هەموو ئەوەی ویستم
ئارامی بوو.

پۆڤیـ'لـارا ||ڕووسـیـا - تـۆمـسـکـــ

مەگەر قەرار نەبوو هەموو ئازارەکانم تەواو بن؟ بڕیار نەبوو ئیتر هەرگیز قاچ نەخەمەوە ناو ئەو خاکە؟ بڕیار نەبوو هەرگیز ئەوان نەبینمەوە؟ بۆچی هێندە قوڕسە لە ئازارەکانم ڕابکەم؟ بۆچی هێندە سەخستە ژیانم ئاسوودەی تێدابێت؟

براکەم کە تەنها بەناو برایە لەبەردەمم بوو و منیش بەدوایدا دەڕۆشتم، لەناو فڕۆکەخانەکە هاتینە دەرەوە و سەیری دەرەوەم کرد، ههه هاتمە شاری کابوسەکانم، وەک بڵێی زۆر پەرۆش بوویت تا دیسانەوە بێمەوە و بەدەم کەنارەکانت بگریم، زۆر پەرۆش بوویت دیسانەوە بەدیار ئاسمانەکانت ئازار بچێژم و گلەیی تەنهایم بکەم!

تۆش وەک خێزانەکەم حەز بە بینیم دەکەی لەنێو ئازاردا؟ " خاوە خاو مەکە و خێرابە" بەهۆی دەنگی دڕندەی ژیانم ڕاچڵەکیم و سەیرم کرد، لەدووری منەوە بوو، بە خێرایی هەنگاوم نایە لای و لەدڵم هەستم بە ترسێکی زۆر دەکرد، ناوێرم سەیریشی بکەم بەردەوامی دا بە ڕۆشتنێ و منیش بەدوایدا چووم.

لەبەردەم فڕۆکە خانەکە ئۆتۆمبێلێک هەبوو کاکم بەرەو لای چوو و پیاوێکی کەمێک بە تەمەن لەوێ وەستابوو کاکم خەندەیەکی کرد و لەو نزیک بوویەوە " ئامانەتەکەت گەشت کاکە" براکەم بەخەندەوە قسەی کرد و پیاوەکەش لەگەڵی خەندەی کرد و سەری بە ئەرێنی لەقاند،کاکم سەیری کردم و خەندەکەی لەسەر لێوی ون بوو.

" دەی سەرکەوە" پێش من چوە لای دەرگای ئۆتۆمبێلەکە و سەرکەوت و منیش بە هێواشی بەرەو لای ئۆتۆمبێلەکە چووم و لە دواوە دانیشتم و پیاوەکەش لەدواوە دانیشت، شۆفێرەکە دەستی بە لێخوڕین کرد و لە جامی ئۆتۆمبێلەکە سەیری دەرەوەم کرد.

چەندم ئازار چەشت! منداڵیم و هەرزەکاریم و گەنجیشم لێرە پڕ بوو لەئازار، پێم وابوو ئیتر هەر هیچ نەبێت ئەو ئازارانە نابینمەوە بەڵام دیسانەوە هاتمەوە هەمان دۆزەخ کە لێی چوومە دەرەوە، دووبارە هاتمەوە هەمان جێگا کە ڕام کرد و خۆمم لێی شاردەوە.

هەستم بە سەیر کردنی ئەو پیاوە کرد، بەنەفرەت بێ ئەوە لەتەمەنی باوکمە بە چ چاوێکی پیسەوە سەیرم دەکات، بێ ڕەوشت من بەکچت دەشێم، سەیرێکم کرد کە بە خەندەیەکی پیسەوە سەیرم دەکات، ئەگەر کاکم لێرە نەبوایە لەوانە بوو بەدەستی من مردبوایە، بێ ئابڕوو.

لەبەردەم ماڵەکەمان وەستا و کاکم دابەزی، بەخێرایی دابەزیم تا لە سەرنجی ئەو پیاوە نەجاتم بێ، دەرگاکەم داخست و کۆتەکەم توندتر لەجەستەم ئاڵاند کە بایە ساردەکە بەر جەستەم کەوت، ساردیەکی زۆر لێرە هەیە و تەنانەت لەسەرووی چیاکانەوە بەفر ماوە.

لەگەڵ کاکم بەرەو لای دەرگاکە چووین و ئەو پیاوەش لەدوامانەوە هاتە بەردەم دەرگاکە، کەمێک زیاتر لە کاکم نزیک بوومەوە تا لەو پیاوە دوور بکەمەوە، دەرگاکە کرایەوە و کاکم دوور کەوتەوە تا ئەو پیاوە بەر لەئێمە بچێتە ژورەوە.

هەر کەچومە ژورەوە باوکم لەبەردەمم بوو "کچەکەم" باوکم بە خەندەوە سەیری کردم و بەرەو لام هات، وتی کچەکەم؟ باوکم؟ ئەو وتی کچەکەم؟ من هەڵە گوێم لێ نەبوە وایە؟ ڕاستەوخۆ باوەشی لێدام، چاوەکانم داخست و تروسکەیەکی پڕ لە ژان بەرەو دڵم چوو، لەدوایی چەندان ساڵ باوەشی لێدام.

چەندە بیری ئەو باوەشەم دەکرد، چەند بیری ئەو گەرمیەی ناو قۆڵەکانتم دەکرد باوکە، چەندە تامەزرۆی باوەشێکی لەو جۆرەت بووم، پڕ بەدڵ ئەو باوەشم دەویست، دەموسیت بەمجۆرە لەباوەشم بکەیت و گەرمم بکەیتەوە، چاوەکانم هەر زوو ئامادە بوون فرمێسک دەربکەن، بە توندی باوکمم لەباوەش گرت و فرمێسکەکانم بەبئ وەستان دەکەوتن.

لە باوەشی خۆی دەرکردم و دەستەکانی لەسەر کوڵمم دانا و فرمێسکەکانی دەسڕیم "کچەکەم بەسە بۆچی دەگریت؟ مەگری باشە کچەکەم" بۆچی ناتوانم فرمێسکەکانم بوەستێنم، تەنها باوەشێک و وشەیەکە، بۆچی هێندە دڵ تەزێنە لام؟

بەڵام ئەوانە هەمووی لەلایەن باوکمەوەیە، ئەو پیاوەی لەمنداڵیەوە لەباوەشی خۆی بێ نازی کردووم، هەر زوو لە بۆن و گەرمی باوەشی خۆی کردم، ئێستاش لەدوایی چەندان ساڵ باوەشی لێدامەوە و وتی کچەکەم و بەنەرمی ڕەفتاری لەگەڵ کردم.

فرمێسکەکانم سڕیەوە لە باوکم سەیری پیاوەکەی کرد " بەڕێز ئاڕسەر، فەرموون وەرە ژوورەوە، لەگەڵ کچەکەم دەمێکە یەکتریمان نەبینبوو و کەمێک باوەشی کچ و باوکانەمان کرد" باوکم بە ڕێزەوە وای بە پیاوەکە وت کاتێک تەوقەیەکی لەگەڵ کرد و بەرەو هۆڵەکە چوون.

فرمێسکەکانم سڕیەوە و سەیری دایکم کرد کە لەبەردەمم وەستابوو و بە ڕوخسارێکی سارد سەیری کردم، بەرەو لای باوکم و ئەوان چوو و دڵم ژانی کرد، بۆچی ئەوەت لا ناخۆشە لارا؟ مەگەر نۆزدە ساڵی تەمەنت بەم جۆرە و لەنێو ئەو نیگا پڕ لەڕقانە بەسەر نەبرد؟ مەگەر لەمە ڕانەهاتبوویت؟

" دادە!!" لێڤا بە خەندەوە هاتە لام و باوەشی لێدام، ویستم لەباوەشی بگرمەوە بەڵام ئەویش کچی دایکمە و پەروەردەی دەستی ئەوە، ئەویش ڕۆژێک پشتم لێدەکا هەر کاتێک بێت " دادە زۆرم بیر دەکردی، دەزانی ئەم ماڵە چەندە چۆڵ بوو بێ تۆ؟ تکایە چیتر مەڕۆ، هەستم بە تەنهایەکی زۆر دەکرد بەبێ تۆ" بە خەمباریەوە قسەی کرد و سەیری کردم.

بۆچی هیچ بڕوا بەقسەکانی ناکەم؟ دەکرێ لەبەر ئەوە نەبێ هەرکێم لەخێزانەکەم خۆشەویست پشتی لێ کردم؟ بێ گومان ئەویش خوێنی ئەوانی هەڵگرتوە و ڕۆژێک پشتم لێدەکا وەک ئەوەی ئەوان کردیان.

" بەخێر بێیتەوە دادە " لۆنەر خەندەیەکی کرد و لەدوورەوە سەیری کردم " سوپاس منداڵینە، ماندووم دەمەوێ کەمێک پشوو بدەم لەژوورەکەم" وام وت و بزەیەکی بچووکم بۆیان کرد.

بەرەو ژورەکەم چووم و ڕاستەوخۆ لێڤا لەدوامەوە هات " دادە ژورەکەت....." هەر کە دەرگای ژورەکەم کردوە لەقسە وەستا، ژورەکەم بەتاڵە؟! تەنانەت یەک کەلوپەلی منی لێ نیە.

هەمووی کەلوپەلی لۆنەری لێیە! بۆچی؟ مەگەر هێندە حەزیان لەوە بوو لەکۆڵیان ببمەوە تا زوو ژورەکەم بەتاڵ بکەن؟ مەگەر کەلوپەلەکانیشم ببوە ڕێگر لەبەردەم خۆشبەختیان؟" د دادە کە تۆ ڕۆشتی دایکم ژوری کاکە لۆنەری گۆڕی و کەلوپەلەکانی تۆی بردە کۆگاکە، وەرە لە ژورەکەم پشوو بدە تا ژورەکەت چاک دەکەینەوە" لێڤا وای وت هەناسەیەکی قوڵم هەڵمژی، ئارامبە لارا هەر خۆی ئارامیش نەبیت چیت پێ دەکرێ؟ ئەسڵەن دەتوانی چی بکەیت؟ هیچ شتێک.

تەنانەت ناتوانی قسەیەکیش بکەیت، بەبێ دەنگی بەرەو ژورەکەی لێڤا چووم و لەسەر جێگاکە پاڵکەوتم، چاوەکانم داخست و هەناسەی قوڵم دایەوە، چی دەکەم ئیتر؟ ژیانم دەگاتە کوێ؟ چیم بەسەر دێت؟ چیان لێم دەوێت؟ بێگومان ناتوانن بەزۆر لێرە بمهێڵنەوە لەئەنجامدا چیتر کچێکی بچووک نیم و ناتوانن بەزۆری لەلای خۆیان بمهێڵنەوە.

لەناکاو تایهیۆنگم بەبیر هاتەوە، دەبێ چی بکات؟ پورم! بێ گومان.م گەڕانەوەشم دەستی پورمی لەژێرە، تایهیۆنگ دەتوانێ چارەی خۆی بکات؟ بێ گومان ئەو ئێستا دەبینێت، کەواتە سەیری فلاشەکەی کردوە؟ بە دڵنیایەوە دەبێ کردبێتی.

تۆ بڵێی چی بکات کە دەزانێت من گەڕاومەتەوە ڕووسیا؟ هیوادارم لەبیرم بکات و دەست بە ژیانی خۆی بکات، من ئافرەتێک نیم شایەنی باشی و پاکی ئەو بم، من کچێکم لەهەزار لاوە شکا و بریندارم، من ئافرەتێکم هاوسەرەکەم جێی هێشتووم، بۆچی ناچارە ئافرەتێکی تەڵاق دراوی خۆشبوێت؟

──•~❉᯽❉~•──

دەرگاکەم کردەوە و بەرەو هۆڵەکە چووم، کەس لەوێ نەبوو، دیارە لە چێشتخانەکەن، چوومە چێشتخانەکە و هەمویان لەسەر خوانەکە بوون و لەسەر ئەو کورسیە دانیشتم لە لەتەنیشت لۆنەر بوو.

دەی لارا تەنها قسەیەکە و دەیکەیت و تەواو کەس هیچت لێ ناکات " ئـ ئێ دایکە، بۆچی ژورەکەمتان بەتاڵ کردوە؟" سەیرم کرد و پرسیم " پێویستی دەکرد ژورەکەت وەک خۆی بهێڵینەوە خاتوونی شاژن؟" دایکم بە تانەوە قسەی کرد.

" نـ نا دایکە مەبەستم شتێکی لەو جۆرە نیە من تەنها..." دایکم بێدەنگی کردم بە قسەکانی " زۆر بڵێی مەکە، دووبارە دەنگە زیقەکەی ببڕێنەوە و گوێچکەکانم ئازاریان هەیە لەدەستت " بێدەنگ بووم و قوڕگم پڕ گریان بوو، مەگری لارا! مەگری و لاواز مەبە لەبەردەمی.

" دایکە کەی ژورەکەی دادەم چاک بکەینەوە؟ "لێڤا پرسیاری کرد و سەیری قاپی بەردەمم دەکرد، وەک بڵێی منداڵێکی هەتیو بم و چاوەڕێی بەزەی پێداهاتنەوە هەریەکێک لەوان بکەم" دادەت ژوری بۆچیە؟ هەر خۆی ماوەیەکی تر لەم ماڵە دەڕوات"

──•~❉᯽❉~•──
بـەردەوامە
──•~❉᯽❉~•──

گلەیی کەمی نوسینەکان مەکەن بەخوا مەجالی هیچم نیە.