်းဆန်​နေတဲ့ခံစားချက်​တွေရယ်​ကြောင့် ဂယူဘင်း ​ခေါင်းကို​အောက်ငုံ့လိုက်ကာ ရှက်​သွေးဖြာလိုက်ပါတယ်။

" ကိုယ်​တောင်းပန်ပါတယ်.. မင်းဘက်က ကြည်ဖြူတာလား အရင်မ​မေးခဲ့ဘဲ ကိုယ့်သ​ဘောနဲ့ပဲကိုယ်ကျူးလွန်ခဲ့မိလို့ ..

ကိုယ်လည်း ​သေချာမသိ​တော့ဘူး။ ကိုယ်ဘာလို့ အဲ့လိုလုပ်ခဲ့မှန်း.. ဒါ​ပေမယ့် ကိုယ်ကဘုရင်တစ်ပါးဖြစ်​နေတာမို့ တစ်ခု​တော့ဝန်ခံပါမယ်။

ကိုယ်.. စိတ်ပါခဲ့ပါတယ်။ ဒီအတိုင်း အဲ့လိုလုပ်ချင်ခဲ့မိတာမို့လို့ ကျူးလွန်မိသွားတာ "

​ဟန်ဘင်းသည် မည်သို့ပင်ဖြစ်​စေကာမူ နိုင်ငံရဲ့ဘုရင်တစ်ပါးဖြစ်သည်မို့ အမှားပြုလုပ်ခဲ့မိလျှင်​တောင် ဝန်ခံရဲတဲ့ သတ္တိအစုံတို့ရှိသည့် ဘုရင်တစ်ပါးပင်ဖြစ်တယ်။ ထို့​ကြောင့် ယခုလိုမျိုး ဂယူဘင်းထံ ရှင်းပြချက်​တွေ ​ဖြေကြား​နေခဲ့ခြင်းပင်။

ဟန်ဘင်းရဲ့​အ​ဖြေ​တွေ​ကြောင့် ယခုအခါမှာ​တော့ မျက်​တောင်မခတ်နိုင်​တော့သည်မှာ ဂယူဘင်း။ ​ဆောင်းဟန်က သူကျူးလွန်ခဲ့သည်အရာအ​ပေါ် ​ရှောင်ထွက်မသွားခဲ့ဘဲ ဝန်ခံခဲ့ပြီး ၊ ထိုအရာအ​ပေါ် သူ့စိတ်​တွေဟာ အလုံးစုံပါခဲ့သည့်အ​ကြောင်း တာဝန်ယူ​နေ​လေ​တယ်။

​ဆောင်းဟန်လို ဘုရင်မျိုးသည် အရာအားလုံးပြီးပြည့်စုံ​နေပါသကား။ ထို့​ကြောင့်လည်း ငယ်စဥ်အရွယ်အချိန်ကတည်းက ဂယူဘင်းသည် ​ဆောင်းဟန်အ​ပေါ် ​မေတ္တာသက်ဝင်မိခဲ့တာပင်။ ယခုများ​တော့ ပိုလို့ပင် ချစ်သက်​မေတ္တာများ ပြည့်လျှံလာ​တော့​လေပြီ။ ​ဆောင်းဟန်လို ဘုရင်မျိုးနဲ့ လက်ဆတ်တဲ့သူသည် သိပ်ကိုကံ​ကောင်းလွန်းလှပါဘိ။

စိတ်ခံစားချက်​တို့ဆီ​ရောက်ရှိသွားပြန်​တော့ ​ဆောင်းဟန်ရဲ့ထိုသို့​​သောအ​ဖြေ​တွေ​ကြောင့် ဂယူဘင်းရဲ့နှလုံးအိမ်ကအ​ကောင်ငယ်ဟာ ဝုန်းဒိုင်းကြဲ​နေခဲ့တယ်။ ဒီအ​ခြေအ​နေ​လောက်သာဆိုလျှင် ​ဆောင်းဟန်က သူ့အ​ပေါ်ကို​မေတ္တာရှိလာဖို့အတွက် ​မျှော်လင့်ချက်အစုံတို့ ရှိလာခဲ့ပြီဖြစ်သည်။

" ကျွန်​တော် တစ်ခြားအ​တွေးမရှိပါဘူး။ ​ဆောင်းဟန် က စိတ်ပါခဲ့တယ်ဆိုတာပဲ ကျွန်​တော်ဝမ်း​မြောက်မိပါတယ်။ ပြီး​တော့ ကျွန်​တော်ကိုယ်တိုင်ကလည်း ​ဆောင်းဟန်နဲ့ထပ်တူပါပဲ "

" ဂယူဘင်း.. "

သူ့နာမည်ကို ဆွဲ​ခေါ်လိုက်တဲ့​ချစ်ရသူရဲ့အသံ​ကြောင့် ဂယူဘင်း ​အောက်နှုတ်ခမ်းအား ခပ်ဖွဖွကိုက်မိလိုက်သည်။ ​ပေါက်ထွက်မတတ် ခုန်​ပေါက်​နေတဲ့နှလုံးအိမ်အား ထိန်းချုပ်​နေသည့်ပုံစံဖြင့် လက်သည်းခွံ့အချင်းချင်း ပွတ်တိုက်​မိနေသည့်အရာဟာ သက်​သေအဖြစ်တင်ပြနိုင်ပါလိမ့်မည်။

" ကျွန်​တော်.. ​ဆောင်းဟန်ကို ဟိုးအရင်ငယ်စဥ်ကတည်းက မေတ္တာသက်ဝင်နေခဲ့တာပါ "

ဂယူဘင်း ကိုယ်တိုင် သူဘာ​တွေ​ပြောလိုက်မိမှန်း မသိ​တော့ဘူး။ သူရဲ့ ဆယ်စုနှစ်တစ်စုစာ​လောက် ဖုံးကွယ်ထားခဲ့ရတဲ့ စိတ်ခံစားချက်​တွေကို ကာယကံရှင်ဆီဖွင့်ချပစ်ခဲ့လိုက်တယ်။ တုံ့ပြန်မှုကိုလည်း ဂယူဘင်းအဆိုးစွန်အထိ ​တွေးထားဖူးခဲ့ပါတယ်။ သို့​ပေမယ့် ဤအချိန်မှာ သူ့ရဲ့​မေတ္တာ​တွေကို ဖွင့်ဟချပြဖို့အတွက် အချိန်​ကောင်းဖြစ်လိမ့်မည်ဟု ထင်ခဲ့တာဖြစ်မည်။ ထိုအရာအတွက် ဂယူဘင်းနောင်တရမယ် မထင်ပါဘူး။

" ဂယူဘင်း.. အခုဘာ​ပြောလိုက်တာလဲ "

" ကျွန်​တော် ​ဆောင်းဟန်အ​ပေါ်ကို ချစ်ခြင်း​တွေပုံအပ်ခဲ့တာ ကြာခဲ့ပါပြီရယ် "

သူ့ပုခုံး​တွေကို လက်ဖြင့်ဆုပ်ကိုင်လာတဲ့ ​ဆောင်းဟန်က ထိုအ​ခြေအ​နေ​​တွေကို မယုံကြည်နိုင်​လောက်​သေးဘူးထင်။ ​ဟန်ဘင်းက ဂယူဘင်း သူ့အ​ပေါ်ကို​​မေတ္တာသက်ဝင်​နေသည်ကို တစ်​လျှောက်လုံးမသိခဲ့သလို ၊ ရိပ်ဘည်းမရိပ်မိခဲ့ပါ။ ဟန်ဘင်းသည် သူ၏မျက်နှာဖုံးရှင်​လေးမှအပ တစ်ခြားမည်သူ့ကိုမှစိတ်ဝင်တစားမရှိခြင်းဖြစ်တယ်။ ယခုဆိုရင်​တော့ စိတ်ဝင်စားလာ​လောက်ပါပြီလို့ ​ပြောလို့ရနိုင်​လောက်ပါတယ်​နော်?

" ဂယူဘင်း မင်း အမှန်​တွေကို​ပြော​နေတာလား "

" ကျွန်​တော်က ​ဆောင်းဟန် ဝန်ခံသလိုမျိုးပဲ ဝန်ခံ​နေတာပါ "

ဟို​ရွေ့ဒီ​ရွေ့ဖြင့် ဂနာမငြိမ်သွားတဲ့မျက်လုံး​တွေနဲ့အတူ ​အနည်းငယ်ကော့တတ်သွားတဲ့ နှုတ်ခမ်းတစ်စုံကို ဂယူဘင်းမြင်ဖြစ်​အောင်ဖြစ်ခဲ့ပါတယ်။ ​တစ်​လျှောက်လုံး သူ့မျက်ဝန်း​တွေကို မကြည့်ခဲ့တဲ့​ဆောင်းဟန်ဟာ အခုလည်းမကြည့်ခဲ့ဘဲ အ​ဖြေတို့​ပေးပို့တယ်။

" ​ကောင်းပြီ။ မင်း ဝန်ခံချက်ကို ကိုယ်လက်ခံတယ်။ ဒါ​ပေမယ့် ကိုယ့်ဘက်က အ​ဖြေတစ်စုံတစ်ခုပြန်​ပေးဖို့ မ​သေချာ​သေးဘူး ဂယူဘင်း "

" ကျွန်​တော် အဆင်​ပြေပါတယ် ​ဆောင်းဟန် "

ထို့​နောက် သူတို့နှစ်​ယောက်ဆီတွင် အပြုံးနုနုတို့ကိုယ်စီ​ပေါ်​ပေါက်လာကြတယ်။ အခုအလျင်အမြန်ပဲ ​ဆောင်းဟန်ဆီက​နေ သူကိုယ်တိုင်လည်းဘာမှမ​မျှော်လင့်ထားခဲ့သည်မို့ ထိုအ​ခြေအ​​နေနှင့်ပင် လုံ​လောက်​နေခဲ့သည်။

" ဘုရင်မင်းမြတ် အချိန်ကျ​ရောက်ပါပြီ "

ဘုရင်ကို ညီလာခံအတွက် လာ​ခေါ်ကြားတဲ့မှူးမတ်​တွေ​​ကြောင့် အချိန်ကျပြီဆိုကာ မျက်နှာချင်းက ဂယူဘင်းရဲ့ပုခုံးကိုကိုင်ထားတဲ့လက်​တွေကို လွှတ်ချလိုက်တဲ့ဟန်ဘင်း။ ထို့​နောက် ဂယူဘင်းအ​ပေါ်ကိုပြုလုပ်သွားခဲ့တဲ့ ဟန်ဘင်းရဲ့လျှပ်တစ်ပြတ်ဆန်တဲ့ လုပ်ရပ်မှာ ဂယူဘင်းရဲ့အသက်ရှူ​တွေကိုရပ်တန့်သွား​စေခဲ့​တော့တယ်။

" ကိုယ် ပြန်လာခဲ့ပါ့မယ် "

ဂယူဘင်းရဲ့ နဖူးထက်ကို အနမ်း​ခြွေကာ တံဆိပ်ထုကပ်ခဲ့သည့် ဟန်ဘင်း​ကြောင့် သူ့ရဲ့ကမ္ဘာကြီးဟာရပ်တန့်သွားသလို ခံစားသွားရတဲ့ဂယူဘင်းရဲ့ပုံစံဟာ သိပ်ကိုမှအံ့အားသင့်​နေသလို။ နူးညံ့သည့်အထိအ​တွေ့တို့​ကြောင့် အနားတွင်လိပ်ပြာ​တွေ ပျံဝဲ​နေသကဲ့သို့ ခံစားလိုက်ရ​သောစိတ်အစုံတို့သည် ​ကောင်းသည့်အ​နေအထားရှိခဲ့သည်။

ဂယူဘင်းအတွက် ​လောဘလည်းထပ်မကြီးမိ​တော့သလို ထိုအရာနဲ့ပင် သူ့ကမ္ဘာကြီးဟာလုံ​လောက်​​နေခဲ့ပါတယ်။

" ထိမ်းမြားထားတဲ့သူ ရှိပြီးသားကို အခုဘာ​တွေလာတင်ပြ​နေတာလဲ ​မောင်မင်းတို့ !! "

ပုံမှန်ထက် အနည်းငယ်ပို၍ကျယ်​လောင်သည့်အသံသည် ညီလာခံအတွင်းသို့ ဖုံးလွှမ်းသွားခဲ့သည်။ သူ၏အ​ရှေ့မျက်နှာစာ၌ ရှိ​နေကြ​သော မှူးမတ်တို့မှာလည်း ​ခေါင်းကိုငုံ့​နေလျက်အံ့။

" စိုးရွံ့မိပါတယ် ဘုရင်..
ဘုရင်​လောင်းအတွက် မျိုးဆက်​မွေးဖွား​ပေးမယ့် ကြင်ယာ​တော်ရှိမှ တင့်တယ်မှာမို့လို့ပါ။ မိဖုရားတစ်ပါး ထပ်တင်​မြှောက်ရန် တင်ပြအပ်ပါတယ် "

တစ်ခုနဲ့တစ်ခုထိစပ်​တော့မည်အလား မျက်ခုံးထူထူ​တွေမှာ သူ၏​အမျက်​​ဒေါသ​တွေကို ​ဖော်ပြ​နေပုံ ။ ညီလာခံအတွက် နိုင်ငံ​ရေးရာ​တွေကို တင်ပြမည်ထင်ခဲ့​ပေမယ့် တစ်ခြား​သောအ​ကြောင်းအရာမှာ ခန့်မှန်းထားသလိုမဟုတ်ဘဲ မှူးမတ်​တွေဆီကထွက်လာကြတယ်။

ဘုရင်အတွက် မျိုးဆက်သစ်တဲ့..။

ဒါက အမှန်တရားဖြစ်ပြီး လုပ်ကိုလုပ်သင့်တဲ့ အစဥ်အလာတစ်ခုပါ။ ဘုရင်တစ်ပါးမှာ မည်သို့ပင်အ​ကြောင်းအရင်းတို့ရှိ​နေပါ​စေ ၊ မျိုးဆက်သစ်ကို​ဖွားမြင်​ပေးမယ့် မိဖုရားတစ်ပါးဆိုတာ ရှိကိုရှိသင့်သည်။

ဒါကိုလည်း ဟန်ဘင်းက အကုန်သိခဲ့တယ်။ တစ်ချိန်ကြရင် သူ့ဆီမှာဖြစ်​ပေါ်လာမယ့် ထိုကိစ္စရပ်အား သူကြိုတင်​တွေးကြည့်ခဲ့ဖူးတယ်။ ဒါ​ပေမယ့် အခု​တော့ မတူညီ​တော့ပါ။ သူ့မှာ ဂယူဘင်းရှိ​နေပြီဖြစ်သည်။ ဂယူဘင်းအ​ပေါ်ကို ထိုသို့​သောအရာမျိုး သူ မကျူးလွန်ချင်မိ။

ဘာ​ကြောင့်လဲဆိုတဲ့အ​ကြောင်းပြချက်ကို သူအခု​တော့​သေ​သေချာချာမ​ပေးနိုင်​သေးပါ။ သူ ​သေချာ​ပြော​ပေးနိုင်တာက​တော့ ဂယူဘင်းအ​ပေါ်ကို ​မေတ္တာအနည်းငယ်ရှိလို့ဘဲဖြစ်လိမ့်မည်။ ထို့​ကြောင့် သူ့​မေတ္တာ​တွေအား တစ်ခြားတစ်​ယောက်အ​ပေါ် မခွဲ​ဝေ​ပေးချင်​တော့ပါ။

" အခုလိုမျိုး အသုံးမဝင်တဲ့ကိစ္စ​တွေကို ဆက်ပြီးတင်ပြ​နေဦးမယ်ဆို ညီလာခံကို ဒီ​လောက်နဲ့သိမ်းမယ် "

အမျက်​တွေလျှံကာ ပုလ္လင်မှထထွက်သွားတဲ့ ဘုရင်ရဲ့ပုံစံကို မှူးမတ်​တွေအကုန်လုံး လန့်ကုန်ကြတယ်။ ဤအ​ကြောင်းအရာတို့ကို ဘုရင်ကလည်း ဘယ်လိုမှလက်ခံလိမ့်မယ်မဟုတ်တာကို သူတို့​တွေးမိကြသလို ၊ သူတို့ ဆက်လက်၍ ထပ်မတင်ပြရဲခဲ့သည်မှာ​တော့ ဘုရင်ရဲ့ခမည်း​တော် ဘုရင်ကြီး​ကြောင့်ပင်ဖြစ်သည်။

ဘုရင်ကြီးသည် ကျန်းမာ​ရေးအ​ခြေအ​နေ ချို့တဲ့​နေ​ပေမယ့် အသက်ရှင်လျက်ရှိ​နေ​သေးတာ​ကြောင့် အာဏာရှိ​နေ​သေးသည်။ ထို့​ကြောင့် ဘုရင်​ဆောင်းဟန်ဘင်းအား သူတို့နားချဖို့ကို ပို၍မလွယ်ကူခဲ့ပါ​ပေ။

သို့​ပေမယ့်လည်း မှူးမတ်​တွေထဲမှ အာဏာအရှိဆုံးမှူးမတ်တစ်ဦးသည် သူ၏သမီး​တော်နှင့် ဘုရင်​ဆောင်းဟန်ဘင်းကို ​နေရာချထား​ပေးရန်အတွက် လက်​လျှော့လိမ့်မည်မဟုတ်ပါ။

" ဘာဖြစ်​လာတာလဲ ​ဆောင်းဟန် "

အသံရှူသံခပ်ပြင်းပြင်း​တွေသည် မူမမှန်စွာဖြင့် အမျက်​ဒေါသတို့အား ​ဖော်ပြ​စေသည်။ ညီလာခံအတွက်ဆိုကာ မှူးမတ်​တွေနဲ့အတူလိုက်သွားခဲ့တဲ့ ​ဆောင်းဟန်မှာ အိပ်​ဆောင်အတွင်းသို့ပြန်​ရောက်လာချိန်မှာ​တော့ ယခုလိုမူမမှန်ခဲ့​ပေ။ ထိုအ​ခြေအ​နေအား အကဲခတ်မိတဲ့ ဂယူဘင်းသည် ​ဆောင်းဟန်အတွက် ​ရေတစ်ချို့ယူ​ဆောင်​ပေးကာ အနားယူ​စေခဲ့တယ်။

" အသုံးမဝင်တဲ့အ​ကြောင်းအရာကို မှူးမတ်​တွေကတင်ပြကြတယ် အဲ့ဒါ​ကြောင့်ပါ "

ဂယူဘင်းရဲ့အ​မေးကိုပြန်​ဖြေတဲ့ ​ဆောင်းဟန်ဟာ အရင်အ​ခြေအ​နေ​တွေနဲ့ ခြားနား​နေသည်။ ​ဆိုရမည်ဆိုလျှင် ဂယူဘင်းနဲ့​ဆောင်းဟန်တို့ အ​ခြေအ​နေဟာ အနည်းငယ်တိုးတတ်လာခဲ့တယ်။

" စိတ်ကို ​လျှော့​စေချင်တယ် ​ဆောင်းဟန်
အဆင်​ပြေသွားဖို့ ​မျှော်လင့်ပါတယ် "

​ဘေးတွင် သူ့ကိုစိတ်ပူကာဖြင့် ​ဖြောင်းဖျ​နေ​​သော ဂယူဘင်းကို ဟန်ဘင်းက တည်ငြိမ်​နေတဲ့ မျက်ဝန်းတစ်စုံတို့နဲ့ကြည့်လိုက်တယ်။ ဟန်ဘင်းရဲ့ ဂယူဘင်းအ​ပေါ် ကြည့်တဲ့မျက်ဝန်း​တွေသည် အရင်ကလိုမျိုး တွန်းချိုး​မ​နေ​တော့ပါ။ သူ့ရဲ့တည်ငြိမ်​နေတဲ့မျက်ဝန်း​တွေမှာ ဂယူဘင်းရဲ့ကူညီ​ဖြောင်း​ဖြမှု​ကြောင့်ဆိုတာ သူကိုယ်တိုင် ယခု​လေးပင်သိခဲ့​လေပြီ။

ဟန်ဘင်း ဂယူဘင်းအနားမှာ ရှိ​နေရရင် စိတ်​အေးချမ်းရတယ်..။

" ကဲပါ ကိုယ့်ကို ဒီ​လောက်ပဲစိတ်ပူ​တော့
ကိုယ်တို့ အတူတူ ညစာစားကြရ​အောင် "

" ဗျာ.. ခင်ဗျာ.. ဘယ်..ဘယ်သူကစိတ်ပူတယ်​ပြောလို့လဲ မဟုတ်ပါဘူး "

ခုနကပဲသူ့ကို ​ရဲတင်းစွာဝန်ခံထားတဲ့​ကောင်​လေးက ယခု​တော့ အရှက်သည်း​စွာ ငြင်းနေတာ​ကြောင့် ဟန်ဘင်း သ​ဘောကျသဖွယ် ဟက်ပက်ပက်ရယ်​မောပစ်လိုက်ပါသည်။ ဂယူဘင်းရဲ့ အခုပုံစံဟာ အ​တော်ချစ်စဖွယ်ဟူ၍။

ဟန်ဘင်း ထပ်ပြီးစ​နောက်မ​နေ​တော့ဘဲ ဂယူဘင်းနဲ့အတူသာ ညစာစားဖို့ဦးတည်လိုက်တယ်။

ရှည်လျားတဲ့ စားပွဲရှည်ကြီးမှာ မျိုးစုံ​နေ​သောစားစရာတို့အား တည်ခင်းထားတယ်။ ​ဘေးဘီတွင် ဦး​ခေါင်းတို့အား​အောက်စိုက်ကာ အသီးသီးရပ်​နေကြ​သော အထိန်း​တော်များနဲ့ နန်း​တော်ကစားဖိုမှူများမှာလည်း ​မြောက်များစွာ။

ပုံမှန်ရက်​တွေလိုမျိုးပဲ သူတို့နှစ်​ယောက်စလုံး ညစာစား​နေကြပြီး ​ဘေးဘီတွင်လည်း အထိန်း​တော်များစီရီလျက်ရှိတယ်။ သို့​ပေမယ့် အခုမှ ဟန်ဘင်းသည် ဘာကိုအလိုမကျဖြစ်သွားလဲမသိပါ ။ ညစာစားခန်းတွင်ရှိ​နေ​သော အထိန်း​တော်များနှင့် စာဖိုမှူးများအား အပြင်သို့ထွက်ရန်​စေခိုင်းလိုက်​တော့သည်။

ညစာစား​နေတဲ့ ဂယူဘင်းမှာလည်း ဟန်ဘင်းရဲ့ ထိုအပြုအမှု​တွေ​ကြောင့် အနည်းငယ်နားမလည်နိုင်စွာဖြင့် ။ ဟန်ဘင်းမှာ​တော့ ထိုစားပွဲတွင် ဂယူဘင်းနဲ့နှစ်​ယောက်တည်းကျန်​နေခဲ့သည့်အခါမှ ထိုင်​နေရာမှ မတ်တပ်ထရပ်လိုက်​ပြီး

" ​ဆောင်းဟန် ဘာဖြစ်လို့- "

ဂယူဘင်းဘေးနားတွင် တိုးကပ်စွာလာထိုင်တဲ့ ​ဆောင်းဟန်​ကြောင့် ဂယူဘင်းခန္ဓာကိုယ်မှာ မတ်သွား​တော့သည်။ သူတို့သည် ပုံမှန်ဆိုရင် အနည်းငယ်လှမ်းတဲ့​နေရာကိုယ်စီတွင် ညစာတည်ခင်းတတ်သည်ဖြစ်လို့ ယခုလိုမျိုး နီးနီးကပ်ကပ်ရှိ​နေသည်ကို ဂယူဘင်းရဲ့ နှလုံးအိမ်တို့မှာ မထိန်းချုပ်ထားနိုင်ခဲ့​တော့ပါ​ချေ။

" ဘာကြည့်​နေတာလဲ ဆက်စား​လေ ဂယူဘင်း "

​ကြောင်အ,စွာကြည့်​နေတဲ့ ဂယူဘင်းကို ​လေသံ​အေး​​အေးလေးနဲ့ပြန်​ပြောသူမှာ တကယ်ပဲဘာမှမခံစားရသည်အလား။ ပုံမှန်လိုပင်ဖြစ်​နေသည့်​ဆောင်းဟန်က တကယ့်တကယ့်သူလုပ်​နေတဲ့အရာ​တွေက ထူးဆမ်း​နေသည်ကိုပဲ မသိသည်လား မသိချင်​ယောင်ဆောင်​နေသည်အလားပင်။

ထူးဆန်းတဲ့အမူအရာ​တွေကြောင့်ရယ် နီးကပ်​နေတဲ့ခန္ဓာကိုယ်နှစ်စုံ​ရယ်ကြောင့် ဂယူဘင်း ညစာကိုဆက်စားဖို့ တွန့်ဆုတ်​နေမိသည်။ ညစာစားတဲ့အချိန်တိုင်း အနားမှာအထိန်း​တော်​တွေများစွာရှိ​နေခဲ့​ပေမယ့် ယခု​တော့နှစ်​ယောက်တည်းရှိ​နေတာ​မို့ အ​တော်​လေးမှထူးဆန်း​နေခဲ့တယ်။

" ဂယူဘင်း.. မစားဘူးလား "

" ဟင် မဟုတ်- စား... စားပါ့မယ် "

သူသာ ဒီအတိုင်း​နေ​နေလိုက်ရင် ထူးဆန်း​နေသည့်အ​ခြေအ​နေသည် ပို၍​တောင်ထူးဆန်းသွားမည်စိုးတာ​ကြောင့် ​ရှေ့မှောက်တွင်ရှိ​နေ​သောညစာကို အမြန်ထိုးသွင်းလိုက်​တော့တယ်။ သို့​ပေမယ့် အမူအရာပျက်မှု​ကြောင့် န​မော်နမဲ့နိုင်တတ်သည့် အကျင့်ဆိုး​လေးသည်ပြန်​ပေါ်လာပြီး နှုတ်ခမ်းနားတစ်ဝှိုက်တွင် ​ဆော့စ်အနည်းငယ် ​ပေကျံသွားခဲ့သည်။

" ဘာ.. ဘာရယ်တာလဲ ​ဆောင်းဟန် "

" ​ပေ​နေတယ် "

" ဗျာ "

" ​ပေ​နေတယ် နှုတ်ခမ်းမှာ "

​ကြောင်​တောင်​တောင်ဖြင့်ကြည့်​နေ​သော ဂယူဘင်းကို သူအသည်းယားလှပြီဖြစ်သည်။ ​မေးဖျား​လေးကို ဆွဲကိုင်ကာ ​ပေ​နေတဲ့နှုတ်ခမ်းသား​တွေအား သုတ်​ပေးမလို့ ​တွေးလိုက်​ပေမယ့် သူ့အ​တွေး​တွေဟာ လျှပ်တစ်ပြတ်အတွင်း ​​ပြောင်းလဲသွားခဲ့တယ်။

အဝတ်စတို့​ရောက်ရမည့် နှုတ်ခမ်းသား​တွေမှာ ယခုမှာ​တော့ နှုတ်ခမ်းတစ်စုံကျ​ရောက်သွား​လေတယ်။ ထိုအခါအနည်းငယ်ကျယ်လာတဲ့ ဂယူဘင်းရဲ့မျက်ဝန်း​တွေမှာ အံ့အားသင့်​နေပုံရပြီး မလှုပ်မရွပင်။

ကျွမ်းကျင်စွာစုပ်ယူ​နေတဲ့​ဆောင်းဟန်ဟာ သူ့ရဲ့နှုတ်ခမ်းသား​တွေကို အငမ်းမရပင်ဖြစ်လို့​နေ၏။ ​ဘေးချင်းကပ်ရပ်ထိုင်လျက်ဖြင့် အနမ်း​ချွေ​နေခဲ့တဲ့သူတို့ပုံစံကိုသူတို့ ​ဆောင်းဟန်က​ကျေနပ်သည်မထင်ပါ။ တစ်ခဏအတွင်းမှာပင် ဆွဲမ,ခံလိုက်ရသည့် ခန္ဓာကိူယ်သည် ရှည်လျားတဲ့စားပွဲ​ပေါ်သို့ တင်ခြင်းခံလိုက်ရသည်။

ခါးသိမ်သိမ်​လေးကို ထိန်းကိုင်ထား​သော လက်တစ်ဖက်​ကြောင့် ဂယူဘင်းကိုယ်​တွေဟာ ​သွေး​ပြောင်းပြန်စီးဆင်း​နေသလိုဖြစ်​နေပြီး ၊ လွတ်ထွက်မသွား​အောင် စုပ်ယူခြင်းခံ​နေရတဲ့နှုတ်ခမ်းသား​တွေအတွက် ထိန်းကိုင်ခံထားရတဲ့သူ၏ဦး​ခေါင်းမှာလည်း ငြင်းဆန်ချင်​နေပုံမ​ပေါ်ခဲ့ပါ။

ဆုပ်​ခြေခံထားရတဲ့ ဟန်ဘင်းရဲ့ရင်ဘတ်ကဝတ်စူံအစ​တွေသည် ဂယူဘင်းလက်ချက်​ကြောင့် မြင်မ​ကောင်း​အောင် ​ကြေမွ​နေပြီဖြစ်ကာ ၊ ဂယူဘင်းရဲ့နှုတ်ခမ်းသား​တွေမှာလည်း ​ဟန်ဘင်းလက်ချက်​ကြောင့် ဖူး​ယောင်သွားပါ​တော့သည်။

​သောက်​လေငတ်မပြတ်​လေ ၊ စုပ်ယူရင် ပို၍စုပ်ယူချင်​လေ ဆိုသလို အသက်ရှူရခက်​နေပြီဖြစ်​သော ဂယူဘင်းကို နည်းနည်း​လေး​တောင်ဂရုမစိုက်ဘဲ ဆက်လုပ်​နေ​သောဟန်ဘင်းသည် သိပ်ကိုတစ်ကိုယ်​ကောင်းဆန်လွန်းပါ၏။ ဂယူဘင်းပိုပြီး အသက်ရှူကြပ်လာ​လေ ဟန်ဘင်းက နမ်း​နေရာမှလည်းမပြတ်ရ​အောင် အသက်ရှူသွင်း​ပေး၏။

အခန်းအပြင်ဘက်က အထိန်း​တော်​တွေမှာ​တော့ ထိုအဖြစ်အပျက်တို့အား တစ်ခုတစ်​လေမျှမသိဘဲ ဘုရင်နဲ့ကြင်ယာ​တော်တို့မှာ ညစာစား​နေခဲ့တာ ယခုဆိုလျှင် ​အချိိန်အ​တော်မျှကြာမြင့်​နေပြီဖြစ်သည်ဟု ဆို​နေခဲ့ကြ​လေ​တော့သည်။

~~~~

​​ကောင်းကင်​တွေဟာ လှပတဲ့တိမ်ငယ်​တွေနဲ့အတူ မိုးပြာ​ရောင်အသွင်ဖြင့် ။ ပန်းခင်းကြီးထဲတွင် ​ပြေးလွှား​နေ​သော ဝတ်ရုံအရှည်နှင့် ​ကောင်​လေးတစ်​ယောက်သည် ထိုပတ်ဝန်းကျင်ရဲ့ အလှအပ​တွေကို ပိုမြှင့်တင်​ပေး​နေတယ်။ ခပ်နုနုအပြာ​ရောင်ဝတ်ရုံရှည်သည် ထို​ကောင်​လေးရဲ့ပင်ကိုယ်အလှအပတို့​ကြောင့် ပို၍​တောက်ပကာလှပ​နေ​လေသည်။

ကျယ်ပြန့်လှ​သော ပန်းခင်းကြီးထဲတွင် ​ပြေးလွှား​နေတဲ့ထို​ကောင်​လေးဆီမှ ရယ်သံ​တွေမှာလည်း ပျံ့လွင့်​နေခဲ့သလို အဘယ်​ကြောင့် ဤသို့​​ပြေးလွှား​နေရပါသနည်း။

မလှမ်းမကမ်း အ​နောက်မှ​ပြေးလိုက်​လာ​သော လူတစ်​ယောက်သည် အနီ​ရောင်ခပ်နုနု နဲ့ အနက်​ရောင်ထင်းထင်းတို့​ရောယှက်ကာ ဝတ်ရုံကြီးအား အရှိန်အဝါဖြင့် ဝတ်ဆင်ထားခဲ့သည်။ သူ၏ပင်ကိုယ်အရှိန်အဝါ​ကြောင့်သာ ထိုဝတ်ရုံမှာလည်း အရှိန်အဝါ​တောက်ပလာခြင်းဟု ဆိုနိုင်ပါတယ်။

" ​ဆောင်းဟန်.. မလုပ်နဲ့ ဟားဟား ခစ်ခစ် "

လွတ်လပ်​ပေါ့ပါးစွာ ရယ်​မော​နေ​သော ဂယူဘင်းမှာ သူသည်ကြင်ယာ​တော်တစ်​ယောက်ဖြစ်သည်ဆိုတာကို ​မေ့သွားခဲ့ပုံပင်။ သူ၏ခန္ဓာကိုယ်ကို သိမ်းကျုံးကာဖမ်းချုပ်ထားတဲ့ ဟန်ဘင်းဆီကလည်း ရယ်သံ​တွေကို ကြားနိုင်မှာဖြစ်ပါတယ်။

ချစ်ရသူဆီက ​မေတ္တာ​တွေပြန်ရလာတဲ့သူ့အတွက်က တကယ့်ကို​ပျော်ရွှင်​နေရပါ၏။ ​ဆောင်းဟန်ဆီကရတဲ့ နူးညံ့​မှု​တွေသည် ဘယ်အရာနှင့်မျှ ​ဖော်ပြလို့​တောင်မရနိုင်ပါ​ပေ။ ယခုဆိုလျှင် ​ဆောင်းဟန်သည် သူ၏အနားတွင် အချိန်တိုင်းလိုလိုရှိ​နေ​လေတတ်၏။ မနက်မိုးလင်းလာလို့ ​အရင်​စောနိုးတတ်တဲ့​ဆောင်းဟန်က ဘေးတွင်သူ့ကိုကြည့်​နေတတ်တယ်။ ​နေ့လည်စာ ၊ ညစာစာ​တွေအတူတူစားရသည့်အခါတိုင်းလည်း သူတို့နှစ်​ယောက်က အမြဲအတူတူရှိ​နေရတယ်။

အခုလည်းပဲ ဂယူဘင်းရှိ​နေတတ်တဲ့ ပန်းခင်းကြီးရှိရာဆီ​ရောက်လာကာ ဂယူဘင်းနဲ့အတူတူ​ပျှော်ရွှင်​နေ​လေသည်။ ​ဆောင်းဟန်ဆီက သူ့အ​ပေါ်ကို ခံစားချက်​သေ​သေချာချာထုတ်မ​ပြော​သေး​ပေမယ့်လည်း သူသည် ယခုလိုနှင့်ပင် လုံ​လောက်​နေခဲ့ပါတယ်။

" ဟာ.. ဘယ်​ပြေးတာလဲ "

ခန္ဓာကိုယ်ကြီးထဲမှ ရုန်းထွက်ကာ ထွက်​ပြေးသွား​သော ဂယူဘင်းအ​နောက်ကို ဟန်ဘင်းကရယ်​မောရင်း လိုက်ဖမ်းသည်။ သူအ​လျှော့​ပေးထားတဲ့ ဂယူဘင်းသည် သူ့လက်ကလွတ်မည်ထင်​နေခဲ့သည်။ သို့​ပေမယ့် မကြာပါဘူး.. ဟန်ဘင်းရဲ့ခန္ဓာကိုယ်​တွေဆီ ပြန်​ရောက်တာပါပဲ။

" ​​ဆောင်း.. ​ဆောင်းဟန် "

သူတို့နှစ်​ယောက်ရဲ့အခုအ​ခြေအ​နေသည် တစ်ကြိမ်ပြုလုပ်ခဲ့ဖူးသလို ယခုမှာ ဒုတိယအကြိမ်​မြောက်ဖြစ်​လေသည်။ ပန်းခင်းကြီး​ပေါ်သို့ ဂယူဘင်းခန္ဓာကိုယ်ကိုလှဲချလိုက်​သော ဟန်ဘင်းသည် အ​ပေါ်တွင်အုပ်မိုးထားခဲ့သည်။

ပန်းခင်းကြီးထဲမှ ဂယူဘင်းသည် ပို၍​တောင်လှပ​နေတယ်။ ဟင့်အင်း.. ပန်း​တွေထက်​တောင်ပိုလှ​သေးတယ်။ သူ့ကို မျက်လုံး​လေးကလယ်ကလယ်ဖြင့် ​မော့ကြည့်​နေ​သော ဂယူဘင်းကို သူသိပ်အသည်းယားသည်။

" လှလိုက်တာ မင်း .. "

" ဗျာ.. "

​ယောကျာ်း​လေးတစ်​ယောက်ကို 'လှသည်' ဟု သုံးနှုန်းလိုက်တာ​ကြောင့် ဂယူဘင်းရဲ့မျက်ဝန်း​တွေသည် အနည်းငယ်ကျယ်လာခဲ့သည်။ သူ့အ​ပေါ်တွင်အုပ်မိုးထား​သော ​ဆောင်းဟန်က သူ့ပါး​တွေကိုလက်နဲ့အသာပွတ်သပ်ကာ ပြုံး​နေ​လေတယ်။ ဘာဆက်ဖြစ်မလဲမသိတဲ့အ​ခြေအ​နေမှာ သူ ဒီအတိုင်းသာငြိမ်နေခဲ့ပါသည်။

" သ​ဘောကျတယ် ဂယူဘင်း "

တစ်ချိန်တည်း သူ့ နဖူး​ပေါ်သို့ကျ​ရောက်လာပါ​သော အနမ်းတစ်ပွင့်မှာ အနူးညံ့ဆုံးဖြစ်ခဲ့ပါတယ်။ ​ဆောင်းဟန်ဆီက သူ့ကိုသ​ဘောကျတယ်ဆိုတဲ့ စကားက သူ့အတွက်​တော့ အတိုင်းမသိ​​ပျော်ရွှင်ရတယ်။ အခုလိုမျိုး ပန်းခင်းကြီးထဲမှာ သူတို့ခန္ဓာကိုယ်​တွေထပ်​နေခဲ့တာမျိုးက နှစ်ကြိမ်ဖြစ်ခဲ့​ပေမယ့် ယခုမှာ​တော့ ပထမတစ်ကြိမ်လိုအ​ခြေအ​နေမျိုးမဟုတ်တာ ​သေချာပါတယ်။ ယခုအကြိမ်တွင်​တော့ သူသည် ​ဆောင်းဟန်ဆီက ​မေတ္တာ​တွေ​ရော ၊ အနမ်း​ပန်းတွေကို​ရောပါ ရယူနိုင်ခဲ့ပြီဖြစ်သည်။

~~~

ညအခါတွင်​တော့ လမင်းကြီးဟာ ​တောက်ပ​နေခဲ့သည်။ အရာအားလုံး အဆင်​ပြေ​ပြေရှိ​နေသည့်အခါ သဘာဝတရားကြီးမှာလည်း အလွန်မှလှပ​နေခဲ့၏။ အထူးသဖြင့် ဂယူဘင်းနဲ့​ဆောင်းဟန်တို့ရဲ့ ချစ်ခြင်း​တွေသည် ပို၍လှပပါသည်။

ကုတင်​ပေါ်တွင်ထိုင်ကာ စာအုပ်ဖတ်​နေတဲ့ဂယူဘင်းရဲ့​ပေါင်​ပေါ်တွင် ဟန်ဘင်းရဲ့​ခေါင်းက​ခေါင်းအုံး​နေ၏။ ဘုရင်တစ်ပါးအ​နေနဲ့ ထိုအရာဟာ အနည်းငယ်​တော့မသက်မသာလှတဲ့ စည်းမျဥ်း​တွေထဲတွင်​တော့ မပြုလုပ်ရဆိုသည့်တားမြစ်ခြင်းတို့ပါဝင်ခဲ့​ပေမယ့် အချစ်​တွေပြည့်လျှံကာ အချစ်မျက်စိကန်း​နေပြီကြဖြစ်တဲ့သူတို့အတွက်​တော့ စည်းမျဥ်းစည်းကမ်း​တွေမှာ ​ဘေးမဲ့ဖြစ်​လို့​နေတယ်။

စာအုပ်ထဲသို့အာရုံ​ရောက်​နေတဲ့ ဂယူဘင်းကို ဟန်ဘင်းက​မော့ကြည့်ကာ ပြုံးလို့​နေ​၏။ အချိန်​တွေကြာလာလို့သိလာလျှင် ဟန်ဘင်းသည် ဂယူဘင်းအနားတွင်​နေရတာကို နှစ်သက်လာခဲ့တယ်။ ထိုသို့အ​ကြောင်းပြချက်မှာလည်း ​ပျော်ရွှင်ရခြင်းနဲ့သ​ဘောကျခြင်းတို့ဖြစ်ပါလိမ့်မည်။

သို့​ပေမယ့် ဟန်ဘင်းသည်
တစ်စုံတစ်ခုကို​မေ့​ထားခဲ့ပါသည်။

" ဂယူဘင်း.. "

" ဟုတ်ကဲ့ "

သူ​ခေါ်​နေတာကို စာအုပ်ကိုအကြည့်မပျက်ဘဲ ပြန်ထူးလာတာ​ကြောင့် ဟန်ဘင်းကသ​ဘောမ​တွေ့စွာ နှုတ်ခမ်းတို့သည် အ​ရှေ့သို့အနည်းငယ်ဆူထွက်လာခဲ့သည်။ တစ်နည်းအားဖြင့်ဆိုသလို အမျက်ထွက်သည်မဟုတ်ဘဲ စိတ်​ကောက်သည်​ပေါ့။

" အဲ့ဒီစာအုပ်ကို ချထားလိုက်ပါ​တော့ကွာ "

တိတ်ဆိတ်​နေ​သောညအခါတွင် ဟန်ဘင်းဆီကဆူဆူ​​ဆောင့်​ဆောင့်အသံက အနည်းငယ်ကျယ်​လောင်စွာထွက်​ပေါ်လာတယ်။ အသံ​တွေမတည်ငြိမ်တဲ့ ဟန်ဘင်း​ကြောင့် ဂယူဘင်းသည် ထူးဆန်းသည်ဆိုကာ စာအုပ်ဆီကအကြည့်လွှဲပြီး အကဲခတ်ကြည့်လိုက်ကာမှ

" ခစ်.. "

ထိန်းထားသည့်ရယ်သံတို့သည် မဖိတ်​ခေါ်ဘဲ ထွက်ကျလာ​တော့သည်။ သူ့​ပေါင်​ပေါ်တွင်လှဲကာ နှုတ်ခမ်းအနည်းငယ်ဆူရင်း စိတ်ဆိုး​နေသည့်ဟန်ဘင်းသည် ဘုရင်တစ်ပါးဖြစ်​နေ​ပေမယ့် က​လေးတစ်​ယောက်လိုဖြစ်​နေခဲ့၏။ ထို့​ကြောင့် အသည်းယားစွာ သူရီမိလိုက်ခြင်းဖြစ်ပါတယ်။

" ဘာရယ်တာလဲ ဂယူဘင်း "

" အာ ဘာမှမဟုတ်ပါဘူး။ ​ဆောင်းဟန်က ကျွန်​တော့်ကိုဘာလို့​ခေါ်တာလဲ "

" အတူတူကကြရ​အောင် ကိုယ်တို့ "

" ဗျာ ရုတ်တရက်ကြီး- "

ဂယူဘင်းစကား​တို့ကို အဆုံးမသတ်လိုက်နိုင်ပါ။ ​ဆောင်းဟန်သည့် သူ့လက်ကိုဆွဲကာ ကုတင်​ပေါ်မှဆင်းခိုင်း​တော့သည်။ ထို့​နောက် သာယာစွာထွက်​ပေါ်လာတဲ့ သံစဥ်​တွေမှာ အမှန်တကယ်ပင်မရှိခဲ့ပါ။ စည်းချက်ညီညီတွဲက​နေကြ​သော သူတို့နှစ်​ယောက်ဆီတွင် အချစ်သံစဥ်တို့ကို အတူတူ​ဖော်ကြူး​နေတာပင်ဖြစ်သည်။

အကြည့်လှလှ​တွေ ကိုယ်စီပို့ကြရင်း နီးကပ်လျက်ကခုန်​နေကြ​သော သူတို့မှာ ​လောကကြီးကို​​မေ့ထားကြပုံပင်။ နှစ်​ယောက်စလုံးဆီတွင်လည်း အပြုံးပန်း​တွေအတူတူ​​​ဝေဆာကြတာ လှပပါသည်ဆိုဆဲ့ စကြာဝဠာ​တွေထက်​တောင် ပို၍လှပ​နေခဲ့ပါသည်။

ကျွန်​တော် ​ဆောင်းဟန်ကို သိပ်ချစ်တာပဲဗျာ..။

ချိုမြိန်​သော​နေ့ရက်​တွေရှိသကဲ့သို့ မုန်တိုင်းရှိ​သည့် ​နေ့ရက်​တွေမှာလည်း အတူတူရှိခဲ့တယ်။ တစ်ကြိမ်တစ်လှည့်စီ ကြုံ​တွေ့ရမယ့် ထိုအ​ခြေအ​နေ​တွေကို သူတို့နှစ်​ယောက်စလုံး ​ကောင်းမွန်စွာ​ကျော်ဖြတ်နိုင်ပါ့မလား..?

ဤ​နေ့တွင်လည်း ​ဆောင်းဟန်သည် ညီလာခံကိုတတ်​ရောက်​နေတာ​ကြောင့် ဂယူဘင်းသည် တစ်​ယောက်တည်းပျင်းရိစွာ သူတို့အိပ်​ဆောင်ကိုသူတို့ ​သေချာပြန်လှည့်ပတ်ကြည့်ရင်း အပျင်း​ပြေ​စေတယ်။ ​ဆောင်းဟန်ရဲ့ ကိုယ်ပိုင်အလုပ်စားပွဲဆီ​ရောက်သွားတဲ့အခါ သူ့အာရုံတို့ဟာစုစည်းသွားတယ်။ စားပွဲ​ပေါ်က ဖန်မှန်​ဘောင်တစ်ခုထဲတွင် ​သေချာထည့်ကာသိမ်းဆည်း​ထား​သော မျက်နှာဖုံးလှလှတစ်ခုသည် ဂယူဘင်းရဲ့စိတ်​တွေကို အပိုင်သိမ်းသွားခဲ့၏။

မည်သည့်အရာတို့ကိုကြည့်ပြီး ​ပျော်ရွှင်​နေပုံရတဲ့ ဂယူဘင်းသည် နှုတ်ခမ်း​တွေ​ကော့တတ်ကာ ပြုံး​နေ​လေတယ်။ တစ်ပြိုင်နက် ထိုမှန်​ဘောင်ထဲမှ မျက်နှာဖုံး​လေးအား အပြင်သို့ထုတ်လိုက်ကာ ​သေချာကြည့်​တယ်။

" ရာရာစစ မင်းအခုဘာကိုထိလိုက်လဲသိရဲ့လား ကင်မ်ဂယူဘင်း !! "

တံခါးဆီမှ ကျယ်​လောင်စွာထွက်​ပေါ်လာ​သော အသံနက်တို့​ကြောင့်