#Harry
جلست انا و بحضني اشلي ولاف يديني حول بطنها هي بشهرها الاخير وتحتاج اهتمام اكثر لان الالم زايد
دارسي بحضن نايل ولوي حاط راسه على كتف نايل اليوم الجمعه سهرنا على فيلم من اختيار دارسي حاولت اخليها تختار كرتون لكن كانت رافضة وتبي اكشن
اكتشفت ان لوي ونايل هم اللي مقنعينها تختاره وهي ماتعرف تقول لهم لا
طلعت امي من المطبخ وبيدينها صحون العشاء لفيت عليها وسمعت اشلي
"لحظه بقوم اساعدك"
ابتسمت ومافكيت يديني من خصرها حاولت توخر يديني
"هاري بساعدها وخر"
ضحكت امي وردت
"لا اشلي اقعدي انتي شايفه بطنك"
قربت وهمست بأذنها
"لاتحاولين مراح اوخر انا قلت مراح تسوين شي بهالبيت"
حاولت تقنعني
"بس هاري .."
"اشششش خلك بحضني انا مستمتع كذا"
لفيت على لوي وابيه يفهم ويقوم رفع حاجب
"اووه انا بروح اساعدها دارسي تجين تساعدينا"
ردت دارسي وهي مندمجه
"عمو لوي اسكت"
ضحكنا عليها وقام لوي مع امي لفت اشلي راسها عن الشاشه راسها على صدري ومغمضه
بست راسها
"زاد الالم"
هزت راسها اي تنهدت
"تدرين لو اقدر اشيل الالم كان شلته"
ضحكت علي
"عارفه حبيبي تدري شلون تقدر"
رفعت حاجب مستغرب
"ها .. كيف؟"
ابتسمت
"لا تخليني احمل مره ثانيه"
ضحكت ورجعت راسي على ورا
"راح احاول المره الجايه"
ضحكت بخفيف ومسكت بطنها عبست
"شفيك؟"
"لا بس الالم هذا غريب"
"يعني ..."
هزت راسها
"لا لا مراح اولد "
ابتسمت ورديت
"اخر مره قلتي هالكلام رحنا المستشفى وجتنا دارسي"
قطعنا لوي
"طيور الحب يلا تعالو تعشو"
لفيت لقيت نايل سابقنا ودارسي تطالع الفيلم شالها لوي على كتفه وهي لافه راسها على الفيلم
حاولت تقوم اشلي قعدتها
"وين قايمه؟"
"بروح اقعد عالطاوله"
ضحكت وهزيت راسي
"لا لا انتي تقعدين وصحنك بيجيك"
"هاري تحسسني اني عجوز"
"لاتنسين انك حامل وبشهرك الاخير وبأي دقيقه بتولدين خلك مرتاحه"
دورت عيونها ورحت لطاولة الطعام سحبت صحن وبديت احط اكل لي ولها سألتني امي
"اخبارها؟"
تنهدت ورديت
"زايد الالم عليها"
حطت يدها على كتفي
"انتبه لها دامه زاد يعني قربت"
كح لوي
"ممكن تسولفون بعدين .. احاول اكل"
ضحكت عليه ولفيت على نايل
"شوف نايل مو مهتم"
رفع راسه نايل
"ها؟"
رد لوي
"انا مو نايل وهالاشياء هاذي تخوفني وما احبها"
ضحكت امي عليه
"نشوفك بعدين مع زوجتك"
هز راسه لوي وهو يبتسم
"اذا زوجتي بتجيب وحده نفس دارسي كل يوم بخليها تحمل"
ضحكت عليه وردت امي
"راح اعطي زوجتك تنبيه اجل"
سحبت صحني وخليتهم رحت لقيت اشلي ماسكه بطنها خفت وحطيت الصحن على الطاوله
مسكت يدها وقعدت جنبها
"تبينا نروح المستشفى؟"
هزت راسها لا
"مجرد انقباضات"
فتحت عيوني
"اشلي خليني اخذك"
شوي ارخت يدها وتنفست عادي لفت علي مبتسمه
"قلتلك مجرد انقباضات"
سحبت الصحن والشوكه قطعتلها واوكلها كلت مره مرتين بعدين مسكت بطنها
حطيت الصحن ومسكت يدها
"قومي قومي بوديك"
صرخت بخفيف وحسيت دموع بعينها وقف قلبي لدقيقه رحت ركضت لهم
"واحد منكم يقوم يجهز السياره بسرعه"
فتحو عيونهم منصدمين قام لوي بسرعه ونزل يشغل السياره امي راحت وجابت جاكيت لاشلي رحت جبت نعالها ولبست اشلي ودموعها تنزل
مسحت دموعها وقومتها دارسي كانت تبكي بس نايل خذاها ودخلها بغرفه ثانيه مسكتها مع يدها وخصرها وامي من الجهه الثانيه نزلنا
بالمصعد
وانا اعد الثواني عشان يفتح لاني مو متحمل اشوف الالم بعيونها لوي كان قدامنا موقف امي دخلت اول وساعدتها عشان تركب
ركبت جنبها وهي راصه على يدي
"تنفسي بخفيف اوكي "
هزت راسها وتحاول تتنفس
لوي لف علي
"هاري سكر الباب وراك"
سكرت الباب ولفيت عليه عيوني حمرا
"لوي بسرعه تكفى"
لفيت على اشلي
"رصي على يدي كل مازاد الالم اوكي"
رصت على يدي بقوه حسيت اصابعي بتتكسر اذا هذا يألم كيف هي امي كانت تتكلم ومو عارف شنو تقول
طول الطريق تحاول تمسك عمرها لكن دموعها تنزل ونفسها يصير اصعب لما وقفنا قدام المستشفى نزل لوي وجو الممرضات فكيت الباب
وساعدتهم تقعد على الكرسي خذوها الممرضات وانا وراهم امي كانت معاي وتبكي
دخلو اشلي وجت الدكتوره وقفتني برا
"اسف ماتقدر تدخل"
"انا زوجها"
"على مسؤوليتك اجل"
"لانها خلاص هذا وقتها"
هزيت راسي ودخلتني غرفه وقفت جنب اشلي ولما شافتني مدت يدها لي
مسكت يدها ورصت علي قربت بأذنها واهمس بأشياء تهديها لفت علي
"هاري اطلع "
عبست
"لا اشلي بقعد معاك"
"هااري اطلع"
سحبتني الدكتوره
"انا اسف لازم اطلعك"
طلعت ولقيت امي جايه لجهتي
"انا بروح نايل يقول دارسي مو راضيه تسكت"
هزيت راسي وضميتها مسحت دموعي اللي ماحسيت فيها
جلست على اقرب كرسي واحاول اهدي نفسي
هاري امسك عمرك مو اول مره هي بتكون بخير لاتخاف
حاولت اتنفس لكن اسمع صوتها اسمع اشلي ضميت رجليني واهز نفسي
راح تكون بخير اشلي قويه بتكون بخير بتكون بخير
قمت من الكرسي ورحت قدام الغرفه رايح جاي رصيت على اسناني
ابي ادخل اكون جنبها اوقف معاها احاول اهديها واذكرها اني جنبها
اول مره لما جابت دارسي كنت معاها طول اليوم صحيح اني كل شوي كنت ادوخ بس كنت معاها
حسيت بيد على كتفي كان لوي
"خلك قوي هاري"
تنهدت وقعدت عالكرسي قعد هو جنبي
"خايف عليها لوي خايف"
"تحسسني انها اول مره"
دورت عيوني
"هي مو على عدد المرات هي على الالم اللي اشوفه بعيونها"
"مو مصدق انك اب هاري انا توقعت انا اكون اول واحد بس شوف عندك دارسي والحين بيجي تومي"
رفعت حاجب
"تومي؟"
ضحك لوي
"اي من الحين اقولك انا مراح اسميه الا تومي"
ضحكت عليه
"اشلي تبي تسميه براد"
ابتسم لوي
"حلو اسم براد . براد ستايلز"
تذكرت اشلي وتنهدت
"دارسي شلونها؟"
ضحك لوي
"دارسي ما سكتك الا لما نايل سوا خروف وركبها على ظهره وامك معاها لاتخاف "
حطيت وجهي بين يديني
"كل شي بيكون بخير كل شي بيكون بخير"
سمعت الباب ينفتح والممرضه مبتسمه
"مستر ستايلز تقدر تدخل"
طق ظهري لوي وقمت فرحان دخلت لقيت اشلي وبحضنها براد قربت منهم وبست راسها
رفعت راسها وعيونها كلها دموع
"هاري شوفه جميل وعيونه خضراء نفسك"
اببتسمت وسحبته منها بسته وقعدت اطالع فيه
"اسمه براد"
ابتسمت لي
"براد ستايلز"
خذته من الممرضه عشان يودونه الحضانه
قربت منها ويديني على خدها بستها
"احبك"
دموعها نزلت ومسحتها
"انا اكثر"
كانت دايخه وتعبانه طلعت واخذوها لغرفتها لوي كان قدامي سحبته
"شفت براد؟"
هز راسه
"لا وينه؟"
مسكت يده وسحبته
"تعال"
وقفنا قدام الحضانه سألتها
"وين براد ستايلز"
اشرت لي على سرير ومن ورا القزاز نشوفه
ضحك لوي
"شكله معصب وجهه احمر"
ضحكت وضربت كتفه
"هييي ولدي"
ضحك لوي وهز راسه
"بس تصدق شكله بيكبر وبيطلع حلو نفس عمه لوي"
رفعت حاجب
"جدا طموح"
وقفت اطالع فيه ولوي سحبني
"خلاص روح البيت بدل ولا شي"
رحت معاه ولما وصلنا نايل منسدح عالارض ودارسي تنقز
"مره ثانيه مره ثانيه"
اول ماشافني نايل
"تعال انقذني من بنتك"
ضحكت وجت دارسي تركض شلتها وضميتها
"شسويتي بعمو نايل"
"عاقبته"
ضحكت عليها
"ليه شنو سوا لك؟"
"اكل الشوكلاته حقتك"
رد نايل
"اقسم هاري انها حقتي"
ضحكت عليه
"اجل لاتشتري شي انا اكله"
دور عيونه وقام
"شخبار اشلي؟"
"نايمه الحين لازم تشوفون براد"
سألتني دارسي
"بابا مين براد؟"
"براد اخوك ماما جابته"
صرخت ولوي حط يده على فمها
"مزعججه"
طقيت يده
"انت اللي معلمها الصراخ تحمل"
جت امي ومعها شنطه
"يلا هاري اخلص عشان نروح المستشفى "
نزلت دارسي ورحت اتروش لما خلصت بدلت وطلعت سحبت لي ملابس لاني بنام معاها هاليومين
حطيتهم بالشنطه ورحت للصاله
"يلا ماما"
لقيت دارسي جاهزه شلتها وقامت امي تذكرت ام اشلي لازم اعلمها ولا بتذبحني اشلي
ركبنا السياره طلعت جوالي وارسلت
"اشلي جابت ولد في مستشفى *** وهي بخير الحين - هاري"
ردت على طول
"انا عندها الحين"
شغلت السياره ورحنا
مع ان اشلي تسامحت مع امها من زمان الا اني للحين مو متقبلها لنها لو تحب اشلي ماسمحت اي شي يصير لها
فهمت اشلي اني للحين مو متقبلها واشلي وافقت واتفقنا على اني ما اكلمها ولا احتك فيها
وصلنا المستشفى نزلت الشنطه وشلت دارسي
"بابا ابي اشوف اخوي"
"الحين بنروح نشوف اخوك اسمه براد"
ابتسمت لي وبست خدها
رحنا لغرفة اشلي ودخلنا كانت امها جنبها وهي نايمه حطيت الشنطه وامي سلمت عليها اخذت دارسي وطلعت بدون ما اكلمها
رحنا الحضانه واشرت لها على براد كانت بتصرخ وسديت فمها
"لا عيب بعدين يقومون"
هزت راسها وتهمس
"بابا عادي ناخذهم كلهم"
ضحكت
"قولي لماما اذا وافقت خذناهم"
مسكتها ورجعنا لغرفة اشلي لقيتها قايمه
دارسي راحت تركض لها
"بشويش دارسي ماما تعبانه"
قعدت على طرف السرير وكلهم كانو يسولفون ودارسي تلعب لما تأخر الوقت واشلي تبي تنام جا لوي واخذ امي ودارسي وام اشلي راحت
سكرت الباب وخفضت النور ابتسمت اشلي والتعب بعيونها
"انت قايل لدارسي بناخذ كل الاطفال اللي بالحضانه؟"
ضحكت
"انا قلت لها تستأذن"
"اها انت اللي بتهتم فيهم مو انا"
"ترضين اتعب؟"
ابتسمت لي
"هاري اذا حسيت باللي انا حسيت فيه وقتها انا اهتم فيهم"
"ما ابيهم دامك معاي"
قربت منها وقعدت على طرف السرير وخرت اشلي توسع لي مكان
انسدحت جنبها وسحبتها لصدري
"نامي اليوم ماخلوك ترتاحين"
لفت يدينها على خصري وراسها على صدري
"احبك"
"احبك اكثر"
"هاري غنلي"
بست راسها
"وش تبيني اغنيلك؟"
"اي اغنيه تعبر عنك"
"همممم اوكي"
بديت اغنيلها وحسيت انها ابتسمت
If our love was a fairy tale
I would charge in and rescue you
On a yacht baby we would sail
To an island where we'd say I do
And if we had babies they would look like you
It'd be so beautiful if that came true
You don't even know how very special you are
You leave me breathless
You're everything good in my life
You leave me breathless
I still can't believe that you're mine
You just walked out of one of my dreams
So beautiful you're leaving me
Breathless
And if our love was a story book
We would meet on the very first page
The last chapter would be about
How I'm thankful for the life we've made
And if we had babies they would have your eyes
I would fall deeper watching you give life
You don't even know how very special you are
اتمنى حبيتو التشابتر الاضافي وماكان سخيف او شي كتابته كان غريب لاني اول مره اكتب كذا
امممم كالعاده صوتو وعلموني شنو حسيتو وانتو تقرون شنو اكثر شي حبيتوه واذا شفتكم حييل متحمسين راح انزل تشابتر زين الاضافي بكره
احبكمم وانتظر تعليقاتكم بليزز
You are reading the story above: TeenFic.Net