••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :32

••••قصر آل فخري ••••

كانو كاملين فاايقين .. الطبلة ديال الفطور وااجدة العائلة كاملة مجموعين ...من غير ثائر اللي مزاال مااوصلش .. كانو فرحانين .. وعايشين الجو العائلي ديالهم كيف ديما ..

فردوس :(بقلق ) ماهدرتوش مع ثائر شفتو تعطل البارح خرج مزروب موصلتش ليه باش نسولو مولف ليلة العيد كيدوزها معانااا..

ياسين:( بهدوء ) رااكي عاارفة ولدك مكيبغيش اللي يسول فيه ..غير صبري شوية غيبان ليك جااي على ..

رجعو مكملين فطورهم حتا جات وحدة من الخدم ..وقفات حدا فردوس ويااسين..

فردوس :(بتساؤول) شنو كااين علاش واقفة علينا ..

الخدامة: البوليس برا القصر الآلة . وكيسولو على السي ثائر ..

فردوس :(وقفات ونطقات بخوف) علاش غيجيو البوليس يسولو عليه شنو غيكون وااقع لولدي..

نجم الدين:(كيحاول.يهدنهم) تهدني الواليدة ماوااقع والو غير شي حاجة بسيطة دابا غنشوفو ..

خرجو كاملين برا عند البوابة ديال القصر كاانت سيارة ديال البوليس ... تقدمات العائلة كااملة .. والخوف كيتسلل لعقولهم ..

ياسين:(بهدوء ) نقدر نعرف علاش كتسولو على ولدي ثائر واش وااقع شي مشكل ...

البوليسي : عندنا بلاغ ضد الابن ديالكم ثائر آل فخري.. بتهمة الق *تل .. هو والعشيقة ديالو ..وإخفاء الجتة .. والفرار من العدالة ..

ساجد:( بصدمة) تاتش كتخور نتاا اشمن ق تل ولا زبي وااش مرااض فككركم .. ولا شنو

البوليس :(بحدة) احترم راسك اسيدي حنا هنا كانديرو خدمتنا .. وكاين شهود حضرو الجريمة .. وشاافو الاخ ديالك مهرب صاحبتو ولا مرتو .. ورجالو هزو الضحية..

فردوس 🙁 كتغوت ) اويلي على مرتو كيفاش وااش تسيطتو غتكونو غالطين ولدي ميمكنش يق تل ولدي راه باايت فداارو ومستحيل يديرها غتكونو غير غاالطين ..

االبوليسي غير سمع هدرتها..دار إشارة االلي معاه بااش يمشيو الدار ديال ثائر ويلقيو عليه القبض ..

نجم الدين:(هز التيلي ديالو مدوزو الخط ) جاااوب المررض جاااوب .. اشمن مشكل طحتي فيه القلاااوي ... جاااوب ...

~~~~~~~~

دخل لبيتها لقاها نااعسة جرها بعنف حتا قفزات تبسم ينكر ونطق

ثائر:(عينيه عليها) يلاه البرهووشة غانديك فين ترباااي ..

غادي خاارج حتا وقفو صوت التيلفون فبيتو جرها معاه وهز التيلي عرف رااسو زبلها مع عائلتو وغتكون ماماه مقلقة ..

ثائر: عاارف رااسي غاالط شوية وغنجي غير نقدي واحد البلان ..

نجم الدين:(بالغوااات) هرب ازبي خرج من ديك الداار البوليس جااين ليك .. متباانش غبر حتا نلقا شي حل .

ثائر:(,كيستوعب ) فين غنهرب .. واش باقي شاد فيك الصياام ..

نجم الدين:(مغدد عليه ) والقلاوووي راه شي حد ديكلاارا بيك نتا وشي قحبة باللي قت لتو شي واحد وخفيتو الجتة دياالو ..

ثائر:(غمض عينيه كااره .. عارف رااسو طاح فمشكل خاايب وخاصو يتصرف قبل .. جبدها من دراعها لابسة سروال بيجامتها وتيشرت ديالو واصل ليها حد الفخااض وجا خاارج جهة باب الفيلا .

ليساء :(بنبرة حادة) طلاااق مني فين غاادي بيا المرض .. واش حماقيتي الخرااا طلق مني ..

ثائر:(وصل عند الباب بانت ليه الطومبيل ديال البوليس وقفاتت برا خبط رجلو مع الارض بغضب .. ورجع كيجري وهي لاصقة .. هبط لتحت فالدروج اللي كيديو لاكااب.. دخل لواحد القنت مظلم دفعها على الحيط ولصق معاها سد ليها فمها بيديه باش ماديرش شي حركة ..صدرو كان كيطلع ويهبط .. كيحااول يكالمي رااسو خاايف تجيه نوبة الهلع خصوصا فها الوقت ..عينيه كانو مركزين الشوفة فعينيها ... عض على شفايفو بااش ميتسمعش صوت انفااسو ... .)

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :33

ليساء:(حطات يديها على كرشو .. كتحاول دفعو اللشي اللي خلاه يدو يدو على خصرها ويزير عليها .. عض على شفايفو بغضب وزير على خصرها بيديه حتا حس بأنينها الخاافت..

ثائر:(بهمس) شوووو مانسمعش حسك سكتي ماتهدريش ..

ليساء:(حركات راسها بالإيجاب ..وقطعات الحس بقا حاطة يديها على كرشو مكمشة عليهم .. ..

~~~~~~~~~~~~

ساجد ونجم الدين كنان وغيت خرجو كااملين باش يلقاو شي حل ويعرفو شنو كاان تفرقو ساجد وكنان مشااو الكوميسارية .. وغيث ونجم الدين مشاو الفيلا ديال ثائر باش يشوفو شي طريقة يخرجوه منها ويغبروه فها الفترة ....

دخلو الكوميسارية.. مشا نيشان عند مكتب الظابط ...غير عطاو الادن دخل عندهم ..

ساجد:(بلا مقدمات ) نقدر نعرف شنو هي التهمة المنسوبة لولد خالي ثائر آل فخري..

الظابط :(هز ليه عينيه ونطق بهدوء) الق**تل .. العمد مع سابق الاصرار والترصد .. اخفاء الجتة .. الزنا والفسااد .. ومن الاحسن يقدم راسو النيابة العامة ولا غيزيد يغرق كتر ..

ساجد: (ساط بغضب)كاين شي دليل على هادشي ولا دااوين من فراغ .. هادي تهمة خطيرة وخاصني نتأكد من الدلائل اللي كتخلي ثائر يكون المتهم الرئيسي فيها..

الظابط : (بهدوء)السي الصفريوي.. كنضن ماشي غير غنوضو نتهاموه كون مكاانوش أدلة .. المتهم خاصو يسلم رااسو هو والبنت اللي معاه ..

ساجد: (بغضب)شكون هاد الشخص اللي متهمينو فالق *تل ديالو ..

الظابط : الأب ديالها .. ثائر آل فخري هو والبنت اللي معاه ق ت لو الاب ديالها حيت لقاهم فوضع مخل الحياء .. زربانين محتاارموش حتا حد باغين غير امتا يماارسو الوسخ .

كنان:(,بغضب ) احترم رااسك .. ماعندكش الحق تهدر على خويا بهاد الاسلوب ..

الظابط 🙁 بنبرة حادة) انا ظابط وانا اللي شاد القضية .

كنان: كون اللي بغيتي .. كنهدر دابا على الاحترام ... والمتهم بريئ حتا تتبت إدانته ونتا ماعندكش الحق تهدر عليه بأسلوب مهين ليه مغااديش نسمح ليك ..

الضابط : ( بحدة ) أخر انذار الى كنتو عاارفين المتهم فين كااين قولو ليه يسلم راسو حيت الهروب غادي غير يزيد يورطو أكتر من هاكا .. وانا راه غاادي نلقااه .. غنلقااه ..

ساجد: نقدر نعرف الاسم ديال الشخص اللي قلتو ما*ت ..

الضابط : المحامي عدنان الإدريسي ..

~~~~~~~~~

كانت واقفة فالكوزينة كتوجد الغدا بغات تغدا معاهم هاد النهار ومن بعد غترجع للرباط ما تمم اجرائات الطلاق .. طاح الكاس من يديها فاش سمعات خوها عيط عليها بالجهد ..مشات متجري عندو كاان مخرج عينو فالجريدة ..والصدمة بااينة على وجهو ..

فريال:( بخوف ) ياك لباس اخويا شنو وااقع على عيطي عليا ..ومال وجهك صفر والدم مقطوع منو ..

هشام : وااش عاارفة شنو طااري ولا فدار غفللون هاااا شنو قلت ليك يااك نبهتك ونبهتك وقلت ليك مادخللليش ولااد الحرااام لداارك .. متأمنييش لوحدة مولديتهاااش ..قلتها ولا لااا هدري وااااش قلتها ليك

فريال:(الخوف تمكن منها) شنو وااقع علااش كتقول ليا هادشي دابا مالها شنو داارت ..

هشام :(لاح ليها الجريدة على وجهها) ق تلااتو... وغبراتو وهربااات هي وصااحبها .. حيت حصلهم كيزنيو فدااارو .. حيت حصل بنت الحرااام مدخلة صاحبها لداارك .. ..قرااااي شوفي ديك اللي كتقولي عليها بنتك زرااتك فداارك دمرااتت ليك عاائلتك

فريال:(ودنيها كيصفرو هزات الجريدة ويديها كيترعدو كانت كتقرا بصوت متقطع ) جريمة ق *تل بشعة تهز مدينة الرباط .. راح ضحيتها المحامي عدنان الإدريسي..ودالك بسبب دخلوه على ابنته برفقة عشيقها فبيتهم .. (لاحت الجريدة) مايمكنش .. ليساء ماديرهااش ماتقدرش تأديه هو راه باباها .. كاين شي غلط بنتي ماديرهااش ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :34

هو شنو ؛!!!!! واااش نتي مريضة مزااال مغتفيقيش .. رااجلك حصل البنت اللي حاسبها بنتو مع صااحبها . وهي بااش تسلك قت لااتو وفااش شافت راسها حصلات هربو وغبرو الجتة .. حيت السيد اللي كاان معاها يدو واااصلة وقدر يهربها ويغبرو عدنااان فييقي شوية توݣضي ..

فريال: ( مصدومة ماقادراش تستوعب هادشي .. حااسة بالدنيا كاضور بيها ... دماغها تبلوكا .. رجليها فشلو عليها .. الوقفة جاتها صعيبة ... هزات عينيها الفوق كتشوف الدار كاملة كادور بيها صوت وغوات خوها مابقاتش كتقدر تفسرو .. ماعقلااتش حتا جاات طايحة الارض مغيبة ...

هشام : سارة أجيو عااونوني نديها الطبيب .. الله يااخد فيك الحق ابنت الحرام خرجتي على العائلة سترااتك دمرتيها دمرتي ليهم حيااتهم الله يااخد فيك الحق الله يعطيك ال مو ت ..

~~~~~~~~~

باقين على حاالهم .. رجليهم عيااو بالوقفة .. هو تزير ولا حاس بالدوخة سااعتين وهو وااقف مكااليها فنفس البلاصة .. حيد يديه من فمها اللي تنملات عليه ومبقااش حااس بيها .. حنا عينيه فيها ناايمين .. حاس بالخنقة .. قلبو كيضرب بجهد .. دوز لسانو على شفايفو كيرطب فيهم ريقو نشف .. عينيه كيتسدو بوحدهم .. يديه توقفو على الحركة .. هادشي كامل كان تحت انضارها .. بزربة بدات كتحل ليه صداايف القميجة اللي لابس حتا باان صدرو قدامها .. شدات وجهو بين يديها مقابل مع وجهها ..

ليساء :(كتهدن فيه) ماشي وقتها دابا عفااك قوي رااسك خليك معايا .. متخاافش ..مغادي يوقع والو .غنخرجو من هنا . فكر فشي بنت صغيرة عينيها زرقين بحال عينيك .. لونها بيض بحال الحليب شعرها رطب وطويل .. ولونو دهبي بحال شعرك .. فمها صغير وحمر بحال فمك .. تكون قطعة منك .. تخيل تكون بنتك معاك وتقولك بابا رتاااح اناا الملاك ديالك .. انا نبض قلبك .. عفاااك فكر ف نور بنتك سميتها نور . وهي اللي غتنور حيااتك .. (حنا راسها كتشوف فيديه كترخى تدريجيا تنهدات براحة وجراتو. عندها معنقااه ) رتاح نور فقلبك ...

ثائر:(حاط راسو فوق كتفها ويديه مرخيين فالارض كيتنهد بصوت مسموع كتعااود فدمااغو غير كلمة وحدة نور نور نور ) نور فقلبي ..

كانو خطوات هابطين فالدروج ديال لااكاااب .. خلاوها تخلع وتخااف وحتا كان مزال مارجعش الوعي ديالو تدريجيا قفزات فاش سمعاتهم كيعيطو باالاسم ديالو ..

نجم الدين:( بصوت شي عالي ) ثائر فينك واااش كااين هنااا خرج غير انا .. البوليس مشااو ولكن يقدرو يبانو فاي لحظة .. خااصك تخرج دابا

غيث : واااش كااين شي حد هناااا ..

تلفتو بجوج فدقة فاش سمعو صوت انين رجالي .. مشاو لمكان الصوت كاان شبه غاايب واقف مع الحيط وهي لاصقة فيه بحال القملة مكتباانش .. دغيا جروه وعرفو باللي النوبة جااتو دابا وهو معااقل على والو ..

نجم الدين: غنخرجو من الباب اللورااني ..

غيث : واخا الطومبيل كاينة تما جي نهزوه بجوج ..

نجم الدين: (هو عينيه فيها كانت مكمشة فبلاصتها مشا دفعها بجهد حتا اختل توازنها شاافت فيه مخنزرة يلاه غتجاوبو حتا نطق بصوت مرتفع خلاها تقطع الحس ) تححركي قدااامي نتي الى خرجتك من هنا مااشي بااغي نعتقك .. ولكن اللي كيتسناااك مني ابنت القحبة غااالي وغتخلصيييه بالضوبل .. ( قرب جارها من شعرها .. وفنفس الوقت موكي عليه ثائر اللي مزال ماسترجعش صحتو كليا .. طلعو بشوية ورااضين البال لايكونو البوليس داخلين الفيلا .. ولا مخلين شي حد مرااقب .. وصلو قدام الطومبيل ركبوه اللور بشوية وهو مغمض عينيه .. عاد دفعها هي بجهد وسد البااب اللي قااص ليها صبعهاا حتا غوتااات بألم ..

نجم الدين:(سمعها فاش غوتاات وعرف انه الباب قاص ليها صبعها) كون غير طارو الزاامل اللي حطك ..

هزات فيه عينيها مغرغرين..مجاوبتاوش او بالأحرى ماعندهاش الطاقة باش تعاطا معاه كون جاه فشي وقت اخر كانت غتندمو على هضرتو معاها..

غيت اللي كان مراقب الوضع وحتا هو ماشي اقل من خوه بااغي يدفنها تحت التراب ولكن مهدرش حدو خنزر فيها وكسيرااا بطومبيلوتو والوجهة كانت مجهولة

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :35

فالقصر الدنيا مقلوبة والعائلة كاملة مخلوعة وحالتهم خاايبة .. النهار كاامل وهما كيتسنااو شي حد ينفي الخبر ولا ثائر يدخل مع الباب ويقول ليهم باللي هادشي غلط .. وغير ضحكو عليهم ... وصلات العشية والحاا ظلاام .. حتا دخلو الدراري والحالة ديالهم ماشي أقل من العائلة .. غير شافتهم فردوس مشات كتجري عند ولدها نجم الدين..

فردوس:(بخوف ) شنو وااقع فين خوك علاش مباانش ومتتاصلش بيا النهاار كامل .. طمن قلبي اولدي راه كنتشوا على كبدتي ..

نجم الدين:( ضمها لعندو) تهدني الواليدة .. ماتمرضيش رااسك ..غادي نلقاو شي حل .. وثائر غادي يخرج من هاد المشكل ..

ياسين: (بلهفة)وااش شدوه البوليس .. قولو لينا شي حاجة النهار كاامل ونتوما غاابرين كنتااصلو وحتا شي واحد ماكلف راسو يجاوب ويطمن قلبنا ..

ساجد: (تنهد بضيق ) القضية صعيبة بزاف .. دغيا انتشرت .. وحتا العائلة ديال السيد اللي قالو ت قتل جاو دابا للرباط وباغين أقصى العقوبات لثائر .. خصوصا انه كااين شااهد وكيقول باللي شااف كلشي ...

فردوس :(بحدة) اشمن شااهد ولا زمر اش شااف وأشنو عندو ماايشوف اصلا .. غير مكيدة هادي داروها لولدي .. واخا عصبي كيتسرع كيضرب ويعااير ولكن ماعمرو ي قت ل ثائر مااشي خاايب لدرجة يق تل شي واحد .. اكيد شي وااحد باغي يغرق ولدي ..

نجم الدين:تهدني راك مريضة وغتزيدي تمرضي رااسك ..ثائر دابا فأمان وحتا شي واحد مايقدر يوصل ليه .. واخا هو مابغاش يتخبى حيت عارف شنو دااير ولكن هاد المدة ضروري نغبروه..

فردوس: (بترجي)ديوني عندو بغيت نبقا مع ولدي ..مانقدرش نصبر وهو بعيد عليا.. ساجد نجم الدين واحد فيكم يحن فيا ويديني عند ولدي نجلس معااه...

نجم الدين:(كيحااول يهدنها) ميمكنش الواليدة واش بغيتي ضيعي لينا كلشي .. البوليس غيكونو مرااقبينا .. وحنا بسيف باش قدرنا نمحيو الأثر ديالو .. باغا ضربي لينا كلي فالحاايط ..

فردوس :(كتشهق وتهدر بحرقة ) حسو بيا .. حطو رااسكم فبلااصتي رااه ولدي هداك ..ومخااصوش يبقا بوحدو .. غيمرض ويبغي اللي يعاونو ومغاديش يلقى .. ولدي كيبغي اللي يكون معاه واخا مكيبينش لينا ولكن من ديما كيبغي اللي يبقا معاه..

ساجد: ( قرب عندها) مرت خالي وااش كتيقي فيا عارفااني نبغي السوء لخويا .. عارفااني نقدر نخليه بوحدو .. متبقاايش خايفة غير واحد السيمانة نلقاو داك الرجل ولا نوصل لشي خيط وغنرجعو حتا هو مااباغيش يبقى تما .. كيقول باللي مخاايفش ومستعد يواجه العالم كاامل .. هو ماداارهاش علاش يتخبى ولكن لمصلحتو الخاصة خاصو يتخبى ..

فردوس :(بحنان) شكون بقا معاه نتوما كااملين معااه شكون خليتو مع ولدي .. الى بقا بوحدو كيتسطى ...

ساجد: بقا هو والبنت اللي كاانت معاه فاش وقعات الواقعة ..

أريج :(بصدمة ) مع ليساء .. غادي يصفيها ليها ويبرد فيها جنونو .. سيرو حيدوها من حدااه هو خرج معصب .. ديك الليلة ..

ساجد:( شاف فيها مخنزر تمشى عندها ونطق بنبرة الأمر ) تبعيني نتي .. الهدرة معاااك طويلة ..

أريج :(بخوف ) علاش واش واقعة شي حاجة..

نجلاء : كاين شي حاجة كتر من هادشي ..نهار دخلتي علينا ديك الللقيطة وماحنا فخير... شكون جابها نهار الاول هنا .. ياك خوتك نبهوك وقاالو ليك بعدي منها .. علااش بقيتي كتوااصلي معاها .. رتااحيتي دابا .. هاهي خرجاات على ولد عمك وضيعااتو معاها

ساجد:(بالغوااات) أريييج طلعي الفووووق سرربي منعاااودش هدرتي .. ونتومااا حتا شي وااحد مايدخل كل وااحد يمشي لبيتو .. ونتي امرت خالي غير تيقي فيااا برائة ثائر غاادي نجيبها غانجيبها ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :36

واقفة قدام الكوميسارية رجليها كيترعدو مزال مااقداراااش تستوعب هادشي اللي طاري ..كتشوف الناس كيشوفو فيها حنحنت ونطقات ببرود

فريال: (بصوت مرعود)وااش غنباقو هنا .. حتا شي واحد ماقال لينا شنو. كااين .. اللي سولناه كيقول ماشي هو اللي مكلف بالقضية

هشام :(بحدة) تسناااي حتا يجي الكوميسير اللي مكلف بيها هو غادي يشرح ليناا شنو طااري ونعرفوو ديك بنت الحرام شنو داارت ...

بلاصا السيارة ديالو قدام الكوميسارية هبط منها بخطوات ثابتة كيتمشى بتقالة وعينيه مخنزرين.. وقفو صوتها..

فريال:(بهدوء) واش نتا الكوميسير اللي مكلف بالقضية...

الكوميسر:(تلفت عندها مقوص حجبانو) أشمن قضية ...

فريال: عدنان الإدريسي..

الكومسير:(طلعها وهبطها ونطق وهو قاطب حجبانو) تبعوني المكتب ..

~~~~~~

الكوميسير: فين كنتي الليلة ديال الباارح .

فريال:(بلعات ريقها) انا صار ليا شهر و15يوم مسافرة الناضور جيت غير اليوم فاش عرفت هاد الخبار .

الكوميسر: (موجه سؤالو ليها)اممم .. كيفاش كانت العلاقة بين بنتك وباها ..

هشام :(نطق مقاطعهم)هو اصلا ماشي باها !!!!

فريال:(خنزرت فيه) بحال أي اب وبنتو علاقتهم كانت مزيانة ..

الكوميسر :(متبت الشوفة ف فريال) كيفاش مااشي باها ...

فريال:( عضات على شفايفها) فالحقيقة حنا تبنيناها ولكن هي ماعرفاش هادشي .. تلاتة ديال الناس اللي عارفين انا وعدناان وخويا هشام ..

الكوميسر: واش ماعمرها شكات ليك منو متلا يكون كيتحرش بيها .. ولا كيعنفها .

فريال:(خرجات عينيها) لا نهائيا ماعمرو تحرش بيها ولا حتا فكر يديرها ..

الكوميسير: واخا .. على العموم ليساء حاليا تحت البحت حيت متهمة فقضية ق تل وزنا . وإخفاء جتة والهروب من العدالة .. بمساعدة ثائر آل فخري.. الى شي نهار عيطات ليك ولا عرفتي فين كاينة خاصك تجي تبلغينا.. والى تسترتي عليها راه كتشاركيها الجري **مة وهادشي كيعاقب عليه القانون بالسجن .. مفهوم امدااام فريال ..

فريال:(, بحرقة ،) مفهوم .. انا اكتر وحدة حاليا بغيتكم تشدوها بغيتها دخل الحبس .. حيت مادارتش بحسب العشرة والتربية .. هو كان مهلي فيها عمرو ماحرمها من شي حاجة ديما كينفد ليها الطلي قبل ماطلبو...

الكوميسر : تقدري تمشي دابا .. والى وصلاتك شي حاجة بلغيني هدا الرقم ديالي (مد ليها كارط فيزيت) وحتا نتي بقاي غير فالمدينة نقدرو نعيطو ليك ... وانشالله يسمعك خبار الخير ...

مجاوباتوش خرجات على برا وخوها تابعها حااس بيها وعاارف شكلها تشتت كان ناوي يهبط معاها الرباط يتكلم مع عدنان ويصلح الامور حتا تفاجئ لهاد الخبار ..

هشام: (بهدوء) نمشيو الأوطيل ترتااحي ..

فريال :(جلسات قدام الكوميسارية) حضنت عليها جبتها من الزنقة ..ماكنت عاارفة ليها لأصل ولا مفصل .. ربيت قريت وكبرت تهليت فيها عاملتها اميرة .. حتا هو كان كيبغيها بزااف .. كان كيخااف عليها من نسمة الهوا الطاير . وهي بااش جازاتنا .. ق تلا تو.. الله يااخد فيهااا الحق

هشام (طبطب عليها) نتي درتي غير الخير ..وحتا نسيبي الله يرحمو مادار فيها غير الخير .. هي اللي عضات اليد اللي تمدات ليها ..

فريال:(كلمة الله يرحمو فحال الملح اللي تخوا على جرحها) واااش صافي هو ما**ت ماغاديش يرجع .. عشرة35عاام مشااات ... تفرقنا .. عرفتي كون طلقت منو كان غادي يكون أهون من أنه يم وت على يدين البنت اللي حسبناها بنتنا ..

هشام : رتاحي القانون غادي ياخد ليك حقك ..

فريال:( ببرود) انا اللي غادي نااخد حقي . وانااا اللي غاادي نحقق العدالة ... بيدي غادي نجيبها الحبس تربى وتعفن فيه .. كيفما عتقتها من الزنقة بيدي غنرجعها لما اكفس .. انااا غادي نشد القضية .. وغاادي نداافع على عدنااان. غاادي نخلي اي واحد يعيد النضر انه يدخل ولاد الحرام لدااارو .. ليساءياا ليساء .. اناا اللي وصلتك االلي نتي فيه وانا بيدي غاادي نطيحك لارض .. وغاادي نحقق العدالة .. وااخا نكون والداتك من رحمي غاادي ندخلك الحبس .. وغنحرص أنه تااخدي أشد العقوباااات .. كلمة شرف من فريال الإدريسي ليك ...

•نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :37

دخل البيرو ديال الحاج ناصر... اللي ممنوع يدخل ليه شي وااحد من غير ولادو وحفاايدو الرجال ... جلس فالكناابي وعينيه على خوتو كل وااحد وفاش كيفكر وكيفاش باغي يقااد الامور ويخرج من هاد المصيبة اللي غرق فيها خوهم..

ساجد:(بجدية) حتا شي وااحد ماخاصو يدرا فين كاين ثائر .. واش مفهوم حتا اللي معانا مخاصهمش يعرفو من غيرنا حناا ب ربعة ..

غيث : ( ساط الهوا من فمو) خاصنا نتحركو ونعرفو شكو هدا اللي بغا يورط ثائر ..ودار ليه هاد المكيدة .. حيت على مابان ليا هادشي كاامل مخطط ليه ..

كنان: (بحدة)زعما ديك البنت تكون متاافقة مع هادو اللي دارو البلان .. ولكن على حسب علمي ثائر ماعندوش شي عداوة ولا فات ليه تخاصم مع شي وااحد حيت يحلفها فيه ..

نجم الدين: (بهدوء) يقدر يكون وحنا معارفينوش.. ثائر من طبعو ماكبيغيش يبين مشااكلوو للعائلة .. كيبغي يفكها بوحدو بعيدا علينا ..

ساجد:(قطب حواجبو) تاحنا ماعندنا مانديرو من غير نعرفو شكون اللي دار هادشي .. كنان نتا بغيتك ترااقب ليا البرهوش اللي شهد ضد ثائر بغيت نعرف عليه الصغيرة والكبيرة ومعامن كيتلاقا كلشي ..

كنان: كون هااني.. ضربو على حساابي انا نتصرف معاه وخباارو غتوصل حتا لعندك ..

ساجد: با سيدي والميمة..ماخاصهومش يسيقو الخبار حاليا .. نخليوهم حتا يجيو ونخبروهم باللي ثائر مشا لأنجلترا عندو مؤثمر تما بينما فكينا الشغل حنااا ..

نجم الدين: انا غادي نتكلف بالماضي ديال ديك العااهرة ونعرف شكون هي ومنين اصلها وحتا واليديها ...ونتا ا غيث نبغيك تحل عينيك مزيااان مع الكارد والخدم حتا شي وااحد مايعرف طريق ثائر ..

غيث : تمااام .. انشالله غيتصلح كلشي ...

~~~~~~~~~~~~~

هبطات من السيارة .. عينيها حمرين بالدموع وقفات قدام القصر ... كتشوف بعينيها اللي عامرين كره وحقد... جبدت بوق حطاتو عند شفايفها ونطقات بصوت عااالي خلا كاع اللي فالقصر يسمعوه ..

فريال:(بالغوات) عاااائلة آل فخري .. القتااااا*لة .. خرجو عندي هنااا وااجهوني .. ثائر المرييييض أجي عندي سلم رااسك العدااالةة الخوااااف .. علاااش مخبي ورا هاد الحيوط...فين الرجولة والشهامة اللي كتهدر بيها السي الجراااح .. خرج عندي الشماااتة مضرق بعائلتك ..

تحل باب القصر خرجو كااملين قرب عندها بخطوات سريعة نتر ليها البوق لاحو فالارض حتا تشخشخ ..وهز عينيه فيها ..

نجم الدين:( بغضب ) اش هااد الحالة ديال زبي اللي دايرة نتي هنااا وعلاش هاجمة على القصر .. وااش عارفة راسك فين حاطة رجليك ولا شنو ..

فريال:( ضحكات بمرارة) عاارفة رااسي معامن. .مع نااس مافقلبش الضمير .. ولدهم ق تل ليا رااجلي وهما متسترين عليه .. ناااس ضمرو ليا عائلتي اللي سنوات وانا كنبني فيها .....

فردوس : وااش حماقيتي اشنو هادشي كتقولي ولدي انا مادار واالو .. ولدي ماعمرو ق تل شي واحد .. بأشمن حق جايا كتااهمي فيه فقلب داارو

فريال: (قربات منها ) ضرك قلبك ماقدرتيش تستحملي هدرتي بقا فيك ولدك يااك .. وانااا شنو انااا شنو. وااش ماحسيتوش بياا بغيت ندفن رااجلي تحت التراب بغيت العاافية اللي شعلات فقلبي تطفى.. ماحااسينش بيا .. حتا اناااا ..

ساجد:(دفعها مبعدها على مرات خالو) وااقيلا راك غاالطة حنا ماعندنا حتا علاقة بهاادشي اللي كتقولي .. الى بغيتي تعرفي شكون سبب