បន្ទាប់ពីនោះមកលោកហ្លួងនៅអង្គុយយំជាប់ជញ្ជាំងផ្ទះរបស់ហ្វូតយ៉ាងយូទម្រាំតែត្រលប់ទៅបន្ទប់របស់ខ្លួនវិញ ។

« ឆាយ ដាំ ឯងយករបស់នេះឲ្យហ្វូតទៅ ហើយកុំប្រាប់គេឲ្យសោះថាយើងជាអ្នកអោយ ឯងស្តាប់បានទេ?? » គ្រាន់តែមកដល់បន្ទប់របស់ខ្លួនភ្លាមលោកហ្លួងបានចូលទៅបើកទូរយកកញ្ចប់ថង់ពណ៌ក្រហមមួុយចេញមកខាងក្រៅ ក្រោយមកក៏បានដើរចេញមកក្រៅផ្ទះហុចកញ្ចប់នោះឲ្យទៅអ្នកបម្រើរបស់ខ្លួនដើម្បីយកទៅឲ្យហ្វូត

ឆាយនឹងដាំទទួលបញ្ជារពីម្ចាស់របស់ខ្លួនហើយក៏បានយកកញ្ចប់នោះទៅឲ្យដល់ដៃរបស់ហ្វូត ។ ឲ្យហ្វូតហើយក៏ត្រឡប់មកផ្ទះវិញទោះហ្វូតសួរអ្វីក៏មិនឆ្លើយនោះដែរ នៅពេលដែលហ្វូតទទួលបានកញ្ជប់នោះហើយក៏បើកមើលតាមធម្មតា ÷

« លោកហ្លួង !! លោកហ្លួង.......លោកម្ចាស់មិនចាំបាច់ធ្វើបែបនេះនោះទេ លោកម្ចាស់មិនចាំបាច់ត្រូវមកសូមទោសខ្ញុំនោះទេ ខ្ញុំគ្មានតម្លៃគ្រប់គ្រាន់ដើម្បីឲ្យលោកម្ចាស់មកសូមទោសនោះទេ !! » មួយសន្ទុះក្រោយមកបន្ទាប់ពីទទួលបានកញ្ចប់មួយនោះហើយហ្វូតក៏បានដើរមក ក្នុងព្រៃក្រាស់មួយ នៅមិនឆ្ងាយពីផ្ទះធំប៉ុន្មាននោះទេ ព្រោះនៅក្នុងកញ្ចប់ថង់មួយនោះបានសរសេរឲ្យហ្វូតមកទីនេះដើម្បីជួបលោកហ្លួង

នៅពេលដែលហ្វូតមកដល់ហើយក៏ចាប់ផ្ដើមស្រែកឡើងតែម្នាក់ឯងទោះមិនបានឃើញវត្តមានរបស់លោកហ្លួងនៅទីនោះក៏ដោយ

« អ្នកណាថាយើងហៅឯងមកនេះដើម្បីមកសូមទោស អាល្ងង់អើយ !! ឈប់ធ្វើកញ្ជះរបស់គេហើយត្រឡប់ទៅធ្វើក្របីវិញទៅ បើឯងនៅតែល្ងង់បែបនេះនោះ » ភ្លាមៗក៏បានលេចសម្លេងស្រែកមកពីក្រោយខ្នងរបស់ហ្វូតព្រមជាមួយសម្រឹបជើងមនុស្សប្រហែល4-5នាក់បានដើរសម្ដៅមករកហ្វូតពីក្រោយ

« អ្នកនាងកេស !! អ្នកនាងមកទីនេះមានការអ្វីទៅ ហើយចុះឯណាលោកហ្លួង ?? » ហ្វូតបានងាកក្រោយមកក៏ឃើញថាជាអ្នកនាងកេសទើបសួរនាងព្រោះតែលោកហ្លួងបានហៅគេមកទីនេះតែបែជាមកឃើញអ្នកនាងកេសនៅទីនេះដែទៅវិញ

« លោកហ្លួង.....លោកហ្លួងមែនទេ ?? លោកហ្លួងមិនមកទេ គឺគាត់បានបញ្ជារឲ្យយើងជាអ្នកមកដើម្បីចាត់ការឯងជំនួសវិញ !! »

« ចាត់ការ ?? ចាត់ការជំនួស ??? វាជាល្បែងអ្វីនឹងគឺខ្ញុំមិនយល់នោះទេ » ហ្វូតឈរជ្រួញចញ្ចើមឡើង ក្រវីក្បាលតិចៗព្រោះគេពិតជាមិនយល់ពិតមែន ថាកំពុងតែមានអ្វីបម្រុងនឹងកើតឡើងចំពោះគេ

« ឯងមិនយល់មែនទេចាំយើងជាអ្នកពន្យល់ឯងទៅចុះ »អ្នកនាងកេសនិយាយហើយក៏ធ្វើជាសញ្ញារឲ្យបុរសមាឌធំ4នាក់នោះទៅចាប់ហ្វូតយ៉ាងជាប់ ។ ទោះហ្វូតខំប្រឹងរត់គេចក៏មិនអាចដែរព្រោះតែកម្លាំងរបស់គេគឺខ្សោយណាស់ ណាមួយគេមានគ្នាច្រើនផង ហ្វូតតែម្នាក់ឯងទប់ទល់មិនឈ្នះនោះទេ

« អ្នកនាងកេស !! អ្នកនាងចង់ធ្វើអីដាក់ខ្ញុំនឹង ??» ហ្វូតព្យាយាមរើបម្រះពីបុរសមាឌធំទាំងនោះ

« ក្រែងឯងចង់ដឹងមែនទេថាជាល្បែងអី !! នេះហើយ គឺនេះហើយ យើងកំពុងតែបង្ហាញឯង ហើយ តើស ពួកឯងឆាប់យកវាទៅកន្លែងដែលយើងបានរៀបចំទុកទៅ » អ្នកនាងកេសបានស្រែកឡើងខ្លាំងៗដាក់ហ្វូតបន្ទាបើមកក៏បានបញ្ជាឲ្យនាំហ្វូតទៅក្នុងព្រៃកាន់តែជ្រៅ

មានបុរសម្នាក់ក្នុងចំណោមបុរសទាំងបួននាក់នោះបានដាក់ហ្វូតមួយដៃចំកញ្ចឹងករធ្វើឲ្យហ្វូតដួលសន្លប់ភ្លាមៗ ដោយធ្វើឲ្យហ្វូតសន្លប់ហើយក៏បាននាំហ្វូតទៅកាន់ខ្ទមតូចមួយនៅកណ្ដាលព្រៃទៅ

មួយសន្ទុះធំក្រោយមកហ្វូតក៏បានដឹងខ្លួនមកវិញតែគេត្រូវបានជាប់ចំណងទាំងដៃទាំងជើងបាត់ទៅហើយរកកម្រើកអ្វីក៏មិនបានធ្វើអ្វីក៏មិនបានដែរ

« ដឹងខ្លួនហើយហេស៎!! យើងស្មានតែឯងស្លាប់បាត់ហើយទេតើស » អ្នកនាងកេសចូលទៅចាប់ច្របាច់មុខរបស់ហ្វូតខ្លាំងៗ

ហ្វូតទោះចង់តមាត់ក៏មិនអាចដែរព្រោះមាត់របស់គេត្រូវបានចងជាប់បាត់ទៅហើយ

«ឯងកុំសង្ឃឹមអីណាថានាងចង្រៃកាន់យ៉ានោះ អាច មក ជួយឯងបាននោះ អាល្ងង់អើយ !! ល្ងង់ចឹងតើសបានជាលោកហ្លួងចង់ឲ្យតែឯហស្លាប់នោះ ទេមិនមែនទេ រហូតដល់លោកហ្លួងចង់សម្លាប់ឯងតែមិនចង់ឲ្យឈាមដសែនថោករបស់ឯងមកប្រឡាក់ជាប់ខ្លួនរបស់គាត់វិញទេទើបត្រូវ បានជាឲ្យយើងមកសម្លាប់ឯងជំនួសវិញនោះ » និយាយចប់អ្នកនាងកេសក៏បានក្រវាសដៃរបស់ខ្លួនដែលចរបាចើមុខរបស់ហ្វូតអម្បាញ់មិញនេះពេញមួយទំហឹងហើយក៏ចាប់ផ្ដើមសើចឡើង

« តែឯងកុំទាន់ភ័យអីណាក្មេងតូច !! ជុជុ ព្រោះយើងមិនទាន់សម្លាប់ឯងនៅពេលនោះនោះទេ » អ្នកនាងកេសពោលពាក្យបែបនេះដាក់ហ្វូតហើយក៏ដើរសម្ដៅទៅផ្ទះធំវិញបាត់ដោយទុកឲ្យបុរសទាំងបួននាក់នោះនៅយាមហ្វូត

កាត់មកដល់ក្នុងផ្ទះធំវិញ

មួយថ្ងៃក៏បានកន្លងផុតទៅ

ប្រាវ.......... សម្លេងបែក

« កើតអីនឹងហាស់កាន់យ៉ាបានជាមកដូចជាកម្រោលចូលបែបនៀគ » លោកហ្លួងដែលកំពុងតែអង្គុយអានសៀវភៅសុខៗអ្នកនាងកាន់យ៉ាក៏បានដើរកាត់អ្នកបម្រើរជាច្រើនទម្រាំដើរមកដល់លោកហ្លួងរួចក៏ឡើកយកថូផ្កាដែលខ្លួនលើកវាមកពីក្រោយផ្ទះនោះបោកនៅនឹងមុខរបស់លោកហ្លួង

« យកហ្វូតទៅណា ឆាប់យកគេមកវិញមក » អ្នកនាងកាន់យាស្រែកដាក់លោកហ្លួងខ្លាំងៗ ធ្វើឲ្យលោកហ្លួងរផាំងស្មារតីបន្តិចដែរ

« ហ្វូត ?? ហ្វូតគេទៅណា ?? » លោកហ្លួងជ្រួញចញ្ចើមក្រោកឈរឡើងទម្លាក់សៀវភៅចុះនិយាយទាំងទឹកមុខស្លែក

« មិនបាច់មកសម្ដែងទេ ក្រែងពីម្សិលមិញលោកហ្លួងជាអ្នកហៅហ្វូតមកមែនទេ ពេលនេះហ្វូតរកមិនឃើញ មិនមែនជាលោកហ្លួងចិត្តខ្មៅម្នាក់នេះអ្នកចាប់ខ្លួនរបស់ហ្វូតទេហេស » អ្នកនាងកាន់យ៉ាខឹងខ្លាំងណាស់ព្រោះលោកហ្លួងនេះហើយដែលជាអ្នកហៅហ្វូតមកតែបែជាមកសួរធ្វើជាឆ្ងល់ខ្លួនឯងទៅវិញ

« មែនហើយ កាលម្សិលយើងបានហៅគេមកមែនតែ គេបានត្រឡប់ទៅផ្ទះរបស់គេវិញហើយ ចំណែកកាលដែលយើងបានហៅគេមកមិនមែនហៅមកដើម្បីធ្វើបាបរាងកាយគេទេ យើងគ្រាន់តែចង់លាបថ្នាំឲ្យគេប៉ុណ្ណោះ »

« មនុស្សកុហក់ !! » អ្នកនាងកាន់យ៉ាស្រែកខ្លាំងៗ

« ហ្វូតគេបាត់ខ្លួនមែនទេ ?? ជួនកាលហ្វូតគេអាចនឹងធុញជាមួយបរិយាកាសនៅទីនេះហើយ ក៏ដើរចេញទៅក្រៅព្រោះចង់គេចពីការងារខ្លះក៏ថាបានដែរ !! ឬមួយក៏..... ហ្វូតគេរត់តាមប្រុសបារាំងដែលគេល្បីខ្លាំងថាសង្ហារមកផ្សារនៅថ្ងៃមុនបាត់ហើយ ហាសហាស ហា ..... » ដំណើរដើរមកមួយៗព្រមជាមួយបបូមាត់លាបក្រែមក្រហមឆ្អៅបានបញ្ចេញសម្លេងតបជាមួយកាន់យ៉ាពីក្រោយ រួចក៏សើចកក្អឹក

« នាងឯងបិទមាត់ឆ្កែរបស់នាងឯងទៅ!!ហ្វូតគេមិនមែនជាមនុស្សបែបនឹងទេ !! ហើយហ្វូតគេក៏មិនដែលដើរចេញពីផ្ទះនេះបានយូដល់ថ្នាក់នេះដែរ » អ្នកនាងកាន់យ៉ាបានយកដៃចង្អុលមុខអ្នកនាកកេសដែលប្រឹងអើតកខ្មឺតធ្វើមុខមិនញ៉ិននឹងអ្វីទាល់តែសោះ

« ឈប់ឈ្លោះគ្នាទៅ !! ពួកឯងទាំងអស់គ្នាឆាប់បំបែកគ្នាតាមរកហ្វូតភ្លាម !! បើរកមិនឃើញកុំចូលផ្ទះវិញឲ្យសោះ » លោកហ្លួងស្រែកវ៉ាសហើយក៏បញ្ជារឲ្យពួកអ្នកបម្រើនៅក្នុងផ្ទះនេះទាំងមូលចេញតាមរកហ្វូត

« កាន់យ៉ា !! នៅទីនេះជាមួយកេសហើយ រឿងរបស់ហ្វូតទុកឲ្យយើងជាអ្នកតាមរកជាមួយពួកអ្នកបម្រើរទៅគឺបានហើយ » លោកហ្លួងបានងាកមុខមកមើលកាន់យ៉ាហើយក៏និយាយឡើងតែ កាន់យ៉ាមិនព្រមនោះទេ គឺនាងចង់ចេញទៅតាមរកហ្វូតដែរ ទើបលោកហ្លួងសម្រេចចិត្តទុកឲ្យកេសនៅក្នុងផ្ទះជាមួយអ្នកបម្រើទាំងពីរនាក់របស់នាងទៅ

នៅពេលនេះអ្នកនៅក្នុងផ្ទះដសែនធំនេះទាំងមូលបានចេញទៅតាមស្វែងរកហ្វូតគ្រប់ច្រកល្ហក់អស់ទៅហើយ នៅសល់តែ3នាក់ កេសនឹងអ្នកបម្រើតែប៉ុណ្ណោះដែលនៅក្នុងនោះ

« ពេល ពីម !! ឯងឆាប់ទៅផ្សារហើយស៊ើបសួរអ្នកនៅទីនោះទៅថា អាបារាំង ដែលមកថ្ងៃមុននោះគេ បានស្នាក់នៅឯណា បើបានដំណឹងហើយត្រូវតែប្រញ៉ាប់មកប្រាប់យើងជាបន្ទាន់ណា » ភ្លាមៗអ្នកនាងកេសក៏បាននិយាយឡើងព្រមជាមួយទឹកមុខដែលពោពេញទៅដោយល្បិចកល

____________________

ចប់EP8 - វណ្ណៈស្នេហ៍