‏إنّ العُيونَ لها بوحٌ ورقرقةٌ
أسمَى وأفصح مما قيلَ أو كتِبا.

££££££££££££££££££££££

الدكتورة بابتسامة "مبروك حبيبتي انتي حامل  "خلت ايدها على بطنها ونزلت دموعها .الدكتورة" حكتبلج على فيتامينات ومثبت للحمل واهمشي الراحة بعدج بلشهر الاول ونسبة الاسقاط بلشهور الاولى تكون عالية فديربالج ". ليال "لتكولين لامي "
الدكتورة" ليش "
ليال "ءء اريد اسويلها مفاجئة "
الدكتورة" متزوجة مو "
ليال "ايي متزوجة "
الدكتورة "اكيد حيفرح بخبر حملج  ..يلا حبيبتي مابيج غير العافية" ابتسمتلها وطلعت

ليال.....جنت بمصيبة صرت باثنين شحسوي ياربي ساعدني دموعي تنزل بقهر على حالي وحال هل طفل الى ممعروف شنو مصيره .ام ليال" ها بنتي متاذية اصيح الدكتورة "مسحت دموعي" لا مابيه شي "باست راسي

ام ليال "حروح اصيح الدكتورة اريد اعرف شبيج "
ليال "من رحتي اجت كالت صاير عندي خفقان "
ام ليال "ياسودة عليه بنتي هاي من القهر والبجي" حظنتها واني ابجي ياربي ساعدني مالي غيرك

سارة "همزين طلعنه سوه شوية نغير جو منو صاحب الفكرة "
هاجر "ليول "
ليال "مردت احجي بلبيت اخاف امي تسمعنه "
هاجر "فجبتينه نتعشا مندي كفو "
ليال "البارحة رحت لخطوبة ابراهيم "

سارة "اي العنودية رحتي ورحتي همزين مصارلج شي "
ليال "من رجعت للبيت ضاق نفسي وصدري كام ياذيني "
هاجر "عزاا وليش ماخابرتي نجي ناخذج للمستشفى "

سارة "شلون صرتي هسه احسن "نزلت دموعي باوعتلهم "طلعت حامل توسعت عينهم بصدمة .حجت بضحكة" تشاقين مو ليال احجي شي هاجر" شهكت واني ابجي بقوة حظنتني هاجر "اشش يروحي لتبجين "

سارة "شحسوين هسه "
ليال "مادري "
هاجر "يعني ناقصج انتي مصايب "

سارة "كلتي لابراهيم ؟!"

ليال "لا "بعدتني عنها شوية ومسحت دموعي .هاجر" لازم يعرف "
ليال "هو بده حياة جديدة ويه ازل ماريد اخربها "
هاجر "لعد هوه مفكر قبل ليسوي هيج ويخرب حياتج لازم تكوليله ليال"

سارة "حجي هاجر صح وبعدين شنو حتكولين لاهلج من تكبر بطنج"
هاجر" اكو حل اذا متريدين تكوليله ..ومحد يعرف "
ليال "شنو "
هاجر" تسقطين الطفل "خليت ايدي على بطني بخوف
ليال "شدتكولين هاجر مستحيل اسوي هيج واقتل روح بريئة ..وفوك كل هاذ ابني "

هاجر" لعد كوليله وخلي يتحمل نتيجة افعاله "حظنتني سارة وهيه تمسح على شعري" لتبجين كلشي ينحل "ضحكت .هاجر "خرب عرضج شبسرعة حبلتي ". سارة "نجبي هاجر مو وكت شقة "مسحت دموعي .سارة "من هسه اكلج غصبان ماعليج تاكلين "
ليال "ماكو داعي تغصبوني اني اصلا ميته جوع "
هاجر "هسه عرفت ليش صايرة تاكلين اكل مال مطاية ...انتي لا مشهيات لا فيتامينات فادت بيج طلع جواج ابراهيم صغير" ابتسمت على كلمتها خليت ايدي على بطني .سارة" يگلبي يطلع هيج حلو مثلج ومثله عزاا تحمست ولدي بسرعة "

هاجر "يطلع انتاج رهيب "ابتسمت اجه النادل .ليال" اريد نص مندي مدفون دجاج وببسي ". هاجر"جيبلنه بعد نص مثلها "
النادل" تدللون "
ليال "من هسه اكلكم النص بس  اليه "
سارة "اكلي الى تريديه المهم تكونون بخير ". هاجر "هسه ياليول وره متكملين بوجهج لابراهيم تكوليله "
ليال" باجر لازم اروح للكلية استلم شهادتي  وميته نعس "
سارة "لعد من ترجعين ولتخافين تنجحين متاكدة "
ليال "نشالله  "جابولنه الاكل دست بيه دوسه ونص واكلت من اكلهم وره مكملنه وصلتهم لبيوتهم ورحت للبيت غيرت ملابسي ونزلت كعدت شوية ويه اهلي وصعدت نمت

ثاني يوم كوه كعدت  لبست بنطرون مشكك وهودي زيتوني جبيرخليت مكياج بسيط رشيت عطر لبست حذاء رياضي بيجي اخذت تلفوني ونزلت
ليال" صباح الخير ". "صباح النور "بوستهم وكعدت اكل .ابو ليال "اليوم النتائج ". ليال "اي "

ام ليال "الله يوفقج ونشالله ناجحة ميضيع تعبج "
ليال "نشالله يلا اروح اني  "بوستهم مرة ثانية اخذت السويج وطلعت صعدت سيارتي متوترة وخايفة لا ارسب لا اسم الله اروح بيها ركنت سيارتي ودخلت لكيت ايات حظنتها  .ايات "ميته خوف مكدرت انام البارحة "

ليال "نشالله ننجح تفائلي بلخير "
ايات "امشي نروح يم دفعتنه "رحنه يمهم .زهراء" ليول صايرة تموتين شنو سر هل جمال ". ليال "طول عمري حلوة"  ابتسمتلها اجه منتظر" النتائج خلوها "راحو كلهم ايات" كفو ..غثيثة حطت عينها عليج "
ليال "عوفج منها روحي شوفي اذا راسبين لو ناجحين حيغمى عليه من التوتر"

ايات "اوك حشوف نتائجنه واجي" هزيتلها راسي ب اي راحت واني امشي بتوتر يارب لتضيع تعبنه نشالله ناجحين اجتني ايات وهيه تركض

ليال"ها ". ايات "ناجحين "حظنتني واني ممصدكة بادلتها
ليال بسعادة "صرنه مرحلة ثالثة "
ايات "اي ليال نجحنه  ولله كفو منه "ابتسمت بسعادة
ليال "الحمدلله "
ايات "بهل مناسبة الحلوة عازمتج "
ليال "اني العازمتج بس مو اليوم باجر اليوم عندي شغل "
ليال" اوك" رحنه يم الدفعة ضليت شوية وياهم ودعت ايات وطلعت ركبت سيارتي خابرت امي بشرتها دزيت بلكروب مالتنه اني وهاجر وسارة وضحى دك تلفوني

ليال "هلو سمسوم "
سما" هلا ليول شلونج "
ليال "الحمدلله اخذت اليوم النتائج طلعت ناجحة "
سما "حبيبي الف مبروك "
ليال "الله يبارك بيج  شنو هل اليوم اله كله خير "
ليال "ليش شكو بعد "

سما "ليش متدرين اليوم شكد بلشهر "
ليال "لا "
سما "ياغبية اليوم عيد ميلادي "
ليال" ياا حبيبي اعذريني نسيت ولله مخبوصة بلنتائج كل عام وانتي بالف خير "
سما" ولا يهمج حبيبي حسوي حفلة وانتي معزومة "
ليال "مستحيل اوصل لبيتكم "
سما "مو بيتنه ءء بشقة ابراهيم وبس بنات كتله اريد اسوي حفلة كال سويها بشقتي حتى تاخذين راحتج "

ليال "ابراهيم ميجي مو "
سما "اكيد لا قابل اجيبه حتى صديقاتي يغتصبوه "ضحكت
سما "مثل متعرفين اخوية صاك وخطيبته تغار عليه "

ليال بعصبية" طيح الله حضج انتي وخطيبته ولي ما اجي "ضحكت "اتشاقة وياج شبيج تعاي هسه اذا ماعندج شي"

ليال" ابدل واجي "
سما "اوك حطلب غده اليه والج "
ليال "اوك"سديته منها ورحت للبيت تلكتني امي بلباب وهيه تبوس بيه وابوية باركلي .ابوليال" هديتج تاخذيها السبوع الجاي "
ليال "شنو الهدية "
ابو ليال "لاسبوع الجاي تعرفين "

ام ليال "يلا حبيبتي روحي بدلي حتى نتغده "
ليال "معزومة لعيد ميلاد صديقتي هناك اتغده "
ابو ليال "مو تتاخرين "
ليال "صار "بست راسه وصعدت سبحت لبست فستان شتريته من تركيا

برمت شعري الطويل خليت مكياج رشت عطر ولبست كعبي الاسود لبست فوكاه بشت واخذت جنطة صغيرة ونزلت  .ام ليال" اروح فدوه لبنتيتي الحلوة "حظنتها وبست ايدها " حبيبتي ماما "

ام ليال "روحي وتونسي وغيري جو وانسي كلشيي "ابتسمتلها اخذت سويج السيارة وطلعت رحت  اشتريت هدية لسما بعدين رحت للشقة دكت الجرس ثواني وفتحت سما بفستانها الوردي القصير

سما "ليول" حظنتني ودخلنه جوه .ليال "كل عام وانتي بالف خير" انطيتها هديتها .سما" وانتي بخير عمريي"
ليال "لك شنو جمال عيني "
سما بابتسامة "طبعا طالعة على اخوية "ضحكت ونزعت البشت خليته على تخم هو والجنطة صوفرت" لعابة فديتك "
ليال "انته العابة حبيبي ..روحي كملي شعرج واني اكمل ترتيب "

سما "بس بقة الكلاصات وين مااندلهن "
ليال "اوك "راحت للغرفة تكمل شعرها باوعت للشقة وابتسمت بيها هواي ذكريات طلعت الكلاصات من الكاونتر ندك الباب .سما "اكيد التوصيل اني افتحها ليال بس جيبي النفاخ بغرفة ابراهيم "

ليال "اوك "رحت للغرفة اول مدخلت خدودي صارن حمر ابتسمت وكفت كدام المراية خليت ايدي على بطني انداريت من شفت انعكاسه بلمراية توسعت عيني بصدمة ومبين هو هم متفاجى تقرب مني بغضب سحبني من زندي عليه حجه بعصبية وهو صاك عل سنونه "شنو هل لبس بنت الكلب تريدين تخبليني "

ليال "ءءحفلة بنات "
ابراهيم "لو حتى اذا حفلة خرا متلبسين هيج وجسمج كله مبين "
ليال بعصبية"وانته شكو ... معليك بيه "سحبني وراه .ليال "عوفني وين ..ماخذني "

ابراهيم "ونشالله جاية هيج "
سما "شكو شبيكم "
ابراهيم بعصبية "هاي جاية هيج "
سما" لا لابسه بشت ".ابراهيم" جيبي "راحت تجيبه
ليال "عوف ايدي ابراهيم ..اذيتني" ضغط عليها اكثر جابت البشت اخذه منها وشمر عليه اخذ جنطتي لبسته لبشت سحبني وراه مصعدني السيارة وصعد هو يسوق بسرعة

ليال" وين ماخذني ..مالك حق تحاسبني على شي احنه نفصلنه "ابتسم باستهزاء وكف السيارة كدام بيتنه نزل وسحبني من ايدي وراه دخلني جوه صعدني لغرفتنه او المفروض جانت تصير غرفتنه دفعني

حجه بعصبية وصراخ" باعي زين هاي الغرفة والبيت وكلشي انتي ختاريتي  حيصير لازل "نزلت راسي ودموعي تنزل رفعت راسي من تقرب مني يحجي بعصبية وعيونه تباوع بعيوني "بديت حياتي من جديد بدونج انتي صرتي ولا شي بلنسبة اليه ليال "

شهكت واني ابجي بقوة رجع ليوره يباوعلي برود. ليال" اني اسفة على كلشي"رفعت راسي باوعتله تنهد ومسح وجهه بايده كمت وكفت كدامه مسحت دموعي اخذت نفس عميق" اتمنالك حياة سعيدة بدوني "نزلت دموعي بعد نظره عني وكفت على اطراف اصابيعي وحظنته تفاجى من حركتي دفنت راسي برقبته واني ابجي .ليال بهمس "احبك "شد على حظني بقوة لدرجة حسيت عضامي حتتكسر ابتعدت عنه شوية  من دك تلفوني وايده بعدها حاضنه خصري  مسحت دموع

ليال "الو "
سارة" ها ليول كلتي لابراهيم انتي حامل "باوعتله ضل واكف بصدمة
ليال "ءء باي سارة "سدتيه  بوجها الله ياخذج سارة
❤️❤️❤️❤️