#الـــورقــــه_الـــرابـــحــه
#الجــــزء_التاســـع_عــــشر
#بــــقلمــي_امــــل_احــمــد_ســـلوم

*╚══════ღღ══════╝

بعد ما اخدت ياسمين الموافقه من ام ضياء راحت العيله وطلبوا شهد بشكل رسمي لجاسم وعملولهم حفلة زواج عائليه

بفستان أبيض بسيط وعقد الجسم طلت شهد ووقفت قدام مراية طويلة ... شردت بحالها للحظة واتزكرت نظرة عيون ياسمين يلي اختارتها الها بالذات لتقاسمها بشريك حياتها ...

صحاهَـ ــاآ صوت امها : بسم •اللّـہ̣̥ ماشاء •اللّـہ̣̥ ..ڵـڱ انشالله مايبلا ولايتخ..
شهد ابتسمت بخجل: عنجد حلو ماما
ام ضياء: حلو كتير .. اصلا هو حلو لأنك انتي اللي لابستيه ..
شهد: ربي مايحرمني منك امي

دخلت رواد ونهال وبس شافوها طار عقلن ...
رواد: ياعيني ياعيني ...اي والله ماعرفتك ..
شهد: بالله .. عم تتمسخري
رواد: الحق عليي لأني عم بمدحك واتغزل فيكي
شهد: انتي روحي اتشاطري عجوزك اللي لحد الان زعلان مـڼـڱ م̷ـــِْن الفصل يلي عملتيه بالشركة
رواد: قولتك هيك
شهد: ههههه اكيد 😂
رواد: ڵـڱ يخليلي البك شهودة ..انشالله الف مبروك...وضمتها
رجعت شهد اتطلعت بنهال وشافتها كيف بتتمايزها م̷ـــِْن فوق لتحت ..بعدت عن رواد وقربت علـّۓ. نهال بتوتر ...
نهال: مبروك
شهد: نهال ياريت ماتاخدي عني فكرة غلط انا...
هزت نهال براسها بالنفي: لٱ لٱ شهد انا مو زعلانة .. بعدين انا بعرف شو انتي وكمان .. بدي مـڼـڱ اتديري بالك على بابا ..
شهد ابتسمت بخجل: مابدي توصاية نهال .. وعزة جلالة •اللّـہ̣̥ اني بحبك متل كأنك اختي الصغيرة وبحب الست ياسمين كأنها اختي الكبيرة

......:وانتي بعادتك بتنادي لإختك ست! ؟؟

التفتو كلون لعند الباب وشافو ياسمين واقفة وعم تتبسم بكل لطف ...
شهد: اهلين ست ياسمين ..
ياسمين قربت: ليكي م̷ـــِْن الًيَوُمًِ ورايح بتناديلي ياسمين ..وازا بدك تزعليني بتناديلي ست او خانم
شهد: اكيد مارح يهون عليي زعلك ..معناتا بدك تسمحيلي اندهلك اختي ..
ياسمين :حبيبة قلبي شهودة .. «وضمتها» انشالله الف مبرووك وجوازة الدهر .. وعقبال ماشوف ولادك
شهد: بوجودك سـ ..قصدي إختي 💙
ياسمين : بتعرفي طالعه متل القمر شهد
شهد «نزلت راسها بخجل»: تسلميليـّۓ  ياسمين.
ياسمين : شبك منزله راسك بالارض ارفعي راسك واطلعي فيي انتي من اليوم حرم جاسم الشامي
رفعت شهد راسها واطلعت بعيون ياسمين
شهد : صدقيني مارح كون الك ضره
ياسيمن بمزح : ههههه اي لنشوف…  يالله قومي عريسك ناطرك

مسكتا ياسمين م̷ـــِْن ايدها وطلعتها عالحديقة لعند جاسم .. كان الكل حاضر ومبسوط ..

وقفت شهد جنب جاسم وكان باين عليها التوتر .. اما جاسم كان واقف ونظرو مسلط علـّۓ. ياسمين يلي كانت عم تضحك للموجودين  ..
كان بيعرف تماما انها عم تمثل الفرح بيعرف انو قلبها عم ينزف م̷ـــِْن الجرح اللي جرحتو لحالا ..

اما باجس كان واقف علـّۓ. جنب مع أمير ..
باجس: بتعرف ياأمير انو مرت عمي كتير كبرت بعيني
أمير: بحياتي ماكنت متوقع انها اتجوز خالي بإيديها بالنهاية ..هي يلي عملت المستحيل لحتا تمنعو يتزوج بـ شمس ..
باجس: لٱ تستغرب أمير ..مرت خالك بنت أصول ومابدها تحرم خالك م̷ـــِْن الولد .. معقول رواد تعمل متلا لْـۆ كانت مكانها

...:اعمل شوو؟
التفتو عليها ...
باجس: ولاشي ...
رواد قربت على باجس ومسكتو م̷ـــِْن زندو و بدلع ...:تَعاّلّ نرقص سوا
باجس ببرود: مابدي ..مو جاي عبالي
رواد بحزن مصطنع: بعدك زعلان مِڼـّي
باجس: .....
رواد همستلو: ازا مابدك تجي ترقص معي رح اطلب م̷ـــِْن أمير. .
باجس :شو ..حكيتي؟
رواد: متل ماسمعت ..تَعاّلّ نرقص سوا ..يلااا
باجس ابتسم ومسك ايدها وراحو يرقصو سوا ...
باجس: مع اني زعلان مـڼـڱ
رواد حطت جبينها عجبينو وبلشت تحاكيه بهمس: والله مابهون عليي زعلك ياروحي ..خلص التوبة ما بقا عيدااا ..
باجس: ڵـڱ تسلملي مرتي الحلوة يلي بتسمع الكلمة ..

نهال بطرف عينها كانت بتطلع بـ أمير  وهو واقف عجنب وحاطط ايد بجيبة والايد التانية حامل فيها كاسة عصير وعم يشرب .. ضلت شاردة فِيَھ لحتا شافتو طلع فيها .. زاحت نظرها عنو بارتباك وخجل .. وشافت أبوها بيبتسملا ويهز براسو وكأنو عطاها اشارة القبول .. ابتسمت ورجعت اتطلعت بأمير .. كان رح يوقف قلبها لما شافتو عم يمشي اتجاهها .. حست حرارتها عم ترتفع درجة مع كل خطوة عم يخطيها اتجاهها.. وصل لعندا أخيرا ..رفعت راسها وشافتو واقف وبيطلع فيها بإهتمام ..

أمير: گـّيَفْك نهال
نهال بصوت عم يرجف: الحمدلله ..منيحة انا ..
أمير «مد ايدو اتجاهها »:ياترى ازا طلبت م̷ـــِْن بنت خالي الأمورة تشاركني هالرقصة رح ترفض؟
ضلت نهال صافنة بأمير وهية عم تتنفس بصعوبة والتفتت لعند ابوها شافتو عم يهزلا براسو انو روحي  ...

نهال بتوتر وبدون اي كلمة مدت ايدها وحطتها بإيد أمير ووقفت ومشيو سوا لعند الساحة وقربت منو لتعطي مجال لقلبها يحكي بدالها ومشاعرها لتحركها مع نسمة عشق هبت فجأة عليها اتجاه أمير ...

أمير: شبك !
نهال بتوتر: خــايفة و...ومبسوطة بنفس الوقت
أمير: م̷ـــِْن شو خايفة؟ وشو يلي باسطك
نهال رفعت راسها ليلتقو عيونها بعيونو: مبسوطة اني عم عيش احلا لحظاتي هلأ وخايفة انو يلي عم عيشو هلأ يكون بلا معنى للشخص اللي عم عيش معو هاللحظات
أمير وقف وثبتها م̷ـــِْن خصرها وصفن بعيونها
أمير: نهال خليكي مبسوطة وبعمرك ماتخافي وانتي معي
نهال: انت نويت تفسخ خطبتك عني؟
أمير: .....
نهال نزلت راسها وحكت بهمس: انا بدي ضل معك ومابدي افسخ الخطبة
أمير: كرمال يوسف؟
نهال: يعني هلأ ازا قمت تتجوز رح تقنعني انو موكرمال يوسف ..
أمير: كرمال يوسف هي امي موجودة بتربيه او ازا مو امي مربية بستأجرها لتعتني فِيَھ ..نهال انا ازا بدي قوم اتزوج فكرمال نفسي انا ومارح اتجوز الا البُـنًتٍ يلي رح تسكن قلبي ..
نهال: ....
أمير: وهالبنت لأجل الحظ حاليا هون وبالتحديد واقفة بين ايديي ...
نهال اتطلعت فيه بحب وبشوق .. ابتسمت ونزلت دمعة فرح م̷ـــِْن عينها ..
أمير: بحبك
اما نهال قربت منو اكتر لتسمحلو يحويها بأحضانو وبقلبو ...❤

قربت بدور على ياسمين م̷ـــِْن ورا وحطت ايدها عكتفا ..
بدور: ماتزعلي ياسمين ..انا متأكدة انو قرارك هاد هوي الانسب وهو اللي رح يخلي جاسم يحبك اكتر واكتر
ياسمين مع ابتسامة: جاسم بحبني وانا متأكدة م̷ـــِْن هالشي ومو ناطر مِڼـّي هيك حركة ليزيد حبي بقلبو لأنو بعرف انو حبي كبير جواتو .. •اللّـہ̣̥ بهنيون ويبعتلون الذرية الصالحة .

ضل جاسم يطلع فيها ويتمايز هدوئها اللي كان عاكس العاصفه يلي  جواتها
وقف بدون ارادة وترك ايد شهد وراح اتجاهها ..مسكها م̷ـــِْن ايدها وبلش يرقص معها قدام عيون الكل ..
ياسمين: الليلة ليلة شهد جاسم لاتكسر بخاطر البُـنًتٍ
جاسم: سامحيني
ياسمين: بشو احلفلك اني مو زعلانة مـڼـڱ..بالعكس لْـۆ اني زعلانة ماكنت رح جوزك بإيديي ..
جاسم مسك ايدها وباسها : •اللّـہ̣̥ لٱ يحرمني مـڼـڱ ومن طيبة قلبك .. ياسمين انتي الاصل ورح اتضلي الأصل .. رح اتضلي كل دنيتي وكل حياتي
ياسمين: وانت جوزي وعزي وسندي وابو ولادي سوزان •اللّـہ̣̥ يرحمها ونهال •اللّـہ̣̥ يتمم نصيبها ..«وكملت بمزح »وهلأ انتة صرت مقسم عتنتين ههه
جاسم ضحك ضحكة خفيفة ورجع اتطلع بعيونها
وقفت ياسمين رقص وبعدت عنو وراحت اتجاه شهد وسحبتها من ايدها لعند جاسم ..
ياسمين: الًيَوُمًِ يوم شهد ..والله ياجاسم ما اسمع انك مزعلها لحتى احرد انا واياها سوا
جاسم: لااا ازا هيك معد الي كلام ..شهد بعيوني ..

وتركتون وراحت ليرقصو اول رقصة الهن سوا ... كانت المشاعر ملخبطة ومشتتة ..ومع هيك قدر جاسم يمتص خوف وتوتر شهد وبلمسة حنونة منو ينسيها اللي مرت فِيَھ زمان ...

أخيرا خلص العرس ودخلو جاسم وشهد عالجناح اللي كانت مجهزتو ياسمين كرمالهن ..م̷ـــِْن زينة وخلافو ...

كان الوضع متوتر واصوات الانفاس المشتتة هوة الوحيد اللي طاغي عالمكان .. 
قرب جاسم ‏​‏​منـِْهـ♡̨̐ـِْا :شـ شهد انا...
سكت للحظات ورجع التفت وراح عالحمام سكر الباب واستند عالباب وبلش ياخد نفس لحتا يستجمع قواه ..
اما شهد تمالكت نفسها وضلت واقفة مكانها ..
شهد: اهدي شهد مافي شي بخوف ..هاد بضل زوجك

وشافتو طلع .. كان عم يتحاشا يقرب ‏​‏​منـِْهـ♡̨̐ـِْا ... بس هي سهلت عليه وقربت هي عليه ..
شهد: ليك جاسم ازا انا عم سببلك اي توتر او...
قاطعها: لٱ شهد..انا مو متوتر بس بعدني مستصعب اني قضي ليلة مع ...مع مرة تانية
شهد: ....
مسك ايديها وهو عم يرجف ..لدرجة حست برجفتو : لاتفهميني غلط شهد. انا بعمري ماعرفت غير مرتي وبعمري ما شاحت عيني على مرة غيرها ..حاسس شوي بالغرابة بعد هالعمر اكيد انتي فهمانة عليي ..
شهد ابتسمت :اي فهمانة جاسم .. بتعرف انا ماكنت حاطة ببالي اتزوج بس لما عرغت انه انت العريس حسيت بالراحة وارتحت اكتر لما خبروني انو ياسمين هية اللي طلبتني الك ..
جاسم: طيب لَيــِْـِْش.؟
شهد: لأنك انت الوحيد اللي ما اهتم بسبب طلاقي ولا لامني ...وصدقني  اني بريئة م̷ـــِْن هالاشاعة اللي طلعها عليي طليقي ..
ونزلت راسها ...
جاسم مسكها م̷ـــِْن دقنها ورفعلا راسها: وبما انك بريئة خليكي رافعة راسك .. وبعمرك ماتحني قدام حدا ..انَـْتي هلأ زوجة جاسم الشامي يلي مستعد يقطع راس اللي رح يجي بصوب حدا بخصو ..فهمتي ..

ابتسمت شهد ولفت حالها وزاحت باقي شعرها المنتور عضهرها وطلبت منو بصوت اشبه للمثير: ممكن تنزلي سحاب الفستان ..
كانت شهد واقفة وناطرة منو لينفذ وينزلا سحاب الفستان ...رفع جاسم ايديه وهو عم يرجف ونزلا السحاب ببطئ ليظهر الو ضهرها الناعم ... أبيض ناصع وملمسو ناعم وبنص ضهرا لفتت نظرو شامة مزينة هالبياض .. كانت حاسة بلمساتو وقلبها بيخفق جواتها وبيرقص م̷ـــِْن الفرحة .. رجع رفع ايدو ونزلا كتف الفستان ليكشفلا عن باقي اكتافها ..وبحركة بطيئة حست عليه طبعلا بوسة علـّۓ. كتفها الشمال وارفق بوسته بحركه ناعمه من ايدو ونزلا باقي فستانها بالارض وهي كانت اشارتو لبداية حياة زوجية سعيدة. .

*╚══════ღღ══════╝

ردت ياسمين باب غرفتها بكل هدوء ومشت بخطوات ثقيله ناح تختها… .
قعدت عحرف التخت ومسكت برواز بيجمع صورتها هي وجاسم وبناتها التنتين
تحسسته ب الم ب اطراف اصابعها ونزلت قطرات دموعها عقزاز البرواز

ياسمين : ياريت فيي رجع الزمن يمكن وقتها كنت غيرت كتير شغلات وكنا كلنا سوا هلأ ومعنا ابني يلي راح قبل ما اعرف لون عيونه
مسحت دمعتها وغمضت عيونها وهي بتضم البرواز لصدرها
ياسمين : اول مره تنام بعيد عني جاسم…  بتمنى تكون سعيد ويعوضك ربي بالذريه الصالحه من شهد

*╚══════ღღ══════╝

بحديقه كلا ورود ب الوانها الزاهيه .. ونسمات الهوا عم بداعب غصون الشجر
كانت رواد عم تتمشى مع باجس وضحكتها معبيه وجهها
رواد : يا الله شو فرحانه انك اخيرا قررت تخصصلي جزء من وقتك لنروح شهر العسل
باجس : ياروحي انتي بوعدك كل ايامنا عسل بعسل
رواد : خايفه بكرا بس يجي ابنا تنساني وماتعود ادللني
بعد عنها خطوه ونزل ع ركبه وحط ايديه ع بطنها الصغيرر
باجس : انتي وابنا اهم شي بحياتي بوعدك رواد ابقى معك لآخر نفس

لكن خود نفسك الاخير ياحفيد الشامي

تلفت باجس بسرعه وشاف شمس واقفه وراه و مصوبه مسدسها عليه كان ع وشك يقوم من مكانه لكن شمس ضغطت عالزناد لتتحرك رواد بسرعه وتتلقى الرصاصه بصدرها وتطلع من الجهه التانيه
رشق دمها على وجه باجس  ووقعت بلحظه بحضنه جثه هامده

باجس : روااااااااااااااااااااد

رواد : بسم •اللّـہ̣̥ الرحمن الرحيم… شبك حبيبي
فتح عيونه بذهول وهو بعدو بيطلع بوجه رواد وانفاسه متسارعه
رواد : باجس ياروحي رد عليي
كان عم يطلع فيها والخوف مالي قلبه وبيراقب بحجر عينه صدرها وبطنها واخيرا دارتلو القصه ..
ضمها لصدرو بقوه ونزلت منه دمعه
باجس : الحمد للہ انك بخير ياروحي
رواد : كنت عم تشوف منام بشع ماهيك
باجس بضيق : كابوس يارواد كابوووس
بقي على وضعه وهو حاضن رواد بقوه وكأنه خايف حدا ياخدها منه

باجس بقلبه : هالمنام مو من فراغ اكيد شمس عم تتخطط لشي وهالمنام كان تنبيه لاخد حزري منها

*╚══════ღღ══════╝

تاني نهار ومن بكير كتير وصلت بدور عالقصر بصحبة امير…  كان الجد عم يفطر هو ورواد وباجس وياسمين ونهال ضامه يوسف وعم اطعميه
بدور : صباح الخير
الكل : صباح النور
شلح امير جاكيته وهو بيطلع بالسفره
امير : شكلو حماتي بتحبني
الجد بخبث : اي طبعا ياسمين مافي منها
ضحكت ياسمين واشرت لبدور وامير يقعدو
سحب امير الكرسي و تلفت ناح نهال وابتسم ورجع بصرو ناح امه وهو بيقعد مكانه بحد باجس
امير : اي طبعا لاني شخص محظوظ الله بعتلي حما وحمايه مافي منن
ياسمين : اي لا لاتركن كتير
الكل : هههههه
رواد : افهم من كلامك انك نويت يا ابن العم
امير : اممممم بس ناخد موافقة العروس اول
خجلت نهال وتورد وجهها باللون الاحمر ووقفت ب ارتباك حطت يوسف بحضن بدور وركضت لجوا والكل عم يطلع فيها ويضحك
بدور : يبعتلك يا امير هيك خجلت البنت
امير :  شو حكيت امي هنه سألوني وانا جاوبت وبتعرفيني رجل دغري وصريح
باجس : كح كح كح
خبط عضهرو بقوه… .. صحه صحه دير بالك ابن خالي بلا ماتغص وتروح منا
باجس : تضرب انت وحكيك…  افطر وانت ساكت لاني عاوزك بموضوع مهم
امير : في شي!!
باجس : بعدين بفهمك
كان الجد عم بيراقب احفاده الذكور وحس انه في شي مو تمام وشرع بالحكي
الجد : كيف الشغل ياولاد
باجس : من احسن مايكون جدي
الجد : يعني مافي مشاكل
باجس : لا ابدا لاتشغل بالك جدي احفادك اسود
هز الجد راسه برضى لكن بقلبه بقي حاسس انه في شي غلط
بدور : اي ابي شو رأيك نعمل عرس امير ونهال اخر الشهر
الجد : ماعندي اي مانع بنتي بس عندي شرط
بدور : انت بتؤمر ابي
الجد : انا عم عيش اخر ايامي وحابب شوف ولادي و احفادي حواليي طول الوقت…  بدي امير ونهال يسكنوا عندي بالقصر
تعبت عيون بدور بالدموع وقامت عند ابوها وباستله ايدو وحنت راسها عكتفه
بدور : لاتحكي هيك ابي الله يمدلنا بعمرك…  نحنا كلنا حواليك
الجد وهو بيرتب على ايد بنته بحب
مارح ناخد زمانا وزمان غيرنا بنتي ومتل ماوافق جاسم يسكن هوه ونسوانه هون بدي انتي وهمام وامير تسكنو عندي بالقصر لحتى الله ياخد امانته وبوقتها ازا بتحبوا ترجعوا متل ماكنتو شي برجعلكم بس لبولي هالطلب
حاولت بدور تغير الموضوع ومالقيت قدامها غير ياسمين : شو ياسمين العرسان لسه نايمين
اطلعت ياسمين بصحنها واتبسمت ابتسامه خفيفه : مو عرسان خليهم يفيقوا ايمت مابدهم

مسح باجس دمعه خفيه استقرت بطرف عينه ووقف بسرعه وهو بيتناول جاكيته
باجس : يالله امير تأخرنا
امير : اي يالله جاي

طلع امير وباجس من القصر وقبل مايفتح باب سيارته وقفه امير وهو ماسكه من كتفه
امير : صاير معك شي باجس
اتنهد باجس : لا ابدا بس شفت منام زعجني كتير
امير : هلأ قالب خلقتك من على بكرة الصبح وبدك ياني بموضوع مهم وبالاخير يطلع منام
باجس : لانه هالمنام اشاره يا امير
امير : مافهمت
باجس : كأنك نسيت شمس
امير بغضب : وشو جاب سيرتها هلأ
باجس : لازم ماتروح من بالك طول ماهيه مختفيه والشرطه مو لاقيتها
امير : قصدك ممكن ترجع لتئزي حدا !!!
باجس : مابعرف بس انا قلبي مو مطمن ابدا ولازم نكون صاحيين ومستعدين لاي مواجهه لازم نحمي هالعيله من هالشيطانه شو ماكلفنا الامر

*╚══════ღღ══════

وبمكان تاني
فتحت شهد عيونها بكسل وهي بتحرك راسها بعفويه من شي عم يداعب انفها بخفه.
جاسم : يالله ياكسوله فيقي
كان جاسم نايم بحدها وب ايدو ورده وعم يداعب ب انفها بنعومه ويمشي الورده غخدها ورقبتها
فتحت عيونها ومسكت الورده وشمتها واتبسمت
شهد : صباح الخير
جاسم : صباح الورد… . وهمسلا (صبحيه مباركه )
شهد بخجل : تسلملي ابن عمي
جاسم قربها ع صدرو وحكا بهمس
بعدك خجلانه مني
هزت راسها بالنفي…  لا انت هلأ جوزي وكل حياتي
رفع دقنها بطرف اصبعه واطلع بعيونها
جاسم : يعني بتحبيني !
شهد : مارح تصدق لو قلتلك اني بشوفك الرجال الوحيد بهي الدنيا
جاسم : لهدرجه
شهد بهيام حطت ايدها عخدو : واكتر كمان… . جاسم انت اختصرت كل الرجال بشخصك .. انا كتير بحبك
جاسم : وانا بوعدك ما اظلمك معي واوهبك الامان والسعاده طول مافيي نفس بس بدي منك طلب
حطت اصبعها على تمه ومنعته يكمل
شهد : لاتكمل حبيبي ياسمين بعيوني وبمقام اختي وبوعدك ماتسمع او تشوف الا كل شي يسر قلبك
جاسم : انا محظوظ فيكي شهد
شهد : انا يلي محظوظه فيك ياكل الرجال
بقي يتأمل وجهها ولمعة عيونها وبحركه هاديه مد ايدو ورى راسها وجذبها لعندو وحط شفايفه على شفايفه وداب فيهم

*╚══════ღღ══════╝

وصلو الشباب عالشركه واستقلو المصعد وفجأه وصل لامير اتصال هاتفي
تناول موبايله ورد فورا
امير : الو .. مين معي………  كيف !!! حضرتك متأكد… .. !!!! طيب طيب..  جاي فورا) 

سكر الخط وبلش يكبس ع ازرار المصعد بسرعه لينزل منه او يرجعه لتحت
باجس : شو في .. مين يلي كان عالتلفون !!
امير بعجل : الشرطه…  عم يبلغوني انه تقرير الطب الشرعي لموت دعاء كان في تلاعب وانهم عرفوا سبب وفاتها
باجس : شووووو…  لكان رح اجي معك مارح اتركك

*╚══════ღღ══════╝

بخطوات سريعة كان امير عم يتحرك بين ممرات القسم لحتى وصل لغرفة المحقق…  دق عالباب ووصلو الرد…  تفضل
فاتو امير وباجس والقلق واضح علـّۓ وجوهم
امير : قلي حضرة المحقق كيف ماتت دعاء
باجس : طول بالك امير لنفهم من حضرة المحقق شو القصه
المحقق : بصراحه انا من البدايه كنت شاكك انه في تلاعب ب اوراق الطب الشرعي واليوم تم القبض على موظف مرتشي بيزور متل هيك تقارير ليظلل العداله وبعد ماحققنا معه بكتير قضايا عرفنا انه قضية مدام دعاء من بينهم…  لهيك رجعت فتحت ملفها وضغطت عالمتهم لحتى اعترف انه تلاعب ب اوراق الطب الشرعي والتقرير الاصلي صار قدامي هلأ
شد امير على قبضته لبرزت عروقه وحكا من بين سنانه : دعاء ماتت مقتوله ماهيك
المحقق : اي صحيح… بناءا على تقرير الطب الشرعي يلي قدامي يؤسفني خبرك انها ماتت مخنوقه ومو بسبب الولاده
تجمعت حباتـ العرق على جبينه واحمرت عيونه وهمس بحده
امير : شـمــس !!! شمس !!
المحقق : حـضرتك بتشك بحدا او المدام كان الها اعداء
امير : لا
باجس : ؟؟؟
المحقق : طيب نحنا رح انتابع التحقيق وازا تزكرت شي ياريت تبلغني
امير بهدوء : ان شاء الله

*╚══════ღღ══════╝

طلعوا من غرفة المحقق وامير حاسس الدنيا عم تفتل فيه

باجس : ليش ماحكيت انك بتتهم شمس
امير بحقد : بسبب شمس ابني حيربى بدون امه…  مارح ينشفى قلبي الا اخد تاري ب ايدي
باجس : خلي القانون يحاسبها
امير هز راسه بقوه : لا ..لا .... شمس ماتسببت بموت دعاء وحدها
باجس : شو قصدك
امير : تعال معي في شي لازم تشوفوا

*╚══════ღღ══════╝

قعدت نهال عالمرجوحه بسكون وميلت راسها عالحبله وهي شارده بفكرها لبعيد..  وبعد لحظات حست ب ايدين ناعيمين عم يدفعوها بهدوء تلفتت وراها وتبسمت
نهال : هي انتي
رواد : ايه انا ليكون فكرتيني حدا تاني
نهال بخجل : بصراحه ايه 🙈
لفت رواد وقعدت بحد نهال عالمرجوحه
رواد : حبيتيه
نهال : بعمري ماتصورت انه يقدر يستوطن قلبي
رواد : الحب بس يفوت عالقلب مابيستأزن
نهال : بهي معك حق

سكتوا شوي وبعدا حكت نهال
كيفوا البيبي
رواد : مممم منيح عم تغلبني شوي
نهال : تغلبك !!! ليش هيه بنوته
رواد : ههههه ايه بس ماخبرت باجس
نهال : الله يتمملك على خير وتقومي بالسلامه انتي والبيبي
رواد ; تسلمي ياروحي وعقبال فرحتنا فيكي انتي وميرو
نهال : بخجل ولو 🙈
رواد بشقاوه : يسلملي الخجلاان

*╚══════ღღ══════╝

وصلوا باجس وامير على بيت امير وفورا توجهوا لغرفة دعاء
باجس : ليش جبتني لهون !!
امير هلأ بتفهم كلشي
تقدم من التخت ونزل ع ركبه وسحب الصندوق الخشبي وحطه عالتخت
امير : جبتك كرمال هاد…  هاد الصندوق كانت شمس تحتفظ بداخله كل الاوراق المهمه
باجس : شو في بقلب هالصندوق
امير : رح تشوف بعينك

تقدم باجس وقعد قبال امير ع حرف التخت وهو بيطلع على حركة ايدين امير ب اهتمام.... 
فتح امير الصندوق وطال مجموعة صور
امير : بالاول شوفلي هدول الصور
مسك باجس الصور وبلش يقلب فيهم
باجس : هاد خالي مرتضى الله يرحمه…  بس مين هي المره يلي معه
امير : دقق بملامحها بتعرفها
ضيق باجس عيونو وبقي ثواني يتأمل الصوره وبعدا فتح عيونو بدهشه،
باجس : هـ هي افتكار !!! اما لرواد
امير : ايه…  شوف يلي بعدا
حط الصوره الاولى بحدو وانصدم من التانيه لدرجة انه حس بتنميل بكل جسمه وبلشت شفايفه ترتعش
باجس : هـ هدول ا امـ ي و ابــي !!!  ليش شمس محتفظه بصورتهم
امير : الله يرحمهم… . شوف هلأ هي القصاصات من الجرايد وحاول اربط الاحداث لحتى تفهم بنفسك

حط امير مجموعه من القصاصات فيها عناوين ترأست بيوم من الايام الصفحات الاولى
الورقه الاولى…  افلاس رجل الاعمال عبدالسلام الحايك
الورقه الثانيه : وفاة رجل الاعمال عبدالسلام الحايك بعد خبر  افلاسه
الورقه التالته : ترأس سلطان الشامي لمجموعة شركات الشامي
الورقه الرابعه : وفاة ابن الملياردير عصام الشامي السيد سلطان الشامي هو وزوجته بحادث أليم
الورقه الخامسه : ترأس مرتضى لمجموعة الشركات
الورقه السادسه : وفاة مرتضى اثر ازمه قلبيه حاده اثر حقنه لنفسه بحقنة اونسلين
الورقه : السادسه : ترأس جاسم الشامي لمجموعة شركات الشامي

كان باجس بيطلع بالقصاصات وهو مذهول… .وامير عم يشرحله
امير :  لاحظ ياباجس خبر ترأس ابوك للشركات في دائره حوالين صورة ابوك وبالصوره اللي فيها خبر الوفاه في علامة اكس ✖
ونفس الشي عند خالي مرتضى اما عند صورة خالي جاسم مافي الا دائره حوالين صورته !!!!
باجس بصدمه : قصدك انه الدور على عمي جاسم !!!
امير : بالضبط
باجس : و و شمس !!! شمس هيه يلي تسببت بموت ابي وامي وعمي مرتضى… .. لك ااااااااااااااااخ

صرخ من جوات قلبه وقام يكسر كلشي حواليه
باجس : شممسسسس ماحدا رح يقتلك غيرررررررري
مسكه امير وثبته من كتافه
امير : باجس مالازم تفقد اعصابك خصوصا بالوقت هاد… .. الخطر عم بيلاحق العيله متل ماقلت
خر باجس ع ركبه ب انهيار وهو بيتمتم
باجس : رح اقتلها رح اشرب من دمها
امير : وفي شي كمان شاكك انها كانت سببه
رفع باجس راسه .. شو كمان
امير : موت سوزان ويوسف
باجس : لك اييييه مو بعيده عنها تكون هيه يلي خطتت لكل شي لدمرنا
امير : جدي امر الكل يحزفوا الفيديو من عندهم بس مابعرف ليش احتفظت فيه بين الملفات  الفيديو بعدو معي باجس وممكن يفيدنا بشي
باجس وقف بسرعه… . وريني ياه فورا

قلب امير بين الملفات بغصه خنقت قلبه واخيرا وصل للفيديو اللي جمع سوزان ويوسف وبلش العرض

يوسف عم يحضن سوزان وبعدا في تغبيش والمشهد ماعاد توضح بس يلي بيركز بيشوف يوسف وهو بياخد من سوزان اغلا شي بتملكه اي بنت وبيوسخ شرف العيله…  بعدا بيوضح المشهد وببين وجه يوسف وسوزان بوضوح

باجس : مسسستحيل في شي غلط بهاد الفيديو
امير : متل شو !!
باجس : هالشي رح نعرفه من ضياء نسيان انه مهندس برمجه
امير : لكن خلينا نروح لعند ضياء فورا
باجس : مشي معي

*╚══════ღღ══════╝

وببيت ضياء اندق الباب دقات سريعه ومتتاليه
ركضت سوسن وفتحت الباب واتفاجئت ب امير