#انتقام _الضابط _ رسلان

منو مشتاققق للقصة 😔💖✨

•••••••••••••••••••••••••••••••••

إيــليـــن ::.

يراك فيتمنى لو أن كلُّ أيامه وجهك ♥.

اليوم اني بيت اهلي بعد عركة شگبرها ويه رسلان لان اريد اروح يم اهلي وابات هههه تخبل ويصيح انتي متحبيني ومترديني وبس تردين ترحين لبيت اهلج واني بس اباوع عليه برود بس بداخلي ميتة ضحك لان جنت زعلانه منه وردت اروح بس يستاهل لان زعلني وهو صار يومين ممخابر شكد جنت فرحانه علمود اعاقبه بس اني الي تعاقبت حرارتي ارتفعت وتمرضت انقهرت لان مسئل عليه وزعلت منه اكثر حسيت على شخص يبوسني بخدي التفتت لگيتها ايڤانا حبيبة امها بوست وجها وخليتها بحضني تلمست ملامحها وخدودها الي تخبل وهيه ضامه وجهة بصدري

::. يروح امج شنو تردين اسويلج

باوعتلي برائه ::. بابي

دمعت عيوني وبرطمت وهمست
::. بابا مو هنا

تقوست شفايفها وعيونها دمعت ثواني وانفجرت دموعها حضنتها واهمس الها واريد بس اهدئها ::. اششش يروح ماما هسه بابا يجي نخابره ها شتكولين

توقفت دموعها بس تباوعلي اخذت التليفون واتصلت عليه مردا اتصل بس علمودها هيه حيل متعلقه بيه واني اكيد مراح اخليها تموت من البجي روحي تفرفح عليها رد على التيلفون بصوته رفرف گلبي على صوته شكد مشتاقه اله رديت عليه برود
::. ايڤانا تريد تحجي وياك

تنهد وكال ::. اطينياها

اطيتها التليفون ::. هذا بابًا يله احجي وياه

توسعت بتسامتها وهيه تكول ::  بابي بابي

رد عليها ::. يروح بابي انتي

إيفانا ::. اريثك بابي تعال

رسلان ::، جايج يروح بابي

سد الاتصال واني فرفحت حتى مسئل عليه نزلت دمعتي مسحتها وبتسمت بوجها ::. يله نروح نبدل لان راح يجي بابا ميصير يشوفنا مبهذلين مو

ابتسمت وهزت راسها رحت للجنطة طلعت ملابس الها سويت شعرها ولبستها الملابس حطيتلها عطر صارت تخبل

مو الوقت واجت نور كالت اجه رسلان جنت لابسه دشداشه قصيرة وهو محذرني مليون مره على لبسي بس اني اعلمه رحت للميز وحطيت حمره وعطر قوي وجريت عيوني بالكحله بتسمت برضى وشلت إيف ونزلنا دخلنا للصاله هو كاعد وليد سكوت عم المكان التقت نظراتنا بعدت نظراتي عنه ::. السلام عليكم
ردو السلام وهو كاعد على اعصابه
كعدت بصف وليد وإيف ركضت لحضن ابوها باوع وليد وكال راح اطلع اعوفكم وحدكم طلع وبقينا بس احنا تجاهلته وهو يلعب ويه إيف ويبوسها ويباوع بطرف عينه يشوف ردة فعلي نزل عيونه على جسمي عض شفته ورجع نضره على وجهي همس لــ إيف مدري شنو كال الها وهيه طلعت تركض كام من مكانه وقفل الباب وباوعلي من فوگ ليجوه عاض شفته

رسـلان::. يايابه شهل جمال

رجعت شعري بغرور ضحك بعلو صوته ثواني بس وهجم عليه حضنيي بحيث اني جنت كاعده وهو سحبني لحضنه ارتفعت من الكاع دفن وجهك بركبتي ويتنفس سريع همس وشفايفه تتحرك على ركبتي ::. بداعة إيف خلي نرجع للبيت ونتفاهم

بتعدت عنه وباوعتله بزعل كرص خدي هزيت راسي ورحت لبست بشت وشال واخذت الجنطة وايڤانا ودعتهم وصعدنا بالسيارة وايڤانا بحضني

كامت تغفي وهو علگ اغنية محمد عبد الجبار الي كل مانتزاعل يشغلها

ابـــوس عيونك سامحني....
ماكدر على زعلك لحظة....
لو ماعرف انته تحبني ....
ماتزعل من عندي وترضه....

هيه ثواني زعلت عيونك ...
خفت يضيع البيني وبينك ...
حبك غالي بيمن اعوضه ....
ابـــوس عيونك بس ترضه...

كتمت ضحكتي بالگوه وهو يهز راسه بقهر عود حزين وكذا ويكول ::. مع الاسف

ماعرف شلون مضحكت وصلنا للبيت
عمتي يم بيت اختها دخلنا للبيت وايڤانا نايمه شلتها وصعدت لغرفتها نومتها وغطيتها وطلعت رحت لغرفتي نزعت البشت والشال حسيت على ايدين تحاوط خصري تقوست شفايفي بزعل واريد ادفعه ماكو دفن وجهة بركبتي ويهمس :.. افيششش يابه افيششش

سندت راسي على صدره هاي شنو شو خدرت اووف راح تطير الزعله دارني عليه ساند راسي على راسي ويحرگ خشمه على كل ملامح وجهي حرگ خشمه على خشمي مبتسم
::. زعلان ابني

هزيت راسي واني دايره وجهي بين ايديه هاي شنو شلون زعلة حط شفايفه على خدي ويحركهن بخفه غمضت عيوني همس
::. والخدود الضايجهہ نراضيها بُوس

هاي شلون سالفه هاي ؟ يمعود ابو الغيره وخر ماكو مستمر بالي يسويه يحرك ايده بخفه على خصري ويلزگني اقوى بيه

وهو مستمر يحرك شفايفه على خدي ويجره بخفه ويرجع يبوس المكان الي جره نداريت عليه بعد ماتحمل بس اريده يوخر لان راح اطير الزعلة ضحك وهو من يضحك يرفع راسه فهيت اكثر بلعت ريگي نزل راسه ولحظات بس وجر شفايفي بين شفايفه منطاني مجال نزل ايده على وركي ورفعني حاوطت رجلي حول خصره تمشى لحد نزلنا على الجربايه واحنا نفس الوضعية حاوطت ركبته مقربته مني بتعد عن شفايفي ونزل لرگبتي دفن وجهة مرر خشمه على كل ركبتي مبقى مكان ما خله بيه اثر رفع راسه عيونه ذبلانه سند راسه على راسي
همست ::. رســلاني بمُناسبة اللا مُناسبة "أحبك" حيل

بتسم بحب متأملني نزل نضره على شفايفي باسهن بخفه ورجع يباوع بعيوني وگال
::. "ما ادري شون اوصفج كُلشي بيج حلو يانـبعه الريحان حضنج هو البيت والوطن و سماي عيونچ الحُلوه تدرين شي أحب تعبي لأن ببساطه "يسندني عَليچ مــيت بيج انه ميت

توسعت بتسامتي ودمعتي بعيني كلامه الي يخليني ابجي من حنانه باس عيوني تمدد على الجربايه وجرني لحضنه مبتسم
باس راسي رفعت راسي وبست شفايفه
رفعت راسه وتمددت بمكانه وجريت راسه على صدري مثل ماهوه يحب تغلغت اصابعي بشعره بست راسه
رفع راسه يباوعلي ابتسامه على شفايفه تنهدت براحه عيني على عينه وگلبي على گلبه ♥️.

••••••••••••••••••••••••••••••

فراشاتتتت 🦋😔😭احبهمممم
اكتبولي رائيكم بالبارت وبالنسبه لقصة هوس العشق راح يكون التنزيل الخميس والاحد وان شاءلله التزم😂😔