Hala ny phati phati ankhoon sy apny mobile or phr alam ko dekha or phr apny mob pr msg prhny lg gyi ky kahin ussy koi galat fehmi to nhi hwi

"Mein tumharay kamry ky bahir intazzar kr rha hoon jaldi bahir aao bohat thand hai -𝐌𝐮𝐫𝐚𝐚𝐝-"

Hala pareshani sy us msg ko prh rhi thi or usky peeche ki wajah ko janny ki koshish kr rhi thi. Ussy dar tha ky reply na krny ki soorat mein kahin muraad darwaza na khatka dy isi liye wo jaldi sy uthi or kursi par pri apni shawl utha kr ourny lgi jab alam ny mobile sy nazrein hata kr ussy pucha

"kahan jaa rhi ho" Alam ny hala sy pucha jo shawl pehn kr adhii rat ko kisi mahaaz pr janay ky liye tayar thi

"Wo andar thori ghutan mehsoos ho rhi hai thori dair bahir sy ho kr ati hoon tum sojao" Hala ny beychaini ki halat mein kaha Alam ny kuch dair ussy mashqooq nazroon sy dekha or phr muskuraty hwy sir ko asbaat mein hilaya

"Haan haan chli jao bus thand na lgwa lena" Alam ye keh kr phir apny mobile mein masroof hogyi or hala ny moky ka faida uthaty hi room ka darwaza khola or samny khary muraad ko thora dur janay ka ishara krty khud bhi bahir agyi

Hala chal kr muraad ky kareeb ayi "Kya hogya hai muraad itni raat ko kyu bulaya hai khariyaat to hai naw" Hala ny pareshani sy pucha

"Haan sab khairiyaat hai tum btao itni ghabrayi hwi kyu ho" muraad ny hala ki ghabrahat ko mehsoos krty hwy kaha

"Ghabraon nhi to kya aik tang pr khari ho kr bhangra daloon ky Mr. Muraad ny adhii raat ko mujhy aik unknown num sy message kiya ky mein apky darwazy ky bahir khara hoon Jbky unki khud ki saggi behn mere kamry mein mojuud hai" Hala ny gussy sy muraad ko ghourty hwy kaha

"wo sab batein to theek hain par aik tang par khari ho kr bhangra daal logi kya?" Muraad ny hala ko shararti andaaz mei kaha

"kya matlab"

"Mera matlab hai dekh lo kahin gir kr tang turwa li to sari zindagi ka rogg lg skta hai" Muraad ny hala ky kareeb atay hwy kaha jab uski agli baat sunty hala ky hosh urr gye or wo beyakeeni sy muraad ki taraf dekhny lgi

"albata mein to tumhein sari zindagi apni bahon mein utha kr chalny ko tayar hoon kya tum tayar ho?" muraad ny hala ki taraf dekhny hwy serious andaaz mein kaha hala ka chehra bilkl sapaat par chuka tha jab muraad ny kehka lgaya

"Oho mazak kr rha hoon larki kya hogya tum to pathar hi bngyi ho jaag jao madam din mein taraay dekhliye kya" Muraad ny hala ki ankhoon ky samny chutki bajaty hwy kaha jab hala ny gussy sy mun phair liya

"ye kesa mazak hai or ye btayein apko mera num kese mila" hala ny shawl sy khud ko cover krty hwy pucha

"wo to meine murataza ky mobile sy leliya jab hum dono tournament kr rhy thy kaha tha naw koi kam aisa nhi jo muraad nhi kr skta" muraad ny apna karnama btaty hwy apny danton ki numaish krna zaroori smjha jbky hala ka dil kiya ky aik ghounsa muraad ky jabry pr raseed kraye par wo usky samny aik chunti jitni takat bhi na rkhti thi

"Kya chahiye apko kam btayein" Hala ny tang aty hwy kaha

"kuch dikhana tha chlo mere sath muraad ny bahir ki taraf ishara krty hwy kaha

"Dimagh to kharab nhi hogya apka itni sardi mein bahir jaongi kya shakal pr ullu likha hai mere" Hala ny heerangi or gussy ky milay julay tasuraat zahir krty hwy kaha

"dikhao to zra" muraad ny hala ky chehry ko 4ro taraf sy dekhty hwy kaha

"afsos ullu to nhi likha par ye jo tum molvani bibi wala lambi chadar taan kr ayi ho ye pehn kr tumhein sardi kam garmi zyada lgegi" Muraad ny uski chadar ki taraf ishara kiya jo waqay hi usky size sy bohat barhi or moti bhi thi

"yahan mein hoon jisko sardi lgny ka khatra hai" Muraad ny apni taraf ishara kiya jisny shirt ky upr sirf aik leather jacket pehn rkhi thi jiski zip agay sy khuli hwi thi hala ky kuch kehny sy pehly hi muraad bahir ki taraf barh gya jb hala bhi ahista sy usky peeche chal pri

Muraad baagh ki taraf jaa kr kyariyoon ky pass khara hogya jis sy phulon ki khusbu umand rhi thi. Hala bhi muraad ky sath jaa kr khari hogyi

"Ye dekho kese lag rhy hain" Muraad ny muskuraty hwy hala sy pucha jo ab shawl ko sir pr bhi le chuki thi

"kese lg rhy hain??" Hala ny muraad ky samny uska hi sawal dohraya

"aray pagal larki tum btao naw" Muraad ny mathy pr hath marty hwy hala sy kaha

"Jese rozana lgty hain" Hala ny bina koi tasur diye kaha

"Kya matlab tumhein inmein koi tabdeeli nazar nhi aa rhi" Muraad ny pareeshan hoty hwy pucha

"nhi kyu aisa kya hwa inky sath??" Hala ny uljhan ka shikar hoty pucha

"kya hona tha meine pani diya tha naa in sabko. Dekho dehaan sy kese chamak rhy hain or to or meine gariyaan bhi bilkl saaf krdi jese tumny kaha tha" Muraad ny hala ko uski kamon ki list pura hony ki itala di

"hahahhahah" achachank se hala ka kehka buland hua. Muraad uski hassi mei khota chla gya

"muraad bhai aap bhi na hahahah" muraad jo hala ki hassi ke seher mei jakra hua tha uske muu se apne liye bhai ka lafz sun kr mu ke zaviyay bdlnay lgaa

"Ap mujhy itni sardi mein raat ko ye dikhany le kr aye hain"Hala ny apni hasi ka gala ghoontty hwy muraad sy pucha

"Haan to or kya dekho kese chamak rhy hain" Muraad ny hath barha kr aik gulaab ka phool tor kr hala ky hath mein thama diya.

Hala us gulaab ki khubsurati ko dekh rhi thi sach mein wo chamak hi to rhy thy ab wo muraad ki mehnat ka natija tha ya usky itny pyaar sy phool thamany ka asar tha ye hala ko samajh nhi aa rhi thi

"Hala" muraad ki meethi si awaz hala ky kanoon mein gounji

"Jee" hala ny apny hath mein pkry hwy phool sy nazrein uthaty hwy muraad ki taraf dekha

"Muskurati rha kro.. tumhe hasta dekh kr mere dil ko sakoon milta hai" Muraad ny bohat ahista awaz mein hala sy kaha Hala to uski bat mein khoo si gyi thi

Wo uski bat ky mayini mein ulajh rhi thi ya phr uski sunehri ankhoon ki qaid mein aa chuki thi ye usky liye samajh pana mushkil tha. Lekin usky dil ko sach pata tha Par wo us sach ko hargiz kabool nhi kr skti thi hala ka dil zor sy dharakny lga muraad or hala aik dosry ki ankhoon mein khoye hwy thy jab bahir sy wajdan ki car ka horn bjaa

"shitt...ye to wajdaan bhai ki car ka horn hai" hala ne gate ki trf pareshan se dekhte huye kaha.

"oho mere saalay sahab bhi na ghalt time pr ajatay hain"muraad ne dil mei socha. Hala ke barakss muraad ke chehre pr pareshani ka koi namo nishan tk na tha.

"Acha chlein subha bat kreinge mei ab chlti hoon" Hala ny gate ki janib dekhty hwy jldi se kaha or kamry ki trf dorr lga di. Lekin usky darwaza kholny sy pehly hi darwaza andr sy khula or alam bahir nikli.

"Alam tum??" Hala ny ghabraty hwy kaha.

"Haan kyu kya hwa??" Alam ny uski ghabrahat mehsoos krty hwy kaha

"Kuch nhi tum kahi ja rhi ho kya bahir bohat sardi hai" Hala ny apni ghabrahat chupaty hwy kaha

"Haan tum chlo mein zra kitchen sy ho kr ati hoon mera wait nhi krna soo jana" Alam ny hala sy kaha seeriyaan utar kr kitchen ki taraf chal pri

"ye alam itni raat ko kitchen ab konsi nayi musibat khari krny ja rhi hai?..Allah hi khair kry " Hala ne alam ki pusht ko dekhte huye socha or apny kamry mein chli gyi

Alam kitchen mei dakhil huyi or fridge mei se doodh nikaal ke usse garam krne lgi

Wo subha sy soojan ko kaam krny ky mutalik mukhtalif articles parh rhi thi lekin is waqt ussy sirf doodh hi nazar aya isi liye usny doodh ko halka sa garam krty hwy kitchen cabinet sy thora sa shehaad usmein mix krdiya

Doodh garam krnay ke bad alam ne usse ehtyaat se glass mei daala or usse wajdan ko dene ki niyat se uske kmray ki trf barh gyi

Alam seerhiyan chrh kr upr hi aayi thi ke usse wajdan ke kmray ke samne hiba nzr aayi

Wo hath mei shehed ka dabba pkre khari thi

"wajdan meri wajah se apko wo mirchon wali chai peeni parri I'm so sorry.. pta nahi usme mirchein kese agyien mene to bs garam masala daala tha" hiba ne wajdan ki trf dekhte huye kaha

Alam jo ky wajdan ko doodh dene aayi thi samne ka mnzar dekh kr usse shadeed ghussa aya

"koi bat nahi."Wajdan ne betasur chehra liye hiba se kaha

Hiba ne wajdan ki trf dekha or phr apne hath mei pkre shehed ke dabbe ko dekhne lgi..

"Tumhe koi kaam tha mujhse?"wajdan ne jb usko abhi tk wahin kharay paya to usse pucha

"wo mein actually wajdan mei apke liye shehad laayi thi chai pee kr apka mu jal gya hoga na isliye" hiba ne ye kehte huye shehed se bhara chmch wajdan ki janib brhaya

Alam ne jb ye mnzr dekha to uske ausaaf ghusse se tann gye. Usse khud bhi maloom na tha ke usse itna ghussa kiyu aa raha hai.

"Alam" Wajdan ny alam ki trf dekha jo pathar bn kr unhein phati phati ankhoon sy dekh rhi thi

"kya hwa alam koi kam tha kya" wajdan ny alam ko mukhatib krty hwy kaha

"Nhi meri shakal par kya pagal likha hai jo apsy koi kaam hoga, Mein to ye doodh muraad bhai ko deny jaa rhi thi mujhy kya pata tha yahan ashiqi moshuqiyaan chl rhi hain" ye kehty hwy Alam tan fan hoti hwi wahaan sy nikl gyi

"mei hi Pagal hun jo subha se tension le rahi thi. Or yahan to sahab apni mehbooba ke haathon se shehed khaa rahay Hain" alam ne ghusse se brbaraty huye Fridge khola or doodh ka glass ghusse se andr rkh diya.

"apni pyari hiba ke hath ka shehed hi khayein ab jalaad kahin ke" alam ghusse se kehti waps apne room mei chli gyi.

"tumhara shukriya hiba lekin mei ab thk hun mujhe iski zroort nahi" wajdan ne hiba se do tok lehje mei kaha jo abhi tk shehed ka chamch hath mei liye khari thi

"Par wajdan" hiba ny dobara wajdan ko convince krna chaha

"hiba mein is waqt aram krna chahta hoon tum jao yahan sy wese bhi is waqt tumhara akele yahan ana munasib nhi hai" wajdan ny hiba ko do tok lehjay mein kaha or usky jawab deny sy pehly hi apny kamry mein wapis chla gya

Alam ky jatay hi Hala ny kamry ka darwaza bnd kiya or jaa kr study table pr beth gyi. Hala ny apni shawl pass pry sofa pr uchaal diya or muraad ka diya hwa phool aik hath mein pakarty hwy dosry bazu ki kehni ko table pr tikaye gor sy us gulaab ko dekhny lgi "Muraad jahan" Hala ny phool ki pati ko pkrty hwy kaha "Hala sulaiman" Hala ny apna sir table pr rkhty hwy kaha

"Hala muraad" Hala ny muskuraty hwy kaha jab aik dam sy haqeeqat ki dunya mein atay hi hala ny heerat sy apny mun pr hath rkh liya

"Bewakoof ye kya bol rhi hai hala" Hala ny jaldi sy apny drawer ki chabi lety hwy ussy khola or phool usmein rkhti jaldi sy jaa kr bed pr beth gyi or chor nazroon sy us drawer ko dekhny lgi jismein muraad ka diya phool rkha tha

"yar hala hosh kr alam ko pata chlega to kya sochegi wese bhi muraad to tumharay bhai hain naw" Hala ny ahista awaz mein khud sy kaha

"Bhai hain ya tumny bnaaya hwa" Hala ko apny khayalo mein muraad ki awaz ayi or wo apna sir naafi mein hilaati jaldi sy kambal apny sir tak ourty hwy ankhein band krgyi

Wajdan apny kamry mein aya or bed sy kapry jo wo thori dair pehly hiba ky darwaza knock krny ki waja sy wahi phaink gya tha uthaty hwy bathroom ki janib fresh hony ki niyaat sy chla gya

Fresh hony ky baad wajdan ny hath barha kr side table sy pani ka jug uthaya jo khali tha

"Great.. isse bhi abhi khali hona tha Ab neeche jana parega wajdan sahab" ye kehty hwy wajdan gehri sans lety hwy kitchen ki taraf chla gya wo kaafi thak chuka tha isi liye alam ky wahan sy aise janay or hiba ky adhii raat ko usky darwazay pr dastak deny pr bhi koi khaas rad e amal nhi de paya

Pani fill krny ky liye wajdan ny fridge ka darwaza khola.. ussy samny hi glass mein doodh dikha shayad ye wohi glass tha jo alam thori dair pehly corridor mein liye usky pass sy guzri thi

Wajdan ny hath barha kr glass ko thama or apny mun ky pass krke ussy soonga jismein sy shehad ki meethi meethi khushbu aa rhi thi wajdan ky honto pr gehri muskurhaat ayi

"To madam alam ap ye apny nam nihaad bhai nhi blky mere liye le kr ayi thi??" Wajdan ny muskuraty hwy kaha or phr wo glass ko mun lgata glass khali kr gya

Wajdan ny glass sink mein rkha or pani ka jug uthata wapis kmry ki taraf janay ky liye palta jab uski nazar alam or hala ky kamry ki janib barhi Wajdan ky honto pr phr sy aik muskurahat ny ghar krliya or wo apny room mein jaa kr darwaza bnd krty sony ky liye lait gya

Alam gussy sy tan fan hoty kamry mein ayi darwazay ko bnd krti bed pr lait gyi neend us par kab taari hwi ussy khud pata na tha

Aglay roz naashtay ke baad safia begum ne alam ko apnay pas bulaya

"taayi ami apko mujse koi baat krni thi" Alam ny safia begum ky taraf jatay hwy kaha jab uski nazar sath waly sofa pr bethy wajdan pr pri. Alam ny khafgi sy apna mun phair liya or tayi ami ky sath beth gyi.

"jee beta apky dil to lag gya hai naw Pakistan mein"safia begum ny alam sy pucha

"blkul.. taayi ami akhir kese na lgta dil ap sb log itne ache jo Hain" alam ne safia begum ko tasali dete huye shafqat bharay lehje mei kaha

"eik do kharoos logon ko chor kr baki sb boht ache hain" alam ne tirchi nigaah krke eik nzr wajdan pr daalte huye kaha

Uski ye hrkt safia begum se chuppi nahi wo maaynikhaiz muskurahat se alam or wajdan ko dekhne lgi

"kharoos se apka ishara zroor mere bete ki trf hai" safia begum ne muskurahat zabt krte huye kaha

" arre taayi ami nah-" Alam foran grbara kr unko wazahat dene wali thi ke safia begum foran boli

"bete mei notice kr rahi thi ke ap wajdan se khichi khichi rehti ho..or aatay sath wo kmray wali bat bhi hogyi thi phr... Beta wajdan mizaaj ka thora sakht hai lekin wo dil se boht acha hai ap uski baton ko dil pr na lia kro"

"Ama ye to mujhsy kuch khaas bair paal kr beth gyi hai" Wajdan ny muskuraty hwy kaha. "

"Tayi ami apny bety ko bta dein mein insy bat nhi kr rhi" Alam ny mun phairty hwy kaha.

"ami apni bhanji ko bta den ke mei bhi koi marr nahi raha inse baat krne ke liye" wajdan ne phone scroll krte huye kaha.

"Haan to mein bohat mari jaa rhi hoon naw jese" Alam ny tayi ami ki taraf dekhty hwy wajdan sy kaha kyuky wo uski taraf dekhna bhi gawara na kr rhi thi

"tayi ami apko bus yehi kehna tha kya" Alam ny tayi ami sy pucha jo kehka lga kr inki nok jhok dekh rhi thi

"Haanjee bus apka haal puchna tha beta" safia begum ny asbaat mein sir hilaya

Alam sofa se uthi or peeche murre bina wahan se chli gyi wajdan ny apny phone sy nazrein hata kr alam ko jatay hwy dekha or phr apni ami ki taraf rukh krliya

"naraz krdiya na meri beti ko" safia begum ne mayooskun nzron se wajdan ki trf dekhte huye kaha.

"ami mene kahan.. wo to khud hr wqt muu mei zuban ki jgha AK-47 lekr ghoomti hai ke Jahan nzr aaon golian barsani shuru krde" wajdan ne apni walida ko wazahat dete huye kaha.

"Mujhy kuch nhi pata jao ab hmari ladli ko mnao" safia begum ne hukum jari krty hwy kaha

"To puch le naw apni ladli sy kese maneingi" wajdan ny sofa sy taik lgatay hwy muskurahat ky sath kaha

"ye pta krna tumhara kaam hai Tumne hi to naraz kia hai usse" safia begum ne narazgi se chehra dusri trf krte kaha

"acha ami naraz to na ho aap mnaa lunga apki ladli ko" wajdan ne uth kr safia begum ke hath pr bosa dete huye kaha

"Tum sach mein ussy mnaogy" safia begum ny herangi sy wajdan ki taraf dekha

"Socheinge" wajdan ny kandhy uchkaye or sofa sy khara hogya

"acha ami Fi'amanillah. Kuch kaam sy jaa rha hoon wapis aa kr bat krty hain" wajdan ye kehty hwy apni ami sy sir pr pyaar le kr palta

"Wajdan" safia begum ny wajdan ko pukara

"jee" wajdan unki janib mura

"tumhein Alam pasand hai kya?" Unhoon ne ankhon mein aik umeed liye wajdan sy pucha

Wajdan ne apni maa ki ankho mei dekha or phr nzrein chura li phr unki trf dekh kr muskuraty huye apna sar asbaat mei hila dia. Uski ye hrkt dekh kr safia begum ko uspr dheron pyar aya

"beta mein shaista sy bat krti hoon " safia begum ny khushi sy wajdan ki taraf dekha

"nhi ami abhi thori dair ruk jayein jab sahi waqt aa jayega tab mein khud apsy shadi krwanay ka kahoonga" Wajdan ny apni maa ky mathy pr bosa diya or bahir ki taraf chla gya

Dusri taraf safia begum apny bete ky kisi ko pasand krny pr hi bohat zyada khush thi wo bus ab us din ka intazar kr rhi rhi jab wo alam ko apny wajdan ki bahu bna kr ghar layeingi

"Hala" wajdan Jo bahr jaanay wala tha rastay mei Hala dikhi to usse pukara.

"jee bhai?" Hala apne kadmo ko roktay huye wajdan se boli

"Us din alam ky sath tum bhi mere kamry mein ayi thi na?" Wajdan ny gussy ky tasuraat chehry pr sajaty hwy bola

"W-wo bhai m-mein to bus darwaza pr khar-" Hala ny darty darty kaha jab wajdan ny uski baat kaat di

"or ye jo mirchon wali wardaat thi isme tumhara bhi hath tha na?" Wajdan ne sanjeeda lehje mei pucha

"Bhai wo to" Hala apny hath ki taraf dekhty hwy rony hi wali thi jab maheen ny andar koodna munasib smjha

"Wajii bhai galti hogyi hai maaf krdein issy" maheen ny wajdan sy minaat bhare lahjay mein goya hwi

"Hala meine tumhein itni dafa mana kiya hai ky mere kamry mei bina puchy mat jaya kro tumhein meri bat samajh nhi ati kya" wajdan ny hala ko daanty hwy kaha

Hala ki ankh sy ansu toot kr usky hath pr gira

"Acha chlo rona band kro ainda aisi harkat krty hwy na dekhoon mein tumhein ye btao tumhein kuch chahiye" Wajdan ny hala ky sir pr pyaar krty hwy kaha

"nhi bhai" hala ny jaldi sy inkaar krdiya

"aray kyu nhi meine tumhein Danta hai iska azala to krna prega naw btao kya chahiye" Wajdan ny hala sy pucha

"Umm acha chlein phr kuch chocolates laa dijiyega" Hala ny ansu saaf krty hwy kaha.Wajdan uski farmaish sun kr muskuray bina na reh skka.

"okaay mein le aonga or zraa apni us kharoos cousin sy bhi puch lena usko kya chahiye kiyu ke agr meine puch liya to muje goli hi na mar dy kahi" Wajdan ny hste huye kaha

"jee bhai ap fikar hi na krein mein ussy batoon batoon mein puch kr apko bta doongi" Hala ny bhi kehka lgaya

Wajdan maheen or hala ko khuda hafiz kehta apni gari ki taraf barh gya

Alam kmray mei bethi phone scroll kr rahi thi jb Hala achanak boli

"Alam tumhe agr koi gift dena chahe to Tum kya lena psnd kro gi" alam ne murr kr eik nzr hala ko dekha or phr muskuratay huye pucha

"kiyu madam mujhe gift dene ke iraday Hain kya?"

"arre nahi wo actually meri eik friend ki friend na usse naraz hai to wo usko gift dena chahti thi mene socha tumse mashwara lelun ke kya best rahay ga" hala ne idhr udhr dekhte huye bola

"Acha to tumari friend ki friend naraz hai?hm Okk" alam ne maayinikhaiz muskurahat se usse dekha

"Ye friend ki friend kahi koi well built muscles wala hero to nhi jisky sath tumny date pr janay ko mana krdiya ho" Alam ny hala ko cheirty hwy kaha

Ab hala ussy kya btati ky wo friend ki friend khud Miss. Alam jahan hain Na to unky muscles hain or na hi unhon ne kisi date pr janay ky liye hala sy pucha tha

"Nahi nahi aisi koi bat nahi wo bina muscles wali masoom si lrki hai" Hala ne foran wazahat detey hwy kaha

"hm mujhe zyada idea to nahi hai.. lekin agr mei naraz hoti or mujhe koi teddy bear dekr mnata to mei foran maan jati"Alam ne phone pr koi video play krte huye kaha

"teddy bear??" Hala ne uski trf dekhte huye confirm krna chaha

"hmm Teddy bear ...mei to teddy bear se maan jati lekin tumari friend- oh sorry friend ki friend ka pta nahi" alam ne muskurate huye bola

Hala ny foran msg pr wajdan ko itala di ky madam jee teddy bear sy maan janay ka dawa kr rhi hain

Alam coffee ka cup thamay apnay kmray ki trf ja rahi thi jb achanak..

"Yaar tum dekh kr nhi chal skti ho kya" Alam hiba mein zor sy takrayi thi

"Dekh to tum nhi rhi aa kr mujh sy takra gyi ho" hiba ny apna bazu masalty hwy kaha

"Hatto side pr time nhi hai tumhari fazool batein sunny ka" Alam ny gussy sy kaha

"Madam gussa kis bat ka hai kahin raat ko mujhy or wajdan ko sath dekh kr tumhein mirchein to nhi lg gyi" Hiba ny alam ko or tapana