#الـــورقــه_الــرابــحــــه
#الجـــزء_العشـــرون_والاخــــير
#بـــقلمــي_امــل_احــمد_ســـلوم

*╚══════ღღ══════╝

صمت خانق وقلق واضح م̷ـــِْن نظرات العيون اللي كانت محدقة بالعدم ... الكل كان واقف قدام باب العمليات بخوف .. ياسمين ماكانت هي اول مرة فيها بتوقع بهالموقف بس كانت هالمرة رصاصة اخترقت صدرو .. مو حادث عابر ..

وقفت شهد وراحت عند ياسمين بحزن وقعدت جنبا ..كانت شاردة ودمعتها بتحرق خدودها ..
شهد: طولي بالك ياسمين ..
ياسمين: ماني مستعدة لسا اخسرو .. شهد انا بمووت بلاه
شهد«بتبكي »: والله لْـۆ عرفانة هيك رح يصير ماكنت خليتو يطلع الًيَوُمًِ .. يااارب قيمو بالسلامة ..
قربت نهال م̷ـــِْن امها وقعدت عركبها قدامها ..
نهال بتبكي: ماما ببوس ايدك خليكي قوية ..ودعيلو ..مشان •اللّـہ̣̥
ياسمين غمرت وجه نهال براحات ايديها: ابوكي قوي ومتل ماطلع م̷ـــِْن سابقيتها رح يطلع بالسلامة هالمرة كمان باذن •اللّـہ̣̥ ..
رجعت نهال قعدت جنبا وحطت راسها عصدر ياسمين الشمال وشهد حطت راسها عاليمين وغمرتهن ياسمين هنن التنتين وهنن عم يبكو ..

اما الجد أخيرا حس بالضعف بس شاف الشي يلي صار ..عرف وقتا حتئ بسلطتو مارح يقدر يحمي ولادو م̷ـــِْن الأذئ ..
كان قاعد وحاطط جبينو عالعكازة اللي ضلت لتسندو .. حاسس بالإنكسار .. لَـگِنْ وجود باجس وأمير بجنبو هون عليه مصيبتو ..

باجس: جدي ازا حاسس بالتعب خليني اخدك عالقصر لترتاح
الجد: لٱ ياباجس انا مارح فارق مكاني قبل ما اسمع خبر عن جاسم
أمير: بس ياجدي يمكن يطول جوة وانتة بحاجة للر....
قاطعو الجد بحزم وضرب بالعكازة عالأرض: قلتلك مو متحرك لاتطمن علـّۓ. ابني جااسم
أمير نكس راسو: بأمرك جدي ..

راحو وقفو علـّۓ. جنب ...
باجس: عم تفكر متل ماعم فكر ؟
أمير:  بشمس
باجس: اي شمس اختفائها الفتره الماضيه كام بيدل على انها بتخطط لشي وماكان لازم نعتمد بس عالشرطه ليدوروا عليها بس يلي محيرني ليش رجعت هلأ  ..

أمير: باجس شمس حقودة ويلي نطرت سنين لتاخد بتارها ما تستبعد عنها اي شي ..
باجس : معك حق نحنا مالازم نوقف متكتفين لازم نلاقي طريقه نلاقيها لبنت هالحرام قبل ماتئزي حدا تاني
أمير: مافيي صبر بدي روح انكت عليها الارض لحتى واشرب من دمها..
باجس اتنهد :ليك خلينا نستنى ليقوم خالك بالسلامة ونفهم منو يلي صار .. انا بصراحة عقلي معد استوعب شي..

التفتو كلهم علـّۓ. باب غرفة العمليات اللي انفتح وطل منو الدكتور ..
اول ماشافو كلهم تزامنت ركضاتهم لعندو لحتا يتطمنو
باجس: طمنا دكتور
شهد بلهفة: شو صار معكون؟
ياسمين: احكي دكتور لَيــِْـِْش. ساكت
بدور: ياجماعة مابصير هيك خلي الدكتور يحكي ..اي دكتور تفضل احكي

الدكتور اتنهد : نحنا عملنا اللي علينا وشلنالو الرصاصة م̷ـــِْن صدرو والباقي على رب العالمين ..
نهال بتبكي: فهمنا اكتير دكتور ..بابا بعيش
الدكتور: انا ماشفت اي اشارة بتطمن بس حطيناه بغرفة العناية المركزة لحتا يستعيد وعيو ..
ياسمين: في أمل يصحى؟
الدكتور: هاد علمو عند رب العالمين ..دعولو •اللّـہ̣̥ يقيمو بالسلامة

راح الدكتور تارك الكل بحالة صدمة وخيبة أمل ..
شهد وقعت عركبهاوهي عم تبكي ودفنت وجها بإيديها: لَيــِْـِْش. ياربي ..
اما نهال كان مستقرها عصدر أمير ..

الكل كانو خايفين يخسرو جاسم .. وكانو يدعلو ليل نهار ..

*╚══════ღღ══════╝

مرو خمس ايام والوضع علـّۓ. ماهوة ومابين أي تحسن علـّۓ. جاسم ..

بـ عمارة عالعضم كانت عم تتمشى وتتفتل فيها ... وقفت عشباك كبير بيطل عأرض قاحلة .. أرض مهجورة وأقرب مبنى فيها بعيد 3 كيلو متر ..

حملت جوالها وفتحتو عالأخبار وبلشت تقرأ بشماتة: تعرض رجل الأعمال جاسم الشامي لمحاولة القتل العمد حيث جائته رصاصة م̷ـــِْن مجهولين وهو خارج الى عمله ... ومازال فاقد الوعي حتى الًيَوُمًِ .. ومازالت الشرطة والتحقيقات تبحث عن الفاعل ..
نزلت الجوال وابتسمت بكل خبث: لسا الخير لقدام ياعيلة الشامي .. رح خلص عكل عكازاتك ياعصام رح خلصك منن وخليك بلا سند ..وبعدا رح خلص عليك واستمتع .. وساعتها رح ارقص علـّۓ. قبرك وقبور ولادك ...

رجعت رفعت الجوال وفتحت عصورة كانت لأمير ونهال ...

شمس؛ :وانت يا أمير الزفت .. لسا ماخلصت مـڼـڱ ..اي •اللّـہ̣̥ لايهنيني ازا رح هنيك انت وهالحيوانة ورح احرق قلبك عليها متل ما حرقتلك قلبك على دعاء.. الأيام بيناتنا يا انداال ..

يلي بيزرع الحقد جواتو لآزٍمٍ يتحمل نتائج أفعالو و لآزٍمٍ يتحملو اللي حواليه ويكونو أقوياء وأذكياء لحتا يصدو بطشو وسخطو عليهم .. ياترى شو لسا بدها تعمل شمس ..ترقبو الآتي ..🎬

بالقصر كانت شهد عم تجهز الأكل وتلفو بقصدير .... فاتت رواد عليها ..
رواد: خلصتي؟
شهد هزت براسها بدون ماتجاوب ..
رواد قربت ‏​‏​منـِْهـ♡̨̐ـِْا وحطت ايدها عكتفها: طولي بالك شهد
شهد نزلت دمعة عخدها ودارت عالتانية  ..
رواد: انشالله بقوم بالسلامة..انا حاسستو رح يرجعلنا
شهد: انشالله
رواد: شهد كوني قوية متل خاله ياسمين .. ليكي كيف انها جبارة برغم كلشيصار الا انها لسا صامدة ..
شهد: ياسمين هيك كرمال نهال ماتنهار بغياب ابوها ..انا ماعم بقدر ..ماعم بقدر كون متلا ..
رواد: خاله ياسمين مو بس كرمال بنتا ..هي كرمال الكل عم اتضل قوية كرمال نهال وكرمال بدور وكرمال جدي وكرمالك .. هي عندها امل انو رح يصحى وعم تحاول تعطيكون هالأمل لحتا اتضلو تدعولو وماتيأسو .. ادعيلو شهد ..ادعيلو وانشالله رح يصحى
شهد رفعت راسها ودموعها عخدها: يااااارب
رواد: يلا احكي للشغالة تجي تساعدنا لننقل الأكل عالسيارة
شهد: بدي روح معكون
رواد: لا شهد خليكي انتي هون كرمال يوسف لأنو نهال امها طالبتا وعمتي بدور بالمشفى مع جدي
شهد: اي ازا هيك مو مشكلة انا رح دير بالي على يوسف

طلعت رواد بالسيارة تبع الجد مع نهال ومشي فيهم الشوفير لعند المشفى ..
وبس وصلو نزلت نهال قبل رواد ..
نهال فتحت باب السيارة: انا رايحة شوف امي وانتي نزلي الأكل مع الشوفير ..
رواد: اي روحي لٱ تاكلي هم ..

فاتت نهال عالمشفى وضلت رواد شوي بالسيارة .. حملت جوالها ورنت على باجس بس كان يرن يرن وماحدا يرد عليها
رواد : يوووه ليش ماعم يرد…  رح ارجع اتصل
الشوفير : مدام رواد بتحبي نزل الاكل عنك
رواد : لا عم ابو عبدالله ياريت تفوت عكراج المشفى وهنيك بنزله براحتنا
الشوفير : امرك ياخانوم
حرك الشوفير السياره ب اتجاه الكراج ورواد بعدها بتحاول تتصل بباجس
رواد : وبعددددين لك رد باجس رد

*╚══════ღღ══════╝

وبقسم الشرطه كان باجس  واقف هو وامير وضياء برفقة المحقق وقدامهم شخص مقيد عالكرسي
باجس : اهلا وسهلا بالمارد نورت و •اللّـہ̣̥
المارد : انتو شو بدكم مني انا ماساويت شي
ضربوا امير بوكس بوجهو ومسكوا من تيابه وصرخ فيه
امير : ماااااسااااويت شي وهاد الفيديو مين يلي فبركه ياكلب احكي
تلبك المارد وبلع ريقه وهو بيحرك حجر عينه بين وجوههم الغاضبه وهتف بصلابه…  مابعرف عن شو عم تحكي
تلقى بوكس تاني من باجس…  اعترف قبل ماخلص عليك
المارد : صدقوني مابعرف شي
ضياء : كزاب…  انا عملت بحث على الموقع تبعك والتوقيع المتداول تبع الفيديوهات يلي بتعملها هو نفس التوقيع يلي بهاد الفيديو
المارد :… ..
باجس : الضاهر مارح تعترف بالزوق…
طالع مسدسه وسحب مسدس امير من خصرو وحط المسدسين براسو وحكا من بين اسنانه
باجس : ورحمة امي وابي ازا مابتعترف رح خلي الرصاصتين يسلمو على بعضن
المارد بخوف : رح اعترف رح اعترف
باجس : اعترف لشوف مين انت ومين طلب منك تفبرك هالفيديو
المارد : اسمي اسماعيل…  ويلي طلب مني فبرك هالفيديو مدام شمس
المحقق قرب منه وانحنى لعندو ورفع راسه بدهشه
المحقق : اسماعيل !!! المجرم الخطير الهربان
اسماعيل :…… .
باجس : الظاهر متورط بكتير قضايا هالكلب عموما نحنا اخدنا يلي بدنا ياه منه وهو هلأ الك حضرة المحقق
المحقق ب ارتباك : اي تمام تفضلوا انتو وازا احتجت لشي بستدعيكم

طلعوا الشباب ورجع المحقق اطلع ب اسماعيل وعيونه محمره
المحقق :  انا مارضيت احكي قدام باجس اني عرفتك لحتى مايقتلك قبل ماتعترف وهلأ بكل هدوء بدي اعرف منك كيف قتلت سلطان الشامي ومرته………

وعند الشباب
امير : اااخ ياخيي و •اللّـہ̣̥ مايشفي غليلي الا اني اشرب من دمك ياشمس
باجس : رح توقع يا امير وساعتها بوعدك رح ندمها عالساعه اللي ولدت فيها

ركبوا السياره وفورا سمع باجس تلفونوا عم يرن…  تناوله ورد بسرعه

باجس : اي حبيبتي
رواد: لَيــِْـِْش. طولت لحتا رديت؟
باجس: كان عِنـ.̷̷̸̷̐ـديّ  شي حكيليـّۓ وينك انتي؟
رواد: هلأ وصلت عند المشفى وجبت أكل لجدي وعمتي ومرت عمي ..
باجس: اي •اللّـہ̣̥ يرضى عليكي ..وانتي كمان ما تتعبي حالك كتير ..
رواد: اي حبيبي ماتهكل هـ ... ااااااه

وفجأة سمع باجس صوت ضرب رصاص اخترق مسامعو .. وسمع صراخ رواد .. وفجأة سكتت ..
باجس: روااااد ڵـڱ شو صااار معك ..رددددي
امير بخوف : شووو في !! شبها رواد
بعد صمت قاتل للحظات رد حدا عالجوال: اي ياباجس
باجس صابتو صدمة لما سمع صوت المتصل وصرخ: ششششمممممسس شوووو عملللتي ...
امير : شمس مع رواد !!!!

#قطع 🎬 واعادة للمقطع م̷ـــِْن طرف رواد .. 

رواد: هلأ وصلت عند المشفى وجبت أكل لجدي وعمتي ومرت عمي ..
باجس: اي •اللّـہ̣̥ يرضى عليكي ..وانتي كمان ما تتعبي حالك كتير ..
رواد: اي حبيبي ماتهكل هـ ...ااااااه

كان الشوفير واقف قدام باب السيارة ناطر رواد لتخلص المكالمة لما اجتو رصاصة براسو أودت بحياتو .. وبس شافت رواد كيف انقتل والدم اللي انرشق كلو عقزاز السيارة  صرخت ورمت الجوال م̷ـــِْن ايدها م̷ـــِْن هول الصدمة .. فاتت عليها شمس وخبطتها بكعب المسدس عراسها لحتا تسكتها  .. وبالفعل اول ما تلقت رواد الخبطة داخت وفقدت الوعي ..
حملت جوال رواد وردت: اي ياباجس
باجس صابتو صدمة لما سمع صوت المتصل وصرخ: ششششمممممسس شوووو عملللتي ...؟؟؟؟؟؟
شمس ركبت بالسيارة وشغلتها ومشيت تاركة وراها جثة الشوفير ..وضلت بتحكي عالتلفون ..
شمس: هههه ڵـڱ گـّيَفْك
باجس صرخ: شو عملتي برواد
شمس: وديتها عجهنم ..مسكينة طلعت براسها .. يلا جاي الدور عنهال ..
وسكرت التلفون ورمتو م̷ـــِْن السيارة وهي ماشية ...
باجس بلشت الدنيا تفتل براسو ..اتزكر فجأة المنام اللي شافو مو فترة ..معقول المنام يصدق ويخسر رواد عطول؟
امير : لك شووو صار فهمني
باجس بصوت خافت والصدمه عوجهو : شمس…  شمس خطفت رواد !!!

*╚══════ღღ══════╝

كان الجد قاعد عالكرسي وعم يقرأ بالمصحف الشريف ورن تلفونو برقم غريب
الجد : صدق الله العظيم
حط المصحف عجنب وتناول تلفونو ورد : الو
شمس : كيفك عصام
اول ماوصلوا الصوت توسعت حدقة عينه بدهشة وهمس : شمس !!
شمس : ههههه بيسعدني انك متزكر صوتي ياختيار النحس
الجد : انتي يلي كنتي ورى الشي اللي صار لجاسم ماهيك
شمس زادت ضحكتها : ههههههههه لك اييييه وانا يلي قتلت سلطان ومرته وانا يلي حقنت مرتضى بجرعة انسلين وانا يلي بعتلكم فيديو سوزان ويوسف هههههه صحيح وانا يلي كنت سبب بالحادث يلي صار لجاسم ونهال بس شكلو جاسم قط بسبع ارواح
شد الجد على عكازته واسود وجهو وقام من مكانه وبعد عن بدور وياسمين وهمام
الجد همس بحنق : و •اللّـہ̣̥ لاشرب من دمك يابنت الحرام
شمس : حيلك حيلك…  قبل ماتشرب من دمي في حدا عزيز عليك حابب يحكي معك
وحطت السماعه عن تم رواد اللي صرخت بخوف فتت صدر الجد اشلاء
رواد : جددددددي الحقني ياجددددددي
الجد : روااااد جدي…  اتركيها يابنت الحرام اتركيها
شمس : اووووه ياعصومي هيك بدك تزعلني منك…  مو لازم بالاول نتحاسب
الجد : رواد مالها زنب ازا بدك تاخدي تارك من حدا خديه مني انا وما ادخلي احفادي
شمس : مع انه طلبك صعب بس ماشي رح وافق بشرط تجي لعندي ولوحدك واياك تفكر تخبر الشرطه او تجيب امير وباجس معك
الجد : وين اجيكي
شمس : ناطرتك عند اول مصنع بناه ابي…  المصنع يلي بقي لليوم عالعظم عرفته
الجد : عرفته… . رح اجي فورا

سكر الجد الخد وحط ايدو علـّۓ صدرو وهو بيتنفس بصعوبه
اشتلقت عليه بدور وتوجهت لعندو
بدور : خير ابي شبك .. مين يلي كان عم يحكي معك
الجد : تلفون شغل…  انا حاسس حالي تعبان وبدي روح عالقصر شوي وبرجع
بدور : طيب لاطلب من الشوفير ياخدك
الجد : لا مافي داعي….  ووجه كلامه لهمام… .. همام عطيني مفاتيح سيارتك
همام : خليني وصلك عمي
الجد بصرامه : عطيني مفاتيح سيارتك…  قلتلكم رايح مشوار صغير عالقصر وراجع
همام : امرك عمي تفضل
سحب الجد مفاتيح السياره وتحرك بجسمه المتعب لبرا المشفى مستند على عكازه بكل جلد
الجد بقلبه : حاجتك لهون يابنت عبدالسلام اليوم رح يكون تصفية كل الحسابات

*╚══════ღღ══════╝

اخدت شمس نفس عميق واطلعت برواد وهي راسمه ابتسامه جانبيه عوجهها
شمس : وهلأ خلينا نشوف غلاوتك عند جدك
رواد دمعوا عيونها : انتي يلي قتلتي ابي !! وعمي ومرته !! انتي السبب بموت سوزان ويوسف…
صرخت من جواتها…  انتييييييي مجررررررمه مجررررررررمه
شمس : اخررررسي والا رح لحقك فيهم
رواد بتحرك راسها يمين وشمال…  مارح يتركوكي تنفدي انتي نهايتك قربت ياشمس،
قربت منها شمس لتكمم تمها واول ما مدت ايدها عضتها رواد بقوه
شمس : اااااه…  عم تعضيني ياكلبه انا بفرجيكي
رفعت اجرها وركتلها ببطنها لتقلب هي والكرسي المثبته عليه وفورا بلشت تحس بشي سخن عم يتسرب من بين اجريها
رواد بتألم : باااجس الحقني ياباجس
غمضت عيونها وغابت عن الوعي وشمس بتطلع فيها بغل
شمس : اندهي لحبيب القلب وحياتك رح يكون هالمصنع مقبرتكم كلكم

*╚══════ღღ══════╝

بالجناح بالمشفى طلعت نهال م̷ـــِْن الحمام وشافت الكل موجود ماعدا جدها ..

سألت :ماما وينو جدي مابدو يتغدا معنا؟
ياسمين: جدك طلع مشوار وهلأ راجع
نهال: اففف .. ورواد ما وصلت لسا!
بدور: لَيــِْـِْش. رواد اجت معك؟
نهال: اي ..تركتا تٌَحَـت مع الشوفير لينزلو الأكل ..
بدور: هلأ ازا شوفير جدك هون مع سيارتو لَيــِْـِْش.اخد سيارة همام ليروح مشوارو؟
نهال باستغراب. :اخد سيارة عمو همام؟  غريبة ..ليكي انا رايحة شوف رواد ازا بدها مساعدة ...

طلعت نهال م̷ـــِْن القسم ..ركبت بالمصعد ولحقوها ممرضتين طلعو معها ..كانو بيحكو   ...

.....:العما ازا هالحكي صحيح
......:الشرطة ومدير المشفى طلبو م̷ـــِْن كل الموظفين مايحكو شي لحتا مايثيرو الرعب بقلوب الناس الموجودين هون
.....:بس هي جريمة قتل ..يا لطيف ..
......:ڵـڱ اي وعم يحكو انو السيارة اللي كانت مع الشوفير انسرقت ..بس لْـۆ تعرفي لمين هالسيارة
.....:لمين؟
......:لعيلة الشامي ..يلي ابنهون موجود بالعناية المركزة هلأ ..
انصدمت نهال واتوسعو عيونها ..
.....:يحرام كأنو هالعيلة الهم كتير اعداء ..
نهال: عيدي اللي قلتي
.....:اه ..لَيــِْـِْش. مين حضرتك؟
نهال بصوت مهزوز: سيارة جدي اللي انسرقت .. مين اللي ماات احكي

طلعت نهال بسرعة م̷ـــِْن المصعد بعد ماوقف واتوجهت عالكراج ووقفوها الشرطة ...
الشرطي :يا انسة ممنوع الاقتراب مو شايفة الشريط الأصفر ..
نهال دمعو عيونها: مشان •اللّـہ̣̥ بدي اعرف مين اللي انقتل ..خليني شوف
الشرطي: لَيــِْـِْش.
نهال: بس خليني اتأكد ببوس ايدك
الشرطي: طيب وقفي هون رح اسأل ازا بقدر دخلك

راح الشرطي شوي ورجع مع المحقق
المحقق: مين حضرتك؟
نهال: انا اسمي نهال الشامي ..بس بدي شوف اللي انقتل ..بدي اتعرف عالجثة
المحقق :فوتي ..

فاتت نهال مع المحقق ووصلو عند الجثة واول مارفعو الغطا انصدمت ...
المحقق: اتعرفتي عليه؟
نهال هزت براسها وحكت بصوت مبحوح : اي ..هـ هـاآد. العم ابو عبد •اللّـہ̣̥ شوفير جدي ..
المحقق: طيب يا انسة انَـتي بتشكي بحدا عمل هالعملة؟
نهال: وين السيارة؟
المحقق: نحنا مالقينا غير الجثة والسيارة مختفية
نهال بتبكي: بنت عمي وينها ..رواد وينها
المحقق: بنت عمك؟
نهال: بنت عمي كانت مع ابو عبد•اللّـہ̣̥ ..حضرة المحقق رواد بنت عمي انخطفت شي
المحقق: العمااا ..ياااا اسعد تعاال ..
اجا المحقق اسعد : اي زهير
المحقق: الخانم هون عم تحكيلي انو بنت عمها كانت موجودة بالسيارة بساعة حدوث الجريمة وهلا مو مبينلا اثر
اسعد: معناتا جريمة القتل ماكانت بغرض السرقة ..كانت بغرض الخطف ..
المحقق. زهير: بتوقع هيك
نهال بتبكي: يعني شووو رواد انخطفت؟  مشان •اللّـہ̣̥ لاقوها مشااان •اللّـہ̣̥ لاقو بنت عمي ..
....:نهااال
التفتت نهال وشافت أمير وباجس عم يمشو اتجاهها
ركدت بسرعة وضمت أمير وهي عم تبكي
نهال: رواد انخطفت يا اميير
امير بلش يطبطبلا عكتافها؛:بنعرف ..
نهال رفعت راسها واتطلعت بالتنين اللي كانت وجوهن مابتتفسر
نهال: بتعرفو؟  گ كيف عرفتو ..
باجس :نهال بترجعي عالمشفى بتغسلي وجهك وبترجعي عالقسم ولا كأنو صاير شي فهمتي ...
أمير: وازا حدا سأل علـّۓ. رواد حكيلون انها رجعت عالقصر
نهال: بس فهموني شو يلي صاير؟
باجس بحزم: نفذي اللي عم نقلك عليه ..مابدي حدا م̷ـــِْن العيلة يخبرو باللي صار هلأ وخصوصي جدي ماشي ..
نهال: جدي؟ لَيــِْـِْش. جدي مو معكون!
امير وباجس اتطلعو ببعضون بصدمة..
باجس: معنا! !!
امير: وينو جدي؟
نهال: مابعرف ..حكتلي امي انو اخد سيارة عمو همام وطلع م̷ـــِْن المشفى ..
امير: لحالو؟
نهال: اي ..

طلعو باجس وأمير ونهال ليعرفو لَيــِْـِْش. الجد طلع م̷ـــِْن. المشفى لحالو وخصوصي بهالوقت ..

ياسمين: اي فجأة صار بدو يطلع اخد مفتيح سيارة همام وطلع لحالو
باجس: لَيــِْـِْش. ما راح معو عمي همام
بدور: شو في ياولاد ..لَيــِْـِْش. كل هالاسئلة عجدكون؟
أمير: امي جدي قبل مايطلع لاحظتي عليه شي؟
بدور صفنت شوي: اي ..اجاه اتصال ..راح عجنب بعد ماخلص المكالمة اجا وطلب مفتاح سيارة ابوك ..بس..
باجس: بس شو عمتي؟
بدور: بس كان مبين عليه مزعوج ..صاير شي بالشركة؟

دارت أخيرا القصة لباجس وأمير وعرفو انو ممكن يكون هالاتصال م̷ـــِْن شمس ..
امير اتمالك حالو: لٱ امي بجوز راح عالقصر .. يلا باجس نـًسّْيـت انو عنا اجتماع مهم هلأ ..وغمزو ..
باجس: اه..اي مبلا يلا عمة بتوصينا بشي
بدور بشك: لٱ عمة بس ديرو بالكون عحالكون ..

طلعو م̷ـــِْن المشفى ...
باجس: شو رأيكون بهالحكي؟
أمير: شو شو رأينا ..الشغلة واضحة ..شمس بدها تخلص عجدك واكيد هي اللي رنتلو لحتا يروح لعندا
ضياء: السؤال هوه وين راح
باجس: حاولت رنلو موبايلو مغلق ..
أمير وقف وبلش يصرخ: لككك وبعدين ..تلات رجااال كل واحد فينا ازا استند عحيط بهدو ما نقدر عشقفة مرا
ضياء حك دقنو وصفن شوي :هَــْـِْـْْـِلاّ انتو حكيتو انها سرقت سيارة جدك
باجس: اي ..
ضياء: في طريقة نوصلا
أمير قعد بلهفة: كييف؟
ضياء: ازا عنجد اللي عم فكر فِيَھ صحيح رح نوصلا واليوم
باجس: احكي طيب ..
ضياء: شو نوع سيارة جدك؟
أمير: مرسيدس بينز موديل 2017 انا وقتا اشرفت علـّۓ. معاملة شرائها..بس لَيــِْـِْش. عم تسأل
ضياء: بالعادة متل هيك سيارات حديثة بكون فيها جهاز GPS لتتبع المواقع ... امير ازا هالجهاز شغال بسيارة جدك معناتا وصلنا لشمس
باجس: العما شلون راح عن بالنا ..
أمير: استنا رح اتصل بالشركة واخد رقم الجهاز..

بعد ماحصل أمير علـّۓ. رقم الجهاز ..فتح ضياء عالموبايل تبعو برنامج الخريطة لتتبع المواقع وقدر يلقط اشارة السيارة ..
باجس: طمن ضياء
ضيأء ابتسم : انا برأيي نطلع بالسيارة ونلحق الاشارة. لأنها بينت عِنـ.̷̷̸̷̐ـديّ

اندفعو كلهم عالسيارة وطلعو بسرعة الصاروخ ...

بهالأثناء وصل الجد علـّۓ. العنوان اللي عطتو اياه شمس ..نزل م̷ـــِْن السيارة ودخل عالمبنى اللي كان اكترو مهدم وصرخ: شمممممس ..طلعي يابنت عبد السلااااام ..ليكني إجيت برجليي لعندك. .

طلت شمس م̷ـــِْن الطابق التاني وهي حاملة مسدس ...
شمس: والله وطلعت رجال يا عصام الشامي ووفيت بوعدك واجيت لحالك
عصام: وينها رواد يا شمس؟
شمس؛ :رواد! !! اي طلاع طلاع لحتا تشوفها ..

بخطوات متثاقلة طلع عصام للطابق التاني واول مادخل انصدم بس شاف رواد مغمية عالأرض .
عصام: شو عملتيلا
شمس وهي عم تتفتل حواليها و بتلعب بالمسدس بايدها : ولاشي بس اكلت نصيبها 😏

عصام: انتي شو هالقلب اللي حاملتيه جواتك ..

شمس: أكيد مارح يكون أقسى م̷ـــِْن قِلًبُكً.. «بلشت تطلع حواليها »بتتزكر هاد المبنئ ياعصام الشامي
عصام: ......
شمس: ولوو بعرف انك ختيرت بس مو لدرجة صابك زهايمر ..مو هي الأرض اللي اشتريتوها انتة وابي وهاد المبنى كان لآزٍمٍ يكون مصنع للحديد ..
عصام: اي مزبوط ..ووقتا بعنا هالأرض والمبنى لأنو لقينا مصنع جاهز لحتا نختصر شوي عحالنا عناء كسوتو وشراء الات ...
شمس: دخلتو شراكة وطلعت بكلشي لحالك ..اديشك واحد ندل ..اديشك واحد مافيك ضمير ..عضيت الايد اللي انمدتلك وسرقت منو كلشي
عصام: أبوكي هوة اللي وقعلي تنازل بعد ما اشتريت منو حصتو
شمس صرخت: كزززززااااااب

باجس وأمير وضياء كانو بعدن عالطريق ...
باجس: أمير اتصل بالشرطة بسرعة
أمير: وشو خص الشرطة هلأ..انا بدي خلص عالحيوانة بإيديي
باجس:معلش اتصل بالشرطة لحتا نضمن هالمرة ما يكون الها مجال تهرب ..
ضياء: كلام باجس مزبوط أمير ..ومشان ازا صار ماصار تكون الشرطة بالصورة ..

وبالمصنع كانو شمس وعصام بعدن بيحكو..
شمس: سرقت كلشي منا ...كل أملاكك م̷ـــِْن خير ابي ..كلشي بتملكو م̷ـــِْن حقي انا
عصام: بتعرفي شمس انك بتشبهي أبوكي .. بكون علـّۓ. غلط وبيعرف أنو عغلط وبيضل مقتنع انو هوة الصح
شمس: لأني عنجد صّـْْـْْحّ
عصام استند علـّۓ. عكازو بتثاقل وقعد علـّۓ. عدة بلوكات مصفوفة وشرع بالحكي: لٱ ياشمس مانك صّـْْحّ  ... انا سبق وحكيتلك انو ابوكي مرت عليه فترة ادمن عالكحول والقمار وكل جلسة لعب يخسر هداك المبلغ ..وهاد غير اللي كان يصرفهون عالنسوان ..فكرك لَيــِْـِْش. ما اتجوز م̷ـــِْن بعد امك الموحومة ..مفكرتيه م̷ـــِْن وفائو الها مااتزوج  ..لٱ شمس ابوكي لحتا ماينربط ويضل م̷ـــِْن مرة للتانية بدون ماحدا يحاسبو.. لما شفتو هيك فضلت اختصر الشغل معو لأنو عرفت انو بتصرفاتو هي رح يضيعنا .. اشتريت حصتو اللي ضالة معو لأنو معلومك بهداك الوقت ابوكي كان ضايلو شوية أملاك وكل ماكان يعتاز مصاري يبيع شغلة ..واللي كان يشتري انا وازا بدك معي كل عقود البيع والشراء المتفرقة م̷ـــِْن اراضي ومصانع .. ولحتا مايضيعك الك كمان جوزتك ابني مرتضئ ..ولاتفكريني ماكنت بعرف انك انتي يلي مابتجيبي ولاد ..انا كنت بعرف انو مرتضئ بجيب ولاد وكنت متأكد انو رواد بنتو ومع هيك نكرت هالشي ولحتا ما تطلعي لبرة رجعت جوزتك لحفيدي ولولا هالمشاكل اللي صارت والا كنتي مرت جاسم ..
شمس للحظة ضعفت ونزلت دمعتها .. رجعت تمالكت حالها وقالت بكل حقد : مفكرني سدقتك ياختيار النحس ..عفكرة انا ماجبتك لهون لحتا تبررلي عاللي عملتو ..انا جبتك لحتا ريح ابي يقبرو ووديك لعندو يا عصام الزفت ..ولا تفكرني رح انسا لاااا رح ضل موجودي لخلص عالباقي م̷ـــِْن عيلتك يا حيوان .. رح موتون واحد ورا التاني لحتا اتأكد انو عيلة الشامي انبادت عن وجه هالأرض ...

فجأة سمعو صوت حدا بصرخ :لاتكوووني كتير متأكدة م̷ـــِْن هالشي ..

وفجأة شافت أمير وباجس وضياء طالعين عالدرج وعيونهن المسلطة عليها بتقدح شررر...

ولما شاف باجس رواد عالأرض انصدم وكان بدو يقرب لما شمس قوصت بين