𝐽𝑢𝑠𝑡 𝐴 𝐿𝑜𝑜𝑘 𝑆♥︎𝐽
نـوســـەر
----
پێناسەی ئەوین چیە لای تۆ؟
چۆن بیر لە ئەوین دەکەیتەوە، ئایە شتێکی قورسە کە هەت بێت؟
بێگومان قوڕس نیە، ئاسانە بەدەستهێنانی ئەوین بەڵام بەدەستهێنانی کەسە ڕاستەکە قوڕسە.
لێرە و لەم ویلایەتە گەورەیە بەهەزاران مرۆڤ دەژین، لێرە کەسانێک هەن ئەویندارن، وەکەسانێک ئەویندارن و کەسە هەڵەکەیان هەڵبژاردوە، کەسانێکیش ئەویندارن و کەسە ڕاستەکەیان هەڵبژاردوە بەڵام لەدەستیان داوە.
لێرە سەردەمانێک ئەوینی دوو لاوی هەرزەکار تەواوی کوچە و کۆڵانی شارەکەی تەنی بوو، ئەوان دوو سەرمەست و ئاشق بوون کە هەموو گەنجەکان خۆزگەیان بە جێگای ئەوان دەخواست.
جۆنگکوک و سالی، ئەو دوو لاوەی ببونە تەواوکەری یەکتری و هەموو ژیانیان بۆ یەکتری تەرخان کردبوو، ئەوان ئاشقێکی شێتی ئەو شارە بچوکەی ژاپۆن بوون.
بەڵام لێرە نازانین بڵێین قەدەر یان چارەنوس یانیش خۆیان ئەو دوانەیان لێک کرد، دوایی دوو ساڵ لە خۆشەویستی شەوێک کە جۆنگکوک پڕ بەدڵی بیری سالی دەکرد و دەیویست بابەتێکی گرنگی پێ بڵێت بەنهێنی چوە دیداری تاوەکوو نیگای مەعشوقەکەی دڵی بگات.
تەواوی ڕۆژەکە یەکتریان نەبینی بوو، بۆیەش جۆنگکوک زۆر پەرۆشی دیداری بوو وە پەرۆش بوو تاوەکوو هەواڵێکی پێبدات.
بە هێواشی و بەدەمی بە خەندەوە ڕێگای دەبڕی و بەرەو لای ماڵی ئەشقەکەی چوو، خۆی بەرز کردەوە و بەسەر دیوارەکە بازی دا تاوەکوو بچێ نیگایەکی چاوە مەستەکانی سالی بکات.
هەر کە گەشتە ناو باخچەکە بەخەندەوە بەرەو لای پەنجەرەی ژوری سالی چوو، بەڵام ئەو قسانەی کە ئەو بیستی بوە هۆکاری ئەوەی خەندەکەی سەر ڕوخساری نەمێنێ و دڵی ناو سینەی ورد و خاش بێت.
" ئەوە ئاسانترین شت بوو بۆمن، هەڵخەڵەتاندنی جۆنگکوک زۆر ئاسانتر بوو لەوەی کە بیرم لێ دەکردەوە، زۆر ئاسان کەوتە داویی خۆشەویستی من، ئەو کوڕێکی ساویلکە بوو زۆر ئاسان هەڵخەڵتا بەدرۆکانم" سالی بە گاڵتە پێکردنەوە وای بە کچە هاوڕێکەی ئەوت کە لەژورەکەی دانیشت بوو.
جۆنگکوک هەنگاوێک گەڕایەوە دواوە و پشتی بەر ئەو گۆزە شوشەیە کەوت کە لەسەر پەنجەرەکە دانرا بوو، کەوت و شکا بوە هۆی ئەوەی دەنگێکی گەورەی لێ دەرچێت.
هەر وەک چۆن ئەو پارچە شوشەیە لەئەرز کەوتبوو و هەمووی ورد ورد ببو لەوکاتەشدا دڵی ئەو کوڕە لاوە ئاوا ورد و خاش بوو بەدەستی خۆشەویستەکەی، ئەو لەخۆی زیاتر متمانەی بە خۆشەویستی سالی بوو، کەچی ئەویش بەدرێژای دووساڵ تەنها پێی ڕابواردوە و بۆ کات بەسەربردن لەگەڵی بوە، ئێستاش وەک شانازیەک باسی ئەو کارە ناشرینەی دەکا لای هاوڕێکەی.
سالی هاتە لای پەنجەرەکە و شۆک بوو بە بینینی جۆنگکوک لەبەردەم پەنجەرەکەوە و بە چاوانی پڕ لەئەسرینەوە سەیری ئەو دەکا.
" جـ جۆنگکوک!" سالی بە شۆکەوە ناوی هێنا، بەڵام لەبەرامبەردا هیچ وەڵامێکی لە جۆنگکوک وەرنەگرت، جۆنگکوک بەخێرایی بەرەو لای دەرگای ماڵەکە چوو بەبێ ئەوەی لای گرنگ بێ کەسێک دەیبینێ یاخود نا بەرەو لەدەرگاکە چوو.
" جـ جۆنگکوک بوەستە" سالی بانگی کرد بەڵام جۆنگکوک وەک ئەوەی هیچ نەبیستێت لەڕۆشتن بەردەوام بوو، سالی بەخێرایی لەپەنجەرەی ژوورەکەی بازیدا و دانەیەک لە پارچەی شوشە شکاوەکە لەقاچی چوو.
کەمێک ناڵاندی بەڵام لە ئێستادا بۆ ئەو جۆنگکوک گرنگتر بوو، بەخێرایی شوشەکەی دەرکرد و بەرەو لای جۆنگکوک ڕایکرد، جۆنگکوک هەر بەردەوام بوو لە ڕۆشتن وەک سەرگەردانێک و سالیش بە قاچێکی پەتی و بریندارەوە بەدوایدا ڕای دەکرد و نەیدەوێرا بە بەرزی بانگی بکات نەکا کەسێک لەو کۆڵانە بیان بینێت و بەخراپە بیریان لێ بکەنەوە.
" جۆنگکوک تکایە بوەستە" سالی بەخێرایی دەستی جۆنگکوکی گرت و بە هەناسە تەنگیەوە وەستا، جۆنگکوک هەوڵیدا قۆڵی لەناو دەستی سالی دەرکا بەڵام سالی بەتوندی گرتبووی و هەناسەی توندی دەدایەوە.
" بوەستە تکایە هیچ شتێک وەک ئەوە نیە کە بیری لێ دەکەیتەوە" سالی بەهەناسە تەنگیەوە وای وت و بەدەستەکانی توند قۆڵی بەدیەکەی بەری جۆنگکوکی گرتبوو.
" ئەی چۆنە هاااا؟ پێم بڵێ چۆنە؟" جۆنگکوک هاواری بەسەر سالی داکرد، هیچ شتێک لای ئەو گرنگ نەبوو لەئێستادا لەناو ئازار و خوێنی دڵی نوقم بووە، لەئێستادا دەورووبەری خۆی نابینێ، تەنها ئەوکچە دەبینێ کە شێتانە ئاشقی بوە و هێشتاش دڵی لەبەردەمی بەخێرایی لێدەدات.
" جۆنگکوک سوێند بەخوا شتەکە ئاوا نیە تۆ بەهەڵە گوێ بیست بوویت" سالی کە فرمێسک لەچاوانی دەهاتە خوارەوە هەوڵیدا جۆنگکوک تێبگەیەنێت کە بەهەڵە بیستویەتی، بەڵام ئەمە هیچ لە بابەتەکە ناگۆڕێت جۆنگکوک خۆی لەوێ بوو گوێبیست بوو کە چۆن گاڵتەی بەو ئەشقە کرد.
" من بەهەڵە تێگەشتم؟ ڕاستە تۆ ڕاستدەکەی سالی خاتوون من هەڵە بووم، وەک گەمژەیەکی کوێر متمانەم بەتۆ کرد، کوێرانە ئاشقی تۆ بووم، هەموو ژیانم دایە دەستی تۆ، بەنرخترین شتی ژیانم کە دڵم بوو پێتم بەخشی کەچی تۆ یاریت پێکردم، تۆ ڕاستدەکەی من هەڵە لەتۆ تێگەشتم، وامزانی کچێکی میهرەبان و دڵپاکیت، بەڵام تۆ تەنها ناخ پیسێکیت کە یاری بەهەستی کەسانی دەوروو بەرت دەکەیت " جۆنگکوک هەموو ئەو قسانەی کە لەناو مێشکە توڕەکەی هەبوو کردی بەرامبەر سالی.
" جۆنگکوک تکایە تۆ هەڵە تێگەشتویت سوێندت بۆ دەخۆم، مـ من تۆم خۆش دەوێت سوێند بەخوا من ئاشقی تۆم یاریم بە هەستی تۆ نەکردوە " سالی بەگریانەوە وای وت.
" پێت وایە دەتوانی ئیتر من هەڵبخەڵەتێنیت؟ خۆم بیستم سالی ،تەنانەت بە شانازیەوە باستەکرد وەک بڵێی یاریکردن بە هەستی من بۆتۆ یاریەکی منداڵان بێت" جۆنگکوک تەواو ڕوخاو بوو چیتر بەرگەی نەگرت و هاواری بەسەر دا کرد.
" جۆنگکوک بەخوا هەڵە تێگەشتویت بهێڵە بۆتی ڕوون بکەمەوە " سالی بەگریانەوە وای وت و تکای لە جۆنگکوک کرد.
" ئەتەوێ درۆی ترم بۆ ڕیز بکەیت؟ بەڵام من چیتر بڕوا بەقسەکانت ناکەم سالی، وازم لێ بێنە ئیتر یەخەت لە یەخەم بکەوە و تەوااو~~~~ نێوانی من و تۆ بەکۆتا هات ئیتر مەیەرەوە سەر ڕێگام و لەمن دوور بە" جۆنگکوک هاواری کرد و دەستی سالی لادا لەسەر قۆڵی، سالی فرمێسک لەدوای فرمێسک لەچاوانی دەهاتە خوارەوە.
" جـ جۆنگکوک!! ناکرێ، تۆ ناتوانی واز لەمن بهێنیت، جۆنگکوک ئەمە ڕاست نیە تۆ لەمن جیانابیتەوە"سالی بەگریانەوە وای وت و دووبارە قۆڵی جۆنگکوکی گرت.
" دەتوانم وەک چۆن تۆ توانیت ماوەی دوو ساڵ من هەڵبخەڵەتێنیت منیش دەتوانم لەتۆ جیا ببمەوە" جۆنگکوک بەتوندی دەستەکانی سالی لەخۆی دورخستەوە و لەسالی دوور کەوتەوە.
" جۆنگکوک ئەوە مەکە تکایە" سالی لێی پاڕایەوە کە بەجێی نەهێڵێت، جۆنگکوک خەندەیەکی کرد و سەیری چاوە قاوەیەکانی سالی کرد کە چۆن بوونەتە گۆمی فرمێسک،بەزۆر خۆی گرتبوو کە نەچێ و باوەشی پێدا نەکا، بەزۆر دەستەکانی گرتبوو کە نەچێ و فرمێسکەکانی نەسڕێ.
بەزۆری خۆ گرتبوو کە نەچێتە باوەشی بلێ کێشە نیە تۆ یاری بەدڵم بکە تەنها لەلای من بە، بەڵام جۆنگکوک بەسەر ئەو لایەنە لاوازەی زاڵ بوو و کەمێک دوورکەوتەوە.
" گەر چی ئەو دووساڵە یاریەک بوو بۆتۆ بەڵام هێشتا جوانترین یادگاری ناو دڵم دەبن، تۆ جوانترین هەڵەی ژیانم دەبیت سالی، ماڵئاوا" جۆنگکوک بۆ دواجار وشەکانی ناو دڵی کرد و پشتی لەسالی کرد و لەوێ جێی هێشت.
سالی چیتر بەرگەی نەگرت و کەوتە سەر ئەرزەکە بەهەموو هێزیەوە ئەگریا، هاوڕێکەی کە لەدوورەوە وەستابوو بەخێرایی بەرەو لای سالی چوو و دەستی لەسەر شانەکانی دانا.
" میلی ڕۆشت جۆنگکوک ڕۆشت" سالی بەگریانەوە وای بە میلی هاوڕێی وت.
" ئارامبە سالی ئارامبە ڕۆشتنی چی ئەو جێت ناهێڵێ تەنها ئێستا هەڵەتێگەشتوە هەڵسە و بەیانی ئەچین هەموو شتێکی بۆ ڕوون دەکەیەنەوە" میلی بەدەستەکانی شانی سالی گرت و یارمەتی دا تاوەکو هەڵسێتەوە.
" بەڵام ئەگەر ئەو بڕوای بەمن نەکرد؟ میلی ئەگەر ئەو نەیویست گوێم لێ بگرێ ئەوکات چی؟ " سالی بەگریانەوە وای وت میلی فرمێسکەکانی چاوی سالی سڕیەوە.
" خەم مەخۆ ئەو قەت ناتوانێ بڵێت گوێت لێ ناگرم تەنها تا بەیانی چاوەڕێکە بەڵێن بێت لەگەڵ تۆ یەم و باسی ئەکەین" میلی یارمەتی سالی دا تاوەکوو بگەڕێتەوە ماڵەوە.
.............
هەر کە خۆری بەیانی سەری هەڵدا سالی بەبێ ئەوەی نانی بەیانیش بخوات بەڕاکردن بەرەو لای ماڵی جۆنگکوک چوو، بەخێراییەکی زۆرەوە کۆلانەکانی دەبڕی و تا بگاتە بەردەم ماڵی ئەوان، هەرکە گەشتە بەردەم دەرگای ماڵەکەی جۆنگکوک بە توندیەوە لەدەرگاکە دا.
" جۆنگکوک ئەو دەرگایە بکەوە" سالی بە هاوارەوە بانگی جۆنگکوکی کرد و چەند جارێک کێشای بەردەگاکەدا بەڵام کەس دەرگاکەی نەکردوە، ئەو ئافرەتەی دراوسێ جۆنگکوک بوو هاتە دەرەوە و سەیری سالی کرد کە لەدەرگا ئەدات بەبێ وەستان.
" سالی کچم ؟" ئافرەتەکە ڕاستەوخۆ سالی ناسیەوە، بێگومان چەندان جار سالی سەردانی ئەو ماڵەی کردوە لەگەڵ جۆنگکوک و خێزانەکەی کۆبونەتەوە بۆیە زۆربەی کەسەکانی گەڕەک سالی ئەناسن.
"پورە تێڤان، بۆچی جۆنگکوک دەرگاکە ناکاتەوە؟" سالی بەخێرایی چوە لای تێڤان کە دراوسێی ماڵی جۆنگکوک بوو.
" بۆچی کچەکەم نەتزانیوە؟" تێڤان بە پرسیارەوە سەیری سالی کرد و وای پێ وت، دڵی سالی خورپە خورپی کرد کە چی نەزانیوە، دەکرێ شتێکی خراپ بەسەر جۆنگکوک هاتبێت؟
هەرگیز لەخۆی خۆش نابێت گەر بەهۆی ئەوەوە جۆنگکوک شتێکی بەسەر هاتبێت " چ چی بوە ؟" سالی بە ترسەوە پرسی.
" کچم ماڵی خاتوو جیۆن بەیانی بەر لەخۆرهەڵاتن گواستیانەوە ئەوان گەڕانەوە زێدی خۆیان" هەر کە تێڤا ئەو قسەیەیی کرد وەک چەقۆیەکی گەرم بە دڵی سالی دا چەقی.
" چ چۆن؟ چۆن گەڕوانەتەوە زێدی خۆیان؟" سالی بە شۆکەوە پرسی و کەمێک گەڕایەوە دواوە.
" ئەوان دوێنێ شەو هاتن ماڵئاوایان لەهەمومان کرد" تێڤا وای وت و سالی چیتر بەرگەی نەگرت و بەخێرایی ڕایی کرد.
وەک شێتێک بە ناو کۆڵانەکان ڕایدەکرد، هەستی بە دەوروبەری نەدەکرد تەنانەت خۆشی نەیدەزانی بەرەو کوێ دەڕوا تەنها قاچەکانی نەیان دەویست بوەستن.
سالی لە ڕاکردن بەردەوام بوو تاوەکوو خۆی لەبەردەم دەریاکە بینیەوە، هەناسەی قوڵی هەڵدەکێشا و سەیری دەریاکەی کرد.
" درۆزن" سالی بەهەموو هێزیەوە هاواری بەرەو دەریاکەدا کرد.
" درۆزن ~~~ درۆت کرد، جۆنگکوکە درۆزن، وتت هەرگیز تۆ تەنها جێ ناهێڵم" سالی بەهەموو هێزیەوە هاواری کرد و فرمێسک بەچاوای دا دەهاتە خوارەوە کەوتە سەر ئەرزەکە.
" خۆت وتت سالی هەرگیز تۆ بەجێ ناهێڵم، ئێستا بۆچی ڕۆشتی، تۆ درۆزنیت، خۆپەرستیت، تەنها بیر لەخۆت دەکەیتەوە، من چی هااا من چی ئەکەم لەدوای تۆ بڵێ؟ " سالی هاواری کرد و سەیری دەریاکەی کرد.
ئێرە بۆ ئەوان پڕە لەیادگاری، پرە لە یادگاری خۆشەویستی ئەوان، لێرە یەکەم جار یەکتریان بینی، ئەو ڕۆژە بوو کە تازە ماڵی جۆنگکوک گواستیبویانەوە ژاپۆن.
ئەوان بەهۆیی باری داراییانەوە کە باوکی جۆنگکوک پارەیەکی زۆر قەرزار بوو ناچار بوون لەکۆریا بڕۆن، بۆیە هانایان بردە ژاپۆن و لەو شاری هیرۆشیما نیشتەجێ بوون.
یەکەم دیداری ئەوان چوار ساڵ لەمەوبەر بوو ئەوکات سالی قەشەنگ کچێکی شانزە ساڵان بوو بە درسێکی سادەی شینی کاڵ بوو لەبەردەم خۆرەکە دانیشتبوو لێرە لەم کەنار دەریایە و سەیری خۆر ئاوابوونی دەکرد، کاتێک هەستی بە هاتنی کەسێک کرد سەری بەرەو لای ئەو سوڕاند و سەیری کرد کە کوڕێکی لاو لەوێیە و وەستا و سەیری دەکا، سالی خەندەیەکی بچوکی کرد .
هەر ئەوکاتە بوو کە جۆنگکوک دڵی لەلای خۆی نەماو ئەو کچە بچوک دڵی فڕاند، بەخەندەیەکی بچوک و نیگایەکی سادە دڵی ئەو کوڕە لاوەی بەردەمی خۆی برد.
........
هەفتەیەک بەسەر ڕوشتنی جۆنگکوک تێپەڕی و سالی خۆی بەند کردبوو لەژورەکەی بەتەواوی نانی نەدەخوارد و کێشی بە بەرچاو دابەزی بوو، پێستە سپیەکەی ڕەنگیێکی مات و زەردی گرتبوو.
دایکی بەبەردەوامی دڵنەوای ئەدایەوە و پەرێشان ببو بۆ حاڵی کچەکەی، خەمبار بوو کچەکەی چۆن لەبەردەم چاوەکانی دەتوێتەوە.
" دایەگیانم دەی ئەمە بخۆ ئاوا بڕوا دەمریت لەبرسا" دایکی کەوچکە شۆرباکەی لەبەردەم دەمی سالی ڕاگرتبوو ا هەوڵیدا کە وای لێبکات بیخوا بەڵام بێ سوود بوو.
تەنانەت دەمی ناکاتەوە بۆ یەک وشەش چ بگاتە خواردن، سالی سەری وەرگێڕا بۆ لاکەی تر و سەیری پەنجەرەکەی کرد، ئەو ڕۆژەی هاتەوە یاد کە چۆن جۆنگکوکی بینی بە تێکشکاوی، چۆن بە لاوازیەوە لەوێ لەبەردەمی سەیری چاوانی کرد.
دووبارە فرمێسک لەچاوەکانی هاتە خوارەوە، تەنانەت سەرینەکەشی خەریکە بێزار دەبێت و توانای هەڵگرتنی ئەو هەموو ئەسیرینەی نەماوە.
دایکی بە خەمباریەوە کەوچکەکەی دانایەوە و چوە دەرەوە لەژوورەکەی، ویستی پەیوەندی بە میلی کرد تاوەکوو بێت و هەندێک قسەی لەگەڵ بکا، بەر لەوەی پەیوەندی بکات میلی لەدەرگاکە هاتە ژورەوە و سڵاوی کرد.
"سڵاو پورێ" میلی سڵاوی کرد و هاتە ژورەوە.
" سڵاو کچم تازە ویستم پەیوەندیت پێوە بکەم، کچم سالی هیچ حاڵی باش نیە لە دوێنێ شەوەوە هیچ ناخوا ئاوا بڕوا دەمرێ ،من بەرگەی ئەوە ناگرم کچەکەم وای بەسەر بێ" دایکی سالی خەمەوە بۆ میلی ڕوون کردەوە.
" لەڕاستیدا منیش بۆ ئەوە هاتم پورێ، من دەتوانم یارمەتی سالی بدەم لەو گێژاوە دەرچێت بەڵام پێویستیم بە مۆڵەتی تۆیە " میلی هەرکە دەستەکانی دایکی سالی گرت وای وت.
" گەر چاک بوونەوەی ئەو لەسەر مۆڵەتی من وەستاوە من مۆڵەتت پێدەدەم کچەکەم گرنگ نیە هەرچیەک بێ تەنها با کچەکەم وەک جارانی لێ بێتەوە، تەنها سالی دەم بەخەندەکەم بۆ بگەڕێنەوە"
" ئەوەی ڕاستی بێ م من دەمەوێ سالی ببمە کۆریا" میلی بە دودڵیەوە وای وت.
" ک کۆریا؟ بۆچی ئەوێ؟ " دایکی بە شۆکەوە پرسی.
" خۆت دەزانی ئەو لەدووری جۆنگکوک وای بەسەر هاتوە، پورێ جۆنگکوک هەڵە تێگەشتوە و دەبێت ئێمە ئەو هەڵە تێگەشتنە چاک بکەینەوە، ژیانی سالی خەریکە لەسەر هەڵە تێگەشتنێک دەڕووخێ"
" ب بەڵام کچەکەم من چی بکەم بەتەنها لێرە؟ "
" پورێ دەزانم قوڕسە بۆتۆ مانەوە بەتەنهایی بەڵام ئەی سالی؟ نابێت ئێمە ئەو چارەسەر بکەین؟ "میلی هەوڵیدا بە ژیری بۆ دایکی سالی ڕوون بکاتەوە.
" باشە هەرچی پێویستە بۆی بکە گەر دڵخۆشی ئەو لەکۆریایە با بچێتە ئەوێ، ئەوەی بۆمن گرنگە ئاسوودەی و دڵخۆشی کچەکەمە"
میلی بەدڵ خۆشیەوە دایکی سالی لەباوەش کرد
" سوپاس پورێ"
" دەی بڕۆ و ئەو هەواڵە بە سالی ڕابگەیەنە" دایکی سالی باوەشەکەی پچڕاند و میلی هاندا تا بچێت بە سالی بڵێت.
میلی بەخێرایی چوە ژورەکەی سالی و خۆی بە باوەشی سالی دادا" هەڵسە کچێ دەتەوێ بەم حاڵەوە بچیتە دیداری کاکی زاوا؟"
" م مەبەستت چیە؟ ج جۆنگکوک گەڕاوەتەوە؟ " سالی بە شۆکەوە پرسی.
" نەخێر بەڵام ئێمە دەچینە لای" میلی وای وت و سالی هیچ لەقسەکەی تێنەدەگەیشت.
" مەبەستت چیە؟" سالی پرسی.
" ئێمە دەچینە کۆریاااااااا"میلی بە هەموو هێزیەوە هاواری کرد و سالی شۆک بوو.
" چ چی؟ "
" بەڵێ دەچین و جۆنگکوک دەدۆزینەوە و هەموو بابەتەکی بۆ ڕوون دەکەینەوە و تێیدەگەیەنین کە ئەوە هەمووی هەڵە تێگەشتن بوە"
" ب بەڵام ئێمە چۆن ئەو بدۆزینەوە، خۆ ئێمە نازانی لەکوێش دەژی؟" سالی بە خەمباریەوە وای وت.
" من هەندێک زانیاریم لە دراوسێکان دەستکەوت، ئەوە دەزانم کە ئەو لەبوسان دەژی، ئیتر گەڕانەکەمان لەناو شارێک دەبێ، لەئەنجامدا ئەوە لە دانیشتن و خەفەت خواردن لەژورەکەت تا کۆتایی تەمەن باشتر نیە؟ "
" ن نازانم ،ئێمە دەتوانینی ئەو بدۆزینەوە؟" سالی بە بێهیوایەوە پرسی.
" دە تۆ هەڵسە فڕۆکەکە جێمان دەهێلێ، هەڵسە و جلەکانت و کەلوپەکانت کۆبکەوە دەیی خێرااا"
" باشە بەس ئەی دایکم"سالی کە هەڵسایەوە پرسی.
" دە کچێ تۆ بۆچی هێندە دەڵێیت دەی پەلە بکە کاتمان کەمە هااا " میلی یارمەتی سالی دا کە کەلوپەلەکانی کۆبکاتەوە.
.........
" دایکە زۆرم خۆشدەوێی تکایە باش ئاگاداری خۆت بە " سالی کە توند باوەشی بەدایکی دا وای پێوت.
" منیشی خۆشم دەوێی گوڵەکەم تۆش زۆر باش ئاگاداری خۆت بە باشە ئەزیزم "
" دەیی سالی دوادەکەوین هااا" میلی لەناو تەکسیەکە هاواری بۆ سالی کرد و سالی کۆتا باوەشی بەدایکی دا و پاشان سەرکەوتە ناو تاکسیەکە، لە پەنجەرەکە دەستی وەک ماڵئاوایی بۆ دایکی هەژاند و فرمێسک لەچاوانی هەردوکیان هاتە خوارەوە.
دوایی دوو کاتژمێر و نیوو لە فرۆکەخانەی بوسان نیشتنەوە و لە فڕۆکەکە دابەزین.
" ئێ لێرە چی دەکەین؟ تۆ تەنانەت کەسیش ناناسیت لێرە" سالی بە بێهیوایەوە وای بە میلی وت.
"دەزانی تۆ زۆربڵێیت؟ بۆچی هێندە قسە دەکەیت؟ دە دەمت بگرە و هیچ مەڵێ، سەیرکە و بزانە چی دەکەم" میلی بە بێزاریەوە وای بەسالی وت.
میلی دەستی لە تەکسیەک بەرزکردەوە و کەلوپەلەکانی سەرخست و پاشان خۆی و سالی سەرکەوتن، کاغەزێکی پێ بوو و دایە دەست شۆفێرەکە داوای کرد بیگەیەنێتە ئەو ناونیشانە.
دوایی نیوو کاژێر گەشتنە بەردەم باڵەخانەیەکی بچووک کە تەنها سێ نهۆم بوو.
دوایی ئەوەی لە تاکسیەکە دابەزین و کەلوپەلەکەیان هێنایە خوارەوە و سالی بە شۆکەوە سەیری خانوەکەی دەکرد.
" ئێرە هی کێیە؟" سالی نەیتوانی چیتر خۆی بگرێت و پرسیار نەکات.
" هاوڕێیەکەم ئێمە بە کرێ لێرە دەمێنیەوە"
...............
ماوەی دوو هەفتەیە ئەوان لە بوسانن هێشتا هەوڵدەدەن بۆ دۆزینەوەی جۆنگکوک بەڵام ئەوکارە لەوە قوڕسترە کە ئەوان پێشبینی دەکەن.
دۆزینەوەی جۆنگکوک وەک دۆزینەوە دەرزیەکە لە بیاباندا.
" ئەگەر ئێمە ئەو نەدۆزینەوە؟ " سالی بەگریانەوە وای بە میلی وت کە بەیەکەوە لە پارکێک دانیشتبوون.
" بێ هیوا مەبە ڕۆژێک هەر ئەو دەدۆزینەوە" میلی هەرچەندە دەیزانی ئەوە ئەستەمە و قوڕسە بەڵام هەر هیوای بە سالی دەدا کە بێ هیوا نەبێت.
" دەنگێک لەناخم دەلێت نای دۆزینەوە، میلی ئەگەر ئەو لە بوسان نەبێت؟ ئێمە چۆن دڵنیا بین کە ئەو لێرەیە؟ دەکرێ دراوسێکان هەڵەیان کردبێ؟ "
" ئەرێ دە تۆش کەم نەرێنی بە ئەوەتا دەگەڕێین هەر دەیدۆزینەوە قابیلە چیە، بەڵام دەبێ سەرەتا بیر لە کارێک بکەینەوە کە بەدەستی بهێنین، ئێمە بەو بڕە پارەیەیی لامانە ناتوانین خۆمان بژیەنین، ڕۆژێک هەر تەواو دەبێت "
ئەو ڕۆژە لەبری گەڕان بەدوای جۆنگکوک دەستیان کرد بە دوای کارێک کە بیکەن و بژێوی خۆیان پێی دەستبخەن.
سالی توانی کارێک بدۆزێتەوە و کە خۆشی زۆری حەز بەو کارە بوو، خزمەتکردنی منداڵە بێ سەرپەرشتەکان.
توانی کار لە خانەی بێ سەرپەرشتان وەربگرێ و لەوێ بە بڕە پارەیەکی چاک کاربکا.
هێواش هێواش کات تێپەڕ دەبوو و ڕۆژەکان دەڕۆشتن هیچ سەر و شوێنێک لە دۆزینەوەی جۆنگکوک نەبوو، کات تێپەڕی و بوو بە دوو ساڵ.
دووساڵ لەدووری ئەشقەکەی ژیا، سالی بەدڵی خۆی وت ئەگەر چارەنوس دیدارێکی تری بۆمان دانابێت دڵنیام ڕۆژێک ئەو دەبینم، ئەوەی ئێستا وای کردوە سوکنای بەدڵی دابێت ئەوەیە کە دەزانێت لەهەمان شاردا دەژین.
هەندێک جار دەڵێت چی ئەگەر جۆنگکوک ئێستا خۆشەویستی هەبێت؟ چی ئەگەر ئێستا منی هەر لەیاد نەمابێت؟
نایەوێت دڵی بەو بیرکردنەوانە ئازار بدات و خۆی بەشتی تر خەریک دەکا، بەڵام ئەو هەموو شەوەکان بەدیار وێنەیەکی دوانەیی خۆیاندا دەگریت و تا چاوەکانی دەئاوسێن ناوەستێ لە گریان، دواتر دەخەوێت.
" خاتوو کیم ئێمات نەبینیوە؟" سالی پرسیاری کچە بچوکەکەی ناو خانەکەی لە خاتوو کیم کرد کە پاککەرەوەی خانەکە بوو.
" وابزانم لە باخچەکە بوو" خاتوو کیم ڕایگەیاند و سالی بەرەو باخچەکە چوو، هەر کە چوە باخچەکە ئێمای بچکۆلانەی بینی کە لەباخچەکە بەتەنها دانیشتبوو.
بە خەندەوە بەرەو لای ئێما چوو بەڵام لەناکاو ئازارێکی تیژ بەدڵی داهات و لەهەنگاوەکانی وەستا، ناڵەیەک لەبەر زۆری ئازارەکەی لەدەمی دەرچوو، ئێما کەسەیری لای دەرگاکەی کرد سالی بینی و بەڕاکردن چوە لای.
" دادە ~~~" ئێما بانگی سالی کرد بەڵام سالی بەهۆی زۆری ئازارەکەیەوە گوێبیستی هیچ نەبوە و کەوتە سەر ئەرزەکە و لەهۆش خۆی چوو.
ئێما زۆر ترسا کە سالی لە ئەرزەکە بینی یەکسەر دەستە بچکۆلەکانی بۆ کوڵمەکانی سالی برد و شەقی بچوکی لێدەدا.
" دادە~~~ دادە هەڵسەوە~~~" ئێما چیتر خۆی نەگرت و گریا بە گریانەوە بانگی سالی دەکرد، بەڵام سالی بە بێهۆشی لەوێ کەوتبوو.
هەر کە منداڵەکان گوێیان لە گریانی ئێما بوو هاتنە باخچەکە و ئەوانیش کە سالیان بینی بەخێرایی یەکێکیان چوو بانگی خاتوو چول بکات کە بەڕێوبەری خانەکەیە.
دوایی کەمێک سالی چاوەکانی بەهێواشی کردەوە و سەیری دەوروبەری خۆی کرد بینی کە لەسەر جێگای مندالەکان پالکەوتوە و ئێماش توند دەستەکانی گرتوە.
ئێما هەر کە بینی سالی بەخەبەر هاتۆتەوە بە دڵخۆشیەوە بانگی کرد " دادە بەخەبەر هاتی؟"
" ئێما!" سالی لای سەیر بوو کە لەسەر جێگاکە پاڵخراوە و ئێما لەلایەتی.
" من زۆر ترسام دادە وامزانی تۆش وەک دایک و باوکم جێدەهێلێت " ئێما فرمێسک لە چاوەکانی هات کا تێک سالی بەیاد هاتەوە کە لەسەر ئەرزەکە کەوتبوو.
سالی دەستی ئێمای گرتوو ماچی کرد
" من چێت ناهێڵم کچێ لەیادت چوو؟"
" سالی باشتریت؟" خاتوو چوول هەرکە هاتە ژورەوە پرسی.
" بەڵێ باشم سوپاس " سالی وای وت کە هەڵسایەوە لەسەر جێگاکە.
" ئەوەندە خۆت ماندوو مەکە کچم با لەهۆش خۆت نەچی جارێکی تر منداڵەکان زۆر ترسان" خاتوو چول بە نیگەرانییەوە وای بە سالی وت.
" بێ گومان ئەوە دووبارە نابێتەوە، ببورە ئێما کە تۆم نیگەران کرد" سالی وای وت و ئێما ڕاستەوخۆ سالی لەباوەش گرت.
" ها سالی بە یادم هاتە بەیانی ئاهەنگێک هەیە و بۆ کۆکردنەوەی پارە بۆ خانەکەمان لەلایەن کۆمپانیایەکی بوسانەوە سەرپەرشتی ئاهەنگەکە دەکرێ و لەوێ کەسە دەوڵەمەندەکان دێن و بڕە پارەیەک دەبەخشن بە خانەکەمان، بۆیە هەوڵدە بەیانی جلێکی گونجاو بپۆشیت" خاتوو چول وای وت و سالی سەری بە ئەرێنی لەقاند، هەرچەندە لەدڵەوە هەرگیز نیازی ئەوەی نیە بچێتە ئاهەنگەکە تەنها لەئێستادا نایەوێ زیاتر گفتوگۆیەکە درێژکاتەوە بۆیە وا نیشانی دەدات کە قایلە.
سالی کە ئێوارە گەڕایەوە ماڵەوە میلی بەخێرای هاتە لای و دەستی لە نێوچەوانی دا و پشکنینی بۆ جەستەی دەکرد " چی بوە کچێ ؟ بۆچی ئاوا بۆ گیانم ڕادەکەی" سالی بە سەرسوڕماویەوە پرسی.
" خاتوو کیم وتی لە خانەکە لەهۆش خۆت چوویت نیوەڕۆ، من چەند جار بڵێم سالی خۆت ماندوو مەکە هااا؟ ئێستا چۆنیت باشیت؟ سەر ئێشەکا؟" میلی بەتەواوەتی وەک دایکێک نیگەرانی سالی بوو، دەی ئەو بەدایکی سالی وت کە کچەکەت ئامانەتی منە، هەم ئەوان هاوڕێی منداڵی یەکترین هەموو تەمەنیان لەتەک یەکەوە بەسەر بردوە.
ئەوان لە هاوڕێیەک زیاترن بۆ یەکتری، هەمیشە لەکاتە سەختەکاندا لەگەڵ یەکترین، ئەوەی کە میلی خوێندنەکەی لە ژاپۆنەوە گواستەوە کۆریا هەموو شتێک دەسەلمێنێ، چۆن لەبەر خاتری هاوڕێکەی لەوڵاتێکدا نیشتەجی بوو.
نوسەر: بەخوا لەیل لەبەر خاتری تۆ نەک شار کورە هەسارەشم
You are reading the story above: TeenFic.Net