••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :46

بلاصا اللوطو قداام الكلينيك .. هبط وعينيه حمرين حواجبو مخنزين .. دار جهتها حل الباب ونطق بحدة

ساجد:( بغضب)هبطي من الطوموبيل .. داابا

أريج: ( مهزاتش عينيها فيه) علاش جبتيني فكلينيك واش تسطيتي ..خاصني نرجع بحالي اسااجد وكون أكيد غادي نشكي بيك ل بابا وخويا كنان ..

ساجد:(جرها من دارعها بجهد) فااش ترجعي الداار شكي بيا العالم كامل ماشي غير خوك وبااك .. تحححركي قداامي ..

دار يديه فخصرها مزير عليها ودخل نيشاان الاسانسور ضغط على الطابق الاخير كاان فالسطح .. دقائق قليلة كانو تما غير تحل الاسانسور دفعها حتا اختل توازنها .. هزات فيه عينيها بصدمة

أريج:( بنبرة حادة) شنو كانديرو هناا .. علاش جبتيني لهاد البلاصة .. وااش تسطيتي .اساجد .. علااش باغي تجيبني هنا .. ( غمضات عينيها حاسة بقلبها كيضرب بالجهد )

ساجد:(ممسوقش ليها ) عااودي شنو. قلتي قبيلة وبنفس النبرة .. بغيتها نسمعها من فمك وعينيك فعينيا ..

أريج: ( بخوف ) كنت غير معصبة علاش بااغي تعاقبني بهادشي سااجد انااا خاايفة .. عفااك رجعني بحاالي ..ماغادييش نبقى نعاود عفااك متحاولش ديرها ..عفااك راني خاايفة .. قلبي كيضرب بجهد حن فيا رااني ختك ..

ساجد:(قرب ليها) شنو نتي .. ختي .. وااش كااينة شي أخت تنعت خوها بالقوااد ولا الزاامل هاااا نطقي وااش شفتيها .. عمر شي وحدة من البنااات ماقدراات تهز فيا العين .. ولا فالدراري .. حتا ليك نتي خرجتي من الجنب .. باغا تبيني رااسك واعرة .. واجي نشوفو وااش غتقدري تحملي هادشي الوااعرة ..

أريج:( كتشهق) لا ا سااجد انا غير تعصبت وعصاابتني سمر حتا هي ماكنتش وااعية مكنتش عاارفة هادشي غيطرا حتا انا توحشت خويا ثائر .. سااجد ماتهورش نتاا عارفني كنخااف ماضرنننيش. مني يدي اللي كتحرقني ..

ساجد:( غفلها بحركة بسيطة كانت بيني يديه ..حنا عينيه فيها كانت مكمشة فيه ) كتخاافي ومكتحشميش .. شنو دابا نلوح مك بااش تعلمي توزني هدرتك .. (تمشا ناحية الحائط ديال السطح .. هز يديه معليها االفوق ..)

أريج:(مخشية فيه وكتركل ) عفاااك والله منعااود رحمني غير هبطني سااجد مانعااودش عفااك الله يخلي ليك عميتو صفية .. مغااديش نعايرك مزال عفاك اخوياا .

ساجد:( ضهرت شبه ابتسامة على ثغرو وحطها الارض ) المرة الجااية غنلوح مك من الفوق تهبطي مشتتة هادي مجرد قرصة أدن .. تعاوديها نعااودها .. مفهوم البرهوشة ..

أريج:(متكية على ضهرها ومغطية وجهها بين يديها كيتسمع غير صوت بكاها ) صاافي سير بحالك .. من هنا ..عرفتي عندي فوبيا من الأماكن العالية هادشي علاش جبتيني هنا بغيتي تعاقبني بأكتر حاجة كترعبني نتا ...( حبسات كلمتها قبل ماتزبلها )

ساجد:(حنا مقرب ليها) انااا شنو هممم كمليها ماحدنا باقين هنا .. باش حتا انا نيت نوريك علاش قاادر .. يلاه تهزي نوصلك بحاالك .. عندي مئة مطرقة فرااسي وفاش غنساالي غنرجع نتفااهم معاك على تخصار الهدرة اللي ولا عندك عادي بحال شرب الما .. تحركي قداامي ..

معاودتهاش معاه ناضت كتزرب ساابقاه وكتزرب وصلات قدام الطومبيل ركبات غير ركب هو طار من تما مخلي صوت صدى الطومبيل كاسر صمت المكااان ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :47

غير بان ليها جاي ومن عينيها عرفاتو معصب .. قرب عندها بدون ماينطق حتا شي كلمة مخليها هي تنطق وتكسر الصمت اللي كان فديك اللحظة ..

الحاجة رحمة:(بتساؤول) شنو وااقع الحاج .. حفيدي بيخير مال وجهك مخطوف .. واش طارية ليه شي حاجة..

الحاج ناصر:( بحدة) كتر من هادشي اللي طاري فين الدراري حتا شي واحد مابااين واش ناوين يخليو خوهم محبوس حياتو كاملة .. دابا سيمانة ومزال ماعرفو واالو ..

نجم الدين:(هابط من الفوق ) كون هاني قريب نوصلو راس الخيط .. الضابط اللي مكلف بالقضية لاحض شي حاجة وعيط ليا دابا نمشي نشوف ..

الحاج ناصر:نمشي معااك ..

نجم الدين:(برفض) الحاج رتااح ..وخلي كلشي علينا ثائر غيخرج منها وغادي نبين برائتو .. غير رتااح مابقاش بزااف وكلشي غيتصلح ..

فردوس :(قربات عند نجم الدين) وااعدني ا نجم الدين باللي غتلقى شي حل وتعتق خوك .. مابغيتوش يتشد فالحبس . مابغيتوش يبقى هربان حياتو كاملة .. بغيت ولدي يرجع ليااا ويتسند على كتاافي ..

نجم الدين:(عنقها) ماتزيديش تمرضي صحتك الواليدة .. ثائر حتا شي حاجة متقدر تكسرو ..وفاش غتباان بارئتو بيديه غادي يعااقب اللي وصلو لهناا .. غنمشي دابا مابغيتش نزيد نتعطل..

شمس :(موجهة كلامها لنجم االدين ) بغيت نمشي معااك .. ومغاديش تحبسني .. حتا انا بغيت نعرف شنو طااري ..

نجم الدين:(برفض) لاا غتبقاااي فالدار ومعندك فين تمشي ..انا مغاديش نتساارى .. تركني بلاااصتك ..

شمس : لا غنمشي .. ومعندكش الحق تحبسني .. والى مامشيتش معااك راني كنعرف الكوميسارية فين جات ..

الحاج ناصر: خليها تمشي معاك اولدي على الاقل نلقاو غير لمن نعيطو ...

معاودش الهدرة خرج كيزرب وهي تابعااه ركب فسياارتو غير ركبات حداه ديمارا اللوطو ..

نجم الدين:( بحدة) اخر مرة ا شمس تصرفي هاكا .. خليني نحتارمك .

شمس : (قبطات حواجبها) عفوا مافهمتش . علاش شنو درت اللي يخليك متبقاش تحترمني

نجم الدين: علمتك ... اشمس ديريها فباالك..

شمس:( بطنز ) يكما خاايف ديك الصفريطة ديالك تشوفك معايا وتجيها الغيرة مني .. حيت أنا زوينة عليها .. قوليها غير تهنااي .. مكنبغيش نكون انا هي التااانية . ..

نجم الدين:(هز فيها عينيه ) ضااراك يااك .. مقصحة من جهتها..

شمس 🙁 ببرود) مقصحة كااااع .. كيباان ليا عقلك صغر من فورمتك اولد عمي .. انا راه شمس آل فخري معااش اللي يضررني واللي يقصحني ..

نجم الدين:(تبسم وهو مركز فسياقتو) امممم باينة لدرجة كتقلبي غير على الفرصة فين تقللي منها قداامي .. فاش وهدا اكبر دليل على انه نتي مرييضة بيها ويمكن مكرهتيش تكوني بلااصتها ..

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :48

شناااهو ؟؟؟

نجم الدين:كيف سمعتي .. مكنبغيش نعاود هدرتي دو فوا

شمس:(عضاات على سنانها مغددة .. ) اصلا منرضااش نكون مع واحد بحاالك غير تهنى نتا متااح لكلشي.. وانا بطبعي مكنبغيش الي يشاركني فحااجتي....

متسوقش ليها ولهدرتها بلاصا الطوموبيل قدام الكوميسارية نزلو بجوج لقاو كل من ساجد وأريج وكنان ..

ساجد:(بإستغراب) شنو كااديري نتي هناااا ..

شمس : با سيدو اللي بغااني نجي .. ونتي أريج علاش جيتي هنا ..

ساجد: لقاو اخر رقم معيطة ليه ديك البرهوشة ديال هاد المكلخة

كنان:(جارها لعندو ) ختي الصغيورة مكانتش عارفة العواقب ديال تصرفها نيتها غلباتها..

ساجد:(بحدة) نية اشمن نية وااش بحال هادو باقا فيهم النية .. كيعرفو غير التشوطين والتاحرمياات .. كيقربو العافية حتا كتحرقهم ويجيو يبكيو عليناا ..

نجم الدين: غاندخل دابا أريج .. يلاه معايا .. قولي شنو كااين اي حاجة سولك عليها الضابط قوليها ماتزيدي ماتنقصي ..

أريج:( حانية راسها) واخا اخويا ماتخاافش ..

~~~~~~~~~~~~~

قدام الضابط واقفة هي ونجم الدين وفالجهة التانية الام ديال ليسااء بلباس للمحاماة ..

الضابط 🙁 عينيه على أريج) شنو نوع العلاقة اللي كتربطك ب ليساء الإدريسي..

أريج: تعرفت عليها فاول نهار لينا فالمدرسة ولينا صحابات ..

الضابط:شنو نوع هاد الصداقة . ....

أريج: ليساء بنت مزيانة حسيت بيها طموحة وعندها هدف وهادشي اللي جدبني ليها .. وتعرفنا على بعضنا .. وحتا هي كانت مرتاحة معايا ..

الضابط: شنو علاقة ثائر بالموضوع وفين كيعرف ليساء

أريج: نهار عرض عليهم با سيدو انا ديت معايا ليساء كاع العائلة رتاحو ليها الا هو معجبوش الحال وطلب مني نسالي علاقتي بيها .. واللي عرفت من ليساء أنه باغي يرتبط بيها ..

الضابط: شنو وقع ديك الليلة وعلاش تاصلت بيك مدام ساليتو علاقتكم ..

أريج:( ضرها خاطرها) معرفتش يلاه كنت غادي نجاوب حتا خدا ليا التيلي من يدي وجر علياا . شي خمسة الدقائق جا عندي وطلب لادغيس ديالها ..

الضابط 🙁 الحالة ديالو كيفااش كاانت .. ديك الساعة .

أريج:كاان معصب بزااف .. وغير كيسب فيهااا..

الضابط: ماعمرها شكات ليك على علاقتها مع الاب ديالها واش كانت خايبة..

أريج:بالعكس كانت كتعاود ليا باللي باباها حنين بزاف وكيبغيها بزاف وهو السند ديالها .. وحتا ماماها نفس الشي قالت ليا باللي هي فخورة جيت تزاادت عندهم وكانت بنتهم ....

الضابط: غتمضي على اقوالك .. والى تفكرتي شي حاجة اخرى علميني ولو تكون بسيطة تقدر تعاونا ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :49

برافو عليك فكرتي فيها من مصلحتك الخااصة .. مزيان متخدمش قلبك ويخرج عليك ..

عدنان:( بحدة) مووافقتي عندها شرط ونتا غتكون بيه ..

*****( بمكر) اممم شنو هو هاد الشرط السي العااشق المهووس ..

عدنان: ليسااء .. بغيت ناخدها ونمشي من هنا .. خاصكم تخرجوها من عندو بغيت نخوي البلاد وهي معايا

****: شرطك مقبول واعتبرو تنفد .. يومين بالكثير تكون عندك وتغبر نتا وياها ...

عدنان: علااش داير هاد الفيلم كاامل .. وحااقد على داك السيد .. واخا على مابان ليا هو شخصية معروفة . فعالم الطب شنو غيجيبو مع واحد بحاللك...

******:ونتاا علاش كتبغي بنتك .. علاش متعلق ومرييض بيها .. علااش مخليتيهاش تبقى غير بنتك اللي تبنيتي .. علاش دخلتيها بلاصة هي مامدخلاكش ليها .. جاااوب الى عندك الشجاعة .. وحتا انا نجاوبك ونقولك شنو بيني وبين ثائر آل فخري...

عدنان:(بلع ريقو وسكت مارجعش هدر مزال .. عارف باللي ماعندوش شي جواب يقنع شي واحد .. هو ياالاه قدر يقنع راسو بهاد الحب الي خدا ليه وقت طويل باش ينساجم معاه .. ..

~~~~~~~~

مكمشة فبلاصتها عينيها مغمضين وعقلها خداام .. كتستوعب هدرتو معاها وكيفاش بكل وقاحة قال ليها كنبغيك .. مافكرش فيها وكيفاش غادي تقبل الموضوع.. حسات بغصة فحلقها .. زيرات على يديها كتحاول تبرد رااسها مابغااش شي واحد يعرف السبب ورا الضرب ديالها ليه .. حلات عينيها على وسعهم كتشوف فالصقف ديال داك لاكاب .. اللي كان بحال شي شقة .. مأتتة والديزااين فيها زوين ... تنهدات ونااضت ناحية الحمام .. غير دخلات لقات كاع مستلزمات الدوش .. اللي مكانوش قبل ولكن فرحات حيت غتقدر تنقي حاالتها غير شوية .. خدمات الشوفو وطلقات الما فالبينوار .. وهي ممسوقاش ليه لا فين هو ولا فين غاابر المهم هي مرتااحة دابا .. تخشات فداك البينوار مغمضة عينيها وفعقلها غير ماماها .. مكرهتش تخرج من هنا تغوت ..وتقول ليهم اما مادرت والو انا غير ضحية ديالو .. حسات براسها طولت فالدوش وقفات تحت الرشاشة غسلات شعرها وتشلالات .. مسحات جسمها دهنات الاتر ديال الحروق بمرهم لقاتو تما .. لبسات بينوار رجالي فالأسود وصبناات سروالها لبست شورط ديالو والسوتينات تحت البينوار . خرجات من الحمام كتقلب على شي حاجة تاكلها .. مالقاتش والو رجعات فوق الكنابي تكمشاات تما .. مغمضة عينيها ..

حلات عينيها على وسعهم.. ناضت كتزرب قلباات لااكاااب كاامل .. مكااينش حسو .. مسحات وجهها بالزعااف .. كيفاش خرج ياك حتا هو بحالو بحالها كيفاش هو خارج برا وهي ساادين عليها هنا .. طلعااات مع الدروج اللي كيوصلو الفوق .. لقات باب كبير خشبي فالأسود بغات تحلو لكن مسورت .. ضرباتو برجلها بجهد ..

ليساء: ميغغد .. شنو هادشي فين مشااو علاش خلاوني بوحدي .. غيكونو هربو هاد القوااد وخلاوني حنا حتا نموت بوحدي .. كيفاش أمنت ليهم وتقت فيهم .. ولدهم اللي كيهمهم دابا هرب .. وانا غنبقا محبوسة هنا .. (غواتات بجهد ) شي حد هنااا حلو لياا هاد الزبل نمشي بحاالي . وااش تسطيتو حاابسيني هنااا ..

رجعات جوج خطوات الوارء فاش تحل الباب.. بقات حالة عينيها فيهم وكيفاش كانو كيشوفو فيها بنضرات كلهم كره وحقد ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :50

الحاجة رحمة:(مقوسة عينيها فيها ) شنو كاديري هنا نتي وشكون دخلك لاكااب ديال هاد القصر .. دوي الشاايطة ..

ليساء:( تعصبت من هدرتها) ماتهدريش معايا بهاد الطريقة .. انا مااشي شايطة .. ..

فردوس (جراتها من شعرها بجهد وهبطاتها لتحت ) وشنو تكوني هااا الى مكنتيش شاايطة شنو تكوني .. خانزة ديال الخلا عائلتها تبراو منها ..

ليساء:(دفعاتها بجهد ) احترمي رااسك نتي .. وعلاش كتغوتي علياا انا شنو درت هااا غوتي على داك ولدك اللي حابسني هنا ماشي اناا ..

فردوس 🙁 هزات يديها الفوق وهبطات عليها بتصرفيقة حتا مال وجهها ) شنو درتي .. نتي درتي كلشي .. قولي ليا اشنو مادرتيش .. واش مريضة .. مغرقة ليا ولدي فمصيبة وقاا تلة بااك وكتقولي شنو درتي .. مخلية مك تدعي فيك وتسخط عليك وكتقولي شنو درتي .. مكفااكش هاادشي

ليساء:( عينيها عمرو بالدموع تيزرات مزيان ) شكون نتي الآلة بااش ضربيني .. هااا شكون عطاك الحق تهزي عليا يديك .. ونكون كاع درت هادشي نتي مااالك ..

سمر 🙁 ضربات من ماماها وزادت جرات ليها حزام البينوار حتا تحل وحيداتو ليها ) المرة الجاية. الموسخة متبقاايش تلبسي حوايج سياادك .. واخر مرة ترفعي صوتك على ماما .. لسانك نقطعو ليك ..

.وصل عند باب لاكاب محلول وصوت الغواات التحت ضرب يدو مع الحيط وهبط كيجري فنفس الوقت تابعو نجم الدين وساجد .. غير وصل بانت ليه هكاك شبه عارية . طرطق عنقو بغضب وتمشى عندها يلاه غيهدر سمع صوت خوتو جاايين دغيا رجعها موراه سااترها .

ثائر:(بحدة) شنو كااديرو نتوما هنااا .. علاش حليتو هاد لاكااب وهبطو .. لتحت ..

سمر : هي اللي كانت كتغوت والميمة سمعاتها وجينا هنا.. خويا ديها البوليس. هي خاصها تقول داكشي اللي وقع . علاش مخبيها هاكا غير كتزيد تغرق رااسك ..

ثائر:( بالغوات ) طلعي بحاااالك نتي .. واخر مرة نشوفك هاابطة هناا ولا تنااقشي معاايا . طلعي براااا ..

الحاجة رحمة:( بهدوء) علاش مخبيها.. واش خاايف عليها .. راه اللي دار الدنب يستاهل العقوبة .. وهي خاصها تعااقب على اللي دارتو .. والسااكت على الحق شيطان اخرس احفيدي .

فردوس :(بحدة) هاد الشاايطة مانبغيش نشوفها مزاال هنا .. خرجوها علياا من دااري ولا ندير فيها ولا فيا شي مصيبة ..

ثائر:( حس بيها مزيرة ليه على التيشرت ) الميمة .. الواليدة ماتدخلوش فهادشي .. متخليونش نندم حيت طلعت عندكم تشوفوني.. طلعو بحالكم وديريو راسكم ماشفتوهاش .. نجم الدين دي الواليدة لبيتها فاش نلقى شي فرصة غنطلع حتا لعندك ونشرح ليك شنو كااين ..

الحاجة رحمة:( قربات عندو) عندااك احفيدي تحل قلبك وتحن .. ماتنسااش رأته بسببها نتا حاابس رااسك هنا ومقادرش تنفس على راحتك .. ويااك تخلي قلبك يغلب عقلك نبهتك ..

ثائر:(بقا وااقف وهي مخشية مورااه كتنفس بزز غير تسد الباب ضار عندها كانت بالسوتيانات والشورط .. واثر تصرفيقة مصور على وجهها ) علااش دقيتي عليهم .. اش طلعك الفوق واش مريضة فككرك الى شاافك شي واحد من الخدم غادي يبلغ علينا .. ديري عقلك ماحدك معايا ..

ليساء:( ببرود) فاش مالقيتكش قلت يمكن مشيتي وانا غنبقى بوحدي هنا . وهما غير شاافوني طارو عليا عائلتك كلها بحال هاكا كتخدم غير بالعصا ..

ثائر:( بهمس) والقطة المتوحشة خاافت تبقى بوحدها ..

ليساء: ماشي خفت غير ماابغيتش نبقى مزال هنا محبوسة بين أربعة الحيوط .. بغيت نخرج ونتنفس ..

ثائر:(هز البينوار لبسو ليها ونطق ) هنا محبوسة ولكن بلاصة آمنة . تما غتحبسي مع المجرمات وهما اللي غيحيدو من هاد الطيران واخر مرة طلعي الفوق .. نبهتك وهدرتي مانبغيهاش تعااود..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :51

واش بصاح هو مااا*ت ؟؟؟؟

ثائر:(هز عينيه كانت واقفة عليه ومركزة الشوفة فيه ) شكون هدا اللي كتسولي عليه ..

ليساء:(كتقوي نفسها) بابا ... حيت مابغاتش تدخل ليا رااسي باللي ديك الضربة غادي تق تلو ..

ثائر:(كيحااول يقرا عينيها) علاش ضربتيه شنو داار ليك .. قولي ليا خاصك تهدري هادشي غاادي يعاونا ... الى بغيتي تخرجي من هنا خاصك تقولي كلشي وماتخبي واالو ..

ليساء:( تفكرات كاع احدات ديك الليلة ) شنو خاصني نقول بالضبط .. انا ضربتو حيييت ..

ثائر:(وقف تقابل معاها) ضربتيه حيت اااش هددري واش دار ليك شي حاجة.. عنفك ضربك ..

ليساء:( بلعات ريقها) حيت بغا يطلق ماما ...

ثائر:(سخط ) بغا يطلق ماماك نتي ضربتيه .. واش كتبيدقيني ولا شنو هااا كيفاش حيت بغا يطلقها ازبي قولي شنو مخبية وااش تعدى عليك ..وباغية تستري عليه ..

ليساء :(عينيها حمارو) مااتهدرش عليا هاكا وحتا عليه .. انا سولت سؤال جااوب عليه ماشي تفتح ليا تحقيق هنا .. ماعندك ماتعرف علياا ..

ثائر:(شدها من درعانها دفعها مع الحيط ونطق وهو مغدد) ليسااء .. هادي أخر مرة غاادي نسولك حيت المرة الجاية مغااديش نعجبك.. واااش تعدى عليك داكشي علاش ضربتيه هدري خلااص مانصعرينيش ..هدري خلاااص وااش عاجبك الحال محبوسين هنا ..

ليساء 🙁 عضات على شفايفها ونطقات بصوت بااارد وعينيها خارجين فيه) اااه..هادشي اللي بغيتي تعرف .. هو بغا يتعدى عليا وانااا داافعت على رااسي .. وتيق بيا مانادماااش .. شفتي الى رجع بيا الزمن اللور غادي نديرها ونكررها وماغااديش نحس بدرة وحدة ديال الندم .. هو خسر صورتو فعيني هو مابقاش بابا .. ماعمرو كان ولا غيكون.. هو كااان غاادي يغتا*صبني واناا ضربتو حيت ..حيت كيستاااهل .. واي وااحد بغا يقرب ليا غاندير ليه نفس الحاجة وكتر ..

ثائر:( رخا منها وعينيه كيشوفو نضرتها كيفاش باردة عرف انه صدمتها قوية لدرجة مقدرااتش تخرج اللي فقلبها وكتهدر هاكا ..) تهدني .. ماوقع واالو دابا ...

ليساء:(دفعاتو بالجهد حتا اختل توازنو) نتهدن .. علاش يكما بنت ليك كنلوح فحواايجي انا مهدنة ومرتااحة .. وما خايفااش.. مكيهمنيش ندخل الحبس .. مكنحس بحتا شي دنب .. وعفاك بلاش ماتشفق عليا حيت ماوااقفااش عليها ..

ثائر:( عرف انه معصبة من حركة يديها اللي كيترعدو وعرف انه مابغاتش تبين ضعفها ) ليساء .. صافي نسااي ديري راسك ماقلتي ليا واالو. ..

ليساء:(بحدة) بغيت نسلم رااسي ... مابغيتش نبقا هرباانة .. تقدر تهرب نتا .. انا بغيت نمشي عند البوليس ونقولهم شنو درت .. ماعندي علااش نتخبى وهرباانة من النااس .. وانا متأكدة باللي غنلقا ماما برا .. وهي اكتر وااحد غيسااندني واخا تعياو تكدبو عليا تقتي فماما قوية وحتا هي كتيق فيا وفاش تعرف علاش درتها غاادي تسااندني ..

ثائر:( عينيه عليها) صبري شوية مابقاااش بزاف وغادي تخرجي .. بحاالك

ليسااء : وانااا مابغيتش نصبر .. بغيت نخرج داابا نيت بغيت نبان عاارفة النااس برا كلهم كيتهموني .. وعارفة الصحافة حتا هي كتهدر غير عليا .. عاارفة كاع العائلات كيتمنااو متكونش عندهم بنت بحاالي . عارفة باللي عائلتك الفوق كيكرهوني ومتهميني باللي انا سببك حتا محبوس هنا .. وحتا نتا كتكرهني .. وحتا انا كنكرهكم كااملين .. ونتا اكتر وااحد حيت مابغيتش تدخل سوق رااسك وتفرقني عليك .. حل ليا دااك الباااب .. ولا عندي طرقي الخااصة بااش نخرج ا ثائر ..

ثائر:( عطاها بالظهر وطلع فالدروج) غتبقاااي هنا نتي معارفااش شنو كتقولي .. وانا مغاديش ندير رااسي فيك .. تركني فبلااصتك فااش غنبغي انا غتخرجي من هنا وتغبري عليا وجهك المنحوس .. اللي مكرهتش امتا نمحيه من دااكرتي ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :52

معجباتهاش هدرتو معاها .. رجعات جوج خطوات الوراء قدام الطبلة ديال الماكلة .. كاان طاس كبير عامر بالقهوة هزات وضربات بيه مع الطبلة حتا تهرس وبقا قطعة منو فيديها كتشوف فيه بدم بارد ممسوقااش لنضرتو ليها نطقات وهي مروكة على الحروف ..

ليساء:( حاطة القطعة ديال الزاج على معصمها) غاادي تحل ليا البااب نخرج وانا حية ولا نتا بيديك غاادي تخرجني وانا م يتة.. يلاه قرر ماعندكش وقت بزااف سربي ..

ثائر:(جاي جهتها ) شنو كتبتزيني زعما .. والى ماحليتش شنو غاديري غضربي رااسك .. واخا دابا نيت وريني نيت جرأتك ..

ليساء:( ببرود غريب) مكنبتزكش كنقول غير اللي كااين ياا غتحل ليا البااب ياا الخبار فرااسك .. وانا مكنضحكش قلتها غاانديرها ..

ثائر:( عينيه على معصمها) لوحي داك الزبل من يديك .. الخواافة .. وااش انا كيدااار غير تخرجي فيا عينيك نبدا نترعد تركني بلاااصتك وماتخلينيش نصعر نصدق انا اللي مدوز عليك ودااافن اصل مك هنااا نيت ..

ليساء 🙁 تبسمت بهدوء) واخا.. مهلة تفكريك سااالات ... وانا قلت ليك غادي نخرج غادي نخرج بغيتي ولا كرهتي .. ماغادييش نزيد دقيقة فهااد لااكاااب .. ايوا تحمل مسؤوليتك.(غمزااتتو)

ثائر:(بعيد منها وعينيه كيتفحصوها كتبان كلها كترعد ماتقدر تأدي رااسها غير كتفرع ليه رااسو.. كمش حجباانو فااش شاافها دوزااات على معصمها بجهد حتا نقز دمها .. دغيا زرب كيجري عندها شدها من خصرها ) اشنو درتي ابنت القحبة . واش ماقدو فيل زاادوه فيلة بغيتي .. (هز ليها يديها كان جرحها غاارق وعينيها كيتقلبو .. ) ماتغيبيش غانديك الطبيب بقاااي معاايا .

ليسااء:( تبسمت) قلت ليك غنخرج هي غنخرج حية ولا ميتة ..ماشي مهم ..

هزها بين يديه وهو معصب طالع بيها فالدروج .. وصل عند الباب كان مسورت من نهار دخلو عندها طلب من سااجد يسد عليهم ويجي غير فوقت الماكلة .. عض على فكو معصب وهي بين يديه كتغيب ويديها كتقطر بال دم .. هز رجليه كيضرب فداك الباب ويغوت عليهم يسمعو ه . من حسن الحظ كاانو كاملين تم وقدرة يسمعو صوت غوااتو هبطو غيجريو غير حلو ليه الباب تصدمو من منضرو التيشرت ديالو الابيض تحول لونو الاحمر وهي بين يديه صفر ومعصمها مجروح ..

ساجد:(بصدمة) شكون دار ليها هادشي ونتا شنو نطلعك ازبي الفوق واش باغي تغرق .

ثائر :(ضرب من وزااد خاارج برا القصر .. ) يهدر معايا شي قوااد فيكم نحوي اصل مو تقودو كااملين ..

خرج برا غير وصل عند باب القصر حلو