ياسين، ماغاتبقاش مجرد سمية ، عندي يقين بلي غاتولي شي حاجة كبيرة بزاف ، شي حاجة غاتكبار قيمتها و غاتشهر غايولي كلشي يهضر عليه و كلشي يشجع فيه غايولي يدوز و يبغيو الناس يتصورو معاه ، غایشوفو فيه واحد الشوفة زوينة يتمناها اي واحد ، غايحقق حلمو لي بغا، من اليوم ماغاتهموش الطريقة كثر ماغایهمو الهدف! بجميع الطرق ، غايتخلا على كلشي ، او اصلا راه ديجا تخلى على گلشي ، نسا كلشي و اي حاجة متعلقة بيه فالماضي ، دابا ماكاين غي ياسين !

كون شفت راسي غي البارح هاكا كنت غانقول مستحيل ، انا نولي هاكا ، مستحيل ، و لكن بصح دابا تبدلت و لي عطا الله عطاه راسي متكي على الكوسان ،الكار عامر ، لابس سورفيطا فالرمادي و سبرديلة كحلة ، تحسينة جاتني زوينة مع شعري رطب ، ندمت لي ماتاخدتش هاد القرار من شحال هادي ، ندمت ان ني حبست احلامي على قبل ناس مايستحقوش على قبل ناس عمرهم ما كنت شي حاجة بالنسبة ليهم اصلا !

و اخيرا وصلنا ، مدينة جديدة عليا ، وانا صغيرة غانتعود عليها ، هادي هي المدينة لي غاتحقق لي احلامي ، لافاليز ديالي ماكانتش ثقيلة بزاف ، مجرد لبيسات قلال اغلبهم رياضيين، كاسكيطات ، ديك السبرديلة لي كانت سبب فهاد القرار لي
تاخدتو اصلا ، جيل للشعر ، ريحة رجالية ، و شي لعيبات بساط، كون گنت بنت دابا ههه ، كانتخيل دابا! کون راه فاليزتي عامرا بالماكياج و ألف لبسة و زيد و زيد غايخصني البوجي باش نهزها ، و لكن انا ماشي بنت ، انا راجل ،وراوني فين كاينة غرفتي الخاصة بالنادي ، ماولفتش دغيا
الاجواء ، الدراري صحاح و كبار و طوال ، ماشي بحالي طبعا ،
الطول و الفصالة على قد الحال ، صلاح هو الدري الوحيدالي كان صاحبي فديك الفرقة ، كلهم كانو متنمرين و حاسدين و متكبرين ، حاسيين بصحتكهم و فيهم قنطار ديال العياقة .

دازو يوماين و انا فالنادي ، كان فيا العياء ديال السفر وطلبتهم يجيبو ليا الفطور لعندي ، وانا ماشي داكشي لي ولفتو فدارنا و لكن ماشي مشكل ، كاس ديال القهوة و معاها پتي پان أوشوكولا او بعبارة أخرى اكثر شعبية کروا|اصة ، كان فيا للموت ديال الجوع عضيت الكرواصة كانحس بشي حاجة ماشي هي هاديك ، حيدتها من فمي القيت كاغيط وسطها! اش هاد الزمر هادا اوووف ، لحتو فالارض كايبان ليا كبير نيت! هزيتو لقيتو مطوي ،
اشهادشي!! رسالة هادي ولا شنو! مايمكنش هادشي
يتبعني حتال هنا! اول حاجة مشيت نشوفها هي التوقيع ! و داكشي لي كان فتوقعاتي هو لي كان بصح ، التوقيع مكتوب فيه " 15 ", اما الرسالة مكتوب فيها " يَنظرُ لهُ البعضُ نظرةَ ثراءٍ ، أمَّا البعضُ الآخرُ فيتلذذونَ بهِ ، يوجدُ المكانُ المناسبُ بجانبهِ ، بهِ ثلاثُ أعينٍ فقطْ ، و السبيلُ إليهِ يَقْرَبهُ بسبعِ خطیَ فحسبْ ، من جهةٍ القلبِ، أمَّا السَّبيلُ الثانِي ففي سِنِّ الفَمِ الأَسْوَدِ ، الياسمينُ في كلِّ مَكَانٍ ، و الأَهَمُّ مِنْ كُلِّ هَذاَ (15) .

توقيع : 15 "

هادشي بدا كايخلعني ، فالاول القهوة قلنا ممكن غي
صدفة عاوتاني السبرديلة قلنا هادشي غي تبرهيش غادي يتقادا! و لكن باش يوصلني هادشي فوسط فطوري راه بزاف! و مايمكنش نعرف شكون دارها حيت المطعم ديال النادي كاينغل بالطباخين و السربایا و ديما مبدلين يعني صعيب بزاف نعرف شكون! هادشي ايلا جاني اصلا من وسط النادي و ماشي من شي بلاصة اخرى ، و مانقدرش
نقولها لهم حيت غايحسبوها خطر عليا و نصدقو فالتحقيقات و لاكارط ناسيونال و الحالة و غانتقشع ، اللهم نسكت ! هادشي خاصني نحلو و نعرف فين غايديني كاع بالسلامة ،
فطوري ماكملتو كاع ، بقيت كانقراها و نعاودها! على حساب ما فهمت شي حاجة كاين لي كايشوف فيها نظرة مادية و كاين لي كايشوفها بنظرة معنوية ، و لكن كيفاش المكان المناسب و الخطى و الفم و الاعين و السن و الياسمين و ماعرت اشنو! يالاه باقي كانقرا داكشي كانسمع الدقان قفزت من بلاصني و دغيا خبيت الورقة فجيبي ، اووف غير
صلاح ، دري لشهب و طوييل هههه كوايري واعر كانشوفو فالتدريبات شي حاجة مجهدة بزاف و كايقتل بنادم غي بالتواضع و هادي اكثر حاجة خلاتنا نوليو صحاب ، هو صاحبي الوحيد هنا وسط هاد الشلاهبية لخرين .

- انا : ( بارتباك) || صلاح! اشكادير هنا
-صلاح : يااك! أنا لي حمار جاي نصبح عليك
- انا : ( كانضحك) ههههه کانضحك معاك! صبااح النوور
يصبح عليك الخير و الربح
-هو : (ضربني لكتفي) ههه هاكاك
انا : (تقصحت)اااي ، هههه
-هو : اصاحبي واش نتا مصنوع من الحلوة دغيا كاتقصح!
الصراحة جيت هنا نقتارح عليك واحد الاقتراح زوين و لكن !
حيت ماتصرفتيش معايا مزيان صافي بدلت قراري
- انا : وا صلاح راه غي كانضحك معاك واه!
-هو : ههههه يالاه انعطيك خمسة الدقايق لبس حوايجك و يالاه
-انا : (بفرحة) واااو فين غادييين ؟
-هو : ربعة الدقايق
-انا : (جريت للماريو ديالي) صافي صافي هاني هههه !
خرج كايتسناني فالزنقة ، انا دغيا لبست تيشورت مع سروال ديال السورفيط مع اسبرديلة و دوزت يدي على شعري و خرجت ، حيت انا اول مرة نجي لهاد المدينة و من نهار جيت عمرني خرجت قرر باش يجيب بيا ضويرة! هادو هوما الصحاب و الا فلا ، جبنا ضويرة واعرة و نزلنا للبحر
-صلاح : اش بان ليك فشي عومة
-انا : (بارتباك) III ؟ لا والله ما فيا
-صلاح : وا صاحبي سلت حوايجك دغيا و يالاه دغيا
انتشلبخو
- انا : لا لا بلاش
-صلاح : (بغا يحيد ليا التيشورت)
-انا : (غوتت) واIII لا|||
-صلاح : (قفز) ههخخ مالك اصاحبي كاتغوت بحال ايلا غانغتاصبك ويلي
- انا : (بارتباك) وامابغيتش وااه!
-صلاح : صافي بلا ماتكعا عليا ، علاش ماباغيش اصاحبي
مالك هاكا واه
-انا : (بملامح حزينة) وا ... انا انا فالصراحة ,ماکانعرفش نعوم كانخاف بزااف من الماء فاش كنت صغير كنت غرقت فالبيسين و من تماك وليت كانخاف من الماء
- صلاح : ايوا قولها من الصباح كون بقيتي شوي كنت
غانسلت ليك التيشوت و نلوحك فالما هههه
-انا : ناااري و تديرها هههه
-صلاح : هااهو! من قبيل و انا كانقلب عليه !
انا : شكون هو!
-صلاح : (جرا) وا زيد زيد مابقيتش قادر نصبر
انا : هاني كانتسناك هنا!
(بعد عدة دقائق)
-صلاح : (هاز فيديه ميكة) هانييي
-انا : (بتغوبيشة) فين مشيتي وخليتي هنا كانتسنا فيك
- صلاح : غاتنسا هاد الوقت لي تسنيتيني فيه و غاتحيد ديك التغوبيشة فاش غاتدوق شنو شريت
- انا : (كانطل على الميكة) شنو شنو
صلاح: (جلس فالرملة) المحاااار
-انا : بنين ؟
صلاح : بزllاف !

رجعنا للنادي بالجرا من بعد ما كلينا المحار ، بنين بزااف ، النهار كلو داز فالتدريبات ضروني عظامي بزااف ، هاد الدراري لي هنا خلاوني نکره هاد النادي و ما يجي منو ،مافهمتش كيفاش الانسان يقدر يكون هاكا ، كايتسناو اي لحظة باش يضحكو عليا ولا يقمعوني و لا يجيدوني ، جابلاه صلاح مكوفري عليا ، فقت فالصباح عضامي ضاريني و لكن نضت فطرت مع عباد الله ، اللهم والا نصدق فشي رسالة اخری تاني و انا هاديك باقا ضاراني فراسي ، جلست فالطبلة مع دوك الشلاهبية و المدرب ، عاد جا صلاح ، قال صباح الخير و جا جلس حدايا ، كان اصلا كايقول ليا هادو كلهم الي هنا ماكانحملهمش نتا الوحيد اياسين لي لقيتك انسان مزيان فيهم .

-صلاح : صباح الخير عليكم ، (جلس حدايا و ضربني على كتفي) أصباحو!
-انا : صبااحوو ، صافا
- صلاح : بنتي ليا مبوق ههه ياكما سهرتي الليل كاتقلب ياكما تلقا شي لؤلؤة وسط المحار ههههه
-انا : ههههه داكشي لي بقا ليا؟ (جمعت الضحكة و بقيت شحال ساكت) اشنو ! (نضت من الكرسي)
-انا : (كانهضر مع المدرب) مون كوتش نقدر نخرج دابا ؟
-المدرب : لا ، عندنا بزاف ديال التدريبات اليوم
-انا : عافاك الله يخليك راه ضروري والله ما نتعطل ! نقدر كاع انتدرب مع الكروب ديال الليل! ؟
-هو : فهاد الحالة غايخصك تعاود معاهم التدريبات ديال البارح و اليوم
- انا : ماشي مشكل ماشي مشكل! نخرج ؟
-هو : اوكي
-صلاح : (جرني من يدي) شنو واقع! نجي معاك خاصاك شي مساعدة ولا ؟
-انا : لا لا والو باس ، غير جلس كمل فطورك شوي و نجي!

مشيت كانجري بالخف مابدلت لا حوايجي لا والو ، حتا سيور السبرديلة عقدتهم فالطريق ، الطريق كلها كاندعي الله ياااربي نلقاه! هزيت معايا ورقة اللغز و قصدتو! كيفاش ماعرفتوش من الاول! ساهلة بزاف! و لولا ديك الجملة لي قال ليا صلاح ماكنتش غانعرفو بهاد السهولة ،"ينظر إليه البعض نظرة ثراء ، آما البعض الآخر فيتلذذون به "
واضحة وضوح الشمس بلي هو المحاار! حيت كاين لي كايبغيه باش يقلب على اللؤلؤ و يدير لاباس ، و كاين لي كايبغيه باش ياكلو حيت بنين! خصني نلقا ضروري داك مول المحار حيت كيفما تذكر فاللغز "يوجد المكان المناسب بجانبه " يعني البلاصة لي كانقلب عليها راه حدا داك مول المحار! و لكن
شنو كايعنيو بداكشي لاخر ديال فم و ماعرت شنو؟
و اخييرا لقيتو! مشيت عندو بكل ارتباك و باش مانبينش ليه خديت من عندو شوية المحار كليتو و بديت كانهضر معاه!
انا : تبارك الله على هاد الخير ، قالو ليا هاد المدينة عامرة بالياسمين
-هو : الياسمين ؟ انا بعدا اولدي عمرني شفت شي بلاصة فهاد المدينة فيها الياسمين من غير جردة الغول
-انا : جردة الغول ؟
-هو : واحد الجريدة ديال واحد الدار قريبة من هنا
-انا : و كيفاش قضية الغول
-هو : هههه غي مالقاو ما يسميوها ، راك عارف المغاربة
عندهم اسميات غراب
- انا : هيا لي ساكن فيها سميتو الغول
-هو : ههههه لاواه سميتو بوعو ، اصلا ماساكن حتا حد
فديك الدار!
انا : نعت ليا عافاك فين جات هاد الجريدة ؟
-هو : غير دور مع الدورة غاتبان ليك
- انا : شكرا !
انا سولت على الياسمين حيت هو الحاجة الوحيدة لي
واضحة فداك الجزء الثاني ديال اللغز " الياسمين في كل مكان "، فعلا غير ضرت مع الدورة كايبانو ليا شي محيبقات
عامرين بنبات الياسمين ، دابا فاش غاينفعني الياسمين ؟
غانجرب حضي و نشوف! قريت الجزء الاخر "و السبيل إليه يقربه بسبع خطى فحسب ، من جهة القلب" ،
من جهة القلب باينة هي زعما اليسار حيت القلب مايل لليسار ، نجرب حظي و نشوف ، بالطمارة مشيت للجهة اليسرى و درت سبع خطوات بالحساب ، درت بحال ايلا طايحة ليا شي حاجة
باش ما نعيقش و بديت كانحفر ، و لقيتو!!

لقيت صندوق احاولت نحلو حاولت نهرلسو واالو مابغاش ، صافي فقدت الامل و ماباقيش فهمت داكشي لاخر ، هزيت الصندوق لي لقيت معايا و رجعت للنادي ، كاتسناني الخدمة بزااف ، فرقتنا مقسمة على جوج فالتداريب ، كروب كايتدرب فالصباح و الاخر فالعشية ، دابا غانضطر نتدرب مع الخرين ، اووف ، مشيت لقيتهم يالاه بداو ، سمعت الهضرة
من المدرب ولكن عندو الحق انا لي تعطلت ، من بعد ما
سالا التدريب مشيت لخزانتي نهز فوطتي و حوايجي ، و الصندوق طبعا ! كانخمل فديك الخزانة والو مالقيتوش قلبي مشا يسكت ، شوي كانسمع شي صوت من ورايا.
-الصوت : كاتقلب على هادا
-انا: (ضرت) امين عطيني الصندوق
-امين : (هاز الصندوق فيدو و معليها) و ايلا ما بغيتش
-انا : (غونت) ماعندكش لحق تقلب ليا فاغراضي الخاصة
سمعتي!
-هو : (كايضحك) ربي ربي
لاح الصندوق لواحد آخر و يالاه مشيت ناخدو من عند هاداك الاحو عاوتاني لامين و بقاو هاكاك و انا كلنحنقز من واحد الواحد ، شوي جا منقدي! لوا ليه يدو و خدا ليه الصندوق و عطاه ليا! شكون من غيرو! صلاح!
-امین : (كايغوت) اييي صافي طلق اصاحبي غاتهرس ليا يديا راه غي كانضحكو معاه
-صلاح : (حيد ليه الصندوق من يديه) ضحكك خليه عندك اوكي ؟
-صلاح : ( خنزر فيهم و عطاني الصندوق) يالاها ياسين مشينا ؟
- انا : واخا
سبقني صلاح و يالاه غانمشي و هو يشدني امين فالحيط و قال ليا فودنيا
-امين : (بتاسم و وشوش ليا فوزني) هاهو صاحبك غادي و ديك ساعة شوف شكون يحامي عليك ابب (غمزني و مشا)
هضرتو بقات كاتردد ليا فودنيا و الصدمة شاداني .
- صلاح : (شدني من كتافي) مالك مصدوم ؟ شنو قالك!
-انا : لا ماقال ليا والو ، انطلع لبيتي باغي ننعس
وصلنا لحدا بيت صلاح)
- صلاح : ياسين ، ممكن تدخل ، باغي نهضر معاك
- انا : (غرغرو ليا عينيا و عنقتو) ما تمشيش ! عافاك
ماتمشيش انا خايف بزاف ماتخلينيش وسطهم نتا بوحدك لي صاحبي هنا كلشي محلف عليا
-صلاح : امين لي قالها ليك ياك! ولد ال*
- انا : علاش غاتمشي؟ نتا اوعر كوايري هنا علاش غاتمشي عافاك بقا
-صلاح : (كايمسح ليا دموعي) ترجل اصاحبي واه البكا لاش!
نتا حساس بزااف و ضريف نتا من افضل الصحاب لي
كانو عندي ، و لكن خصك ترجل شويا الله يهديك بلا ما تفقصني تانا
- انا : دابا أنا اش غاندير بلا بيك
-صلاح : من نهار جيتي لهنا و انا كانشوف فيك خويا الصغير الله يرحمو ، حتا هو كان صغيور بحالك و بريي ، داكشي علاش ماكنتش كانقدر نشوف شي واحد كايأذيك!
انا : الله يرحمو ، باش مات
-صلاح : كسيدة ، مهم خلينا من هادشي ، انا قلت ليك
هادشي باش تعرف معزتك عندي
- انا : مانقدر ندير والو ايلا ماكنتيش معايا!
-صلاح : (ضرب ليا على كتافي) غاتدير لي فجهدك و كثر ، باش تولي بحالي وحسن ، غاتقاتل معا ديلمهم و غاتوريهم نتا علاش قاد و بلي قدرتي تدخل لهاد النادي عن جدارة
-انا : (كانمسح دموعي) ولكن نتا الوحيد لي كنت معايا و لي ساندتيني نتا صاحبي الوحيد ، كيفاش غانقدر نتأقلم بوحدي معا هاد الشلاهبية بلا بيك و نتا عارفهم شحال كايسخرو مني و مامايحملونيش
-هو : (شد ليا فراسي) ماكايحملوكش حيت ردو لبال بلي غايجي واحد النهار و غاتولي حسن منهم
-انا: صلاح عافاك ماتمشيش
-هو : مانقدرش ا ياسين! راني دابا قربت نحقق حلمي
حلمي كان هو انني نولي عضو فداك الفريق و اخيرا
قبلوني ، عرفتي اللعابة ديالو شحال واعرين ، كيفما نتا كان حلمك نتظم لهاد الفريق انا داك الفريق هو كلشي بالنسبة ليا ، اصلا انا راه ماشي رسمي فهاد الفريق راه غي كنت مبرومپلاصي اللاعب الأصلي ، و حتا نتا شي نهار غايجي و غايوليو يتهافتو عليك المدربين و الفرق العالمية و هاني قلتها ليك!
- انا : (عنقتو)
- صلاح : (عنقني و شد ليا فكتافي) تھلا! انا كانتيق فيك!
انا : (ضحكت) غانبقا ديما نتبع اخبارك و ديما كانفرع ليك راسك بالميساجات! هههه انا كانتيق فيك نتا غاتكون احسن كوايري فالعالم
-صلاح : (هز الصاكادو ديالو يضربني على كتافي و ضحك و مشا و هو كايدير باي باي)
مشيت لبيتي و البكية شاداني ، دابا صافي غدا غانفيق ماغانلقاش صلاح ، ودعوہ و انا ماقدرش نبقا تماك معاهم حيت البكية شاداني و کانفكر شنو ممكن يكون فهاد الصندوق!
كايخص الانسان شوية الوقت و لكن فالنهاية كلشي
كايتنسا! واخا غاتكون عندي شويا ديال تامارة و لكن
تشجيعات صلاح وانا بعيد و عزيمتي غاتحطم كاع الحواجز ، دازت سيمانة على مغادرة صلاح ، اليوم فطرت بزربة . هزيت الصاکادو ديالي و مشيت بزربة ، عندي لانطريمة ليوم ، وصلت شوية روطار و لكن المدرب طمر عليا ، ضروري من التسخينات قبل مانبداو ، القفز على الحواجز زوين ، كانسمع
ياسين نوبتك ، حزمت سيوري ، خديت الوضعية ديالي و جريت ، دغيا غانحنقزو حيت الحاجز قصير اصلا ، جريت بكل ما فجهدي يالاه غانحنقزو و هو يعلا! جات التحنقيزة معا الحاجز ولا عالي ، كانحس بشي حاجة كاتحرقني فجبهتي ،
-انا : (نضت و غوت) أأأي؟
-هو : ( رجعني) تكا ، رتاح شويا
- انا : فين انا !؟ llاي كاتقصحني ضراتني جبهتي
كايحرقوني يدي و رجليا

-هو : (كايداوي ليا جبهتي ب بيتادين) فالسبيطار ،صافي قربت نسالي ، جابلاه ماوقعات ليك شي حاجة خايبة ، ياك حاس براسك صافا
-انا : (نضت من السرير) ضرني راسي ، شنو وقع
-هو : طحتي فلانطريمة ، مع تحنقيزتك على الحاجز طحتي حيت الحاجز ولا عالي فجأة
- انا : اه اه عقلت (غوتت و طرطقت فيه عييني) اشنوو! شنو كادير هنا!
- هو : كيفاش
انا : (غوبشت) ماكانحسش براسي هو هاداك بغيت نرجع للنادي
-هو : المدرب قال بلي خصك ترتاح هاد النهار
-انا : (كانشوف فيه بصدمة و مشيت لجيهة الباب) بغيت نمشي فحالي
-هو : الله يهديك فين غادي راك باقي مدوخ يالاه فقتي
- دخل المدرب : ياسين صافا ؟ كيوليتي ، فين غادي رتاح شويا
- انا : ( مشيت) ماحاسش براسي مزيان باغي نمشي نرتاح فبيتي
- الكوتش : واخا على خاطرك ، علي الاقل خلي عصام
يوصلك
-انا : عصام ؟ كيفاش عصام ؟ ... لا انا بيخير ماكاين لاش
-عصام : انا هو عصام ، اللاعب لي كان مرومپلاصيه صلاح
انا اصلا غادي للنادي نوصلك فطريقي
- انا : (غوتت) ماشي سوقك! منين کانعرفك اصلا ! بعد
مني !! اش كادير واش تصطيتي!!
ماشعرت براسي حتا لقيت راسي فالسما ، ماتشاورش
معايا هزني و انا كانغوت بحال المسلسلات! ضحك فيا كاع الفرمليات ، كركبني فالطوموبيل و وصلني للنادي ، انا ماهضرتش الطريق كلها جاتني اللقوة و الصدمة و البكية و كلشي تجمع فيا ! دغيا وصلنا
-هو : (حل الباب)
انا : (غوتت) تقرب ليا نخلي داربوك
-هو : ياغاتنوض بخاطرك يا غانهزك تاني
- انا : شوهتيني مع الفرمليات دابا زيد شوهني مع اللاعبين ، صافي هاني نايض!
نزلت و وصلني حتال بيتي ، حليتو و دخلت ، شوي ماكاملة حتا ربع ساعة كانسمع الدقان .
-عصام : (دخل)
-انا : ماعرت فين داخل بالسلامة
-هو : (شاف فيا) واقيلا راني مامعشوقش فيك اخويا!
خلينا نديرو خدمتنا الله يرحم بيها الواليدين بلا نگیر ، راني ماقاتلش راسي باش نجي عندك المدرب لي كايعطي الاوامر
- انا : ماكاين لاش بسلامة (دخت)
هزني بزربة حيت جسدي خفيف عكسو هو لي طويل و صحيح ، دخلني لبيتي ، كانو عضامي كلهم مدكدكين و الدوخة مابغاتش تفوتني ، كانهز راسي من المخدة و نعاود نفشل و ندوخ
- ياسين : (قاد ليا المخدة مع راسي) صافا شوية ؟ باقي دايخ ؟
-انا : (يالاه كانفيق) ضراتني كرشي
-هو : بسيف راك ماكليتي والو الليل هادا من قبيلا و نتا دايخ ، ياكما كاتحس براسك باقي ضارك بالطيحة
انا : لا لا وليت شوية
-هو : (هز زلافة ديال الصوبة و قرب ليا المعيلقة) حل
فمك
-انا : راه کانعرف ناكل بوحدي واقيلا واش انا دري صغير
-هو : (حط الزلافة و خنزر فيا) علاش نتا عنيد بحال هاكدا
- انا : (غوتت) و علاش نتا مهتم بيا بحال هاكدا
-هو : (كايعيب فيا) حيت كانبغيك و كانموت عليك! وا باز بنادم مايديرش الخير ، ماعطاتنيش اخويا خاطري نخليك مريض بحال هاكدا و انا السباب ، انا لي غلطت و هزيت الحاجز و لكن بلا مانقصد والله مارديتش البال ، بغيت نطمأن بلي نتا بيخير باش ضميري يرتاح ، اسمح ليا اخويا والله ماقصدت
- انا : (غوتت و بديت كانبكي) ماقصدتيش! نتوما ديما
ماقاصدينش قتلو بنادم و سيرو فجنازتو مامسامحكش ماعمرني نسمح ليك وانا نموت ماغانسمحش ليك سمعتي!
-هو : (مصدوم) كانضن بلي عطيتي الموضوع كثر من حقو راني عتاذرت منك و زايدون ماطراتش ليك شي حاجة خايبة
- انا : (هزيت زلافة الحريرة و ضربتها معا الارض) (غوتت)
ماشي شي حاجة خايبة غي بالنسبة ليك! ماعندكش القلب
-هو : واش عندك شي ارتجاج فدماغك ولا شنو ؟ ياكما
صايط ليك البرد فمخك وانا مافراسيش! تهدن راه عروقك غايخرجو
- انا : (غوتت) خرج تق** عليا من بيتي مانزيدش نشوفك !

رجعني لكثر من الشهر فالزمن ، رجعني لاكثر الايام و
الاحداث لي كانحاول ما امكن ننساها ، او بعبارة أخرى
انتناساها حيت صعيب بزاف ننساها بهاد السهولة و فوقت قليل! تجننت بديت كانبكي و كانغوت من بعد ما خرج هو معصب و ردخ الباب ، هو والله حتا هو ، یا الدنيا الصغيرة بزاف يا زهري انا لي مكوز يا بجوج ، دابا من بين الفرق ديال المغرب ما كتاب نطيح انا وياه غي فنفس الفريق ! غانحماق.
رجعني لكثر من الشهر فالزمن ، رجعني لاكثر الايام و
الاحداث لي كانحاول ما امكن ننساها ، او بعبارة أخرى
نتناساها حيت صعيب بزاف ننساها بهاد السهولة و فوقت قليل! تجننت بديت كانبكي و كانغوت من بعد ما خرج هو معصب و ردخ الباب ، هو والله حتا هو ، يا الدنيا الصغيرة بزاف يا زهري انا لي مكوز يا بجوج ، دابا من بين الفرق ديال المغرب ما كتاب نطيح انا وياه غي فنفس الفريق ! غانحماق غانتسطا، لي بانت ليا كانضرب بيها ، حطيت راسي فوق المخدة و دموعي مابغاوش يحبسو ، ماقدرتش مانتفكرش داكشي كلو لي داز ، كانتفكر صفاء ، كانتفكر كيفاش صدفة
تقدر تفرحك و اخرى تحطمك ، كيفاش كايتلاعب بينا القدر كيفما بغا بحال شي دمي خشبية و حنا ماعندناش القدرة على اننا نجابهوه ، داكشي علاش كانكتافيو بالرضا و الطاعة و الاستسلام ، كانفكر كيفاش بنت بريئة ساذجة تعرضات القمة الاستغلال ، كيفاش باقين عايشين مع ناس بهاد السوء ، كانتفكر كيفاش كانت حياتها زوينة ، عادية و بسيطة
و لكن كلشي كايتقلب بين عشية و ضحاها ، باقي ذاكرتي ماقدراتش تنسا داك النهار ، كانت خارجة بكسوة صيفية بالليل ، ماكانتش عارفة شنو مخبية ليها ديك الصدفة . غايكون داز شهر على هادشي او كثر ، الكاس ديال القهوة لي كانت هازك فيديها طاح بكثرة الصدمة! خدا عقلها بزاف ديال الوقت ، مافهماتش دغيا و ماقتانعاتش دغيا ، ماقدراتش نقطع شكها باليقين واخا شافت فيه مزياان ، واخا دققات فكل تفاصيلو ، نفس العينين اللوزيتين ، نفس الفم
نفس الشعر ، نفس الملامح ، كلشي واضح قدامها و باين ، جميع هادشي لي كاتشوف دابا بعينها ايلا كان كايدل على شي حاجة فهو كايدل على ان هاد الراجل لي قدامها هو ياسين ! دارت نفس الحاجة لي كانت غاديرها اي وحدة كانت فبلاصتها ، اي وحدة اول مرة كاتشوف الولد لي كاتبغي اون فاص ، غوتات غوتة وحدة "يااسيييين " جرات جرية وحدة
حتال عندو و تلاحت عليه بتعنيقة حاارة و هي كاتضحك و كاتشوف فيه و تقيس ملا محو و كانها كاتشفي غليلها و كاتشبع ذاتها لي كانت كاتنتاظر هاد اللحظة هادي عام
-هي : (كاتضحك) ياسيييين! انا صفاااء! صفاااء !
-هو : صفااء! أهلا لاباس
-هي : شنو كادير هنا!! جيتي حتال مدينتي و ماقلتيهاش ليا
-هو : اشنو! اه لا لا ، آنا ، انا كنت باغي نديرها لك مفاجأة
-هي : فرحت بزااف | ياسين حيت تشاوفنا و اخيييرا ،
ماتصور راني غانحماق بالفرحة
-هو : حتا انا فرحان بزاااف والله! كثر ما كاتصوري ، اصلا شحال هادي ما تشاوفنا
-هي : ههههه يا هاد الحمق علاه عمرنا تشاوفنا اصلا
-هو : ههههه غاضاحك
-هي : ناخدو سيلفي ! اول لقاء
أvيك بليزيغ (بعد السيلفي) تيليفونك زوين ، اول
دفعة لهاد التيلي كانت ف 2016 ، و لكن فيه عيب واحد لا
میمواغ ديالو صغيرة و مرة مرة كايتبلوكا ياك
-هي : باش عرفتي هادشي
- هو : la technologie هي حياتي
: (ضحكات شوي قفزات نااري تعطلت على الداار !
-هو : انا نوصلك
-هي : بصح
-هو : بيان سووغ ههه
-هي : (ضحكات) اووف ماقادراش نجمع فمي وصل لوذنيا بكثرة الفرحة
-هو : (ضحك) هههه ، الدلو ؟
-هي : اشنو ؟
-هو : نتي من برج الدلو ياك ؟
-هي : فايت لي قلتها ليك ؟
-هو : (كایهضر بهدوء) الوانك المفضلة البنفسجي و
الاسود ؟
-هي : (بسخرية) ههه باينة ، اصلا صاپغة شعري بهاد
الالوان يعني ماشي شي حاجة كتاشفتيها من راسك
(سيقاتو)
-هو : (ضحك) مزيودة بين 20 يناير و 19 فبراير ، كايعجبك
الورد الابيض كثر من الاحمر (وقفات فبلاصتها و دارت
العندو) ذكية ، ماعندكش مع بنادم بزاف و فنفس الوقت ماكاتكرهيش تكوني صداقات ، كاتخافي من الارتباط حيت کاتعطي اهمية للحرية ديالك و استقلاليتك بالدرجة الاولى عزيز عليك الفضي كثر من الذهبي ، كاتميلي للالوان الغامقة و الموسيقى الصاخبة ، حاستك السادسة التنبؤ يعني شحال من مرة طاحت ليك شي حاجة فبالك و وقعات بصح ، هادشي حتا هو ساهل يتعرف ؟
-هي : ( قاطعاتو) باش عرفتي هادشي كامل! شي حوايج من هادو ماعمرني قلتهم لشي حد!
-هو : ماشي ساهل تكون فلكي ، خصك بزاف ديال الوقت و الجهد
-هي: علاه نتا ماشي موسيقي ؟ فلكي ؟ زعما من دوك
الناس لي كايكونو خبيرين فالابراج و داكشي ديال النجوم و الكواكب و داكشي ! عمرك قلتي ليا بلي