ချင်းမင် အပျက်အဆီးအပုံကြားကနေ ထလျှောက်လာပြီးနောက် ကောင်းကင်ထက်က ပုံသဏ္ဍာန်နှစ်ခုကို သတ်ဖြတ်ချင်ငွေ့တို့ဖြင့် ကြည့်လိုကသည။ သူ့ရဲ့ မာကျောတောင့်တင်းနေတဲ့ မျက်နှာက လုံးဝကို တွန့်လိမ်သွားခြင်းနှင့်အတူ ဒေါသဖြေဖျောက်လိုက်သလိုမျိုး အော်ဟစ်လိုက်တော့သည်၊ "သူတို့ကို သတ်နိုင်တဲ့ဘယ်သူ့ကိုမဆို အလယ်လတ်အဆင့် သိမ်မွေ့နက်နဲလက်နက်နှစ်လက်ကို လက်ဆောင်အဖြစ်ပေးမယ်လို့ ကောင်းကင်အနားသတ်မြို့တော်တွင်းက ပညာရှင်တွေအားလုံးကို သီနိုမိသားစုကိုယ်စား ငါ ကတိပေးတယ်။"
"ဖူး၊ ချင်းမင်၊ မင်းက အဆင့်ရှစ် လက်နက်သန့်စင်သမားတစ်ယောက်ပဲ ဖြစ်သေးတာပဲ၊ အဆင့်မြင့်ဆုံး အရည်အသွေးဖြစ်တဲ့ သိမ်မွေ့နက်နဲအဆင့် အလယ်လတ်တန်းစားလက်နက်တစ်လက်ကို ဘယ်လိုလုပ် သန့်စင်နိုင်မှာလဲ? မင်း အဆင့်ကိုး၊ ဒါမှမဟုတ် အဆင့်တစ်ဆယ် သန့်စင်သူတစ်ယောက် ဖြစ်မလာသေးသ၍ပေါ့။"
တစ်ခဏလောက် တိတ်ဆိတ်သွားပြီးနေက အသက်ကြီးကြီး မှုန်ဝါးဝါးအသံတစ်သံက ထွက်ပေါ်လာသည်။
တစ်စုံတစ်ယောက်က တုန့်ပြန်မှုပြုပြီဖြစ်တာကြောင့် တစ်ယောက်ပြီးတစ်ယောက် ပဲ့တင်ထပ်အောင် ပြောဆိုနေကြတော့သည်။ အဆင့်မြင့်ဆုံး အရည်အသွေးရှိတဲ့ အလယ်လတ်တန်းစား သိမ်မွေ့နက်နဲလက်နက်တစ်လက်က သူတို့အတွက်တော့ ကြီးမားတဲ့ ဆွဲဆောင်မှုတစ်ခုဖြစ်သည်။ အဆင့်မြင့်ဆုံးအရည်အသွေးရှိတဲ့ သတ္တုကြောသတင်းကြောင့် ကောင်းကင်အနားသတ်မြို့တော်က အခု အစွမ်းထက် ကျင့်ကြံသူတွေ အပြည့်ဖြစ်လို့နေသည်။ ပညာရှင်အများစုက ဒီတစ်လောအတွင်းမှ ရောက်လာကြခြင်းဖြစ်ကာ အချို့က ကောင်းကင်နတ်ဘုရားနယ်ပယ်ဆင့် ကျင့်ကြံသူတွေတောင်မှ ပါသည်။ ချင်းမင်က အဲ့အချက်ကိုသိသည့်အတွက် ခပ်ကျယ်ကျယ် ကြေငြာလိုက်ခြင်းဖြစ်သည်။
"ငါက လွန်ခဲ့တဲ့တစ်နှစ်ကတည်းက အဆင့်ကိုး သန့်စင်သူတစ်ယောက်ဖြစ်ပြီးသွားပြီ။" ချင်းမင်က ဂုဏ်ယူစွာဖြင့် ကြေငြာလိုက်၏။ သူက အဆင့်ကိုး သန့်စင်သူတစ်ယောက်ဖြစ်သွားတဲ့ သူ့အောင်မြင်မှုအပေါ် အမြဲဂုဏ်ယူဝံ့ကြွားခဲ့သည်၊ အကြောင်းကတော့ သီနိုမိသားစုက ဂူနီလာကုန်သည်ကြီးများအသင်းကို စိန်ခေါ်နိုင်ပြီဆိုတဲ့ အဓိပ္ပါယ်ဖြစ်တာကြောင့် ဖြစ်သည်။
"မင်း တကယ်ပဲ အဆင့်ကိုး သန့်စင်သူအဆင့်ကို ရောက်နေပြီဆိုတာကို ငါ မယုံဘူး။" စိတ်လှုပ်ရှားနေတဲ့ လူအနည်းငယ်ရဲ့အသံက ထပ်မံထွက်ပေါ်လာပြန်သည်။
"ငါက မင်းတို့တွေ အဲ့သူတွေကို သတ်ပေးဖို့ပဲလိုတာ။ အခု လူတိုင်းက ကြည့်နေတာမို့ ငါတို့မိသားစုရဲ့ ဂုဏ်သိက္ခါ ကျဆင်းသွားမယ့်အရေးကို စွန့်စားမှာမဟုတ်ဘူး။" (ဆိုလိုတာက သူ မညာဘူး၊ တကယ်ပဲ အဆင့်ကိုးရောက်နေပြီဆိုတဲ့သဘောပါ) ချင်းမင်က သူတို့တွေ သဘောမတူမှာကို စိုးတဲ့အတွက် သူ့မိသာစုရဲ့ နာမည်ဂုဏ်ကို ထပ်မံ ထည့်သွင်းဖော်ပြလိုက်ခြင်းဖြစ်သည်။ မိသားစုကြီးတစ်ခုရဲ့ အရေးအကြီးဆုံးအချက်တွေထဲကတစ်ခုက နာမည်ဂုဏ်သတင်းပဲဆိုတာကို ဦးဏှောက်ရှိတဲ့သူ ဘယ်သူမဆို သိသည်။ အမည်ဂုဏ်သတင်း ပျက်ဆီးခြင်းက မိသားစုတစ်စုအဖို့ အတော်ကြီးကို အထိနာစေတဲ့အတွက်ဖြစ်သည်။
"ကောင်းပြီလေ၊ ငါတို့ သဘောတူတယ်" ကောင်းကင်အနားသတ်မြို့တော်တွင်းက ပညာရှင်အချို့က အတန်ငယ်တုန့်ဆိုင်းနေကြပြီးနေက် နောက်ဆုံးတော့ အရည်အသွေးအမြင့်ဆုံး အလယ်လတ်တန်းစား သိမ်မွေ့နက်နဲလက်နက်ဆိုတဲ့ ဆွဲဆောင်မှုအပေါ် တောင့်မခံနိုင်ကြတော့ချေ။
သူတို့အသံ မပျောက်ကွယ်သွားသေးခင်မှာပဲ ဆယ်ယောက်လောက်သော ပညာရှင်တို့က ကောင်းကင်အနားသတ်မြို့တော်ရဲ့ အဘက်ဘက် အရပ်မျက်နှာကနေ တိုက်ခိုက်မှု အစပြုလိုက်ကြတော့သည်။ အဲ့နောက် သူတို့ အလင်းတန်းများအဖြစ် ပြောင်းသွားကြကာ ချင်းမင်ထံ ပျံသွားကြလေတော့၏။ အချိန်မဆိုင်းမှာပဲ သူတို့တွေက ဘုရင်ကြီးနဲ့ ဖုန့်ရှီကို ဦးတည်ကာ အုပ်စုဖွဲ့တိုက်ခိုက်လိုက်ကြတော့သည်။
လူအုပ်ကြီးတွင်းက လောင်နန်ရှုနဲ့ အခြားသူတွေက သူတို့မျက်နှာထက် သိသာထင်ရှာစွာ အံ့အားသင့်သွားကြပေမဲ့ သူတို့ အံ့အားအသင့်ရဆုံးကတော့ ဖုန့်ရှီပင်။ ကောင်လေးကို ကောင်းကောင်းသိတဲ့ ကာလွမ်သလာကတော့ အံ့အားအသင့်သွားဆုံးဖြစ်သွားသည်။ ဖုန့်ရှီရဲ့ ကျင့်ကြံဆင့်အရ ကောင်းကင်နတ်ဘုရားနယ်ပယ်ဆင့်ကို လွင့်စင်အောင်လုပ်နိုင်ဖို့ မဖြစ်နိုင်။
ကာလွမ်သလာက လက်သီးကျစ်ကျစ်ပါအောင် မဆုပ်ဘဲ မနေနိုင်တော့ချေ။ သူ နောက်ကောက်မကျခင်ပေ။
"ခေါင်းဆောင်၊ အဲ့အဘိုးကြီးက အခု အကူအညီတွေ ခေါ်နေတယ်" ဖုန့်ရှီက ထူးထူးဆန်းဆန်းဖြင့် အော်ပြောလိုက်ပေမဲ့ သူ့အသံက အလွန်ကို စိတ်လှုပ်ရှားနေသည့်ဟန် ပေါက်နေသည်။
"ရှီ၊ မင်းရော အကူအညီလိုချင်လား?" ဘုရင်ကြီးက ဘေးပတ်ဝန်းကျင်ကို အလေးမထားဟန် ကြည့်လိုက်သည်။ ကောင်းကင်အနားသတ်မြို့တော်မှာ ပညာရှင်တွေ ဘယ်နှစ်ယောက်ရှိနေတယ်ဆိုတာကို သူ ကောင်းကောင်းသတိပြုမိသည်။ သူတို့ကို ကျင့်ကြံသူတစ်ဒါဇင်လောက်သာ လာဝိုင်းထားကြတာဖြစ်သည့်အတွက် တစ်ဝက်ထက်တောင် နည်းတဲ့လူအရေအတွက်သာ လာကြခြင်းဖြစ်သည်။ ကြည့်ရတာ ခေါင်းဆောင်တော်တော်များများက ရှင်းရှင်းလင်းလင်း တွေးနိုင်ကြပုံရသည်။
"ဟင့်အင်း၊ ကျွန်တော် အဆင့်မြင့်ဆုံးသိမ်မွေ့နက်နဲလက်နက်ကို ဒီလူတွေကို မပေးနိုင်ဘူး။" ဖုန့်ရှီက သူ့ခေါင်းကို ခါယမ်းလိုက်သည်။ တကယ်လို့ သူ့မှာ အဆင့်မြင့်ဆုံး သိမ်မွေ့နက်နဲလက်နက် ရှိတယ်ဆိုရင်တောင်မှ အဲ့တာတွေကို သူ ဝှက်ထားမှာ။ တခြားသူတွေကို သူက ပေးစရာလား?
"ရှီ၊ ဒီလူတွေကို ဘယ်လိုလုပ်ချင်လဲ?" ဘုရင်ကြီးက ဖုန့်ရှီကို လက်မောင်းတွင်း ဖက်ထားကာ ခေါင်းကိုငုံ့လိုက်ပြီး နားတွင်းကို တိုးတိုးလေး ကပ်ပြောလိုက်သည်။
သူ အဲ့တာကိုပြောလိုက်တော့ ဖုန့်ရှီတစ်ယောက် ဒေါသတကြီးဖြင့် အံကိုတင်းတင်းကြိတ်ကာ သူတို့တွေကို လက်သီးအနည်းငယ်လောက် ထပ်ပြီး ကျွေးချင်သွားတော့၏။
"သူတို့တွေက ကျွန်တော် ပြင်ဆင်ချက်ပြုတ်နေတုန်းကြီး ဘယ်လိုတောင် လာပြီး နှောက်ယှက်ရဲရတာလဲ? ကျွန်တော်တို့ သူတို့ကို လွှတ်မပေးနိုင်ဘူး။"
20220911; 2239
🥰Thanks for reading, sharing, comments and votes.
—————————— 👀 —————————
You are reading the story above: TeenFic.Net