# انتقام الضابط رسلان

رأيكم بالقصة ؟

كسرة إيلين ؟

توقعاتكم للاحداث القادمة ؟!

برائيكم رسلان اله حق ينتقم من إيلين ؟

<.......................>

الحقيقة انني عُدت مره آخرى الى الصفر ، عدتُ لسكوتي واختياري للعزله ، عدتُ لقله الكلام وعدم الرغبة في التواصل مع الجميع . .

<••••••••••••••••••••••••••••••••••>

إيلين *

هو هيج شعور الفرح والخوف والتوتر اليوم يوم الــ راح اصير بيه لــشخص الحبيته احنا جنس حواء من نكره نكره ومن نحب نحب عكس جنس ادم بهذا اليوم كانت فرحتي ماسايعتني ماتوقعت بهذا اليوم راح انكسر ! انخذل ! من اكثر شخص حبيته يمكن اكثر من نفسي كعدوني من الصبح اهلي ضايجين ضليت حاضنتهم وابجي صعبة اعوفهم احبهم اكثر من نفسي باسوني وميردون يحسسوني انُ مقهورين باوعت على وليد الدمعه بعينه سودة عليه فتحلي ايده ركضت لحضنه واني اشهك حضني ويبوس براسي هذا مو بس اخويه صديقي و حبيبي وابويه وكلشي بحياتي

وليد ::. يــابــعد اخــوج روحي انتي بنيتي كبرتي راح تصيرين عروس

رفعت راسي من صدره مبرطمة وابجي گرصني من خدي ورجع حضني همست ::. احبك حبيبي
بتسملي بحب وباس راسي بعدها اخذوني للصالون بلشت تسويلي مكياج ... طبعاً العرس راح يصير بس زفة لان سوينه حنة بالقاعة يسوون زفة ومناك للفندق مااجذب خايفة حيل گلبي مقبوض ويوجعني احس راح يصير شي غمضت عيوني متنهده فزيت ع صوت البنية تگول

::. حبيبتي فتحي عيونج

فتحت عيوني مصدومة من شكلي حرفياً حرفياً المكياج يجنن احلى من الحنة والخطوبة حيل حلووو و مو ثگيل لا بالعكس مكياج خفيف بلشت بالتسريحة سوتها ايضاً بسيطه فرحت من شفت شلون المكياج محليني تحمست حتى رســلان يشوفني ! كملت مني وبلشت بالبنات مر الوقت لحد مصارت
بــ ٤:٢٠ ساعدوني البنات علمود البس البدلة

كل الي بالصالون صلو على النبي باوعت على نفسي جنت من صدك طالعه حلوه
اتصلو على وليد واجه اخذنا وطبعاً اهم شي البرگع وصلنا للبيت دخلوني رفعت البرگع كامو يصلون على النبي اجت امي ميتة بجي نزلت دموعي والبنات يصيحون المكياج المكياج حضنتها وعيه تمسح على راسي وتبوس بيه بيت ايدها وراسها اجوي البنات عدلو المكياج احس اعصابي تلفت خوف والدمعه بعيني ثــواني بس وصار طلق وهوسات ورگص فز گلبي عرفت اجه اريد ابجي گلبي ينغزني اكو شي عبالك يكلي لتروحين راح تدمرين نفسج اخذت نفس وقريت سورة تنهدت صار صوت حيل عالي گالو راح يدخل العريس ضليت اهفي على وجهي دخل وتعالت الهوسات والهلاهل عطره سابقه لابس قاط فاتح اول دكمتين طالع يخبل تقرب مني نظراته موتتني باس راسي همس ::. سبحان الله
نزلت راسي بخجل لزم ايدي وطبع شفايفه عليهن تقدم ابويه و وليد

بتعد رسلان لازم ايدي اجه ابويه باس راسي نزلت دموعي حضنته بكل قوتي
::. باباا

ابو وليد ::. يروح ابوج ابني رسلان اني نطيتك شمعة بيتي ومدللتي هاي روحي من الدنيا اريد ابد مازعلاها و اذا زعلتها تلگاني بوجهك

اسمع كلامه واني ميتة بجي وهم يصيحون علمود المكياج بتعد ابويه واجه وليد باس راسي وحضني حضنته بكل قوتي بتعد وحاوط وجهي باس خدي واردف

::. بنيتي إيلي لتبجين دائماً تذكري عندج اب سند واخ بظهرج

هزيت راسي مبتسمه ودموعي على خدي بس شي خلاني استغرب واتفاجأة رسلان عاصر ايده بكل قوته عيونه حمر وعاكد حاجبه مهتميت كل الي همني اهلي اجت نوره بوستها كومه وهيه تحاول تخليني ابتسم اخذت تيم شلته وهو يبجي

تيم ::. لا اوفيني اهبج إيلي

::. يروح إيلي انته

بوسته كومه وهو يبجي حاط وجهه بركبتي ويبجي شات راسه وبوسته باسني واخذته نوره صار لازم اروح هنا صدك نهاريت ودعتهم وعفت گلبي يمهم صعدوني بالسياره كعد بصفي لزم ايدي ضغطت عليها كانو استمد قوتي منه تحركت السياره ودعت طفولتي حياتي توجهنا للمصورة عدلتني وسوينا لقطات كانت حيل جريئه نصدمت من شفت رسلان مگيف بتسمت ورجعنا للسياره ضلوو يفررونا لحد موصلنا للفندق اطرافي احسها جمدت نزلنا صعدنا بالغرفة متوتره وخايفة باوعت داير مدايري السويت حيل حلووو بمعنى الكلمه مجنت اتوقع راح تدمر حياتي بهذا المكان وبهاي الغرفة اجتي ديمه وام رسلان ينصحوني بس ولا عبالك حيل خايفة طلعن وهو دخل يباوعلي ونظراته بارده مو نفس قبل شويه ستغربت تقرب مني جنت كاعده على الجرباية دنگ وباسني من راسي غمضت عيوني مبتسمه بتعد عني باوع على كل ملامح وجهي گــال ببرود

رسلان ::. مبروك الله يقدرني واسعدج

رفعت عيوني اله صفن على عيوني ابتسمت معرفت ارد عليه بعدها كال روحي بدلي من سوء حظي البدلة جانت متنفتح ضليت بالحمام ندك الباب

رسلان ::. وين صرتي ؟

::. احم البدلة متنفتح

رسلان ::. اطلعي

غمضت عيوني بخجل فتحت الباب جرني من ايدي وكفني كباله ظهري لصدره فتح السحاب حسيت اصابعه تحركت على ظهري جسمي كله قشعر بسرعه لزمت البدلة من الصدر ورحت للحمام سديت الباب وسبحت باوعت على السيت فاتحه حلكي هاي شلون راح اطلع كباله هيج لبست السيت ميتة خجل حطيت عطر وكملت باوعت بالمراية ميتة خجل فتحت الباب وتوجهت انظاره الي بلع ريگه صافن عليه نزلت راسي بخجل حمحم وگال

رسلان ::. تعالي نصلي

هزيت راسي ورحت لبست ازار الصلاة وكفت وراه وكمنا نصلي دعيت ربي يوفقني بحياتي وياه ونعيش بسعاده كملنا صلاة وجاب عشه جنت جوعانة حيل استحيت اكل كباله كمت اكل على كيف طول الوقت نظراته الي نظرات صعبت افسرها كملنا اكل وهنا ردت ابجي اله شويه تقرب من بدون اي كلمة كل ماريد احجي يسكتني من يبوسني جنت اتمنى مثل كل بنية حبيبها يطمنها بس اني العكس صار كالعاده تقرب بدون كلمة تطيب خاطري و تخفف خوفي بتعد وره فتره دموعي على خدي  حسيت باهانه جبيره حسيت نفسي بت ليل اخذ الي يريده منها وعافها بتعد ولبس ملابسه شمر الغطه عليه باوعلي باستهزاء او يمكن يتظاهر بالاستهزاء وكال كلمات كسرت گلبي قبل روحي

رسلان ::. مثل اي كح** راح اخذ الي اريده منج واعوفج

صمت... كلمات بس حسيت روحي راحت بيهن گلبي يوجعني نغزات قوية صفنت عليه ماكو اي ردة فعل لهذا الموقف بعد كلشي عبالي يشاقه باوعتله وضحكت ::. حبيبي شبيك تره مو حلو هذا الشقه

بتسم باستهزاء وكال
::. تؤ تؤ تؤ للاسف مجاي اشاقه

حرگة قوية بعيني وصدري كاعده على الجرباية بدون قطعه ملابس بس الغطه عليه باوعتله بنظره مكسوره وداخلي ينزف ::. ليش ؟

رسلان ::. للاسف بسبب عمج الغالي صار كل هذا

رفعت عيوني باستغراب عن اي عم يحجي ::. عمي منو ؟ ماعندي عم

رسلان ::. لا لا شلون تجذبين حبيبتي هذا عمج جابر الغالي الي ببسبه مات ابوية

ماعرف شنو احجي او اگول جسمي يوجعني والاكثر گلبي حسيته راح يوگف من الوجع الغريب مابجيت ولا عيطت مجرد ساكته اريد استوعب الشخص الي حبيته اخذني علمود ينتقم مني ! بأي قانون هذا الشي باوعلي بالع ريگه جان متوقع ابجي واصرخ بس صار العكس عافني وطلع من الغرفة كمت دخلت للحمام وكفت جوه الماي اريد امحي لمساته كلمته ترن بأذني هيج اني وحده كح** صرت زين اخاف علمود غير شي !
للحظة شكيت بنفسي وبطهارتي في سبيل ابرر موقفه طلعت من الحمام بدون روح باوعت على الجربايه المكان الي حسيت روحي طلعت بيه ضليت افرك صدري في سبيل يخف الوجع بس هذا الوجع بسيط مقارنة بوجع گلبي دخل للغرفة ولا عبالك مسوي شي ولاعبالك كاسر شخص حبه بكل عيوبه
باوعت بعيونه زين ليش؟ هيج هنت عليك ؟ حبيتك وكسرتني ؟ اريد احجي واعاتبه اريد ابجي اصرخ اطلع الي بداخلي بس كتمت عبرتي بداخلي ومن هنا كانت البداية من عذابي من محبوبي !.......

يــتبـــع.....!

<•••••••••••••••••••••••••••••••••••>

طبعاً البارت ١٠٢٠ كلمه تعبت هواي كتابته وسرده حتى اوصللكم البارت باحسن صوره 😞♥️