بسم الله الرحمن الرحيم

وراحت عند الميلس ويدينها مليانه (كانت شاله ماي + دلة القهوه، و ما كانت لافه شيلتها بس كانت حاطتها على راسها)

(كانوا مطر وخالد يالسين قريب الطاوله)

دخلت المجلس وشافت ربع سيف كلهم يطالعونها خافت بس حاولت تتشجع و دخلت الميلس

كان مطر طول الوقت يطالعها من يوم دشت الميلس لين ما قربت من الطاوله عشان تحط الصينيه هي لفت عليه

مطر : ثووووو ( صفر وغمز لها) الله على الحلاوه دي ( من كثر ما خق عليها قلب مصري 😂)

سيف طالع مطر بنظره وكان معصبببب. خالد لمح سيف

خالد: مطر هيه عيب

مطر: يا عمي ما يخصك، كيف افوت الفرصه اني اكون ويا بنت تجنن مثلها؟؟

سيف قام عشان يصفع مطر بس وقفه عبدالله

مها طنشت مطر وكملت تمشي للطاوله وكانت راح بتحط الصينيه اللي فيها الدله والفنايين بس طاحت شيلتها

مطر كان ييقوم عشان يعدلها الشيله بس سيف ما قدر يتحمل الي كان يجوفه وقام

مطر لف عند سيف اللي كان ماشي عنده وعطاه بكس في خشمه وراح ساعد مها

اول ما ساعدها سيف، راحت ركض برع وراحت عند البنات وسكرت الباب بالقو

اليازيه: يمههههه شو فيج تركضين؟؟؟؟ جايفه جني؟؟!!؟؟

مها ما سمعتها لانها كانت قاعده تفكر ف الي استوا توا

طنشوها وكملوا الفلم

في الميلس

قام مطر وحاول انه يرد لسيف البوكس بس سيف مسك ايد مطر وعكفها حاولوا الباقين انه يفرقونهم

قام خالد و سحب مطر من كدورته لين برع

خالد: انت ما تفهم؟؟؟!

مطر : .....

خالد: قلت لك عيب ووقف هالسوالف بس انا لو كلمت اليدار احسنلي

مطر طنش خالد وطلع برا

رد خالد الميلس وشاف سيف

سيف: انا خلاص قررت اني بخطب مها

سعيد : ما تحس انه بعدكم صغار؟؟ كيف بتتحملون المسؤوليه؟؟!؟

سيف: لا تخاف. تراني قد المسؤوليه وانا اباها و باخذها يعني باخذها

خالد: بس فكر فالموضوع

سيف: عقب الي استواما بقدر اتحمل ان حد يقرب منها وهي مب قادره تدافع عن عمرها

عبدالله: اوب اوب الغيره الف

سيف: جب عشان ما اعطيك بوكس و اخليك تستوي نفس مطر

محمد: عيل خلاص نطلع نحن عشان تقدر ترقد وتكلم امك عن الموضوع

مايد: هيه صح كلام محمد

ناصر: عيل يلا نستاذنكم

سيف: والله اني اسف على الي استوا و بعوضكم المره الياية ب جمعه احسن و احلى، نفسي طبعا

مايد: هههههه اقول ها من اول ما قرر ان بيخطب قام يجوف عمره علينا

سعيد: يععع طع ويهه

خالد: ههه خلاص يلا مع السلامه

وراحوا بيوتهم

قعد سيف يفكر بالموضوع لين نام اليوم الثاني 10:30 am

نش سيف من الرقاد وراح الحمام يتغسل ويتوضى ويصلي عقب نزل تحت عند امه وتريق

وهو يتريق تذكر انه كان يبا يكلم امه وابوه عن موضوع

سيف: امي ابا اخطب

ام خليفه: هاي الساعه المباركه، بييب لك احسن واحلى بنت

سيف: لا امي عندي بنت في بالي

ام خليفه: منو هاي المحظوظه

سيف: مها بنت خالي حميد

ام خليفه: والله زين يا ولدي عرفت تختار، تراها بنت زينه وطيبه وجميله

سيف: اعرف امي عشان جي اخترتها

ام خليفه: خلاص حبيبي انا بخبر ابوك وبرمس امها ويصير الخير

سيف: ان شاء الله

راحت امه عند ابو خليفه عشان تقول له الخبر الحلو

قالت له ووافق واتفق معها انه مها بنت زينه حق سيف

وراحت ام خليفه عشان تدق على عليا (ام راشد)

كلمتها وقالت ام راشد انها بتشاور مها وابو راشد

12:00 pm

راحت ام مها عند مها عشان تقول لها الخبر واول ما سمعت مها الكلام اللي امها قاعده تقوله تفاجئت وما عرفت شو تقول من كثر ما هي فرحانه

ام راشد (ام مها) : ها حبيبتي موافقه على سيف؟

مها من كثر ما مستانسه كانت تنزل من عيونها دموع الفرح وما قدرت تتكلم وبس اكتفت بانها تهز راسها (هيه)

ام راشد : خلاص حبيبتي مبروك. انا بروح اكلم ابوج

مها راحت ركض لغرفتها وتمت مصدومه. راحت كلمت يزوي

وقالت لها عن الخبر وطبعا يزوي وايد فرحت لها وفرحت لاخوها

قرروا انه تكون الخطوبه يوم الجمعه المغرب (يعني اليوم اللي بعده )

الجمعه 3:00 pm

تجهزت مها وراحت كلمت اليازيه

عند يزوي وسالم

يزوي كانت راقده وقامت من اتصال. ردت بس بدون ما تركز عالاسم

اليازيه: الوو (بصوت مليان رقاد )

مها: وش اللي الووو لا يكون كنتي راقده؟؟!؟

اليازيه اول ما سمعت صوت مها على طول عدلت جلستها

اليازيه: الو حبيبتي. لا انا جاهزه من زمان ( اكبر كذبه 😂)

مها: اها تحسبت بعد انج راقده

اليازيه: لا عاد اليوم خطبت ماي فيفرت كزن وخطبة اخوي العزيز كيف تبيني أكون راقده لين هالوكت

مها: هههههه يلا اترياكم

اليازيه: يلا حبيبتي مع السلامه

سكروا الخط

يزوي لفت يمين ويسار بس ما شافت سالم، استغربت بس طنشت للمره المليون. راحت الحمام عشان تتغسل وتتوضى 4:00 pm

يزوي خلصت تجهز و راحت تحت عشان تجوف وين سالم وفنفس الوقت تتغدا. ما شافته في الصاله ف راحت الميلس وبعد ما جافته

اليازيه في مخها: يمكن تجهز من وكت وراح عند اهلي ( مع انه هاي الفكره ابدا ما تنفع لانه مب من طبعه)

5:00

كلت شي بسيط وطلعت (طبعا مسافة بيتها وبيت اهلها تقريبا نص ساعه)

وصلت وشافت الكل يالس في الميلس

يزوي: السلام عليكم

الكل: وعليكم السلام

راحت يزوي وباست راس امها وابوها ويلست

يزوي: ها شحالكم؟

امها وابوها: بخير

يزوي: كيف المعرس

امها : هههههه متوتر شوي بس ما عليه

يزوي: هههه

صارت الساعه 6:30 صلوا المغرب وطلعوا كلهم

وصلوا بيت اهل مها ودخلوا

قعدوا يسولفون شوي

ام خليفه: مها انتي تعرفين ليش نحن هني صح

مها: هيه

ام خليفه لفت عند ام راشد (ام مها)

ام خليفه: ام راشد نحن يايين نطلب ايد بنتج مها لولدنا سيف

ام راشد لفت على مها: موافقه؟

مها : هيه موافقه

قعدوا يسولفون ويتناقشون

ام خليفه (ام سيف ويزوي): خلاص حبيبتي، عيل متى بغيتي الملجة؟

مها: نخليها الاسبوع الياي؟

ام راشد (ام مها) : خلاص حبيبتي ان شاء لله الاسبوع الياي بتكون الملجة

طلعوا اهل سيف

مر الاسبوع على خير و يا يوم الملجة

طبعا مهوي كانت متوتره وخايفه بس يزوي كانت تحاول تهديها

ونفس الشي سيف، كان متوتر بس امه كانت وياه وتهديه

واستوت الملجة والكل استانس و قررو ان العرس بيكون بعد خمس اشهر

( نسوي تايم سكب)

اليوم اللي قبل العرس

يو الحريم الي يحنون عشان يحنون العروس واهلها واهل المعرس

مها الوحيده اللي سوت نقشه اوفر و الباقين سووا شي بسيط

تم بارت 18

To be continued........