𝐶ℎ𝑎𝑝𝑡𝑒𝑟 ° 𝑇ℎ𝑖𝑟𝑡𝑦 𝑆𝑒𝑣𝑒𝑛 ⤴³⁷
تۆ لەژیانتدا هەموو شتێکت
بیردەچێتەوە ناوی من نەبێت.
" ئەی تایهیۆنگ؟" لارا پرسیاری لەو ئافرەتە کرد کە خزمەتکاری ماڵەکە بوو، کە هاتە چێشتخانەکە تایهیۆنگی نەبینی و پرسیاری لە خزمەتکارەکە کرد "ئەو ئەمڕۆ زووتر چوە سەر کارەکەی خانمەکەم" ئافرەتەکە وەڵامی لارای دایەوە و قاپی خواردنەکەی لەپێشی دانا "نانی نەخوارد؟" لارا پرسیاری کرد و ئافرەتەکە سەری بە نەخێر جوڵاند.
لارا هەناسەیەکی بێزاری دایەوە و کەمێک خواردنەکەی خوارد و پاشان هەڵسایەوە چاکەتە سپیەکەی پۆشی کە لەگەڵ جلەکانی لێک دەگوونجان، کە تەنوڕەیەکی سپی و بەدیەکی سوفی ڕەساسی بوو.
*جلی لارا *
جەنتاکەی هەڵگرت و بەرەو دەرەوەی ماڵەکە چوو لەوکاتە یەکێک لە پاسەوانەکان هاتە بەردەم لارا " گەورەم پێی گووتم تۆ بهێنم بۆ کۆمپانیا خانمەکەم" پاسەوانەکە وای گووت و لارا سەری بە ئەرێنی لەقاند و لەدوایی پیاوەکەوە چوو و سەرکەوتە ناو ئۆتۆمبێلەکە.
لارا هەر کە گەشتنە کۆمپانیا بەرەو نهۆمی سەرەوە چوو کە ژووری تایهیۆنگی لێیە، لە بەرزکەرەوەکە هاتە دەرەوە و بەرەو لای ژورەکەی چوو،تاوەکوو بزانێت تایهیۆنگ لەوێیە یاخود کۆبونەوە بەرەو ژوری سکرتێرەکەی چوو " بەڕێز کیم لەژو...." لارا هەرکە سکرتێرەکەی بینی شۆک بوو و بێ قسە مایەوە، ئایە خەون دەبینێت؟
" تایلۆر؟" لارا بە شۆکەوە ناوی هێنا کە بەتەواوی چووە ژورەکە، کە ژورێکی بچووک بوو و مێزێکی گەورەی لێبوو، تایلۆر بەچاوێکی فێڵزانیەوە سەیری لارای دەکرد
" ئۆهـ لارا پیرۆزبایی کارە نوێیەکەم ناکەیت؟" تایلۆر بە خەندەوە وای بە لارا گووت و پشتی بە کورسیەکەی دایەوە.
* ژوورەکە *
" تـ تۆ چی دەکەیت لێرە؟" لارا بە شۆک و توڕەبوونەوە پرسیاری لە تایلۆر کرد، تایلۆر بزەیەکی کرد و هەڵسایەوە و لارا بە چاوێکی سووکەوە سەیری جلەکانی کرد کە هەر دیارە بۆ سەرنج ڕاکێشانی پیاوان بەمجۆرە جلی پۆشیەوە، کە قەمیسێکی سپی تەنک کە جلی ژێرەوەی بە ئاشکرا دیارە و دوو قۆپچەی سەرەتای کردۆتەوە، وە تەنوڕەیەکی کورتی ڕەش.
* جلەکانی تایلۆر *
" دەبینت، کار دەکەم، ئەی تۆ؟ بیستم بویتە ڕووخساری کۆمپانیا، سەرسامت کردم چۆن بەم زویە لەم وڵاتە ژیانێکی نوێت بنیات ناوە؟" تایلۆر بە خەندەوە وای گوت و قژی لارای لەنێو پەنجەکانی یاری پێدەکرد "نازانم بۆچی هاتویتە ئێرە و لەو هەموو جێگایەش هەمان کۆمپانیا کەمن کاری لێدەکەم، بەڵام ئەوە بزانە تایلۆر، ئەمجارە وەک جاری ڕابردوو چاوپۆشی لەهەڵەکانت ناکەم "لارا بە توڕەییەوە وای گووت و لەوێ چووە دەرەوە و بەرەو ژورەکەی تایهیۆنگ چوو.
لەدەرگاکەی دا و پاشان چووە ژوورەوە، تایهیۆنگ لە ئۆفیسەکەی خەریکی دەرهێنانی فایلەکان بوو لەنێو کتێبخانەکە و هەرکە دەرگاکە کرایەوە سەری بەرز کردەوە و لەناوەوە دڵخۆش بوو بە بینینی لارا، چونکە لارا یەکەم جارە بێتە ئۆفیسەکەی و هەرگیز نەهاتۆتە ئەم ژورە لەوەتەی لێرە کاردەکا.
ژورەکەی تایهیۆنگ تێکەڵی ڕەش و قاوەیی بوو وە لایەکی دیوارەکە پەنجەرەی گەورە و بەرز بوون و لە دواوەی تایهیۆنگ کتێبخانەیەکی بچووک هەبوو وە لەبەرامبەری دوو قەنەفەی تاکی قاوەیی هەبوو، لارا سەیری ناوەوەی ئۆفیسەکەی دەکرد کە چەند. جوانە و پاشان سەیری تایهیۆنگی کرد "ئـ ئێ من دەمویست بڵێم" لارا کە سەیری تایهیۆنگی کرد لەوشەکانی وەستا، تایهیۆنگ وەک فریشتەیەک دەدرەوشایەوە لەنێو ئەو جلە سپیەی و نیگاکانی دلبەرانە بوون کە وای لەدڵی لارا کرد بەبەرزی لێبدات.
* ژووری تایهیۆنگ *
*جل و سەیرکردنی تایهیۆنگ *
" شتێکت دەوێ؟ " تایهیۆنگ پرسیاری لە لارا کرد و خۆی بە فایلەکە خەریک کردەوە و لارا دەمی وشک ببو نەیدەزانی چی بڵێت "ئـ نا، واتا بەڵێ دەمویست ئەوە بڵێم" لارا بە تەواوی شڵەژاو بوو و نەیدەزانی چی باس بکات، تەنانەت لەیادی چوو کە بۆچی هاتە ژوورەکەش.
تایهیۆنگ فایلەکەی هەڵگرت و لەسەر مێزەکەی دانا و پاشان خۆی لەسەر کورسیەکە دانیشت " ئەگەر کارێکت نیە دەتوانی بڕۆیت، کاری زۆرم هەیە " تایهیۆنگ وای گووت و سەیری فایلەکانی کرد " ببورە" لارا بەبێدەنگی چوە دەرەوە.
تایهیۆنگ سەیری دەرگاکەی کرد و ئاهێکی هەڵکێشا مەبەستی نەبوو لارا دەربکات، کەچی لارا هەرزوو چوە دەرەوە، دەستی لەناو قژی ئاڵاند و لەوکاتەش لەدەرگا درایەوە پێی وابوو لارایە گەڕاوەتەوە هەرزوو گوتی وەرە، بەڵام ئەوە لارا نەبوو سکرتێرە نوێیەکەی تایلۆر بوو.
ئاهێکی بێزاری دایەوە و سەیری پەڕاوەکانی کرد " گەورەم چەند کۆبونەوەیەکی گرنگتان هەیە لەگەڵ ڕۆژنامەی ELEE کۆری پێویستە بۆ خوانی نیوەڕۆ لەوێ ئامادە بیت" تایلۆر دەنگی ناسک کردبویەوە و لە مێزەکەی تایهیۆنگ نزیک بویەوە و بەلەنجەو لار دەڕۆشت، تایهیۆنگ سەری بە ئەرێنی لەقاند.
تایهۆنگ سەیره کرد ماوەیەک تایلۆر هەر لەجێگای خۆی ماوەتەوە" چیە شتی تر هەیە؟ " تایهیۆنگ پرسیاری کرد و تایلۆر بزەیەکی کرد" نەخێر گەورەم"
" باشە کەواتە دەتوانی بچیتە دەرەوە" تایهیۆنگ وای گووت و تایلۆر سەری نزمکردەوە وەک ڕێزێک کە لەڕاستیدا بەئەنقەست وایکرد تا سەرنجی تایهیۆنگ ببات، تایلۆر بەرەو لای دەرگاکە چوو و تایهیۆنگ بانگی کرد "تایلۆر" ئاوڕی دایەوە و سەیری تایهیۆنگی کرد" بەڵێ گەورەم!" تایلۆر بە بزەوە وەڵامی دایەوە.
" جارێکیتر بزانە چ جۆرە جلێک دەپۆشیت، ئێرە کۆمپانیایە نەوەک کۆڵانەکەتان" تایهیۆنگ بە دەنگێکی ساردەوە وای پێ وت و تایلۆر بزەکەی کەم بوویەوە و بەبێ دەنگی لە ژورەکە چووە دەرەوە.
لارا لە گەرماوەکە لەبەردەم ئاوێنەکە وەستابوو و قەلق ببو، دیسانەوە بە بینی تایلۆر هەموو ئازارەکانی هاتەوە یاد، دوبارە مەینەتیەکانی و ئەو ئازارەی دڵی کە لەسایەی تایلۆرەوە توشی بوو، بۆچی کابوسەکانی ڕابردووی وازی لێ ناهێنن؟ سەرەتا خێزانەکەی پاشان ئادریک ئێستاش تایلۆر، بۆچی هێندە سەختە لە ڕابردوو ڕابکەیت؟
بەڕاستی ئیتر تایهیۆنگ گرنگی بەو نادە؟ چیتر بەلای تایهیۆنگەوە گرنگ نیە؟ ئایە تایلۆر بڕیاریداوە تایهیۆنگیشی لێببات هەر وەک ئەوەی ئادریکی لێ برد؟ " نـ نەخێر، ئەمجارە ڕێ بەوە نادەم کەس لێمی ببات، مـ من تازە هەستم بۆی دروست بووە و ئەوم دەوێت، ناهێڵم نە تایلۆر و نەکەسی تر ئەوم لێ ببات" لارا بە توڕەییەوە لەبەردەم ئاوێنەکە وای بەخۆی وت و پاشان لە گەرماوەکە چووە دەرەوە، هەرکە دەرگاکە داخرا دەرگای یەکێک لە تەوالێتەکان کرایەوە " بردنی ئادریک ئاو خواردنەوەیەک بوو، وابزانم ئەم ماسیە کەمێک هەوڵی دەوێت،بەڵام دڵنیابە ئەوەشت لێ دەبەم لارا " تایلۆر بە پێەکنینێکی فێڵزانیەوە وای گووت و سوراوە سورەکەی لێوێ تۆخ کردەوە.
──•~❉᯽❉~•──
" تایهیۆنگ شتێک" لارا دوودڵ بوو لەوەی قسە لەگەڵ تایهیۆنگ بکات و باسی بابەتەکی تایلۆر بۆ تایهیۆنگ بکات " چیە؟ " تایهیۆنگ وەڵامی دایەوە کتێبەکەی دانایەوە و سەیری لارای کرد، لارا سەیری دەستی کرد و دوودڵ بوو لە قسەکردن " مـن ........ ئێ کتێبێک هەبوو لەناو کتێبخانەکەت تەواوم نەکردوە و بەڵام دوێنێ نەمبینی لەنێو کتێبخانەکە، ئایە تۆ نەتبینیوە " لارا چەندی هەوڵیدا بابەتەکە باس بکات بەڵام هەرچەندەی کردی نەیدەتوانی پێی بڵێت.
" کام کتێبە؟" تایهیۆنگ سەری لەسەر کتێبەکەی لادا و پرسیاری لە لارا کرد
" ناوەکەیم لەیاد نەماوە بەڵام، کچە کارکتەرەکە نوسەر بوو و کوڕێکی خۆشدەویست وە لەدوای سێ ساڵ خۆشەویستی لەلایەن هاوڕێ نزیکەکەی خیانەتی لێکرا" لارا ئەوەندەی لەیادی بوو لە چیڕۆکی کتێبەکە باسی کرد بەڵکوو تایهیۆنگ لەیادی بێت.
" نازانم ڕەنگ و بەرگی کتێبەکەت لەیاد نەماوە؟ " تایهیۆنگ پرسیاری لە لارا کرد و لارا کەمێک سەیری بەردەمی کرد و پاشان سەیری تایهیۆنگی کرد " بەڵێ بەرگەکەی پەمەیەکی کاڵبوو وە وێنەی کچێکی قژ ڕەشی لەسەر بوو" لارا باسی بەرگەکەی بۆ تایهیۆنگ کرد و تایهیۆنگ کەمێک بیری کردەوە.
" پێم وابێ دەزانم کامەیە خولەکێک" تایهیۆنگ وای گووت و کتێبەکەی دانا و بەرەو کتئبخانەکە چوو، لارا هەوڵیدەدا بوێری کۆبکاتەوە و باسی ئەو بابەتە بکات بەڵام هەرچەندەی هەوڵیدەدا ترس و شەرم نەیدەهێشت باسی هیچ بکات.
" ئەوەتا ئەمەت وت؟" تایهیۆنگ هاتەوە و کتێبێکی لەدەست بوو و لارا هەر کە بینی ڕوخساری گەشایەوە " ئۆهـ بەڵێ خۆیەتی سوپاس تایهیۆنگ" لارا بەخەندەوە سوپاسی تایهیۆنگی کرد و دڵی تایهیۆنگی شێواند بەو بزە نەمر و شیرینەی کە بۆی کرد.
──•~❉᯽❉~•──
بـەردەوامـە
──•~❉᯽❉~•──
لەبەر خاتری پەپولەیەک ئەمشەو ئەم پاڕتەم دانا ئەگەرنا خۆی بۆ بەیانیم دانابوو.
You are reading the story above: TeenFic.Net