-
بسم الله الرحمن الرحيم ، لا اله إلا الله وحده لا شريك له
#كل_ليلة_تزيّن_قصيدي_ذهبك_
اخذتهم منه وهي تنزل القهوه وتحط بحضنها الكيك حرك سيارته رفعت جوالها فتحت السناب وبدت تصور القهوه والحلا ابتسمت ابتسم ذياب بعدم معرفته ليه يبتسم يشوفها تصور نطق : حطي سنابتس عندي
رفعت حاجبه بصدمه : كيف يعني ؟ وليه اساسا
ذياب فتح جواله ومد لها : اقصد يعني ضيفي نفستس عندي بسناب وسجلي رقمتس ؟
غلا بلعت ريقها وهي تحس باستغراب من تصرفات ذياب : ماله داعي
ذياب ناظر لها : وش الي ماله داعي تراتس زوجتي ؟
تنهدت غلا واخذت الجوال منه ولا ودها تتجادل معاه سجلت رقمها وضافت نفسها سناب بجواله ومدت له الجوال اخذه وهو يناظر رقمها ومسجله نفسها " غلا " بالواتس قفل جواله وهو يناظرلها بصمت
غلا بدت تشرب من القهوه وهمست : جت في وقتها
عضت على شفايفها باحراج وحست لازم تشكر ذياب مهما كان : يعطيك العافيه
ناظرلها : يعافيتس
سكتت تناظر له : تبي قهوه ؟
هز راسه بالنفي : يا دافع البلا انا اشرب هالقهوه لا ليا مسكنا خط فيه الي يبعون شاهي جمر باخذ لي
هزت راسها ناظرت جوالها الي يتصل ناظر لجواله تنهد وهو يشوف ان المتصل امها ابتسمت غلا من قرات " mama " ردت بشوق لامها : يمه
ام سعود : مرحبا غلا يا امتس
غلا بفرحه : بخير يمه انتي شلونتس عساتس طيبه وشلون ابوي واخواني وخواتي
ام سعود : بخير يا امتس انتم وين اشوفتس مصوره قهوه وحلا بطريق ؟
ابتسمت غلا : جايين لكم
ام سعود : يهلا ويا مرحبا اشهد انه بتقر عيوني فيتس واخيرا مابغى قليل الخاتمه يجيبتس لنا
عضت شفتها باحراج ناظرت ذياب طيرت عيونها من شافته سمع ذياب سمع كلام زوجة عمه وضحك بسخرية مسح على لحيته نطقت لامها بتردد : ايه يمه كيف المزرعه الاجواء بارده ولا وش
ام سعود : اي والله انها زينه بارده جبتي لتس شي ثقيل معتس ؟
غلا : ايه جبت !
ام سعود : ايه زين يلا توصلون بسلامة
غلا : الله يسلمتس
قفلت الجوال والتفت لذياب ونطقت : ماتقصد والله
هز راسه ذياب وسكت وهو يكمل الطريق
-
« مزرعة الجد سليمان ال عبيان »
انهار جالسه برا قدام الورد وحاطه قهوه و حلا و ايبادها وتصور الاجواء وروقان الي فيه بعفويه قامت تدندن باغنيتها ضحكت وهي تصور نفسها : اضحكي يا انهار اضحكي ماوراتس شي
ضحكت ابيار الي جات لها من وراها : اي بالله اضحكي لكن ضحكيني معتس
انهار كشرت : يليل النشبه وشتبي انتي ؟
طيرت عيونها ابيار : ابيتس لعنبا ذا الوجه ماتبيني
انهار ضحكت بقوه : انثبري بس تبين قهوه
هزت راسها ابيار : ما اقول لا واللهي
ابتسمت انهار صبت لها بكوب ومدته لابيار : هاتس
ابيار : تسلم يدينتس انهاري
ابتسمت انهار صبت لها بكوب ومدته لابيار : هاتس
ابيار : تسلم يدينتس انهاري
ضحكت انهار : ياااااالبيه على الدلع ذا اموت انا ياخي والله انا خروفه اعشق اي احد يناديني بـ " انهاري "
ابيار : داريه انتس خروفه
انهار طرت على بالها سالفة ورد ناظرت ابيار : بنت
ابيار وهي ترشف من الكوب هزت راسها لانهار بـ معنى " وش " : هممم ؟
انهار زمت شفايفها واحتضنت كوبها : ماتحسين ان موافقه ورد لمشيتهم لرياض غريبه
ابيار رفعت حاجبها : شوفي انا لما قالت اي ودي اروح لمحت عيونها حسيت عيونها تقول غير هالكلام
انهار حطت يدها على خدها ضيقت عيونها: صادقه والله
ابتسم ابيار تناظر ارجاء المزرعه تستنشق ريحة الورد الي فايح عطرها بكل المزرعه اصوات الخيول الي وراهم هدوء الليل ريحة القهوه الهوى فيه ريحة مطر تنهدت من طرى على بالها رعد ابتسمت من تذكرت قبُلاته الرقيقه لها ريحة عطره حضنه الدافيء عيونه خشمه غمازاته ابتسامته المهُيبه اسمرار بشرته الي يشوفه يقول مسوي تان لكن هذا لونه حواجبه تذكرت قبلته الي طبعها على جبينها ضحكت لا شعوريا واطلقت تنهيده : اخيّه اي والله اخيّه
انهار عقدت حاجبينها : وش الي اخيه ؟
هزت راسها بالنفي تكتم ضحكتها : ولا شي بس الجو حلو
ضيقت عيونها انهار وهي شاكه بـ ابيار : ابياروه
ناظرت لها ابيار : هلا
انهار : شعندتس الايام ذي !
ابيار مافهمت قصد انهار : وش عندي يعني ماعندي شي
انهار : انطمي بس الا عندتس انطقي منتي من عوايدتس تخبين علي
عضت شفايفها ابيار بوهقه : وشفيتس مافيني شي
انهار مسكتها من زندها : كذوب انتي اكبر كذوب وراتس بلى انطقي بشي لعنبا ذا الوجه
ابيار شهقت بتاوه للالم من مسكت انهار لها كشرت : عوذه من وجهتس مايتخبى عنتس شي انتي
انهار ضحكت : لا قولي خلصي الحين بسرعه قبل لا يجون همس ونجد
ابيار ابتسمت وهي تلعب بـ خصلت شعرها تلفها حول اصبعها بغنّج ودلّع : تبين الصدق ؟
انهار ضربت فخوذها : لا الكذب لابو ذا الوجه تستهبلين علي
ابيار ضحكت :خلاص خلاص انطمي بتكلم اسمعي انا طحت على وجهي ومحد سمى علي واشهد انها احلا طيحه
شهقت انهار واتسعت حدت عيونها : يويلي !!
ابيار ضحكت هي وتكمل : احب رعد ورعد يحبني
شهقت للمره ثانيه انهار وهي تحط يدها على صدرها طارت عيونها بقوه وصدمه : يويلي يويلي كيف الله يلعنتس كيف وشلون
ابيار خزتها : اذا بتشهقين كذا بقوم واخليتس ماني معلمتس
انهار هزت براسها بالنفي : لا لا يابنت الحلال كملي
-
بسم الله الرحمن الرحيم ، لا اله إلا الله وحده لا شريك له
#كل_ليلة_تزيّن_قصيدي_ذهبك_
ابيار بدت تسرد لها كل شي وبعد ماسردت لها كل شي : امس اعترف لي وانا اعترفت له انهار والله مو بيدي حبيته وش اسوي يعني ؟
-
-
« الدور الثالث »
تميم متمدد بغرفته يتابع مسلسله ومندمج يضحك معه تلاشت ضحكته من طفى جواله صرخ : وجع وجع وقته يطفي ياليل قام يدور شاحنه ما لقاه تافف : ابوك يا الضيم ابي شاحن ماله الا يروح غرفة سياف وفيصل وسيف وهو متاكد ان عندهم شاحن طلع من الغرفه ودخل غرفة سياف وفيصل وسيف الي كانت مقابل غرفتهم بضبط
دخلها وهو يدور شاحن بين اغراضهم
حصله وجاء بيطلع طلعت بوجهه نجد صنم بمكانه
~ نجد تمشي وتدندن بارجاء الممر جت بتدخل غرفة سيف وفيصل شهقت من الي طلع في وجهها صنمت بمكانها اتسعت حدت عيونها بذهول من الموقف صرخت : يمههه
فز تميم من صرختها بخوف : ابن ثامر علامتس ؟
نجد حطت يدها على شفتها من لمحت متعب طالع من غرفته شهقت وسعت عيونها بذهول وهي تناظر تميم دفته بقوه من صدره ودخلت وهي تقفل الباب عليهم سندت ظهرها على الباب بتوتر وخوف حطت يدها على صدرها تهلث من الخوف وش كان ممكن يسوي متعب لو شافها هي وتميم كذا اول شي بيذبحها ثاني شي بيذبح تميم وراها بلعت ريقها تناظر تميم قدامها تميم يناظرلها بانذهال منها ومن شكلها واقفه قدامه ومعه كذا بدون لا غطى لا عبايه يسترها يناظر لها ويركز بعيونها ماشافها من هالقرب من قبل أطول هدب وأوسع عين صف أهدابها يشابه صف السريه العسكريه وده ما يبعد نظراته عنها مثل عين الحر الأكحل ماقد رأت عينه جمال بمثل جمال عيونها وشفايفها وشامتها شعرها الاسود الي بين كتوفها كثيف من ثل كثافة الشجر بلع ريقه يرمش مره ومرتين وعى على نفسه ونطق : وشتبين جايه هنا ؟
عضت شفايفها نجد بـ عصبيه : صد بنظراتك وجع ماتعرف تغض البصر اذا شفت غير محارمك
طارت عيون تميم بغضب من كلمتها : وش وش عيدي ؟
نجد تخصرت له : مااعيد كلامي مرتين
تميم مسكها من معصمها وهو يحسبها هاديه لكن انذهل من طولت لسانها : ايه كنت مخدوع احسبتس يحليلتس هاديه اثاريتس ام لسان لكن لسانتس مايطلع على تميم فاهمه
نجد توجعت وقبصت يده بقوه : بطوله عليك وعلى غيرك خير صد غض البصر وكيف تمسك يدي
تميم بعصبيه : انتي الي جايه للغرفه مب انا
نجد وهي ترفع نفسها لمستواه بشوي : وانا جايه اخذ لابتوب سيف شتبي بعد
تميم مسك اصبعه وضغط على راسها ضحك على رفعة رجولها وعصبيتها : امحق كذا تهاوشين
نجد عضت على شفتها ودفته : انقلع فارق يع تقهر
تميم ابتسم وهو يضحك : اشوا اني اقهرتس
نجد اخذت لابتوب سيف ودفت تميم شمقته ونطقت له قبل تهرب : قليل ادب راعي الحريم حطت رجلها وهربت بسرعه
ضحك بصدمه من كلمتها ياشر لنفسه : انا راعي حريم ؟ امحق يا تميم اشيب تعبى في راسك وتجي هالقصيره الورعه تقول عنك راعي الحريم مسح على شنبه بتوعد بنجد وطلع من الغرفه يرجع لغرفته
-
« برا عند البنات جالسين بـ استثناء ورد »
انهار تطقطق بجوالها عقدت حاجبينها بذهول من شافت اضافة بسناب بـ اسم ناديه ضحكت : يحليلها ضافتني
همس وهي تشرب القهوه عقدت حاجبينها: من من وريني
انهار ضحكت : وجع ناديه هي طلبتني سنابي وعطيتها وتوها تضيف
همس : البنت ما شاء الله حلوه وحبوبه وطيبه صدق
انهار : اي والله غير كذا سوالفها تجنن مره فلاويه
فزت انهار على اتصال ناديه لها لفت الجوال للبنات : شوفو بالله
ضحكت همس : ردي ردي
ردت انهار وفتحت الجوال سبيكر : يمرحبا
ناديه : مرحبابك اخبارك انهار واخبار البنات ؟
انهار فتحت الكام توريها الجلسه : اخبارنا تمام التمام شوفينا
ضحكت ناديه وهي تسلم على ابيار و همس : هاي بنات
همس : يهلا يهلا
ابيار : مرحبا ناديه
ناديه تاففت : بنات تجون مزرعتنا ؟
ضحكت انهار من عجبتها الفكره ناظرت البنات نطقت همس : بس اخاف مايرضون
ناديه زمت شفايفها: ماعليك اذا على كذا اخلي ماما تتصل على ام سعود وتقنعها
انهار لناديه : ما يحتاج نكشخ صح ؟
ناديه هزت راسها بالنفي : تعالو بجايمكم عادي والله يبنات مبسوطه عليكم صرخت ناديه فجاه على رعد الي نفش شعرها بغضب : رعددددد ياحقيررر
رعد وهو يضحك هبدها بالوساده : اعلمتس الحقير من
ناديه تاففت : بنات ذا اخوي الكبير الخبل
رعد طير عيوونه بصدمه على ناديه وهمس : من تكلمين !
ضحكت ناديه : انهار وهمس وابيار
ابتسم من اسمها ومن ان اخته تكلمهم وهي موجوده تنحنح رعد وجلس مقابل وجه ناديه وهو يتكلم مقصده يسمع ابيار : ناديه ترا احبتس هاه
-
« فوق عند ورد »
جالسه على السرير مسنده ظهرها للخلف وتناظر بصمت وشرود التفت على فتحت الباب ناظرت امها ورجعت تناظر قدام ام نايف عقدت حاجبينها على حال بنتها جلست على طرف السرير تناظر ورد تناظر ملامحها الذبلانه وعيونها المتورمه من البكي ارتجف قلبها على منظر بنتها ضمت كفوفها لها : ورد ماما ؟
ورد ناظرت امها ونطقت بصوتها المبحوح : هلا ماما
ام نايف بلعت ريقها : وش الي صاير معتس يومين وانتيي مو بنتي ورد
ورد هزت راسها بالنفي: تعبانه بس
ام نايف بخوف على بنتها عارفه ومتاكده ان مو بس كذا في شي اكبر : نوديتس المستشفى؟
ناظرت امها وابتسمت وهي تحط راسها على فخذ امها : ماما اقري علي يمكن اكون بخير ويهدى الي في قلبي
ام نايف تنهدت بخوف : ورد لا تخوفيني عليتس بسم الله عليتس
ورد عضت شفتها ومسكت يد امها وتحطها على راسها : ماما اقري علي تكفين اقري
ام نايف تنهدت وهي تمسح على شعر بنتها وتقري عليها بخوف ورد غمضت عيونها بتعب وارهاق نطقت : ماما عادي نمشي ثاني يوم العيد لرياض
ام نايف عقدت حاجبها : ليه تبين نمشي بدري
ورد : كذا عشان اتأقلم على الوضع
ابتسمت ام نايف : بكلم نايف واشوف وش يقول
ورد بسؤال ودها تسال امها منزمان : ماما وين خوالي ؟ معقوله ماعندك اخوان ولا خوات
تنهدت ام نايف : لا ماعندي خوات ولا خوان انا ماعندي غير امي والله يرحمها ماتت
ورد تذكرت ام رعد بفضول اجتاحها : ماما ام رعد تشبهك فيها لمحه منك
ضحكت ام نايف على تفكير ورد : على وين مافيها مني
هزت راسها ورد بالنفي : الا ماما والله فيها منك نفس الحواجب ونفس الخشم هي لها شامه عند حاجبها فوق وانتي شامتك تحت الحاجب
ام نايف عقدت حاجبينها ونطقت : يخلق من الشبه اربعين اتركين عنتس انتي ارتاحي
ورد تنهدت وهي تبلع غصتها : ماما تتوقعين اقدر انفذ وصية بابا ؟
ام نايف تنهدت : انتي تقدرين يا ماما تقدرين والله انا اشوف العزم والإصرار غريزة بداخلتس واخوتس نايف الحمدالله فكر بهالشيء خلي املتس بالله يا ورد وتوكلي على الله مو كل شي يجي بالسهل يا ماما لازم تدرسين وتمر عليتس صعوبات بس هذي كلها بتتلاش من نشوفتس لابسه لبس الدكتوره بتشوفين نظرة الفخر ورفعة الراس بعيون اخوتس وعيوني انا نايف جاء وقت انتس تساندينه تعب وعطى من عمره وشقى عشانتس وعشاني ولا تنسين ابوتس الله يرحمه الغالي وصيته لا مسكتي الشهادة بنروح الكويت وتبشرينه بشهادتس وتقولين له يا بابا اليوم انا جايتك ومعاي الشهادة الي ترفع راسك كلنا وراتس اقدمي يا بنيتي واجزمي على هدفتس
نزلت دمعتها ورد من كلام امها بلعت ريقها وهي تحس بانه لازم تقوى وتتغلب على داخلها هزت راسها وهي تحس بالوجع من تذكرت متعب مسحت دمعتها : باذن الله ما اخيب املكم فيني واكون قد الكلمه واخليكم تفرحون فيني
ابتسمت ام نايف والتفت على فتحت الباب وكانو البنات ناظرت لهم ام نايف : تعالو
همس عضت شفتها : لا لا معليش على الازعاج
ضحكت ام نايف وهي تشوف ورد تقوم منها وتناظر البنات نطقت : لا خليكم عندها انا بنزل اجلس مع امهاتكم
ابتسمو البنات لها ونجد اشرت على عيونها : من عيوني والله
ضحكت ام نايف وهي تطلع وتترك البنات عند ورد
دخلو عندها وجلسو قبالها يناظرون لها مسحت دمعتها وناظرت لهم : شفيكم ؟
همس عضت شفتها : انتي وشفيتس ؟
نجد نغزتها بتحذير وناظرت ورد : كيفتس الحين ؟
ورد تنهدت : بخير
همس : طيب وش رايتس تجين معنا ؟
ورد عقدت حاجبينها ب استغراب : وين ؟
انهار : مزرعه الجيران الجد مقرن
ورد : ليه طيب
ابيار : ناديه قالت تعالو ننبسط ونبيتس معنا ياخي
بلعت ريقها ورد تناظر للبنات بينها وبين نفسها : ليه تتدفنين نفسك ياورد لا تضعفين كذا وانتي سمعتي امك وش تقول تقول عنك انك املهم وانك لازم تساندين اخوك
-
« بالسيارة / ذياب & غلا »
لاف العصبه على راسه ويناظر الخط وكان سيد الطريق الصمت يعم بينهم غلا تناظر الطريق بهدوء تاففت بتعب والتفت لذياب : متى بنوصل ؟
ذياب مسح على لحيته : تو باقي قدامنا
بلعت ريقها بتعب وقلة حيل : يالله الطريق طويل
تنهد ذياب وهو يناظر لها : ليه وش ودتس
تنهدت غلا وهي تناظر الطريق فتحت جوالها ناظرت التثبيته الي موجوده بسياره بلعت ريقها بتردد واشرت : عطيني ذي
ناظر لها بعدم فهم ومدها لها اخذته منها وهي تثبت الجوال قدامها وفتحت جوالها وشغلت نتفلكس ودخلت الفلم السعودي الي كان اسمه " حياة إمرأة " واشتغل عقد حاجبينه ذياب : وش ذا
غلا ناظرت له : فلم سعودي اسمه حياة إمرأة
تنهد ذياب : عاد حلو ؟
غلا رفعت كتوفها : مدري اشوف الناس يمدحونه تبي تابع معي ؟
ذياب وهو يلمح محطه قدامه هز راسه: ايه هصبري وقفيه عاني المحطه قدامنا بنزل اجيب لنا اغراض الخط طويل
هزت راسها غلا وهمست : طيب
وقف قدام السوبرماركت وفيه محل شاهي وقهوه نزل ذياب : وشتبين من اكل ؟
نطقت غلا بتردد : ابي ريتا و تشوكلت وفصفص و شبسات
ضحك ذياب وهو يحك جبينه : بجيب على ذوقي بس بارد مافيه !
غلا : عادي مايصير فيني شي
هز راسه وهو ينزل من السياره ويدخل السوبرماركت ويشتري من الاغراض الي تبيها وهو يبيها واتجهة لمحل الشاهي والقهوه طلب منه يعبي له مطارات شاهي و قهوه
غلا تنهدت تناظر ذياب ب استغراب من تغيره المفاجأة وتغيرها هي الي بدت تسولف معه وترد عليه عادي بلعت ريقها تجهل مشاعرها بين الكره والحقد وبين حبه الباقي بقلبها له عضت شفايفها من شافته جاي لناحية بابها اشر لها بعيونه تفتح الباب فتحت الباب وهي تناظر الاغراض وتناظر مطارات الشاهي والقهوه تنهدت وهي تنطق : ليه ماخليتني اسويهم بالبيت ؟
ذياب : ماعليه عادي خذي هذول نزليهم تحت انتبهي حارات والاكل حطيهم ورا
هزت راسها غلا بتفهم واخذت الاغراض منه قفل الباب من جهتها واتجه لجهته ركب السياره وقبل لا يحرك التفت لها وهو يمد لها كوب فارغ : عبيه شاهي
هزت راسها واخذته وهي تعبي الشاهي واخذه منها وتركه على المرتكى الي بينهم وثبته داخلها ناظرت له : وش تبي بعد ؟
ذياب هز راسه بالنفي : بس يلا بنحرك بسم الله
حرك السياره ومشى وبدت غلا تاخذ الاغراض وابتسمت وهي تشوف الريتا بارده وانواع تشوكلت والشبسات ابتسمت وهي تاخذهم وفتحت الفلم وشغلته ذياب يسمع للفلم وهو يناظر قدام وبيده كوب شاهي وغلا مندمجه مع الفلم
-
« الجهة الثانية في محل الديرة »
محمد ناظر لصديقه مشعل : وشفيك انت قلت لها عطيني الالفين ريال عطتني عشر الالف مقابل نتركها بحالها !
مشعل بخبث يحرش ويعبي راس محمد : عشر الالف ماتكفي وانت شوف عندها خير عطتك عشر الالف المره الثانيه لو توعدها معاد تقرب لها وتبتعد بتعطيك زود
محمد بلع ريقه بخبث : انا ودي بشي ثاني
ضحك مشعل من فهم مقصد محمد : ماتنطوف ترا
محمد ضحك : ابي اطلع حرتي وقهري من اخوانهم فيها
مشعل : والي كنت ماسكها انا تكفى الملعون اخوها ماترك فيني شي سليم
محمد حك شنبه بتفكير : ابشر بالي ياخذ حقك منهم
ضحك مشعل وهو يربت على ظهره : حيك حيك
-
« مزرعة الجد مقرن ال عتيق »
البنات جالسين برا بعد ما ضبطت لهم ناديه الجلسه ومجهزه كل شي بين ضحك وبين سوالف نطقت انهار : يوه يناديه تونسين
ضحكت ناديه : والله انتم يحلوكم
نجد : الله يعينتس لا بنات عم ولا بنات خوال ولا خوات
ناديه تاففت : وبين ثلاث عيال
همس : عندتس ثلاث اخوان ؟
ابتسمت ناديه : ايوا رعد الكبير بعدها سطام مو هنا في الرياض يشتغل و اصغرهم فهاد
نجد بفضول : وش يشتغل غريبه رعد وفهاد بالديره وهو بالرياض ؟
ناديه نزلت فنجال القهوه : لا غريبه ولا شيء سطام اخذ ماجستير بتخصص ادارة العمال والاقتصاد المالي وعنده شركة خاصه فيه برياض وله دخل كبير وعنده عقارات يبيع ويشتري معتمد على نفسه كثير عكس رعد وفهاد هنا بالديره ماعندهم وظايف جالسين على محلات جدي الي ممكن اي لحظه يهدمون الديرة
نجد هزت راسها بالايجاب : والله صادقه
ناديه ب استغراب : انا مستغربه منكم كلكم تخصصاتكم الجامعيه جميله ومطلوبه برياض ليه وافقتو تجون الديرة ؟
همس ضحكت بسخرية : سليمان يجبرنا يسوي الي يبيه هو وماعليه من احد
انهار زمت شفايفها : انا وابيار تخرجنا من الثانوي وللحين ماقدمنا على الجامعات
ابتسمت ابيار : مره بنفسي تخصص امن سبراني
ناديه : تدرين ذا التخصص عندنا
You are reading the story above: TeenFic.Net