نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:160

ساجد : هادشي غير اللي عرفتي نتي بوحدك ..

أريج علات فيه عينيها : علاش شنو كااين .. عارفاك غتبدا دوخ فيا .. ساجد نتا بعيد على هادشي لا نتا لا غيرك واحد اللي عندو الحق يتحكم فيا هو بابا من غيرو مكاينش ..

ساجد عض على فكو معصب: سمعي هادشي اللي غنقول ليك وديك الساعة عومي بحرك عندك 23 عام ماشي صغيرة باش نعلمك شنو ديري واعية متفقة قاارية وهادشي كامل وما دكيااش .. المنتج عرفك من عائلة غنية ومعروفة .. وهادشي غيخليه يستغلك كيفما بغا هو .. بحت عليه وسولت وعرفت باللي هو غير نصاب وكاع دوك الاجواء ديال التصوير اللي عشتي معاه مكاين منو واالو غير الكدوب وهو دار هادشي غير بااش ينصب عليك ويااخد ليك رزقك .. ويخلي الزو//مل اللي معاه واللي نتي عند بالك ممتلين يديرو فيك اللي بغاااو .

أريج بحدة: كدوب هادشي ميمكنش مغاديش نتيقك .. هو منتج معروف فالعالم ...

ساجد: امممم وهاد العالم هو نتي بوحدك ... راه سولت وتأكدت وبطريقتي فسخت العقد .. يعني باااح مابقاااش وهو مشا فين يتربى ..

أريج وقفات : ونتاااا مالك اش مشا ليك ا سااجد اشمن علاقة عندك بيا باش تتدخل فحيااتي الخاااصة وتقلبها على حساب اش بغيتي .. تعلم تبعد مني ودخل سوق راسك ماشي حيت احترمتك راه كنخاف منك .. أخخر مرة دير شي حاجة من رااسك ..

ساجد رجع راسو اللور كيحاول يتمالك أعصابو وميضريهاش : نقصي صوتك شوية .. وماتهزيهش قداامي حيت نقدر نهز توااصلك لعند ربي .. دخلي لبيتك جمعي قلووعك وتحركي دابا غترجعي للرباط ..

أريج بحدة: مابغيتش نرجع غنبقى هنااا .. الى بغيتي تقدر تمشي ماجيتش معاك ا ساجد وبلاصة ماتبقا حاضيني وحاضي شنو كاندير تقدر تقابل ختك أهم ليك مني ..

ساجد هز يديه الفوق ونزل عليها بتصرفيقة دوختها : بحالك بحالها والوصاية اللي عندي عليها عندي عليك تجمعي ونجمعها مع اصل مك .. وهاد الطيران اللي فيك انا اللي غادي نحيدو منك بغيتي. ولا كرهتي ولا زدتي رفعتي صوتك غنهرس ليك داك الفم اللي عااجبك ..

أريج كتشهق وحاطة يديها على خدها: هادشي كاامل غادي تخلصو بالضوبل الشماتة .. كتحݣر عليا انا غنقولها لبابا هو اللي غيتفاااهم معاك الكيدار لاااخر تفو على بشااار ..

ساجد دفعها بضهر يديه : تحركي جمعي حواايجك ماعنديش الوقت نترااد معاك بحال الطيباات دالحمام ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:161

حلات الباب بشوية مكتبغيش ديرونجيه .. تمشاات حتا وصلات عندو .. حنات باستو من خدو . وبقات وااقفة حتا عطاها الإشارة باش تجلس ...

العراف بهدوء : هاد المجية ديالك على الصباح معصبااك شكون بكا ليا عيون الغزاالة ديالي ..

نايلة بحرقة: بابا هاديك العائلة عايشة حياتهم بيخير .. ولدهم كيخوني مع بنت عمو .. واللي صيفت ختي القبر البارح تزوج وجابها لدارو .. وهما فرحو بيها ...

العراف ببرود : ماتبكيش ... هما اللي غيبكيو .. غير صبري موجد ليهم شحال من حاجة غتزيد تكسرهم الى كسروك وهرسوك بختك انا غنهرسهم . بولاادهم ...

نايلة بهدوء: شنو غادير ابابا بغيت العافية اللي شاعلة فقلبي طفا بغيت حق ختي يرجع بغيت نشوف ثائر كيم//وت بشوية وهما مايقدرو يديرو ليه وااالو ..

العراف جبد شي حاجة من جيبو عطاها ليها: هادو غادي ديريهم نتي فالقرعة ديال الدوا ديالو اللي كنعطيوه مابقيتش كنتيق فديك الخدامة يمكن شي نهار تكشف وتقول ليهم شكون موراها... هادي جرعة زائدة كنا باغين نلعبو معاه شوية ونخليوه يحماق ويهلوس بالمهل ولكن عيون الغزالة مانبغيهمش يبكيو .. هادو غيكترو عليه النوبات .. وغيخليوه يكره شي حاجة سميتها الحب والجنس اللطيف .. وانا ربيت الكلب وقريب نطلقو عندهم غيطلاقا واحد مهووس مرييض بشخصية كتهلوس وخطيرة على المجتمع .. واحد فيهم غيمشي القبر والتاني الحبس .. وغنكون حققت انتقامي ..

نايلة بحرقة: ونجم الدين عجبك شنو كايدير فيا كيخوني معااها .. عارفة راسي ماعمري بغيتو وماعمري ماغادي نبغيه تزوجت بيه وتقربت منو باش نكمل شنو بديت .. ولكن هو هاني وأهان كرامتي ...

العراف خنزر ونطق بحدة : وإسماعيل اليوسفي مغاديش يخلي اللي يهين بنتو .. غادي نخليها تشبك بيناتهم موجد ليهم واحد الكادو صغير .. غيطيح الحاج ناصر نيفو الأرض غير وجدي رااسك حيت غتبااني قدام الصحاافة بزااف ... ودافعي على راسك كا إمرأة تعرضت الخيانة من الزوج ديالها اللي شخصية مهمة ومعروفة .

نايلة عنقاتو : حق ختي غيرجع ...

العراف هو الصورة اللي بين يديه ونطق : وانا ماحدي عاايش وباقي كنتنفس غانرجعوو....

نايلة وقفت: خاصني نمشي مابغيتهمش يشكو فيا .. ونسيت البارح جات عندي فردوس علماتني نعرض عليك العشا حيت بغاو يحتافلو بزواج ثائر وديك الملقطة...

العراف تبسم بجنب فمو ونطق : وانا غاندير الوااجب ونتعرف على الضحية القادمة لعائلة آل فخري... غنخليه بيدي يديها الطريق اللي مشات منها ختك فلك وقدام عينيه ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:162

وقفات قدام المطار غمضاتت عينيها كتنفس الهوا ديال هاد البلاد اللي من نهار مشاات عليها بنتها مابقااتش رجعات ليه حتا حن الشوق وبغات دير محاولة باش تلقى بنتها إحساسها كيقول ليها راه حية وباقا كتنفس غير قلبي وغتلقااايها ..

نيهاااد حطت يديها على كتفها : ليلى غنلقاااوها انا متأكدة هاد المرة غترجعي لإيطاليا وبنتك معااك وعلاش لا حتا باباها ...

ليلى بهدوء : حاجة وحدة اللي كتهمني هي بنتي .. وبغيت نلقاها داك السيد علاقتي بيه سالات نهار عرفتو راه مزوج وكان غير مدوز بيا الوقت وصاافي ...

نيهاد : ماعرفتي القلب يحن والماضي يرجع يدق بابكم نتي ماصرفتي فيه غير الخير وفرااقكم ماشي نتي سبابو ..

ليلى تنهدت وجرات لاڤاليز ديالها : نيهاد حيدي من دماغك هاد الهدرة ... علاقتي بيه سالات نهار ركب فالطيارة وخلاني حاملة ب بنتو .. ومارجعش سول فيا ولا حتا فيها ..

نيهاد حطات الباݣاج ديالهم فالطاكسي ونطقات قبل ماتركب : مكاانش عاارف راك حاملة .. وحتا دابا راه ماعندو حتا شي خبار باللي نتي والدة ...

ليلى ببرود : سدي عفااك هاد الموضوع ...

نيهاد تنهدت وهدرت مع مول الطاكسي : عفااك دينا لشي أوطيل يكون زوين والتمن ديالو منااسب...

مدازش بزاف حتا كانو قدام الاوطيل .. هبطو من بعد ما خلصو الطاكسي .. دخلو خداو بيت مشترك ليهم بجوج غير طلعو نيهاد دوشت ونعست وليلى خدات دوش وجبدات صورة ديال بنت صغيرة حديتة الولادة .. بقات كتشوف فيها وعينيها دمعو ...

ليلى نطقات بحرقة : عندي إحساس قوي باللي بنتي الصغيورة بااقا فالدنيا .. وماعمر إحساس الأم ماكدبها .. رجعت من بعد 25 عام وانا متأكدة باللي غنلقاك ومغنرجع حتا نديك معاايا ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:163

شمس بحدة:علاااش تبعتيني حتا لهنا ا نجم الدين.. شنو نفهم من هاد الحركة اللي درتي .. علاااش كتبعني شنو خااصك بلاصة ماتكون مع مرااتك علاش لااحق عليا انا

نجم الدين خاشي يديه فجيابو وعينيه عليها : شنو ممنوع عليا نجي هنا .. كنضن السبب ديال مجيئي وااضح .. الا الى كانت شي حاجة فدمااغك ..

شمس رجعات شعرها مور ودنيها : شوف باركا عليا من هاد التصرفات ديال الدراري الصغار وسير منين جيتي .. والى مابغيتيش غنمشي انأ .. شنو زعما بااغي تباان نتا داك البطل الوااعر .. ولا شنو .. هادشي ماشي عليااا .. ماتيقش رااسك بزااف ..

نجم الدين بهدوء: كالللما النااس كيتفرجو فينا نقصي صوتك الشوهة هي نتي .

شمس عطاتو بالضهر : نجن الدين علاش جيتي ل سوريا .. علاش بالضبط اليوم شرح ليا غير شنو السبب .. حيت هدرتنا سالينااها ديك الليلة .. ا نجم الدين..

نجم الدين قرب كتر حتا لصق معاها ونطق بهمس: ماسالليتش .. وماعمري ماغادي نساالي .. هادشي قررتيه نتي .. ماشي أنا ... زواجي منها مااشي حقيقي وماعمرو يكون حقيقى .. دخليها لمخك ..

شمس ضارت عندو وعينيها غيبخو الد//م : مكيهمنيش يكون حقيقي ولا لا .. كنعرف نتا مزوج ومخلي مراتك وتاابعني وهادي بحد دااتها خياانة وانا مستحيل نقبل بيها ...

نجم الدين بهدوء: خلينا ندوزو وقت زوين مع بعضنا. شمس انا كنبغيك وباااغيك معاايا علااش كتحكي على الضبرة وباغا ديري العصا فالرويضة .. انا ونايلة هدرنا وغنطلقو سوا بغيتي ولا لا ..

شمس بالغوات : وانااا مااالي ماشي سوقي طلقها ولا نتا//حر نتا ويااها ماعندكمش أهمية فحيااتي لاااا نتاااا لاا هاديك مراااتي .. بعدو مني وعطيوني التيساااع .. مليوني عليكم حيت مرضتيني فصحتي .. انا كنحاول ننسااا هاد الحب ونتا فكل فرصة كتفكرني ..

نجم الدين دوز فمو على شفايف مبللهم قبل مايطير عليها بقبلة فرنسية طويلة كان هو المتحكم فيها كيروي عطشعو من طعم شفتيها مابعد حتا جيفهااا : نتي ديااالي بغيتي ولا كرهتي ديااالي وحتاا قوااااد ماغادي يحيدك لياا

شمس مسحات فمها بنرفزة وهزات يديها السما هابطة عليه بصقلة حتا مال حنكو : شماااتة حيوااان وكنعيييفك .. دير نفس وبعد مني .. ماباغاااكش دخلها لرااسك انا ماباغاااكش ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:164

ف قصر آل فخري مجموعين على الطبلة ديال العشا كااملين ماعدا نجم الدين وشمس اما العائلة كاملة كااينة .. حاطين كاع المأكولات اللي كيبغي تائر وحتا ليساء سولوها شنو بغات مكانتش غتهبط غير البنات بززو عليها باش تبدل شوية الجو النهار كامل وهي ساادة عليها فداك البيت وحتى هو مجاش عندها حتا شافتو فالطبلة ديال العشاا...

إسماعيل بهدوء : حفيد آل فخري دخلتي لقفص الزوجية .. مبروك واخيرا القلب حن وقررتي تزوج ودير ولادك ...

ثائر شاف فليساء اللي كان جالسة حداه : الله يبارك فيه السي اسماعيل... يلاه وصل الوقت ..

إسماعيل وجه سؤالو ل نايلة :مال عيون الغزالة مقلقة .. فين رااجلك بعدا مابانش ليا فالعشاا ...

نايلة بحدة : ماعرفتش ابابا يومين ماشفتوش وماعندي حتا شي معلومة عليه ...

إسماعيل بإستغراب مسطنع : مافهمتش كيفاش ماعندك شي خبار الى ماكنش عندك نتي عندمن غيكون ...

ثائر شاف فنايلة ونطق : جاه مؤتمر على غفلة وسافر من الكلينيك ماتشغليش بالك غير واحد يومين اخرى وغيكون عندك ..

الحاج ناصر بوقار : فين كاين تاني هاد المؤتمر وكيفاش على غفلة ...

ثائر مكيبغيش يكدب على الجد ديالو : مستعجل كااين فسورياا ... الكلينيك ديالنا تطوع باش يمشي تما ونجم الدين من ضمن المتطوعين هدا مااكاان ...

نايلة بغضب : مزيااان نيت بانت ليه غير سوريا عطا الله البلدان على هي بالضبط .. ولا يكماااا ..

نجلاء فهمتها غتقول شي حاجة ونطقات: نايلة كنتعشااو وعمي مكيبغيش الهدرة. بلا فائدة على الطبلة ديال العشاا ..

فردوس تبسمت: ليسااء كولي ابنتي الطبسيل ديالك باقي كيفما هو .. وحتا صحتك عياانة .

ليساء بهدوء: كليت شوية نفسي مسدودة ...

ثائر قرب ليها طروف ديال اللحم : كولي .. مكتعجبنيش المرا الضعيفة ...

ليساء خرجات عينيها: واش حماقيتي غيسمعووك ...

ثائر زاد قرب ليها الماكلة وعمر ليها طبسيلها : الى مكملتيهش غادي نعس حداااك ...

غير سمعااتو هزات طرف ديال الخبز وبدات كتاكل بلا عقل مخليااه مقوس حجباانو فيها عاد دابا كانت شبعانة غير قالها جوج كلمات جاها الجوع ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:165

ساالاو العشا ديالهم فهدوء إسماعيل مشا بحالو بحجة عندو مايدير الحاج ناصر ورحمة طلعو لييتهم وياسين وفردوس ونجلاء وعمر كدالك .. فالصالون بباقين جالسين والجو مشحون ومكهرب ما بين أريج وساجد وروح وكنان ..

غيث بطنز : ليساء دابا نتي وليتي مرات خونا يعني انا لوسك ونجم الدين وساجد كنان كلنا لوااسك .. يعني عندنا الحق نحسبوك بحال وحدة من هاد البرهوشة وتكوني نتي هي البرهوشة البرهوشة رقم خمسة اللي كتزاد لهاد العائلة.

ليسااء بهدوء : ليا الشرف برهوش بحاالك يلقبني هاد اللقب ..

سمر كانت مخنزرة غير سمعات القمعة ديال ليساء تكرشخت عليه بالضرب : عطاااتك .. هادشي اللي تستاهل .. ليساااء براافو عليك عجبتيني فيه ..

غيث خنزر فيها : سكتي من الهدرة المعقدة ... ليساء وايلي زعمة باقا عروسة خاصك تكوني حشمانة من لوسك ..

ثائر ببرود: تصبحو على خير ...

ليساء تنهدات براحة فاش مشا غادي تلقى راحتها دورات عينيها بجهد فاش شاافتو هزها بين يديه غادي بيها : باقي مابغيتش نمشي البشاار واش تيقتي رااسك ..

ثائر هازها بين يديه وكيشوف قدامو: انا باغي نعس وحتا نتي غتنعسي .. غدا عندك النهار كامل جمعي مع البناات ونهار نلقاك كتعاطاي مع غيث لسااانك نطيرو من بلاصتو .. ونخليك خرساء ...

وصل البيت حلو ودخل حطها فبلاصتها هز التيليفون صيفت ميساج ولاحو حداها ..

ثائر ببرود: غادي طلع عندك سمر تعاونك تبدلي وداوي الجروح .. 10 دقائق ماتفوتيهااش .. وعيني عليك ..

ليسااء خنزرت فيه : باغي تحكم فيا من نيتو متيق رااسو رااجلي .. دارها ليا الضرب اللي فيا أما نوريك شكون أنا ..

خرج البالكون وسد عليه هز الطيليفون دوز الخط ...

ثائر كيتكيف : شنو درتي ليا فالبلاان ... مزيااان خلصها مزياان بغيت العلامة تبقا فيهم .. لا مايمو//توش ولكن يبغيوها وميوصلوهااش .. قاسو ليا حااجتي . . يعني قااصوني... تصرف بغيت داكشي يدوز فالخفاء .. راك عاارف .. تهلى..

كمل الݣارو والمكالمة رجع داخل كان سمر هاد خرجات بدلات ليها حوايجها وعقمات ليها الجروح شاف فيها كانت مغمضة عينيها سها فيها شوية ومن بعد مشا الكناابي تكا مستعد النعااس...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:166

بقاو على حالهم شي ما كيشوف ف شي من غير المشاداات ديال غيث وسمر .. والطنز اللي داير غيث فالجلسة....

كنان شاف فساجد ونطق : بغيت نهدر معااك فشي حاجة.. فاش تساالي تبعني الجردة ..

ساجد وقف : مساالي هي دابا نيت .. نجيب قهوة نجيب ليك معاايا ...

كنان بهدوء: واخا يلاه غنسبقك ... شاف فغيث ...غادي تبقى هنا تحرك معاانا ..

غيث وقف وخا طناز ومبرهش الا انه كيحترم ولا عمو وخوتو : واخا غير سيرو نتوما انا نجيب القهوة ونلحق عليكم ....

ساجد شاف فختو ونطق : طلعو تنعسو السهير ممزيانش ليكم ...

طلعو البنات والدراري مشاو الجردة يكملو هدرتهم بوحدهم فكل ما كيتعلق بالخدمة ديالهم ...

~~~~~~~~~

ماشي بعيد على قصر آل فخري ... واقفة طومبيل والضو ديالها طاافي راكبين فيها كل من زهور وفرياال اللي كانت كلها كترعد وخايفة من هدرة حماتها ليها وتهد//داتها ..

فريال بهدوء: علاش منساوش هادشي نتي سيري عيشي حياتك ولدك بان اشنو كا يدير مكنضنش غيكون عندو الوجه باش يرجع يبان .. تفرقي على هاد البنت خليها تعيش حياتها ..

زهور بحدة: نفس الهدرة. مكتقاضاايش راني قلت ليك شنو كااين .. غتزيدي وتسكتي .. حنا كنراقبو الجو .. فاش يبان لينا الامان غتصيفتي ليها باش تخرج عندك وتقولي ليها رااني مساامحااك ابنتي وعرفت الحقيقة .. قولي ليها كاع اللي قريتي فديك المدكرة خدمي حنانتك وفاش تخرج عندك خلي الباقي علياا ..

فريال بعدم ارتياح : الحاجة مالكي على هاد الحقد كامل هي راه كتبقى بنتي مانقدرش نضحي بيها ..

زهور تعصبات وعطات إشارة للشخص اللي راكب معاهم اللور جبد إبرة من جيبو دݣها ليها فعنقها حتا تأوهت بألم وسرعات ماطاحت غايبة عن الوعي ..

جبدات التيليفون من صاك فريال ... ودخلت النمرا ديال ليساء .. كتبات ليها ميساج طويل ومؤتر .. وحطات التيلي . فصاكها .. د

زهور بحدة: هادي غادي تغبرها عليا هاد اليومين .. وحنا غنشوفو. شكون غيعتقك مني الملقطة .. كيفما دمرتي حياة ولدي وغرييتيه حتا طاح فيك غنعدبك البااارد. غتمو//تي أكفس مو//تة وانا كنتفرج فيك ونتي كتجممدي ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:167

تافقو باش ينعسو فبيت روح ويقسرو شوية حيت مدة طويلة ماجلسوش مع بعضهم ... ولا جمعو. .. كانو لابسين بيجامات هيلو كاتي ديال روح مع اختلاف الالوان روح فالأحمر وأريج ابيض وسمر أسود كانو قصار تيشرت وشروط حد الفخااض ...تلاحو فوق الناموسية شادين شيبس والزريعة ناوين يسهرو ..

روح بهدوء : نقوليكم واحد السر اول مرة نقولو لشي واحد ... ولكن بشرط عندكم تفرشوني ..

أريج شافت فيها : تانتي ولاو عندك الاسرار يلاه قولي .ظ اصلا تجمعنا هنا غير على قبلهم .وقبل الإفشاء بالاسرار..

سمر كتاكل شيبس : تانا عندي سر قولي نتي الأولى ونتبعك ..

روح عضت على شفايفها: كناان اليوم بااسني ولد الحرام .. عرفتو حسيت بركابي ديالي خوااو .. شفايفي سرطهم وليت كنقول. غنبقى بلا شفايف ..

أريج وقفات على ركابيه:لااا متقوليهاااش القح//بة غريتيه بااينة .. قولي شنو درتي كنان مكيعرفش يبووس .

سمر : وكنتي معاه قدو قد البغل ومغاديش يعرف يبوس .. من نيتك هاهي قالت ليك شنايفها سرطهم لها قولي لينا اروح علاش باااسك زعما بحال الافلام عصبتيه وبااسك ..

روح بصدمة: بااش عرفتيها .. وااش شفتينا.. اااعععععت كنت عارفة القواد صورني باش يبتزني ...

أريج كتغبن : خويا بااسك وخوك سللخني صرفقني حتا حنكي تشل عليا مابقيتش حاسة بيه..

سمر كضحك بصوت عالي : نتوما علااام واش فرااسكم هاكا كيبدااو قصص الحب ... وانشالله غيسااليو بانت//حاركم فاش العائلة تسيق الخبار لهاد التق/حبين اللي دايرين ..

روح: ساجد يدفني حية الى شاق الخباار .. ولكن صراحة حلوة البنااات واخا عصبني ولكن باقي كنحس بيها ففمي ..

أريج ببلاهة : شنو هي ؟؟؟

روح ضربتها لكتفها : البوسة الزمر .. باقا كنحس بيها ففمي ..

سمر خرجات عينيها جهة الباب : لا ا سااجد غير كنضحكو ..

روح صفرات وفمها بيااض مقدرااتش تلفت حتا سمعت سمر وأريج كيتركلو حداها بالضحك

.

سمر : تخاافي ماتحشمي الشيخة .. خاصك غالبوساان كلشي درتيه .. تجمعو شوية وماتحلوش الدراري مافيهمش التقة ممكن يكونو كيجربوكم وصاافي ... ..

روح: زعما يكون بصاح ..

أريج : مع المصعورين ديال آل فخري كلشي ممكن .. غماتحلييش بزاااف ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

�أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية�

بقلمي :Imane El Qassimi

الجزء:168

صبح الصباح يوم جديد بأحدات جديدة فاقت هي الأولى دخلات دوشات لبسات حوايجها سروال عريض فالأسود وقاميجة حد الركبة فالأبيض .. جمعات شعرها كعكة الفوق وصباط ميني طالون هزات سااكها وتيليفونها وخرجت مخلية نيهاد غارقة فنعاسها .. وقفات قدام الاوطيل شيرات لأول طااكسي بان ليها ركبات وتحرك من تما بقات سااهية فهاد المدينة اللي دمرات ليها طفولتها شبابها وحتا شيخوختها ...

ليلى بهدوء : عفااك وقف غير هنااا الى سمحتي ....

السائق بلاصا اللوطو ديالو فجنب الطريق .. خلاصتو ونزلت بقات واقفة فمكانها بدون حراك نفس المكاان اللي تهرس فيه قلبها نفس المكان اللي تطعن فيه كياانها .. سهات ورجع بيها الزمن اللور ..

••••فلااااش بااااك•••••

ليلى رجعات شعرها اللور وعينيها عامرين بدموع: واش كتحماق عليا كيفاش مراتك امتا كنتي مزوج .. ياك من نهار عرفتيني كنتي كتقول ليا نتي هي مرااتي ..

*****: ليلى صاافي باركة من التغباان هدرة وحدة قلتها

انا مانقدرش نضحي بعائلتي ومرتي حااملة ... سيري قلبي فيمن تلصقي ..

ليلى بحرقة: واش باغي تحمقني راه غناكل رااسي كيفاش سيري شوفي فيمن تلصقي واش عاارف شنو درتي ضيعتني وبهاد البساطة باغي تحبس فكر ليا فكر ف ..

*****: مابقيتش بااغيك مكنبغيكش دخليها لرااسك فهميها .. دوزنا وقت زوين صافي عيشي حياتك من غدا رجلي فحالك خوي المغرب ومنبقاش نشوفك كتعيطي ليا ولا دوري بساحتي ..باركة مادلي رااسك ليا انا عندي مرا اللي باغيها وكنحماق عليها .. ..

ليلى طاحت الأرض : والله حتا غيجي نهار اللي غتندم فيه غندمك على كل دمعة طيحتي من عيني غندمك على كل وعد عطيتيه ليا وخويتي بيه .. الله ياخد فيه الحق وكيفما شويتي ليا قلبي انشالله تشوا فاللي عزيز عليك ...

••••نهاية الفلاش باك •••••

ليلى نزلت دمعة من عينيها كتحرق خدها : أكتر واحد ماكنتش كنتمنى نشوفو. ودابا بزز مني غانشوفو ونطلبو ونرغبو باش يعاوني نلقى بنتي ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:169

حلات عويناتها بصعوبة البيت كان مظلم .. وقفات بشوية جرحها باقي كيضرها ... تمشات شادة فالحيط حتا وصلات الحمام .. تنهدت وحلات الباب .. دخلات قدات حاجتها وحكات سنانها غسلات وجهها .. بغات دوش ولكن ماقدرتش .. حدها عقمات الجروح اللي فيها و رجعات خارجة حتا بان ليها داخل لابس كوستار فالأسود وهاز فيديه ملف أصفر باين فيه ماشي هو هداك معصب .. حتا هي ماهدراتش معاه دازت نيشان الدريسينغ باش تبدل حوايجها .. حتا تبعها كانت واقفة كتعزل شنو بغات شافها كيفاش حاايرة قرب عندها حتا وقف موراها صدرو لاصق مع ضهرها مد يديه جبد سروال جينز فالزرق غامق وبودي أسود ديال العنق .. مع دوبياس بالبيض ..حطهم ليها فالكنابي اللي فالدريسينغ ..

ليسااء خنزرت فيه: مال هادو .. علاش جبدتيهم ...

ثائر ببرود: لبسيهم .. عجبوني...

ليساء هزاتهم غترجعهم لبلاصتهم: مابغيتش ممولفاش كنلبس هاكا .. ومن الأفضل ماتبقاش تدخل فيا ودابا خرج بغيت نبدل ...عليا ..

ثائر دوز يديه على لحيتو الخفيفة وقرب منها حط يدو على صداف البيجامة : شنو باليك نبدلهم ليك انا ... كنضن ماغترفضيش ...

ليساء خنزرت فيه: لاااا