•• نـــــــٌبّـــــــضــــــــــــــــ آلَريـــــــّــفــــــيـــــــّ ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :01

كتمشي وتجي وسط غرفتها بتوتر .. هازا البيسي ديالها بين يديها .. ومرة مرة كتلقي عليه نضرة .. قلبها دقاتوو متساارعة ..... تحل باب غرفتها .. وهما موسعين ابتساامتهم.. قربات منها ضامها لصدرها باش تنقس عليها التوتر ..اللي كتحس بيه ... خصوصاً فهاد الوقت بالظبط نتائج ديال الماستر .. عام وهي كتوجد ليه باغا تحقق طموحها كتحلم باش توصل لداكشي اللي باغية ..حلمها تكون طبيبة جراحة لأمراض القلب والشراايين .. وهادا كان حلم من أحلامها .. وادا خدات الماستر ديالها بالنقطة اللي باغية أكيد غادي يولي سااهل عليها توصل لمبتغاها ..

فريال:(مبتسمة بهدوء) بنتي علاش ..خايفة ومتوترة انا متأكدة باللي الغزالة ديالي غادي تجي هي الاولة فالمغرب كاامل ..

ليسااء :(بتوتر)خايفة والله انا درت مجهود بزاف باش نوصل وبغيت نحقق حلمي ..ونشرفك نتي وبابا ..

عدنان:(جرها لحضنو) عارفك اروح قلبي غتجي نتي الأولى وغادي توصلي لأي حاجة بغيتيها ..وانا معااك ..

ليسااء:(تبسمت بخفوت) كنتمنا منخيبكمش ابابا لا نتا لا ماما بغيت نحقق ليكم حلمكم..

فريال:(كتشوف فالبييسي وعينيها كيتوسعو) ليساء نجحتي جيتي نتي الأولى فالكلية .. دخلتي كاع المواد قدرتي ديريها قدرتي توصلي ابنتي ..

ليسااء :(وسعات عينيها بصدمة ) اري نشوف .. (مشات قدام البيسي كتشوف نتائجها توسعات ابتسامتها واخيرا حاسة براسي غانطيح ماقادراش نتيق واخيرا مجهودي بان ..

عدنان:(كيرمقها بنضرات عشق ) ليساء فخور بيك بزاف من نهار تزاديتي سميتك ليساء إسم مميز حيت نتي مميزة عندي بزااف ..

فريال:(بمزح) غاتجيني الغيرة ... ماللي هي مميزة عندك شنو نكون انااا ..

عدنان:(تبسم بهدوء ) نتي هي اللي وراتني شنو هو المميز فالحياة (قربهم لحضنو معنقهم بجوج) الله يخليكم ليا ..

فريال: (مبتسمة) امين ويخليك لينا ياربي ..

ليسااء:(مخشية فيهم بجوج) نتوما هما حيااتي ولو لاكم مكنتش غنوصل لهادشي ..سندي فالدنيا هو نتا ا بابا روحي ونفسي هي نتي اماما كنحماق عليكم.. والله يخليكم ليا ....

عدنان:( عينيه عليها ) ليساء ...

ليسااء :(مبتسمة) وي بابا ....

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :02

الليل كاامل وهي مع باباها وماماها... محتفلين بيها .. داز شوية ديال وقت حسات بالتعب وناضت بااش ترتاح

دخلات غرفتها قدات روتينها الليلي تخشاات ففراشها وهي مبتسمة الحياة الجديدة ديالها ...

ليساء:( بابتسامة عريضة ) اول خطوة للنجاااح ...

غمضات عينيها وسرعان ماغفاات عن العالم الخارجي فنوم عميق ..

~~~~~~~~~~~~~~~~~~~~~~~~~~~~~~~~~~

فالغرفة المجاورة لغرفة ليساء ... كانت واقفة قدام المراية ديالها..

لابسة شوميز ديال النعاس فالبيض قصير مبين النص فطر*متها...رشات بارفان ديالها بنكهة التوت البري تكشات بهدوء على قرون صباعها ..حتا وقفات ليه عند راسو كان متكي وشاد كتاب كيقرا فيه ..هز فيها عينيه بنضرة ضيقة بدون ماينطق حرف ...

عدنان:(هز عينيه من فوق النضارات ديالو ونطق بنبرة هادئة) زوينة بزاااف ... بحال ديما الأميرة ديالي ...

فريال:(قربات جلسات مقابلة معاه) شنو متوحشتينيش .. داز بزاف ماقربناش لبعضنا .. واش مابقيتش كنعجبك بحال الاول .. علاش وليتي باارد معايا .. توحشتك اعدناان توحشت اياام زمان ماكناش كنقدرو نعسو بلاما نعنقوا بعضنا..

عدنان:(تبسم وتقاد فالجلسة ) علاش كتقولي هاد الهدرة دابا .. كيفاش مابقيتيش عاجباني... عشرة عمر كاملة ضربتيها فالزيرو ..

فريال:(قلبات عينيها) تصرفاتك هما اللي بينو هادشي ...

مابقيتيش بحال الاول وليتي واحد اخر كنحس بيك غريب عليا .. ماشي عدنان اللي عرفت ...ماشي عدنان اللي ادا مابااسنيش ولا تخشى فحضني مايجيهش النعاس ..

عدنان:(بعصبية) وااش عارفة شنو كتقولي .. كتقارني لقائنا بدابا.. فريال ديري عقلك حنا راه كبرنا .. ودابا عندنا بنت تبارك الله عندها 25عاام وقريب غتولي طبيبة شنو بغيتي نرجعو مرااهقين على الاقل نحتتارمو وجودها معانا البنت كبرات حشومة حنا نصغاارو قدامها .. علاقتنا مزيانة واي زوجين مكرهوش يكونو بحالنا فالله يرضي عليك حاجتك تكبري الموضوع وتعطيه اكتر من حجمو..

فريال:(بدهشة) شنو حيت عندنا بنت كبيرة صافي خاصنا نغمقو على رااسنا .. انا ماقلتش ليك خاصنا نمارسو الحب قدامها ..انا كان قصدي تحاول تهتم بيا بحال قبل .. ونتا عارف انا اكتر وحدة مانبغيش نتحشم قدام بنتي .. واش كتحملني المسؤولية حيت بغيت راجلي يتقرب مني وليت باغا نكبر الموضوع..

عدنان:(وقف وتقابل معاها) فريال واش بغيتي نتخاصمو ويعلى صوتنا .. دابا شنو المطلوب مني فاش شهوتك وانا معااك .. شنو اللي خلاك تفتحي معايا هاد الموضوع وفهاد الليلة بالضبط اللي أنا فرحان بنجاح ليساء ..

فريال:(كتشوف فيه بصدمة هي لابسة ومهلية فراسها وفالاخر كيقولها فاش شهوتك .. ) والو غير نساا تصبح على خير ... ديرني ماهدرتش ومالبستش وماجيتش عندك خلينا بحال الخوت حسن ...

مشات لبلاصتها تكات وطفات الضو مخليااه مرااقبها .. تنهد وخرج من الغرفة لغرفة تانية فين ينعس فيها.. كيف العادة. كل ليلة كيكون بيناتهم صرااع طويل عريض على نفس المشكل نقص الاهتمام.. وعدم القيام بالواجبات الزوجية ..من الطرفين...

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :03

ساقتني عينيك الى الهلاك حتى اغرقتني في بحر المحرمات......

كيقرا ويعاود فهاد المقولة .وعقلو كيفكر ويردد .. واش هادشي اللي كيدير صحيح ... واش حبو وعشقو ليها حلال ولا حرام.. ماعرفش .. حاجة وحدة اللي عاارف أنه من نهار طاحت بين يديه وهو العاشق المحرم لقلبها.... هز صورتها من وسط المدكرة كيشوف ويتمعن فجمالها الربااني شعر أسود غامق .وقصير مبين جمال رقبتها .. لون أبيض حليبي ..رموشها طوال وكحلين عينين كبار واخدين سواد شعرها .. تبسم وحط الصورة فبلاصتها ورجع حط المدكرة فالكوفر وسد عليها ... مشا لغرفة مجاورة تكى وعينيه كيشوفو غير فصصورتها اللي رسم فمخيلتو ... تبسم بهدوء وساافر بأحلامو الوردية .بحال كل ليلة كيخليها تزورو فالحلم وكيعيشو حقيقة ..

~~~~~~~~~~~~~~~~~~~~~~~~~~~~~~~~~~~

صبح الصباح جالسين على الطبلة ديال الفطور من عادتهم انه العائلة كاملة تجمع فموااعيد الاكل .. كان الحاج ناصر آل فخري مترأس الطاولة وفالجنب ديالو على اليمين مراتو الحاجة رحمة آل فخري.. وحداها الابن البكر ياسين وحداه مراتو فردوس ... اما فالجهة الاخرى كانو باقي الأبناء عمر آل فخري مراتو نجلاء ..وبنتهم أريج ..

الحاج ناصر : بوقار ) فين البااقي علاش متجمعوش معانا على الفطور كنضن قوانين هاد القصر معروفين ..

فردوس:( بهدوء ) حتا واحد فيهم مكاين فالدار من غير سمر صبحت عيانة شوية وراها ناعسة فبيتها ..

رحمة:(بخوف) مالها حفيدتي شنو بيها .. علاش ماديتوهاش الطبيب ..

فردوس : تبمست) متخافيش اخالتي هي بيخير غير رجع عليها السهير مع الحفاضة والامتحاناات ..

الحاج ناصر:( بصوت هادئ ) خليو حفيدتي ترتاح ..

اريج :بهدوء) بالصحة خاصني نمشي يلاه نوصل مابغيتش نتعطل على نجم الدين .. مجاتش نخليه يبقى كيتسناني ...

نجلاء:(وقفات معاها) واخا سيري ابنتي وبون كوغاج انشاء كلشي يدوز بيخير ..

الحاج ناصر:(موجه كلامو لياسين) ولادك غاابرين مكنشوفوهمش فالدار ..

ياسين: (بهدوء) راك عارف الواليد نجم الدين تكلف المؤسسة اللي فتحتي كيخدم بالليل والنهار كيقيل فيها كيرتاحو فيها لدرجة حتا شي واحد مابقا شافو .. وثائر هداك خلاص من نهار ساافر مابقا طل ديما كيلقا ليا عدر فشكل والمشكل عندو واحد الاسلوب فالاقناع خطير بزربة يخليك تغير رأيك وتمشي معاه فالخط..

الحاج ناصر :(تبسم بوقار ) الله يرضي عليهم .. كنفتاخر بيهم .. على العموم بغيت كاع العائلة يتجمعو نهار الاحد وعيط. على لالة صفية وراجلها خبروهم باللي الموضوع مهم ومغاديش نأجلو .. بغيت حفادي وولادي كاملين يتجمعو على العشا نهار الحد .. مفهوم

الحاجة رحمة: (بتساؤول ) كون هاني الحاج انا غادي نعيط عليهم واحد بالواحد .. ولكن ياك مكااين بااس .بعدا

الحاج ناصر:( تبسم ) كل خير انشالله نتي غير تكلفي بالعراضة وخلي البنات يتكلفو بالكوزينة مابغيتش الخدم يطيبو نتوما اللي غاتلكفو وها الحاجة غادي تعلمكم على شنو غادين ديرو نهار الاحد ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :04

نزلات من الطاكسي ... مقابلة مع البلاصة اللي من نهار عقلات وهي كتمنى تجي ليها وتكمل قرايتها فيها ..

•••مدرسة آل فخري لجراحة القلب والشراايين ••••

رجعات خصلات من شعرها القصير ورا ودنيها ..وتمشات ناحية المدرسة بخطوات ثابتة وأنيقة....قبل ماتوصل.. وشافت فراسها كانت لابسة سروال جينز اسود مع شوميز فالأبيض خاشياها فالسروال . ولافيست مفتوحة فالأسود مع كعب عالي فالأسود تبسمت بهدوء وتقدمات عند الحارس ديال المدرسة حنننت برقة ونطقات ..

ليساء:( بلباقة) بغيت ندخل عند المدير .. عندي موعد معاه الى سمحتي ..

الحارس :(شاف فيها) واخا عطيني دقيقة نخبر المساعدة ديالو .. وعفاك امدام شنو نقوليه ..

ليسااء (برقي) الأنسة ليسااء الإدريسي ..جيت بخصوص المنحة اللي عطاتها ليا المؤسسة ديال آل فخري..

~~~~~~~~~~~~~~~~~~~~~~~~~~~~~~~~~~~

جالس فالمكتب ديالو مركز فخدمتو وهي مقابلة معاه .. ممسوقش ليها عارفها مغاديش تسالا من الهدرة ديالها والحل. الوحيد هو خليها داوية حتا تعيا وتسكت رااسها..

اريج:(بصوت عالي) نجم الدين فرااسك با سيدو جامعنا العشا نهار الأحد .. غير خرجت عيطات ليا سمر علماتني ..وقيلا غيفرق علينا الورت .. متحمسة نااخد حقي ..

نجم الدين (خنزر فيها) الى ساليتي التعاويد سيري فحالك مشغول ونتي كطبخي ليا رااسي ..

أريج:(كتغبن) قمعتيني يااك. .انا جايا نوونسك ونتا كتجري عليااا ياااك ..ودابا نشكيك لبا سيدو

عض على فمو بغا يجاوبها على كلامها المسموم حتا قاطعو صوت الدقان فالبيرو ديالو .. عطا الادن وتكا على الكرسي مرااقب البااب ...

الحارس :(دخل مستادن ) السي نجم الدين..واحد السيدة قالت عندها موعد معاك كتسنى براا ..

نجم الدين:(قرن حواجبو) شكون هادي ...

الحارس:(كيتفكر) اااه الآنسة ليساء الإدريسي واقيلا ماعرفتش سميتها غريبة والمهم قالت بخصوص المنحة اللي تعطاتها من طرف السي الحاج ناصر..

أريج:(كتفكر ) اااه هادي هي اللي جابت أعلى نقطة فالرباط ..اه راه . نتوما اللي عطيتوها منحة باش تكمل قرايتها .

نجم الدين:(بجدية) قوليها دخل .. (حول نضرو لأريج) ونتي مدام عارفة هاد المعلومات كاملة عليها علاش ماديريش فيك النفس وتكوني بحالها وتجي نتي الأولى فالمغرب كاامل ماشي غير الرباط ...

أريج:(قطعااات الحس عارفة راسها ضعيفة على المستوى الدراسي .. داكشي علاش مرجعاتش هدرات كااع ) ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :05

خرجات من الدوش حاسة بالتعب .. الليلة ديال البارح مطاحش النعاس فعينيها ..حتا بنتها مقدرتش توجد ليها الفطور باش تمشي لقرايتها .. مشات صاوبات ليها قهوة وجلسات فالبالكون ديال دراها كتحاول تعاايش مع هاد الوضع اللي مباقاش مريحها نهائيا...

عدنان:(وقف موراها) غتبقاي مقلقة بزااف .. عارفة هادشي غادي يجيب المشاكل لعلاقتنا .. ديري عقلك ا فريال ..

فريال:(تبسمت باستهزاء) اشمن علاقة هاا علاش كتهدر بالظبط .. انا نسيت واش كتربطني بيك شي علاقة من غير عشق .. عاام دابا عاام ماعمرنا ماجلسنا مع بعضنا .. فنضرك الى تدمرت هاد العلاقة اللي سيادتكم هاز ليها الهم وخايف عليها شكون سببها همم شكون دوي قول شي حاجة...

عدنان:(مسح وجهو بغضب ) علاش باغا تخلطي شي مع شي .. واش المهم عندك هو العلاقة الجنسية .. نقدر نكون ممرتاحش .. ولا نتي ماباغاش ماغادييش نححكرو على هادشي .. ممكن نتي شي نهار ماتكونيش بااغيا واش غنتقلق انا منك بالعكس غادي نعدرك ونعرف انه عندك أسبابك الخاصة ..

فريال:(خرجات عينيها فيه) ممرتااحش .. عطيني شي سبب واحد يخليك متكونش مرتااح معايا فالفراش غير سبب. وكنقسم ليك عمري نحااديك مزال .. راني مرااتك ماشي ختك والى كنتي ممرتاحش كنضن من الأحسن نحبسو هنااا .. معندنا علاش نصبرو ونكملو تقدر تشوف حياتك برا...

عدنان:(,قرب ليها ونطق. ) ديري عقلك ا فريال اشمن نحبسو. . واش عند بالك غادي نخليك تمشي وتدي معاك ليساء .. راك غالطة ليساء عاشت هنا وغتبقى هنا و بلاصتها هنا معايا وحدايا ..

فريال:(بحدة) هي بنتنا بجوج وهي تقدر تقرر فين تبقا ومعامن تبقى ا عدنان .. وانا كنضن باللي علاقتي بيك مستحيل ترجع كيف كاانت ..من الأحسن نحبسو هادشي حيت أنا ملليت ومابقتيش قاادرة نزيد نتحمل كتر من هادشي ..

عدنان:(قبل جبينها) فريال عارفة راني كنبغيك وزواجي بيك كان عن حب .. عارفة هادشي .. وفاي علاقة ممكن يكونو مشاكل .. هادشي علاش غادي نمشي من هنا واحد الفترة ونخليك ترتاحي وتفكري مزياان خلينا نااخدو راحة يمكن موراها كاع المشاكل يتحلو ..

فريال:( تنهدت) عندك الحق . ولكن ماشي نتا اللي غتمشي انا اللي بغيت نبعد وبغيت نبقا بوحدي حاسة براسي عياانة ..بغيت نمشي وديك الساعة. غنصيفت ليك جواابي الاخير فهاد العلاقة ..

عدنان:( يتساؤول) وليساء غتمشي معااك ..

فريال: (بنفي)حاليا لا غتبقا هنا هي يلاه بدات ميمكنش نوقف ليها مستقبلها غادي نقولها باللي بغيت نسافر عند ختي الياقوت ل بركان شي يامات تعاونها فتوجاد ديال عرس بنتها باش ماتحسش بس حاجة... وفاش غنطلقو اكيد بنتي غتعيش معايا انا .. وعفاك ا عدنان ماتقول ليها والو خليني انا نفااتحها فالموضوع ونعرف كيفاش نوصل ليها الفكرة ..

~~~~~~~~~~~~~~~~~~~~~~~~~~~~~~~~~~~

في مكان أخر

نجم الدين:( هز عينيه فيها نطق بجدية)شنو سميتك ..

ليسااء( تبسمت) سميتي ليسااء الإدريسي .وجيت باش نتسجل فهاد المدرسة ..

نجم الدين:(بهدوء) مزيان .. جبتي معاك المنحة اللي تقدمات ليك من طرف المؤسسة ....

ليساء:(مدات ليه المنحة) وي عندي خود تقدر تلقي نضرة عليها ..

نجم الدين:(كيقرا فالوراق اللي عطاتو) برافو عليك .. نتي الأولى فالرباط .. خليك ديما هاكا .. الطب شي حاجة صعييبة ونتي قدرتي توصلي ليها .. بقاي هاكا غنتنجحي فيها ..

ليساء :(تبسمت) امم شكرا ليك مستعدة نبقا هاكا ونرجع حسن كااع ..

نجم الدين:( بهدوء) نتي ماشي من الرباط يااك .., تقدري تواصلي مع المساعدة ديالي غادي تكلف ليك بأمور التسجيل كااملين و مرحبا بيك مرة أخرى ..

عشق:(وقفات) انا الاب ديالي غير من الرباط ولكن مامي ريفية من بركان ..والحلم ديالي هو اللي جابني الرباط سمحنا فمديتنا باش انا نوصل فين بغيت .و شكرا مستر (شافت سميتو مكتوبة تما،،) نجم الدين... غنمشي نسجل دابا ... نهارك مبروك ..

نجم الدين:(تبسم بهدوء وهز راسو بالإيجاب بدون مايجاوبها .....

الحديت كامل داز تحت انضار أريج اللي مراقبة نضرات نجم الدين بيها .. وكيفاش معجب بأفكارها .. فيقها من سهوتها غير ضربة قاصحة جاتها لكتفها...

أريج:(تأوهت بصوت عااالي كتحك الضربة) اويلي ماالك هادي يد ولا خباطة.. قصحتيني والله غتزرااق البلاصة ..

نجم الدين:(ممسوقش ليها) تححركي بحاالك ومتنساايش. تمشي فين قلت ليك .

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :06

متكية فبيتها والتيليفون فيديها كتهدر وتبتسم بحب فاش كتسمع غزلو ليها .. عضاات على شفايفها وهي

مغمضة عينيها فاش سمعات جملتو اللي أسراتها ..

روح:(مبسمة) مكرهتش امتا يجي هاد النهار .. علاش كتعطل فيه وكل مرة كتلقى ليا سبة .. كمال نتا عارفني باغاك وباغا نتزوج بيك...

كمال:(بصوت مرتفع)جااوبي على ابيل فيديو هو الاول ...

وقفات كتجري سدات الباب بالساروت ورجعات لبلاصتها فوق الناموسية...غير طلعات ليها المكالمة دوزت الخط ..

كمال:( لابس غير شورط وصدرو كيبان عريان ) واش ديما غتبقاي هاكا .. روح راه كتخنقيني بهادشي قلت ليك صبري عليا غير نااخد الماستر ونخطبك زائد نتي باقا صغيرة 16عام واليديك مغاديش يوافقو نتزوجو .. وانا منقبلش مراتي يصرفو عليها واليديها ..انا باغي نعيشك فالرفاهية اللي نتي فيها ..

روح :(بزعل) عارفة ولكن الى وقفت فوجههم اكيد غادي يقبلو .. هما عارفيني كيفاش دايرة واللي بغيتها كنوصل ليها ..

كمال:( عينيه على صدرها ) توحشتك احبيبة ..

روح:(عضات على شفايفها ونطقات بجرأة) شنو توحشتي فياا ..

كمال:( بنبرة منحرفة) كلشي من رااسك حتا لرجليك ومكرهتش تكوني دابا بين يديها نمحنك امرااتي ..

روح:(القلوبة بانو فعينيها) قلتي مرااتي ..واش بصاح انا مراتك ..

كمال:(بتأكيد ) معلوم مرااتي ..علاش راني واعدتك .وانا راجل وغنوفي بوعدي خاص غير يهديك الله وتخليني نشوف رزقي كيف دااير ..

روح:(يلاه غتجاوبو سمعات صوت خطوات جاين لبيتها) غنقط دابا شي حد جااي كنبغيك ابب ..

~~~~~~~~~~~~~~~~~~~~~~~~~~~~~~~~~~~

••قدام مكتب نجم الدين ••

أريج:(مبتسمة) نتي جديدة ياااك ...

ليساء :(تبسمت) امممم جديدة وهدا اول نهار ليا فليكول الزوينة ..

أريج : (مدات ليها يديها) انا أريج آل فخري.. ونتي .

عشق :(بادلتها التحية ) وانا ليسااء الإدريسي.. كنتي قبيلة لمكتب المدير يااك .. كنت متحمسة وماهدرتش معاك

أريج: :(بعفوية)سميتك زوينة .. ماعمري سمعتها .. قبل .. وأصلا ماشي مشكل واخا تهدري معايا كان غيقمعنا نجم الدين مكبغيش اللي يقاطع خدمتو.. قولي ليا شكون سماك ليساء .مميزة

ليساء:تانتي زوينة .. وانا بابا اللي سماني حيت ديما كيقولي نهار شفت عينك عرفت معنى العشق . وعرفتك مميزة عندي ..

أريج :(بهدوء) اممم مزيان .. شنو باليك ناكلو شي حاجة اوسومبل الى ماعندك حتا حاجة .. ومنها نزيدو نتعارفو كتر

ليساء:(شافت ساعتها) واخا غير سبقيني الكافي غادي نعطي وراقي المساعدة ونلحق عليك ..

أريج:يلاه غتلقاايني تما ... وبون كوغاج.. غنطلب ليك الغدا على دوقي متأكدة غيعجبك ...

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :07

فقصر آل فخري كانو مجموعين كااملين كيتنااقشوو على أمور العشا وشنو السبب اللي خلا الحاج ناصر يدير هاد الخطوة ويجمع كاع العائلة .. وغالبا غيكون بااغي يعطي شي قرار بخصوص اولادو ولا الأحفااد ..

فردوس :(كترشف من قهوتها) خالتي رحمة ..واش عمي مقالش ليك علاش باغينا نتجمعو كاملين .. طلب حتا من شمس وبراء يدخلو البلاد ..عيطات ليا قبيلة شمس مخلوعة كيحساب ليها شي واحد فينا واقعة ليه شي حاجة..

الحاجة رحمة:( بهدوء) ونتي راك عارفة الحاج ميقولش ليا علاش نااوي .. ومدام طلبهم يجيو الا والموضوع مهم ..(شافت فبنتها) فين ولادك نتي علاش مجاوش معااك.. مدة طويلة مجاو طلو عليناا ..

صفية:(برقي) راكي عارفة غيث ديما مشغول مع لاصال ديالو انا مكنشوفوش .. وروح راه كتجي من المدرسة تسد عليها فبيتها .. قلت ليها قبل مانجي يلاه تشوفي الميمة وبا سيدو قالت ليا كنحفظ حتا نهار العراضة ونمشي ...

نجلاء:(مبتسمة) احسن حاجة دارها عمي هي جمعنا بعد غير نشوفو ولادنا شمس 3 سنين ماجات فينما نعيط تقولي مطلقاتنيش الوقت ..ايوا دابا بسيف عليها تهبط ..

فهاد الاتناء دخلو الرجال من خدمتهم وحتا غيث جا باش يوصل ماماه بطلب من الاب ديالو حيت مجابتش سيارتها ..

الحاجة رحمة:(عينيها على غيث ) على سلامتنا زارتنا البركة اوليدي فاش جيتي تشوفنا...

غيث :(قرب سلم عليهم كاملين وباس لجداتو راسها وجلس بجنبها) غير سمحي ليا الميمة .. راكي عارفة البروجي ديالي عاد بادي مكنلقاش الوقت حتا فين نحك راسي .دابا والله جيت غير باش ندي الواليدة..

الحاجة رحمة:( بوقار ) الله يكمل بالخير اولدي غير هو مافيها باس تجي طل علينا .. راه كبرنا وصحتنا مشات ..والمو/ت فالطريق ..

غيث:(باس ليها يديها) ماتقولش هاكا الميمة نتي وبا سيدي هما عمارت الدار ..الله يخليكم لينااا ..

الحاجة رحمة:(,بحنان), الله يرضي عليك اولدي غيث ..(شافت ف فردوس ) قولي للخدامة تحط الكاسكروط ... راه كلشي تجمع وماديريش بحساب الحاج معطل فالشركة ..

غيث:(نطق مقاطعها) لا الميمة بلاما تعدبو راسكم خاصني نمشي ..مزال تابعني واحد البلان ضروري نقديه ..

الحاجة رحمة ،:(باعتراض ) لا اولدي ماتمشي حتا تشرب اتاي ولا قهيوة ..

غيث:(تبسم ) هاحنا نهار الاحد عندك .. وغتبقاي تشوفينا حتا تملي منا ..تهلاي فصحتك وعندك تنسااي دوااك ..

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :08

أريج: عاودي ليا عليك شوية .. دابا حنا ولينا صحابات يااك ..

ليساء:(بإستغراب ) اممم ولينا صحابات.. ولكن قولي ليا شنو بغيتي تعرفي عليا متلا..

أريج: اللي بغيتي .. أجي بعدا شنو بغيتي تاكلي شديتك بالهدرة ...

ليسااء : (تبسمت ) مابغيت ناكل والو دايرة حمية ومخاصنيش ناكل اللي كان مهم شكرا بزاف على العراضة .. انشاء الله نرجعها ليك ..

أريج:( برفض،) نوو عرضت عليك بااش تاكلي شي حاجة هانتي المغرب قرب يودن وحنا متغديناش دونك اكيد فيك الجوع ..

ليساء :(غتجاوب حتا سمعات صوت التيلي ديالها هزاتو وجاوبت) الو. وي ماما .. وي متخافيش عليا قضيت كلشي ومن غدا غنبداا .. تانجي ونعاود ليك كلشي .. امم مغاديش نتعطل ساعة ونكون فالدار .. يلاه بيزو باي ..

أريج:(بهدوء) الى بغيتي نقدرو نمشيو ..

ليساء:اه خاصني نمشي وسمحي ليا مرة أخرى ..نعوضوها المرة الجاية وتشرفت بمعرفتك ..

أريج: (وقفت معاها) عندنا واحد العراضة فالدار شنو باليك تجي وهاكا غتكوني عوضتي ليا هاد النهار ..

ليساء: لا مانقدرش ... مرة أخرى إنشاء الله..

أريج: نو غادي توافقي اصلا غيكونو غير العائلة ومنها نتي تعرفي على ماما وختي سمر وعائلتي كاملة باش فينما نقولهم انا مع ليساء يتيقو بيااا.. عفااك وافقي ماتخصريش ليا خااطري ..

ليسااء :(بتردد) واخا غنجي يلاه بيناتنا التيليفون بااي...

~~~~~~~~~~~~~~~~~~~~~~~~~~~~~~~~~~~

فريال:(كتجمع فلافاليز ديالها تحت انضار عدنان) مابغيتش ليساء تعرف شنو كاين .. مابغيتش نخربق ليها افكارها ونتا عارف هي حساسة بزاف واخا تبان ليك قوية .. نخلي حتا نمهدو ليها الموضوع ونهدرو معاها ..

عدنان:( مكيشوفش فيها) مغاديش