ជុងហ្គុកនាំថេយ៉ុងទៅក្រេបទឹកឃ្មុំមួយសប្តាហ៍ពេញដោយទម្លាក់ការងារអោយមិត្តនិងកូនចៅជួយធ្វើនាយរវល់នាំប្រពន្ធទៅដើរលេងនៅក្រៅប្រទេស។ដំបូងឡើយថាទៅលេងកោះជេជូតែនឹកឃើញថានៅបារាំងទិញផ្ទះទុកចោលទើបចង់នាំប្រពន្ធទៅលេងណាមួយមានកន្លែងដើរលេងច្រើនអាចថាទៅដើរលេងឆ្លងប្រទេសផងព្រោះមិនងាយបានដើរលេងនោះទេ។
ទៅដើរលេងផងក្រេបទឹកឃ្មុំផងអេនខ្លាំងណាស់ មួយសប្តាហ៍ល្មមអាចអោយពួកគេកាន់តែយល់ចិត្តគ្នាស្រលាញ់គ្នាកាន់តែខ្លាំងហើយក៏អាចនឹងមានក្មេងជាប់មកជាមួយក៏ថាបាន។
ក្រោយពីដំណើរក្រេបទឹកឃ្មុំមួយសប្តាហ៍របស់ពួកគេរួចរាល់ ក៏ត្រឡប់មកបំពេញការងាររៀងៗខ្លួនវិញហើយមកលើកនេះក៏ប្រហែលមិនសូវបានឃើញមុខគ្នាដែរព្រោះជុងហ្គុកក៏រវល់ថេយ៉ុងក៏រវល់ ប៉ុន្តែបើមានពេលទំនេរពួកគេតែងតែចំណាយពេលនៅជាមួយគ្នាទោះបីជាតិចតួចក៏ដោយដូចជាថ្ងៃនេះយ៉ាងចឹងជុងហ្គុកធ្វើការងាររួចភ្លាមក៏មកទទួលប្រពន្ធចេញពីធ្វើការភ្លេត។
"ធ្វើការហត់ទេ?"ថេយ៉ុងរត់ចេញមកអោបនាយមួយទំហឹងទើបជុងហ្គុកអោបអង្អែលក្បាលនាងតិចៗសួរនាំ។
"មិនសូវអីទេចុះបង?ហត់ឬអត់?មើលចុះមុខបងស្លក់ដល់ហើយ"
"មកពីបងប្រញាប់ធ្វើការងារអោយរួចនឹងបានមានពេលនៅជាមួយអូនអោយច្រើនៗនោះអីសឺត!"
"បើអូនយាមបងគួរតែចូលគេងអោយលឿនៗកុំនៅធ្វើការដល់យប់ជ្រៅពេក"
"បាទ ពីពេលនេះទៅបងនឹងធ្វើតាមសម្តីអូន"
"បានហើយអូនឃ្លាន"ថេយ៉ុងពេបមាត់ដាក់លោកប្តី
ដោយសារមួយរយៈនេះនាងឃ្លានញឹកណាស់ពេលខ្លះយប់ជ្រៅក៏ឃ្លានដែរចំណែកជុងហ្គុកឮតែប្រពន្ធឃ្លានមិនបានទេនាំឡើងឡានបើកជូនទៅទិញរបស់ដែលគេឃ្លានភ្លេត។
"អូនចង់ញាំមួយនេះ មួយនេះហើយនិងមួយនេះ
ភីហ្សាក៏អូនចង់ញាំ កុំភ្លេចស្រ្តបឺរីរបស់អូនផង"គ្រាន់តែជូនមកដល់កន្លែងភ្លាមក៏ចង្អុលគ្មានទម្លាក់ដៃ អាចថាប្រពន្ធនាយប្លែកតាំងពីមកពីក្រេបទឹកឃ្មុំ ឃ្លានអីប្លែកៗហើយញាំច្រើនថែមទៀតប៉ុន្តែនាយគិតថាប្រហែលមកពីនាងឃ្លានខ្លាំងហើយបានជាញាំច្រើនបែបនេះ។
"នំខេកអូនយកទេ?"
"យក!"
"ចង់ញាំអីទៀត?"
"ស៊ុប សាច់អាំង អូនឃ្លានទាំងអស់"ឮហើយចង់ខ្យល់ព្រោះប្រពន្ធនាយឃ្លានគ្រប់សព្វបែបនេះ មានតែវិធីមួយប៉ុណ្ណោះគឺនាំទៅញាំអីនៅផ្សាររាត្រីតែរបស់នេះទិញយកទៅដាក់ក្នុងទូរខ្លាចនាងឃ្លានចង់ញាំទៀត។
"អ៊ីចឹងបងនាំអូនទៅដើរលេងញាំអីនៅផ្សាររាត្រីយ៉ាងមិចដែរ?"ទីនោះសម្បូររបស់ញាំចង់ញាំអីចូលតាមតូបនីមួយៗទៅបានហើយឯថេយ៉ុងឮហើយក៏ងក់ក្បាលទាំងសប្បាយចិត្ត។ជុងហ្គុកនាយមិនធ្លាប់ឃើញប្រពន្ធនាយបែបហ្នឹងពីមុនមកទេ មើលចុះដូចកូនក្មេងបានរបស់ដែលខ្លួនចង់បានចឹង។
ជុងហ្គុកបើកឡាននាំប្រពន្ធមកផ្សាររាត្រីដើរលេងក៏ដូចជាញាំអីតាមអ្វីដែលនាងចង់។ថេយ៉ុងញាំច្រើនណាស់ទាំងគ្រឿងសមុទ្រ ប្រហិត សាច់អាំងញាំឡើងប៉ោងមាត់មិនអស់ចិត្តនៅអូសប្តីចូលតង់សាច់អាំងញាំថែមទៀត។
"មានក្តីសុខដល់ហើយ"ថេយ៉ុងញាំញាប់មាត់គ្រវីខ្លួនទាំងសប្បាយចិត្តទាំងមិនដឹងថាខ្លួនឯងញាំឡើងប្តីធ្វើភ្នែកស្លើមើលអីអត់ទេ។
"អូនញាំច្រើនយ៉ាងនេះមិនទាន់ឆ្អែតទៀតឬ?"
"អូនញាំមិនចេះឆ្អែតសោះ ពោះចេះតែឃ្លានរហូត"
នាងក៏ទំពារចង់រោយថ្គាមដែរតែវាឆ្ងាញ់ហើយពោះតែឃ្លានញាំមិនចេះឆ្អែតសោះ។
"អូនញាំល្មមបានហើយប្រយ័ត្នក្អួត"នាយឃើញនាងញាំច្រើនណាស់ ច្រើនដល់ថ្នាក់សូម្បីមនុស្សឃ្លានខ្លាំងក៏ញាំមិនដល់នាងដែរ។
មកដល់ផ្ទះជុងហ្គុកបីថេយ៉ុងឡើងទៅបន្ទប់ថ្នមៗខ្លាចនាងភ្ញាក់ ឃើញនាងគេងលក់មិនចង់ដាស់ចាំដល់បន្ទប់សឹមដាស់អោយងូតទឹក។ជុងហ្គុកប្រើខ្នងបើកទ្វាររុញចូលមុននឹងបីប្រពន្ធដាក់ទៅលើពូកថ្នមៗរួចទើបដើរមកបិទទ្វារវិញ។
"ថេយ៍ ថេយ៍អូន ក្រោកងូតទឹកសិនចាំគេង"
"ងូតទឹកអោយអូន"ថេយ៉ុងនិយាយទាំងបិទភ្នែកព្រោះមានអារម្មណ៍ថាអស់កម្លាំង ងងុយភ្លាមៗមិនចង់ធ្វើអ្វីទាំងអស់ហេតុនេះទើបជុងហ្គុកក៏ដោះខោអាវលើកបីភរិយាចូលក្នុងបន្ទប់ទឹកចាត់ការងូតទឹកអោយតាមបញ្ជាព្រោះមើលទៅងងុយគេងបើកភ្នែកលែងរួចហើយ។
ជុងហ្គុកដាក់ប្រពន្ធអោយអង្គុយផ្អែកខ្នងទល់មុខនាយមុននឹងចាក់សាប៊ូដុះមុខលើដៃញីអោយឡើងពពោះរួចក៏យកមកញីថ្នមៗលើមុខប្រពន្ធ នាយធ្វើតាមកាយវិការដែលនាងធ្វើរាល់ថ្ងៃរាល់ពេលងូតទឹកជាមួយគ្នា
រួចក៏លាងមុខអោយទើបងូតទឹកផ្តើមក្បាលទាំងពីរនាក់រួចទើបកក់សក់តែថាធ្វើយ៉ាងមិចក៏ថេយ៉ុងនៅតែបិទភ្នែកគេងដែរ។ពេលកក់សក់ហើយក៏ដុះខ្លួន នាយដុះខ្លួនឯងហើយទើបដុះងោយប្រពន្ធម្តងតែនាងក៏ស្ងៀមអោយធ្វើតាមចិត្តព្រោះងងុយបើកភ្នែកមិនរួច ទម្រាំងូតទឹកហើយក៏ចូលជិតមួយម៉ោងឯណោះ។
"អង្គុយសិនបន្តិចទៀតបានគេងហើយ"
"ហឹកៗអូនងងុយណាស់ជុង"
"បាទ បងដឹង បងផ្លុំសក់អោយមួយភ្លេតទេណា" គ្រាន់តែផ្លុំហើយក៏ដាក់នាងអោយគេងអោយស្រួល មួយសន្ទុះក្រោយទើបយកគ្រីមលាបមុខមកលាបអោយនាងតិចៗទើបនាយឡើងមកកេងបិទភ្លើងទាញនាងមកអោបបំពេរតិចៗ។
ព្រឹកឡើងមិនទាន់ថេយ៉ុងស្ទុះក្រោកក្អួតសឹងតែមិនទាន់ ជុងហ្គុកស្លន់ស្លោក្រោកមកជួយទប់ប្រពន្ធដែលក្អួតគ្មានសំចៃកម្លាំងទេ ញាំចូលទាំងប៉ុន្មានក៏មកវិញសឹងទាំងអស់។
"អូនយ៉ាងមិចហើយ?"នាយជួយរឹតខ្នងអោយតិចៗបារម្ភព្រោះតែនាងក្អួតឡើងទន់ខ្លួនមិនចង់បន្ទោសព្រោះដឹងថាយប់មិញនាងឃ្លាន។
"អូនមិនអីទេគ្រាន់តែអស់កម្លាំងបន្តិចប៉ុណ្ណោះ សម្រាកបន្តិចលែងអីហើយ"នាងគិតថាមកពីយប់មិញនាងញាំច្រើនពេកក្រពះទទួលកិនមិនអស់ទើបព្រឹកមិនទាន់នាងក្អួតចេញមកវិញ។ថេយ៉ុងសង្ងំបិទភ្នែកអោបជុងហ្គុកមួយសន្ទុះទើបលាងមុខលាងមាត់ចេញមកក្រៅវិញ។
"បើអូនមិនស្រួលខ្លួនបងគិតថាមិនបាច់ទៅធ្វើការទេ ចាំបងនិយាយជាមួយលោកតាអោយ"
"មិនអីទេសម្រាកតែបន្តិចលែងអីហើយអូនមិនចង់ឈប់ទេ"
"ចុះបើអូនក្អួតទន់ខ្លួនម្តងទៀត?"
"បើទៅមិនរួចចាំអូនប្រាប់លោកតាបងកុំបារម្ភអីណា"
"មិនអោយបងបារម្ភបានយ៉ាងមិច?ប្រពន្ធបងមិនស្រួលខ្លួនទាំងមូល?"ជុងហ្គុកក្រសោបមុខថេយ៉ុងដែលមួយរយៈនេះនាងប្លែកគ្រប់យ៉ាងទាំងការញាំការនិយាយនិងកាយវិការ។
"អូនអាចធ្វើការបានមិនអីទេ"
"បើជ្រុលជាទៅហើយពិនិត្យសុខភាពខ្លួនឯងផងហើយត្រូវខលប្រាប់បងថាអូនកើតអី"
"បានចាំអូនអោយបងៗជួយពិនិត្យអោយ"ថេយ៉ុងញញឹមស្ងួតព្រោះអស់កម្លាំង ក្អូតឡើងស្លេកមុខ។
"អូនសម្រាកបន្តចុះបងចុះទៅខាងក្រោមអោយអ្នកបម្រើធ្វើស៊ុបអោយអូនហុត"ថេយុងគ្រាន់តែញញឹមងក់ក្បាលរួចក៏បិទភ្នែកគេងវិញ។ប្រហែលមួយសន្ទុះជុងហ្គុកលើកយកស៊ុបព្រមជាមួយបបរគ្រឿងមួយចានមកបញ្ចុកប្រពន្ធមុនទៅធ្វើការ។
"អូនក្រោកមកញាំបបរហុតស៊ុបសិនមក"
"អឺម ពេលណាទើបបងទៅធ្វើការ?"ថេយ៉ុងបើកភ្នែកក្រោកទាំងគ្មានកម្លាំងទើបជុងហ្គុកចូលមកជួយគ្រាអោយអង្គុយស្រួលបួល។
មកដល់សាលគ្រប់គ្នាក៏រាងភ្ញាក់ផ្អើលដែរប៉ុន្តែក៏គិតថាថេយ៉ុងរៀបការរួចហើយហេតុអីចូលសាលនេះមិនបានហើយណាមួយកាលពីមុនថេយ៉ុងក៏ឧស្សាហ៍មកជួយស៊ូជុនដែរវាក្លាយជារឿងធម្មតាទៅហើយគ្រាន់តែមួយរយៈនេះបាត់ថេយ៉ុងទើបតែឃើញមកលើកហ្នឹង។
"ដើម្បីអោយច្បាស់យកតេស្តទៅបន្ទប់ទឹកទៅ"ថេយ៉ុងកាន់ប្រដាប់តេស្តទឹកនោមទាំងបុកពោះព្រោះស្តាប់ដុកទ័រយ៉ុងមីនិយាយមកគឺស្រតែ80%ទៅហើយ។
"ឆាប់ឡើងថេយ៍"ជីមីនរុញថេយ៉ុងអោយទៅបន្ទប់ទឹក
រួចក៏បិទទ្វារចាំខាងក្រៅ។ឯថេយ៉ុងក៏ចូលបន្ទប់ទឹករួចក៏តេស្តវាទាំងភ័យម្នាក់ឯង ដល់វាឡើងពីរគំនូសថេយ៉ុងខ្ទប់មាត់តែម្តង។
"ហ្ហឹកៗកូនម៉ាក់"វាជាការពិតនាងក្លាយជាម៉ាក់របស់គេហើយ ចុះបើជុងហ្គុកដឹងនាយត្រេកអរប៉ុណ្ណាទៅ?នៅមានអ្នកផ្ទះនាងនិងលោកតាទៀត។ពេលរួចរាល់ថេយ៉ុងកាន់តេស្តមកក្រៅធ្វើមុខធម្មតាអោយជីមីនភ័យវិញម្តង។
"ថេយ៍ យ៉ាងមិចហើយ?តើពិតឬអត់?អ្ហាយ៎!!!"គ្រាន់តែថេយ៍លើកមកបង្ហាញជីមីនស្រែកចង់ភ្លាត់សម្លេង។
"អបអរសាទរផងណាមិត្ត ហឹកៗយើងសប្បាយចិត្តណាស់"ជីមីនអោបថេយ៉ុងណែនមុននឹងប្រញាប់ជូតទឹកភ្នែកនាំថេយ៉យងចេញមកក្រៅដើម្បីប្រាប់អ្នកខាងក្រៅ។
"ថេយ៍ អូនកើតអី?មុននេះអ្នកណាជាអ្នកស្រែក?"នាយប្រុងសម្រុកទៅបន្ទប់ទឹកហើយតើតែហ្យុងស៊ីកឃាត់ព្រោះទីនេះជាមន្តីរពេទ្យធ្វើចិត្តអោយស្ងប់គ្មានរឿងអ្វីទើបនាយបានតែឈរចាំទាំងអន្ទះសារ។
"គឺខ្ញុំទេ"ជីមីនប្រញាប់ឆ្លើយមុននឹងអោយសញ្ញាយ៉ុងជូនិងហ្យុងស៊ីកថាថេយ៉ុងពិតជាមានកូនមែន។
"រួចចុះអូន?ពេទ្យថាយ៉ាងមិច?អូនកើតអី?"
"អូនមិនបានកើតធ្វើធ្ងន់ធ្ងរទេអូនគ្រាន់តែ....."
"អូនកើតអីថេយ៍?!"នាយរន្ធត់ចិត្តសឹងអីហើយប្រពន្ធមកនិយាយបង្អូសទៀតចាប់ថើបឥឡូវហើយ។
"នេះ"ថេយ៉ុងលើកតេស្តអោយនាយមើលទាំងញញឹមមានក្តីសុខ ធ្វើអោយអ្នកដែលក្លាយជាលោកប៉ាថ្មីថ្មោងគាំងស្កុបមួយកន្លែងសម្លឹងមើលតេស្តនោះទាំងសប្បាយចិត្តរកអ្វីមកបរិយាយមិនចេញដឹងត្រឹមថាអ្វីដែលនាយប៉ងក្លាយជាការពិត។
"បងសប្បាយចិត្តទេ?អ្ហាយ!"
"បងរំភើបខ្លាំងណាស់ថេយ៍ សឺតៗៗអរគុណអូន អរគុណដែលបំពេញបំណងរបស់បងជុប៎ៗ"
"ហ្ហឹសៗ បានហើយខ្មាសគេ"ថើបមិនក្រែងចិត្តអ្នកនៅក្បែរនោះអីបន្តិច គិតថានៅតែពីរនាក់មែន?
"អូនចូលទៅមើលអេកូសិន"ថេយ៉ុងនិយាយទាំងញញឹមមុននឹងចូលទៅខាងក្នុងដោយនាំជុងហ្គុកចូលទៅជាមួយ។
"ម៉ាក់ៗនិងកូនសុខភាពល្អចូលរួមអបអរផងណាថេយ៉ុង ហើយក៏អបអរម្តងទៀតដែលបានកូនភ្លោះ"ថេយ៉ុងចំហរមាត់សម្លឹងមើលមុខជុងហ្គុកដែលខ្ទប់មាត់ភ្ញាក់ផ្អើលដូចគ្នា ភ្លោះមែនទេ?មិនដឹងថាត្រូវជប់លៀងប៉ុណ្ណាទេអោយសម។
"អរគុណបងយ៉ុងមី" ក្រោយរួចរាល់ក៏នាំគ្នាចាកចេញទៅទាំងទឹកមុខម្នាក់ៗញញឹមស្រស់តែម្តង។ជុងហ្គុកសឹងតែបីប្រពន្ធមិនអោយដើរតើ នាយប្រហែលជាសុំអោយប្រពន្ធលាឈប់ហើយមើលទៅ។
"ថាមិចកូនភ្លោះ?លោកចននេះសាហាវពិតៗសូមសរសើរ"ពេលមកដល់សាលទើបថេយ៉ុងប្រាប់អ្នកទាំងបីថាគេមានកូនភ្លោះសុខភាពល្អទាំងអស់គ្នាម្នាក់ៗឡើងភ្ញាក់ខ្លាំងយកតែមែនទែន។
"មែនហើយ!បានម្តងពីរមិនហត់បង្កើតច្រើនដង"
"បងប្រហែលជាត្រូវរៀនតាមគេហើយ"ផាច់!! យ៉ុងជូវាយហ្យុងស៊ីកមួយដៃនាំអោយគ្រប់គ្នាអស់សំណើច។តាមពិតជុងហ្គុកចង់អោយថេយ៉ុងសម្រាកតែនាងសុំធ្វើការមួយថ្ងៃឯនាយខលប្រាប់ម៉ាក់ទាំងពីរហើយលោកតាក៏ដូចជាមិត្តៗអោយបានដឹង ចង់តែរៀបចំកម្មវិធីអោយណាណីទេសប្បាយចិត្តពេកបានម្តងពីរ។
Waiting for the last part...✨️💕
សរសេរដោយ៖ រ៉ាជេក៍🫶
You are reading the story above: TeenFic.Net