I don’t care

" ئێرەش واژوو بکەن خاتوون" پارێزەرەکەی سارا کە پەڕی ڕەزامەندی لەبەردەم سارا دانا بۆ ئەوەی واژووی بکات، سارا سەیری پەڕاوەکەی کرد و هەموو ئەو نوسینەی خوێندەوە کە لەسەر پەڕەکە هەبوو، پاشان واژووی کرد.

" کەی دەست بە گۆڕهەڵکەندنەکە دەکەن؟" سارا لە پارێزەرەکەی پرسی."من ئەمە دەدەمە دەست دادگا و لیژنەی هەڵکۆڵین بەئەگەری زۆرەوە بەیانی دەست پێ دەکەن، بەڵام خانمەکەم ئایە دەتەوێ  شامان - جادووگەر-  بهێنین لەکاتی گۆڕهەڵکەندنەکە؟" پارێزەرەکە دودڵ بوو لە هێنانە دەرەوەی تەرمەکە بەبێ هیچ مەڕاسیمێکی ئاینی، دەکرێ دەرهێنانی لەناو گۆڕ بەبێ مەڕاسیم ئازاری ڕووحی مردوە بدات یاخوود وابکات ڕوحەکە سەرگەردان بێت و بیەوێ لەسەر زەوی بمێنێتەوە.

" شامانی بۆ چیە؟ " سارا پرسی بەڕاستی ئەو هەرگیز شارەزایی لە کلتورەکانی کۆریە نیە، چونکە جۆنگکوک هەرگیز گرنگی بە کلتور و شتەکانی نەدەدا هەر ئەوە بوو گەشتیان دەکرد و دەچوونە ئاهەنگی کۆمپانیاکان و هەر وەک دوو هاوسەری ئاسایی ژیانیان دەکرد.

ئاگەداری نوسەر:- ئەم زانیاریانە لەماڵپەڕی متمانە پێکراو هێنراوە کۆریەکان کلتور و ئایدیان جیاوازە بۆیە با ئەم زانیاریانە کاریگەری لەسەر مێشک و هۆشی تۆ نەکەن هەموومان باش دەزانین کە دوایی مردنمان چی بەسەر ڕوحمان دێت و دەچێتە کوێ

" خانمەکەم کاتێک مرۆڤ دەمرێت، هەموو شتێکی پەیوەندیدار بە کەسەکەوە نامێنێت لەسەر زەوی جگە لە ڕوحەکەی لای ئێمە مردن واتا جیابوونەوە هون - و - بایک "هون وەک سروشتی یانگ دەبینرێت کە ئاسمان دەیبەخشێت وە بایک وەک سروشتی زەویە ،کاتێک مرۆڤێک دەمرێت لەگەڕ جەستەی خۆی دەگەڕێتەوە سەر زەوی واتا ئەو گۆڕەی لەناویدا دەینێژن ئەو شوێنەی بایکەکەی تێیدا نیشتەجێیە کە پێی دەوترێت (eum-gye 음계) "

" پەیوەندی  ژیان و مردن هاوشێوەی  پەیوەندی نێوان یانگ و یینە، واتە لە نێوان ئاسمان و زەویە،
یانگ نوێنەرایەتی هێزی گەردوونی ئەرێنی دەکات، یین نوێنەرایەتی هێزی نەرێنی یان نێگەتف دەکات، ئەم هێزە دووانە دوو هێزی بنەڕەتی و کارلێککەری سروشتن، کاریگەری لەسەر یەکتر دروست دەکەن و دەستپێشخەری جووڵە دەکەن"

" بۆیە هەر کاتێک تۆ بتەوێ جەستەکە بگوازیتەوە لەناو گۆڕەکەی پێویستە مەڕاسیمێک ئەنجام بدەیت تا ڕوحەکە ئازار نەچێژێ یانیش یانگ و یین لەم نێوەندە کارلێکی خراپ نەکەن لەبەر ئەم هۆکارەش ئێمە پێویستیمان بە شامان دەبێت کە لەکاری ڕوحەکان شارەزایان هەیە" جاک بەتەواوی هەموو زانیاریەکانی بۆ سارا ڕوون کردەوە کە بۆچی پێویستە ئەو ئەرکە بکەن.

سارا سەر سوڕماو بوو بەدیار کلتورە سەیرەکانی کۆریا بەڵام هەرچیەک بێت ئەو نایەوێت ئەو ڕوحە ئازاری پێبگات هەتا ئەگەر ئەوە جۆنگکوکی هاوسەریشی نەبێت.

" باشە مادەم تۆ باشتر لەو بابەتانە دەزانیت ئەوا شامانێک بێنە و بەیانی مەڕاسیمی گواستنەوە ئەنجام دەدەین" سارا وای وت و لەسەر قەنەفەکە هەڵسا و چووە ژورەکەی.

سارا لەسەر بێدەکەی دانیشت و بیری دەکردەوە ئەو ڕووداوە چۆن ڕوویداوە خۆ ئەو ڕۆژە هەموو شتێک ئاسایی بوو بێجگە لە جۆنگکوک کە شڵەژاو دیار بوو وەک ئەوەی کەسێک بەدوایەوە بێت.

~ ڕۆژی ژووداوەڪە~

"جۆنگکوک " سارا بانگی جۆنگکوکی کرد کە لەسەر مێزی نان خواردنەکە بوون و سارا باسی بابەتێکی کرد بۆ جۆنگکوک بەڵام هیچ وەڵامێکی دەست نەکەوت چونکە جۆنگکوک خەیاڵی لێرە نەبوو.

"همم بەڵێ!" جۆنگکوک وەڵامی دایەوە و سەیری کرد. " باسی بابەتێکم کرد بەڵام تۆ هیچ دەنگت نەبوو باشیت؟" سارا بەخەمەوە پرسی تەواوی ڕۆژەکە جۆنگکوک هەر وا خەیاڵی دەڕۆشت سارا تێنەدەگشت کە چ بابەتێک ئاوا سەرقاڵی کردوە.

" ئێ بەڵێ! باشم تەنها هەندێک بابەتی کۆمپانیا سەرقاڵیان کردووم بۆیە ئاوا مێشکم ناوە ناوە دەڕوا " جۆنگکوک بە خەندەیەکی ساختەوە وای بەسارا وت هەرچەندە سارا بڕوای نەکرد کە ئەو خەیاڵ ڕۆشتنە تەنها کاری سەرقالی کۆمپانیا نیە بەڵام نایەوێ زۆر پێداگری بکات و بابەتەکە درێژ بکاتەوە.

ئێوارەکەی لەدوایی نان خواردن جۆنگکوک پەیوەندییەکی بۆ هات لەدوایی پەیوەندیەکە کەمێک ڕەنگی گۆڕابوو هەر زوو بە سارای وت کە دەبێ بگەڕێینەوە، کاتێک لە ڕێگادا دەڕۆشتن لەناکاو باران دەستی پێ کرد سارا بەخەندەوە سەیری ڕێگاکەی دەکرد "ئایی خوایە گیان چەند بارانێکی جوانە" سارا بە خەندەوە سەیری جۆنگکوکی کرد کە بەردەوام بوو لە لێخوڕینی ئۆتۆمبێلەکە.

" بەڵێ کەشەکەی زۆر جوانە" جۆنگکوک بە خەندەوە وەڵامی سارای دایەوە و بەردەوام بوو لە لێخوڕین، کاتێک بەناو دارستانەکە ڕێیان دەکرد پێچاو پێچی زۆر دروست بوو لە ڕێگاکە بۆ جۆنگکوک ویستی خێرایی ئۆتۆمبێلەکەی کەم بکاتەوە بەڵام هەر چەندەی هەوڵی دەدا نەی دەتوانی کەمی بکاتەوە وەک ئەوە وابوو ئیستۆپی ئۆتۆمبێلەکە لەکار کەوتبێت.

سارا دیقەتی جۆنگکوکی دا کە شڵەژاوە و قاچی بەرز و نزم دەبێتەوە " جۆنگکوک چی بوە ؟"
"من ناتوانم خێرایی ئۆتۆمبێلەکە کەم کەمەوە" جۆنگکوک بەخێرایی و بەهاوارێکی نزم وای وت.
" چیی؟!!! ئایی خوایەگیان چی دەکەین؟" سارا بە ترس و شۆکەوە پرسی.

" نازانم..." جۆنگکوک هەوڵیدەدا بی وەستێنێ بەڵام هەموو کردارەکانی بێ سوود بوو."جۆنگکوک ئاگادار بە" سارا هەر ئەوەندەی بینی کە ڕووناکیەکی سپی گەورە لەبەردەم چاوەکانی دروست بوو و هەستی بە ئێشێکی گەورە کرد لەقۆڵی.

~~~

سارا هەناسەیەکی قوڵی هەڵمژی و فرمێسکەکانی سڕی لەمە زیاتری لەیاد نیە دەکرێ لەکاتی ڕووداوەکە سەری بەر دەرگای ئۆتۆمبێلەکە کەوتبێت و هەرزوو بێ هۆش بوبێت،هەندێک جار بیر دەکاتەوە کە بۆچی ئەو لە ئۆتۆمبێلەکە کەوتوە و وەک جۆنگکوک لەناوی نەماوەتەوە،بەڵام دواتر خۆی وەڵامی خۆی دەداتەوە، سارا مەلەوانی نازانێت بۆیە دەکرێ جۆنگکوک بەخێرایی دەرگاکەی کردبێتەوە تا سارا لەناو ئۆتۆمبێلەکە بکەوێت، هەر چۆنێک بێت بەر بونەوەی لەناو ئۆتۆمبێلەکە تەندروست ترە لەوەی لەناو ئۆتۆمبێلەکە بمابایەوە و چەندان جار لەسەر کێوەکە بەسەر یەکدا بخولابایەوە و  بکەوتبایە ناو دەریاکە.

...

بەیانی بەبێ ئەوەی هیچ کەسێک ئاگادار بێت دەستیان کرد بە هەڵکەندنی گۆڕی جۆنگکوک و شامانەکە دەستی بە مەڕاسیمەکە کرد،سارا خەریک بوو بەهۆی دیمەنی قێزەونی شامانەکە لەهۆش خۆی بچێت، چەندە بە قێزەونی ئەو بەرازە بە چەقۆکەی دەبڕێ و خوێنەکەی بە ڕوخساری خۆی دەهێنێ،کاتک شامانەکە خەریکی ڕێوڕەسمەکە بوو کە دیمەنی دواتر خراپتر دەبوو لەهی پێشووتر، سارا چیتر بەرگەی نەگرت و چوەوە ناو ئۆتۆمبێلەکە دانیشت دوایی ئەوەی کە ڕێوڕەسمی گواستنەوەکە کرا و تەرمەکە دەرهێنرا ڕاستەوخۆ بردرا بۆ پزیشکی داد
و لەوێ پشکنینی DNA وەر گرت و چاوەڕێی دەرچوونی ئەنجامەکە دەبوون،سارا بەنهێنی لەگەڵ دکتۆرێک هەڵسا بە وەرگرتنی پشکنینەوە و پشکنینی دیئێن ئەیەکەی بردە جێگایەکی تر.

هەرچەندە کەس بەوەی نەزانی کە ئەوانە خەریکی دەرهێنانی تەرمن تا لە دیئێن ئەیەکەی دڵنیا ببنەوە، بەڵام سارا گەرەنتی ئەوەی نەدەکرد کە کەسێک لەو ناوە هەوڵبدات فێڵ بکات.

...

سارا لە هۆڵەکە دانیشتبوو و لەناو کۆمپیتەرەکە خەریکی سەیر کردنی ئاماری کۆمپانیا بوو و سکرتێرەکەی ئەو فایلایەنەی بۆ ناردبوون کە دەبێت واژوویان بکات بەیانی،لەناکاو جاک هاتە هوڵەکە" خانمەکەم شتێکی گرنگم زانیوە "

" چی بوە جاک ؟" سارا پرسی کە جاک لەسەر قەنەفەکە دانیشت و سەیری سارای کرد."خانمەکەم لە ڕابردووی کیم تایهیۆنگم کۆڵیەوە و شتێکی سەیر دەرکەوت" ،، " چ شتێک؟" سارا بە مەراقەوە پرسی.

" پێشتر بۆ ماوەی سێ ساڵ لە پیشەسازی ئۆتۆمبێل کاری کردوە " قسەکەی جاک وای لەسارا کرد کە شۆک بێت.کارکردنی لە پیشەسازی (فیتەری) ئۆتۆمبێل شتێکی گوماناوی بوو ئەو کە دەرچووی زانکۆ بوو بۆچی لەوێ کاری کردوە؟

" جاک.... " بەر لەوەی سارا قسە بکات دەنگی نامەی موبایلی سارا وای کرد لەقسەکەردنی بوەستێنێ.
سارا موبایلەکەی هەڵگرت و کردیەوە کە سەیری کرد زانی کە ئیمێڵی لەهەر دوو نەخۆشخانەکە وەرگرتوە کە پشکنینەکەی لێ کردوە،پشکنینی نەخۆشخانەی سەرەتای کردەوە و سەیری ئەنجامەکەی کرد.

~ئەو پشکنینەی DNA  کە کراوە لە
ڕێژەی %99 هەڵگری هەمان دیئێنئەین ~

دیسانەوە سارا هەمان ئازاری بە دڵدا هات دیسانەوە وەک ئەوەی یەکەم ڕۆژ کە هەواڵی مردنی جۆنگکوکیان پێدا ئازاری چێژی، بەڵام ئومێدی بە پشکنینی دوەم هەبوو کە بەنهێنی کردویەتی بە دەستە لەرزیوەکانی کلیکی لەسەر نامەکە کرد و کردیەوە.

~ئەو پشکنینەی DNA  کە کراوە
لە ڕێژەی ............ ~

──•~❉᯽❉~•──
◁◁ ∙∘∙ ▷▷

کەواتە ئایە پێتان وایە کێ ئیستۆپی ئۆتۆمبێلی جۆنگکوکی تێک داوە؟

ئەنجامی پشکنینەکە چیە ئەویش هەمان ئەنجامە؟