| بعد صلاة المغرب |
مّد فنجال القهوة نحو برق ينطق " سم " ويرد عليه بهدوءه التام المعتاد " تسلم " التفت بأنتباه من أردف بتّال بفضول : الا يا برق وش تشتغل
ناظر فيه بأستنكار: مُحامي في المحكمة الجنائية ، وأنت يالبتّال ؟
بتّال بأبتسامه خفيفه يبتلع القهوة: مهندس مبرمج
برق بهدوء: ماشاءلله
أبتسم سفيان بهدوء لان توقع انه يشتغل بمكان يخص القانون عموماً ونطق : وأنت يا بحر
أبتسم مباشرة بحر بخفة : دكتور أستشارة نفسية
ناظر نادر بتعجب للسفيان ماتوقع ابدا ان كلامه بيكون للحظة صح ، أدرك سفيان نظرات نادر والصدمة: ماشاء الله ، مثلي انا خريج كلية طب الاسنان جامعة **** في امريكا
برق بأبتسامه لأول مرة ينظر لها الجميع عدى جزاع وسيف : ما شاء الله
نادر بهدوء يوجه سؤاله للبحر : تجيك حالات غريبة دامك دكتور نفسي؟
ضحك بحر بخفة : أكيد ، اي تجيني حالات
سيف بأبتسامه: مثل أيش
بحر بهدوء يعدد : في منهم تعرض للأبتزاز وفي منهم قلق بخصوص الماضي وفي من يجي بسبب انفصال الأبوين ، يعني كثير وكثير حالات
جـزاع بهدوء: وااوكك عساي على همومي كيف مع هموم الناس
بحر بإبتسامة: بالعكس فوايده كثيرة منها نستشعر النعمة اللي اعطانا ربي في جمع الشمل وقلة المشاكل ومنها يخفف على الطرف اللي يشكي لي
سفيان بتعجب من شخصية بحر : في هاذي انت صادق ، بس صعب حالات كثير وكل يوم تسمع شكاوي
ضحك من كلام سفيان اللي مو لأول مرة يسمعه : لا معليك ممنوع امسك اكثر من ثلاث حالات بالشهر
دخلت الشركة المُمتدة على طول النظر من شدة وساعها المليانة بالأقمشة ومكاتب الخياطين الخاصين في سما وألتفتت مباشرة للأقمشة الخاصة في أصداف وسيدرا وكانت الخياطة تخيط الفستان وأستنكرت كثير بحكم ان ارجوان مشغوله كيف لحقت تكلمهم : السلام عليكم، قواك الله
الخياطة بأبتسامه مليانه بهجة : وعليكم السلام الله يقويك
سمـَا: هذي الأقمشة مُخصصة لشخصين مُهمين ، من مين ماخذه امر التزيين فيهم؟
الخياطة بهدوء: عارفة ، طلب من ارجوان اني اتكفل في تنفيذهم وعندي الى ١٠ رمضان
سمـَا ببهجة : كويس
ما جلست كثير من شيكت على تنفيد فساتينها هي والبنات وطلعت للخارج مباشرة بجو مُمطر عذب ، أطالت النظر للسماء تنطق برحابة صدر : أجتمع شمل المحبة السماء والسحاب ..
أستنشقت ريحة المطر اللي للأبد تعشقها: اووه ياعذبة النظر ويا راحت المُشم .
اتجهت لسيارتها بخطوات سريعة بحكم ان المطر يملي عبايتها ومباشرة ركبت سيارتها تحرّك للمجهول.
| تحديداً في كافيه مُميز لأمجاد |
دخلت وعيونها تدور على الأرجاء ، على مطلبها وساس طلعتها بالكامل ألتفتت حوالي المكان تدور صاحب الكافيه وحب العمر اللي ماهو غير " نـادر " ناظرت للمرة الأخيرة بيأس ثم دفعت كوب قهوتها وشوكلتها المُفضل وكان هذا طلبها في كُل مرة لدرجة الكل يعرفها ويحفظ شكلها من كثرة الجيّات ، جلست بزاويتها المُعتادة وماهي إلا دقائق وجات قهوتها والشوكلت الخاصة في الكافيه وجلست تاكلها وفاتحة ايبادها تعدل على صور المودل اللي تتزين في جلابيات سيمَا وماتنكر ان الفكر وصاحبه نـادر اللي على كثر محبتها له وعلى كثر عشقها وفهمها للأشياء اللي نادر يحبها الا ان شخصيته وبروده وهدوءه ماينفهم نهائياً ولا يوصف في شتى الطُرق ، تتمنى تعرف اسلوبه رغم انها تعرف نظراته وتفهمها وقت يتبادلوا النظرات ، كانت هلوسة كل عاشق تسيطر عليها بشكل ملحوظ جداً ولمستوى عالي.
فز كيانها من واسع خيّال وتعمق فكري رنة إتصال مصدها سما وبلا إستيعاب او تفكير وبدون إحساس: هلا
سما بأبتسامه من توقعت وجود أمجاد في كافيه نادر ومستحيل يغيب هالشيء عن بالها هي و غـاية : هلابك أكثر ، هاه أرتاح القلب ؟
أمجاد بأستنكار تجهل أنهم ينظروا لها من الخارج : مافهمت
أخذت غاية جوال سما بتدخل : تقصد فيه حبيب القلب نمشي وندور كافيه ثاني ونتركك تتأملي ولا مافي عشان ندخل
أمجاد بصدمة : مين قال حبيب قلب وش تخبصوا
بعد مرور ٣٠ دقيقة من الوقت
نطقت بهدوء تطفئ الأيباد بعد ما انتهت وكذالك انتهت قهوتهم ، وحررت نظرتها للمرة الأخيرة من فقدت الأمل من جية نادر : بنات نطلع
سمـَا بهدوء تستقيم بوقفتها: اي يلا
غـاية بهدوء توقف : اي والله لازم اطلع ضروري
وقفت أمجاد تجمع أغراضها من فوق الطاولة وقهوتها المُتبقية وفز قلبها قبّل عيونها ورفعت نظرها بعشوائية تنظر للشخص اللي دخل الكافيه وتنزل أنظارها للأغراض ثم تستوعب ما شافت وترفع أنظارها للشخص اللي صار مُقابلهم لكن من بعيد وبين مسافات طويلة يتغلف بثوبه الأسود اللي يماثل درجة لون شعره وينعكس لونه القمحي ورّقت عروقها ماقدرت تمتنع النظر وخاصةً انها من الضرورة تتوازن قدامه والبنات معها يضحكوا من كثر ماهي فعليا واضحه وتقدموا يمشوا قبلها يعاكسوا طريق النادر يتركوها وراهم وتقدمت نحوه بخطوات ثقيلة يثبت نظره فيها وعيونها تقابل عيونه وقلبها لو بيتشكل بطريقة مُعينة فهي بتكون عبارة عن ضخ شعور ومشاعر .. تحس وكأن الطريق للخروج طويل بشكل مو عادي رغم قصّر المسافة إلا أنها تبادل نظرات نادر وتعجز عن الصد لحد ما تلاقت طُرقاتهم وفاحت ريحة العود والفخامة والرُقي وتعدته وهي تتنهد تنهيدة طويلة بعد ما أستنشقت ريحة عطره الجميلة اللي مايوصفها العجز والمعجزات جاهلة أنه أستوقف طريقه ينظر لها لحد ما غادرت المكان وكمل طريقه يبتسم يعرف انها أمجاد حبيبة الطفولة اللي ما كذبت جيّان بشعوره يوم تعترف قدام الكل أنه يحبها وباقي مثل ماهو بهوى عيونها رغم انه الوصل كان العيون بلا أحاديث بينهم إلا انه يعشق وبجنون فكرة ان محبوبته تجي للمكان هذا بحجة الشغل ويحفظ تفاصيل ملامحها بحكم انها مُحجبة ... وبعد تفاصيل التفاصيل ركبت سيارتها تتمسك بقلبها اللي ينبض بجنون ما يستوعب انه شاف الخفاق اللي قادر يخفق دمها وشعوره وقلبها وحركت سيارتها تبتسم من شافت سما تبتسم وتغمز لها غمزة النهاية بمعنى انك للأبد واضحة للسماء صاحبة الطفولة.
دخلت مع الباب الخلفي للبيت ماتبي تصادف أحد ودّها تختلي في نفسها وبشعورها وبس ماحست في نفسها الأفي جناحها من حررت الطرحة تحرر يدّها على مستوى رقبتها بتوتر وأبتسامة مُبهجة من تذكرت تفاصيله وريحة عطره ومباشرة فتحت أيبادها تتأمل تفاصيل التفاصيل تعشق هالصوره بشكل مو طبيعي لدرجة منزلتها بوست بالأنستا ومغبشة على ملامح النادر لجّل ما يشوفها أي احد غيرها .
نهار اليوم الثاني..
نزلت من سيارتها وتوصي السواق ما يبعد كثير وتنظر للعيادة بهدوء وتاخذ خطواتها بهدوء تدخل وتتجه لصاحبة المواعيد تنطق بهدوء: السلام عليكم
الموضفة : وعليكم السلام ، سمي ؟
بيان بهدوء: أبد والله جيت أسال ليه مافي مواعيد فترة رمضان وفي برنامج صحتي يطلعلي مافيه دكتورة فيه دكتور؟
الموضفه: اي الدكتورة نقلت لعيادة ثانية وصار مافي دكتورة بس دكتور والمواعيد تبدا من بعد العيد عشان الدكتور بيبدا فترة تدريب
بيان بهدوء: اووه ، طيب أحجزيلي من عندك
الموضفه بهدوء: أبشري ، عطيني هويتك
بعد عدة أيام .. نهاية الأسبوع .. مزرعة الجد عبدالعزيز نقطة تجمع الاحفاد والاخوان ..
" سيارة سـعود "
فيها سما وجواهر وسعود اما العيال كل واحد بسيارته وسما أتفقت مع البنات بس ثنتين يجيبوا سياراتهم وكانوا أمجاد وغاية عشان لما يقرروا يطلعوا بالويكند مع بعض ، سكر سعود مكالمته مع اخوه عبدالله بحكم ان عشاهم هالليلة على اخوهم عبدالله ابو نادر وبيان ، التفتت له جواهر بهدوء: أجل ناديت متعب وعياله وحدهم؟
سعود بهدوء ينظر للطريق اللي اقترب لمزرعة ابوه المرحوم : جلسوا مع العيال والعيال حبوهم ودخلوا فيهم وعزموهم ووافقوا بحكم ان نادر اللي ابوه صاحب العزيمة .
نزلت وهي تنظر لكمية السيارات الكبيرة اللي كانت واقفه تعلن نزول الجميع بحيث سيارات اخوانها جزاع وسيف وسيارة سفيان اللي وراهاه سيارت ابوه جسار مع زوجته ثم سيارة غاية ومن ثم سيارت عروب مع بتّال و عبدالله منزمان واصل وبعدهم سيارة نصار اللي معه بناته الثنتين بسيارته كذالك سيارة برق وسيارة بحر، والمكان منتشر بالسلام والتراحيب ونادر اللي واقف يستقبلهم لحد ما شاف سيارة بتّال اللي وراها سيارة أمجاد اللي نزلت تطلع الأغراض الخاصة فيها وتخبي عيونها بنظارة شمسية وتحاول ماتنظر لجّل ماتتوتر وتقدمت لباب أمها لجّل تشوفها وبهتة ملامحها من شافت نادر واقف وامها فاتحه نافذة السيارة تتبادل الحوارات مع نادر اللي يضحك في بهجة جاهل قلبها وكلّها اللي أنسرق منها تماما تنحنحت بهدوء لحد ما تلاقت عيونه بعيونها وأنتبه لوجودها ومن ثم أعطاها ظهره يستأذنهم ويتجه لسيارة سفيان اللي كان توه نازل من سيارته ، أدركت عدم أهتمامه وبغيض : شايف نفسه الكريه
جهةٍ سما بهدوء تنظر حواليها بهدوء تعرف كل عيال عمانها وتحبهم وتعتبرهم مثل الأخوان لكن أستكنت ملامحها على أثنين بيناتهم جداً غريبين وأساسا مو باينه وجيههم بحكم ان بحر وبرق معطين ظهورهم لمحارمهم من زود الأحترام والتقدير .
مد النظر للمرة الثانية ينظر لأمجاد اللي تمشي مع سحاب وجيّان وغاية من استوعب انه بين لها التجاهل وهو كل مقصده ان اخوها مايتحسس او امها لكن شاف التجاهل تماما والواضح انها حزت في خاطرها ولو بالقليل لان التواصل البصري صار معدوم فعلياً .
" بالداخل - البنات "
جلست سما بتعب من الطريق والصيام ونطقت بهدوء: بنات يبغى له قهوة
أمجاد بأبتسامه: اي والله متى يأذن بتقهوى ما باكل
بيان بأبتسامة ترتب اغراضها: قايلة لنادر يجيب لي بُن قهوة من كافيهه
غـاية بأبتسامه تستفز فيها امجاد : يووه عاد قهوتهم مرره حلوة
سمـَا بأبتسامة من فهمت مقصد غاية: ايي والله مرره لذيذة
بيان بحسن نية : اي مرره تعجبني ومعتمدتها أصلا لو أغير جلدني نادر
دخلت عليهم جيّان بحين نية : بنات تعالوا نساعد أم نادر في تجهيزات الفطور
بيان بهدوء: يلا اساسا كنت بروح لها
أتبعتها بخطوات سريعة ووقفوا البنات بهدوء يتبعونها لجّل يساعدوا زوجة عمهم للفطور عشان مابقى كثير أساسا على الأذان لكن مجبورين يجهزوا من مبكر عشان السفرة تكون جاهزة بأستثناء أمجاد اللي أخذت أغراض القهوة ناوية تجهز لها وللبنات أللذ كوب قهوة يمخمخوا فيه بالفطور وبعد الفطور بيان ترجع تسوي لهم
المجلس الخاص بالرجال .. بحيث جمعت الأعمام اللي تختلي من الأحفاد اللي كلّن منهم جالس يساعد اهله في تنزيل الأغراض ، بأستثناء برق وبحر اللي واقفين مع جزاع يتبادلوا أطراف الأحاديث لحد ما أخذهم جزاع لجّل يسلموا على أعمام جزاع بحكم ان ابوهم متعب جالس معهم ويعرفهم من سنين طويلة ويعرف طبع كل واحد منهم والأهم نصار ، دخل جزاع ورا برق اللي بدأ يسلم بالدور عليهم وابوه يعرفه على كُل واحد منهم لحد ما أستوقف قدام نصار اللي يوضح منّه عدم الأحترام اللي اساسا ما درسه ، مد يده يصافح نصار ويطيل السلام والشخصنة تقطر في عيون الـبرق بأنزعاج مع انه يجهله لكن عيونه مُستفزة بشكل مو عادي وتنرفز اكثر من ألتفت نصار وهو لا زال مصافح برق اللي بحدته القوية راص على يده : ما شاء الله ياسعود لقيت لك الأنساب؟ ولا ليه تعرفنا عليهم؟
رص على يده بقوة تجعل نصار يلتفت عليه وهو يكره انه يرمي الكلام في مجلس ناس يحشمونه لكن قليل الخاتمة يبقى قليل ، ناظره في حدة يجهل نظرات متعب وجزاع اللي من وراه : لنا الشرف في نسبهم ونسلهم !!
أبتسم جزاع بسخرية ينظر للنصار اللي بانت حدة ملامحه وخاصة من وصلته الذكرى له هو وابوه كيف ان برق برد خواطرهم بشكل يرضيهم بدون ما يعرف ، ربت على كتفه بهدوء يتبعه مع بحر لحد ما يجلسوا جميع مع الرجال بحيث جزاع بالنص هو وبرق ويحاوطهم متعب وبحر .
متعب بغيض يهمس له : ليه تتكلم عن نسبهم وش قصدك؟
الـبرق بجمود : ماقصدي شيء والنعم فيهم وبس
متعب بهمس : انت الحين توضح لهم انك تبي نسبهم وتبي بنت منهم!! استوعب
أبتسم جزاع وهو سامع كامل الحديث بالهمس ونطق بهمسهم : ياعمي أحنى اللي لنا الشرف نعطيه من بناتنا !!
متعب بأبتسامه: نعرفكم من سنينً طويلة ينرفع فيكم الراس
أبتسم جـزاع بهدوء ، ينظر للبرق : الله يبرد خاطرك مثل ما بردت خاطري
أذن ومباشرة مدة كوب القهوة للسماء أما البقية رفضوا يشربوا لحد بعد الفطور اما أمجاد وسما شربوا كوب الموية وبدأوو يأكلوا أشياء خفيفة مثل الرولات او اللقيمات ، ويتقهووا ويسولفوا بعكس باقي البنات اللي بعضهم يحب ياكل بعد الصلاة وبعضهم ياكلوا ، نطقت سما بهدوء كونها جالسة بجانب أمجاد: أمجاد وش فيّك ساهية؟
أمجاد بهدوء ، كون كُل شيء قادر يشغل بالها : ابد سلامتك ياعمري ، راسي يوجعني شوي
سمـَا بهدوء: إذا فيه شي مضايقك لا تتركينه بأعماقك
أمجاد بهدوء: لا ماعليك، بس سمعت حريم اعمامي مع أمي بينادوا أحد ؟ مين؟
سمـَا بأبتسامه: أيوة بكرا رح تجي أم برق صديقة ماما هي وبناتها.
أمجاد بأبتسامه: تعرفينهم؟
سمـَا بهدوء: أي وبناتهم مرره عسلل
الرِجال - بعد صلاة المغرب - جهة بعيدة
جـزاع بإبتسامة حزن : هاذي السالفة سلمك الله
الـبرق بدهشة وحِدة : عجيب ، يعني أنت صامل
جـزاع بهدوء : وش اسوي مابيدي شيء قلبي يحبها
الـبرق بهدوء يحرر نظرته : بتعطيه المهر؟
جـزاع بهدوء يمليه الهم : أي بس انتظر حوسة العيد تخلص
الـبرق كانت شخصية تصعب عليها الاستسلام وهذا الشيء ربطه في جزاع كثير : تهون أن شاء الله ، إذا احتجت شيء انا موجود
جـزاع بهدوء: ماتقصر
عند الرجال - بعد رجوع جزاع وبرق
دخل برق بعد جزاع وهو ينظر لـبحر اللي كون صداقة كبيرة مابينه وبين سفيان للدرجة اللي يتعمقوا في السوالف وكلها بخصوص تحليلات الشخصية.
جلس بهدوء جنب أبوه ياخذ فنجال القهوة ويحرر نظرته للبقية ، سكت داخله من نطق سعود : كيف شغلك يالبرق هالفترة
الـبرق بهدوءه : الحمدلله بخير
كمل وهو يحول نظره لنصار : هالفترة ماسك قضية وحده بس في حال عندك ياعم مشكلة أنتظرك!!
نصار بأبتسامة سخرية: أنا يمكن إحتاجك
نصار بأبتسامة سخرية: أنا يمكن إحتاجك
بـرق في ذات السخرية : لا قـّدر الله
سفيان بهدوء: هديها يالـبرق
الـبرق بسخرية : الحمدلله راييق ومتهني
العم جسار بهدوء: الأ اقول يامتعب وش رايك تنام الليلة عندنا أنت وعيالك بدال التردد والروحه والرجعة
متعب بهدوء: مهنا زينها والله لكن ما جهزنا شيء وانت خابر
عبدالله بأبتسامه: تتيسر أن شاء الله وان احتجتوا شي السواقين موجودين
متعب بأبتسامه: والنعم فيهم ، بشوف عن الوضع أول
جهة البنات بجلستهم الخاصة ...
مسكت غاية جوالها تصور بيان اللي جالسه تسوي القهوة وتصب الموية بهدوء وتنطق بعز تصويرها بتعزيز : اووه الباريستا بيوووننيي
ناظرت فيها بيان بهدوء تبتسم ثم ترجع تتعمق في قهوتها والمناكير الأحمر يبرز مدى البياض وعذب الجمال القتال بحيث عيونها السود الوسيعة اللي يزينها أيلاينر اسود يبين حدة عيونها اللي يستقر بجانب عينها شامة وننزل لنفس المستوى متوسط رقبتها شامة وكذالك تحتها نهاية الرقبة تُختم بشامة ، وشعرها الأسود القصير اللي يادوب يغطي رقبتها شفايفها المليانة والمرسومة بشكل قتّال يسين دقنها أيضاً شامة وهذا اللي ورثته من امها واللي هو ' صُغر الشامة ولفتة إنتباهها ' هذا الشيء كافل يجعلها قتّاله بشكل مو عادي نهائيا .
#خيّل_نجد_قاصيها_ودانيها
انتهينا🩵🩵
اتمنى اني ارضيتكم لانها 6000 كلمة اول مرة اوصل العد هذا من الكلمات 💅🏻
ملاحظة اللي سألني عن التنزيل فبيكون كل ويكند ‼️
انستا وتيك : @hiaxars
تشرفوني🩵
You are reading the story above: TeenFic.Net