داود بصرامه : لا الدكتور قال مينفعش حد يدخل

نوران بتوسل : والنبي عايزه اطمن عليه

داود : روحي يا بنتي اسألي الدكتور لو ينفع ادخلي
فذهبت نوران لتسأل الدكتور

داود في نفسه : يبقي هي دي يا اسر الي في بالك والله وعرفت تختار يابني ربنا يقومك بالسلامه وتشوف انك عرفت تختار المرادي

نوران للدكتور : دكتور ينفع ادخل لاسر هو مريض في غرفه 33 دخل في غيبوبه

دكتور : لسه كمان نص ساعه ندخل نشوف الحاله وصلت لايه وبعدين تتفع تدخلي

نوران : تمام ان شاء الله يفوق خالص

_____________________________

عند نيره

نيره لسهيله : اسر بقي عامل اي

سهيله بحزن : لسه في الغيبوبه ومفيش اخبار ونوران ربنا يكون في عونها بجد

نيره بحزن : ان شاء الله هيفوق وربنا هيجبر بخاطرها وبخاطر الدكتور داود

نيره بتساؤل : امال ليلي فين

سهيله : معرفش هيا كانت هنا

__________________________

عند ليلي

ليلي ليحيي : في الاخبار العربيه كانت لوحدها ومحدش كان فيها ازاي امال اسر ووليد اتاذوا ازاي

يحيي : روحت لحقتهم قبل ما يحصل الي حصل

ليلي : لحقيتهم يعني انت عارف ان هيحصل ولا اي مش فاهمه 

يحيي بغضب : خلاص يا ليلي اقفلي علي الموضوع دا مش وراكي غيره ولا اي

ليلي باستغراب : انا كنت بسألك عادي انت اتعصب كدا لي

يحيي : علشان دا مش وقت اسألتك دي خالص لما الدنيا تروق ونطمن علي الاتنين هبقي اقولك

ليلي بحزن : تمام انا هروح للبنات اشوف الدنيا فيها اي سلام

يحيي بزعل بعد ما ليلي مشيت : سامحيني بس مينفعش اقولك علي حاجه دلوقتي خالص

__________________________

عند البناات :

ليلي : نوران فين يا بنات

نيره : قالت ان الدكتور قالها ان بعد نص ساعه هتدخل لاسر وراحت تشوف الدكتور وتدخله

ليلي : يا رب يفوق ويبقي كويس

سهيله : يا رب  ممكن بس أسألكوا سؤال

نيره :اسالي عادي

سهيله : عمر غريب اوي معرفش لي

ليلي بحزن : و يحيي برضو بقي عصبي وحساه غامض نفس الغموض سفره من سنين

نيره : ممكن بس علشان الموقف الي احنا فيه مش اكتر

سهيله : ممكن

_____________________

عند نوران سمح لها الدكتور بالدخول لاسر 10 دقايق فقط

نوران بدموع : عارفه انك سامعني دلوقتي ارجوك يا اسر حاول تفوق ولو مش علشان انا علشان باباك انت وجودك في حياتنا انا عايزاك تبقي معايا زي ما انت قولتلي انا مكنتش اعرف غلاوتك عندي بس عرفتها دلوقتي انا مش هقدر اكمل من غيرك انت كنت سندي بتمنعني من اي حد ياذيني و كنت فعلا بتحبني بدليل انك عايز تتقدملي يارب تصحي وتبقي كويس و تصح

الدكتور : اسف علي المقاطعه بس خلاص لازم تخرجي دلوقتي

نوران بدموع : ممكن 10 دقايق تانيين

الدكتور : متقلقيش بكره ان شاء الله جاي دكاتره ممتازين من برا وان شاء الله خير

نوران : شكرا ليك عن اذنك
_________________________

وليد في نفسه : انتي لي متسرعه اوي كدا لي مستنيش ردي عليها او حتي تعرفي مين دي

البنت : اي سرحت في اي

وليد بحب : مفيش يا لولو انتي جيتي من السفر امتي مش المفروض هتيجي يوم 6

لوجين بعياط : وانا عندي اغلي من اخواتي يعني

وليد بتعب : اسر عامل اي دلوقتي

لوجين بعياط  : اتحسن انت بس وهتشوف اسر لوحدك متتعبش نفسك زياده

وليد بقلق : اسر ماله يا لوجين

لوجين بدموع :ا اسر دخل في غيبوبه

وليد بصدمه : اي ازاي انا لازم اروحله نادي علي الدكتور خليه يفكلي الزفت المحاليل دي

لوجين : مينفعش انت محتاج المحاليل دي

وليد بزعيق : بقولك ناديلي الدكتور

لوجين بعياط : انا مش عايزه اخسركوا انتو الاتنين والنبي اهدي علشان العصبيه غلط عليك

وليد : اقسم بالله لو مقومتيش دلوقتي للدكتور لافك الكانولا بنفسي

قامت لوجين للدكتور

الدكتور : اي يا انسه الي بتقوليه دا مينفعش طبعا

لوجين : معلش بس هو مصمم

الدكتور : واحنا مينفعش نشيله المحاليل ولو مصممه اوي انتي الي هتتحملي المسؤليه

لوجين بحيره : اه على مسؤليتي

_________________________

وذهبت للبنات لكي يعودوا الي السكن

في السكن

سهيله : هيبقي كويس متقلقيش

نوران بدموع : يا رب

ليلي : وليد يا نيره عامل اي

نيره بحزن : معرفش وبعدين متسالونيش عليه تاني هو عنده حد يهتم بيه

سهيله بصدمه : حد يعني اي

نيره بحسره : يعني فعلا طلع مرتبط وكان عايز يجيب بوكس ليها واني بالنسباله واحده عاديه وتعاملت معاه بكل غباء قال اي بيحبني هو اصلا دكتور هيبصلي ازاي

ليلي : براحه علي نفسك شويه وبعدين انتي يعني قليله دا انتي نيره البارودي و الي بعنا خسر دلعنا يا بت

نيره : نيره البارودي انا اسم بس وانتي عارفه كدا انا اسمي اه يبان ان عيلتي مفيش منها اتنين لكن انا وامي وابويا بس الي في العيله وعموما انسوه وربنا يشفيه

نوران بحزن : متضايقيش نفسك ربنا هيكرمك بسيد سيده

سهيله : ايوه يا بت متفكريش فيه تاني خلاص

_____________________

عند وليد

وليد  : اسر قالولي انك دخلت في غيبوبه ثم بدا يضحك غيبوبه اه انت محدش يقدر عليك غير ربنا _سبحانه وتعالى _ فوق كدا ووريهم مين اسر ثم اكمل ببكاء دا انت ابويا التاني قوم بقي قوم انا مش همشي من هنا غير لما تقوم قوم بقي

الدكتور باستغراب : انت لي دخلت هنا يا وليد بيه

وليد : البعيد مش شايف دخلت لاخويا عايز حاجه

الدكتور بحرج : احم لا شايف بس مينفعش حد يدخل هنا قبل بكره

وليد : تمام هقعد شويه وهخرج

الدكتور؛ : تمام عن اذنك

______________________

في الصباح بعد شهر

في السكن

ليلي؛ : احنا هنروح عند عمنا بقي صح

نوران : انا مش هسيب القاهره

ليلي : يعني هتقعدي ازاي بقينا في اجازه وقعدنا اسبوع في. السكن ودي اقصي حاجه هنا

نوران : عادي هشتغل وهاخد شقه إيجار هنا

ليلي : نوران فوقي انتي عارفه لو عمك شم خبر عن موضوع اسر دا هيعمل اي

نوران ببرود : مش هيعمل حاجه

ليلي : لا هيعمل لانه عايز يجوزك لابن قريبه مرات عمي علشان الميراث فوقي يا نوران مش قصدي اكسر قلبك بس انتي عارفه عصام والي ممكن يعمله

نوران؛ : وانا ميفرقش معايا عصام او غيره انا هروح ابص على اسر وهسافر اسكندريه بس علشان اعرف عمك انا مش هخاف من حد تاني يالا سلام

سهيله ل ليلي : متقلقيش نوران ذكيه

ليلي بخوف : بس عمي عقرب وبيجري ورا مصلحته

سهيله؛ : واصحابي الي اعرفهم مش بيهمهم حد ثم اكملت هتوحشوني اوي معرفش مش هشوفكوا ازاي

ليلي بحب : وانتي كمان هتوحشيني اوي هيا نيره فين

سهيله : متفكرنيش المهزقه راحت تشوف وليد من بعيد لبعيد

ليلي بحزن : هتفضل تحبه لحد امتي  معرفش

سهيله : الواحد لو حب صعب يبنسي حبه صحيح هو انتي ويحيي متخانقين ولا اي

ليلي بحزن : طول الفتره دي لما بكلمه بيكلمني بعصبيه وكأنه خايف اني اعرف حاجه فا بقيت بعيده احسن

سهيله : زيي عمر مبقاش يرن زي الاول ولا بيعبرني اصلا. وحاسه انه مش عمر الي اعرفه

______________________

عند نيره ذهبت لغرفه وليد ولكنها لم تجده فسالت الدكتور عليه

نيره : هو المريض الي كان هنا راح فين

الدكتور : وليد بيه مشي من اسبوع

نيره باحراج: امم شكرا

نيره في نفسها : وليد بيه؟ وراك اي يا وليد معرفهوش دكاتره الجامعه مش بيتقالهم بيه ولا علشان انت غني انتي اصلا معنديش كرامه جايه تشوفيه وهو بيحب واحده تانيه عايزه تبقي خطافه رجاله ثم صاحت بصوت مسموع : بس انا مش خطافه رجاله هو الي مش راجل وبيلعب ببنات الناس

جاء صوت وليد من خلفها ومعه لوجين  : هو مين دا

وقفت نيره مكانها مصدومه فهي تعرفت على الصوت قالت بصوت خافت : وليد يالهوي يا أرض انشقي وابلعيني

وليد بغضب : متدعيش على نفسك

وهنا نظرت نيره لوليد ووجدت لوجين معاه فحست بنغزه في قلبها للدرجادي هو بيحبها وهيا دايما معاه وانها كانت مشاعره ليها مجرد وهم ولا هيا الي كانت بتوهم نفسها كان كل الكلام دا في نفس نيره

وليد : انتي روحتي فين يا بنتي

نيره بكسره : مفيش كنت جايه اشوف نوران

وليد باستغراب؛ : هيا نوران هنا اصلا

لوجين باستفسار : هيا مين نوران دي

نيره : وانتي مالك

وليد بغضب : نيره متكلميهاش كدا

نيره : انا اتكلم زي ما احب انت ملكش حكم عليا وانا غلطانه اني واقفه معاك سلام

وليد وهو ممسك دراعها : اهدي بس وهفهمك كل حاجه والله

نيره : انا فاهمه كل حاجه شكرا

وليد بنفاذ صبر : ممكن تهدي بجد دي لوجين اختي كانت مسافره ورجعت ودي الي كنت عايزه اجيبلها بوكس وكنت عايزاك تشاركيني فيه

نيره : اه اه يسلام بوكس ثانيه دي اي اختك اختك اختك

وليد : ايوه اختي اختي

نيره : انا اسفه على طريقه كلامي ليكي

لوجين بضحك : لا عادي انا عارفه انك طيبه ثم نظرت لوليد وابتسمت

نيره بضيق عين : امم تعرفي اني طيبه ومنين بقي

لوجين بضحك : احدهم كدا

نيره بهزار : الي حكالك عني وانت صدقته

وليد : جيه وحكالي عنك بس انا هزقته ثم اكمل انا هروح اشوف اسر

لوجين ونيره : استنى هاجي معاك
__________________________
وذهبوا الي غرفه اسر وبالفعل كانت نوران تبكي بجانب اسر

نوران بعياط : انا مضطره امشي النهارده بس هرجعلك والله ما هسيبك انا بحبك طب تعرف انا بقيت كل صلاه بصليها بدعيلك وكل حلم بحلمه بتكون انت فيه انت جيتلي العوض الغوض عن اهلي الي ماتو وعن العذاب الي شوفته في حياتي كنت عايز تشوفني اشطر واحده وانا هعمل كدا وهخليك ترفع رأسك وتفتخر بيا و كمان

وهنا دخل وليد ونيره ولوجين فمسحت نوران دموعها بسرعه

لوجين : معلش لو دخلنا في وقت مش مناسب

نوران : انتي مين

لوجين : انا اخت اسر ووليد كنت برا مصر ورجعت

وهنا تذكرت نوران كلام اسر عن الفتاه ذات العيون الزرق واسمها لوجين فابتسمت لانها ادركت انه يثير غيرتها فقط

نيره بجانب نوران : عامله اي دلوقتي

نوران بحزن : ماشي الحال ثم اكملت انا جيت اشوفه بس قبل ما ارجع اسكندريه

وليد : وانتي هتسافري لي

نوران؛ : عمي مش هيهدا وهيخلينا نرجع غصب انا وليلي فا نرجع بكرامتنا احسن

لوجين : طب ما تقولي لباباكي ولمامتك
وهنا نغز وليد لوجين بكوعه فلاحظته نوران

نوران : عادي هيا متعرفش انا يا لوجين ماما وبابا متوفيين من بدري والي قاعدين معاه هو عمي

لوجين بأسف : انا اسفه والله مكنتش اعرف سامحيني هما في مكان احسن

نوران : اكيد طبعا انا همشي دلوقتي وهسيبكوا براحتكوا تيجي معايا يا نيره

نيره : ايوه هاجي

ومشوا للسكن

لوجين : بس لطاف اوي عرفت تختار يا وليد عرفت تختار يا اسر

وليد : اه والله انتي تشوفي اسر ونوران ناقر ونقير مكنتش اعرف ان نوران بتحبه بجد كدا

لوجين : الحمدالله مش زي المخفيه التانيه حسبي الله ونعم الوكيل فيها

وليد : خلاص بقي هيا راحت لحالها و اسر اموره اتظبطت مش صح يا اسر

لوجين بحزن : نفسي اشوف عيونك وهيا بتضحك يا اسر بقالي سنين مشوفتهاش

وليد : وانا يعني الي وقعت من قعر الافه ولا اي

لوجين : يا واد انا بقوله كدا علشان يصحى انما انت قمر قمر يابو عيون خضر انت

وليد : بتكسف يا وليه ربنا يسترك دنيا وآخره يا بنتي

لوجين بضحك : هو انا بشحت ولا اي

وظلوا هكذا وفي اعتقادهم ان اسر يسمعهم بل ويضحك معهم ايضا فحقا عند غياب احد الاخوه تفتقد بعض الحنان

___________________________

ودعوا البنات بعضهم وذهبوا حيث يسكنون

عند نيره :

نيره وهيا تطرق الباب : يا اهل البيت انا وصلت هو الباب مفتوح لي و عندما نظرت للشقه يالهوي اي الي حصل بابااا ماماا وجريت لداخل الشقه

نيره بصدمه :..................

________________________

البارت خلص

ياتري اي الي حصل لنيره

واسر هيفوق امتي

واي ورا اسر و وليد

ويحيي وعمر لي بعدوا عن ليلي و سهيله

_تابعوا البارت الجاي_❤️