#انتقام _الضابط _ رسلان

تفاعلو حبايبي 😞🤍

بارت طويل لعيونكم...♥️

القرار الذي تشعُر بصعوبته تأكّد إنه الصَحيح .

••••••••••••••••••••••••••••••••••••
إيلين*

الحياة تجارب كل شخص مر بتجربه اكو نجح بيها واكو الي فشل بيها وطلع بخسائر وهاي اني مجنت افكر غير بــ الشخص الي حبيته الي عتبرته سندي من بعد ابوي واخوي الي جان بالنسبه الي حياتي كلها بس كل شخص يتعلم واني تعلمت ماثق باحد

كاعده گــبال المراية اباوع لنفسي
ابتسامتي مزينه وجهي شعري الي على كتافي عيوني المجروره ملامحي الطفوليه
اهلي وافقو ويامحلى هاي الكلمه من سمعت موافقين وفرحة رسلان حيل جبيره ضل يتغزل بيه عبالك صار سنين ينتظر!
قررو نروح نشتري الحلقات وفعلاً رحنا واجت ام رسلان و امي ويانا طول الطريق يتحارش ويغمز علمود محد ينتبه شترينا الحلقات والذهب اشتريته حيل نازك ماحب الهوسه رجعنا وحجزنا الفستان والكوشه والكيك الخطوبة تحددت  بعد يومين اجو خوالي وخالاتي وعمتي طبعاً ماعندي عمام او هذا الي جنت اعرفه!
البيت نملى جهال ونسوان ورياجيل وكومه
اجن بنات خوالي وخالاتي سون جسمي وطبعاً ماتخلى من الضحك والسوالف كملنا كلشي ومر اليومين واجه يوم الخطبة اليوم الي راح اتسمى بأسم الشخص الي حبيته ! كعدت من الصبح فرحانه خابرني رسلان فتحته
::. الووو حبيبي شلونك

رسلان::. ها يروح حبيبك انته شلونك

بتسمت ورديت ::. يعني متجوز اله تحجي ويايه بصيغه ولد

رسلان ::. شسوي اذا انته تخبل وتنگرط گرط وبعدين بس اليوم وتصير حلالي واعلمك

برطمت ::. يعني راح تضربني
سمعت بس ضحكته بتسمت

رسلان::. ههههههه اخخخ اموت عليك
اني مضربك اعلمك على غير شي
تگوم تحبه بعدين

سديت التليفون منه ادري بيه راح ينزل على الترابي بدلت علمود نروح للصالون اجت ويايه بت عمتي وبت خالي ثنيناتهم مزوجات واكيد اجت نونه رحنا للصالون وصلنا وليد دخلنا اول شي بلشت تحف وجهي جان شعر وجهي حيل خفيف واشكر ميبين وراها سوتلي ماسكات وجهي حيل تغير بلشت بالمكيااج كتلها خفيف وفعلاً سوته وطلع يجنن وجهي حيل تغير ضليت اباوع على نفسي مصدومه والبنات والي بالصالون كامو
يصلون على محمد بلشت بشعري تسريحه بسيطه وفعلاً حيل حلووو طلع
بلشن البنات يسوون مكياج طلعو حلوات لبست فستاني جان حيل حلو وبسيط
كان يشبه هذا الفستان

خابرو وليد علمود يجي يأخذنا اجت نوره عليه مدلتي تليفوني باوعت عليها مستغربه
ابتسمت بخبث وكالت

نوره ::. زوجج يريد يحجي وياج

خزرتها واني احاول اتحكم بابتسامتي ضلت تضحك اخذت التليفون منها فتحت الاتصال اخذت نفس ورديت ::.ها حبيبي
صوت هوسه يمه جاوبني

رسلان::. ها يبعد حبيبج كملتو ؟

::. اي كملنا كاعدين ننتظر وليد

رسلان ::. خوش حبيبي سمعي زين
من يجي وليد تلبسين البرگع اذا شعرايه طلعت متلومين الــه نفسج خوش بنيتي ؟

يبوو هذا شكد يغار موتني حمحمت ورديت ::. خوش حبيبي يله راح اروح اجه وليد

رسلان ::. تمام بنيتي

سديته منه وسويت مثل مگال اجه وليد صعدت بالسياره الحمدلله جان الفستان مو هوسه رفعت شويه البركع الطريق كله يهوسون ويرگصون وليد كلساع يباوعلي عيونه مغرغره بالدموع ميريد يضوجني لزمت ايده بتسملي وصلنا للبيت واخيراً ساعدوني البنات دخلنا للبيت
صوت هلاهل هوسات

::.فصوص روبه ياكفاها منين دورها ولگاها

ابتسمت والفرحه بداخلي غامره احساس حلو وبنفس الوقت خوف ! شفت امي عينها مدمعه تقربت مني باستني حظنتها اريد ابجي وصاحو عليه كعدوني ع الكوشه جانت بسيطه وحلوه نسوان كومه خدي راح من البوس من بين كل النسوان شفت اسيل بتسمت بفرح تقربت مبوستني

اسيل ::. الف الف مبروكك حبيبتي

::. اسوله حبيبتي يوم الج

باوعت مبتسمه ضلينا نطك صور بلحظه كالو اجو اهل العريس هنا انتهيت كمت ارجف تعالت اصوات الهلاهل والهوسات والطلق دخلو اهله وخواته يهوسون

::. احنا خوات العريس واليوم نلعب جوله

. تقربت مني عمتي ام رسلان مبتسمه بفرح كمت وكفت احترام الها باستني بستها براسها اجني خواته ديمه و روان
فرحانات طالعات حلوات ضلو يركصون مكعدو دقيقه وحده وخاصه امه مكعدت ولا دقيقه عبالك جانت مأيسه يتزوج

مو وقت وكالو راح يعقد الشيخ
هنا مكمت احس باطرافي توترت حيل
حطو كرسي يم الباب وجابو طاسه بيها ماي وهيل حطيت رجلي بيها وحطو بحضني قران بلش الشيخ يحجي

::. إيلين بنت فارس هل تقبلين الزواج بــ رسلان بن حازم زوجاً لكي بمهر مقداره (......) واذا قبلتي قولي نعم وانتَ وكيلي

بهاي اللحظه احس فصلت من الدنيا اريد اكول نعم بس الكلمه متطلع من حلكي اطرافي كامت ترتعش الكل منتظرين مني جواب كرر الشيخ كلامه باوعت عليه امي تطمني بنظراتها خوف بگلبي احس راح تدمر حياتي بهاي الخطوه غمضت عيوني اخذت نفس واردفت ::. نعم وانته وكيلي 

ثلاث كلمات فقط ماكنت اعرف معناهن معرفت وره هذني الكلمات دمار حياتي

::.رسلان بن حازم هل تقبل الزواج بـــ إيلين بنت فارس زوجةً لك واذا قبلت قول نعم وانته وكيلي

اردف بـــحة وصوت رجولي ::. نعم

تعالت اصوات الهلاهل اجوي اقربائي باسوني وباركولي تقربو مني عمة ام رسلان عيونها مدمعه ضلت تبوس بيه واجن البنات كلهم يباركولي
علگو الاغاني وضلو يرگصون نص البنات راحو للمطبخ يجيبون الكيك حطو الكيكه كانت حلوه حيل عليها حلقات وطابقين
كاتبين عليها رسلان 💍 إيلين
كالو بصوت عالي

::. راح يدخل العريس لبسو الحجابات

اطرافي ثلجت ايدي كامت ترجف البنات طشارهم صار ماله والي شويه وامه وخواته واقربائه ضلو يهوسوله

::.اخونه خوش اخو يستاهل الهوسه

رجف گلبي من شفته لابس قميص ابيض ضاب على صدره بنطلون اسود وساعه مزينه ايده فاتح اول دكمتين من القميص عطره سابقه تقرب باس امه من راسها وخواته وتقرب من امي ايضاً باسها من راسها واخيراً ندارلي باوعلي بنظرات غريبه معرفت افسرها تقرب مني باس راسي وهمس

رسلان::. الف مبروك إيلينتي

بخجل ::. الله يبارك بيك

كعد بصفي مبتسم كلساع يباوعلي اخر شي اردف

رسلان ::. شطالعه اليوم

::. حلوه ؟

رسلان ::. تخبلين ياروحي

باس ايدي خجلت حيل جابو الحلقات واحد لبس الثاني وبعدين جابو الذهب لبسني كلهن بس من وصل للكلاده سوه نفسه يسدها حط خشمه قريب ركبتي اخذ نفس قوي وبتعد احس راح اموع من الخجل وهو ولا همه قطعنا الكيك وشربنا بعض من الببسي كملنا المراسيم شويه وطلع وهنا بلشنا طلعت كل فرحتي بالركص لحد ماا كعدت على الكوشه مهدود حيلي والبنات يضحكن عليه اجت امه وكالتي يريدج بالاستقبال هزيتلها راسي اجتي نوره جددت الحمره بتسمتلي برضى رحت وكفت كبال باب الاستقبال متردده فتحت الباب  ريحةالجكاير ماليه الاستقبال
مغمض عيونه ويسحب نفس من الجگاره فتح عيونه يباوعلي ارتبكت من نظراته كام من مكانه طفه الجگاره وصار يتقدم مني واني ارجع ليوره لحد ملزكت ع الحايط تقرب ووكف كبالي وجهه كبالي وجهي انفاسه تلفح بشرتي غمضت عيوني مأخذه نفس حط انفه ع خدي جر نفس حيل قوي ايديه حاوطت خصري حط ايده وره ظهري دافعني عليه واني شويه واموت من الخجل نلزك صدري بصدره رفعت عيني بعينه نظراته غريبه
حب حزن شفقه حقد  ! ليش جاي اشوف نظرة حقد و شفقه بعيونه ليش ؟نسيت كل هذا من نزل راسه وطبع شفايفه ع شفايفي ضليت مفهيه مادري شنو اسوي اول مره احد يبوسني ضل يأكل شفايفي اكل بتعد بعد فتره يياوعلي بعيون ذبلانه همس بـصوت ذبلان

::. احبج

باوعت عليه مبتسمه ماعرف شنو اكول او احجي مكلت شي غير ::. واني اموت بيك

يــــتبـــع....؟

••••••••••••••••••••••••••••••••••••