ရွာရောက်လာတာတစ်ပတ်ကျော်ပြီခုမှပင်စာရင်းများကိုစကိုင်ရသည်။မအားလို့မဟုတ်။ကိုယ့်ဘာသာလျှောက်သွားလိုက်ပျင်းလိုက်ဖြစ်နေခြင်းဖြစ်၏။စာရင်းတွေကစစ်လျှင်မြန်ပါသည်။ပီနံအိတ်တစ်အိတ်ကိုဖွင့်ကာအထဲမှလယ်ဂျာစာအုပ်များကိုခွဲလိုက်သည်။ဝင်ငွေထွက်ငွေစာရင်း၊အသုံးစရိတ်စာရင်း၊လခစာရင်းအစုံစုံကိုခွဲထုတ်ထားလိုက်သည်။ကိုယ်တိုင်လိုက်စစ်ဆေးရမည်များကိုတော့နောက်ရက်မှသွားကြည့်တော့မည်။ဒီနေ့တော့မထစတမ်းစာရင်းစစ်မည်ဟုတွေးထား၏။အလုပ်လုပ်ရန်နေရာကိုအိမ်ရှေ့သရက်ပင်ကြီးအောက်တွင်နေရာပေးထားသောကြောင့်အရိပ်ရ၏။ခြံစည်းရိုးနှင့်လည်းနီးသဖြင့်အပြင်ကဖြတ်သွားသောရွာသူရွာသားများနှင့်လှည်းများကိုတွေ့နေရ၏။ခေါင်းမဖော်တမ်းလုပ်နေရင်းနှင်းပွင့်နှင့်မမကြီးခင်ပြန်ရောက်လာသည်။နေတောင်မွန်းတည့်နေပြီပဲ။

အစ်မသပြေ နေ့လည်စာစားပြီးပြီလား

မစားရသေးပါဘူးနှင်းပွင့်ရယ် မြင်တဲ့အတိုင်းပဲ အလုပ်တွေကများနေတာ ခုမှပဲကိုင်ရတယ်

နှင်းပွင့်တို့လဲမစားရသေးဘူး မမကြီးခင်ကအစ်မသပြေစားမှစားပြီးပါ့မလားစိုးရိမ်တယ်ဆိုလို့ပြန်လာကြတာ တစ်ကယ်ကမဆာကြသေးဘူး

နှင်းပွင့်စကားကြောင့်မမကြီးခင်ကိုကြည့်ကာပြုံးပြလိုက်သည်။မမကြီးခင်ကရိုးရိုးရှင်းရှင်းနဲ့ကြည့်ကောင်းသူဖြစ်သည်။ဘာမှမပြင်မဆင်ပဲဆံပင်ကိုခပ်လျော့လျော့စည်းထားသည်မှာလိုက်ဖက်လှ၏။အမြဲမျက်နှာထားတည်နေတတ်သည်ကပင်မမကြီးခင်ကြည့်ကောင်းရခြင်းများထဲကအကြောင်းတစ်ခုဖြစ်မည်ဟုတွေးမိသည်။

အစ်မသပြေ အစ်မသပြေ

ဟေ

  မမကြီးခင်ကိုကြည့်နေမိသည်မှာဘယ်လောက်ကြာသည်မသိ။နှင်းပွင့်ခေါ်ကာမှသတိပြန်လည်လာသည်။သူ့ကိုငေးနေသည်ကိုအထင်လွဲမည်စိုးသောကြောင့်မမကြီးခင်ကိုထပ်ကြည့်လိုက်တော့လမ်းမဘက်ကိုမျက်နှာမူထားသည်။

အစ်မသပြေ ဘာတွေငေးနေပြန်တာလဲ ထမင်းစားမယ်လို့

ဒါဆိုလဲစားကြတာပေါ့

  နှင်းပွင့်နဲ့အတူအိမ်ပေါ်ကိုတက်တော့မမကြီးခင်ကနောက်မှလိုက်ပါလာသည်။ဟိုတစ်ခါအကြော်သည်အဒေါ်ကြီးပြောသည့်မမကြီးခင်ကထောင်ကျဖူးသည်ဆိုသောအကြောင်းကိုမေးချင်နေမိသည်။သို့သော်လည်းသူ့အကြောင်းကိုအရမ်းစပ်စုနေသည်ဟုထင်မှာရော ၊ ထိုအရာကမေး၍မသင့်တော်သည်ကတစ်ကြောင်းမို့ မေးသင့်မမေးသင့်ဝေခွဲရခက်နေ၏။
စာရင်းများကိုအရင်ပြီးအောင်စစ်ပြီးမှ
မမကြီးခင်၏အကြောင်းများနောက်ကိုလိုက်မည်ဟုဆုံးဖြတ်လိုက်သည်။

အစ်မသပြေ ထည့်စားလေ

စားပါတယ် နှင်းပွင့်ရဲ့

ပုံမှန်ဆိုနှင်းပွင့်ချက်တာ ဒီနေ့ကစပြီးမမကြီးခင်ကသူချက်မယ်တဲ့ ခုဟာကမမကြီးခင်ချက်ထားတာ

ထမင်းစားနေရင်းစကားမများရဘူးလို့ငါပြောထားတယ်မဟုတ်လားနှင်းပွင့်

မမကြီးခင်ကနှင်းပွင့်ကိုဝင်ငေါက်လေသည်။
သပြေညို့ကိုဆူရမယ့်ဟာနှင်းပွင့်အပေါ်ကိုသာမဲနေသည်။

ကျွန်မမေးတာပါမမကြီးခင် နှင်းပွင့်ကိုမဆူပါနဲ့

မမကြီးခင်ကဘာမှပြန်မပြောပေ။ထမင်းစားသောက်ပြီးနောက်မမကြီးခင်ကအရင်ဆုံးသူ့အခန်းထဲသူဝင်သွားလေ၏။သပြေညိုလဲမမကြီးခင်အကြောင်းမတွေးနိုင်သေး။အောက်ထပ်ဆင်းကာအလုပ်ကိုသာဆက်လုပ်နေလိုက်သည်။

ညလေကအရမ်းအေးမြပါ၏။သို့သော်လည်းရှူရှိုက်လို့ကောင်းသောအချိန်မျိုးမဟုတ်ပေ။လေတစ်ချက်တစ်ချက်အဝှေ့တွင်တုန်တက်ကာကြက်သည်းများထထသွားရ၏။

အစ်မသပြေ မမကြီးခင်အိမ်ပေါ်တက်လာခဲ့တော့တဲ့

အစ်မလာခဲ့မယ်နော် ဒါလေးတွေသိမ်းခဲ့လိုက်ဦးမယ်

နှင်းပွင့်သိမ်းလိုက်မယ်အစ်မ အစ်မကအပေါ်မြန်မြန်တက်တော့ တော်ကြာမမကြီးခင်ကနှင်းပွင့်ကိုဆူနေဦးမယ်

  ပစ္စည်းများအားနှင်းပွင့်ကိုသိမ်းစေကာအိမ်ပေါ်သို့အပြေးတက်လာခဲ့လိုက်သည်။အိမ်မကြီးအလယ်ဆက်တီတွင်မမကြီးခင်ထိုင်နေသည်။

အနွေးထည်ဝတ်ကလေးမ ပြန်ဖျားနေလိမ့်မယ်

ဟုတ်ကဲ့ ဝတ်လိုက်ပါ့မယ်

ဗိုက်ဆာလား တစ်ခုခုစီစဉ်ပေးမယ်

ကိစ္စမရှိပါဘူးမမကြီးခင် မလုပ်ပါနဲ့တော့

သပြေညိုဆက်တီတွင်ဝင်ထိုင်လိုက်သည်။
သပြေညိုထိုင်သည်နှင့်မမကြီးခင်ကထသွားဟန်ပြင်သည်။ထသွားသောမမကြီးခင်လက်ကိုသပြေညိုလှမ်းဆွဲထားလိုက်သည်။ဒုတိယအကြိမ်မြောက်လှမ်းဆွဲမိခြင်း။မမကြီးခင်ကလည်ပြန်ကြည့်လာသည်။လှမ်းဆွဲထားသောလက်ကိုကပျာကယာဖြုတ်လိုက်သည်။

ဟို ဟိုဟာ မအားဘူးလားမမကြီးခင်

အားပါတယ် ကိစ္စရှိလို့လား

ကျွန်မ စကားပြောချင်လို့

မမကြီးခင်ကပြန်ထိုင်ကာပြောလေဟုပြော၏။ပြောဆိုတော့လဲပြောစရာစကားကမရှိပေ။ဘာပြောရမလဲ။မမကြီးခင်အကြောင်းပြောပြလို့ပြောရင်ကောင်းမလား၊ကိုယ့်အကြောင်းကိုယ်ပြောရင်ကောင်းမလား၊ထမင်းစားကောင်းပါတယ်ပြောရင်ကောင်းမလား၊တည်းခွင့်ပေးတဲ့အတွက်ကျေးဇူးတင်ပါတယ်ပြောရမလား၊ဒါမှမဟုတ်အရမ်းအေးတယ်နော်ပြောရမလား၊အိမ်လေးကနေချင်စရာလေးပြောရမလား ဘာမှမသိတော့ပေ။
သပြေညိုစဉ်းစားနေတုန်းမမကြီးခင်ကရီမောလိုက်သည်။သပြေညိုအနည်းငယ်အိုးတို့အမ်းတန်းဖြစ်သွားသည်။

ဘာဖြစ်လို့ရီတာလဲ

ကျုပ်ကိုပြောစရာရှိတယ်ဆိုပြီးဘာပြောရမလဲမသိဖြစ်နေတဲ့ပုံကချစ်စရာကောင်းနေလို့

အိပ်ရာဘေးတွင်ချွတ်ထားသောလက်ပတ်နာရီကိုယူကြည့်လိုက်သည်။၁၁နာရီခွဲ ။ အခုချိန်ထိအိပ်လို့မရသေးပေ။
ချစ်စရာကောင်းနေလို့ဟူသောစကားကပဲ့တင်ရိုက်နေ၏။နားနှစ်ဖက်ကိုလက်နဲ့ပိတ်ကာမျက်လုံးကိုအတင်းမှိတ်လိုက်သည်။မမကြီးခင်၏မျက်နှာကပေါ်လာသည်။မဟုတ်ဘူး ဒေါ်ခင်နွဲ့မေကငါ့ကိုအတတ်ပညာတွေနဲ့များပြုစားထားတာလား။
ဒီကိုရောက်ထဲကသူ့အကြောင်းကိုပဲစိတ်ဝင်စားနေတယ်။ခုလဲသူ့အသံနဲ့သူ့မျက်နှာကိုပဲမြင်ယောင်နေပြန်ပြီ။ဘာဖြစ်နေတာပါလိမ့်။တစ်ညလုံးလူးလိမ့်ကာတောင်တွေးမြောက်တွေးဖြင့်မနက်လင်းကြက်တွန်ကာနီးမှအိပ်ပျော်သွားတော့သည်။

                    -------------------------