عند ليلي و نوران في البيت
مرات عمهم ( سوسن) بسخريه : اي مالك يا ست نوران مغصوبه على القاعده ولا سابك
نوران بتلقائيه: لا متقلقيش مسبناش بعض
سوسن بغضب : هو مين دا يا بنت فيروز
نوران بغضب: متنطقيش اسم ماما علي لسانك انتي فاهمه
سوسن : لو مفهمتش يروح امك هتعمليلي اي
ليلي بسرعه : معلش يا مرات عمي انتي عارفه نوران مش هتتجدي عليهاا
سوسن وهيا تشد شعر نوران : انتي عارفه يا بت لو حد في حياتك انا هعمل فيكي اي يا مقصوفه الركبه
ليلي بغضب : سيبي شعرها يا مرات عمي احسلك
سوسن بغضب : بت انتي وهيا اتعدلوا معايا دا انا لمتكوا من الشارع ولما عمكو يجي هقوله علي قله ادبكوا دي
دخلت نوران وليلي الاوضه بتاعتهم
ليلي : ممكن تبطلي تهور بقي ولحد ما اسر يفوق ويجي هو بنفسه
نوران بحزن : نفسي يصحي والله تعرفي انا زعلانه زعل الدنيا اني سيبته لوحده
ليلي : معلش كله هيعدي والأمور هتتحل
__________________________
عند نيره
نيره بخوف : بابا ماما انتو فين
اتصلت نيره بسرعه على الرقم لتفهم ما يحدث امانه اي و احنا ناس غلابه اي الي حصل لكل دا
نيره : ا الو
المتصل : مين
نيره : ا انا نيره البارودي اي الي حصل لاهلي انا مش فاهمه حاجه
المتصل : انتي في البيت
نيره : اي الي حصل لاهلي وفاجئه الاتصال اتقفل وبعد لحظات طرق الباب فتحت نيره الباب في اعتقادها انهم الجيران ولكن تفاجئت برجال غرباء وعلي وجههم علامات الغضب اقترب واحد منها وشالها علي كتفه ونزل بها الي العربيه وانتقلوا الي الصعيد
_____________________________
عند سهيله
ابو سهيله : حمدالله علي السلامه يا بنتي
سهيله : وحشتني اوي يا بابا
ابو سهيله بحب : مش اكتر مني والله
سهيله بهزار : امال فين ست الحبايب
ابو سهيله ( محمد)بضحك : راحت السوق علشان بتقول عاملين اوكازيون هناك
سهيله : اوكازيونات ماما مش بتخلص والله انا هدخل اخد دوش وهريح شويه علشان السفر
محمد : روحي يا حبيبتي ربنا يوفقك دايما
سهيله : يا رب يا حبيبي
_____________________
عند داود في غرفه اسر
داود ببكاء : قوم يا بني انت عارف ان انت واخوك واختك مصدر سعادتي بعد وفات حبيبه قلبي قوم يا اسر طب تعرف انت علي طول وانت صغير كنت بتقولي انا شبهه ماما وانت لا وفعلا انت شبه امك اوي كلك زيها وكانت نايمه نفس النومه دي بتاعتك كل الي بحبهم بيسيبوني اصحي يا اسر وغلاوتي عندك وبدا يربت علي شعره وهو يقول ادعيه وايات قرانيه
فدخل وليد
وليد : ان شاء الله هيصحي يا بابا وانا معاك اهوه وست لوجين كمان
داود : والله انتو الي طلعت بيكوا من الدنيا
وليد بهزار ٠: حبيبي يا حج والله
________________________
عند يحيي
يحيي لعمر : بقالي كتير متصلتش بليلي ومش عارف اكلمها ازاي
عمر : رن عليها
يحيي : اي يابني الذكاء دا كله
عمر : اصل انت الي غبي او انا الي مش فاهم
يحيي : لا حاشه لله ازاي انا متكونش فاهم دا انت بتلقطها وهيا طايره
عمر بفخر : عارف عارف
يحيي : انا هروح اتكلم مع نفسي احسن انا همشي هروح كدا اشوف النيابه عملت اي ولو الي في دماغي طلع صح مش هيطلع عليهم نهار
عمر : استهدي بالله احنا بعدنا عن كل دا اهدي وخلي الدنيا تمشي ونشوف اي الي هيحصل
يحيي بغضب : اهدي انت انما انا مش ههدي مع السلامه
وغادر يحيي الي النيابه ليعرف الاخبار الجديد
عند عمر اتصل بسهيله ولكنها لم ترود في اول مرتين
عمر بغضب وقلق : هو مش انا برن عليكي مش بترودي لي
سهيله : علي اساس انك بترود عليا لما برن
عمر بغضب : سهيله انا مش فايق للنكد دلوقتي
سهيله : خلاص بدال مش فايق بترن عليا لي
عمر : علشان اطمن علي قلبي
سهيله : بطلناها الشغلانه دي ومبقاش كلام يفرق معانا
عمر بضحك : والله مضغوط الايام دي اعمل اي طيب
سهيله ببرود : متعملش ربنا معاك
عمر : طب بصي انا هاجي السكن اسلم عليكي و علي البنات اي رايك
سهيله : انا اصلا رجعت البيت وسيبت السكن
عمر بغضب : ومقولتليش لي هو انت علي طول مش عملالي حساب كدا
سهيله : حساب اي مش قصدي كدا بس انت مشغول ومحبتش ازعجك معايا
عمر بغضب : لا يا ستي بعد كدا ازعجيني اتفقنا
سهيله :حاضر اتفقنا
عمر بهدوء : ان شاء الله الامور تتحل واجي اتقدملك والله
سهيله : هو اي الي حاصل ولي انت و يحيي غريبين الايام دي
عمر : لا عادي اسر ووليد غاليين علينا متشغليش بالك يا سوسو
سهيله بغضب : متقوليش سوسو ياض
عمر بعند : سوسو سوسو سوسو
سهيله : يا رب صبرني انا هقفل دلوقتي علشان ماما عايزاني
عمر : طيب خلي بالك من نفسك
سهيله بضحك : لا يالا باي
وقفلت سهيله مع عمر
عمر في نفسه : كويس ان سهيله بعيده عني دلوقتي علشان انا مش عايز اخسرها
_______________________
عند سهيله
ام سهيله ( فريده) : كنتي بتكلمي مين
سهيله : هبقي اقولك بعدين
فريده : قولي احنا لوحدنا اهوه وبعدين مش انا وانتي أصحاب
سهيله بحب : ايوه طبعا
فريده : يبقي احكيلي
سهيله : بصي هو شب اتعرفت عليه وكدا من بدري كان اعجاب من نحيتي بس هو طلع بيحبني برضو هو اسمه عمر و هو مهندس وقالي انه هيجي يتقدملي بس فيه مشاكل عنده الايام دي
فريده : امم يبقي خلي كلامك محدود معاه خالص على ما يجي ونشوف راي باباكي
سهيله بطاعه : حاضر يا ماما
_________________________
عند نيره
نيره : نزلني يا بني ادم انت انت مش محترم
الراجل ٠: احترمي نفسك يا نيره
نيره : نزلني بقولك بدل ما اضربك في قفاك دا
وفاجئه كانت نيره في الارض
نيره بألم : اه
الراجل : يالا ادخلي علي رجليكي مش هنفضل اكده
نيره باستغراب : اكده ؟ اللهجه دي مش غريبه عليا
الراجل : نسيتي اصلك ياك احنا في الصعيد
نيره بتذكر : بابا وماما فين انت تعرف مكانهم
الراجل : اه جوا
جرت نيره الي الداخل ووجدت ابوها وامها جوا قاعدين عادي
نيره بقلق : ماما انتي كويسه بابا حد عملك حاجه
راجل تاني : واحنا مش قاعدين ولا اي يا نيره ما تسلمي علينا دا السلام بتاع ربنا
نيره بصوت : ماما اي الي حصل ومين دول
ابو نيره : معلش يا حج الي ما يعرفك يجهلك تعالي يا بنتي اعرفك مين دول
دا جدك الي قاعد علي الكرسي اسمه عبد العزيز والي قاعده جمبه دي مراته تبقي جدتك اسمها فتحيه و الي واقفين دول ولاد عمك ناصر و نصر و كريم والي واقف هناك دا يبقي اخوكي في الرضاعه اسمه هشام
نيره بصدمه : يعني انت اخويا
هشام : ايوه
نيره : وعلشان كدا انت الي شيلتني فيهم مش كدا
هشام : صح
نيره : بس ازاي انا معنديش اخوات
هشام : يا صباح الذكاء جدي قالك اخوات في الرضاعه
نيره : يعني كل دا اخويا في الرضاعه يعني المفروض انت قدي
هشام : اه كل دا قدك هنا الرجاله رجاله
نيره في بالها : وليد برضو كدا يسلام لما يشوفوه يااه
نيره : طب انتو لي خطفتونا
عبد العزيز : دي مش خطف احنا رجعنا بس شمل العيله
نيره : يعني هنرجع انتي القاهره
عبد العزيز : مش هترجعوا تاني هتعيشوا هنا
نيره : يعني اي لا انا عندي حياه هناك واصحاب
ابو نيره ( يوسف) : الي يقوله جدك هيمشي يا نيره كفايه اننا افترقنا عنهم كل السنين دي
نيره بصدمه وبدموع : يعني اي لا انا عايزه ارجع مش تكونوا رامينا كل السنين دي وعايزين ترجعونا بمزاجكوا
عبد العزيز ببرود : وانا الي اقوله هيمشي علي اي حد
نيره :.............
___________________________
عند ليلي ونوران
سوسن : انتي عايزنا نخدمكوا ولا اي قومي انتي وهيا اعملوا الاكل
ليلي : معلش يا مرات عمي بس احنا تعبانين من السفر
سوسن : براحتكوا متاكلوش وسابتهم ومشيت
نوران بحزن : يا رب ابعدهم عننا بقي انا زهقت
ليلي بمواساه : اهدي_ لا يكلف الله نفسا إلا وسعها_ واكيد ربنا هيجبر بخاطرنا
نوران : يا رب
وفاجئه رن تليفون ليلي وهيا بتكسنل والتليفون يرن تاني
نوران : ما ترودي يا بنتي
ليلي : دا يحيى مش هرود
نوران : معلش رودي وشوفي عايز اي
ليلي : حاضر
ليلي : نعم يا يحيي
يحيي بزعل : عامله اي
ليلي : هيهمك يعني
يحيي : اكيد انا هحكيلك كل حاجه متزعليش مني
ليلي ببرود : اسر عامل اي
يحيي : كويس وفيه تحسن الدكاتره الجداد جم وبيقولوا انه هيفوق قريب
ليلي بفرحه : بجد الحمدلله الحمد والشكر ليك يا رب الحقي يا نوران
نوران : في اي
ليلي بفرحه : الدكاتره بيقولوا ان اسر فيه امل انه يصحي
نوران بفرحه : بجد الحمدلله وقامت لتسجد لله سجده شكر وبعد انتهائها انا هروح اقول لست سوسن اني خلاص مش هتجوز عصام الجربان دا
ليلي بضحك : يا بت اتهدي قولتلك لما يجي هو استني
يحيي في نفسه : الحمدلله اتلهت لما يجيي الوقت المناسب هحكيلك ثم قال بصوت مسموع ليلي انتي معايا.
ليلي : ايوه ايوه
يحيي بضحك : طيب يا حبيبتي متزعليش مني ولما نوران تخلص فرح نبقي نتكلم بقي تاني
ليلي بضحك : حاضر
______________________________
عند اسر في المستشفى كانت الغرفه عباره عن اسلكه طبيه وغرفه شبه معتمه ولها ضوء خافت واسر مستلقي علي السرير لاحول له ولا قوه يوجد بداخله صوت نوران وهيا تدعيله كأنها تدعي بجانبه فا بتسم وبدات يده في الحركه ولكن من كتر التعب ظل مغمض عينه ولكنه فاق من الغيبوبه وفي هذه اللحظه دخل الدكتور للغرفه
الدكتور بغيظ : استنيت انك تموت من بدري بس للاسف دخلت في غيبوبه بس لسه موتك في ايدي زي ما موت اختي واتسليت باختي التانيه وحرقت قلبي هموتك براحه علشان تحس بالعذاب صبرك عليا بس يا اسر وكان يحمل حقنه هواء في يده ولكن.....................
_______________________
البارت خلص
يا ترى مين دا وازاي حصل كدا
ونيره هتعمل اي في الصعيد
واسر هيفوق فعلا ولا هيموت بسبب الراجل دا
و وليد هيعمل اي مع نيره وهيلحق اسر ولا لا
وعمر هيتقدم لسهيله فعلا ولا لا
_استنوا البارت التاني _❤️
You are reading the story above: TeenFic.Net