Hala or Alam dono hi thathak kr peeche darwazy ki taraf dekhny lg gyi jahan wajdan khara kehka lga raha tha.

"Churi ka to pta nhi magar mirchi to zroor ho" Wajdan ny kehka lgaty hwy kaha jb alam ki nazar usky gehry dimples pr pri

"Kyu apko konsi mirchein lga di meine?" Alam usky dimples se nzrein htatay hwy khafgi sy boli

"Lgayi to nhi albata pilayi zroor hain" Wajdan danto ki numaish krty hwy kamry mein dakhil hwa

"ap yhn kyu aye hain apko pata nhi kisi ky kamry mein puchy bagair nhi aty" Alam ny wajdan ko sharam dilana chahi

"To apko ijazat hai par hmein nhi" Wajdan ny muskuraty hwy kaha jb alam ko unki pehli mulakat yaad agyi

"Wajii bhai apko kuch chahiye tha kya?" alam ky lab khulty hwy dekh hala ny bat badalny mein hi afiyaat jaani

"nhi guriya mein to bus apko ye deny aya tha" Wajdan ny apny hath mein pkry kuch shopping bags ki taraf ishara kiya

"Ye kya" Hala ny uth kr wajdan ky hath sy shopping bags lety hwy kaha.

"khud dekh lo" Wajdan ny phr sy apny dimples ki numaish ki

Hala ny bag kholy to aik bag mein chocolates ky bohat sy box thy jbky dosry bag mein aik darmayane size ka teddy bear tha jisko dekhty hi alam ki ankhein chamak uthi

"thankyou sooo much bhai, you're the best" Hala ne wajdan ky galay lgty hwy bola

"ye kisky liye?" Hala ny masoom bnty hwy teddy bear ki taraf ishara kiya

"ye tumhari miss mirchi ke liye"Wajdan ne alam ko cherte huye kaha

"mere liye??" Alam ne apni trf ishara krty bola

"Hn to or kya yahan koi or Miss mirchi bhi haim?" Wajdan ny apni hssi zbt krty huye apni neeli ankhein sukair kr alam ki trf dekhte hwy kaha

Alam jo teddy bear ko dekh kr satway asmaan pr phnchi thi wajdan ki baat sun kr foran mu phula liya

"ye kya bdtmeezi hai.. ap honge mirchi. Or hala apne jalaad jese bhai se boldo mujhe nahi chahiye ye teddy"Alam ne wajdan ki trf dekhte hwy hala se kaha

"Par mein ye kisko dungi?" Hala ny alam ki taraf dekhty hwy kaha

"Jo le kr aye hain wohi rkhein mein to nhi loongi" ye kehty alam bed pr beth kr rukh mor gyi

"Mein kyu rkhoonga bacha thori hoon nhi chahiye to jb ehmar ayega usko dedena hala"Wajdan ye kehty hwy ruka nhi or wahan sy chla gya

"Alam mein kya sach mein ye ehmar ko dedoon?" hala ny alam sy pucha

"Kyu bibi mere liye aya hai to mein hi rkhoongi naw" Alam ny hala ky hath sy teddy kheinchty hwy kaha or dobara bed pr beth gyi

"wo to mein bus aisy hi check kr rhi thi ky wo kharoos admi mujhy mnayeinge ya nhi par wo to meri umeedon pr pura utry" Alam ny teddy ko hug krty hwy kaha

"Ehmar ko chahiye hoga to or ledeinge naw usky nam nihaad mamu ye to mera hai" Alam teddy samait hi bed pr lait gyi

Alam teddy ko hath mei pkkr kr uska jaiza lene lgi .

"Ye kesa ajeeb teddy hai?" alam ne jb teddy bear ka sanjeeda taasurat wala chehra dekha to boli.

"Arre Hala dekho ye teddy bear to blkul tumharay kharoos bhai jesa hai" alam ne khilkhilatay huye hala se kaha

"Acha dikhao to.. hn bs eik cheez ki kmi hai iski eyes bhai ki trha blue nahi Hain" Hala ne teddy bear ki ankho ki trf ishara krty hwy kaha

"arre isme konsi baat hai ruko" alam ye kehty hwy bed se uthi or samne table pr pari blue nail polish se uski ankhein paint krdi

"lo ab lg rahay ho na puray mr kharoos" alam ny mutmaiyn muskurahat ky sath teddy ko dekhte hwy kaha

"Aajse iska naam kharoos hai" alam ne Hala ky chehre ke samne teddy bear ko krty hwy bola

Hala uski is bchkana hrkt parr bs sar hila kr muskuranay lgi

"hn to kharoos ab btao msla kya hai Tumhe hmm??" Alam ne teddy bear ki grdn ko zor se 3 4 bar ghoomatay huye kaha

"Oho alam aise to ye phat jayega" hala ko alam ki harkat pr bohat hasi ayi thi

"Ye nhi tumharay bhai ka sar phatega kisi din mere hathon abhi shukr mnao teddy ki jagah wo khud nhi" Alam ye kehty hwy bed pr lait gyi

"haan haan batein hain tumhari unky to saanp soongh jatay hain" Hala ny alam ko cheirty hwy kaha jab ky alam mun phula kr reh gyi ab kehka lgany ki bari hala ki thi

Bahir diwaar ky sath taik lgaye khara wajdan un dono ki sab batein sun kr muskurata hwa upr apny kamry ki janib barh gya jabky do tir barsaati ankhoon ny wajdan ka seeriyaan crhny tak takub kiya tha

"tumhein to mein dekh loongi alam" hiba ny gussy sy kaha or pair patakhty hwy apni maa ky kamry mein chli gyi

"ama ye Alam hr wqt wajdan ke agay peeche ghoomti rehti hai" hiba ne mushtaul lehje mei apni ami se kaha

"Meine to tujhy pehly hi kaha tha bichu hai bichu aik baar wajdan ky sar pr beth gyi na to tujhy usky kareeb ata dekh bhi dank maregi" Amna phupho ny alam ko bichu ka darja dety hwy kaha

"hn sb ptaa hai mujhe Ye adaaye dikha kr usko apny peeche lgana chahti hai churail kahin ki" hiba ne Amna begum ki baat se itafaq krtay hwy kaha

"tu bhi wajdan se batein kia kr thora usky agay peeche ghuma kr ye na ho kmbakht le urre usse or hm Yahan hath malte reh jayein"Amna begum ne usko smjhatay hwy kaha

"Ama mein to unky agay peechi hi ghoomti hoon magar wajdan mujhy koi bhao hi nhi dety" hiba ny udaasi sy kaha

"arre meri bchi tu hai hi masoom tujhe uss churail jesi chalakiyan kahan aati Hain lekin tu tension na le..mei hun na dekhna kese wajdan or teri shadi krwati wese bhi toon to us alam naas piti sy zyada soni hai meri bachi" amna begum ny hiba ka matha choomty hwy kaha or hiba to bus alam sy zyada pyari kahay janay pr hi khush hogyi thi

Raat ko wajdan kisi kaam se ghr se bahr tha sabny ludo ka aik mukabla kiya jo ky alam ny cheating krke jeet liya jis pr murtaza to rony hi lg gya tha jab ky muraad ny akhir mein sari game tehas nehas krdi kuky usky mutabik agr wo nhi jeetega to koi nhi jeet skta

"Ye kya kiya hai apny ap to cheating kr rhy hain muraad" Hala ny muraad ko khaa janay wali nazro sy dekha

"To tab sy yahan beth kr jo tum do churailein bar bar dice ko ghuma kr 6 laa rhi ho uska kya hum kya andhy bathy hain idhr" muraad bhi puri mukably bazi pr utar aya tha

"Jhoot to mat bolein bhai ab ap bhi murtaza ki tarhaan rony lg gye hain rondu kahi ky" Alam ny hala ki jagah jawab dena lazmi smjha

"Haan naw muraad jab tum harny lgy to game bigaar di wah kya bat hai" maheen ny taaliyaan bajatay hwy kaha

Jab ky arshman bus muskuraty hwy muraad ko dekh rha tha jo murtaza ky sath mil kr un 3 lrkiyoon sy lar rha tha arshman shuru sy hi reserved sa tha ussy zyada bolna pasand nhi tha muraad ky baraks arshman ki personality mein bohat thehrao tha

"Tum sab lrkiyaan jhooti makar or aik num ki fraud ho rondu fraudanein kahi ki mujhy nhi khailna" muraad ny aik bar phr sy ludo ko utha kr zameen pr patka or phr sofa sy pillow pakar kr alam ky sir pr daay mara jab alam bhi hawa mein urty hwy ukaab ki tarhaan muraad pr jhapti or usky baal kheinchny lgi

"Oho alam choro usko muraad tum bhi choro kya bacho ki trhaan lr rhy ho" arshman ny apni hasi dbaty hwy un dono ko alag kiya

Muraad ky baal aise khary thy jese usky baal washing machine mein aa kr khinchein gye ho jabky alam ky balo mein to maano jese border paar sy koi bomb aa kr gira ho

"Hatt jao alam jahan aj sy tumhara mera taluk khatam tum to mujhy shadi sy pehly ganjaa krny pr tuli ho" muraad ny apna sar sehlaty hwy kaha

"Mujhy bhi apsy bat nhi krni hai muraad jahan" Alam bhi uth kr kamry mein janay lgi jab peeche sy aik pillow phr sy aa kr alam ky sir pr land hwa

Or muraad ny alam ky murny sy pehly hi apny kamry ki taraf dorr lga di

Subha sab nashta krny ky liye neeche aye jab alam ny muraad ki taraf dekh kr mun phair liya magar muraad ko ye bat kahan hazam thi ky uski choti behn ussy naraz rehti isi liye muraad ny alam ko dobara sy zich krna chaha

"ye subha subha churail kahan se agyi" muraad ne alam ki trf eik nzr dekh kr usse kaha

"Muraad jahan shayad hmary darmayan rishta khatam hogya tha" Alam ny ussy ghourty hwy kaha

"Haan wo to alam jahan ky sath khatam hwa tha naw tum to meri choti si churail ho" Muraad ny apny dantoon ki numaish krty hwy kaha

"Jee nahi aisa nhi hoga kal apny mere baal kheinche thy" Alam ny muraad ki taraf dekhty hwy khaafgi ka izhaar kiya

"Muraad ye mein kya sun rhi hoon" shaista begum ny muraad ko ghoorty hwy kaha

"Mama jhoot bol rhi hai ye fraudan isny pehly mere baal kheinche thy ye dekhein isny to mujhy adhaa ganjaa bhi krdiya hai" Muraad ny apny sar pr ganjapan dikhanay ki nakaam koshish ki jisko dekhty hwy sab hans diye

"wese bhi log cheating krty hain or to or attitude bhi dikhaty hain" Muraad ny alam ki taraf tanziya muskuraty hwy kaha

"Kuch logon mei wese hi sportsman spirit naam ki koi cheez nahi hoti isliye kbhi apna harna accept nahi krte or dusron pr cheating ka ilzam lganay lg jaatay hain" alam ne uski tanziya muskurahat lautatay hwy kaha

"ab zahir hai apni cheating ko chupanay ke liye tum to ye hi bolo gi na" muraad ne adat ke mutabik apni eyebrow raise krte hwy kaha

"Aisa nhi hai ap krty hain cheating kal bhi raat ko apny pura ludo board uraa kr phaink diya tha" Alam ny plate ky sath pari fork uthaa kr muraad ki janib krdi

"Haan to theek hai aj phr sy mukabla kr lety hain" Muraad ny bhi churi utha kr alam ki janib krdi jese dono hi kisi jang ka ailaan kr rhy hoon

"Mein tayar hoon" Alam sy pehly hala ny kaha

"Nhi madam ap kis khushi mein ap alam sy bari doghli hain apki jagah aj koi or khailega" Muraad ny hala ko seedha seedha inkaar krty hwy kaha

"Haan to phr apki jagah bhi koi or khailega" Hala ny insaaf ky liye awaaz uthayi

"Wajdan bhai khaileinge" murtaza ny naya shosha chorty hwy kaha jab ky sakoon sy nashta krta hwa wajdan aik dam thathak kr reh gya

"mei ab bchon ki trha ludo khelta acha lgun ga kya? Wese bhi mei ajkl eik case ki waja se busy hun" wajdan ne inkar krty hwy murtaza pr eik teekhi nzr daali phr nashta krne lga

"Aray barkhurdaar aik game hi to hai koi bat nhi khail lo" Baba sayein ny sbky latky hwy chehry dekhe to wajdan sy kaha

"par baba sayei-" wajdan ny kuch kehna chaha

"Wajdan khail lein naw" hiba ny wajdan sy farmaish ki

"Haan beta bachy khush ho jayeinge" Amma sayein ny bhi apna farz nibhaya

"Theek hai par bus aik game" Wajdan ny haami bharty hwy kaha jab ky hiba ky yun farmaish krny pr or wajdan ky maan janay pr alam ne ghusse se wajdan ko ghoora

"Hala ki jagah mein khailoongi" Hiba ny khushi sy kaha

"Nhi tum nhi khailogi" Alam ny ussy ghorty hwy kaha

"Kyu nhi khailegi ab to hiba hi khailegi" Muraad ny apni tang araty hwy kaha

"Acha to mein bhi tayar hoon phr" Alam gussy sy kehty hwy nashta krny lg gyi kuky nashta ky baad sabka bohat bara tournament hona tha

Wajdan ny nashta krty hwy nzrein uthayien to alam ko ghoorty paya usse yun ghoorta dekh kr wajdan hlka sa muskura dia... Uski muskurahat dekh kr alam ke ghusse mei or izafa hogya
Alam ghussa peety hwy nashty sy insaaf krny lg gyi

"wajdan apko to dekhloongi aisa haraongi ainda kabhi ludo nhi khaileinge" Alam dil mein kehty hwy nashta ky baad hone walay grand tournament ky liye tayar hogyi

Nashta ky baad sb log bahir baagh mein jama hogye or muraad jaldi sy andar sy ludo board utha laya apni apni kursiyo pr bethty hwy sabny teams bna li hala alam ki, muraad hiba ki, murtaza arshman ki or maheen wajdan ki team mein hogyi

"wajdan apka 5 aya tha ye to ap cheating kr rhy hain" Alam ny wajdan ky hath sy dice cheinty hwy kaha

"Aray jhoot mat bolo alam bhai ka 6 aya hai" Maheen ny behas krty hwy kaha

"Dobara sy dice roll krlety hain" Alam ny majboori sy kaha kuky wajdan ky 6 anay ki suraat mein alam ka aik tokken mar jata

"Aray hatto churail wajdan bhai ko khailny do" Muraad ny beech mei kodty hwy kaha or alam ky lakh ehtajaj ky baad bhi wajdan ny alam ka aik tokken uraa diya

"ye to cheating hai" Alam ny mun phulaya kuch dair baad alam ny hiba ka aik tokken uraya or khushi sy aise cheikhi jese ussy grammy award milgya ho jab ky arshman becharay ky tokken azaad hoty hi alam hiba ya wajdan mein sy koi maar deta tha wo to murtaza ky zid krny pr khail rha tha warna kab ka game quit kr chuka hota jab ky hiba ky peeche to alam hath dho kr pr chuki thi

Wajdan ki bari anay pr usny dice ghumayi alam to uska 4 anay ki duayein maang rhi thi kuky hiba ka tokken wajdan sy 4 num ky fasly pr khara tha

"or ye gyi utha lo hiba" alam ne wajdan ka 4 dekha to khushi se boli

Lekin uska mu wajdan ki agli hrkt pr foran latak gya wajdan ne apna dusra tokken jiske peeche alam pari thi usse utha kr stop pr rkh diya

Hiba ke daant to muu ke andr jaane ka naam hi nahi le rahy thy

"Ye kya badtameezi hai" Alam aise cheikhi thi ky sabko apny kaan pr hath rkhna para

"Kya hogya meine to apna tokken save kiya hai" Wajdan ny alam ko cheikhty dekha to ussy wazahat dety hwy kaha

"Aray wo kya hai" Alam ny achanak gate ki janib ishara kiya jab sabny mur kr peeche dekha ussi waqt alam ny table ko taang mari or ludo board tokken samait neeche girgya

"Arshman bhai ye kya kiya apny jeet nhi rhy thy to aise krny ki kya zroort thi" Sabky murny pr alam ny arshman sy kaha jab ky wo to herangi sy alam ki taraf dekh rha tha

Arhsman ki aisi shakal dekh kr sbka besakhta kehka nikla

"mene? Lekin ye to-" Arshman ne alam ki trf ishara krty bola lekin uski baat muraad ky bolny sy beech mei hi reh gyi

"Yakeen krein mere bhai mujhy ap pr aitabaar hai par ye apny acha nhi kiya" Muraad ny hansty hwy arshman ky kandhy pr hath rkha or phr alam ky sath highfive krty hwy phr sy hasny lga "

Jab ky arshman un dono ko dekh rha tha jo subha aik dosry ko kacha chaba jany ky mood mein thy or ab inki dosti yari hi khtm nhi ho rhi thi

Wajdan sbsy excuse krta aik zroori call uthany chla gya jab hala sabky liye chai bnany kitchen mein chli gyi muraad ny moka dekhty hi usky peeche dorr lga di

"Alam acha nhi kiya tumny" Arshman ny mun bnaty hwy kaha

"Oho bhai acha to apny nhi kiya ye dekhein abhi tak apka karnama zameen pr oundhy mun pra hai" Alam ny ludo board ki taraf ishara kiya jab maheen apny mob pr aye msg ko dekhty sharmaty hwy wahan sy khisak gyi

"Yaar arshman bhai mein kal new videogame laya tha wo try krty hain chlein naw alam api to wese bhi roti rehti hain" murtaza ny alam ki apny lafzon mein tareef krty hwy arshman ko kheincha jo pehly hi raahay faraar ki talash mein tha

"Tum to game hi nhi jeet ski to wajdan ko kya jeetogi" hiba ny alam ki janib tanz ka teir chlaya

"Prize bond hain kya wo jo mein jeetongi ya tum jeetogi" Alam ny bhi pura mukabla krty hwy kaha

"Prizebond nhi hain to aagay peeche makhi bni kyu ghoumti ho" Hiba ny phr sy tanz kiya

'Makhi hoon haiza krwa doongi khairiyaat chahti ho to yahan sy dafa hojao" Alam bhi kahan kam thi

"Haan jaa rhi hoon Tumharay sath wese bhi kon bethy" Hiba ye kehty wahan sy uth gyi

"Haan jao jaan choro" Alam ny usky samny hath jorty hwy kaha jab ky hiba usko gussy sy dekhti andr ki taraf barh gyi

Alam wahan sy uth kr darakht ky pass ayi or us pr apny naam ko dekh uski ankhein bhaar ayi ussy phr sy apny bachpan ki yaad any lgi thi

Apny naam pr hath pherti uski nazar apny naam ky upr likhy naam pr pari
"𝐖𝐚𝐣𝐝𝐚𝐧" Alam ny wo naam zair e lab prha or phr muskuraty hwy us naam pr hath phairny lgi

"Daan ye dekhein" 4 saala alam wajdan ka bazu khenchty hwy boli

"kya?" Wajdan ne alam ki trf muskuratay hwy pucha

"ye dekhein mera Naam" alam ne drakht pr likhy apny naam ki trf ishara krty hwy kaha

"Miss sara ne aj hm sbko apny naam likhny seekhai thy.. dekhein acha hai na??" Alam ne muskuratay hwy pucha

"hmm.. acha hai" wajdan ne drakht pr likhy alam ke naam pr eik nzr daalty hwy uske sar ko sehlatay kaha

"Daan! Apka naam kese likhty Hain??' alam ne wajdan ki neeli ankho mei dekhty hwy pucha

"Mera naam?" Wajdan muskuratay hwy bola. Usne alam ke hath se iron pin li or apna naam usky naam ke blkul upr likhty hwy bola "Aese"

Alam ne pehle apny naam ko dekha or phr wajdan ke

"apka naam bhi acha hai Wajdan Shah" alam apny bchpn ko yaad krty hwy muskura kr boli

Jab ussy peeche sy kisi ki awaz ayi
"Ye sab kahan gye hain"

Wajdan ki awaz pr alam ny thathak kr peeche dekha or wajdan uski janib barhny lga

"wo sab to chly gye" Alam ny ussy btaya wajdan ny asbaat mein sar hilaya or phr uski nazar unky namo
Pr pri

"apni handwriting check kro" wajdan ne hste hwy usse chera

"kya mtlb? Achi to hai tb mei bchi thi.. or wese bhi apki handwriting bhi kuch khaas nahi" alam ne wajdan ke naam ki trf ishara krty hwy kaha

"acha? Lekin mere dimples to khaas hain na jinse tumhari nzrein nahi hatti?" Wajdan ne muskuratay hwy uski trf palat kr kaha

"Mein? Or wo bhi apky dimples ko dekhun? Sawal hi paida nahi hota" alam ne apni chori pkri janay ki waja se shrmindagi sy laal hoty chehre ke sath kaha

"acha? Chlo tum kehti ho to maan lety Hain" wajdan ne eik maayinikhaiz nzr uspr daalty hwy kaha

"hn maan lein wese... Aap itne bhi bure nahi Hain jitna mene socha tha" alam ne apne hathon ki trf dekhty hwy kaha

"acha agr mujhe yaad ho to kuch din pehle koi mujhe rude or bdtmeez bol raha tha" wajdan ne nzrein drakht pr likhe namo pr tikkaye kaha

"hn to ghlt thori bola tha ap hain rude or bdtmeez bchpn mei bhi apne mere baal khenche the or mujhe apna khilona bhi nahi dia tha ache se yaad hai mujhe"Alam ny apni kamar pr hath tikaye laraka andaaz mein kaha

"Wo khilona to meine is liye nhi diya tha taakay hala or tumhari lrayi na ho or Tumhein paka yakeen hai ky tumharay baal meine hi kheinche thy??" Wajdan ny alam ki ankho mei dekhty hwy kaha

"Haan to apky ilawa kon ho skta hai" Alam ny bhi ussy ghoorty hwy kaha
phir kuch yaad anay pr alam ki ankhein puri khul gyi or wo wajdan ki taraf dekhty hwy minminayi

"muraad bhai?"

Wajdan ny alam ki taraf dekh kr muskuraty hwy asbaat mein sar hilaya or alam sharminda hoti sar jhuka gyi

"par mein apki bat pr yakeen kese kroon ho skta hai ap jhoot bol rhy hon" Alam ny sharmindagi chupaty hwy kaha

"Ye tum apny dil sy pucho ky mein tumharay trust ky qabil hoon ya nhi" Ye kehty wajdan wahan sy bahir ki taraf nikl gya jab ky alam uski pusht ko ghoorti reh gyi

Alam ka hath besakhta hi apny dil ki janib pohancha or phr hosh ki dunya mein atay hi usny jaldi sy apna hath jhatka "itny bhi rude nhi hain ap" ye kehty alam muskuraty hwy andr ki janib barh gyi

"help chahiye?"Muraad ne counter pr taik lgaye hath bandhay pucha

Hala jo chai bna rahi thi apny peechy kisi ki awaz sun kr palti

"nahi shukria mei khud krlun gi" Hala ne uska shukria adaa krty kaha

"or wese bhi mera nahi khyal apko chai bnani ati hogi" Hala ne palat kr muraad ke hi andaaz mei eyebrow raise krte hwy kaha

"Acha iska faisla to bad mei hoga" muraad ne ye kehte sath hi hala ko side pr hataya or khud uski jgha chai bnanay lga

"muraad lekin mene to already chai chulhay pr chrha di hai..or dekhein ab to bnne bhi wali hai" hala ne hsty hwy chai ki trf ishara krty kaha

"hn to.. mei isko pkaaun ga na dekhna muraad ki special chai" muraad ne chai ko hilatay hwy kaha

"Acha hwa chai adhii bn gyi thi wrna mein to chai ka bera garaq kr deta" dil mein sochty hwy muraad ny hala ki taraf dekha ko uski taraf hi dekh rhi thi

"ap isko pkai ge nahin blky jalai ge.. side pr hojaien wese bhi ye bn gyi hai" hala ne usko side pr krty hwy kaha

"hn chlo bngyi muraad ki special chai.." muraad ne danto ki numaish krty kaha

"bol to aise rahay hain jese sari chai khud bnai ho" Hala ne usse ghoorty hwy kaha

"Bna dein gy kisi din" Muraad ny phr sy shelf ky sath taik lgat hwy kaha

"Jee kabar sy uth kr chai peene aongi apki" Hala tanziya muskurayi