نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:236

هزات فيه عينيه الطفولية بصدمة .. كتستوعب شنو كيقول.. الستيلو طاح ليها من يديها بقوة الصدمة . عكسو اللي كان كااتم عصبيتو الداخل ولابس قناع الهداوة والبرود.. رفع لها حواجبو بمعنى شنو كتسنااي ..

روح بلعات ريقها: وااش كتهدر بصاح ... كنان هادشي مافيهش الضحك .. ماتقولش ليا هادا مقلب درتيه ليا ..

كنان دوز يديه على وجهو بزعاف وتبسم بفقصة : وقعي اروح .. الناس باغين يمشيو فحاللهم .. وقعي خلاص وخلينا نسدو هاد الباب ...

روح كمشات حواجبها: لااا مابغيتش .. هادشي مانقدرش موقع على شي حاجة اللي غادي ضرني .. ودير ليا مشاكل مع عائلتي .. هدر مع الناس يمشيو بحالهم وسد هاد الموضوع اللي كنضن غتوصلو لشي مراحل خاايبة ..

كنان شاف فالعدول ونطق : واش ممكن تبصم.. بلاصة التوقيع ..

العدول بهدوء : طبعا ممكن اسيدي غير هو خاص يكون برضاها .. الزواج بغير رضى لا بركة فيه .. خاصها تكون مقتنعة تكمل معاك حياتها .. وعلى ما بان ليا البنت ماباغاش هاد الزواج لو تفكر شوية فالموضوع يكون احسن ونيت تلقاو حل يرضي الطرفين ..

كنان شد ليها إبهامها بيديه ونطق بنبرة حادة : فين غتبصم .. انا عارف شنو كاندير وحتا نتا دير غير خدمتك ...

.

العدول تنهد بلاحول ومد ليه فين تبصم دار ليها صبعها فديك المادة كان لونها أحمر وكنان شاد ليها يديها حتا بصمها بزز منها .. عاد عطا الشهود تاهما وقعو .. جمع شغلو وخرج بحالو هو والشهود اللي معاه من بعد ماخلصو كنان وخرج معاه حتا الباب .. غير سد دار راجع حتا بانت ليه واقفة قدامو كترعد بالأعصاب قرب عندها كيقيص فيها ..

كنان هز ليها وجهها حتا تقابل مع عينيه : شنو ماالك علاش كاملك كترعدي شنو وااقع ..

روح بلعات الغصة: واش كتهدر من نيتك .. هادشي كامل وكتقول ليا شنو وااقع.. انقول ليك مواقع والو غير نتا جبرتيني نتزوج بيك بلا خباار واليديا وخوتي .. فتحتي عليك وعلينا بيبان جهنم .. كنان اللي كلشي حاطو فكفة الشخص الموزون العااقل خرج منو هادشي كاامل ..

كنان تنهد قالب عينيه: روح داكشي اللي وقع الباارح هو اللي ...

روح قاطعاتو بالغوات : شنو وقع. .غلطنااا ااه انا ونا ماتحكمنااش فرااسنا .. ولكن مادرناش مصيبة .. باش نخافو.. وتزوج بيا .. فاش غيعرفو شنو غيقولو لينا كيفاش بغيتي نشوف فوجه بابا وسااجد وغيث .. فاش يعرفونا تزوجنا حييت نعسنا مع بعضياتنا ..

كنان بالغوات: ماغااديش يعرفو .. اناا عارف شنو كاندير حتا شي واحد مغادي يعرف دابا شي حاجة.. وخاصني نديرها .. مانقدرش نخليك تزوجي بشي حد أخر وانااا ..

روح بهدوء: ونتا شاايف لحمي يااك .. ماتقبلش نكون مرات واحد اخر ..علااش شنو غيخليك تفكر هاكا ليلة ودازت علاش صعبتي عليا نسااها..

كنان: ماغنقدرش ننساها .. لصقاات هنا (اشار لعقلو ) واللي لصق فعقلي عمرو يتمحى ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:237

جالسين على الطبلة ديال الغدا حتا شي واحد مكيهدر كيتسمع صوت الفراشط والمو//س .. السكات كان فهاد اللحظة سيد المكان .. انظارهم كاملة تحولات لجهة الدروج كانت نازلة كتمختر وعينيها كيشوفو غير الفوق بحال ماشي هي اللي كلات قت//لة ديال العصا الباارح .. تبسمت بهدوء فاش وصلات حداهم ومشات لأخر كرسي فالطبلة جلسات فيه كان بعيد عليه هو اللي كيرمق فيها وفلباسها .. اللي نوعا ما كان مستور. حنحن بحدة وكمل ماكلتو ..

شمس قربات حداها همسات ليها : شنو وقع الباارح غار عليك يااك كنت باغا نجي نتسنط ولكن كنان ونجم الدين ضاربو حتا هماا ..

ليسااء بهدوء: امممم غاار وبزااف كتر من اللي تخاايلي .. لدرجة كاع لحمي زوقو ليا بالصمتة .. فاش نساليو نوريك المعالم التاريخية اللي خلا ليا فلحمي ..

شمس شهقات بصوت عالي حتا كلهم شافو فيهم : وحلاات ليا وصاافي غير تغدااو ...

ثائر بهدوء: هدري مع الخدمات يوجدو العشا اليوم الحاج والميمة والعائلة كاملين غيجيو اليوم مابغيتش شي تصرف خاايب ولا شي حد يعرف شنو وقع البارح. فين هي روح ..

سمر بهدوء: غتكون فبيتها كلنا عارفينها حساسة .. فاش تحس براسها مزيانة غاتهبط ..

شمس هزات ليها الكسوة على فخضها عينيها توسعو : اويلي واش هدا مصعوور .اش هاد الحالة فخضك كامل زرق.

ليساء ببرود: ماشي غير تما .. هاد البلاصة جات فيها الضربة غير مرة وحدة وشوفي كيف ولاات..

شمس كمشات حواجبها: ونتي علاش هاكا ممسوقاش بحال الى ماشي لحمك هدا اللي تزوق ..

ليسااء علات عينيها فيه كان كياكل ممسوقش لها : شنو بغيتي متلا نبكي ولا نغوت ولا نجي نتشكا ليكم منو .. بحال الى هو زعما كيتسوق لشي وااحد ...

شمس بعدم رضى علات عينيها فيه ونطقات بصوت عالي : اشنو هادشي الي درتي ا ثائر من امتا وليتي كتستقوا على مرا .. وتزوق ليها لحمها ...

ثائر حط الطرف ديال الخبز اللي كان فيديه وتلفت جهتها ونطق ببرود: متخاافيش حتا نتي نوبتك جااية .. وغاتاكلي كتر منها غاصبري نتفرغ ونساالي ليكم .. هاد الضساارة كاملة غاتحيد ..

ساجد صغر عينيه فيه: ضربتيها اصااحبي ماشي دياالك ..

شمس بحدة: عرفتو نقولكم واحد الهدرة ماحدكم كاملين مجموعين .. عرفتو الى جا شي نهار وحنا بخمسة بينا روح ليساء سمر أريج وانا نفرناكم وبعدنا عليكم ماتلومونااش .

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:238

يلاه غيوقف يجاوبها حتا وقفو صوت التيليفون .. هز وفتح الخط حطو على ودنيه بدون ماينطق .. مخلي الشخص اللي معاه فالإتصال هو اللي يهدر غير سالا قطع الخط او وقف.. علا فيها عينيه وجا جهتها جرها من يديها مخرجها تحت انظارهم كاملين .. وقف قدام الباب .. وهي قبالتو .. اللي شافهم يقول هادو مزوجين وعلاقتهم زوينة وهي واقفة معاه كتودعوو قبل مايمشي الخدمة.. اما عندهم فكان الجو مشحون ومكهرب...

ثائر بنبرة تهد//يد : غادي طلعي البيت وتسدي عليك ممنوع منعا باتا نلقااك واقفة معاهم ولا كتهدري نتي ويااهم ..

ليسااء بهدوء: شنو الى جاو عندي نجري عليهم .. مستحيل نديرها .. غير ريح دماغك

ثائر: خليني نعاود هدرتي .. باش نتفاهمو ..

خرج من تما مخليها واقفة متبعة ليه العين .. ركب فسيارتو وكسيرا .والوجهة كان الديبو ديال غيث .. مدازش بزااف كان تما .. بلاصا اللوطو قدام الديبو وهبط تلقا ليهم الكارد .. حنا ليه راسو .. وخلاه يتقدم ساابقو .. غير تحل الباب بانو ليه واقفات مع ساريات ورابطينهم . تبسم بهدوء وقرب عندها وقف قبالتهم .. كيشوف فحالتهم كيفاش دايرة ..

ثائر بهدوء: مرحبا بيك ازهوور نورتي ليا الديبو ولا فيه الضو فاش دخلتي ليه نتي وهاد عديمة الشرف ..

علات فيه عينيها كانو داابلين قدر يقرا فيهم انه نادمة بزااف وكارهة راسها ..

فريال بنبرة صوت حزينة: انا نادمة والله حيت صيفت بنتي التهلكة بيدي .. كرهت راسي وكرهت النهار اللي عرفت فيه هاد الشارفة هي او ولدها .. هما سبابي واحد مريض نفسي بغا البنت اللي ربا .. والتانية شفاارة مخللات اشمن جر//يمة دارت فماضيها وبغات تختمها بق//تل بنتي اللي ربيتها ...

ثائر ببرود حتا كلمة ما قاصتو : امممم تأنيب الضمير ... نتوما خططو وفكرتوو ونفدتو .. دخلتو ليا مراتي لمجمد ونتي عارفة شحال كتخاف من البرد .. بغيتي تق//تليها بأكتر حاجة كتخوفها يااك ..

فريال كتهدر وسط شهقاتها: ماشي لخاطري هاد الشيطانة هدد/اتني .. ضغطات عليا بززاتني ندير هادشي ماعمري ماكنت موافقة نق//تل بنتي والحمد لله هاهي دابا بيخير معاك ..

ثائر ببرود : اممم هد//داتك باااش .. مدام وافقتي الا وا شي حاجة اللي تقدر تد//مرك .. وباش مان//كملش انا شنو بدات هي .. عندك جوج دقائق. تقولي ليا شنو مخبية ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:239

بلعات ريقها بصعوبة .. كتشوف فكاع داكشي اللي دارت غيتفضح قدام عينيها ..وهي ماتقدر دير والو .. فريال غتعاود كاع الماضي ديالها فاش كانت كتخدم وشنو كانت كادير ..

زهور ببرود خافية الخوف اللي تسلل كيانها: اش عندها ماتقول ليك .. باغا تلصق فيا التهمة بوحدي .. ناسية شنو دارت هي ..

ثائر ببرود: متخاافيش نتي نوبتك جاية وحتا نتي بغيتي ولا كرهتي غتعاودي .. واخا نعرف نبقاو هنا النهار كامل... غنعرف غنعرف ..(شاف ففريال) مابقاش عندك بزاف ديال الوقت سربي نطقي شنو كااين ..

فريال بخوف:هد//داتني باللي غادي ديكلاري بينا عند البوليس ..وغنتشد غير انا حيت ولدها اصلا هاارب وحتا شي واحد مايقدر يوصل ليه .. وانا مانقدرش ندخل الحبس قلت مع راسي نسايرها ونهرب بنتي ولكن كانت مراقبة كلشي ماعرفت كيف ندير ..

ثائر ببرود: علاش غاتصيفتك الحبس مالك شنو داايرة ..

فريال كتنطق بصعوبة: خط//فنا بنت صغيرة من وسط الصبيتار ..

ثائر قوس حجبانو: شكون هاد البنت وفين هي .. وكيفاش خط//فتوها ومنين ولمن وإمتااا .. كلشي تقوليه دابا كلشي ...

زهور بحدة: سكتي ماتهدرييش غادي تغرقي غير رااسك .. زعما الى فضحتي شنو طرا غتوقع شي حاجة بالعكس هو بيديه غيديك فين تكملي حيااتك .. ا فريال ..

ثائر ببرود: هدري خلاااص جاوبي بالخااطر حسن ماتقولي بالعصا .. ومنضمنش ليك رااسي شنو كاندير وانا معصب

فريال تنهدت : غنقول كلشي .اصلا كنت ساكتة غير باش منخسرهاش . دابا ماعمرها مغادي تسمح ليا .. غادي نقول ليك أي حاجة..فاش تزوجت انا وعدنان دازت عامين مولدناش اقترحت علينا زهور باش نشوفو الطبيب .. مشينا عندو وفاانتائج طلع باللي عدنان عقيم وماعمرو مايولد قررت نصبر معاه ونرضى حيت كنت كنبغيه ومكانوش هاميني الولاد .. دازت فترة طويلة جات عندنا هادي اقترحت علينا نتبنااو شي بنت .. فاش وافقنا نمشيو الخيرية قالت باللي هادشي كيطول بزاف وهي عندها حل احسن من هاكا ..

ثائر بتركيز : اشنو كملي ...

فريال شافت فزهور كيفاش تخلطو فيها الالوان. ورجعات شافت فثائر وكملات كلامها : قالت لينا باللي ديما كيجيو أمهات عازبات يولدو فالصبيتار اللي كانت خدامة فيه هي مولدة .. وتقدر تشوف شي وحدة تعطينا بنتها ..والمقابل الفلوس وماعمرها تسول فيها... فالاول خفت ولكن قدرت تقنعني كنت متشوقة نكون أم .. مورا ماهدرنا فهاد الموضوع بيومين جابت ليا بنت صغير يلاه عندها نهار باش تزادت .. قالت ليا باللي الأم ديالها بااعتها وباللي حملات بيها من الزنقة .. خديتها حضنت عليها .. وسميتها ليسااء ..عمري حسستها باللي متبنية ... فاش ولات عندها 6سنين كنا كنحماقو عليها انا وعدنان وبالصدفة عرفنا باللي زهور خط//فاتها لمها ماشي شراتها .. صافي ماقدرتش نعترف ولا نقول شي حاجة وقلت مدام واليديها ماعمرهم سولو فيها الا وأنه ماشي مهمة عندهم ... وزهور من ديك الساعة كتهد//دني باللي غادي تقول لبنتي باللي حنا شفناها لعائلتها وتقلب كلشي علينااا ... ليساء مخاصهاش تعرف هادشي غادي تنهاار عفاك ماتقول ليها والو ماشي على قبلنا على قبلها هي . ماخاصهاش تعرف باللي تحركت من واليديها.. غادي تنهار بنتي ضعيفة بزااف . واخا تبين ليك قوتها ديما كتخبى فالحمام وكتبكي وتشهق بوحدها .. وكتخرج عند الناس بحال الى ماوقع والو .. عفاك خليها نااسية وحتا الى بغات تقلب عليهم ماتخليهاش تكرهنا كتر من هاكا ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:240

بلاصا اللوطو قدام الباب اللوراني ديال القصر .. نزل ودار جهتها حل ليها الباب .. وزير على دراعها مدخلها .. دازو جهة الكوزينة .. سبق هو الاول بان ليه حتا شي حد ماكااين .. أشار ليها باش تبعو طلعو نيشان لبيتها دخلات وتبعها عاد سد الباب ..

روح بهدوء: سير من هنا ماعندي فاش نهدر معاك .. وغير وجد راسك حيت شحال ما خبينا غادي يجي نهار نحصلو ..

كنان بحدة: وااش مكتعرفيش تسدي فمك من البارح ونتي دااويةة.. ونتي عاارفة مزيان شنو وقع ف بلاما نعاودو نهدرو والموضوع خليه عليا انا عارف شنو غادي ندير ..

روح بلعات الغصة: عارفة شنو وقع عرفت باللي انا اللي لحت راسي عليك .. وتعريت قدامك ولكن ماعرفتش علاش درت هاكا .. عقلي ماستوعبش كيفاش تماديت .. عارفة انا اللي قربت ليك وخليتك دير داكشي .. ولكن ماعرفتش علاش درتها والله ..

كنان عطاها بالضهر: غنمشي داابا سدي فمك وماتهدريش واللي سولك فين كنت وعلاش ماهبطيش قولي ليهم كنتي ناعسة وعيانة .. العائلة غيجيو اليوم ..وانا غتتصرف ..

روح: شنو بااغي دير ..

كنان : خليك بعيدة على هادشي..

متسناش جوابها خرج كيزرب هابط فالدروج فطريقو تلاقا معاها طالعة الفوق غير شافتو وقفت كتسنااه.

كنان بهدوء: فين كنتي .. كنت جاي لعندك ...

شمس بهدوء: كنت فالجردة شربت قهوة تما.. مالك علاش باقي كااعي نتا عارف ختك كيف دايرة .. فاش كنشوفك معصب كيضرني قلبي ..

كنان جرها من يديها دخلها لبيتو : تزوجت ....

شمس خرجت عينيها : هاااا كيفاش تزوجتي امتا وشكون هادي اويلي ..

كنان ساط الهوا من فمو بجهد ورجع تبت الشوفة فيها : ب روح ..

شمس حسات بالدوخة : عاود عااود واش روح البرهوشة اويلي على تزوجتي بيها واش حماقيتي .. كاضحك عليا ..

كنان بعصبية: ماكنضحكش من امتا كنضحك اناا فهادشي .. تزوجنا هي تزوجنا .. وقع ..

شمس قربات عندو وصوتها مرجوف: اشنو وقع .. واش هي كانت معاك .. شرح ليا متبقااش سااكت شنو درتي البنت.

كنان بحدة: نعسناااا ......

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:241

شمس قربات عندو وصوتها مرجوف: اشنو وقع .. واش هي كانت معاك .. شرح ليا متبقااش سااكت شنو درتي البنت.

كنان بحدة: نعسناااا ......

شمس ودنيها كيصفرو مزال ماستوعبش كيفاش قالها تزوجت بروح زاد صرفقها ب نعس معاها : وااش كتفلى عليا ا كنان .. هادشي الي كتقول فيه راه مكيقبلوش العقل .. روح ا كنان روح باقا صغيرة علااش درتي ليها هادشي .. واش كتستحمرنا ..البارح ضاربتي مع نجم الدين على قبلي وعلى شنو. دار معايا ونتا دااير ماكفس منو. تعديتي عليها ضيعتيها فشرفها .. وجااي بهاد البساطة كتقول راه تزوجنا ..

كنان غمض عينيه بغضب: اللي وقع وقع وانا صلحت الغلط ولقيت باللي هادي هي الطريقة المناسبة ليا .. انا اللي غللطت وانا اللي تمااديت وقربت ليها هي مداارت واالو الغلط الاول والأخير دياالي انا وانا غنتحمل المسؤولية..

شمس ساطت الهوا من فمها : الى ساقو خوتها الخبار ..نتا عارف سااجد وطبعو كيحترمك بزاف ا كنان والى عرف شنو درتي نتا وروح راه يتيري فيكم بلاما يحس .. علاش اخويا علااش مابانت ليك غير هي .. روح البرهوشة مابغيتش نستوعب هادشي اللي درتي ماقادرااش ندخلو لرااسي...

كنان جلس فطرف الناموسية عاد سرا معاه شنو وقع : انا ماشي ديڤيرجيتها ...

شمس قربات عندو: وشنو درتي هااا كنان ماتحمقنييش كيفاش تزوجتي بيها ونتااا مادرتي ليها وااالو وااش كاتحمااق عليا وبلا بااغي بصح تحمقني ..

كنان بالغوات: قستهاااا قربت وتماااديت وقفت فأخر لحظة حيت هي وقفااااتني ... وانا مانقبلش نخليها وانا فايت لحمها حفظتو كل إنش فجسمها بااقي فدمااغي ... كل الخالات اللي فلحمها لصقو فرااسي .. ومنقدرش نتخاايل شي حد من غيري يشوف هادشي مرة أخرى

شمس علاش فيه عينيها : واااش كتبغيهاااا ..

كنان حك وجهو بيديه : ماعرفتش .. اللي عاارف هو أنه مستحيل ياخدها شي حد ليااا ..هي ولات ديالي محسوبة عليا .. مني وفيا..

شمس قربت عندو : شنو غادير دابا ... كيفاش غادي تقولها ليهم بغيت نعرف كيفاش تقولهم باللي تزوجتي بنتهم بلا خبارهم .. حتا شي واحد مغادي يلوم روح حاسبينها طفلة ..أصابع الإتهام كاملة غتوجه لييك ..

كنان جلس فوق الناموسية: ماعرفتش رااسي عاامر داايخ ..مزال مافكرتش ..

شمس بهدوء: خطبها .. اليوم غيتجمعوو كاملين .. طلب يديها من باها .. اكيد غيوافق ..

كنان غمض عيونه: مزال الوقت خاصني نهدر مع ساجد هو الاول عاد نشوف الخطبة والتخربيق .. اليوم غنهدر معاهم باش نخرج من هنا مانقدرش نزيد نعيش فهاد القصر ولا نشوف عينيها ..

شمس دمعو عينيها: ولكن علاش عاد القصر ديالك نتا علاش غادي تخليه .. كنان متمشيش تاني ماما غتمرض الى خويتي عليها القصر ..

كنان باس ليها جبهتها او وقف : خاصني نمشي دابا نتشاوفو فالعشا ..وقراري خديتيو بلاما تحااولي تبدليه ليا ا شمس .

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:242

وقف مقابل معاهم هادشي كامل دايرينو ونهار وقع ليها المشكل حتا وحدة معاونتها ولا وقفت معاها هز لافيست ديالو لبسها .. جبد التيلي ديالو صيفت ميساج ورجعو لجيبو .. حتا قاطعاتو ..

فريال بصوت باكي : عيط على البوليس بغيت نريح رااسي .. مابقيتش قادرة نهز هاد الحمل كتر من هاكا .. مستعدة ندوز عمري كامل فالحبس ولا نخلي هاد المج//رمة هي او ولدها فرحانين براا ..

زهور بحدة: بوحدك اللي غتعفني فالحباسات انا حتا شي واحد مايقدر يتاهمني بشي حاجة مدايراهاش .. .

.

ثائر ببرود: شووووو متبقاايش غير كتهدري مزال غتحتاجي صوتك بزااف فالأيام الجاية.. بااش تغوتي وتزااوݣي ..

هز عينيه جهة الباب بانو ليه داخلين ب 3 دار يديه فجيابو وتقابل معاهم ..

عماد بهدوء: رتاحيتي دابا نقدر نديهم .. مطلوبين للعدالة ..

ثائر ببرود: كلشي بين يديك ديهم ..واجي نهدرو عندنا بزاف مايتقاال ..

عماد عطا إشىارة اللي معاه باش يهزوهم الكوميسارية.. ومشا عندو كان مريح فوق وحدة من الألاات ديال السبور د غيث ..

عماد بهدوء: عرفتي شي حاجة خط//يرة ...

ثائر كيبرم فجوان : اممم ليساء .. تخط//فات من الصبيتار فاش يلاه تزادت .. واللي خط//فها هما هادو...

عماد بجدية: غادي نفتح تحقيق ..ونعرف اشمن عام وقع فيه هادشي ..

ثائر كيتكيف الجوان وقع ف 1998 يعني 25عام هادي .. خداوها مور يومين من زيادتها .. وراه هادي اللي. خداتها ديجا كانت مولدة تما عطاتها ليهم يربيوها حيت ولدها القواد طلع عقيم ..

عماد دور وجهو بزربة عندو : شنو سميتها هاد المولدة ..

ثائر بهدوء: زهووور ....

عماد بجدية: مااايمكنش هادشي .. واش متأكد عارف اشمن صبيتار كانت خدامة فيه ...

ثائر كمش حواجبو: فرااسك شي بلان بحال هاكا .. ولا عارف شي حاجة.. ردة الفعل ديالك بااينة ..

عماد جبد من جيبو صورة ديال مرا : هاد السيدة جاات عندي مع الخالة .. نفس هادشي اللي قلتي قاالتو ليا .. وديجا وقع معاها فهاد السنة وحتا المولدة عندها نفس الإسم ديال هاد المولدة ...

ثائر شدها كيحقق فملامحها : شكون هادي امتا جات وشنو قالت ليك ..

عماد بجدية: قالت ليا باللي ولدات فصبيتار

ومن بعد يومين جاو قالو ليها بنتك ما//تت فاش سولات على قبرها حتا شي واحد ماعطاها شي معلومة .. واللي خلاني نشك هو أنه المولدة اللي قالت ليها هادشي سميتها زهور ..

ثائر وقف : خاصني نشوف ها السيدة بغيت نتأكد برااسي ..

عماد : نديك دابا راه ساكنة مع خالتي ..هي وياها صحابات وكانو بزوج مستقرين فإيطاليا .. ولكن خاصك تعرف واحد البلان داخل فالقصة ..

ثائر ببرود: أشمن بللاان ..

عماد بجدية: داك النهار جبدت معاكم الموضوع ومتسوقتوش ليه .. هاد ليلى كانت حاملة من واحد وهمها بالزواج .. ولكن هو كان ديجا مزوج وعندو بنت ومراتو حاملة ..

ثائر:شكون ؟؟؟؟؟

عماد بهدوء: إسماعيل اليوسفي ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:243

غير خرج كنان تبعااتو كتزرب ومعصبة .. مشات نيشان الجناح اللي فيه بيت روح دخلات وهي تبان ليها خارجة من الدوش .. لاوية عليها غير الفوطة .. وكتنشف شعرها .. هزات عينيها فيها مستغربة كيفاش دخلات بلاما دق بقات وااقفة حتا بانت ليها جااية.. مع وصلت عندها نزلات عليها بتصرفيقة حتا دار وجهها .. مخليها مصدومة .. وماعارفاش علاااش ضرباتها ..

روح عينيها دمعو: اشنو درت ليك اشمس علاش كضربي فيا هااكا ..

شمس دفعاتها بجهد حتا اختل توازنها : علاش كانضرب فيك الخاانزة .. البرهوشة .. وااش فيك الدودة بسباابك خويا غيتحمل مسؤولية غلط درتيه نتي وياااه بسببك ماما غتمرض وعائلتي كتفرق ..

روح نزلو دموعها: علاش كتقولي ليا هاكا انا مادرت واالو الغلظ كيوقع .

شمس مخنزرة: نتي اللي تبعتيه وااش سوقك فيه علاش غاتبعيه علاش تخليه يقرب منك نهار الاول .. هو كيبقا رااجل عندو غريزة نتي علاش تحليتي ليه .. فرااسك دابا كلشي فهاد الدار غيكرهو حيت نعس معااك وتعدا عليييك بالرضا ديالك .. ونتي هنا ممسوقاش مدوشة مهلية فالحالة ماناقصك حتا خير . همممم

روح بصوت مرعود : وااش قالها لييك .. شمس صبري غير نشرح ليك .. حتا انا درت الغلط وعارفة باللي الى ساقو الخبار غيقت//لوني انا ويااه.. ونتي ماتلومينيش بوحدي ..

شمس ضربتها لحنكها بضهر يديها : وشكون غاادي نلوم الي مالمتكش نتي هااا.. وااش عارفة شنو درتي نتي ويااه..خرجتو علينا .. وااش لهاد الدرجة ماتقدريش تحكمي فرااسك .. كتتاكلك باغا اللي يبردها ليك ..عندك 17 عاام وخرج من العجب .. هالتصاور عرياانين .. الحشيش المخدر//ات .. التقح//بين .الزملة الدودة كااع تجمعو فيك .. كناان عمرو ماعرفك حتا نهار حصلك دايرة الكواارت .. بلاصتك ماتقولي ليه شكرا اخويا .. لصقتي فيه راااسك .. تخايلي با سيدو يعرف شنو غيدير غادي يجري عليه من الدار .. وينفيه من العائلة ..كيفما اللي سبقوه ..واش فكرتي شنو درتي . فاش ساجد يعرف خويا تزوج بيك بااش يستر الغلط ديالكم ..ماخفتيش طيح الروح بسببك غيعجبك الحال تهرسي هاد الإمبراطورية ديال آل فخري اللي عييينا وحنا خدامين عليها باش تكون سمعتها مزيانة جيتي نتي وياااه بسبب السخوونية ديالمن ضربتو لينا كلشي فعرض الحيط....

روح كتشهق. وسط كلامها : نتي حكمتي عليا .. وماعرفتيش بشنو مريت .. واش عند بالك فرحانة . انا كارهة وحااقدة على رااسي .. ندمت نهار وافقت ورجعت سكنت هنا كرهت رااسي وحيااتي .حيت خليتو يقرب ليا ومامنعتوش .. عقلي لدابا باقي مبلوكي فديك الليلة .. انا اللي تعريت ومشيت عندو .انا اللي غريتو باش يقرب مني .. أي حاجة انا اللي درتها.. هو مداار والو عيا يبعدني عليه .. ولكن لا انا كنت ديما كتزيد نقرب ولكن هادشي ماشي بخااطري ا شمس بسيف عليا كنلقا راسي غارقة بالتفكير غير فيه ..

شمس ببرود: ماتصلحيش غلط ب غلط .. حنا ماشي ف أوروبا ا روح .. حنا ناس شرقيين رياافة .. ونتي عارفة مزيان شكون هما ناس الريف .عارفة ساجد ولا غيت الى عرفو الخبار شنو غادي يديرو حنا عندنا الد//م اللي كيخلص ..

نـــــــٌبّـــــــضــــــــــــــــ