••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:71

طلع الفوق كيزرب وعينيه حمرين حاس بروحو كتزهق .. بدا كيفك صداف القميجة ديالو حتا حس بشي يدي صغير عنقااتو وكتحل ليه الصداف ..

ليساء:(بنبرة حنونة) انااا معااااك ماتخاافش ..

دور يديه على خصرها رامي تقلو عليها .. للحظة منهم طاحو بجوج فالارض هي التحت وهو فوقها .. عينيه تقلبو نفسو تخنق ويديه ترخاااو ولا تقيل بزاف زيرها تحتو.. بقات مدابزة معاه شوية حتا قلباتو وطلعات فوقو مفرقة رجليها جات نيشان فوق المعلم ... وفنفس الوقت كتفتح ليه صدايف القميجة بدات كتمااصي ليه صدرو وكتحاول تخرجو من الأزمة اللي فيها ..

ليساء:(بهدوء) شوف فياا انااا .. ماتفكر فواالو فكر فياا بوحدي انا معااك ومغاديش نخليك لوحدك .. ثائر .نتا انسان قوي .. الحياة قدامك طويلة فكر فلون عيني انا ويااك فوسط الغابة بوحدنا والطيور كيصفرو حدانا حياة زوينة مافيهاش الكدوب مافيهاش الغدر فيها كلشي نقي زوين (نطقات بغصة) حيااة وردية كلشي كيتمناها نكون فيها غير اناا نعيش حرة منكونش خاايفة منبقاش متوترة .. بعيدة على كاع النااس وقرييبة ليك .. ندااوي كاع الطيور وكاع الحيوانات.. مانخليش شي واحد مريض .. ندااويك حتا نتا .. عرفتي اثائر الى كنتي فديك البلاصة ماعمرك ماغتمرض ماعمرها هاد النوبة مغادي تجيك حيت مكااينش الي يخوف تما كلشي زوين ...

ثائر:(هدرتها هدنااتو وريحاتو مسخاش بيها حس براسو رتاح ولكن خلاها تكمل نطق الحروف بهمس) صوتك زوين غني ليااا ...

ليساء :(حنات عينيها نيشان فعينيه ونطقات بصوت خافت) مابقاش كيعجبني صوتي .. مابقاش كيعجبني...

هما كيهدرو ناسين الوضع اللي كانو فيه غير دارين باالاشخاص اللي كيشوفو فيهم ..

سمر :(بصدمة) واش هدا خويا .. واش معارفش راسو فين كااين اويلي غيح**ويها هناا..

شمس :(بهدوء) سعداتها تانتي شكون كره يكون بلاصتها اووووف يااربي تزوجني ..

أريج: وعلاش مطير علينا حنا النعاااس منتصاحبو مانتحابو حارمينا وهما ممتعين .. سمر شوفي خوك مكسل وهي فوقو زعما هانية بقا ليه شوية وتسمعيهم يوحوحو ..

شمس: اش باليكم نخسرو ليهم الحفلة .

سمر:(قلبات عينيها فيها) شنو غاديري ...

شمس:(عطاتهم إشارة باش يتبعوها كيتسلتو حتا وقفو وراهم نيشاان ) اممممم بالصحة والراحة كنتو دخلو البيت حسن ممكن يطلع با سيدو ولا الميمة حشومة ..

ليسااء عضات على فكها وحطات يديها بجوج باش تنوض طلعات معاها الحمورية.. خرجات فيه عينيها فاش دور يديه على خصرها وزير عليها حتا طاحت براسها فوق صدرو .

ثائر:(ببرود) ونتي غتبقااي تفرجي فينااا ماغتغبريش وجهك من هنااا ... وتدي معاك هاد الحلقومات اللي تابعينك ...

ليساء:(خنزرت فيه) طلق مني بغيت نوض واش تسطيتي المرض باغي تعصبني ..

ثائر:(بمكر ) واخا ماسخيتكش بيك الحبيبة ولكن هانية نوضي. ..

غير وقفات حاني راسها حشمانة من البناات وحتا هو وفق حداها نيشان خنزر فخواتاتو حتا طارو من حداه عاد ضار جهتها ..

ثائر: هبطي التحت نبدل حوايجي ونلحق عليك .. ماتهدريش معاهم واللي سولك متجاوبيهش حتا نهبط ونتكلف ..

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:72

ليسااء:(وقفاتو بصوتها) غنتسنااك هناا مابغيتش نتحاك مع عائلتك .. ومتعطلش ..

ثائر :(دار شاف فيها اوما ليها بالإيجاب ) تقدري دخلي معايا لبيتي ونديرو بنااقص

غير دخل تنهدات براحة .. حتا طارو عليها البناات داروها وسطهم ..

شمس:(بتساؤول) واش بيناتكم شي حاجة نتي ويااه.. واش بصاح كتبغيو بعضياتكم ..

ليسااء:( ببرود) وفاش كيهمك الموضوع يكما كتغيري على ولد عمك ...

أريج: ( حطات يديها على كتفها) ليساء واش نتي بيخير .. عارفة الضروف اللي مريتي منها صعيبة .. انا باقا صاحبتك واخا يوقع اللي وقع

ليسااء:(تبسمت) اناا مزيانة متشطنيش رااسك بيا ...

سمر : (بحدة) وااش بصاح ضربتيه حيت بغا يتعدى عليك ..

ليسااء:(بان ليها ثائر خارج من بيتو وجاي ناحيتهم نطقات بصوت مرتفع متعمدة تخليه يسمعها ) اااه وتيقي بيا الى قلت مندمتش .. والى جابتها الفرصة غادي نعاودها مرة تانية وتالتة مع أي شخص تطاول علياا

ثائر:( بنضرة حادة جرها من يديها وتمشى هابط فالدروج .. لحظات كان فالصالون غير شافوه تصدمو مكانوش متوقعين غادي يهبطها تعشى معاهم فنفس الطابلة .. جلس مقابل مع ماماه ونايلة وجلسها جنبو ويديه مزال فيديها ..

ثائر:(بهدوء) سمحو ليا تعطلت شوية ..

إسماعيل:(بوقار) مكاين حتا شي مشكل اولدي .. شكون هاد البنت اللي معااك ..

ثائر:(محافض على الهدوء ديالو) خطيبتي ليسااء الإدريسي... (شاف فليساء) هدا عمي اسماعيل الاب ديال نايلة خطيبة نجم الدين.. وهادي هي نايلة اللي ديما كيتأجل عرسها وطبعا بسببي ولكن هاد المرة لا غندوزوه وفهاد السيمانة ..

نجم الدين:(هز عينيه فيهم كانو كلهم كيشوفو غير فيه ) مزيان ماللي جبدتي السوجي كنت بغيت نيت نهدر فيها ..عمي اسماعيل. تعطلنا بزاف 5 سنين خطوبة كتيرة بغيت ندير العرس ونجيب مرتي لداارها..

فردوس:(بصدمة) اشمن عرس داوي عليه وحنا مزال فالصداع نأجلوه حتا تفوت المحاكمة .. ديال خوك .

الحاج ناصر:(بنفي) لااا مكاين لاش يتأجل غادي نديرو ليهم عقدهم .. ويجيب مرتو والعرس حتا الصيف الجاي انشاء الله..ويديروه ماللي نتوما باغينو...

اسماعيل:(تبسم بهدوء) ماقلتي عيب اسيدي ختارو شي نهار فهاد السيمانة ونكتبو لاكط ..

نجم الدين.(هز عينيه نيشان فعينيها كانت مراقبة كلشي ) بعد غدا نيت ...

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:73

اسماعيل:(تبسم بهدوء) ماقلتي عيب اسيدي ختارو شي نهار فهاد السيمانة ونكتبو لاكط ..

نجم الدين.(هز عينيه نيشان فعينيها كانت مراقبة كلشي ) بعد غدا نيت ... باركة تعطلنا بزااف .. ونيت نخرجو شوية من مود الغضب والستريس ..

نجلاء:( بحنان) مبروك عليك احبيبي نجم الدين الله يسخر ليكم نتا وناايلة ..

نجم الدين:(عينيه مفيكسين عليها) شكرا بزاااف العقبة لشمس وكنان حتا هما..

شمس :(بهدوء) حتا تجربو نتا بعدا ونشوفو. واش غتنجح فيه ...

الحاجة رحمة:(بوقار ) ايوا ماللي قررتو مانزيديكم غير الخير حنا ... ولدي نجم الدين.. الله يسخر ليك ويتبت الغرس .

ثائر: (وقف جر ناايلة عنقها قدامهم) كنتي ختي وباقا وغتبقااي .. نتي بمتابة سمر وأريج وشمس وروح بحالك بحالهم مكاينش فرق اللي بغيتيها انا هنا والى قلقك هادا انا موجود ناخد ليك حقك ..

نجم الدين:(جرها من بين يديه وطبع قبلة على جبينها) نايلة ديال قلبي ... مانقدرش نقلقها..

وصل وقت العشا توجهو كاملين الطبلة باش يااكلو ويزيدو يتناقشو فأمور العقد...

ليساء:( بهدوء) واش مافرحانااش لخوك ..

شمس:(ببرود) علاش خاصني ضروري نفرح باش نتسمى رااني باغا ليه الخير ..

ليساء:ماشي ضروري تبيني اللي هنااا (أشارت لقلبها) نوضي تعشااي معاهم غادي يشكو فيك وعائلتكم عندها دقة الملاحظة..

شمس : (سهات شوية) بالعكس.. كون كانت عندهم دقة الملاحظة كيفما قلتي كانو غيلاحضو بزااف ديال الحوايج ... غنمشي نشوف روح مريضة الى سولو عليا قولي ليهم عيانة ...

ليساء : (بهدوء) نقدر نمشي معااك .. حتا انا مابغيتش نجلس معاهم .. وأصلا مكاينش اللي غيتسوق ليا واش تعشيت ولا لا .. وانا مابغيتش نتجمع معاهم باش نتفاداو الخصامات ..

شمس:(بعد تفكير ) يلاااه نطلو عليها ونمشيو الجردة شوية ..

تحطو الاطباق ديال العشا كانو كاملين من يدين فردوس اللي العائلة كاملة كتشهد على مهاراتها فالطيااب ... بداو الاكل ديالهم بهدوء تااام ..

عمر :(بهمس) فين شمس علاش مجاتش تعشى .. (عيط على الخدامة) عيطي على شمس تهبط تعشى ...

الخادمة :(بهدوء) خبراتني باللي مابغاتش تاكل وطلعات عند روح هي والأنسة ليساء ..

ثائر:(هز عينيه فالخدامة) طلعي ليهم العشا الفوق وقولي ليهم الى ماكليتوهش بتلاتة بيكم ثائر غيتصرف معااكم ..

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:74

جالسة فالمكتب ديالها والطيليفون فيديها .. كتقرا الاخبار اللي رايجة اليوم .. لااحت التيلي من يديها وقفات كتزرب لبسات مونطو أسود فوق البيجامة ديالها.. خرجات من شقتها .. غير وصلات عند الطوموبيل ركبات وكسيراات لوجهة مجهولة...

~~~~~~~

شمس:(بحنان) يلاه هبطي معانا الجردة غتبقاي سادة عليك هنا .. روح صحتك كتدهور وغادي يعيقو بيك ..

روح:(كتحك نيفها بهستيرية) غير خليني وسدي عليا الباب مابغيتش شي حد يشوفني عيانة ومقادراش نوقف ..

شمس:(باصرار) غتوقفي وتمشي معايا ممنوع نخليك هنا .. نوضي تݣعدي واش غتبقاي هنا حياتك كاملة وزايد ماتخليهمش يشكو فيك زيدي تحركي قدامي ..

بقات معاها حتا نوضاتها بزز عاونتها لبسات وهبطو من الجهة التانية. ديال القصر باش ميشوفوهمش غير وصلات الجردة بانت ليها ليساء جالسة والعشاء محطوط قدامها .. قربو عندها جلسو مقابلين معاها ..

ليساء:وااش عياانة بزاف ..

شمس :(غمزتها) اممم لي غيݣل كيعدبوها شوية . هادي روح بنت عمتي صفية .. روح هادي ليساء .. خطيبة ثائر ..

روح:(هزات فيها عينيها) مالقيتي معامن تخطبي غير هاد المصعور ..

ليسااء:(بعفوية) مصعووور نيييت ..

شمس:(ببرود ) حتا نجم الدين غيتزوج بنايلة.. غيكتبو العقد بعد غدا غتولي مراتو .. وحنا غنبقاو بايراات ..

روح: علاش حنا كيوقع لينا هاكا .. علاش اللي كنعطيوهم قلوبنا كيهرسوهم ..

شمس:(بهدوء) حيت هادو هما حنااا .. كنمشيو عند الشخص الغلط ..

روح: بقيتي ساكتة بزااف حتا طار من يديك ودااتو اللي مسكتاتش .. بقاي هاكا اخرتك تموتي باايرة ..

ليساء:(خرجات عينيها فيها) واااش نتي كتبغيه...

روح:كتسطى على خرااه .. غير المتكبرة مراضياش تعترف وتقولها ليه ودابا هزيه هاهو غيتزوج ويسكن معاك فنفس الدار وكل ليلة تشوفيه معاها ..

شمس:(بلعات ريقها) رووح اش كتخربقي سكتي شوية ياك مريضة ولا صحيتي...

ليسااء: واش هادشي بصاح .. علاش بقيتي ساكتة الحمقة ..

شمس:(بحدة) مكنبغيهش واش تسطيتو انا غادي نبغي هدااك ديجا عارفاه مرتبط زايد هو غير ولد عمي فقط . ونتوما جمعو رااسكم معايا ماشي جلسنا مع بعض ساعة تصاحبو معايا ..

كانت يلاه غتجاوبها حتا سمعات صوت الكلاكصون برا القصر بجهد وقفو كاملين حيت كانو مقابلين مع الباب الرئيسي.. كاتبان ليهم سيارة نوع كليو حمرا واقفة برا هي غير شافتها عرفتها ..بلعات ريقها بصعوبة وزادت خطوة القدام ناحيتها...

شمس:( وقفاتها) فين خارجة نسيتي راه ممنوع تخرجو من الدار .. وراه الكارد غيتكلفو ..

ليسااء:(بدون شعور ) هاديك راه ماما ..

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:75

وصلات قدام باب القصر وشمس وروح تابعينها .. هي غير لمحاتها نزلات من الطوموبيل.. ليساء بقات واقفة بدون حراك .. اما شمس عطات الادن الكارد يحلو الباب حيت عرفاتها ماماها .. غير دخلات بدون ساابق إنذار نزلات عليها بتصرفيقة بضهر يديها .حتا مال حنكها .. وحلات كلشي يشهق .. شمس دغيا جبدات التيلي دوزات الخط هدرات مع شي واحد ورجعاتو لجيبها ..

فريال:( باستهزاء) بعتي ليهم رااسك بالرخييص .. طمعوك فلوسو .. ولا مليتي من العيشة معايا وقلتي أجي نقلب على شي فيكتيم جديد اخر نزها معاه .. طحتي مع هدا هديتي سراح مؤقت.. حيت يديه واصلة . شتتي ليا شملي .. عرفتي شنو ا ليسااء أكتر حاجة ندمت عليها هي أنه جبتك من الزنقة .. ودخلت دااري حسبتك بنتي ونتي غدرتيني ..

ليساء:(قربات منها والدموع فعينيها ) ماما وااش قلبك قصاح عليا .. علاش مابغيتيش تيقي بيا .انا راه بنتك ليساء .. بنتك اللي عاشت معاك 25سنة . كيفاش متيقيش بيا .. شفتي انا مكيهمنيش العاالم كاامل يتاهمني. ومايتيقش بيا ولكن نتي مانقدرش نصبر الى اتهمتيني ..

فرياال:(تبسمت فاش بان ليها ثائر وباقي العائلة جااين) هدا هو اللي ختاريتي .. فاش قصر معاك عدنان هااا شنو دار معاك حتا ق تلتيه بااش تكملي مع هدا ضربتي باااك .. عرفتي شنو حااربت الدنيا كلها على قبلك كلشي قااليا ماتربيهاااش مادخلييش لداارك بنت الزنقة .. بنت بلا أصل .. بقاي عقيمة وماتربيش لفعة نهاار تشبع تعضك ..وهادشي اللي طرا ربيت حية فدرااي .. وكلتها شربتها ونهاار دارت الكتااف اول واحد لسعتي ورميتي فيه سمك هو أنا ..

ثائر:( جا قدامها وعينيه مخنزرين) وااش نتي كل نهار غتجي تعطينا قصيدة سيري بحاالك.. هادي اللي كتهدري عليها كتخصني .. وماعندكش الحق ترفعي عليها صوتك ولا تعاتبيها ..

فريال:( شافت ف ليساء كيفاش واقفة حداه) بصحتك بيه غير هو غيجي واحد النهار حتا هو يلوحك ماللي يشبع منك تزادييتي بالحرام وباغا تكملي بيه .. داكشي عندك فالد**م

ليساء:(هزات عينيها فيها قربات منها ونطقات) علااش مصممة تهرسيني اماما.. واش ماحسااش بيا .. واش مطاحش ليك فبالك تتاهميه هو وماشي انا .. راااجلك كان بغا يتعدى علياا .. راااجلك بغاا ينعس معاايا .. راااجلك ماعمر اعتبرني بنتو .. (بلعات الغصة) عرفتي شنو. اللي مخليني هاكا قوية .. حيت عارفة رااسي مغالطااش وعارفة شنو كااين فقلبي عارفة باللي أي كلمة قلتها عندي فيها الحق .. علااش مصممة تتاهميني .. هاداك اللي كدافعي عليك باااغي يطلقك نتي .. ونهار صيفت ليك ميساج وقلت ليك جي اماما أنا مريضة كنت بغيت نصاالحكم ونتي كعما جيتي .. خليتيني بوحدي صونيت عليك بزااف ومجاوبتينيش... هو بغا يطلقك حيت كيبغيني انا.. كان كيشوف فيا بشهوة . كان كل ليلة فاش كنعسو كيجي عندي ماعرفتوش شنو كان كيدير حيت كيعطيني منوم .. ونتي مابااغاش تيقيني .. تقدري تخرجي من هنا .. وتمشي دافعي عليه الى مكنتيش باغا تيقي بيا .. انا مستعدة نتشد حياتي كلها ..الى كان هادشي يبرد العافية اللي شاعلة فقلبك انا غنرجع الحبس ..

ثائر:( جبدها مخبيها موراه ونطق ) خرجي بحالك من هنااا .. سيري دافعي عليه .. هدرتي قلتي شنو اللي فقلبك اعترفتي باللي تبنيتيها .. اعترفتي باللي جبتيها من الزنقة اعترفتي باللي لفعة وعضاتك .. ودابا تححركي من هنا والمرة الجاية الى شفتك قريبة منها انا اللي غنعضك ونغرس فيك سمي ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:76

ماااما؟؟؟؟

فرياال:(بنبرة حادة) ماااشي ماماك فهميها ودخليها لداك الرااس انا ماشي ماماك ماعمري ولدتك من كرشي ماعمري حملت بيك جبتك من الزنقة ودابا رجعتي الزنقة ..

ليسااء:(نزلات دمعة حارة من عينيها عضات على شفايفها بحدة ) واخا .. الآلة فريال .. ماشي بنتك ومغنكونش بنتك وهنا كلشي سااالا ..

دخلات جهة القصر مخلياهم متبعين ليها العين .. طلعات نيشان الفوق نفس الغرفة اللي عطاوها تعيش فيها .. زيرات على يديها بجهد كتحاول تكتم غضبها خرجات الباالكون وقفات كتشوف فيهم باقين تما بان ليها ثائر حر فريال من دراعها لاحها برا .. مع رجوعو هز عينيه نيشان فبيتها بانت ليه كتشوف فنقطة وحدة .. ماعرفش علاش ضرو خاطرو عليها .. رجعو كاملين للداخل .. جلسو فالصالون

نايلة:(بتساؤول) واش هادي هي البنت اللي وقع ليك معاها المشكل اثائر ..

ثائر:(عاطيها بالضهر) ااه نفسها .. ليساااء ..

نايلة:( بهدوء) وااش بصاح خطيبتك ولا غير دايررنها على قبل للناس .. ثائر نتا كتبغيها...

ثائر:(تلفت شاف فيها) ناايلة .. هادشي بعيد عليك دخلي الداخل حسن ليك ..

نايلة: واخا غنمشي ولكن قبل سمع شنو غادي نقوليك .. ثائر نتا من حقك تبغي وترجع تبني علاقات جديد.ة وتنسى المااضي وشنو دااز ..

ثائر:( بحدة) دخلي ومتبقاايش تدخلي فاللي ماليكش فيه أمرات خويااا .. تصبحي على خير ..

~~~~~~~

حطات يديها على البوااني ديال الباب فتحاتو وهي تلمحها واقفة فبلاصتها فالبالكون .. قربات عندها بخطوات ثابتة .. وقفات موراها نيشان ونطقات

الحاجة رحمة: (بوقار) البنت القوية كتبين ضعفها بينها وبين رااسها .. والبنت الضعيفة كتبينو قدام الناس .. والبنت البااردة مكتبينوش كااع .. ونتي بنت بااردة بزااف وهادشي غيضرك غير نتي .. كلنا ضعاف الله بوحدو هو القوي .. متخزنيش للداخل خوي قلبك وخرجي كاع اللي مخبية ..

ليساء:(شافت فيها ببرود) انا حتا وحدة فهادو .. انا بنت الحرااام كبرت فالحرام وغنكمل فيه .. منبودة من طرف كلشي . علاش غنبين ضعفي ولمن غنبينو ..لماما ولا بابا اللي كان كيشوف فيا بشهوة.. ولا ليكم اللي كتكرهوني وكنبان ليكم وصمة عاار طاحت على رااسكم .. انا مرتاحة هاكا الحاجة .. لقيت رااحتي فبرودي .

رحمة:(قربت كتر شداتها من يديها ) نتي تحت وصاية حفيدي ومدام عشتي معايا هنا راكي تحت وصايتي حتا انا ..كلامك قبيلة حسيتو خاارج من قلبك .. لمعة عيونك كانت كتبين صدق كلامك .. وانا متيقاااك .. وعارفة ذراك ماشي غاالطة .. هاد المرا الكبيرة اللي واقفة قدامك دات وجابت فالايام .. تعدبت وتكرفست وناالت .. بغيتك تكوني بحاالي كيفما تعدبتي وتكرفستي بغيتك توقفي وترجعي كيف كنتي البنت القوية ماشي البااردة المثلجة

ليساء:(بهدوء) سمحي ليااا ؛!!!!

.الحاجة رحمة:(بتساؤول) علاش غنسمح ليك الى كان هادشي اللي وقع فراه مكتابك اللي جابك لعندنا ..

ليسااء: سمحي ليا حيت عايرتك ديك النهار ولكن كنت معصبة وخاايفة ..

الحاجة رحمة:(جراتها معنقاها) حتا انا ضربتك وعايرتك ..

ليساء:(بعيون دامعة) ماقصحتينيش ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:77

رجع جوج الخطوات الوراء تبسم بهدوء ودار ادرااجو لغرفتو خدا دوش رخا عضامو ومشا لبلاصتو فتح المجر ديال الكوافوز اللي حداه وجبد المفكرة .. بقا كيحقق فيها مدة طويلة. . من بعد فتح أول صفحة الكتاب كان عبارة عن البوم صور فيه غير تصاور ليساء ماللي كانت عندها 5سنين حتا ولات عندها 25 عام وتحت كل صورة اعتراف بالحب والعشق .. كان بااين من خلال الابيات الشعرية باللي عدنان غاارق فبحر حبها وعاايش قصة غرامية معاها فخيالو .. مصورها فكاع الاوقات فايقة نااعسة كتاكل خدامة كطيب ماكمل قرائة الصحف اللي بين يديه حتا صبح الحاال.. حطو حداه وهز الطيليفون دوز الخط فداك الصباح ..

ثائر: فينك .... واخا أنا دابا جاي لعندك .. وجد شي قهيوة قااصحة هدرتنا كتيرة .

قطع الخط وناض بدل حوايجو وخرج من بيتو .. هبط مع الدروج نيشان الجهة التااانية بالضبط مكتب ساجد فين كيقضي أغلب وقتو .. غير دخل اول حاجة دار هز قهوتو شربها باش يصحصح وجلس ..

ساجد:( خدام على البيسي ) قريتيه ....

ثائر:(بهدوء) قريتو وحفضتو كاااع ...!!!!

ساجد:( قلب ليه البيسي ) والنتيجة هي هي ياااك البنت مكانتش كتكدب .. كلامها كلو حقيقي .. قدرت نرجع التسجيل ..

ثائر :(جر البيسي عندو كيتفرج وكيسمع حديتهم مع بعض ) السيد رااه مريض بزااف كيبغيها وهي بنت 5 سنوااات طفلة .. مافهمتش كيفاش ماعمرهم عااقو بيه وحتا ديك مراتو كيفاش محساتش بنضرتو ليها ..

ساجد:( رجع تكى على الكرسي ) حيت دكي وعرف كيفاش يتصرف ..

ثائر (تفكر كلام ليساء) كاان كيعطيها منوم بااش يااخد راحتو القواااد .. باش يتمتع بيها كان كينعسها .. اوووف ونشدو نقلع ليه قلاااويه ونوريه العشق بشحال طاالع ..

ساجد: شنو غادير نديوهم الكوميسارية..

ثائر: ( بحدة) لاا حتا نهار المحاكمة ووعطيهم لعماد يعطيهم ليهم فالمحاكمة .. نيت نبيعوه العجل ونخليوه يتيق باللي ربحنا ..

ساجد: عماد فراسو واحد البلان باش يرجع يبان عدنان وخاصنا نديروه ...

ثائر:(نتر من الكارو ديالو) شنو هو !!!

ساجد: خاصها تخرج من القصر .. هو غيكون مراقب الوضع وخروجها غيخليه يجي باش يديها ..

ثائر:( خنزر فيه) نخااطر بيها هادشي اللي كتقصد ..

ساجد: غتكون فأمان مراقبينها راه تحت الحراسة النضرية وكاين انا ونتا نجم الدين كنان غيت كلنا هنا ميمكنش ياخدها وحنا هنا ... عماد كلف شي رجال بااش يتبعوكم بينما مشيتو متنكرين .. ثائر ضروري من هاد الخطوة ضروري.

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:78

فاقت بكري حاسة براسها غتحماق مابقاتش قادرة تصبر كتحاول تقلب على شي حاجة اللي تخلي الأوكسيجين يرجع ليها .. هبطات لتحت نيشان لبيت خوها ساجد مشات البلاكار ديالو حلات الكوفر خدات الفلوس من تما وخرجت كتزرب .. رجعت لبيتها بدلات عليها وهزات شكارتها وخرجت برا لقات الشيفور وااقف ركبات كسيرا بيها

روح:(بحدة) ديني لدرب *** دااابا ...

الشيفور 🙁 بهدوء) واخا ...

غير وجهتو لداك الدرب مدازش بزاف حتا كان تما نزلات بلاما تسوق ليه .. مخلياه كيشوف فالحومة اللي جات ليها ودخلات ليها .. بلا عكز عيط على ساجد حيت موصيه .. مع الأسف مجااوبش تفكر نمرة ديال كنان باللي عندو دغيا دوز الخط ..

الشيفور:( باحترام) السي كنان تاصلت بيك على قبل روح .. جات لواحد الدرب ودخلات ليه .. واخا دابا نصيفت ليك لوكاليزاسون تالعندك ...

قطع معاه الخط وركب ديمارا اللوطو مغادر المكاان ..

~~~~~

روح:(جبدات الفلوس من جيبها) خود هادشي كامل غير عتقني .. عفااك راه غادي نحمااق .. بغيت نتسطى عطيني دغياا ..

البزناز:( تبسم وهو كيحسب الفلوس) امممم هانتي خدمتي داكشي عندي فيفتي فيفتي الصغيورة تجيبي اللعاقة نعطيك أحسن طرف عندي .

روح:( معصبة) وسربي خلاااص ..ياك عطيتك الفلوس اش باقي كتسنى ..

البزناز:(هز فيها عينيه وجبد ساشي صغيرة فيها غبرة بيضة عطاها ليها ) خودي سلعة جديدة وعلى ضمانتي غتعجبك ..

روح:( خداتها من عندو دارتها فجيبها ودارت غادا ) وجد ليا شي حاجة غدا نرجع نديهم .. ونعطيك اللي بغيت ..

البزناز:( بخبث ) موووجود جيبي غير الݣرمومة ونبرع حبي ..

رجعات على متنى طريقها كتزرب والساشي فيديها .. كانت حادرة راسها مكتشوفش شنو قدامها حتا وقفات قدام الطوموبيل غير هزات راسها توسعو عينيها والخوف بان عليها ...

روح:(مرعوبة) علاش جيتي هنا ا...

كنان:(واقف وعينيه عليها نطق ببرود) شنو كاديري فهاد الدرب ..

روح:(بتلعتم) ااا ووالو ج ججيت غير عنند صاحبتي ..

كنان:(حنا عينه على يديها ) شنو مخبية تما .. اري نشوف .

روح:(تزاد معاها الزاايد ) والو ماعندي مانخبي . نتا شكون قالك انا هنا.. علاش جيتي ا كنان .

كنان:(دار نضارتو وأشار ليها باش طلع يلاه دازت من قدامو شدها من معصمها بحركة خلاتها تأوه بألم وترمي الساشي فالارض حنا هزها كيتفحصها وقف تقابل معاها وعينيه رجعو حمرين ) شكون عطاك هادشي منين