کـۆمـێـنـتــ لـەنـێـوانــ دێـڕەکـانــ جـێـبـهـێـڵـە سـویـتـیـــ
"ᴛʜᴇʏ ʙᴏᴛʜ ꜰᴀɪʟᴇᴅ, ᴀɢᴀɪɴ.
—ꜱʜᴇ ᴄᴀɴ'ᴛ ʜᴀᴛᴇ ʜɪᴍ
ᴀɴᴅ ʜᴇ ᴄᴏᴜʟᴅɴ'ᴛ ʟᴏᴠᴇ ʜᴇʀ.
« جـۆنـگـکـووکــ »
بێ بیرکرندەوە ڕاستەوخۆ بە پێڵاوەوە ڕۆیشتمە نێو ئەپارتمانەیەکەیەوە ، سەیری دەوروبەرم کرد لە کاتێکدا چاوەکانم بە دڕندەیی بەدوای ئەو کەسەدا دەگەڕا. دڵم خەریک بوو لێدان بوەستێت، لەناکاو کەسێک دەستی کردە سەر شانم " ئارام بە تۆ باشی ؟؟" جیمین بوو
ئاهێکی ئارامم هەڵکێشا و دواتر ڕەتمکردەوە وەڵامی پرسیارەکەی بدەمەوە. " یونگی لە کوێیە؟ ئایا جیهیون ئەوی دۆزیوەتەوە؟ ئایا دەزانێت کە لێرەیە؟ " بە پەشۆکاوییەوە پرسیم.
چاوەکانی لە بێزاریدا وەرگێڕا دوای ئەوەی ناوی جیهیونم هێنا." تکایە جارێکی تر ناوی مەهێنە. سەرئێشەی پێ دەگرم."پێکەنیم بە قسەکانی
" بێگومان پێی ناڵێم. ئەگەر بزانیت شێت دەبیت. "وتی
" بەهەر حاڵ یونگی لە ژوورەکەمە چاوەڕێی تۆیە. بڕۆ قسەی لەگەڵ بکە. "لەسەر قەنەفەکە دانیشت
" ناتەوێت لەگەڵم بێیت ؟ " برۆکانم بەرز کردەوە . بەگشتی ئەو کەسێکە کە ئەگەر بە نهێنی لەگەڵ یونگی قسە بکەم، دڵتەنگ دەبێت. سەری لەقاند و وتی: "ئاساییە. تەنها بڕۆ" . ڕەتیکردەوە: "دەمەوێت بۆ ماوەیەک پشوو بەم "
"باش دەی. "
دەستم بەرزکردەوە بۆ ئەوەی لە دەرگاکە بدەم بەڵام دوودڵ بووم. نەمدەزانی بۆچی شڵه‌ژابووم.
چەند جارێک هەوڵمدا بەڵام نەمتوانی. تا لەناکاو دەرگاکە کرایەوە.
" لێرە چی ئەكەیت ؟؟" یونگی پرسی و لە سەرەوە تا خوارەوە سەیری کردم - " بۆ لە دەرگات نەدا؟ چاوەڕێی چی دەکەی ؟؟- "پرسیاری کرد.
وەڵامم دایەوە: "هیچ".
"وەرە ژوورەوە، شتێکم هەیە لەگەڵت باسی بکەم. گرینگە". پێی وتم و پاشان چووە ژوورەوە، دەرگاکەی بە کراوەیی هێشتەوە تا بتوانم بچمە ژوورەوە. چەند چرکەیەکی پێچوو تا بڕیارمدا بچمە ژوورەکەوە. "باشە "
"پێویستم بە یارمەتی تۆیە" یونگی وتی پێش ئەوەی دابنیشم، ئاخر سەیر بوو چونکە پێشتر داوای هیچ یارمەتییەکی لێ نەکردووم، منیش لە تەنیشتی دانیشتم و دواتر برۆیەکم بەرزکردەوە.
"یارمەتی ؟؟ " - من سەرم لێ شێوا،"چۆن یارمەتیت بدەم؟"
ئاهێکی هەڵکێشا و دواتر شێوازی دانیشتنەکەی گۆڕی. پێدەچوو بیەوێت شتێک بڵێت بەڵام پەشۆکابوو
لەناکاو دەستی کرد بە قسەکردن"دەمەوێت یارمەتیم بدەیت - تا کێشەکانم لەگەڵ ئێلادو چارەسەر بکەم" دەنگی کز بوو. ئەو نەخۆش دەرکەوت...
هەناسەم هەڵمژی و وتم " چۆن یارمەتیت بدەم؟ "
دواجار دوای سەیرکردنی پێیەکانی تواناوی ئەوەی هەبوو سەیری من بکات. بڕیاریدا ڕاستەوخۆ بچێتە سەر مەبەستەکەی، و وتی " دەزانم لەم دواییانەدا زۆر چاوت پێی کەوتووە."
سەرم سوڕما کە ئەو چۆن ئەوە دەزانێ." کێ ئەوەی پێ وتی؟"
بە تاڵییەوە زەردەخەنەی کرد و وتی: "پێویستم بە کەسێک نییە پێم بڵێت کووک، ئەمڕۆ پاشنیوەڕۆ ئێوەم لە چێشتخانەیەک بینی"
"بەڵام- سەرەڕای ئەوەش، دڵنیام هیچ نیازێکی خراپت نەبووە لە بینینی." ئەو ئاگاداری کردمەوە." بەڵام ناتوانم درۆ بکەم، چونکە ئیرەیی دەبەم بە بینینی زەردەخەنەکانی لە دەوروبەرت."
جارێکی تر ڕووخساری خەمبار بوون و پڕ بوو لە پەشیمانی. "دڵخۆشم کە توانیت جارێکی تر زەردەخەنە بخەیتەوە سەر لێوی چونکە پێم وابوو دوای دەمەقاڵێکەمان جارێکی تر زەردەخەنە ناکاتەوە. بەڵام زانینی ئەو ڕاستییەی کە من ئەو کەسە نەبووم کە وای لێکرد زەردەخەنە بکات - ئەوە ئازارم دەدات. "
" لە ڕابردوودا من ئەو کەسە بووم کە لە ڕۆژە ناخۆشەکاندا دڵخۆشی دەکرد. من زۆرم خۆشدەوێت هەر جارێک کە زەردەخەنە دەکات شتێکی شێتانە دێتە مێشکم "
بە دەستەکانی ڕووخساری داپۆشی "پەشیمانم کە بەو شێوەیە مامەڵەم لەگەڵ نەکرد کە شایەنییەتی."
بۆ من قورس بوو بەو شێوەیە یونگی بیبینم. بەڕاستی ڕقم لەوەیە بەم شێوەیە بیبینم. ئەمە ئازاری منیش دەدات."- بەڵام تۆ بە باشی مامەڵەت لەگەڵدا کردووە. هەرگیز ئازاریت نەداوە. هیچ شتێک نییە پەشیمان ببیتەوە یونگی. تۆ هەموو هەوڵێکت دا چوونکە خۆشت دەوێت " وتم بەڵام ئەو ڕەتیکردەوە متمانە بە قسەکانم بکات.
"مەبەستم ئەوە نییە."سەری هەژاند." خۆزگە دڵنیا بوومایە لە خۆشەویستیم بۆی. خۆزگە لەو کاتەدا سەرم لێ نەدەشێوا. من ئەوم وەک ئاریوم بینی . بەڵام ئێستا، کە ئەو نەماوە، تێگەیشتم لەوەی کە - دەبوو خۆشم بوێت بەو جۆرەی کە هەیە. "
"ئەو زۆر باشترە لە ئاریۆم. ئەو شایانی ئەوە نییە بەراورد بکرێت بە ئاریوم. ئەو ئازاری دام بەڵام ئێلا نا - ئەو برینەکانم ساڕێژ دەکات. جیاوازییەکی گەورە لە نێوانیاندا هەیە بەڵام من ئێستا ئەوەم زانی من زۆر گەمژەم جۆنگکووک. خۆزگە باشتر بوومایە. "ئەو سەیری کردم.نەمتوانی هیچ بڵێم. چوونکە هەستم بەو شتە دەکرد کە ئەو هەستی پێدەکرد.
هەست بە خراپیی دەکەم کە دەیبینم زۆر دڵتەنگە. هەستم دەکرد کەسێکی بێ کەڵکم ئەگەر نەتوانم یارمەتی بدەم. ئاهێکم هەڵکێشا" بڵێ چی بکەم بۆ ئەوەی یارمەتیت بدەم. "
ئەو قسانەم بە سەری نزمەوە وت کاتێک سەیری زەویم دەکرد. پێویستی بە یارمەتی من هەیە بۆ ئەوەی دڵخۆش بێت
"ئەوم بۆ بهێنە دەمەوێت چاوم پێی بکەوێت. ئه‌و ووتی." وتی.
« ئـێـلا »
جۆنگکووکــــ
کاتژمێر ٩.٠٢ی بەیانی نێردراوە
لە پارکەکەی نزیک ماڵەکەت چاوەڕێت دەکەم . کاتژمێر ١ی پاشنیوەڕۆ لەوێ دەبم. دڵنیابە کە دێیت. دەمەوێت بتبینم.
هەر کە نامەکەی جۆنگکووکم بینی یەکسەر ڕۆیشتم بۆ پارکەکە. وتی شتێکی گرنگی هەیە دەیەوێ پێم بڵێت بۆیە منیش ڕازی بووم کە چاوم پێی بکەوێت چونکە ئاسوودەم لە دەوروبەری. لەم دواییانەدا زۆر یارمەتی داوم. تەنانەت کاتێکیش پێکەوەین دڵخۆشین.
لەوە باشتر بوو کە بیرم لێدەکردەوە. هاوڕێیەکی باشە. بە سەیرکردنی کاتژمێرەکەم بۆم دەرکەوت کە هێشتا نزیکەی ١٠ خولەکم ماوە . بۆیە پێم وابوو بیرۆکەیەکی باش دەبێت ئەگەر هەندێک خواردنەوە بکڕم.
بە دەوری پارکەکەدا پیاسەم دەکرد تا بزانم هیچ شوێنێک هەیە خواردنەوە بفرۆشێت. پاشان لە شەقامەکەدا شوێنێکم بینی. بڕیارمدا هەندێکیان بگرم.
کە لە ڕێگادابووم لەناکاو خۆم بە کەسێکدا کێشا و پێم لە پێڵاوەکانی گیر بوو و کەوتم. بە بێدەنگی هەناسەم هەڵکێشا و پاشان داوای لێبوردنم لەو کەسە کرد.
"ببورە " چەند جارێک سەرم نزم کردەوە، چاوەڕێی ئەوە بووم کەسەکە شتێک بڵێت بەڵام هیچی نەوت بۆیە سەرم بەرز کردەوە تا سەیری کەسەکە بکەم. کاتێک کەسەکەم بینی وا هەستم کرد خەریکە جەڵدە لێم دەدات
بۆچی دەبێت ئەو کەسە یونگی بێت، لێدانەکانی دڵم ناجێگیر بوو لە کاتێکدا سەیری ئەو کەسەم دەکرد کە زۆر بە خراپی دەمویست چاوم پێی بکەوێت.
سەیری منی دەکرد و بە هەمان شێوە تووشی شۆک بوو بوو. چاومان نەتروکاند و بۆ چەند چرکەیەک سەیری یەکترمان کرد پێش ئەوەی بڕیار بدەم دوور بکەومەتەوە.
" ئێلا " بانگی کردم. وای لێ کردم جارێکی تر دڵم دەست بکاتەوە بە لێدان. هەستم کرد دڵم ئەوەندە خێرایە خەریکە دەتوێتەوە
لەبری ئەوەی وەڵامی بدەمەوە، چەند ساتێکم تەرخان کرد بۆ ئەوەی سەیری دەموچاوی بکەم، هەموو یادگارییەکانم هاتەوە بەرچاو. ناتوانم نکۆڵی بکەم لەوەی هەمیشە دڵخۆش بوومە لەگەڵی
وەستام، چاوەکانم خستە سەر ڕوخسارە جوانەکەی. ئەو سەرنجڕاکێشترین پیاوە کە لە هەموو ژیانمدا بینیبێتم. بەڵام ئەو زۆر بە بێشەرمانە سەرنجی ئەدام
بە شەرمەوە چاوم لێی دوور خستەوە. پاشان پشتم تێکرد. بە دەستم دەمم داپۆشی بۆ ئەوەی هیچ دەنگێکم لێ دەرنەچێت. "ئێلا مەڕۆ. " چاوەکانم پڕ بوون لە فرمێسک
"جێم مەهێڵە - " بە تۆنێک نزیک لە گریان وتی
جارێکی تر دڵم ئازاری پێگەیشت کاتێک ئەو قسانەی وت. دوورکەوتنەوەم بۆ قورس بوو.
هێشتا ئازارم هەیە. ناتوانم بەو ئاسانییە لێی خۆش بم دوای ئەوەی فێڵی لێکردم. من ئەوەندە ئاسان نیم کە ئەو بیری لێ دەکاتەوە. دەستەکانم وەک مشتێک لێ کرد و وتم " ئەوە کێشەی من نییە."
پاشان دەستم کرد بە ڕۆیشتن لەکاتێکدا هەموو هەوڵێکم دەدا بۆ ئەوەی هیچ فرمێسکێک لە چاوەکانم نەیەتە خوارەوە. لەوانەیە وا دەرکەوێت کە ئاسان بێت بۆ ئەوەی دوور بکەومەوە.
بەڵام ئاسان نییە لەو کەسە دوور بکەویتەوە کە زۆرت خۆشدەوێت. بۆ من قورس بوو. هەموو ئەو هەنگاوانەی دەمنا ئازاری دەدام. وا هەستم دەکرد شتێک وەک چەقۆ لە دڵم دەدات، بەبێ ئەوەی بوەستێ.
بەڵێ لەوانەیە بە ئازار بێت. بەڵام شتێک بوو کە پێویست بوو بیکەم.
پێم وابوو بەشی پێویست لێی دوورم.خۆم لە وێستگەیەکی پاسدا بینیەوە، وازم لە ڕۆیشتن هێنا. ئێستا خەریکە باران دەباريت چونکە ئاسمان تاریک بوو.
سەیری دەوروبەرم کرد و تێگەیشتم هیچ ئاماژەیەک نییە لەوەی یونگی بەدوامدا بێت. ئاهێکم هەڵکێشا و پاشان چوومە ژێر دارێک تا بارانەکە لێم نەدات.
بارانەکە دەستی کرد بە بارین. بۆنی بارانەکە لە هەموو شوێنێک بڵاو بوبویەوە. تێبینیم کرد ئەپارتمانێکی نزیک هەیە لێرە. بڕیارمدا ماوەیەک لەوێ بمێنمەوە تا بارانەکە دەوەستێت.
دیسان تەنیا بوومەوە ئەمەش ناچاری کردم بیرم بێتەوە کە کەمێک پێش ئێستا چی ڕوویدا. کاتێک چاوەکانمان کەوتە سەر یەک ، ئەوە سەرسامی کردم چونکە چاوەڕێی ئەوەم نەدەکرد ئەمڕۆ چاوم پێی بکەوێت. بەڕاستی پێکەنیناوییە کە چۆن هیوای ئەوەم دەخواست کە ئەو ببینم و بینیم، تەنانەت نەمتوانی یەک وشەش بڵێم. لەوە قورستر بوو کە بیرم لێدەکردەوە.
چاوەکانم داخست تا بتوانم کەمێک هەناسە بەم. من هەموو هەوڵێکم دەدا بۆ ئەوەی ئارام بمێنمەوە بەڵام دووبارە ڕووخساری یونگی هاتەوە پێش چاوم. ئەو شێوازەی کە بە نەرمی سەیری دەکردم بە جۆرێک دەردەکەوت وەک ئەوەی ئاسوودە بێت بە بینینم. هەوڵمدا لەبیری بکەم. چاوەکانم کردەوە. بەڵام ئەوەی دواتر بینیم زیاتر شۆکی کردم.
دیسانەوە ئەو بوو، بە قژی تەڕەوە لەبەردەممدا وەستابوو، کاتێک دڵۆپ دڵۆپ ئاو بە ڕووخساریدا دەهاتە خوارەوە. جلەکانی تەڕ بو بوون دیارە بە دوای ممدا هاتووە.
بە هەناسە بڕکێوە وتی:" تۆم دۆزییەوە" ئارام دەرەکەوت بەڵام بە هۆی دەرکەوتنی لەناکاوییەوە بەستم. دواتر چاوم لێی دوور خستەوە. " چی دەکەی لێرە ؟. دوور بکەوە." ویستم دووری بخەمەوە
"بەڵام-"ئەو هەوڵیدا قسە بکات بەڵام من پێیم بڕی
" هیچ شتێک نییە باسی بکەیت یونگی . . جارێکی تر نەیەیت بە دوای مندا." ویستم لێی دوور بکەومەوە بەڵام مەچەکی گرتم و ڕێگری لێ کردم. هەستم دەکرد گرتنەکەی ئەوەندە توند بوو وەک ئەوەی بیەوێت بۆ هەمیشە بەندم بکات.
" بەڵام تۆ بەڵێنت دا هەرچییەک بێت بەجێم ناهێڵیت. لە بیرت کرد؟؟ "هەوڵیدا هەموو ئەو شتانەم بیربخاتەوە کە پێشتر پێم گوتبوو.چاوەکانم داخست.
" بەڵێنەکەت ناشکێنیت، وانییە؟ " چاوەکانی خستە سەرم، بە جۆرێک سەیری چاوەکانمی دەکرد وەک ئەوەی هەوڵی دەدا خودی کۆنم بدۆزێتەوە کە خۆشی دەویست و باوەڕی پێی دەکرد. بۆ ساتێک لە نیگا قووڵەکەیدا ون بووم.
" پێش ئەوەی ڕاستییەکان بزانم بەڵێنەکەم دا یونگی. ئێستا - دەزانم تۆ تەنها من بەکاردەهێنیت. تۆ منت خۆشناوێت. ئەو بەڵێنانەی کە بە یەکترمان دا ئێستا هەموویان بێ کەڵکن. "
دەزانم قسەکانم ئازاری دا. بەڵام ئەوە ڕاستی بوو
مەچەکم لە دەستی دەرهێنا و پاشان سەیری پێڵاوەکانمم کرد چونکە ئیتر بەرگەی سەیرکردنی چاوەکانیم نەدەگرت.
"چیتر ئێمە بوونمان نەماوە. بەڕێز مین یونگی " ڕاستەوخۆ دوای ئەو قسەیەم سەری بەرز کردەوە
" بەڵام تۆ ناتوانی بەو شێوەیە ڕابکەیت . پێویستە ئەمە یەکلایی بکەینەوە. تکایە." پێداگری دەکرد نەیدەویست وازم لێ بهێنێت
دەسەکانم دەلەرزین
گەڕامەوە بۆ ئەوەی سەیری چاوەکانی بکەم" پێم وتیت، هیچ شتێک لە نێوانماندا نەماوە، قسەکردن چی سوودی هەیە؟"
بە زەحمەت تفم قووتدا. دەمەوێت هەموو شتێک ڕوون بکەمەوە.
" دەمەوێت هەموو شتێک ڕوون بکەمەوە " وتی و هەوڵیدا دەستەکانم بگرێت بەڵام ڕێگریم لێی کرد
"تۆ هەرگیز هی من نەبوویت و منیش هەرگیز هی تۆ نەبووم.لەوەدا چی ڕوون نییە؟ " چاوەڕێی ئەوە بووم وەڵامم بداتەوە. چەند جارێک سەری لەقاند.
"دەمەوێت بزانم بەڕاستی منت خۆشدەوێت؟ " سەیری کردم تا بزانێت دوای بیستنی چۆن کاردانەوەم دەبێت، دەمزانی ڕۆژێک دێت، ئەو پرسیارەم لێدەکات،
" تکایە وەڵامم بدەرەوە. بەڕاستی دەمەوێت بزانم" ئەو وا دەرکەوت کە بەڕاستی دەیەوێت وەڵامەکەم بزانێت.ئاهێکم هەڵکێشا.
" دڵنیابە من بەڕاستی تۆم خۆشدەویست" پێش ئەوەی بەردەوام بم لە قسەکانم سەیری چاوەکانیم کرد." تۆ دەسەڵات نادەیت بەو کەسانەی کە دەیانەوێت لە ناوت ببەن"
کاتێک ئەو قسەیەم کرد لە جووڵە وەستا
بە تاوانبارییەوە سەری هەژاند."خۆشتدەویستم ؟؟ ئایا ئەوە مانای ئەوەیە ئێستا تۆ منت خۆش ناوێت؟ "
ئاهێکم هەڵکێشا. "من لەوە دڵنیا نیم.من سەرم لێ شێواوە."
" متمانە بەخۆبوونت دەکوژێت، خۆشەویستی ئازارت دەدات.
وات لێ ئەکات ڕقت لە بوونی خۆت بێت.سەر لێ شێواوت دەکات "بە شێوەیەکی هەڕەمەکی وتم " . بەڵام دڵنیابە،
نامەوێ چیتر ئازار بکێشم چوونکە ئیتر بەرگەی ئەوە ناگرم. "
" تۆ نازانی چەند گریام ئەو ڕۆژە یونگی. هەندێک جار پێویستمان بە کاتە بۆ ئەوەی بیرمان بخاتەوە کە چی گرنگە و چی گرینگ نییە. تا هێزی ئەوەمان هەبێت کە نیشانی یەکتری بدەین کە چەندە بۆمان گرینگە "
" کاتێک پێم وابوو پێویستم بە کەسێکە، لە هیچ شوێنێک هەستم پێت نەدەکرد. تۆ بۆ من لێرە نەبوویت. من هەستم بە خۆشەویستی تۆ نەکرد تەنانەت ئەگەر بشڵێیت خۆشم دەوێم. "هەناسەم هەڵمژی و هەوڵمدا نەگریم
" بەڵام بەڕاستی خۆشم دەوێیت ئێلا. تەنها - زۆر درەنگ بوو
بۆ ئەوەی درک بەوە بکەم. تۆ جیاوازیت لە ئاریوم. تۆ ئەو نیت. تۆ. تۆ ئەو شتەی کە من پێویستم پێیەتی. من زۆر گەمژەم، ئەوە دەزانم. تکایە بمبەخشە. چی بکەم بۆ ئەوەی باوەڕم پێ بکەیت؟"قسەی کرد بەو هیوایەی ئەمجارە لێی خۆش بم.
"بەڵگەت چییە بۆ ئەوەی جارێکی تر متمانەت پێ بکەمەوە" پرسیم و ئارامم بوومەوە. پێش ئەوەی وەڵامی پرسیارەکەم بداتەوە، سەیری چاوەکانی کردم و پاشان وتی"هەر جارێک گوێم لە ناوەکەت دەبێت دەشڵەژێم و دڵم بە خێرایی لێ دەدات چونکە دەزانم بە ڕادەی پێویست قەدری تۆم نەدەزانی. "
ئەوە وەڵامی ئەو بوو.هەستم بەو شتە دەکرد. بەڵام ئەوەندە بەهێز نەبوو کە وا لێبکات لێی خۆش بم. پێش ئەوەی ڕووبکەمەوە، گوتم:" کۆتایی هات. هیچ شتێکی تر نییە بۆ ڕوونکردنەوە. ئێمە ته‌واوبوین. ڕەنگە بۆ هەردووکمان کۆتایی هاتبێت. ئێمە چیتر یەکترمان خۆش ناوێت. ڕەنگە ئەم خۆشەیستییەت بۆ من نەبووبێت"
1897 word
بەردەوام دەبێت ~
چیرۆکی خۆشەویستی؟ بەڵێ، هێشتا بوونیان هەیە.
كۆتاییه خۆشه‌كان؟ من وا بیرناکەمەوە.
کەواتە لەم بابەتە، ئایا چاوەڕێی چی دەکەی ؟
کۆتاییەکی خۆش یان ناخۆش ؟؟
تەنها دەمەوێت بزانم پێشبینییەکانتان چۆنە ؟؟
You are reading the story above: TeenFic.Net