တွေးထားဦး ကိုယ့်လူရေ။ ကိုယ်ကိုယ်တိုင် ဝေးကွာစေဖို့ အကြောင်းပြု ပြီးတော့မှ ကံကြမ္မာကြောင့်ပါလို့ ခေါင်းစဉ်တပ်လိုက်တာက အသုံးမကျဘူးလို့ ငါထင်တယ်။ "

ဒါကလည်း လက်ခံနိုင်တာပဲ။ သည်လိုကျပြန်တော့ ဒန်နီရယ်က လက်တွေ့ကျကျ တွေးတောတတ်သွားပြန်သလို။ ဂျော်ကတော့ အဲ့တာတွေကို အချိန်ကုန်ခံပြီး၊ မတွေးဖူးဘူး။ သူ့ဘဝက အိမ်ထဲမှာနေပြီး၊ ထိုပန်းချီကားချပ်တွေအတွက်ပဲ ကုန်ဆုံးနေခဲ့တာကြောင့်ဖြစ်မယ်။

" မင်းပြောတာလည်း မှန်တယ်။ ဒါပေမဲ့ နီရယ် ... "

ဂျော်က စကားကို ဖြတ်တောက်လိုက်တော့ နီရယ်က စိတ်ဝင်စားဟန်ပြကာ မေးဆတ်ပြလာတယ်။ စပ်ဖြီးဖြီးမျက်နှာပေးနဲ့ ဂျော်က သူ့လက်တွေကို ထောင်ပြရင်း ...

" ငါ စိတ်ပြန်ပါလာလို့ ပန်းချီသွားဆွဲတော့မယ်။ "

ဒါမှ ဂျော်အစစ်ပေါ့။ ဘဝမှာ ပန်းချီကားချပ်တွေကသာ နံပါတ်တစ်အဖြစ် သတ်မှတ်ထားလေသူ။ နီရယ်လည်း စာတွေကို မြတ်နိုးတာပါပဲ။ ဂျော့်လောက် ရူးရူးမူးမူး မဟုတ်ပေမဲ့လည်းလေ။

ကျန်ခဲ့တဲ့ နီရယ်ကတော့ ခေါင်းသာ ထပ်မံ၍ ခါမိလေတော့တယ်။ သူတို့ညီအစ်ကိုနှစ်ယောက်က စကားကြာကြာပြောလို့မရတာ ဖြစ်မယ်။

--

" တို့ပြောတာ ကြားရဲ့လား၊ ဘန် ? "

မျက်နှာရှေ့က ဘယ်ညာယိမ်းနေတဲ့ လက်ဖဝါးတစ်ဖက်ကြောင့် ဘန့်မှာ သတိပြန်ကပ်လိုက်ရတယ်။ သူ ဘယ်လိုတွေ ဖြစ်နေတာပါလိမ့်။ အရင်ရက်တွေတုန်းကလိုမျိုး ကိုယ့်ခေါင်းကိုယ်ထုပြီး၊ ရယ်လည်းရယ်နိုင်တော့မယ်မထင်။

" စိတ်ညစ်စရာရှိနေတာလား ? တို့ဘာကူညီပေးရမလဲ ? "

" အထွေအထူး မဟုတ်တာမို့ ခေါင်းထဲ ထည့်မနေပါနဲ့၊ ဘယ်လာ။ ကိုယ် အဆင်ပြေပါတယ်။ "

တကယ်တော့ ဘန်ဂျမင်ဟာ အဆင်မပြေပါ။ ဘယ်လ်လာ့ကို အလိုလိုက်ရာကနေ သူ့စိတ်အစုံက တစ်ခါသာ မြင်တွေ့ဖူးတဲ့ သူစိမ်းတစ်ယောက်ဆီ၌ အထိန်းချုပ်ခံလိုက်ရသလိုမျိုး။ သူ့ကိုတောင် သိမှာမဟုတ်တဲ့ သူစိမ်းတစ်ယောက်ဆီကနေလေ။

လွန်ခဲ့တဲ့လတွေ၌ သူဟာ အလုပ်ရှုပ်နေတာနဲ့ ဘယ်လ်လာ့ကို အချိန်မပေးနိုင်ခဲ့တာကြောင့် လွန်ခဲ့တဲ့တစ်ပတ်က သူ(မ)သွားချင်တဲ့ ပန်းချီပြခန်းဆီကို လိုက်ပို့ပေးရာကနေ ဘန့်အတွက် မရေမရာမှုတွေ စတင်ခဲ့သည်ထင်ပါ့။ ပြုံးနေတဲ့ နှုတ်ခမ်းပါးတွေက သူ့ရင်အစုံကို တလှပ်လှပ် ဖြစ်စေတယ်။ အသက်ဝင်နေတဲ့ ပါးချိုင့်နက်တွေက ဘန့်အတွက် ချောက်ကမ်းပါးသဖွယ် ဖြစ်လာမယ်လို့ မည်သူထင်မည်နည်း။ ဘန်လေ မျက်စိစုံမှိတ်ပြီး ခုန်ချပစ်လိုက်ချင်မိတယ်။ အပြစ်ကင်းစင်သလိုနဲ့ ဆွဲဆောင်မှုအားပြင်းလွန်းလှတဲ့ မျက်ဝန်းတွေက သည်တစ်သက် မေ့နိုင်တော့မှာ မဟုတ်တဲ့ အလှအပတွေပေါ့။

" အခုလည်း အတွေးများနေပြန်ပါပြီ။ "

ဘန်က ခပ်ဟဟ ရယ်လိုက်ရင်း နယ်မချဲ့သင့်တော့တဲ့ အတွေးတွေကို ပြန်ခေါက်သိမ်းထားလိုက်တော့တယ်။ အဲ့လိုမှ မလုပ်လို့လည်း မဖြစ်။ သူ(မ)က နှုတ်ခမ်းစူချင်နေပြီလေ။

" ကဲပါ ... ထပ်ပြီး အတွေးမလွန်တော့ဘူး။ ခုနက ဘာပြောလိုက်တာလဲဆိုတာ နောက်တစ်ခေါက်လောက် ထပ်ပြောလို့ရနိုင်မလား၊ ဘယ်လာ။ "

သိပ်ကျေနပ်ပုံမရသေးတဲ့ ဘယ်လ်လာက သက်ပြင်းချလိုက်ရင်း ဒုတိယမ္ပိ ဆိုလာတယ်။ မိန်းကလေးဖြစ်သော်ငြား၊ သူ(မ)က သူ့အတွက်ဆို အမြဲ စဉ်းစားပေးပြီး၊ နားလည်ပေးတတ်တယ်။ ထို့ကြောင့်လည်း သူတို့နှစ်ယောက်ကြား အဖုအထစ်တွေ ကင်းမဲ့နေတာ ဖြစ်ကောင်းဖြစ်လိမ့်မယ်။ ဘန့်လိုလူမျိုးကို ဘယ်လ်လာကသာ စိတ်ရှည်ပေးနိုင်တာ။

" ဘယ်လ်လာ့ပုံတူ လိုချင်တယ်။ "

" ဒါများ ဘယ်လ်လာရယ်၊ အဲ့တာ ပန်းချီဆရာကို သွားပြောမှပေါ့။ ကိုယ်က ပန်းချီဆရာမှ မဟုတ်ပေဘဲ။ "

သည်တစ်ခါတော့ သူ(မ)က နှာမှုတ်ရုံတင် မဟုတ်ဘဲ၊ မျက်စောင်းလှလှကိုပါ အပိုဆောင်းအနေနဲ့ လက်ဆောင်ပေးပြီ။ စကားကို သေချာနားမထောင်ဘဲ ပြောချလိုက်တဲ့ ဘန့်ကို စိတ်ကောက်ချင်သော်ငြား၊ ရူးလောက်တဲ့ ချောမောမှုတွေကြား ငေးနေမိတာနဲ့တင် မေ့တေ့တေ့။ ယခုတစ်ကြိမ် သတိပြန်ကပ်ရသူက ဘယ်လ်လာကိုယ်တိုင်ပင်။

" စကားကို ဆုံးအောင် နားထောင်ပေးပါဦး၊ ဘန်ရယ်။ "

ခေါင်းညိတ်ပြတဲ့သူက သူ(မ)စကားကို စိတ်ဝင်စားဟန်ပြကာ နားစွင့်ပေးတော့မှသာ ကျေနပ်သွားဟန်ဖြင့် သူ(မ)က နှုတ်ခမ်းလှုပ်ရုံမျှ ဖွဖွပြုံးတယ်။

" တို့လိုချင်တဲ့ ပန်းချီဆရာက မဆွဲပေးဘူးတဲ့လေ။ ပိုက်ဆံ ဘယ်လောက်ပေးပေး၊ မဆွဲပေးဘူးတဲ့။ တို့က သူ့လက်ရာတွေကို သိပ်သဘောကျတယ်ဆိုတာ ဘန်လည်း သိတယ်မလား။ သူကလေ ပုံတူပန်းချီကို ဘယ်တော့မှ မဆွဲပေးဘူးလို့လည်း ပြောသေးတယ်။ အဲ့လိုပြောပြီး ခုနစ်ခေါက်သွားပြောတာ ခုနစ်ခါက်စလုံး ငြင်းပစ်လိုက်တယ်။ စိတ်ပိန်လိုက်တာ။ "

ဘယ်လ်လာ့ပုံစံက တကယ်ကို စိတ်ညစ်နေတဲ့ပုံ။ ထိုပန်းချီဆရာကို သူ(မ)တော်တော် သဘောကျတယ်ဆိုတာ ဘန်ကိုယ်တိုင်လည်း ခန့်မှန်းမိတယ်။ အရင်ကလည်း ဘယ်ပန်းချီးကားချပ်ကိုမှ မရောင်းဘူးဆိုလို့ သူ(မ)မှာ မစားနိုင်၊ မသောက်နိုင်ဖြစ်သည်အထိ။ လိုချင်တာကို ရအောင်ယူတတ်တဲ့ သူ(မ)က ထိုပန်းချီဆရာနဲ့ ဆိုလျှင်တော့ အမြဲတမ်း အခက်တွေ့နေရပါလေရော။ အခုလည်း လိုချင်တာမရတော့ မျက်ခုံးတို့ကိုလည်း ထိလုပ်မတတ် တွန့်ချိုးထားပြီး၊ နီရဲရဲနှုတ်ခမ်းဖူးဖူးတွေကိုလည်း မဲ့ထားလေ၏။

ဘန်က သူ(မ)ကို မချစ်ဘူးဆိုတာ မှန်ပေမဲ့၊ အခုလို စိတ်ညစ်နေတာမျိုးကိုတော့ မမြင်စေချင်ဘူး။ သူ(မ)က သူ့ကို မျက်နှာတစ်ချက် မပျက်ရလေအောင် ဂရုစိုက်ပေးတတ်တာကြောင့်ပဲလားတော့ မပြောတတ်ပါ။ မေတ္တာအလုံးစုံကို ရောင်ပြန်မဟပ်ပေးနိုင်လျှင်တောင်မှ ဘန်သည် ခါးခါးသီးသီးဖြင့် မျက်ကွယ်မပြုတတ်တဲ့သူမျိုးထဲတွင် အပါအဝင်။

" ကိုယ် ဘာကူညီပေးရမလဲ ? "

တကယ်တော့ သူ့မှာ ကူညီပေးစရာလည်း မရှိပါဘူး။ ဥပေက္ခာ မပြုနိုင်လို့သာ မေးမိခြင်းဖြစ်တယ်။ ဘန်က ပန်းချီဆရာမှ မဟုတ်တာ။ ဟိုပန်းချီဆရာကို ရိုက်နှက်ပြီး၊ အတင်းဆွဲခိုင်းမှသာ ရလိမ့်မယ်။

မိုးပြိုမတတ် မျက်နှာအမူအရာကနေ နှစ်နှစ်ခြိုက်ခြိုက် ပြုံးလာတဲ့ သူ(မ)ကြောင့် ဘန် အနည်းငယ်တော့ လန့်သွားမိတယ်။ ဘာလုပ်ခိုင်းမလို့ပါလိမ့်။ သူ တွေးလိုက်မိသလိုမျိုး ရိုက်နှက်ပြီး၊ အတင်းဆွဲခိုင်းမလို့လား။ မရည်ရွယ်ဘဲ မျက်ခုံးတွေကပါ အလိုလို မြင့်တက်သွားကြပြီ။

" ဘန် "

" ပြောလေ၊ ဘယ်လ်လာ။ "

ဘန့်မှာ လန့်လို့ကောင်းနေတုန်း၊ သူ(မ)က သူ့ကို အားကိုးတဲ့ မျက်လုံးတွေနဲ့ ကြည့်နေတယ်။ ပြီးတော့ အနားကို အနည်းငယ်မျှ တိုးကပ်လာပြီး၊ လေသံတိုးတိုးနဲ့ စကားဆိုလာတယ်။

" တို့ကို ကူညီပေးပါ ... နော်။ "

--

" အိမ်ထဲမှာ လူရှိတာ သိပါတယ်နော်။ ခဏလောက်ပဲ ဖွင့်ပေးပါ။ "

အထက်တန်းလွှာ မိန်းကလေးတစ်ယောက်က သူတစ်ပါး အိမ်ရှေ့မှာ တံခါးမဖွင့်ပေးမချင်း ရပ်နေတာက အမြင်မသင့်တော်ဘူးလို့ ဝေဖန်ကြလျှင်လည်း သူ(မ)က တစ်ဖက်နားမှ ထုတ်ပစ်လိုက်ဖို့ ဝန်မလေး။ ဘယ်လ်လာက အစွဲအလမ်းလည်း ကြီးတယ်။ သူလိုချင်တဲ့ ပုံတူပန်းချီကို သူသဘောအကျရဆုံး ပန်းချီဆရာဆီကပဲ ဘယ်လောက်ပေးရပါစေ၊ လိုချင်တာ။

" ဘယ်လ်လာ "

သူ(မ)တော့ မသိပေမဲ့၊ ဘေးက ဘန်ဂျမင်က ရှက်ရှက်နဲ့ ဟိုကြည့်သည်ကြည့်လုပ်ကာ ခပ်တိုးတိုးခေါ်၏။ သူ(မ)က တစ်ချက်သာ လှည့်ကြည့်ပြီး မပွင့်လာမဲ့ တံခါးဆီမှာသာ အာရုံပြန်စိုက်ထားတယ်။ ဘန်ဂျမင်တော့ ကူညီပေးမိတာ မှားပြီ။ အထဲက ပန်းချီဆရာကလည်း အကြောတင်းလိုက်တာလို့သာ တွေးမိတော့တယ်။

" ဒီအတိုင်းပဲ ထားလိုက်တော့မှာလား၊ ကိုယ့်လူ ? "

ပြတင်းပေါက်က လိုက်ကာစကို အသာဖယ်ကာ အပြင်ဘက်က လူနှစ်ယောက်ကို တစ်ချက်လှမ်းကြည့်ရင်း ဒန်နီရယ်က မေးတယ်။ ဘေးမှာ ရပ်ထားတဲ့ ကားအကောင်းစားကြီးက ဒန်နီရယ့်အမြင်အာရုံကို ဆွဲဆောင်ထား၏။ ထိုကားဆီမှ အကြည့်မလွှဲဘဲ ဂျော်ပြောလာမဲ့ စကားကိုလည်း နားစွင့်နေပြန်တယ်။

တော်တော်နဲ့ အသံမကြားရတာကြောင့် လှည့်ကြည့်လိုက်တော့ ပန်းချီဆီသာ အာရုံရောက်နေတဲ့ ဂျော်က သူ့အား လှည့်တောင်မကြည့်။ မေးမိတဲ့ သူသာ မှားတာပါ။

" ဟိုနှစ်ယောက်က ပြန်မဲ့ပုံမပေါ်ဘူးထင်တယ်နော်၊ ဂျော်နီ။ "

ပန်းချီဆွဲနေတဲ့သူဆီကို လျှောက်သွားပြီး ပြောလိုက်တော့ ဦးစွာ မျက်မှောင်ကြုတ်ကြည့်တယ်။ ပြီးတော့လည်း သူပြောတာကို အရေးမစိုက်သလိုပုံစံနဲ့။ အနှီအစ်ကို လက်တောက်လောက်အား ဒန်နီရယ် ဂုတ်ကနေဆွဲပြီး၊ လွှင့်ပစ်လို့ရပါက လွှင့်ပစ်လိုက်ချင်မိပါဘိ။

" ဂျော်နီဘရန်ဒို "

" လွှတ်ထားလိုက်စမ်းပါ၊ ဒန်နီရယ်ရာ။ ခြေထောက်ညောင်းရင် ပြန်သွားလိမ့်မယ်။ "

သူတို့ခြံရှေ့က ကောင်မလေးကလည်း ခေါင်းကြောမာသလို၊ သူ့အိမ်ထဲက ပန်းချီဆရာသည်လည်း ခေါင်းကြောမာတယ်ဆိုတာကို ဒန်နီရယ် တစ်ချက်မေ့သွားခဲ့တာဖြစ်မယ်။ သူတော့ လက်လျှော့လိုက်ပြီ။ ထပ်မပြောတော့ဘူး။ ရပ်ချင်တဲ့သူတွေလည်း ကြိုက်သလို ရပ်ပါလိမ့်စေ။ ဆွဲချင်တဲ့သူကလည်း ဆွဲချင်တာသာဆွဲ။

--

" ဒါက တကယ်ကို မဖြစ်နိုင်တာပါ။ "

ဇွဲရှိလွန်းတဲ့နှစ်ယောက်က အနိုင်ရသွားတော့ နီရယ်က အနောက်ကနေ ကြိတ်ရယ်နေတယ်။ ဆယ်ရက်စလုံး မပျက်မကွက်ဘဲ ခြံရှေ့၌ လာ,လာရပ်နေတတ်တဲ့ နှစ်ယောက်က အခုတော့ အိမ်ထဲကို ရောက်လာကြပြီ။ ပန်းချီဆရာက အလျှော့ပေးလိုက်ရတဲ့ပုံ။

ဒန်နီရယ်ကတော့ တော်ပါသေးတယ်လို့ တွေးမိတယ်။ သူ့ခမျာ အပြင်ထွက်လျှင်တာနဲ့ ထိုကောင်မလေးက အနားသို့ ရောက်လာတတ်ပြီး၊ အိမ်ထဲ ပေးဝင်ဖို့ ခွင့်တောင်းနေတတ်တာ။ ထို့ကြောင့်လည်း ဂျော်က သူ့အား အပြင်မထွက်ခိုင်းတော့တာပင်။ ယခုတွင်တော့ အိမ်တွင်းပုန်းနေရတဲ့အဖြစ်ကနေ လွတ်မြောက်တော့မှာပဲဆိုတဲ့ အတွေးကြောင့် ဒန်နီရယ်တစ်ယောက် အပျော်ကြီး ပျော်နေ၏။

ဘယ်လ်လာက သူ့ရှေ့က ပန်းချီဆရာလေးအား မယုံနိုင်သလို ကြည့်နေတယ်။ သူ(မ)နဲ့ ရွယ်တူလောက်ပဲ ဖြစ်မယ်။ သူ(မ)သိပ်သဘောကျရတဲ့ အဖိုးတန်လက်ရာတို့၏ပိုင်ရှင်အား ဤမျှလောက် ငယ်ရွယ်လိမ့်မယ်ဟု မထင်ခဲ့ရိုးအမှန်။ သူ(မ)စိတ်ထဲ၌ ပို၍ လေးစားသွားမိ၏။ ပြီးတော့ ပန်းချီဆရာလေးက လှပတယ်။

" သောက်လိုက်ပါဦး။ "

ဧည့်သည်ရောက်လာမှတော့ အအေးလောက်ပဲဖြစ်ဖြစ် တိုက်ရမှာပေါ့။ သူ အဲ့လောက်တော့ လူမှုရေး နားလည်ပါသေးတယ်။ နာမည်ကြီးတံဆိပ်တွေနဲ့ တောက်ပနေတဲ့ မိန်းမပျိုက အအေးခွက်ကို ယူသောက်လိုက်ပြီး ပြုံးပြလာတယ်။ မျက်နှာတစ်ချက်မမဲ့တာက ဂျော့်အတွက် အံ့သြစရာ။ လူကုံထံအသိုင်းအဝိုင်းက ဖြစ်တာကြောင့် ဂျော့်အနေနဲ့ အတော်လေး ကြီးကျယ်၊ မောက်မာလိမ့်မည်ဟု ထင်ခဲ့မိ၏။ မှန်းထားတာ လွဲသွားတာပဲ။

" ဘန် "

" ဟမ် ? "

တစ်ချိန်လုံး ငြိမ်နေတဲ့ ဘန့်ကြောင့် ဘယ်လ်လာ စိတ်ပူသွားမိတာတော့အမှန်။ မနက်က ထွက်လာတုန်းက အကောင်းတိုင်း။ ပန်းချီဆရာ၏အိမ်ထဲကို ရောက်တော့မှသာ ငူငူငိုင်ငိုင်ဖြင့်။ ပန်းချီဆရာကိုလည်း အားမနာစတမ်း စိုက်ကြည့်နေတာ ဘယ်လ်လာဖြင့် သူ့ကိုယ်စား အားနာမိ၏။ ဘယ်လ်လာက အကူအညီတောင်းရုံကို သူက ရိုက်နှက်တော့မလား မပြောတတ်။

" ဘန်၊ တို့ပြောထားတာလေ။ "

သတိပေးလိုက်တော့မှသာ ဘန်က ခေါင်းညိတ်ပြလာပြီး၊ ပန်းချီဆရာလေးကို ကြည့်ပြန်တယ်။ လက်ဖဝါးနှစ်ဖက်ကို အသာပွတ်သပ်လိုက်ရင်း တောင်းဆိုလာတယ်။

" ဒီက ဆရာလိုချင်သလောက် ကျွန်တော်တို့ ပေးမှာပါ။ ဒီတစ်ပုံပါပဲ။ ဒီတစ်ပုံဆွဲပြီးရင် နောက်ထပ် လာမနှောင့်ယှက်တော့ဘူးလို့လည်း ကျွန်တော်တို့ ကတိပေးတာမလို့ ပထမဆုံးအကြိမ်နဲ့ နောက်ဆုံးအကြိမ်အဖြစ် ကူညီပေးလို့ မရဘူးလား ? ကျွန်တော့်ကောင်မလေးက ဆရာ့ရဲ့ပန်းချီတွေကို သိပ်သဘောကျတာမို့လို့ပါ။ "

သုံးနှုန်းလိုက်တဲ့ စကားလုံးသုံးလုံးကြောင့် ဘယ်လ်လာ့မျက်နှာထက် ပန်းနုရောင်လှိုင်းတွေ ဖြတ်ပြေးသွားတယ်။ ပန်းချီဆရာလေးကတော့ နှုတ်ခမ်းတွန့်ရုံမျှသာ။

" မငြင်းဖို့ အနူးအညွှတ် တောင်းဆိုပါရစေ။ "

ပန်းချီဆရာလေးက ပါးစပ်ဟ,တုန်းပဲ ရှိသေးတယ်။ သူက ကြိုပိတ်နေလေရဲ့။ ဘယ်လိုလုပ်ရပါ့။

" ကျွန်တော်က ငွေမလိုအပ်ဘူး။ ပန်းချီဆွဲတာကလည်း မွဲနေလို့ မဟုတ်ဘူး။ "

ဂျော်က နှစ်ခွန်းတည်းသာ ပြောတယ်။ သူ့စကားကို ကျန်နှစ်ယောက်ကလည်း နားလည်ပါတယ်။ ပိုက်ဆံအကြောင်း ထည့်ပြောတာကတော့ သူတို့အကျင့်ဖြစ်နေတာကြောင့် ဖြစ်ပါလိမ့်မယ်။ ဂျော်က ထိုင်ရာမှ ထ,သွားပြီး၊ မလှမ်းမကမ်းမှာ ထား,ထားတဲ့ ဆွဲလက်စ သူ့ပန်းချီကားချပ်ဆီကို လျှောက်သွားတယ်။ ရုပ်လုံးမပေါ်သေးတာတောင်မှ သိပ်လှပတဲ့ ပန်းချီကားချပ်တစ်ချပ်ဖြစ်လာမယ်ဆိုတာ ဘယ်လ်လာက ယုံကြည်ပြီးသား။

ကျောပေးထားတဲ့ ပန်းချီဆရာလေးက သူတို့ဘက်ကို လှည့်လာတယ်။ ပြီးတော့ ပြုံးပြတယ်။ ထိုအပြုံးကို မြင်တော့ ဘန့်မျက်တောင်တွေကအစ မလှုပ်ရှားကြတော့။ ဘန့်အသိအာရုံအလုံးစုံက ထိုအပြုံးနုနုအောက်မှာ ကျရှုံးသွားသလို။ ပတ်ဝန်းကျင်ကလည်း ရုတ်ချည်းဆိုသလို တိတ်ဆိတ်သွားပြီး၊ အနှီပန်းချီဆရာလေး၏အပြုံးတွေကပဲ အသက်ဝင်နေသည့်နှယ်။ ဘန့်အတွေးတွေက ထူးထူးခြားခြား ကဗျာဆန်လာတာပဲ။

" ကျွန်တော် ဆွဲပေးပါမယ်။ ခင်ဗျားရဲ့ကောင်မလေးအတွက်။ "

ဘေးမှာ ထိုင်နေတဲ့ ဘယ်လ်လာကတော့ လိုချင်တာရသွားကြောင့် မဖုံးမဖိနိုင်လောက်အောင် အပျော်ကြီး ပျော်နေပြီး၊ ဘန့်လက်တွေကို ဆုပ်ကိုင်လိုက်တယ်။ ဘန်က ပြန်ပြုံးပြရင်း၊ သူ(မ)လက်တွေကို သူ့လက်တွေနဲ့ အုပ်မိုးလိုက်တယ်။ သို့ပေမဲ့ ဘန့်ရင်ထဲမှာတော့ မပြုံးနိုင်ခဲ့ဘူး။

ဘယ်လ်လာဟာ သူ့ကောင်မလေးဆိုပေမဲ့၊ သူ့ကောင်မလေးလည်း ဟုတ်မနေပြန်ဘူးဆိုတဲ့အကြောင်းကို ပန်းချီဆရာလေး၏လက်တွေအား တယုတယ ဆုပ်ကိုင်ကာ ပြောပြလိုက်ချင်မိပါဘိ။

--

11,5,2022
💟

--