‏
في

#انتقام_الضابط_رسلان

ضُمني ولا تِگلي النَاس ، أنتَ النَاس .

••••••••••••••••••••••••••••••••••••

إيلين ::. مرت الايام وهو كل يوم يدزلي ويتغزل بيه ويجي للجامعه من بعيد يشوفني ويروح اتعلقت بيه كمت باليوم الي ميتصل احسه فارغ يمكن حبيته !
افتقده حيل اطلع صورته دائماً اتأملها هيبته وشخصيته عيونه الي تجذب ولا شواربه الي زايدته وسامه طوله وضخامته
وارجع اصفن واكول ماكو حب مجنت أمن بالحب بس من اشوف نظراته وغزله احس باحساس حيل غريب دائماً يكلي احجيلي شنو تحبين ومتحبين نضل نحجي للصبح حيل يحرجني من يتغزل ويكول كلام يخليني اموت من الخجل
مثل كل يوم بليل نحجي بس صدمني بسؤاله

رسلان.... إيلي تحبيني ؟

انصدمت شلون عرف ضربت گلصتي يعني شلون اكيد اذا احجي وياه للصبح شلون ميعرف بلعت ريكي بخجل وارتباك
رجع همس

::.إيلي تسمعيني

إيلين.. مجاوبته حيل خجلانه سمعت صوت جداحه عرفت شرب جكاير
زفر نفسه وكال بـــحه كتلتني

رسلان.. تحبيني إيلينتي

نوب إيلينتي هو اني يكلي إيلي اخرب واموع مو عاد ضايف ياء التمليك همست بخجل وارتباك ::.هااا مااا دري

رسلان... ههههه بويه اي لو لا ؟

غمضت عيوني مأخذه نفس همست ::.
اا اي
مسمعت بس صوت وگعت الكرسي وصوت ضحكته بفرح

رسلان ... اويليييي يالكعبه اموت عليجج تدرين لو لا !

فرحت حيللل وهو يكول هيج ابتسمت ::. لا مادري

رسلان .. راح اضل اكولها لحد متحفظيها

نزلت راسي خجلانه افرگ بيدي
رجع همس

رسلان....سمعيني صوتج بنيتي اروح فدوه للي تخجل كون اعض خدودج الحمر هسه و

قاطعته ميتة من الخجل ::. رسلانننن
رد بصوت ذايب

رسلان.... روح رسلان وگلبه

بلعت ريكي مادري شنو اكول ضاله صافنه على الموبايل اني ثوله احط نفسي بمواقف بايخه ضل يحجي ويايه ويضحكني يريدني اتخلص من الخجل وفعلاً كدر يؤخر مني الخجل ضلينا نحجي لحد مردت انام ترخصت منه  قبل لسد لاتصال گـــال

رسلان.... بنيتي لتسدين الاتصال بقيه مفتوح اريد انام على  صوت انفاسج

عزاا متت من المستحه معرفت شنو اگول
رديت بأرتباك ::. ت تمااام
حطيت التليفون قريب مني غطيت بالبطانية انفاسي متگطعه
همس بصوت ناصي

رسلان.... إيلينتي تنفسي تنفسي على گيفج

اخذت نفس وزفرته مغمضه عيوني لحد مانمت كعدت ثاني يوم الصبح لگيت الاتصال مسدود بتسمت واني اتذكر من اعترفت بهذا اليوم جنت حيل فرحانه مجنت اعرف بالمستفبل شنو مضموملي
كمت صليت ودعيت ربي يوفقني ويه رسلان اذا جان الي خير كملت ورحت سبحت نشفت شعري ولبست ملابسي وحطيت مكياج نزلت جوه شفت نونه كاعده صبحت عليها ردت عليه ضليت انتظر ابو الخط ونونه تحضر اكل لوليد
اجه ابو الخط صبحت عليه رحنا لاسيل وصلنا للجامعه وكعدت اسولفلها الي صار تسوي حركات مال مخابيل عود مصدومه موتتني ضحك عليها

اسيل... لك عمي هنيالج اكو واحد يحبج وكبل عترفلج مو نفس الي عندي سنتين اله اعترف وموتتني شالع گلبي وهسه جاي يعوض ايام قبل

إيلين .... متتت ضحك عليها تحجي بحرگه گلب طبعاً ارتبطوو واخيراً هيه ومهيمن بعد عناء طويل وره مصارت العركه بيوم هو اعترفلها وهيه عود سوت نفسها ثگيله وره بنهاية الدوام كلتله تكول ماتحمل واني مصدكت اعترف ضلينا كاعدين لمحت رسلان واكف گبالنا! يباوعلي نفس هيبته وشخصيته جگاره بيده لابس مناظر زايدته هيبه انتبهلي اباوعله غمزلي مبتسم عزااا متتت وجهي صار احمر دم من اخجل خدودي تصير حيل حمر نتبهت اشرلي على التليفون دزلي رساله اخذ روحي بيها بدون وعي الابتسامه شگت حلگي كاتب ::.

خدج لو يصح فنجان عشر سنين       ماهزة♥️

احس فراشات بطني ماعرف شنو احجي بس رفعت راسي وابتسمتله نزل نضره على شفايفي عض شفته دغتني اسيل مصدومه ::. ها شبيج

اسيل... لج شلون هيبه عليه

ضربته على ايدها وباوعت عليه من صدك هيبه ضل يتقرب لحد موگف كبالنا وجه كلامه الي

رسلان... ممكن نحجي وحدنا ؟

باوعتلي اسيل وغمزت كامت وكفت
كالت

اسيل .... احم ايلين اني اروح للكافتريا عود انتظرج هناك

هزيتلها راسي بارتبارك ضليت افرك بايدي بقلق كعد بصفي يباوعلي

رسلان....إيلينتي

رفعت راسي عينه بعيني نظراته غريبه حيل يمشي عيونه على كل ملامح وجهي
همس بصوت ذبلان

رسلان... احبج

اخذ روحي بهل كلمه عضيت شفتي بخجل واحاول ماخلي عيني بعينه نزل عينه على شفايفي عض شفته
بسرعه حمحمت بخجل راح اموت من الخجل رجع گال

رسلان...شنو متحبيني ؟

إيلين.... لااا احبكك

رسلان ... اويلي يالكعبه

نزلت راسي مبتسمه رفعت راسي بصدمه واني اسمعه شيكول

رسلان.... باعي بنيتي اني اريدج حلالي اكدر الزمج واحجي وياج حضري نفسج هذا الاسبوع اجي اخطبج

فتحت عيوني على وسعهن فرحه على خوف ميلعب عليه يريدني حلاله ابتسمتله وهمست بصوت ناصي ::. تمام
ابتسملي وراح ركضت بسرعه للكافتريا حجيت لاسيل هيه هم گيفت رجعت للبيت واني حيل فرحانه فرحه بگلبي جبيره مجنت ادري حياتي راح تنتهي بهذا الزواج ................

يـــتبـــع ....؟

•••••••••••••••••••••••••••••••••••

الاحداث راح تبلش من البارت الجاي كتبولي اذا القصة حلوه او لا ♥️😩