‏بعيدانِ نحنُ
‏أنت في يمين العُمر
‏وأنا في يسارهِ
‏قريبانِ من بعضنا
‏تبكي أنت
‏فيبتّلُ قلبي.

£££££££££££££££££££££££££££££

ليال "قررت اروح لخطوبة ابراهيم "
سارة" لو تموتين ما اخليج تروحين "
ليال "لازم اروح واشوفه اني قوية وما انكسر "
سارة "ليال ادري بيج متتحملين"
ضحى "حجي سارة صح ليال "

ليال "اخذت قراري باجر منو تجي وياية اروح اشتري فستان "
سارة "انتي مخبلة تروحين لخطوبة حبيبيج ...تنهارين  ليال "شهكت وهيه تبجي ليال "اريد اشوف هم حيكون فرحان وياها يتغزل بيها يبوسها"
ضحى وهيه تحضنها" شش ليالتي اهدي وانسي كلشي احنه جتمعنه حتى نتونس "

سارة "انسي ابراهيم وانسي كلشي خلي نرجع مثل قبل من جان عمرنه 16 نكعد نحش بلعالم ونمكيج وناخذ صور نسوي كلشي يعجبنه "
ضحى "اي ونطلب اكل وبعدين انتي تسويلنه  اندومي "ابتسمت بخفة طلعو البنات فلم كعدو وهيه بنصهم حاضنيها ويباوعون .ليال" محطير "
ضحى "حضنج دافي" ابتسمت وهيه تمسح على شعرها

ليال ....ثاني يوم رحت للسوك اني وسارة فتريت هواي محلات معجبني شي سارة "هاذا ضل املنه الوحيد" دخلنه واني اشوف الفساتين

سارة" ليول "نداريت عليها .سارة" هاذا افستان يموت "

ليال باعجاب "واوو كلش حلو "
سارة "وعليج يطلع احلا وانتي منشنشة صايرة تموتين ..خلي استاذ ابراهيم يموت من غيرته" ابتسمت .ليال "اروح اقيسه"
سارة "يلا "دخلت لغرفة القياس لبسته. ليال" سارة "اجت 

سارة "الهم صلي على محمد وال محمد صدقهه شنو هل جمال يموت عليج طالع فيت على جسمج "باوعت لنفسي بلمراية وابتسمت دفعت حسابه وطلعنه رحنه لمطعم طلبنه اكل .ليال "صاير هواي اكل "

سارة "احسن اهمشي صحتج "
ليال" على كولتج "وره مكملنه اكل دفعت الحساب وصلتها لبيتهم ورحت لبيتنه بوست امي وكعدت بصفها .ليال" بابا وين "
ام ليال "نايم ...شنو اشتريتي "اخذت نفس عميق "شتريت فستان للخطوبة "

ام ليال "خطوبة منو "تنهدت "خطوبة ابراهيم "
ام ليال "لا متروحين "
ليال "فدوهه ماما خلي نروح  ماريد ابينله ضعيفة واخلي بيبيته الحقيرة تشمت بيه هيه وهذيج ام عطوب "

ام ليال "عوفيهم خلي يولون ..متروحين "
ليال "ماما فدوهه حبيبتي لخاطري خل نروح باجر "تنهدت بستها بخدها وصعدت العلاليك فوك طلعت البوم صور خطوبتنه ابتسمت واني اشوف شلون جان فرحان تنهدت .ليال بجي" حتصير لغيري خسرتك "

ثاني يوم كعدت من وكت سبحت ولبست الفستان

شسورت شعري الى يوصل لنهاية وركي خليت مكياج يبرز عيوني الكبار رشيت عطر احس بضيق واني داتجهز حتى اروح لخطوبة حبيبي لبست حذائي الكعب الاسود لبست بشت فوك ملابسي اخذت تلفوني ونزلت

ام ليال "الهم صلي على محمد وال محمد شنو هل جمال لياله "بست راسها
ام ليال "منروح مو احسن ليال "
ليال "ماما البارحة حجينه بلموضوع "
ابو ليال" اميرة ابوها وين رايحة "باسني براسي
ليال "حروح لخطوبة "

ام ليال "حروح وياها "
ابو ليال "اني هم  حروح متواعد ويه اصدقائي" ابتسملي وطلع
ام ليال "يلا تعاي اكلي "كعدت واني اكل

ليال "ماريد بعد  "كمت غسلت معدتي تقلصت من الخوف والتوتر رحنه لبيتهم ستغربت ماكو سيارات هواي يم بابهم من اجه خطبني نسد الشارع من السيارات اخذت نفس عميق لزمت امي ايدي

ام ليال "ليول ماما خلي نرجع "
ليال "يلا ماما وصلنه"اخذت نفس عميق ودخلنه تفاجئو من شافوني
سما "ليول شجابج "
ليال "شنوهل سؤال سما "
سما "مو قصدي بس يعني ". اسراء بابتسامة "ياهلا تفضلو "كعدنه اجتي امه سلمت على امي وعليه باوعتلي وتنهدت ابتسمتلها بخفة دخلت ازل وهمه يهلهلون غوركت عيوني بلدموع من شافتني ابتسمت كعدت على كوشه وخواته ملتمات يمها فرحانات بيها تقربت مني بيبيته" ياهلا شلونكم "
ام ليال "بخير الحمدلله "
البيبيه "مو كتلج ما اخليج تتهيني بيه "ابتسمتلي وراحت
ليال "عجوز النار "

كعدت يمها  سما "زينة ؟!".ليال" اي زينة "ابتسمتلها بخفة .ليال "ليش معازمين احد بس خواتج وجم وحدة ". سما" ابراهيم مقبل يعزم هواي ناس "هزت راسها ب اي . ام ابراهيم" سما صعدي جيبي الورد "
سما "اوك ..ليال تجين ويايه "

ليال "اوك" انطت تلفونها الامها. ليال" ماما هسه اجي" كامت نزعت البشت وصعدت ويه سما لغرفتها ابتسمت بخفة وهيه تشيل الورد
ليال "ابراهيم وين "
سما "جوه اكيد مشفتي من فتي "
ليال "لا "نفتح الباب ودخل تفاجى من شافها

سما "هاذا ابراهيم "
ابراهيم" سما طلعي وسدي الباب "
سما بابتسامة" اوك" طلعت وسدت الباب وراها بلعت ريقها تقرب منها
وعيونه تباوعلها بغضب "شنو هل لبس "

حجت بخوف و بتوتر من نظراته "  هل شي ميخصك" ابتسم باستهزاء حاصرها بين جسمه الضخم والحايط رفعت عيونها تباوع بعيونه

ابراهيم "متوقعت تجين "
حجت بقوة" وليش ما اجي مو انته عزمتني "ابتسم بخفة من شافها بدت تعصب

ليال "متعقد عليها اله تطلكني "ابتسم وبيت غمازته تقرب منها وهمس كدام شفايفها "ما اطلكج وتضلين على ذمتي لحد ما اموت "خلت ايدها على حلكه "اشش لتجيب سيرة الموت "استغرب خوفها عليه تحمحمت وبعدت ايدها نزلت راسها بخجل لزم فكها بايده رافع راسها وعيونه تباوع بعيونها

ابراهيم "اكو نضرة غريبة بعيونج "تحمحمت وهيه تبعد نظراتها عنه
ابراهيم "ما اجيتي هيج مو ؟!"هزت راسها ب لا
ابراهيم "زين...روحي لبسي الى جنتي لابسته وروحي انتظريني بشقتي "

ليال "ليش "
ابراهيم "نفذي الى اكوله بدون ليش" ندك الباب
سما "ابراهيم يصيحوك حتى تعقدون "نزلت دمعة من عينها تنهد ومسح وجهه بايده ابتعد عنها وطلع نزلت دموعها بقهر دخلت .سما "شبيج ليول" راحت حضنتها .سما وهيه تمسح على شعرها "شجابج ياليال "ابتعدت عنها ومسحت دموعها.ليال" اريد انزل ختنكت "

سما "كومي يلا "نزلو جوه اخذت نفس عميق ودخلت الصالة ازل تباوعلها بانتصار .ليال" ماما خلي نروح " .ام ليال "يلا" كامت اخذت تلفونها ولبشت مالتها دخل ابراهيم كلها تهلهل تقرب من ازل وكف بصفها عينه اجت بعينها المكسورة نزلت دمعة مسحتها بسرعة وطلعت صعدت سيارتها وهيه تبجي بقوة

ام ليال" يا ام راس يابس...اني شلون سمعت كلامج" حضنتها وهيه تبجي "كافي حبيبتي يولي يجيج الحسن منه" ابتعدت عنها شوية مسحت دموعها وساقت للبيت اول موصلت صعدت لغرفتها وهيه تبجي بقوة ليال كله بسسببي الله ياخذني وارتاح تهسترت كسرت الغرفة تريد شي يطفي نار گلبها

حست بالم قوي بگلبها فركت صدرها نزلت دموعها بكثرة من حست بالم زاد فتحت الباب وهيه تصرخ " ماما اخخ الحكيني ماما " صعدت امها مفزوعة .ام ليال "شبيج ليال "

ليل "صدري ماكدر اتنفس "تبجي بالم وهيه تفرك بصدوها بقوة
ام ليال وهيه تسندها" اتحملي يابنتي "اخذتها وراحت للمستشفى دخلوها للطوارى خلولها مغذي .ام ليال "شلون صرتي احسن ؟!"

ليال "اي احسن "
الممرضة "مابيج غير العافية "
ليال "شكرا "
ام ليال "شنو بيها"
الممرضة "هسه تجي الدكتورة "ابتسمت بخفة وطلعت دخل واحد من الحرس "انتي صاحبة السيارة رقم*****"

ام ليال "اي "
الحارس" عايفة السيارة مشتغله ومكانها غلط "
ام ليال "اسفة اعذرني جنت مخبوصة ...هسه اجي" هزت راسها ب اي وطلعت تنهدت دخلت الدكتورة "هلو ليال نشالله صرتي احسن "

ليال "اي الحمدلله" باوعت بلتقرير ورجعت باوعتلها وابتسمت" لازم تديرين بالج على نفسج ولتعصبين ولا تنقهرين صاير عندج خفقان ديربالج لان هل شي اياثر بشكل سلبي على طفل" توسعت عينها بصدمة
ليال بصدمة "شنو...ياطفل "
الدكتورة بابتسامة" مبروك حبيبتي انتي حامل"

❤️❤️❤️❤️