بسم الله الرحمن الرحيم

قعدت يزوي تفكر عن موضوع انها وايد مرتاحه فحياتها بدون وجود علي النشبه بس بعدين بدت تفكر ف سالم و ان هي أصلا ما تحبه و ما تبا تجرح مشاعره و تصارحه انها تزوجته بس عشان تشرد من علي

خليفة : شو فيج سرحانه يزوي

اليازية : ها، لا ما فيني شي بس افكر

خليفة : تفكرين فشو

اليازية : موضوع مب مهم

خليفة : ترا تعرفين اني موجود لج أي وكت احتجتيني و لو حسيتي انج متضايقه تعالي عندي

اليازية : شكرا ( حست يزوي بالراحه)

يت ام خليفة

ام خليفة : توا ما نور البيت

اليازية : النور نورج امي

ام خليفة : ها وين الفستان الي خذتي

اليازية : فصلته و بيخلص بعد كمن يوم و بيوصلونه البيت، يوم بييبونه براويج

ام خليفة : ان شاء الله

اليازية : ان شاء الله

يت حصه

خليفه : هلا حصوص شحالج

حصه : حمدلله بخير، و انت

خليفه : الحمدالله

خليفه : انزين أقول

حصه و اليازية: هلا

خليفه : اليوم فالليل بنسوي movie night و بنعزم عيال خالي و عيال خالو

اليازية : اوكي تمام

حصه : انا ما اقدر اتم وياكم عندي امتحان باجر و لازم ادرس

خليفه: اوكي، بالتوفيق

سار خليفه و كتب فالقروب الي ف سناب

خليفه : اقولكم اليوم تعالو بيتنا عالساعه ٨ بنسوي movie night

كلهم قالو تم الا زايد

زايد : ما اروم

خليفه : افا ليش

زايد : عندي شي مهم

جافت يزوي القروب و عرفت ان زايد لين الحين زعلان عن السالفه و قعدت تفكر شو تسوي

ام خليفه : يزوي

اليازية : هلا امي

ام خليفة : باجر الساعه كم تبدين جامعه و الساعه كم تخلصين

اليازية : باجر يومي قصير ابدا الساعة عشر و اخلص الساعه وحده

ام خليفة : انزين امي مبج نج قلتي تبين اتيبين شركات عشان تجوفون كيف بيرتبون البيت حق الملجه و عقب بتختارين شركه وحده عشان يرتبون حق الملجه

اليازية : هيه امي

ام خليفة : انزين متى بتيبينهم ترا الملجه بعد خمس أيام

اليازية : بييبهم باجر، عندي ثلاث شركات أبا اييبهم و بخلي كل واحد فيهم ايي ف وكت محدد

ام خليفة : خلي شركه وحده اتي الساعة ٢ لين ٣ و شركه اتي من الساعة ٣ لين ٤ و اخر وحده من الساعه ٥ لين ٦

اليازية : اوكي برمسهم، شكرا امي ( ما كانت يزوي وايد مهتمه لأن كل تفكيرها ف زايد)

ام خليفة : العفو حبيبتي

كانت الساعه ٦ ف قامت يزوي عشان تتجهز

اتمكيج و سوت شعرها و اختارتلها مخوره رماديه تجنن

استوت الساعه ٨ و كلهم وصلو الا زايد

قررت يزوي تدقله

اليازيه : هلا زيود

زايد: اهلين

اليازية : ليش ما ييت كنت اترياك

زايد: مشغول

اليازية : افا، من زمان عنك متى ناوي اتي

زايد: مادري

اليازية : انزين زيود اسمع لازم اكلمك عن موضوع مهم

زايد : هلا

اليازية : تعرف اني بتزوج صح

زايد : هي

اليازية : بشرحلك كالشي و تراك انت الوحيد الي تعرف هالشي ف أتمنى يتم بيننا

زايد : لا تخافين ما بخبر حد

اليازية : ترا انا ما احب سالم و لا ابا اتزوجه بس تحيد ربيعكم علي

زايد : هيه بلا

اليازية : ترا كان يلحقني كل مكان و ترا ت**ش فيني

زايد : احلفي والله العظيم بسير اتضارب ويا الحين

اليازية : دخيلك لا تقوله شي قلتلك

زايد : شو هالحركات، ياهل ها، خلاص ما عليج منه انا بتصرف

اليازية : شكرا والله

زايد : بس شو يخص ها ف زواجج

اليازية : ترا انا بس بتزوج سالم لان كنت أبا افتك من علي و خفت اخبر حد عن الي قاعد يسوي و انا الحين وايد خايفه ان تستوي مشاكل لأن من اول ما تعرفت على سالم اجوفه ك اخو و مب شي اكثر

زايد : يزوي والله انا وايد احبج و كنت أبا اخطبج من زمان بس قلت خلني اتريا ف وايد زعلت يوم عرفت انج بتتزوجين

اليازية : والله ادري بس شنسوي يعني، أتمنى انك ما زعلت منو و أتمنى لك الخير

زايد : حصل خير و شكرا انج وثقتي فيني و قلتيلي كل ها

فجاة سمعت يزوي حد يناديها

اليازية : هااااا

خليفة : يلا تعالي بدينا الفلم

اليازية : انزين

اليازية : المهم ما بينا والله و يصير خير فالمستقبل ان شاء الله

زايد : سيري جوفي الفلم وياهم و رمسيني عقب

اليازية : انزين شو رايك اتي تجوف الفلم ويانا

زايد : بس عشانج

اليازية : اح..... (كانت بتقول احبك بعدين استوعبت)

ضحك زايد و قال: انا اكثر والله

استحت يزوي و بندت الخط

"على الرغم من زواجه، إلا أن قلبه لا يزال يخفق بشدة لشخص آخر، فالحب لا يعرف قيودًا"

To be continued....