نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:130

خرجت من الاوطيل اللي جالسة فيه كانت لابسة سورال بويفراند جينز أسود مع تيشرت فالأبيض وكويرة كحلة وسبادري بيضة طالقة شعرها على راحتو ... مطتفية بمايكب هادي وخفيف مع ݣلوص رطب ليها شفايفها .. خشات تأكدت من ساكها والكاميرا ديالها.. تبسمت فاش شافت المساعد اللي معاها وقف .. ركبات حداه دارت لاساانتيغ ... وتحركو لأحد المخيمات اللي فيها السوريين .. حسات برعشة غريبة وهي فطريقها عندهم .. تلفتات جهة الشخص اللي معاها كان سوري الاصل .. وهو مرشد ومساعد مصور ..

//الحواااار بااللسورية ...//

شمس بهدوء: ممكن تهدر ليا على بلادك بغيت نعرف كيفاش كانت سوريا ..قبل هاد الح**رب كيفاش كانت المعيشة هنا .. والحياة كيفاش كانت ..

أرغد عيونو دمعو: سوريا رااحت وماظل فيها إشي في أطفال تيتمت وزوجات ترملت كتير عائلات ما//تو كتير بيتو اتخربت سوريا وطني اتدمرت .. صرنا لاجئين بوطنا

شمس عينيها دمعو:سوريا غترجع كيف كانت ربي كبير وغيرجع الحق لأصحابو ..

أرغد تبسم: يا مدام نحنا ثقتنا كبيرة. برب العالمين منعرف ومتأكدين أنه رح يجي شي نهار وترجع سوريا وفلسطين وكل الشعوب العربية متل ما كانت .. بس والله من سنة 2011 ماعادت الفرحة فااتت على بيوتنا .. صرنا لاجئين ببلدان الناس واغلب الدول ماتقبلو هالشي .. رافضين انه نكون بوطنهم طبعا معن حق هو وطنهم بس نحنا ماعاد عنا وطن الله لا يسامح ياللي خانو البلاد وخانو هالوطن ..

شمس حنات راسها مقدرااتش تكمل معاها هي صحافية وعندها خبرة كبيرة ولكن لمست فكلامو جرح كبير .. حسات بيه مدمر وقلبو مهرس على بلادو .. تفكرات بلادها اللي عايشة فيها الامن والسلام .. تمنات كون سوريا حتا هي كانت بحال المغرب .. .. هزات فيه عينيها فاش حبس الطومبيل تبسم وشاف فيها ...

أرغد: فيكي تنزلي وصلناا ...

شمس تبسمت بهدوء ونزلات بلاما تجاوبو .. اول حاجة بقات ساهية فالمكان وفالدراري الصغار اللي تما ضرها قلبها عليهم .. قربات عندهم جلسات جلسة القرفصاء وحلت يديها مع ابتسامة عريضة .. وحتا دوك الاطفال تبسمو فاش شافوها .. دغيا جاو تلاحو عليها معنقينها .. بقاو لحظات كتيرة على داك الحال حتا رخات منهم وبقات كتشوف فيهم وفلون عينوهم وبرائتهم .. شدات لواحد البنت يديها ونطقات كتسولها ..

شمس بهدوء: انتي كتير حلوة .. عيونك حلوين .. خبريني شو إسمك ..

نطقات بصوت طفولي بريئ: إسمي شاام جود علي ...

شمس كتلمس ليها شعرها) إسم حلو مميز مين سماكي ..

شام بنبرة حياء: سماني أبي على إسم الماما الله يرحمها وكمان على إسم الشام وطنننا ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:131

شمس كتلمس ليها شعرها) إسم حلو مميز مين سماكي ..

شام بنبرة حياء: سماني أبي على إسم الماما الله يرحمها وكمان على إسم الشام وطنننا ..

شمس دورات وجهها للجهة التااانية حابسة دموعها .. اول مرة تحس براسها ضعيفة بزااف ومقدراتش تكمل استجوابها .. عضات على فمها فاش حساات بيد صغيرة تحطات على شعرها ..

شام بحنان: ياخالة ليه عم تبكي انتي كمان إمك مي//تة .. إطمني هي هلأ بالجنة .. عند رب العالمين احسن من هون .. على فكرة انا كمان صرت عم استنى اي متى بدي روح لعندها وضمها ..

شمس مقدارتش تحكم فدموعها:إنتي بنوتة كتير قوية راه تكوني مرا ناجحة وعند قناعة باللشي اللي قسمو علينا رب العالمين ..

شام بنبرة حزينة: إيه انا راضية بكلشي البابا علمني أنه ربنا رح يجي نهار ويرحمنا وهو أرحم الراحمين.. بس انا كتير خااايفة ومرعوبة .. بتعرفي ليش

شمس نطقات بهدوء: من شو خايفة ياحبيبة قلبي ..

شام طاحو دموعها: من شي قديفة أو صااروخ ينرمى علينا .. صدقيني ياخالة ماعم أقدر نام بالليل عم ضلني فايقة مابدي م//وت خاايفة كتير ومرعوبة ..بترجاك ساعديني .. مابدي يصير فيني متل ما صار بالماما واخواتي وأبي .. مابدي روح ..

شمس عنقاتها كطبطب عليها: لا تخاافي .. انا معك كلنا معكم .. الله يحميكم ..

أرغد شد شام لشمس: خلينا نفوت جوا وليكا شام راح ضل معانا للمسا صحيح شاامو بدك ضلي معي ومع للخالة شمس حتا يصير المسا...

شام تبسمت: موااافقة عمو أرغد .. بدي ظل مع خالة شمس عا فكرة وجك متل إسمك مثل الشمس المضوية.. الله يحميك يااخالة ...

شمس شدات ليها فيديها ودخلات الداخل مخدمة الكاميراا وكتصور اللي بان ليها تهدر معاه وتسولو وشام ماراخيااش منها .. وكأنها حسات بالأمان معاها .. نهارهم دغيا دااز والعشية وصلات وشمس خاصها تمشي وشام لاصقة فيها وحتا ماتقدرش تخليها .. تحنات عندها كتشوف فيها ..

شمس بنبرة حنونة: صار لازم روح مابدي تزعلى بكرا راح إرجع شوفك وبدي جيب ليك حاجات كتير متأكدة رح تعجبك وتحبيها ..

بساتها فخدها وزادت غادية مقدرااتش تلفت حتا وقفتها شام بجملة فشلاتها وخلاتها تشهق .

شام بصوت عالي: خالة شمس ممكن تجيبي لي الماما .. بس هالشي اللي بدي يااه بس شوف المام وشم ريحتها.. وبعدين فيها تروح ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:132

فمكان اخر سادة عليها فالبيت .. وشادة الكتاب بين يديها كتقرا صفحاتو...كل صفحة كتخليها تشهق بحرقة .. ماعمرها توقعت انه عدنان يدير فيها هادشي ويخونها مع شكون البنت اللي من ديما حاسبينها بنتهم ..... وقفات والكتاب مزال فيديها .. خرجت من بيتها لقات الام ديال عدنان متكية فالصالة .. تمشاات بشوية جهتها .. ولاحت ليها الكتاااب... اللشي اللي خلا زهور تقفز من بلاصتها ..

زهور نطقات بنبرة حادة: اش هادشي مالك تسطيتي علاش لايحة عليا هاد الكتاب الحالة جاتك تاااني ..

فريال ببرود: اه تسطيت وحمااقيت نهار خليت بنتي بوحدها وسمحت فيها على قبل الشمااتة ديال ولدك .. اللي مدار بحساب الد*م ولا العشرة اللي بيناتنا. .. وكاع اللي تقال فيه كاااين كلشي صحيح وحتا حاجة ماكدوب ..

زهور بتساؤؤل: فريال واش عارفة شنو كتقولي .... علاش بدلتي كلامك .. ياك من الاول ونتي واقفة مع راجلك .. شنو بدلك ..

فرياال أشارت ليها بعينيها الكتاب : هاد الكتاب اللي قدامك فيه كلشي كاع الاعترافات وبخط ولدك .. ولدك اللي خالف كاع القواعد والدين وبغا بنتو اعيبااد الله بنتو..

زهور وقفات مقربة ليها ونطقات بنبرة تهد//يد: جمعي رااسك وسدي فمك .. فين عمرها كانت بنتو ولا ياكما نسيتي منين جابها... ياك غير شيااطة ديال الزنقة ... وعلاش ماتقوليش باللي فيها عرق التخلويض والغدر..

فرياال بالغوات: وعلاش غتغدرني .. وشنو اللي غيخليها تغدرني وهي اصلا ماعمرها عرفت باللي حنا مربينها وماشي بنتنا الحقيقية..وباللي حنا ماعمرنا ولدنا حيت حيت أنا عقيمة ... مكنولدش ...

زهور جلساتها فالكنابي : مكاينش ترااجع وانتفاقنا غيكمل ..وداكشي اللي قلت ليك غتنفديه بالحرف ..وفهاد اليومين .. مابغيتش نزيدو نتعطلو كتر .. الشوهة اللي درات لينا وراس عائلتنا اللي طيحات الارض خاصو يرجع .. وكيفما قلت ليك الد//م كيسااوي الد//م ...

فريال حركت رأسها بالرفض : مستحيل ميمكنش ليا نأديها الى كان شي واحد خاصو يخلص فراه باين شكون الآلة زهور وبلاما ضرقي الشمس بالغربال .. نتي من الاول عارف. ولدك مريض نفسي وبقيتي واقفة معاه فكاع داكشي اللي دار .. عارفاه مخوطر فعقلو ..

زهور ببرود: فريال جوج كلمات .. قلت هم ليك ..ونتي عارفة عندي كلمة وحدة .. مغاديش نرجع فيها .. ونتي بزز منك غتعاونيني .. وبلاما نفكرك شنو نقدر ندير .. واللي شادة عليك .. والى بغيتي نساحبي وسيري عند ديك الملقطة بنت الزنقة .. وشوفي واش غتسمح ليك فاش تعرف منين جبتوها ولكن خديتوها ...

فريال خرجت عينيها بصدمة: وااش باغا تلصقي فيا داكشي اللي دار ولدك .... باغا ترجعيني غاالطة وسرقات البنت لمها ..

زهور ببرود: وعلاش ماشي سرقتيها يااك من بعد عام باش جبتيها عرفتي باللي عدنان شفرها ماشي تبناها علاش مارجعتيهاش ليهم علاش خليتها عندك .. نتي مشاركة معاه فكلشي. ..ودابا دوزي تركني بلاصتك وماتعصبينيش .. ونساي بنتك نتي ماعندكش بنت عندك عدوة .. خربت ليك داارك وخاصك تنتقمي منها ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:133

وسط أستوديو التصوير لابسة سروال توب عريض فالأسود وتيشرت قصير مبين خصرها فالأبيض وكعب أسود .. شعرها مطلوق اللور على راحتو مع مايكب تقيل وعطر ماط أحمر .. كانت اخر ساعة فنهارها ديال التصوير .. غير كملات توجهت عند المنتج ودعاتوو وخرجت من تم خدات طاكسي ومشات نيشان للدار اللي ساكنة فيها ... بعد نصف ساعة تقريبا كانت قدام العمارة .. نزلات من بعد ماخلصات الطاكسي .. دخلات العمارة ركبات فالسانسور غير تحل خرجت منو نيشان الدار جبدات الساروت من حقيبتها .. حلات الباب .. حيدات السباط عند الباب .. وبقات كتمشى حفيانة .. شافت ساعتها كانت تقريبا الحدااش ديال الليل حاسة بالتعب والعيا دار عليها 15 يوم كاملة دوزتها فالتصوير ولات غير كتجي كتلاح تنعس .. دازت من الصالون بلاما ترد البال الشخص اللي متبع حركاتها ماللي دخلات ... وعينيها كيبخو الد//م عليها. يلاه غتحل باب بيتها حتا سمعات صوتو اللي طيح ليها الما فالركابي. وركب فيها الرعب ..

ساجد ببرود: على سلاامتك أنسة أريج .. شاف فساعتو ونطق. ... دخلتي شوية بكري اليوم باقي الحاال .. كون غارجعتي حتا الفجر كيفما كيديرو القحا///ب ..

أريج بلعات ريقها ودارت بالعرض البطيئ: احمممم امتا جيتي لهناااا ... ياك كنتي فالرباط علاش جيتي وعلاش ماعلمتينيش ..

ساجد وقف غادي عندها : واش الى بغيت نجي لداري خاصني نعلمك .. وكون كنتي مسالية ومعمراها كنتي غتعرفي راني هنا من الباارح .. غير سيادتكم مشغولة شوية ... حنا راسو فيها مع الظو طافي كيبان غير لون عينيها ...فين وصلتي فالتصوير الفنانة ديالناااا...

أريج تزاد معاها الزايد وعرفات راسها مشات فيها : علاش كتهدر ا سااجد اشمن تصوير انا كنتي غير عند صحاباتي ..

ساجد عض على فكو معصب دغيا رما يديه شعل الضو وتقابلو عينيهم : وااش كيبنااااو ليك عندي الݣروون ؟؟؟

أريج بخوف: لااااا اناا اللي عندي .... نتا عندك الودنين ...عفاك متضربنيش .. كنخااف ..

ساجد تنهد قالب وجهو : واااش ماهدرتش مانبهتكش شنو قلت ليك ا أريج .. نهار حصلتك باغا تدخلي لهاد المجال شنو كان جواابي لا انا لا العائلة كااملة قولي لياا شنو قلنا ليك ..

أريج كترعد منو : رفضتو قلتو ليا ممنوع تمتلي. ...

ساجد طرطق عضومة عنقو يمين وشمال ونطق: اهاااه عااقلة بعدا داكرتك قوية .. عارفة شنو قلنا ليك .. ونتي شنو درتي همممم نفدتي طلبي مشيتي عليه ..

أريج غمضات عينيها بألم فاش زير على دراعها: ااااااي عفاك رخي مني كضرني .. انا درت داكشي اللي بغيت .. بغيت نحقق أحلامي مابغيتش تغمقو عليا ونتوما تقررو فبلاصتي ..

جرها مخرجها من البرطمة غادي بيها جهة السطح ساد ليها فمها حيت كتغوت ومنها مايديرونجيش الجيران ديالو .. عارف عقابها ماشي الضرب ولا يسد عليها فالدار عارف شنو يدير معاها العقاب اللي كتستحق .. يواجهها بالفوبيا اللي عندها وهي السطح من صغرها كتخاف طلع السطح حيت عندها فوبيا وكان هو نيت اللي تسبب ليها فيها فاش كانو صغار هزها قلبها بحال الى غيرميها من السطح ديال الفيرما تما ولات كتخاف ومرعوبة من هادشي.. وهو خاصو يرجع ليها عقلها وهادي هي الطريقة المناسبة بالنسبة ليه ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:134

خرجات عينيها فاش شافتو طالع بيها السطح عرفاتو شنو باغي يدير عرفات باش غيعااقبها الخوف ركبها ونفسها تقطع .. كتحرك راسها بهيستيرية رافضة العقوبة ... غير وصلها السطح لاحها بجهد حتا جات طايحة الارض هزا عينيها فيه كانت كترعد وباين عليها الرعب .. قرب عندها كتر وحنا رااسو ... عض على شفتو التحتانية حنا تقطع فيها الد//م ...

ساجد ينبرة رعباتها : علاش ديما كتخرجيني على طوعي علاش ديما كاديري عكس اللي كنقول ليك واش مكتخدميش عقلك ... ولا كتستحمريني .. ياك مرارا وتركاارا كنرفض انه دخلي لداك المجال لأنه صعيب بزاف وصعيب تكملي فيه واش ماشفتيش شنو وقع مع روح مافركتيش يوقع ليك بحالها... رجع شعرو اللور بحركة سريعة ... واش غنبقى تابعك حياتي كاملة ... حتا تحمقيني ..

أريج بلعات ريقها: ولكن علاش تحرموني نحقق هدفي وندير داكشي اللي بغيت .. علاش انا بالضبظ علاش شمس توافقو تكون صحافية ..حتا هي عندها سلبيات .. علاش سمر مخلينها دير اللي بغاات .. حتا هي علاش بالضبط ....

ساجد ساك الهوا من فمو وشدها من دراعها : حيت نتي أرييج .. أريج اللي باقا طاايشة ومكتعرفش تصرف وأكبر دليل أنه سميتي عقد إحتكار .. بلاما تفهمي شنو هو ولايه تعرفي علاش سنيتيه .. واااش عارفة شنو هو عقد إحتكاار .. الغبية اللي وقعتي عليه ونتي حااالة فمك وكضحكي ..

أريج كترمش بزربة عارفة راسها كحلتها مالللي عرف كاع هادشي : عارفة ...

ساجد ضرب يديو مع الحيط اللي موراها حتا قفزها : اش عاارفة ازبي .. أش عاارفة .. داك القواااد قادر يتحكم فيك مدة عاام.. ديري داكشي اللي بغا تساافري بشوارو تخدمي بموافقتو .. ماعندكش الحق تقرري فحيااتك حيت عطيتيه هاد الحق ... بديك وقعتي على عقد غيخرج عليك كتر ماخرجتي نتي علردى رااسك ..

أريج شافتو وقف جرها من يديها غادي بيها اللجهة التانية : فين غادين ياك كنا جالسين كنهدرو علاش غادي غنمشيو لهيه .. ساجد الى رجعتي درتيها ماعمري ماغادي نسمح ليك .. غنبقى ديما مخاصماك حيااتي كلهاا....

ساجد دار عندها بسرعة حتا تضربات فصدرو هز راسو الفوق وتنهد عارف راسو مايقدرش يخوفها عارف نقطة ضعفها ولكن شي حاجة فيه الداخل كاتخليه رافض يديرها : هز عيني وشوفي فيااا.....

هزات عينيها نيشان فعينيه ... حسات برعشة غريبة سرات معاها ماهدرتش غير كتشوف فيه وسااكتة ..

ساجد سرح فلون عيونها وجمالهم: وحدة زوينة بحااالك مخاصهااش تكرفس وتعدب نتي تخلقتي بااش تعيشي أميرة .. مااشي اللي جا يلعب بيك ... خليك ديما الفوق صعيب شي حد يوصل ليك... ماطيحيش برااسك وتوسخي صورتك ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:135

دخلات كتمشى على ريوس صباعها ماديراش الحس قربات عندو كاان غارق فالنعااس بسبب حبة المنوم اللي عطااتو قبل ماينعسو .. توسعت ابتسامتها..وخرجت من البيت .. لبسات الكابيتشو ديال دارت القب على راسها وخرجات كان تقريبا الجوج ديال الصباح .. هبطات كتسلت غير فالدروج .. حتا وصلات لتحت كان الصقيل دارت الجهة التانية. وهي تقشعو راكب فوق الموطور .. مشات كتجري بلاما تلفت موراها .. غير وقفات حداه زول الكاسك طلع فيها وهبط بنضرات منحرفة هادشي ملاحضاتوش هي .. عطاها إشارة تركب موراه ... مد ليها الكاسك وتحركو ... ... خرج من مخبأو فاش شاف الموطور تحرك مشا كيجري ركب حتا هو موطور من نوع طايماكس كبير فالكحل .. دار الكاسك وهز تليفيونو متبع الإشارة ديالهم .. ديجا كانو شاكين انه تقدر تعيط علي ولا طلاقا معاه باش تاخد شي حاجة ديال المخد//رات وطبعا شكهم طلع فمحلو .. خصوصا تصرفتها مع كنان وفاش شافها حطات ليه الحبة فالقهوة زاد تأكد منها .. وحتا غيث خدم عقلو فاش عطاها سلسلة فيها جيبئيس دارتها باش يراقبو تحركاتها .. من بعد مار تأكد من من الجيبيس تحرك طااير تاابعهم ... ماوقفش حتى دازت نصف ساعة تقريبا .. كان فوسط درب قديم وتقريبا مهجور .. نزل من الموطور ..دوز الخط ..وتسنى جوابهم ..

كنان كيراقب المكان بعينيه وفنفس الوقت كيهدر: لقيتو .. وداكشي اللي قلنا هو اللي وقع .. صيفت ليكم لادغيس .. وبلاش ماتعلموش ساجد حنا فالكفاية ....

~~~~~~~~

كمال كيطلعو فيها ويهبط: كبرتي الفريزة ديالي وزيانيتي .. تهلاوي فيك ديك العائلة .. ولكن معطاوكش داكشي اللي بغيتي يااك .. حبسوه عليك واخا هما يقدرو يجيبو ليك اللي بغيتي .. كنت عارفهم ماباغينش ليك الخير .. مزيان ماللي عيطي كنت كنتسنى اتصالك ..

روح ببرود: عطيني داكشي اللي بغيت وخليني نمشي بحالي .. متنساش شنو درتي الي وكاع هادشي اللي فيه انا نتا السبب فيه ...

كمال بخبث : امممم نشوف الفلوس نعطيك اللي بغيتي.....

روح حلا السلسة ديال جيب الكابيتشو جبدات منو ضمسة ديال الفلوس لاحتهم ليه: هافلوسك عطيني علاش جيت ورجعتي بحاالي .. دابا ..

كمال هز الفلوس وضحك بصوت عالي من بعد صفر بشوية حتا خرجو جوج أشخاص مخبين تما نيم فيها عينيه ونطق: فين غنرجعك ... علاش انا امتا قلت ليك جي .. الكتكوتة .. ودابا ماللي جيتي مجاتش تخرجي هكاك بلاما نلعبو معااك شوية ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:136

تلفتات موراها لقات نفس الشخص اللي شرات من عندو الكوك اخر مرة وسلخو كنان والشخص التاني ماعرفاتوش رجعات اللور خاايفة وعينيها كيضورو كتحاول تشوف شي مخرج تهرب منو ..

عبيقة قرب عندها : فين الزين .. واخيرا طلاقينا وغنرض ضقتي لداك صحيبك القواااد اللي سلخني فكروتي وغدرني .. غنسلخو بيك نيت ..

روح بخوف : كمال ماديرش ليا شي حاجة خليني نمشي فحالي .. ماتعطيوني والو مابقيتش باغا دوك الفلوس خودوهم وغير طلقوني نمشي عفاك ماديرو ليا واالو ..

عبيقة زول ليها الكابيتشو بقات غير بالديباردو : اووووف القوقة عندك بلقة كتشقشق ازبي ماعمرك حويتيها .. كنتي كتسنى حتا العرس ..

كمال تخطاه وزاد عندها : كنت باغي نشاركها معاكم ماناكلش الحلوة غير بوحدي

روح يلاه كتهدر حتا حسات بيه قطع ليها الديباردو بقات غير بالسوتيانات ولاحها فوق السداري اللي محطوط تما .. يلاه غيتلاح فوقها .. حتا سمع صوت اللي خلاه يتلفت موراه بالع ريقو ..

كنان عض على فكو مزير عليه وطار جرو من فوقها.. شاف فيها كيفاش مكمشة فبلاصتها كترعد لاح كمال الارض ومشا ليها : واش نتي بخير دار ليك شي حاجه.. قربو منك ..

روح بخوف : خرجني من هنا عفااك ماتخلينيش معاهم . غيتعدااو عليا ..

عبيقة حس براسو جاتو فرصة باش يرض دقتو ويضرب كنان . دغيا جيد جن//وية من من خصرو باش يضربو حتا لقى راسو تهز الفوق جا طايح الارض . مجاش يستوعب حتا جاتو دقة خرا خربقات ليه الفيزيبلات ..تحنى عليه بالكروشيات واحد قوا من التاني .. مناض من فوقو حتا فكو غيث .. رجع شعرو اللور ولون عينيه الكريستالي تحول الاحمر هز عينيه بان ليه كمال باغي يهرب دغيا طار عليه شدو من قرفادتو .. ونطق بنبرة بااردة رعبااتو ..

ثائر شادو من قرفادتو كيدي فيه ويجيبو: فين هاارب الرويجل علاش حنا ساالينا .. يلاه اول مرة نشوفك خليني نضاايفك .. مكملش جملتو حتا نزل عليه بروسية غيبااتو .. ونطق موجه كلامو لغيث .. غادي توصلهم للديبو اللي كتحط فيه السلعة ديال لاصاال... نسالي وانا عندك ..

غيث كيشوف فختو كيفاش مخشية فكنان قرب عندها جرها عندو خاشيها فصدرو ونطق : شووووو متبقاايش خاايفة انا هنا خوك معااك ماغنخليكش ..واللي أدااك غنشرب من د//مو ....

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:137

ثائر قرب عندو حط يديه على كتفو حتا هز فيه العين رما شوفتو لروح كانت نااعسة ... تبسم بهدوء..

ثائر هز عينيه فكنان: مزيان اللي كنتي معاها مكنااش غنسيقو الخبار لهادشي .. غيث نوض سير فين قلت ليك الرجال التحت كيتسناو راه هبطوهم .. غير توصل ربطهم وعطيهم الواجب العائلي .. فاش نجيو نديرو ليهم كرم الضيافة .. ..

غيث رخا من ختو : ديوها القصر تما حسن تكون قريبة لكلشي.

كنان بهدوء: لاااا مكاين لاش مابغيتش شي حد يعرف شنو طرا من غيرنا حنا حتا ساجد ماتقولوهاش ليه...

ثائر شاف غيث نزل واشار ليه باش يهزها: من امتا ؟؟؟

كنان هزها بين يديه وداز سابقو: شنو اللي من إمتااا كتقصد من امتا كنراقبها ...

ثائر بهدوء: لااا كنقصد من امتا طاايح فيها... وعينيك كيبيرو فاش كتشوف فيها ..

كنان كمش حواجبو: واش داوي بصاح منين جبتي هاد الهدرة. .. واش حيت عتقتها طايح فيها ..

ثائر ضرب على كتفو: ثائر هدا حتا حاجة مكتخفى عليه .. وفاش نقولك راك طاايح فيها يعني طاايح بلاما تنااقشني .. غير هو تراجع البنت باقا برهوشة وصغيرة .. غتجرجك معاها ..

كنان شاف ليها وتبسم: كتر من هاد التجريرة مكااينش .. ماعرفتش كيفاش ولا امتا اللي عارف انه ولات حاجة مهمة فحياتي ....

ثائر حل ليه باب الطومبيل: ماتزربش دابا اصاحبي .. الحب ماعمرو كان مكمل زوين لحياتنا

. عامر مشاكل وصدااع ..

كنان حطها فاللوطو ديال ثائر اللور وسد الباب: امممم زعما القلب القااصح مازال ماحنش ..

ثائر ركب بلاصة السائق وكسيرا: علاش فين عمرو كان عندي شي قلب باش يكون رطب ولا قااصح ..

كنان بهدوء: هادي عندك لا قلب لا مشااعر لا إحساس .. ماعرفتش كيفاش كتعاون النااس وتوقف معاهم ونتا ماعندك حتا حاجة..

ثائر مركز فالسياقة: عندي العقل .. اللي ديما خداام شارجي مكيطفاااش ...

كنان: ماعمرك كنتي بحال هاكا ...

ثائر ببرود : من ديما وانا هاكا اولد عمي غير مكانتش عندك دقة الملاحظة .. ثائر آل فخري ماعمرو بغا ولا غادي يبغي فحيااتو .. ماعنديش الحب فقااموسي .. والى شفتيني مع شي بنت عرفها نزوة وغتفوتتت بحال اللي سبقوها...

كنان بهدوء: امممم وديك اللي كتبتي عليها العقد شنو محلها من الاعراااب .. علاش بالضبط هي اللي تزوجتي بيها ونتا من ديما نافي فكرة الزواج والولاد من دماغك ..

ثائر سها بعقلو عند ليساء .. كيتخايلها واقفة قدامو .. نطق الحروف وهو مورك عليها ..: حتا هي غير نزوة وغتفووت .. مغاديش طول معاايا .. ماغتقدرش تكون زوجة ولا حبيبة ل ثائر .. ماعندهاش القوة ولا الطاقة .. باش تحمل تعيش معايا . واخا تبان ليك شخصيتها قوية ولكن من الداخل ديالها ضعيييفة بزاااف وحساسة بزااف... كتخبى باش تبكي .. وتخرج مركبة قناع القوة بحال مابكاتش ولا مادمراتش ...

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:138

كانت السبعة ديال الصباح .. يلاه دخل القصر ..مشا نيشان لبيتو .. باغي غير ينعس .. السهير والعيا وحتا كرم الضيافة والترحيب اللي دار مع كمال والعبيقة .. خداو منو وقت طويل .. دخل حيد حوايجو بقا غير بالبوكسر تلاح فوق الناموسية غاايب عن العالم الخارجي .. .

ماعرفش شحال داز ديال الوقت حتا فيقو صوت الطيليفون كيصوني .. ناض مضهشر شاف الساعة كانت الستة ديال العشية .. رجع شاف شكون كيصوني