خودا کەس بێ وەڵام ناکات تەنها کات.

" جۆنگکوک" بەهۆی هاوارکردنی دەنگی خۆمەوە بەخەبەر هاتم ، هەموو گیانم ئارەق بوو هەستم بە ئارەقی جەستەم دەکرد چۆن بەگیانمدا دێتە خوارەوە، هەناسەکانم ناڕێک بوون ، کەمێکی پێچوو تا درک بەوە بکەم کە من بەستراومەتەوە چاوم بەسراوەتەوە و دەمم ئازاری هەیە، بەهۆی ئەوە بەسراویەوە و هاوارم کردوە کەمێک لێوم ڕوشاوە و دەکزێتەوە.

هەوڵمدا کە بانگی کەسێک بکەم بەڵام بەهۆی ئازاری دەوری لێوەکانم نەم دەوێرا دەمم بجولێنمەوە،بەبێ ویستی خۆم فرمێسکەکانم ئازاد بوون،کەوتومەتە چ بارودۆخێک، خوا دەزانێ ئەو کەسە چی لەمن دەوێ، چی لەبردنی من دەسکەوێت،چۆن کەوتمە ئەو گێژاوە؟ تەنها ساڵێک لەمەوبەر ژیانێکی ئاساییم هەبوو، دڵخۆش و بەختەوەر بووم لەگەڵ جۆن.

هەموو خەمێکم ئەوە بوو ئێوارەکان زوو بگەڕێتەوە، کەچی تەنها لە ڕۆژێکدا هەموو ژیانم سەراوژێر بوو، جۆنم لەدەستدا و ئێستاش دەبێ بەدوای بکوژە نەفرەتیەکەی بگەڕێم،کەچی ئێستا لێرە بەند کراوم و بەستراومەتەوە کە نازانم ئەو کەسەی منی فڕاندوە کێشە و چی لەمن دەوێ؟

لەدڵەوە نزام دەکرد کە جاک بەزووی بگاتە ئێرە و ڕزگارم بکات."لەوە دەچێ شازادە خەوتوەکە بەخەبەر هاتبێت" هەرزوو دەنگی ئەو پیاوەم ناسیەوە،هەمان کەسە کە هاتە ژوورەکەم، دەبێ چی لەمن بووێت؟ هەستم بەدەستەکانی کرد لەپشتی سەرم و هێندەم زانی پەڕۆکەی چاوم کرایەوە و ڕوناکیەکی زۆر لەچاوەکانمی دا کە وای کرد چاوەکانم بە توندی دابخەم و دوایی کەمێک بیکەمەوە.

بەر لەوەی چاوەکانم بەتەواوی بکەمەوە هەستم کرد کە پەرۆکەی دەمیشمی کردەوە، هاتە بەردەمم و بەجوانی لێی ورد بوومەوە و هێشتا وەک یەکەم جار ماسکی پۆشی بوو تەنها کڵاوەکەی لەسەر کردبویەوە،قژێکی کاڵ و درێژی هەبوو، چاوەکانی بادەمی بوون و قاوەیەکی تۆخ بوو، لەوە دەچوو لوتێکی ڕێکی هەبێت، ڕوخساری هێلکەیی بوو، شان و باڵای بەرز بوو.

" کۆتا قسەت چیە بەر لە مردنت ؟" پرسیارەکەی ئەو پیاوە ناتەواوە تەزووی بەهەنوو گیانمدا دەهێنا، مەبەستی چیە لەکۆتا قسەی بەر لەمردنم، بەنیازە چیم لێ بکات. " چـ چی دەکەیت؟ چیت لەمن دەوێ" هەوڵمدا بەهۆی ترسەوە دەنگم ون نەبێت
و قسەکانم بۆی ڕوون بێت.

" دیارە کە چی دەکەم خاتوون تۆ دەنێرمە لای هاوسەرەکەت سەیرکە من چەندە باشم بۆتۆ!! ناهێڵم چیتر ئازاری دووری ئەو بچێژی و بەو شاد دەبیتەوە" ئەو ناتەواوە بە پێکەنینەوە قسەکانی بۆمن دەکرد، ترس و خەم و ڕق هەموو هەستەکانم بەرامبەری ئەو پیاوە تێکەڵ ببون.

" واز لەمن بێنە چیت دەستدەکەوێ لەمردنی من؟ " بەترسەوە لێم پرسی هەر بەڕاستی چی دەستدەکەوێ ئەگەت من بمرم؟

" خۆت بیر بکەوە و بیزانە " ئەو پیاوە بە گاڵتە پێکردنەوە وای پێ وتم، خلەبەردەمم ڕۆشت و دوای کەمێک سندوقێکی لەلا بوو کە گەورە دیار بوو، بەترسەوە ئاوی قوڕم قوتدایەوە و هەزار بیرۆکەی خراپ لە مێشکم دەهات و دەچوو ، چی لەناو ئەو سندوقەیە؟ هەر کە سەرەکەی کردەوە و چاوەکانم لەشۆکدا فراوان بوون، ئەو پیاوە هەر بەڕاستی تەواو نیە.

" چـ چی دەکەیت؟" بەترسەوە لێیم پرسی هەستم بە هەموو ملولەکانی خوێنم دەکرد کە هات و چۆ دەکەن، دڵم بە شێتانە لێی دەدا. " ئەوەی دەیبینیت " ئەو بۆمبەی ناو جەنتاکەی دەرکرد و وەڵامی دامەوە، هەموو گیانم. دەلەرزی لەترسی ئەو بیرۆکەیەیی لەناو مێشکمە، دەکرێ هێندە بێ
ویژدان بێت بیەوێت من بکوژێ؟

نەفرەت سارا گەمژە بەدڵنیایەوە دەتکوژێ قابیلە بۆچی تۆی هێنابێتە ئەو شوێنە چۆڵە؟لەدڵەوە نزام دەکرد جاک هەرچی زووە بگاتە لام و لێرە ڕزگارم بکات، بەڵام دەترسم نەگات و لێرە جەستەم ببێتە خۆڵ و ورد ورد ببم.

بۆمبەکەی چاڵاک کرد و دەستی کرد بە کات ژماردن کە تەنها 15 خولەکی ماوە بۆ تەقینەوە، بە زنجیرێکی پتەو لە کورسیەکەی بەسەتەوە تەنانەت زنجیرەکەی لەسەر قاچەکانی منیشی دانا ،هەموو گیانم دەلەرزێ و نزا دەکەم لێرە دەرچم بەڵام ئەوە ئەستەمە، فرمێسکەکان دانە بەدانە لە چاوەکانی من دەهاتە خوارەوە، وادیارە کۆتایی من لێرە دەبێت.

" سڵاومان بگەیەنە بە هاوسەرەکەت کە بینیت باشە، بەهیوایی ئەوەی ئەو پانزە خولەکەی ماوتە لەژیانت بە خۆشی بەسەری ببیەت" بە گاڵتەوە وای بەمن وت و لەو ژورە چوە دەرەوە.

چیتر نەمتوانی خۆم بگرم و بەهەموو دەنگمەوە گریام، نامەوێت لێرە ژیانم بەکۆتا بێت، من هێشتا کاری ناتەواوم ماوە، من هێشتا ئەو بەڵێنەی بە جۆنم دا نەمبردۆتە سەر،من هێشتا تۆڵەی خوێنی ئەوم نەکردۆتەوە، ناکرێ ئەوە کۆتایی من بێ، خودایە تکات لێ دەکەم با ئێرە کۆتایی ڕێگاکەم نەبێت تکایە.

"کەسی لێیـــــــــ" بەهەموو هێزمەوە هاوارم کرد بەڵکوو کەسێک لەم ناوە بێت و گوێی لەدەنگم بێت.

" تکایە ڕزگارم بکەن، تکایە کەس لێرەیە؟!" بەبێ وەستان هاوارم دەکرد، بەڵام هیچ وەڵامێکم دەست نەکەوت، بەردەوام بوو لەوەی هاوار بکەم و داوای یارمەتی بکەم، قوڕم ئازاری بۆ دروست بو بەهۆی هاوارەکانم فرمێسکەکانی چاوم ڕەتیان دەکردەوە بوەستن،ماندوو بووم لە هاوار کردن هەناسەکانم خێرا بوون و دڵم بە شێتانە لێی دەدا سەیری کاتی ماوەی بۆمبەکەم کرد ، 12 خولەک ماوە.

بەڵێ سارا ئەمە کۆتایی ڕێگاکەی تۆیە ئیتر لێرە
لەناو دەچیت و ژیانت بە کۆتا دێت ، ببورە جۆنگکوک. داوای لێبوردن دەکەم کە نەمتوانی بکوژە نەفرەتیەکەت بدۆزمەوە.

.

..

" کەسمان لەدواوە ماوە؟" جاک پرسی کە بەخێرایی ئۆتۆمبێلەکەی لێدەخوڕی."نەخێر کەس لەدواوەمان نەماوە ئەوانمان ون کرد " نامجوون ڕایگەیاند و پاشان جێگاکەی ڕێک خستەوە و سەیری جاکی کرد.

"بۆچی بەبێ پاسەوان دەڕۆین ؟" نامجوون ڕاستەوخۆ پرسی." ناتوانین جموجوڵەکانمان گومانوی بکەین،ئەگەر وابکەین ژیانی خانمەکەم بەتەواوی دەخەینە مەترسی" جاک کە خەریکی لێخوڕنی ڕانجڕۆڤەرە ڕەشەکە بوو بە شێوەیەکی خێرا بۆ نامجوونی ڕوونکردەوە." بەڵام تۆ تەنانەت نازانیت ئەوانە چەند کەسن ؟ چۆن دڵنیا دەبیت کە دەتوانی ڕوبەڕوی ئەوان بیتەوە و بەسەلامەتی لەوێ دەرچین ؟" نامجوون پرسی .

" بابەتەکە گیانی خانمەکەمە گەر پێویست بکات ژیانی خۆمی بۆ بەخت دەکەم، گومانت لە توانای من نەبێت من پاسەوانێکی ڕاهێنراوم بۆ ماوەی سێ ساڵ" جاک وەڵامی نامجوونی دایەوە." تۆ زۆر دڵسۆزیت بۆ خانمەکەت ئایە شتێک ناچارت دەکا ئاوا دڵسۆزبیت ؟"

" ئایە دەبێ هۆکار هەبێت ؟ خانمەکەم ئامانەتی گەورەمە بۆ من، من دەبێت بە ڕوحی خۆم ژیانی خانمەکەم بپارێزم " جاک نامجوونی دڵنیا کردەوە کە ئەگەر بابەتەکە مردنیش بێت ئامادەیە بۆ خانمەکەی بچێتە ناوی." لەکوێیان داناوە؟ " نامجوون پرسی و جاک هەر زوو تێگەشت مەبەستی چیە .

" کۆڵانێکی چۆڵکراوی ئێرە، ئەو کۆڵانە بۆ دروستکردنی پڕۆژەیەک ساڵێک لەمەوبەر چۆڵکراوە، بەهۆی نەبونی بودچەی پێویست چوار مانگە پڕوکە وەستێندراوە، ئەوان زیرەکانە کارەکەیان کردوە، بردویانەتە جێگایەک کە هەرگیز کەس بەلایەوە داناچێت " جاک ڕوونی کردەوە و نامجوون سەری بە ئەرێنی لەقاند.

...

" تۆ لێرە بمێنەوە و ئەگەر گوێت لە دەنگی تەقە بوو یەکسەر پەیوەندی بە پۆلیسەوە بکە " جاک کە دەمانچەکەی ئانادە کرد بۆ تەقاندن و لە ئۆتۆمبێلەکە دابەزی وای بەنامجوون وت.نامجوون هەر زوو دابەزی " ئەی بۆچی سەرەتا پەیوەندیمان بە پۆلیسەوە نەکرد ؟ چ پێویست دەکا ژیانی خۆت بخەیتە مەترسی؟" نامجوون پرسی.

" گەر پۆلیس تێکەڵی بابەتەکە بێت هیچ بۆ بەرژەوەندی ئێمە باش نابێت لەوانەیە ئەوان خانمەکەم بکوژن، بەڵام من ئێستا خۆم دەچم و لەناویان دەبەم ئەگەر زانیم ژمارەیان زۆرە ئەوا پۆلیس ئاگادار دەکەینەوە.

نامجوون سەری بە ئەرێنی لەقاند و جاک سەیری موبایلەکەی کرد تا شوێنی سارا بدۆزێتەوە، هەر زوو جاک دۆزیەوە کە لەکوێیە،تەنها چەند خانوێک لەوانەوە دوورە، جاک دەمانچەکەی دەستی توند گرت و بەهێواشی هەنگاوی دەنا و سەیری چوار دەوری دەکرد، بێدەنگیەکی نا ئاسایی هەبوو.

جاک لە خانوەکە نزیک بوویەوە و خۆی نزم کردەوە و لەپەنجەرەی خانوەکە نزیک بوویەوە و بەخێرایی چوە لای و کەمێک خۆی خوار کردەوە و سەیری ناو خانوەکەی کرد. هەر زوو سارای بەر چاوانی کەوت کە لەسەر کورسیەک بەستراوەتەوە و سەری نزم کردۆتەوە، بەجوانی سەیری ناو خانوەکەی کرد و کوسی بەر چاو نەکەوت و پەنجەرەکەی کەمێک کردەوە.

" خانمەکەم" جاک بە نزمی بانگی سارای کرد،هەر زوو سارا چاوەکانی کردەوە و سەری بەرز کردەوە و سەیری دەرگاکەی کرد بەڵام کەسی لێ نەبوو.
" خانمەکەم پەنجەرەکە" جاک دیسانەوە بە نزمی بانگی کردەوە ،سارا هەرزوو سەیری پەنجەرەکەی کرد. " جاکــــــــــــ".

" جاک ڕزگارم بکە تکایە جاک، کەس لێرە نیە جاک من دەمرم تکایە"سارا بەگریانەوە وای بە جاک وت هەر کە وتی کەسی لێنیە جاک بەخێرایی لە دەرگاکە چوە ژوورەوە و لەسارا نزیک بویەوە بەڵام هەر زوو شۆک بوو بەو بۆمبەی لەگەڵ سارا بە کورسیەکەوە بەستراوەتەوە.

" خانمەکەم " جاک هەر بەخێرایی خۆی نزم کردەوە و هەوڵی کردنەوەی پەتەکانی دا،خێرا پەتەکانی کردەوە بەڵام کردنەوەی زنجیرەکە ئەستەم بوو.
" نابێتەوە، جاک تکایە من نامەوێت بمرم، من دەبێ بژیم دەمەوێ تۆڵەی جۆنگکوک بکەمەوە، کە ئەوم دۆزیەوە و بەدەستەکانی خۆم دەیکوژم ئەوکات ئەگەر بشمرم کێشەم نیە، ئێستا تاکە هۆکاری مانەوەم لەژیان تۆڵەسەندنەوەیە " سارا فرمێسکی چاوەکانی دەکەوت و بەڕقی وشەکانی دەرەکرد هێندە ناخ پڕ بوو هێندە بە ئازار و تۆنێکی لەرزەوە دەی وت ئەو سەڕەڕای ئەم باروو دۆخەی تاکە هۆکاری مانەوەی ژیانی بکوژی هاوسەرەکەیەتی و دەیەوێ بزانی کێ بکوژەکەیە، سارا سەیری بۆمبەکەی کرد کە تەنها 2 خولەکی ماوە بۆ تەقینەوە.

" دەبێتەوە من دەیکەمەوە " جاک بەخێرایی هەڵسایەوە و بەدوایی شتێک دەگەڕا لەناو خانوەکە تاوەکوو بتوانێت ئەو زنجیرە بپسێنێ ، هەرزوو تەورێکی دار بڕینی بەرچاو کەوت و بەخێرایی گەڕایەوە لای سارا و سەیری بۆمبەکەی کرد 1:40 خولەکی مابوو بۆ تەقینەوە،جاک سەیری سارای کرد کە چۆن دەگری و هەموو ڕوخساری سوور بۆتەوە بەهۆیی گریانەکەی.

" خانمەکەم دەتوانی قاچت بخەیتە دواوەی قاچی کورسیەکە ؟" جاک پرسی و هەر زوو سارا هەوڵیدا قاچەکانی بخاتە بەشی دواوەی کورسیە ئاسنەکە.

جاک هەر کە سارا قاچەکانی خستە بەشی دواوە دەست کرد بە لێدانی زنجیرەکە بەو تەورەی دەستی ،ئەستەم بوو بڕینی ئەو زنجیرە پتەوەیە، بەڵام جاک نەدەوەستا و هەر بەردەوام بوو لەوەی بە توندی لەو زنجیرە بدات کە قاچەکانی سارای پێ بەستراونەتەوە.

زنجیرەکان بە شێوەیەکی زیرەکانە لە قاچی سارا ئاڵێندرابوون کە هەر قاچێکی بە لایەکی زنجیرەکە بەستراوەتەوە تا بۆ لێکردنەوە زۆر ئەستەم بن.
جاک دوایی کەمتر لە خولەکێک توانی زنجیرەکە بپسێنێ و قاچێکی سارا ئازاد بوو لە بەستەنەوە و جاک هەناسەی توندی دەدایەوە و هەموو گیانی ببوە ئارەق و قژە پڕەکانی دانە بەدانەی ئارەقی لێ دەهاتە خوارەوە ، جاک بەبێ ئەوەی پشوبدات دەستی کرد بە لێدانی زنجیرەکەی تر و نەدەوەستا لەلێدانی، جاک هەر بەردەوام بوو لەلێدان و هەناسەی توندی دەدایەوە، سارا سەیری کاتەکەی کرد.

30 چرکە مابوویەوە بۆ تەقینەوە مابوو " جاک واز بێنە لێرە بڕۆ ئەوە دەتەقێتەوە" سارا بەگریانەوە هاواری کرد بۆ جاک. " هەرگیز بێ تۆ لێرە ناڕۆم" جاک بە جدیەوە وای وت و بەردەوام بوو لە لێدان.

" جاک دەمریت لێرە دەمریت تکایە بڕۆۆۆۆۆۆۆ" سارا هاواری کرد و فرمێسک لە چاوانی نەدەوەستا.
" من لێرە ناڕۆم هەرگیززززز" جاک بە توڕەیەوە وای وت و بەردەوام بوو لەلێدانی زنجیرەکە، سارا بە چاوە پڕ فرمێسکەکانی سەیری کاتەکەی کرد 20 چرکە ماوە." جاک بڕۆ تکایە بڕۆۆ، بڕۆ لەبری من بکوژەکە بدۆزەوە و دۆزەخی نیشان بدە، جاک لێت دەپاڕێمەوە بڕۆۆۆۆۆ" سارا بەگریانەوە لەجاک دەپاڕایەوە.

" من لێرە ناڕۆم خانمەکەم، من بەڵێنم خۆم داوە دەبێ تۆ بپارێزم گەر نەمتوانی تۆ بپارێزم دەبێ منیش لەگەڵ تۆ کۆتایم پێ بێت" جاک بەخێرایی وای بەسارا وت بەردەوام بوو لە لێدانی زنجیرەکە.

سارا بەرگەی نەگرت بە هەموو هێزیەوە دەگریا و سەیری کاتەکەی دەکرد کە چۆن کەم دەبێتەوە
" بڕۆۆۆ پێت دەڵێم بڕۆۆۆ جاک لێرە بڕۆۆۆ"

چرکەکان بەخێرایی تێدەپەڕن کاتێک ژیانت بە چرکەکانەوە بەندە، چرکەی بۆمبەکە تا دەهات لەکۆتاییەکەی نزیک دەبویەوە.

Tik
10

Tik
9

Tik
8

Tik
7

Tik
6

Tik
5

Tik
4

──•~❉᯽❉~•──
◁◁ ▐بـەردەوامـے▌ ▷▷

ئایە پێتوان وایە جاک دەڕوا یاخود لەگەڵ سارا دەمێنتەوە؟

کێ بکوژەکەی جیۆن دەدۆزتەوە لەمەو بەدوا؟

کێ دەبێتە خاوەنی کۆمپانیاکە؟
...