••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :54

فغرفة كبيييرة كلها تلفازاات جاالس فكرسي كبيير ملكي .. لابس كلشي أسود والعكاز ديالي جنبو وابتسااامة عريضة على ثغرو وهو كيتفرج فهاد الشو اللي كينعشو .. هز التيليكونود من حداه طفاهم او وقف كيتمشا بأريحية وعينيه كيضحكو بشر .. قرب ناحية غرفة أخرى بدون استأدان دخل عليه كان متكي فوق فرااشو وعينيه مغمضين .. غير حس بحركة فالغرفة حل عينيه نيشان فيه .. ناض من مكانو تقلد بالجلسة..

عدنان:(بإستغراب) وااقعة شي حاجة موملفاش ليك تجي فهاد الوقت عندي ..

******: (بخبث) بغيت نوصل ليك اخبار الفرح والنصر ونشكرك حيت نتا سبب من اسباب انتصااري ..

عدنان:(بتركيز) شنو وااقع ..

*******:( دار رجل فوق رجل وحط يديه على الكرسي اللي جلس فيه ونطق بنبرة بااردة) تشدو فالحبس ... خرجوه من وسط داارو مكبل بالمينوط وديك العائلة اللي فخورين بيها مقدرااتش دير واالو زائد غيولي متهم فقضية اخرى وهادشي غيخليه يتعفن كتر فالحبس .. وبهاكا غادي نكون حققت انتقاامي من ثائر آل فخري

عدنان:(بخوف ) ليسااء حتا هي مشاات الحبس ...

******: مشات الصبيتااار .. ضربها ولا ضربات رااسها ماعرفتش ...

عدنان:(وقف كيترعد والخوف باين فعينيه) شرح ليا شنو طااري ليها كيفااش. ضربها ولا ضربات رااسهاا ..نهار الاول قلتي ليا غتجيب ليا ليسااء ودابا كتقول ضربها .. خاصني نمشي نشوفها ..

******:(بحدة) فين غتمشي واش مسوطي ليك شي عرق فالدماغ .. عارف شنو غيطرا الى خرجتي من هنا نتا اللي غادي تغرق ماشي هو ..

عدنان:(بالغوات) مكيهمنيييش نغرق ونتشد غير هي مايوقع ليها والو ... ودابا غادي تشوف شي طريقة بااش نمشي نشوفها ..

******: (بهدوء) جلس بلاااصتك .. ومترفعش صوتك مرا اخرى عليااا ..

عدنان:(كيشوف فيه بنضرة بااردة) كيفاش نجلس وااش دمااغك مقود فين غنجلس واقيلا قلت ليك بغيت نشوفها وغنشوفها سوا بغيتي سوا لااا مكنتشااورش معاااك اللسي المجهول.

******:( تبسم) بنتك بيخير متخاافش اوبس بغيت نقول معشوقتك بيخير الضربة مكانتش غارقة وموصلاتش العرق .. تهدن وجلس حتا نشوفو شي طريقة تخليك تشوفها وهي ماتعيقش. وحتا للي واقفين ليها عند راسها مايعيقوش .بيك ونتا فنضرهم شخص متوفي ..

عدنان:(ارتاح نسبيا ) خااصني نشوفها ضروري نمشي.. فكر فشي بلاان واخا غير خمسة ديال الدقائق المهم نطمن عليها.. والى قدرتي نتا تعااوني نجيبها هنا وتكون تحت عيني ..

*****:غادي نوجد كلشي ونعلمك ..وتصرف بعقلك .. بلا تهور .. تبت ورزن وانا غادي نلقا شي طريقة باش تدخل لداك الكلينيك واخا هادشي فيه مخااطرة كبيرة .. لينا ولكن غادي نغاامر معااك ونتمنى ماتحشمنيش ..

عدنان: غادي يدوز كلشي بيخير نتا غير سربي قبل مخرجوها من تما .. بغيت نكون انا اول وااحد يشوفها .. والى كان بصاح داك ثائر اللي ضربها غيولي العدو الرئيسي ديالي ويمكن كتر منك ..

******:(بمكر ) وهادشي اللي بغيت انااا ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :55

متكي برااسو على الحيط لابس غير سروال ديال الكيطمة والفوق عريان .. شعرو مشنتف .. والعرق ناازل مع جبينو .. حل عينيه الصقرية.. بنضرة حادة مرعبة .. كيشوف راسو فزنزانة بوحدو ضرب بيدو على الحيط .. حتا سمع صوت خطوات جااين باتجااهوو. مادار حتا شي ردة فعل بقا وااقف فبلاصتو .. وعينيه مركزين الشوفة فالشخص اللي واقف مقاابل معاه ....

الشرطي:(بحدة) تحرك قداامي غادي تدخل دابا عند الضابط ياخد اقواالك ..

ثائر:(كيشوف ببرود الشي اللي خلا الشرطي يتخلع ..ماهدرش زاد ساابقو وكتاافو عرااض والوشم اللي فدرااعو وااضح وضوح الشمس ..ومتكوب فيه اسم بالعبرية صعيب فهمو .. غمض عينيه فاش حس بالحارس كيركب ليه المينوط ماادار حتا شي ردة فعل كان باارد بحال الثلج .. تمشى ناحية مكتب الضابط ..

نجم الدين:( بغضب ) علااش داايرين ليه المينوط ازبي وااش غيهرب .. وااش وااكلين الخرا ..

الشرطي :(بحدة) الاوامر هما هادو ونتا اسيدي احترم المكان اللي راك ليه ولا غادي تدخل تونسو تما نيت

نجم غ:(صعر وهو كيشوف خوه مكتف وعينيه مغمضين) دخلني عندو يالاه شنو كتسناااا.. ديرها وشوف بشحال غادي طلع عليك ..

ساجد:( بحدة)نجم تهدن اصاحبي وااش باغي تزيد تغرق هادشي سكت وتحكم فأعصاابك اللي ماشي وقتهم داابا ( حول نضرو لثائر ) بيخير يااك .. ماتسوقش انا هنا وغاندير اللي فجهدي باش تخرج من هنا .

ثائر:(كيشوف ببرود) شنو وقع ليها.. واش هي بيخير ..

ساجد:(زفر بغيض ) بيخير ماتفكرش فيها فكر غير فرااسك ... دخل دابا عطيهم اقوالك غتلقى المحامي تما ديجا شرحنا ليه كلشي ...

ثائر:(بهدوء) ماتشطنوش عليا انا بيخير طمن الواليدة وقول ليها ولدك مغااديش يطول هنااا وقريب غيكون حدااك ....

دخل بلاما يتسنى جواابو .. وقف قدام الضابط والمحامي اللي كان جاالس الضابط عطا إشارة الشرطي بااش يحيد ليه المينوط .. وجلس مقاابل معاه .

الضابط:(بهدوء) شنو كتقول فهادشي اللي منسوب ليك ..

ثائر : (ببرود) شنو اللي منسوب ليا ..

الضابط:( بحدة) جااوب على السؤال شنو علاقتك بالضحية عدنان الإدريسي وعلاش كنتي فداارو ديك الليلة.

ثائر: (بنبرة بااردة) مسألة خااصة...

الضابط: هادشي اللي كادير غير كيزيد يغرقك ... كتر مانتا غاارق القضية لابسااك نتا وديك البنت اللي قريب غتلتحق بيك ..

ثائر:(تبسم) ممكن تجمعوني بيها فزنزانة وحدة

المحامي:(بتلعتم)السير آل فخري .. هاد البرود ماشي فصالحك جاوب على هدرة الضابط ..

الضابط:علاش مشيتي لداارو فداك الوقت المتأخر من الليل ..

ثائر:( تفكر هدرتها) عيطات ليا ومشيت لعندها ..

الضابط: ماشي عيطات ل بنت عمك ..

ثائر:(بسخط) اممم وانا اللي جاوبت ماشي بنت عمي ..

الضابط: شنو قاالت ليك فالتليفون...

ثائر:( ببرود) استنجدت بياا وانا مشيت .......

الضابط:اشمن نوع ديال الاستنجاد هدا السي ثائر هدر بوضوح ... حتا انا بغيت نعاونك لدالك عااوني وقول شنو كااين ..

ثائر: (تبت نضرو فالضابط ونطق ) غنقول واي كلمة قلتها محسوبة عليااا تبرئني تزيد تهمتي نتا سجلها عندك ...

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :56

حلات عينيها بتقالة فمها بيض ولونها ولا صفر من كترة ماخسرت الدم ... كانت متسطحة فوق سريرها .. بلبااس المستشفى .. ماداوية مامكلمة ... دورات وجهها ناحية الباب فاش سمعاتو تحل بان ليها طبيب جاي بإتجاهها اللشي اللي خلاها دور وجهها للجهة اللتانية بدون ماتسوق ليه .. اما هو غير سد البااب تمشى نيشان حتا وصل عندها زول نضاضرو .. وحيد الكماامةة.. عاد نطق ..

عدنان:(بنبرة حنونة) ليساااء .. واش نتي بيخير .. شكون دار فيك هاد الحاالة شكون وصلك هنااا ..

ليساء 🙁 ودنيها صفرو من الصوت اللي سمعات دورات وجهها بزربة وعينيها خارجين ) بااقي عاايش .. علاش بقيتي مخبي فين كنتي وشنو هادشي وااقع ا بابا علاااش قالو ليا راك متي علاش كنتي مخبي وخليتيني محبوسة بوحدي ابابا ..

عدنان:(شد ليها وجهها بين يديه ونطق ) ليسااء ... غادي نهربك من هنا .. وغانديك معايا .. متختافيش عدنااان هنا وماعمري غادي نخليك بوحدك سمحلي ليا الى ضريتك ..

ليساء :(بلهفة) وااش شافتك ماما غتكون مريضة ومفقوسة عفااك طمنها عليك وخرج برا قولهم شنو كااين راه ماشي بوحدي اللي فخطر حتا هو. ( تفكرت ثائر) هو غيكون مشدود خااصك تبان باش تبرئو .. هو عااوني وخبااني عندو ..

عدنان:(بحدة) مكيهمنيش ومابغيتش شي حد يعرفني عاايش المهم نتي عارفااني .. متفكريش فشي وااحد الليوم بالليل غادي تخرجي من هنا وغتكملي حيااتك معايا وحدايا ..

ليساء:( بخوف) وااش عارف شنو كتقول بابا انا بنتك .. مابغيتش نتفكر شنو طرا حتا وصلت هنا مابغيتش نلومك .. الله يخليك الى كتبغيني وكتعزني خرج بان النااس ومتبقااش مخبي ..

عدنان:( باس ليها جبينها) أي حاجة قلتها ليك كانت حقيقية ومشااعري ليك صاادقين .. اناا مهووس بيك وكنبغيك .. وماعمري كنت باك ولاا اعتبرتك بنتي .. ديما كنتي حبيبة قلبي... على هادشي مانبغيش نسمع منك كلمة بابا ماتخلينش نتقلق منك .. (بنضرة شريرة) الى هدرتي ولا نطقتي حتا شي واحد مغادي يتيق بيك وغتصدقي نتي الوحيدة الخااسرة .. على هادشي سكتي وتسنااي بالليل غنجيو نديوك من هنا وغتنسااي عليا شي حاجة سميتها فريال ولا ديك العائلة اللي دمرااتنا ..وااش كلاامي وااضح ا ليساااء ..

ليساء 🙁 اللسان باش تهدر تربط .. دقات قلبها تساارعو .. افكار تديها وتجيبها .. نزلات دمعة حاارة من عينيها دغيا مسحاتها حيت من طبعها ماكتبغيش تبين ضعفها لشي واحد .. ) نتاا إنساان مريض .. نتا مستحيل تكون بابا اش كتخرربق رااه مشاعرك ليا حرااام وااش نتا يهو//دي ابابا وااش مكتفكرش فالله مكتفكرش فالنااس ماما انا .. كيفاش عطيتي لرااسك الحق تشوف فيا شي شوفة خاايبة .. وااش انا كنت كنتحامى بيك دابا غنولي نخااف منك فين قلبك فين ضميرك انااا رااه ليسااء بنتك. .. اللي ولدتي كيفاش جااي تقولي دابا كتبغيني وباغي نكون معاك فيييق .. حل عينيك وشوف شنو كاادير الى كان شي وااحد دمرني رااه نتا ابابا ..

عدنان:( زاد قرب.منها كتر حتا مابقا كيفصل بيناتهم واالو ونطق وهو مورك على مخارج الحروف ) أناااا مماااشيي باااك دخليها لرااسك .. ماعمري كنت ولا غنكون الاب ديالك .. نتي مااشي بنتي .. نتي البنت اللي سرقات قلبي .. نتي النفس اللي كيطلع ويهبط فصدري نتي الروح اللي كتمشي وتجي فجسمي . نتي مااشي بنتي ماااشي بنتي ..

ليساء 🙁 تبسمت بمرارة) وحتا نتا مااشي باا مايشرفنيش وااحد بحاالك يكون بابا .. وااحد كيشوف فبنتو بشهوة ماعمرو غادي يكون بابا .. سير فحاالك سير هرب وغير وجهك .. الحبس أهون ليا من أنه نمشي معااك لشي بلاصة .. مستعدة ندوز عمري كاامل فالحبس. ومانعيش معااك ولو تاانية .. براااا اعدنااان برااااا.

•نـــــــٌبّـــــــضــــــــــــــــ آلَريـــــــّــفــــــيـــــــّــ••

�أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية�

بقلمي :Imane El Qassimi

الجزء :57

كتهدر بحرقة ماحسش بيها هو ... كانو المشاعر ديالو والهوس غالبين عليه مأتراتش فيه هدرتها بل زاادت خلاتو يبغيها كتر هو اللي خلا منها انسانة قوية ومتبينش مشاعرها بااردة بحال الثلج .. قوية حتا حد وحتا حاجة ماتهرسها مافكرش باللي كيفما صنع منها القوة فلحضة حطمها وكسر كياانها .. وركاتت على البوطون اللي حداها كتستنجد باللي برا الشي اللي خلاه يتخلع .. عض على فكو بغضب بقا فيديه حل وااحد هز كوعو ونزل عليه بيها الرااس حتا غيباات بسرعة منو مشا لجهة الحمام يتخبى قبل مايشوفو شي وااحد .. فتوااني دخلات الممرضة لقات ها غاايبة .. قاست ليها النبض ديالها واطمنت عليها من بعد خرجات وهي مارداش البال العينين الماكرين اللي حاضينها... خرج من مخبأو. دار الكمامة ونضاضرو تبسم بهدوء ونطق ..

عدنان:(نطق بهستيرية)قريب غتكوني فدااري مابقااش بزااف ليك وتولي دياالي ..

رجع كمامتو والنضارات ديالو ودار خاارج منين رجع طلااقا بالبوليس اللي شادين الحراسة اوما ليهم بالإيجاب ومشا منين .. فطريقو تسااطح مع شي وااحد ومعارش الموضوع أهمية كمل فطريقو . مخليها جسد بلا روح .. وصل قدام لومبيلونص اللي جابتو ركب وانطاالقو ..

~~~~~~~~~

بغيت نعرف الحالة الصحية ديالها .. واش تسمح ليها تمشي حيت خاصها تدلي بالاقوال ديالها ..

الطبيب : حاليا مزيانة .. تقدر تمشي من دابا انا نعمر ليها أوراق الخروج وفأي لحظة تقدرو تخرجوها .

الضابط 🙁 بهدوء) واخا.. الى كان ممكن دابا ماعنديش الوقت وخاصنا نتحركو مابغيتش يوقع شي هرج برااا

دازت ساعة تقريبا .. دخلو عندها الاطباء فيقوها فحصوها وهي غير سااهية مكتنطق بحتا شي كلمة .. عاونتنا الممرضة توقف .. لبساتها كيطمة مع سبادري فالأسود .. دخل عندها الضابط .. وقف. حداها مدات ليه يديها .. بلاما تهز فيه راسها .. ركب ليها المينوط وشدها من دراعها تحت أنضار كاع النااس اللي كاانو تمااا .. كانت كتشوف غير قدامها واصوات الناس والهدرة عليها بحال سكاكين كتغرس فقلبها ..

****: شفتي هادي هي المسخوطة اللي قت لات باااها ..

*****: بنت الحرام على قبل الصاحب خرجات على عائلتها ..

******: حصلها معاه معاه فالفراش وضربااتو باش تستر على راسها ...

كلام كان قااصح .. وقدر يقيصها الداااخل . ولكن مأترش فوجهها اللي كان كيباان صاامد وممسوقش .. بانت ليها من وسط النااس .. للحضة حساات بالامان .. عرفات انه ماماها غادي تحررها .. تبسمت بهدوء فاش شاافتها جااية .. عندها .. يلاه فتحت فمها باش تهدر حتا جاتها تصرفيقة غيبااتها على العالم الخارجي .. ضربة فيقتها وعرفتها فين كااينة .

ليساء:( بهلع) ماما .. ماتيقيش بيهم .. انا ماادرت واالو .

فريال:(بحدة) سكتتتتي ماانسمعش حسسك وااش باااقي عندك الوجه بااش تهدري اللقيطة .. بااقي باغا دافعي على رااسك .. دمرتي ليا دااري ..قتليته وماحنيتيش فيه ..

ليساء :(كتحرك راسها بهتيسرية) لا لا لالاااا مادرتهااش نتي ماعاارفاااش نتي حكمتي علياا بحاللهم كااملين نتي ماعرفتيش شنو وقع ديك الليلة هو راااه كاان بغاا..

فريال:(مخلاتهاش تكمل دغيا هبطات عليها بطرشة اخرى خلاتها تحبس النفس فيها .. وماتزيد تنطق بحتا شي كلمة ) ماتجبديهش على فمك الموسخ ماتهدريش عليه كاان كيبغيك وكيتسطى عليك كنتي نطفة من قلبو .. ماعمرو بغا ليك الأدية ونتي بااش جازيتيه كاديري الحرااام فدااارو .. عرفتي شنو ا ليساااء .. كنوااعدك وعد أم تخدلاات وتغدراات من بنتها باللي غنبقا وااقفة حتا نهار ندخلك الحبس . وتعفني فيه نتي وداأك الحيوان اللي كنتي مدخلة لداري او وسط فراااشي .. الله ينزل عليك اللعنة . الشيطااانة ..أكتر حاجة ندمت عليها هي رجعتك بنت وهزيتك من الوسخ ودخلتك داااري .. ونتي طعنتيني فضهري ....

••نـــــــٌبّـــــــضــــــــــــــــ آلَريـــــــّــفــــــيـــــــّــ••

�أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية�

بقلمي :Imane El Qassimi

الجزء :58

مااااما .. عفاااك ماتعطينيش حتا نتي بالضهر .. انا قوية غير بيك بااش نتي تيقيني .. هو رااه بااقي حي تيقي فيااا .... راااه!!!!!!

هشام:(جر ختو مابغاهاش تهدر معاها ونطق مع البوليسي ) ديرو خدمتكم وديوها من هنااا ... ..

جارها البوليسي ناحية السطافيط اللي كتركب فيها حتا تكب عليهم موكب من الصحافة بأسئلتهم المعتاادة ..

*****: واش هاد الهدرة بصااح .. نتي ق تلتيه .. على قبل عشيقك .. على قبل رفضو لعلاقتكم .. ولا حيت حصلكم ففراشو ..

ليساء:(هزات عينيها فيها مخافيااش عليها بلعات ريقها ونطقات) تقدري تسولي ولد عمك يجاوبك حسن مني ..

شمس:(بحدة) انا هنا صحاافية كنمارس المهنة ديالي بكل حرية ..

مخلاوهاش تجاوب دغيا طارو بيها السطافيط غير ركبو كسيرااو مخلين الناس متبعين ليهم العين . اما هي فرجعات جهة الكاميرامان ديالها وعقلها كيدي ويجيب بسرعة مشات عند امها غفلاتها بسؤالها ..

شمس: علااش متيقيتش بنتك .. واش عندك شي شك انه تقدر ديرها ...

فرياال: الدلائل كاملها ضدها وهادشي كاافي انه نتاهمها وعفاك متبقاوش تسولوني شي حاجة نهار المحاكمة غتعرفو كلشي .. انا ماعنديش شي بنت وماعمر كرشي حملات من قبل ..

مشات وخلاتها واقفة فبلاصتها لوهلة حطات راسها فبلاصة ليساء .. نفات افكارها ومشات جهة سيارتها يلاه غتركب حتا وقف عليها.

نجم الدين:(مخنزر ) شنو كاديري هناا...

شمس:(ببرود ) واش من نيتك راني خدامة والقناة ديالي هادي فالعادي نكون هنا انجم الدين ...

نجم الدين:( بحدة) يلاه نمشيو ... وهادشي غنتفاهمو عليه فالدار ماشي هنااا ..

شمس:(قرنات حواجبها ) واش حمق نتاا .. علاش غنتفااهمو انا ماشي طفلة صغيرة تهدر معايا هاكا ومتجاوزش حدودك معايا ...(تفكرات شي حاجة) نجم الدين البنت قالت باللي هو باقي حي. كانت بغات تقول شي حاجة وهما حبسوها. مخلاهاش داك الراجل تكمل ..

نجم الدين:(بتركيز ) شنو قاالت بالضبط ...

شمس:(بجدية)قالت ليها ماما هو رااه بااقي حي تيقي فيا هوو رااه!!!!! يكون جا لعندها .... ومخلاوهاش تهدر ..

نجم الدين: كيفاش غيجي عندها والمكان داير بالبوليس . مكنضنش.. مهم سيري الدار دابا انا غنمشي عند ثائر.. كنحاول ناخد ليه سراح مؤقت ...

شمس:(حلات بااب الطومويبل) باش ما كان علمني .. والى قدرتي تدخل عندها وسولها انا متأكدة باللي كانت غتقول شي حاجة وتراجعت .. واكيد مهمة ..

~~~~~~~

الضابط:( ببرود ) الزيارة ممنوعة وحتا شي واحد مايقدر يدخل عندها من غير المحامي ديالها وبتصريح من النيابة العامة .. القضية ماشي ساهلة .. ونتوما قراب بزاف المتهم دخولكم ممنوع السي نجم الدين..

نجم الدين:( بغضب) واخا كاين محامي ديالها انا غنوكلو ليها .. يقدر يدخل عندها اسيدي ..

الضابط : معلوم يقدر يدخل ... غير هو كيفما قلت خاصكم تصريح من النيابة العامة عاد يدخل .. وبالنسبة لقضية سراح مؤقت غير كضيعو فالوقت مكنضنش المحكمة تعطيكم السراح حاليا وباقي ماالقااوش الجتة ديال الإدريسي...

نجم الدين:المحامي ديال العائلة سليمان الصفريوي هو اللي غيتكلف بالدفاع عليهم بجوج ثائر وليسااء .. هو اللي غيدخل عندها ويناقش معاها القضية .. قبل مايبدا التحقيق السي الضابط...

الضابط:تماام عندو 10 دقايق لا غير وافقت غير حيت محامي اما راه مانعين الزيارات من هاد النوع ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

�أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية�

بقلمي :Imane El Qassimi

الجزء :59

متكية فالارض موسدة يديها ... عينيها محلولين على وسعهم ... وجهها شااهب ونضرة عيونها غريبة وبااردة وكأنها ماحااساش بشنو ضااير بيها .. بقات على حالها واخا تحل الباب والشخص اللي دخل بقا واقف قبالتها توااني عاد نطق ..

سليمان:(بهدوء) خاصنا نهدرو .. وهاد السكات اللي فيه مغاديش ينفع بشي حاجة... توݣضي شوية وعطيني خو جواابي ..

ليساء:(وقفات كتعكز بشوية بقات جالسة فالارض .. وهزات عينيها فيها ونطقات بنبرة مرعبة) غادي تيق بيا الى قلت ليك ما قت لتوش .. انا غير داافعت على رااسي وبس .. ولا حتا نتا غاتزيدني شي تهمة اخرى ..

سليمان:(بجدية) انا المحامي ديالك ومهمتي نبين برائتك دابا عاودي ليا كلشي من الاول حتا الاخير .. عاودي ليا على علاقتك معاااه ..

ليساء:(ببرود) وهادشي فاش غادي ينفعنا .. وانا متهمة وحتا شي واحد ماباغي يتيق بيا .. وحتا هو غاابر ومغاديش تلقااوه واخا تقلبو عليه ..

سليمان:غينفع بزاف نتي مغاديش تخسري شي حاجة غير عاودي ليااا ..

ليسااء:(تبسمت) خسرت كلشي .. (هزات عينيها فيه بنضرة غريبة وبدات كتعاود ليه كلشي من اول نهار عقلات عليه فحياتها حتا لنهار وقعات الواقعة .. غير كملات سكتات لتوااني وهي تقول جملة تقدر تبدل كلشي ) جا عندي الكلينيك .. قاليا باللي غيااخدني والى قلتها البوليس غنبقا حياتي كلها هنا وهو كيعيش حر ..

سليمان:(بتركيز) هادشي غادي يعاونا بزااف نقدر نعرف بالضبط الساعة اللي جا فيها عندك ...

ليسااء:(ببرود) البارح قبل مانجي هنا بشي ساعة تقريبا ..

سليمان:( بجدية) سمعي هاد الهدرة. كلها اللي قلتي ليا غاادي تزيدي عليها جملة وحدة فقط جملة وحدة ..وهي علاقتك مع ثائر ..هي علااقة حب ونتوما مخطوبين وعيطي ليه بااش يعتقك حيت باك بغا يتعدى عليك.. هادشي اللي تقولي ..نتي خطيبة ثائر آل فخري وكنت كتوجدو لعرسكم مورا العيد ..

ليسااء:(كمشات حواجبها) واش حماقيتي كيفاش غنقول شي حاجة مكايناش . ميمكنش هادشي مستحيل نقولها مستحيل .. علاقتي بداك الشخص اللي فرض راسو فحيااتي ودخل ليها بلا موعد. . غتساالي نهار نساااليو من هاد الدراما ..

سليمان:(كيحااول ينقعها) مغاديش نعاود هدرتي جوج مرات .. غتقولي اللي وصيت عليه بالحرف الواحد هادشي لمصلحتكم بجوج متنساايش مع قضية الق تل كاينة الزنا وحتا هي عندها عقوبتها داكشي علاش خااصك تقولي هادشي اللي قلت ليك وبس .. واحد الشوية غيخرجوك يحققو معاك ويااك تغلطي فشي معلومة ..

ليساء:(رجعات تكات بلاصتها بلاما تجاوبو بشي كلمة )

اما هو غير شافها هكاك عرف راسها قاصح والتعامل معاها غيكون صعيب .. خرج من تما وتوجه عند نجم الدين وساجد اللي كانو كيتسنااوه برا ..

ساجد:( بتساؤول) غتواافق شنو قااالت ..

سليمان:كنضن غتوافق غير هو عندي ليكم واحد المعلومة غادي تعاونا بزاااف ...

نجم الدين:( مركز معاه) شنو أعمي .. واش قالت شي حاجة..

سليمان:(تبسم) اه قالت باللي جا عندها .. فالكلينيك وشافتو وهدرات معاه ونتوما خاصكم ضروري تلقاو تسجيل الكاميرات اللي يبين باللي فعلا جا ويبين باللي هو بااقي حي ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

�أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية�

بقلمي :Imane El Qassimi

الجزء :60

خرجات من بيتها والطيليفون فيديها .. مشات نيشان الصالون.. لقات العائلة جالسين تما وباين عليهم على أعصابهم .. جلسات جنب شمس .. مانطقات بحتا شي كلمة .. مرة مرة كتشعل التيلي وتشوف واش وصلاتها شي حاجة...

شمس:(مبتسمة) انشالله غيلقااو