မနက်မိုးလင်းတော့ ငွေမျက်နှာကို တယောက်က ထိတွေ့နေတာကြောင့် မျက်လုံး ဖွင့်ကြည့်တော့ မောင်....

မောင်က ငွေကို ရွန်းရွန်းစားစား ကြည့်နေ လေသည်....

‘’ မောင်....’’

‘’ ဗျာ့...’’

ငွေက မောင်နဖူးလေးပေါ် လက်ကလေးတင်၍ ကိုယ်ပူသေးလား တိုင်းကြည့် တော့ သိပ်မပူတော့ပေ..

‘’ မောင် ကိုယ်သိပ် မပူတော့ဘူး.... ဆေးခန်းသွားအုန်းမလား...’’

‘’မသွားတော့ဘူး ငွေရာ...’’

မောင်က ပြောလည်းပြော ငွေအကျီလေးကို လှန်ကာ ငွေဗိုက်ကလေးကို ဖွဖွနမ်းနေလေသည်... မောင်က ငွေဗိုက်ကလေးကို ပွတ်ရင်း...

‘’ငွေကို မောင် မကျေနပ်တာရှိသေးတယ်... ‘’

‘’ ဟင်း..!  ဘာမကျေနပ်တာလဲ ပြော...’’

‘’ဘာလို ကလေးယူမှာ မောင့်ကို မတိုင်ပင်ရတာလဲ.... နောက်ပြီး ဒီကိုယ်ဝန် ရှိပြီးဆိုတဲ့ ကိစ္စလည်း မောင် နောက်ဆုံးမှာ သိရတယ် ၊ မောင် တကယ် မကျေနပ်ဘူး...’’

‘’ခစ်...ခစ်... အဲဒါက မောင်ကို စပရိုက်လုပ်မလို့ မောင်မသိအောင် ကိုယ်ဝန် ယူလိုက်တာ... ကြားထဲ ဒီကိစ္စတွေပေါ်လာပြီး မောင်က နောက်ဆုံးမှာ သိသလို ဖြစ်သွားတယ်... မောင်ကို ဘယ်သူ အရင်ပြောပြလဲ....’’

‘’မာမီလေ ၊ မောင် လားရှိုးကိစ္စရှင်းနေတုန်း၊ မာမီဆီ ဖုန်းဆက်တော့ မောင့်ကို ဆူရင်းနဲ့ ငွေမှာ ကိုယ်ဝန်ပါသွားကြောင်း ပြောတာ... မာမီပြီးတော့ ငွေ့သူငယ်ချင်းမလေ...’’

‘’ ဧက လား...’’

‘’ သူနဲ့က ဘယ်လိုတွေ့တာလဲ မောင် ရန်ကုန်ပြန်သွားသေးလို့လား..”

‘’ ရန်ကုန်မပြန်ဘူး....လားရှိုးကိစ္စရှင်းပြီးတာနဲ့ ဒီကို တန်းလိုက်လာတာ ဧကရီနဲ့က ဖုန်းပြောလို့ သိတာ... ငွေက ဧကရီကို ငွေခံစားချက်တွေ ဖွင့်ပြောမှာဘဲဆိုပြီး ဖုန်းဆက်မေးတာ... ငွေ သူငယ်ချင်းက မောင့်ကို ရစရာတောင်မရှိဘူး ပြောတာ.... မောင်နဲ့ ဖုန်းပြောနေတုန်း ကိုမင်းလွင် ဘေးမှာ ရှိနေပုံရတယ်... သူနဲ့ ဖုန်းပြောပြီး ကိုမင်းလွင်က မောင့်ကို သူမိန်းမ စကားလွန်သွားတဲ့အတွက် ဖုန်းဆက်ပြီး တောင်းပန်တယ် ... ဧကရီ နဲ့ ကဖုန်းပြောရင်း ငွေမှာ ကိုယ်ဝန်နဲ့ဆိုတာ ထပ်သိရတယ်... နောက် ငွေမိဘတွေ ...သိပြီလား... နောက်တခါ ကိုယ်ဝန်ဆောင်ရင် မောင်အရင် သိရအောင် မောင့်ကို အရင်ပြော ..’’

‘’ ဟယ်...  ဒီကိုယ်ဝန်တောင် မမွေးရသေးဘူး... နောက် ကိုယ်ဝန်ကို လှမ်း မျှော်နေပြီ...’’

‘’မရဘူးနော်....ငွေ နောက်ဆို မောင့်ကို အရင်ပေးသိ .... မောင်တို့ ကလေး အများကြီး ယူရအောင်....’’

‘’ မောင်နော် ... မောင် မမွေးရတိုင်း ငွေက ဒီတယောက်ဘဲ ယူမယ်လို့ စဉ်းစားထားတာ...’’

‘’ ဟာ ... မရဘူး မောင် တဦးတည် သား,သမီးတွေ မကြိုက်ဘူး...အနည်း ဆုံး ၄ယောက်တော့ မွေးရအောင်နော် ငွေ.. နော်... နော်လို့’’

‘’ ဒီတယောက်အရင် မွေးပါရစေအုန်း မောင်ရယ်...’’

‘’ အိုကေ အိုကေ .... ပြီးရင်  ၄ ယောက်ဘဲ....’’

မောင်ကို ပြောလဲ နိုင်မှာမဟုတ်တော့ မပြောတော့ပေ...

‘’ မောင် မျက်နှာသစ်ရအောင် အောက်ထပ်မှာ လူကြီးတွေ စောင့်နေရောပေါ့.. ငွေတို့ အကျိုးကြောင်းပြောရအုန်းမယ်လေ....’’

‘’ငွေ မေမေက မောင်ကို နှင်မထုတ်လောက်ပါဘူးနော်...’’

‘’အမယ်လေး .. နှင်မထုတ်ပါဘူး ။ မောင့်ဘက်မှာ ဖေဖေရှိတယ်...  ဖေဖေကို တာဝန်ယူခိုင်းလိုက်ပေါ့... ဟင်း ဟင်း... ခုချိန်ထိ မောင့် ဖေဖေဆန်စက်မှာ နေပေမဲ့ မေမေက လာပြီး နှင်ထုတ်လို့လား.. သူ့နှင်ထုတ်ချင်းရင်း လာ နှင်ထုတ်လို့ ရတာကို .... မောင်က မေမေ စိတ်ဆိုးပြေအောင် ချော့ပေါ့’’

‘’ ရတယ်..၊  မောင့်ဘက်မှာ မောင့်ရဲ့ချစ်လှစွာသော ဖေဖေတစ်ယောက်လုံးရှိ တော့ အေးဆေး... ဟင်း ဟင်း ဟင်း...’’

‘’ ခုမှ ဖေဖေ ဖေဖေနဲ့နေတာဘဲ...ခစ် ခစ် ခစ်..’’

ငွေနဲ့မျက်နှာသစ် အဝတ်အစားလဲကာ လူကြီးတွေနဲ့ တွေ့ရန် အောက်ဆင်း လာ လိုက်လေသည်.....
-
-
-
-
-

‘’ ကျနော် မေမေတို့ကို ပြောခဲ့သလို့ဘဲ .. ကောင်လေးက သပ်သပ် လုပ်ကြံခံရတာ...’’

‘’ ဒါပေမဲ့ အရင်ရည်းစားဟောင်းက ဆိုတော့ ရည်းစားများခဲ့တဲ့ အပြစ်ဘဲ...’’

‘’ အခုမှာ ရည်းစားများတယ် လုပ်မနေနဲ့... ဟိုက သမီးနဲ့ ကလေးတယောက် တောင်ရတော့မယ်... မနေ့ညကလဲ ဖျားနေလို့ နိုင်နိုင်တို့ လာပို့ သွားတယ်..’’

‘’ ဟယ်... ညကတည်း ရောက်နေတာလား ‘’

‘’ ဟုတ်တယ် အမေ .... ဟိုမှာ ဆင်းလာကြပြီး...’’

ငွေနဲ့မောင် ထမင်းစားခန်းထဲ ဝင်လာတော့ ဖေဖေ မေမေနဲ့ ဖွားမေ တို့က နံနက်စာ စားနေကြသည်.... မောင်က ငွေနောက်က လိုက်ဝင်လာခြင်း ဖြစ်သည်.... မောင်က ဖွားမေဘေးနားဝင်ထိုင်လိုက်ပြီး ငွေက ငွေအတွက် နံနက်စာ ထမင်းကြော်ယူနေတုန်း မေမေက…

‘’ ဟိုဘက်အိုးထဲမှာ အမေအတွက် နို့ဆန်ပြုတ်လေးလုပ်ထားတာ ရှိတယ်.. အမေလည်း ဝပြီး ဆိုတော့ နည်းနည်းကျန်သေးတယ်....ယူပြီး ထည့်ကျွေးလိုက် မနေ့က နေမကောင်းဘူးဆို ထမင်းကြော် မကျွေးနဲ့ ရင်တောင့်နေမှာ ဆိုလို့....’’

‘’ ဟုတ် မေမေ...’’

ငွေ မောင့်အတွက် ဆန်ပြုတ်ထည့်ကာ ပေးလိုက်ပြီး ၊ ငွေအတွက် ထမင်း ကြော်နဲ့ ကြက်ဥတစ်လုံးကြော်ထားတာ ယူကာ ၊ မောင့်ဘေးနား ထိုင်ကာ စားလိုက်လေ၏ မေမေက...

‘’ မင်းမိန်းမကို အိုဂျီနဲ့ ဒီနေ့ ပြရမဲ့ရက် အဲတာ့ မင်းလိုက်ပြလိုက်... ငွေကို ချက်ချင်း ရန်ကုန်မခေါ်သွားနဲ့အုန်း... ဒီမှာဘဲ ကလေးမွေးပါစေ.... မင်းလည်း မင်းအလုပ်ရှိတဲ့ နယ်ကို ပြန်ရအုန်းမယ်မလား...’’

‘’ ဟုတ်ကဲ့ မေမေ....ကလေးမွေးတာကိုတော့ ကျနော့်ရန်ကုန်မှာဘဲ မွေးစေချင် တယ်... ဒီမှာက ဆေးရုံဆေးခန်းက နည်းနည်းလှမ်းတော့ အချိန်မတော် မွေးချင်ရင် ဒုက္ခများနေမှာဆိုလို့..... ရန်ကုန်ဆိုတော့ တခုခုဆို ချက်ချင်း ဆေးခန်း ပြေးလို့ရတယ်...ကျနော် လားရှိုးပြန်ပြီး အလုပ်လက်စ သတ်ပြီး လွဲသင့်တာ လွဲရမှာမလို့....ကျနော် သွားနေတုန်း ငွေကို ဒီမှာ ထားမှာပါ..  ရန်ကုန်ပြန်မှာ တခါတည်း ပြန်ခေါ်သွားမယ်... တလ,နှစ်လ အလွန်ဆုံး ကြာမယ်ထင်တယ်... ဒီထက်နောက်ကျရင်း ငွေ လေယာဉ်စီးဖို့ အဆင်မပြေမှာဆိုလို့ ကျနော်အဲလောက်နဲ့အမှီ အလုပ်လက်စ သတ်မှာပါ...’’

‘’ အင်း.. ၊ ကောင်းပါတယ်....ရှေ့နေကိုလည်း အဆင်ပြေသွားပြီဆိုကြောင်း ပြောလိုက်အုန်း... မင်းမိဘတွေကိုလည်း အသိပေးလိုက်ပါ... ငွေ သမီးလည်း မော်တို့ ဦးလေးဒီပတို့ကို သေချာတောင်းပန်လိုက်နော်....’’

‘’ ဟုတ် .... မေမေ....’’

‘’ ကျနော် ဖေဖေ,မေမေ နဲ့ ဖွားမေတို့ကို တောင်းပန်ပါတယ်.... ကျနော့်ကြောင့် စိတ်အနှောင့်ယှက်ဖြစ်ရလို့...’’

ဖွားမေနဲ့ မေမေက ခေါင်းသာညိတ်ပြပြီး ၊ ဖေဖေက…

‘’ အေး... ရပါတယ်ကွာ ... မိသားစုဆိုတာ ဒီလိုဘဲကွ ဆိုးတိုင်ပင် ကောင်း တိုင်ပင်ပေါ့...မင်းလည်း ဒီကိစ္စကို သင်ခန်းစာယူပြီး နောက်ဆို ဆင်ခြင်ပေါ့...’’

‘’ ဟုတ် ဖေဖေ...’’
-
-
-
-

-
‌ငွေတို့ အားလုံးအဆင်ပြေပြီး မောင်က ရွာမှာ တပတ်နေကာ လားရှိုးကို ပြန်သွားလေ သည်.... ငွေတို့ နေတိုင်းဖုန်းတော့ ပြောဖြစ်လေသည်... မောင် ကြားထဲတော့ နှစ်ပတ် တခါ ပြန်ပြန်လာလေသည်...ယုယုလည်း သူ့ဆရာမ အလုပ်ကို အပြီးထွက်လိုက်ပြီး စာရင်းကိုင်သင်တန်း ၊ ကားမောင်းသင်တန်း တွေတက်ကာ ဖေဖေအလုပ်ကို ကူလေသည်... ပြည်ဖြိုးမောင်ရဲ့မင်္ဂလာပွဲ လည်း ပျက်သွားလေသည်....

မောင်လည်း လားရှိုးက သူ့အလုပ်တွေ ပြီးတာနဲ့ ငွေကိုခေါ်ကာ လေယာဉ်နဲ့ ရန်ကုန် ပြန်ကြပြီး ... ရန်ကုန်ရောက်တော့  မာမီတို့အိမ်မှာ ပြန်နေကြပြီး ကွန်ဒိုကို အဌား ဌားထားလိုက်လေသည်.... မောင်က တစ်လ တစ်ခါ လားရှိုးက Hotel မပြီးမချင်း ပြန်တော့သွားကြည့်လေသည်...

ငွေတို့ ရွာမှာရှိစဉ်ကတည်းက OGနဲ့ ပြကာ Ultrasound ရိုက်ကြည့်တော့ ငွေ့ကိုယ်ဝန်က ယောကျာ်းလေးမှန်း သိရသည်... ငွေတို့ဘက်က ယောကျာ်းလေးရှားတော့ သူတို့ သွေးသားလေးက သားယောကျာ်းလေးဆို့လို့ ဖေဖေ၊မေမေနဲ့ ဖွားမေ တို့မှာ ပျော်မဆုံးပင်.... မောင်တို့ဘက်က မိန်းကလေးလို့ချင်ကြသည်... အဲတော့ မောင်က နောက်ကလေးကျ မိန်းကလေးယူဖို့ ပြောလေသည်...ကလေးက ကိုယ်လိုချင်တာ ရွေးယူချင်လို့ ရတာကြလို့ လို့ငွေက ပြောတော့…

“ မိန်းကလေး မမွေးမချင်း ကလေးယူရအောင်” တဲ့ .....

ငွေရဲ့ Due Date ကတပတ် လိုသေးပေမဲ့ မောင်ကတော့ သားဦးမလို့ စိတ်ပူ ကာ ဆေးရုံကြိုတက်ခိုင်းလေသည်... ကိုအောင်ထွန်း အမျိုးသမီး မစန္ဒီဇော်ကလည်း Due Date က ၂ရက်ဘဲ လိုတော့လို့ ငွေတို့နဲ့အတူ ဆေးရုံတခုထဲတွင် တက်နေကြသည်.... ကိုအောင်ထွန်းတို့က သမီးမိန်းကလေးမွေးမှာ ဖြစ်သည်…

မောင်က ကိုအောင်ထွန်းကို ခမည်းခမက် ခေါ်ကာ စ,နေလေသည်... အခုလည်း  ငွေကို လာကြည့်တဲ့ ကိုအောင်ထွန်းကို....

‘’ ဟျောင့် ...ငထွန်း... မင်း,သမီးက ငါ့သားထက် ရက် ကြီးတယ်ကွ.... မင်း,သမီး ကို ငါ့သားက ‘’မ’’ လို့ခေါ်မှာ.... မင်း,သမီးက ငါ့သားကို “ မောင်’’ လို့ ခေါ်ခိုင်းလိုက်...’’

‘’ ဟျောင့်... -ီး ဖြစ်လို့ ဒါဘဲ ပြောနေတာလား.... ဆော်ရီး ငွေ...’’

‘’ ရတယ်... ကိုအောင်ထွန်းရဲ့.... မောင်ကလည်း သူများသမီးကို စ.နေပြန်ပြီး မောင့်သမီးမွေးမှ ဝဋ်လည်မယ်...’’

‘’ အဲဒါပြောတာပေါ့ ငွေ... နောက်တယောက်ကျရင် သမီးမွေးစမ်းပါ.... ဒီကောင်ကို ဝဋ်လည် စေချင်လွန်းလို့....’’

‘’ မင်းက နောက်တယောက်ကြရင် သားမွေးမယ်ပေါ့.... အဲလို့လား ငါတော့ မင်းနောက်တယောက် ကြလည်း သမီးဘဲ မွေးမယ်ထင်တယ်....’’

‘’ တော်ပြီကွာ..... ငါ သွားပြီ.... မင်းဆီလာရတာ အကုသိုလ်ဘဲ....’’

‘’ ဟား...ဟား....ဟား...’’

‘’မောင်ကလည်း သူများကို သွား စ,နေပြန်ပြီး....’’

ကိုအောင်ထွန်း သမီးလေးကို Due Date ၂ရက်ပြည့်တော့ မွေးလေသည်... သမီးလေးက ဖြူဖြူဖွေးဖွေးတုတ်တုတ်ခဲခဲလေး ချစ်ဖို့ကောင်းချက် ... ကိုအောင်ထွန်း သမီးလေးကို မြင်တော့ ငွေလည်း သမီးလေးတယောက် လောက် လိုချင်သာ..

သားလေးကို Due Date ပြည့်ဖို့ ၂ရက်အလိုမှာ ငွေဗိုက်နာပြီး ခွဲမေးလိုက်ရ သည်.... အင်္ဂါသားလေး ဖြစ်ကာ သားလေး နာမည်ကို စွမ်းပြည့်ဘုန်းမော် လို့ ဖိုးဒီပက နာမည်ပေးလေသည်.... သားက သူ့အဖေနဲ ရုပ်ချင်းဆင်ပြီး ငွေလို့ အေးအေးဆေးဆေးနေတတ်လေသည်... ဂျီလည်းမကျတတ်ပေ.. ငိုကြောလည်း မရှည်... မောင့်ထက် သားက ငွေကို ပိုကပ်ပြီး တခုခုလိုချင်ရင်တောင် ငွေကိုဘဲ ပူဆာလေသည်...မောင်က သားက သူ့ကို သိပ်မကပ်လို့ စိတ် မကောင်း ဖြစ်နေလေသည်.... သားက ငွေကို သိပ်မပင်းပန်းစေဘဲ ကြီးပြင်လာလေသည်....

‘’ ငွေ ... ဒီ ပတ္တမြား set လေးကြည့် လှတယ်မလား.... ‘’

မောင်က သူ့ I.pad ထဲက Adore & Shine  ရတနာဆိုင်က  ပုံလေးကို ငွေအားပြနေခြင်းဖြစ်သည်....

‘’ အွန်း..!!  အရမ်းလှတာဘဲ ၊ အဲ့ဆိုင်က တင်တဲ့ဒီဇိုင်းလေးတွေ အကုန်လှတယ်... ငွေလည်း အမြဲကြည့်တယ်ရယ်... ဒါပေမဲ့နော် မောင် ထပ်မဝယ်နဲ့တော့ အရင်တခေါက်က အဲဆိုင်ကဘဲ ကိုဖြိုးသုတ မင်္ဂလာဆောင်မှာ ဝတ်ဖို့ဆိုပြီး မောင် ခရမ်းဆွဲ set လေး ဝယ်ပေးသေးတယ်တာ... ဘာကြာသေးလို့လဲ ‘’

‘’ ဟင်း… ဟင်း …. အခုဟာက ခတ္တာမင်္ဂလာဆောင်အတွက်လေ.... ‘’

‘’ တော်ပြီ…၊ မောင့်ရာ... ရှိတာဘဲ ဝတ်တော့မယ်... ‘’

‘’ ဒါလေး တခုတော့ ယူလိုက် ငွေရာ Adore & Shine Gems က ထူးထူးက ဒီဇိုင်းပညာကို ပြင်သစ်ကနေ တောင် သင်လာတာနော့် ၊ အဲကြောင့် သူ့ဒီဇိုင်းလေးတွေက လှတယ်... ငွေယူလိုက် မောင် ထူးထူးကို ပြောထားတယ်.... ‘’

‘’ ဟယ်…!! မောင်နော် ဘယ်အချိန်ယူလိုက်တာလည်း...’’

‘’ မောင်က သူ့ကို ငွေအတွက် သီးသန့်ဒီဇိုင်းအပ်ထားတာ ၊ အဲ့တာ အခု မောင်ကို အထည် ခတ်ထားတဲ့ ပုံပို့လာတာလေ... ‘’

‘’တကယ် မောင့်ကို ပြောမနိုင်တော့ဘူး...နောက်အခါ ငွေကို တိုင်ပင်ပြီးမှာ ဝယ်ပါ။ သားက နို့ပြတ်သွားပေးမဲ့ ငွေက ဝ နေတုန်း ဆိုတော့ တော်ရုံတန်ရုံ ဝတ်ချင် စားချင်း စိတ်မရှိဘူးရယ်...’’

‘’ အဲတာ ငွေတို့ မိန်းမတွေ မှားတာ... အိမ်ထောင်ကျပြီး ကလေးရပြီးရင်း ဖြစ်သလို့ နေတော့တာဘဲ.. မောင်က ငွေကို အဲလို့ မနေစေချင်ဘူး... ပြင်ပြင်ဆင်ဆင် ထိန်းထိန်းသိမ်းသိမ်းလေးနေ မောင်သွားဆော့ခိုင်းတဲ့ gym ရော သွားလား၊ ဧကရီနဲ့ သွားမယ်ဆို....’’

‘’ အွန်း .. သွားတယ်လေ... အခုမှာ သွားဆော့နေတာ ဘယ်လောက် ကြာသေးလို့လဲ... နေပါအုန်း ၊ မောင့်ကို မေးရအုန်းမယ် ။ ငွေ ဝတုတ်ကြီးဖြစ်ရင်း မောင့်က မချစ်တော့ဘူးလား...’’

‘’ ဘယ်သူ့က မချစ်ဘူး ပြောလို့လဲ.... ငွေကို ဆရာစိုင်းဝင်းမြင့် ကဗျာ မောင် ရွတ်ပြမယ် ။ နားထောင်....  ကဗျာခေါင်းစဉ်က ..,

ငါ ချစ်ရင်

ငါမချစ်ရင်
ဖြူတာလည်း သိတယ်
မဲတာလည်း သိတယ်

ငါ ချစ်ရင်
ဝတာလည်း မသိ
ပိန်တာလည်း မသိတော့ဘူး.... ‘’

‘’ အားးး ချစ်လိုက်တာ မောင်ရာ...’’

မောင်က အဲလို ငွေကို ခြွေချနေတော့ ငွေမှာ မောင်အပြောလေးကို ကြွေကျနေရတော့သည်...

**************** ****************** ***************
အပိုင်း( ၃၈ ) ဆက်ရန်

ဒီfic က နောက် ၅ပိုင်းလောက်ဆို  ပြီးပါပြီ ။ အပိုင်းတိုတယ်ဆိုလို့ အပိုင်း ၂ခု ပေါင်းကြည့်ဖို့ ကြည့်ပေးမဲ့ အဖြတ်တောက် အဆင်မပြေလို့ ၊ မဖြတ်တော့ဘဲ ဒီအတိုင်းလေးဘဲ ဆက် ဖတ်ပေးကြပါအုန်း ၊

နောက် ficအသစ်ကြရင်း ရှည်ရှည်လေး ရေးပေးထားပါတယ်နော် ၊fic အသစ်ကြရင်းလည်း အားပေးကြပါအုန်းရှင့် 💗

စာကတော့ စစ်လိုက်တာဘဲ၊ပထမဆုံး စရေးတဲ့fic ဖြစ်လို့ လိုအပ်ချက်‌များ‌ကော စာလုံးပေါင်းအမှားများရောကို သည်းခံဖတ်ပေးကြပါရှင့်
လိုအပ်ချက်များကိုလည်း ပြောပြပေးလို့ရပါတယ်ရှင့်၊
ဖတ်ပေးသူ တဦးတယောက်ချင်းစီတိုင်းကို ကျေးဇူးတင်ပါတယ်ရှင့်
ကျန်းမာရွှင်လန်းကြပါစေရှင့်....

#With Love
#Author:HNINN Pann Mho
#နှင်းပန်းမိုရ်
#မြတ်ဘုန်းမော်+ငွေမှုန်းခင်