သူတို့ကိုယ်သူတို့ မိတ်ဆက်မယ့်အစီအစဉ်မရှိတာကို မြင်တော့ ယွဲ့ယဲ့က မေးလိုက်တော့သည်၊ "မင်းတို့ရဲ့နာမည်ကို သိလို့ရမလား"
"အိုး၊ ဟုတ်တာပေါ့၊ ငါမေ့နေတာ။" ကောင်လေးက ရုတ်တရက် သူ့ခေါင်းသူပုတ်လိုက်ပြီး မျက်နှာပေါ်မှာ အပြုံးရှိနေဆဲဖြစ်တာကြောင့် မယဉ်ကျေးတဲ့ပုံ လုံးဝ ပေါက်မသွားပေ။
"ကိစ္စမရှိပါဘူး။" ယွဲ့ယဲနဲ့ ကျုံးဝူချင်းတို့က သူတို့နဲ့ အသိမိတ်ဆွေဖြစ်ချင်ကြသူတွေမို့ သူတို့က လျစ်လျူရှုခံရတဲ့အပေါ် စိတ်ဆိုးမသွားကြချေ။
"ငါ့နာမည်က ဖုန့်ရှီ။" ကောင်လေးက သူ့ကိုယ်သူ ညွှန်ပြလိုက်ပြီးနောက် သူ့ဘေးနားက အေးစက်တဲ့အကြည့်ရှိတဲ့ ကာလွန်သလာကို ညွှန်ပြလိုက်ကာ ပြတ်သားမှုအပြည့်နဲ့ ပြောလိုက်၏၊ "သူ့ကိုက ယဲဆူးလားလို့ ခေါ်တယ်။ သူကတော့..."
ဖုန့်ရှီက ငရဲမင်းကြီးရဲ့ လက်မောင်းကို ဖက်လိုက်ပြီး ချိုမြိန်တဲ့အသံနဲ့ပြောလိုက်သည်၊ "သူက ငါ့ခေါင်းဆောင်၊ နာမည်က ဖုန့်မင်း!"
ယွဲ့ယဲနဲ့ ကျုံးဝူချင်းတို့ ဘာမှမတုန့်ပြန်နိုင်သေးခင်မှာပဲ ကာလွမ်သလာက မယုံနိုင်ဖြစ်သွားရကာ လန့်သွား၏။ ဒါပေမဲ့ သူက မပြောင်းလဲတဲ့ အေးစက်စက်အမူအယာနဲ့ ငရဲမင်းကြီးကို ကြည့်လိုက်တော့ ဘုရင်ကြီးက အဲ့အပေါ် ဘာမှမတုန့်ပြန်တာကို တွေ့ရတဲ့အပြင် ဖုန့်ရှီပေးလိုက်တဲ့အမည်အပေါ် ထောက်ခံပုံတောင် ရနေတာကို တွေ့သွားသည်။ ဘုရင်ကြီးက ဖုန့်ရှီကို အလိုလိုက်တယ်ဆိုတဲ့သဘောက သူ့နှလုံးသားထဲမှာ ကောင်လေးကို အရေးပါတဲ့နေရာမှာ ထားတယ်ဆိုတဲ့ အဓိပ္ပါယ်ပင်။ အခုလက်ရှိမှာ ဘုရင်ကြီးက ဖုန့်ရှီကို သူ့နောက်နာမည် (မိသားစုနာမည်)ကို ပြောင်းခွင့်ပေးတယ်ဆိုတဲ့သဘောက ဘုရင်ကြီးအတွက် ကောင်လေးက 'အလွန်အရေးပါတယ်' ဆိုတာထက်ကို ပိုလို့ မြင့်မားနေသည်!
တချိန်တည်းမှာပဲ ဖုန့်ရှီအတွက်ဆိုရင် ငရဲမင်းကြီးက သူ့အသက်အပါအဝင် ဘာကိုမဆို လိုလိုလားလား အနစ်နာခံနိုင်တယ်လို့ပါ ကာလွမ်သလာ ခံစားမိလိုက်ရသည်။ ဒါပေမဲ့ အဲ့တာက ဥပမာတစ်ခုမျှသာ ဖြစ်သည်။
"မင်းတို့သုံးယောက်က မြစိမ်းရောင်နဂါးတောင်တွေပေါ်က ဒဏ္ဍာရီလာသားရဲအတွက် ဒီကို ရောက်လာခဲ့ကြတာလား?" ယွဲ့ယဲက လေထုကို မအေးစက်သွားစေချင်တာကြောင့် တိုက်ရိုက်ပဲ မေးလိုက်တော့သည်။
"ငါတို့က အဲ့တာကိုကြည့်ဖို့ ရောက်လာခဲ့ကြတာလို့ ငါပြောမယ်ဆိုရင် မင်း ငါတို့ကို ယုံမှာလား?" ဖုန့်ရှီရဲ့ မျက်လုံးတို့က ယွဲ့ယဲနဲ့ ကျုံးဝူချင်တို့ မမျှော်လင့်ထားတဲ့အဖြေကို ဖြေလိုက်ရင်း အကဲခတ်ကြည့် ကြည့်လိုက်သည်။
"ငါတို့ ယုံပါတယ်!" ကျုံးဝူချင်းနဲ့ ယွဲ့ယဲတို့က သံပြိုင် ပြောလိုက်ကြ၏။
လတ်တလောသတင်းတွေအရ ဒဏ္ဍာရီလာ သားရဲတွေရဲ့ သတင်းက တောမီးသမာ ပျံ့နှံ့သွားပြီဖြစ်သည်။ ကောင်းကင်အနားသတ်မြို့မှာ ပေါ်လာကြတဲ့ လူတွေတော်တော်များများက ဒဏ္ဍာရီလာ သားရဲတွေအတွက် ဒီကို ရောက်လာကြတာဖြစ်ပေမဲ့ ဒဏ္ဍာရီလာသားရဲမဟုတ်တဲ့ အခြားအကြောင်းချင်းရာနဲ့ ရောက်လာခဲ့ကြတဲ့ အုပ်စုအသေးတွေကိုလည်း သူတို့ မဖယ်ထုတ်နိုင်။ လောကမှာ အဲ့လိုလူမျိုးတွေလည်း အမြဲ ရှိတတ်တာကြောင့် ယဲ့ယင်းနဲ့ ကျုံးဝူချင်းတို့က အမြင်မကျဉ်းကြပေ။ ကောင်လေးက ထုတ်ပြောလာတာမို့ သူတို့က ဘာလို့ မယုံမကြည် ဖြစ်ရမှာလဲ?
ဖုန့်ရှီရဲ့အပြုံးက ကိုယ့်ကိုယ်ကို ယုံကြည်ချက်တို့ ယုတ်လျော့မနေ။ သူ့ကို သတ်လိုက်မယ်ဆိုရင်တောင်မှ သူက သတ္တုရိုင်းကြောနဲ့ပတ်သက်လို့ တစ်ခွန်တစ်ပါဒတောင် ထုတ်ပြောမှာမဟုတ်။
"ဒါပေမဲ့ မင်းတို့သုံးယောက်က တောထဲသွားကြမှာဆိုတော့ မင်းတို့ကို တစ်ယောက်ယောက်က (Guide လုပ်ပေးတာ) လမ်းညွှန်မှုပေးတာ ဒါမှမဟုတ် မြေပုံတစ်ခုဝယ်တာမျိုးတို့က ပိုကောင်းမယ်။ မြစိမ်းရောင်နဂါးတောင်တွေရဲ့ မြေပြင်အနေအထားက အတော်ကို ရှုပ်ထွေးပြီး မိစ္ဆာသားရဲတွေအတော်များများလည်း ရှိနေတယ်။ ရှေးခေတ်မိစ္ဆာသားရဲအချို့တောင် အဲ့မှာ ရှိတယ်လို့ ငါ ကြားဖူးတယ်။ မင်းတို့ ကံမကောင်းရင် မိစ္ဆာသားရဲအုပ်တစ်ခုနဲ့ ထိပ်တိုက်တိုးမိသွားနိုင်တယ်။ အဲ့လိုဖြစ်နိုင်ဖို့အခွင့်အရေး သိပ်တော့မမြင့်ပေမဲ့ အဲ့လိုသာ ထိပ်တိုက်တိုးခဲ့မယ်ဆိုရင် အဲ့တာ အရမ်းကို ဒုက္ခများမှာ။ ကျင့်ကြံသူတွေတော်တော်များများက မိစ္ဆာသားရဲအုပ်နဲ့တိုးပြီး အသတ်ခံခဲ့ကြရဖူးတယ်။" သူတို့က ဒီကို ရှုခင်းကြည့်ဖို့ လာတယ်လို့ ယွဲ့ယဲက ယုံကြည်ပေမဲ့ သူတို့က တောထဲက မိစ္ဆာသားရဲတွေကို ကြည့်ဖို့လာတယ်လို့ သူ ပိုယုံကြည်သည်။ သံသယဝင်ပုံမရဘဲ သူက သူ့ရဲ့ ရိုးသားတဲ့အကြံပြုချက်ကို ပေးလိုက်၏။
"မင်းရဲ့အကြံပြုချက်အတွက် ကျေးဇူးတင်ပါတယ်။ ငါတို့ အဲ့တာကို စဉ်းစားလိုက်ပါမယ်။" ကာလွမ်သလာက ဖုန့်ရှီ သူတို့ရဲ့အစီအစဉ်တွေကို ဖော်ထုတ်လိုက်မှာကြောက်တာကြောင့် ဖုန့်ရှီမပြောခင်မှာ သူ ပြန်ပြောလိုက်တာဖြစ်သည်။
"ကိစ္စမရှိပါဘူး!" ယွဲ့ယဲက ပြုံးလိုက်သည်။
ဒါပေမဲ့ ဖုန့်ရှီက မိစ္ဆာသားရဲအုပ်ဆိုတာကို စိတ်ဝင်စားသွားသည်။ သူ့မှာသာ မိစ္ဆာသားရဲအုပ်တစ်အုပ် ရှိမယ်ဆိုရင် ဘယ်လိုဖြစ်မလဲဆိုပြီး ရုတ်တရက် စိတ်ကူးယဉ်မိသွားသည်။ သူ့စိတ်ထဲမှာ သူ့ကိုယ်သူ မိစ္ဆာသားရဲအုပ်တစ်အုပ်ကို ရှင်ဘုရင်တစ်ပါးလို အမိန့်ပေးနေပုံကို စိတ်ကူးယဉ်နေပြီဖြစ်သည်။ ပိုတွေးမိလေလေ အဲ့တာကို ပိုမျှော်မှန်းလာလေလေ ဖြစ်လာရကာ နောက်ဆုံးတော့ မနေနိုင်တော့ဘဲ ကြိတ်ရယ်လိုက်မိသွားသည်။
လူတိုင်းရဲ့အကြည့်တို့က သူ့မျက်နှာပေါ်က ညစ်ပြုံးအပေါ် ချက်ချင်း အာရုံရောက်သွားကြသည်။
ဒါပေမဲ့ သူက အဲ့အပေါ် ရှင်းပြမှု တစ်ခွန်းတစ်လေတောင် မပေးဘဲ ခုံပေါ်ကနေ ခုန်ဆင်းလိုက်ကာ ငရဲမင်းကြီးရဲ့ပေါင်ပေါ် ထိုင်လိုက်ပြီး ဘုရင်ကြီးရဲ့လက်ကို ကိုင်ကာ စိတ်အားထက်သန်စွာနဲ့ အော်ပြောလိုက်၏၊ "ခေါင်းဆောင်၊ ခေါင်းဆောင်! ကျွန်တော် အံအားသင့်စရာ အကြံကောင်းတစ်ခု တွေးမိတယ်။"
"ပြောလေ" ငရဲမင်းကြီးက ပေါ့ပါးစွာ ပြောလိုက်သည်။
ကာလွမ်သလာကတော့ အံအားသင့်မသွားပေမဲ့ ဒါကို ပထမဆုံးအကြိမ် မြင်လိုက်ရတာဖြစ်တဲ့ ယွဲ့ယဲနဲ့ ကျုံးဝူချင်းတို့က အလွန် အံ့ဩသွားကြသည်။ ကံကောင်းစွာပဲ သူတို့က သာမာန်လူတွေမဟုတ်တာကြောင့် ခပ်မြန်မြန်ပဲ သတိပြန်ဝင်လာကြသည်။ ဒါပေမဲ့ သူတို့အတွေးထဲမှာတော့ အခြားအတွေးမျိုးတွေ ပလုံစီနေပြီဖြစ်သည်။ သူတို့ အဲ့တာကို မကြားဖူးတာတော့မဟုတ်၊ ကိုယ်တိုင်ကိုယ်ကျ မမြင်ခဲ့ဖူးတာသာဖြစ်သည်။ ကောင်လေးနဲ့ လူကြီးရဲ့အကြား ဆက်ဆံရေးက အတော် ရင်းနှီးနေတယ်ဆိုတာ မူလကတည်းက တွေးမိကြပေမဲ့ ဒီလိုဆက်ဆံရေးမျိုးလို့တော့ လုံးဝ မတွေးမိခဲ့ကြ။
ဒါပေမဲ့ အနည်းငယ်တွေးလိုက်ပြီးနောက် သူတို့ စိတ်သက်သာရာ ရသွားကြသည်။ ဘာများ အံ့ဩစရာရှိလို့လဲ? လူနှစ်ဦးကြားက ခံစားချက်ကို ဘယ်သူကမှ တိတိကျကျ မခန့်မှန်းနိုင်ကြဘူးလေ။
ငရဲမင်းကြီးက ယွဲ့ယဲတို့နှစ်ယောက်ကို သာမာန်ပဲ တစ်ချက်ကြည့်လိုက်ပြီး မကြာမတင်မှာပဲ သူ့အကြည့်တို့က စိတ်လှုပ်ရှားနေတဲ့ ဖုန့်ရှီဆီ သက်ဆင်းသွားတော့သည်။
ဖုန့်ရှီက ရုတ်ချည်း အကြံတစ်ခု ရသွားတာဖြစ်ကာ သူ့အကြံက အဲ့လောက် ထူးခြားပြောင်မြောက်ပြီး စိတ်ကူးယဉ်ဆန်နေမယ်လို့ တစ်ခါမှ မတွေးထားခဲ့။ ကောင်လေးရဲ့အတွေးတွေက တမူထူးခြားနေတယ်ဆိုတာကို အစကတည်းက ခံစားမိကြတဲ့ ယွဲ့ယဲနဲ့ ကျုံးဝူချင်းတို့က လက်ဖက်ရည်ခွက်ကိုင်ထားတဲ့လက်တို့ ရုတ်တရက် စတင်ပြီး တုန်ရီလာသည်။ သူတို့အနေနဲ့ ကောင်လေးရဲ့အတွေးတို့က တမူထူးခြားနေတယ်ဆိုပြီး မြင်မိတာဟာ တကယ်တော့ Iceberg ရဲ့ ထိပ်ဖျားကိုပဲ မြင်ခဲ့တာသာ ဖြစ်တယ်လို့ နောက်ဆုံးတော့ သူတို့သဘောပေါက်သွားကြတော့သည်။
သူ့ရဲ့ ကိုယ်ပိုင်စွမ်းအားတို့ တိုးတက်လာစေဖို့အတွက် မိစ္ဆာသားရဲအုပ် တစ်အုပ်နဲ့ စာချုပ်ချုပ်ဆိုဖို့ ဘယ်လိုဦးဏှောက်ကများ အကြံရလာရတာလဲ? ဟိုးရှေးခေတ်ကတည်းက အခုချိန်ထိ ဒီလိုအကြံမျိုးရတာ ကောင်လေးက ကျိန်းသေပေါက် ပထမဆုံးပဲဖြစ်မည်။ ဘယ်သူသိမလဲ၊ နောက်ဆုံးလည်း သူပဲလားဆိုတာ!
ဒါပေမဲ့ လူကြီးက ဘယ်လိုတုန့်ပြန်မလဲဆိုတာ သူတို့နှစ်ယောက် သိချင်ကြတဲ့အတွက် နားစွင့်နေလိုက်ကြ၏။
"ဒီအကြံ... မဆိုးပါဘူး!" ငရဲမင်းကြီးက တခဏလောက် တိတ်ဆိတ်သွားပြီးနောက် ဖုန့်ရှီရဲ့အကြံကို တည်ငြိမ်စွာနဲ့ သဘောတူလိုက်၏။ ဒါပေမဲ့ ဖုန့်ရှီရဲ့ အပြုံးတို့ စတင်သက်ဝင်မလာခင်မှာပဲ သူက ထပ်ဖြည့်ပြောလိုက်သည်၊ "ဒါပေမဲ့ ကြိုတင်လိုအပ်ချက်အနေနဲ့ ရှီက သူ့စိတ်ဝိညာဉ်စွမ်းအားကို အရင်ဆုံး တိုးတက်အောင်လုပ်ရမယ်၊ အဲ့လိုမှမဟုတ်ရင် စိတ်ဝိညာဉ်စွမ်းအား လုံလောက်မှုရှိမှာမဟုတ်ဘူး။ အဲ့လိုသာဆို မိစ္ဆာသားရဲအုပ်တစ်အုပ်မပြောနဲ့ မိစ္ဆာသားရဲဆယ်ကောင်ကိုတောင်မှ စာချုပ်ချုပ်နိုင်မှာမဟုတ်ဘူး!"
ဖုန့်ရှီက အံကြိတ်လိုက်ပြီး၊ "ကျွန်တော့ရဲ့ မိစ္ဆာသားရဲတပ်အတွက် ကျွန်တော် အနာဂတ်မှာ စိတ်အားထက်ထက်သန်သန်နဲ့ လိုလိုလားလားနဲ့ကို ကျင့်ကြံမှာပါ။"
"ရှီက အဲ့တာကို ပြောခဲ့တာ အကြိမ်တော်တော်များပြီ။" ငရဲမင်းကြီးက အဲ့တာကို သူပြောတာ အကြိမ်များစွာ ကြားခဲ့ဖူးပေမဲ့ ကောင်လေးရဲ့ စိတ်ဆုံးဖြတ်ချက်က အကန့်အသတ်ရှိနေကာ နှစ်ရက်အတွင်းမှာပဲ မေ့သွားတော့မှာဖြစ်သည်။
ဖုန့်ရှီက ချက်ချင်း မျက်တောင်ခတ်လိုက်ပြီး၊ "ကျွန်တော် ဒီတစ်ကြိမ်တော့ မေ့မှာမဟုတ်ပါဘူး။"
သူ့အမူအယာက လုံးဝကို ယုံချင်စရာကောင်းမနေဘူး! ကာလွမ်သလာနဲ့ ယွဲ့ယဲရော ကျုံးဝူချင်းတို့ရော အားလုံးက တွေးမိလိုက်ကြသည်။
သူ့ကို ပထမဆုံးအကြိမ် ဆုံတွေ့ဖူးတာဖြစ်တဲ့ ယွဲ့ယဲနဲ့ ကျုံးဝူချင်းတို့တောင်မှ သူ့ကိုယ်ရည်ကိုယ်သွေးကို ထွင်းဖောက်မြင်နိုင်နေကြသည်။ ဖုန့်ရှီက လူသားတစ်ဦးအဖြစ် ရှုံးနိမ့်သွားပုံပင်!
ယွဲ့ယဲနဲ့ ကျုံးဝူချင်းတို့က မူလကနဦးတုန်းက ဒီကိုလာခဲ့တုန်းက စိတ်ထဲ ရည်ရွယ်ချက်အမျိုးမျိုးနဲ့ လာခဲ့ကြတာဖြစ်သည်။ ဒါပေမဲ့ သူတို့နဲ့ အချိန်အနည်းငယ်လောက် ပြောဆိုဆက်ဆံပြီးတဲ့အခါမှာတော့ ဒီလူသုံးယောက်က အတော် စိတ်ဝင်စားစရာကောင်းတာကို သူတို့ တွေ့ရှိသွားကြသည်၊ အထူးသဖြင့် ဖုန့်ရှီလို့ ခေါ်တဲ့ ကောင်လေးပေါ့။ သူ့အတွေးကတင် တမူထူးခြားနေတာမဟုတ်ဘဲ သူ့ရဲ့အမူအကျင့်နဲ့ အပြုအမူတို့ကပါ တမူထူးခြားနေတာဖြစ်သည်။ လူသာမာန်တွေနဲ့ နှိုင်းယှဉ်မယ်ဆိုရင် ဒီလိုလူမျိုးနဲ့ ဆက်ဆံရတာ သူတို့အတွက် အတွေ့အကြုံအသစ်တစ်ခုပင်။ သူနဲ့ မိတ်ဆွေသူငယ်ချင်းဖြစ်ရတာ ပျော်ဖို့ကောင်းမယ်လို့ သူတို့ ခံစားမိလိုက်ကြရသည်။
သူတို့ တွေးနေစဉ်မှာပဲ ရုတ်တရက် ထက်သန်တဲ့အကြည့်တစ်ခုကို ခံစားမိလိုက်ကြသည်။ ယွဲ့ယဲနဲ့ ကျုံးဝူချင်းတို့က လက်ရှိမှာ လူကြီးက သူတို့ကို စိုက်ကြည့်နေတာကို သိသွားကြသည်။သူတို့ မေးခွန်းအနည်းငယ် မေးချင်နေတဲ့အချိန်မှာပဲ လူကြီးက ပြောလာ၏။
"နတ်ဘုရားနဲ့မိစ္ဆာနိုင်ငံတော်က အတော်ကို ကျယ်ပြန့်တယ်။ ငါ ဒီကိုမရောက်တာ အတော်ကြာပြီ။ ငါ့ကို ဒီမှာရှိတဲ့ အင်အားပြိုင်ဆိုင်မှု၊ အာဏာခွဲဝေမှုတွေအကြောင်း ပြောပြ။"
20220217; 0600
Stay tuned for the next chapter:
You are reading the story above: TeenFic.Net